Bma Aw: 17th February 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 7 Bangalore Mizo Associ ation Pathianni Tin Chhuak Chanchinbu

KEIMAHNI && Kan Patron, Pu Lalrokhuma Pachuau chu Hyderabad a kal pahin Bangalore a rawn tlawh. && Zirtawpni khan Pawsa Lava pawh a rawn haw thla ve leh ta.. && Nimin 16 th February, Inrinni khan Kum 2007-2008 chhunga BMA Executive Committee Meeting hnuhnung ber neih a ni. Parting Social te leh thildang tam tak an rel. Parting Social leh General Body meeting hi March ni 1 ah neih tura ruahman a ni. A hmun tur chu Pathianni leh BMA Aw ah kan rawn tarlang dawn nia. && Nimin Inrinni khan Thahdo leh BMA te chuan Football Friendly match, Shantinagar football ground-ah ropui takin an khel. Tun Inrinni lo awm tur hian khelmual tha zawkah Naga lamte nen inkhel leh turin an inbuatsaih. && Chhinlung Magazine Vol.XIX-na chu paih fel a ni ta. Belhchian turin chhawpchhuah a ni ta e. Sawisel tur tam tak a awm ngei ang, mahse a chhunga thute erawh chu ngaihnawm leh Mizo tana hmasawnna ropui tak turte a ni. Bu khat Rs.50 man chauh a ni a. Lei ve ngei ang che. BMCF INKHAWM PROGRAMME

Pathianni (10th Feb. 2008, 3:00pm)

FELLOWSHIP PROGRAMME

Hruaitu : Area III Changvawn : Thufingte 1:7 ‘Lalpa tih chu finna bul a ni’ Vawiin Bangalore:

Boruak a lum tan deuh. Temperature a san lai berin 30.2 deg C a ni a, a hniam lai berin 18.5 deg C. Vawiin tlai 6:26pm ah Ni a tla ang a, naktuk zing 6:41am ah Ni a chhuak ang.

Date: 17th February 2008

Phek Khatna

Reports Bangalore Mizote thiltawn Pathianni hmasa (10th February) inkhawm naa kan thupuangtu thupuan chuan inkhawmte mi a barakhaih hle. India ram khawpui pawimawh leh lar taka Mizo kalkhawmte hian lehkha chauh nilo hi zirtur kan nei nasa tih chu hai rual a ni ta lo. Inrinni (9 th February) zana Chapchar Kut program zawh, zan dar 11:30 velah chuan Mizote an intibuai nasa hle a. He program hmanna hmun hi Bangalore Mizote kan inkhawm theihna hmun Wesley Biakin bulah a ni nghe nghe a. A bul vela khawsa hnamdang naupang lamin he buaina hi an lo hria a ni. A zahthlak tak meuh meuh a ni. He’ng intibuaite mai bakah hian hmeichhe zu rui buaipui ngai awmte chuan Mizo hmel min ti chhe hle a ni tih thu kan dawng. He’ng intibuaite hi zu rui an ni nual a. Intibuaite thelh tumte pawh chu an lo khawih a, a intibuaiah chuan an tang ve ta zel mai a ni. Chutiang a nih tak avang chuan, thawm nen an ri ta nuaih nuaih mai niin thu kan dawng. Hetianga insual buaite hi Police patrol te chuan anlo hria a. An ni chuan an ti tawp ta a ni. He’ng Police zan patrol te hian he’ng intibuai zinga mite an man thu kan hre lo hlauh. Kan thudawnna chuan he chapchar kut buatsaih hi a hun lo hle a. Zirlai te buatsaih nisi, zirlai exam hmachhawn mek te an ngaihsaklo hle a ni a ti a. Zirlaite tana thawk tur te chuan hetiang ang exam hnaih leh hun dawn tawhah te chuan hetiang ang boruak hi siam awm loh tak a ni an ti. Huau huau leh engemaw boruak siam chak riaute thil huai hawt a ni ang tih chu mi tam zawkte rindan a ni tih thu kan dawng bawk. He Chapchar Kut buatsaihtu Mizo Students’ Association (MSA) hi Bangalore khawtlanga Mizo mipui tam zawkte hriatpui leh pawm pawh nilova, Bangalore Mizo Association te inkaihhruainaa lungawiloten, kum 2005 vela an din niin sawi ani a. Bangalore Mizote lungrual taka awm a, kum kha leh chen Sakhuana leh hnam thila hmun khata inkhaikhawm dial dial kha hun engemaw ti atang khan mi tlemte avangin boruak a lo chhe chho ta a ni tih thu kan dawng. Thalaite, up tak leh muk taka sakhaw miten min kaihruai reng hi a ninawm ti a, thalaite duh anga hun hmante an chak avanga he’ng ang pawlte hi ding a ni, mi thenkhat chuan an ti bawk. Tuna an hruaitute erawh chu naupang zawk leh khami hun hrechiang vaklo an ni an ti. Hemi thil thleng avang hian Bangalore-a Mizo officer awmte leh nu leh pa te rilru a hah hle a. Mizote hming a chhe tak zet a ni an ti. Tunah chuan hmun dil kawngah te leh thil tam takah hnamdangte hmuhsit leh harsatna kan tawh phah thei ang tih an hlau hle a. He thil thlenna hmun hi Goodwill Girls High School niin, Mizote kan inkhawm thinna Biakin, Wesley Church, Coles Park bulah chiah a ni nghe nghe a. CSI chungah kan hming chhe hle ni pawhin a lang. Mizo thalaite hian hun inher danglam tak kan tawng a. Nu leh pate pawhin he’ng hi hriatpuia, ngaihtuahna ka sen thiam a tha awm e. Thalaite pawhin hmalam enin mahni inthunun i zir ang u. (Jt.Ed)

Vol XIII Issue No. 7 Bangalore Mizo Association Pathianni Tin Chhuak Chanchinbu

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Thalaite hian zirtur kan nei. Khawvel hmasawnna in thangtharte a nang a, eizawnna leh thil tam tak umnaah mi kan tlan a lo ngai ta a. Hetiang boruak in lum let vel hi kan hmachhawn thiam a va ngai dawn tak em ve aw. Mizote hi mahni a tla a, mahni thu leh hriatna mai a thil ti tak tak tur chuan kan rilru leh hnam (chhungkua) upat nain a la zir tawk lo deuh ani. Chuvang chuan, a huhova la inkaihruaia, upate zah a, an thu ngaichanga thangtharte kan la awm hi a va ngai tak em. Hnam upa leh fing zawkte hi, an mahni duhdana an khawsak dan anga khawsa ve a, entawn ve tur ringawt chuan kan la tlinlo deuhin a hriat. Vaite hian (chhungkaw pangai tak ami thian nei chuan in hria ang) an nu leh pate an hlauh leh an zah zia hi. Khawthlang lam mite chuan A AW B kan neih hma khan revolution vawi tam tak an lo nei tawh. Taimakna leh thawhrimna avangin hun harsa tak tak an lo paltlang tawh a. Chu’ngte chu kan chungah thleng tawh lo mahse, i ngaihtuah thleng pha ang u. Kan phak tawk leh mil tawk deuh zela khawsak leh changkang zawk si a rilru put thiam hi i zir ang u. Hmasawn leh puitling lam zel pan tur kan ni dawn lawm ni, mizote pawh hi!?(Jt.Ed)

Date: 17th February 2008

Phek Hnihna

Chhandamna tluantling chang turin

Pian Thar A Tawk Lo Hman deuh va YMA General Conference, Champhaia a awm tum khan, a kalve pakhatin a sawi danin, Tripura-a kan Mizo IAS officer, Pu Sailiana Sailo chu, Tripura group YMA aiawhin a palai ve a. Chutih lai chuan Tripura sorkarah Secretary to the Government a ni awm e. Champhaiah chuan IAS officer dang, a rualpuite nen an inkawmnaah, a thiante chuan, “Pu Sailiana chu senior IAS I ni ve a; MST bus-ah ilo chuang thleng ve ngawt mai a. I inhmeh tawh hlei nem mawle! Motor te pawh rawn ken ve tur a lawm,” tiin an fiam a. Ani chuan, “E! Nangni chu Mizoram, Kristian ramah in awm a. Engkin in ti thei a. Tripura chu Kristian ram a ni ve lo va, thil hi dik deuhva tih an phut tlat. Sorkar motor te hi mahni mimal thila hman mai mai an phal hlei nem. Thil diklo chu an ngaithiam ve riau lo,” tiin a chhang a ni. Fiamthu a ni naa, a nuihzatthlak lem lo. Kan Kristianna hi Kristianna danglam tak zawng a lo ni e. He harh tharna ramah hian corruption te hi a tlangnel em em mai a. Ngaiah kan neih zo tawh a, mak pawh kan ti tawh lo. ‘A dik’ hi mak kan ti zawk mah tawh a. Mi dik deuhte chu ‘inti fel’ kan ti a, kan ngei zawk zel tawh a nih hi. Thil diklo sawiseltu leh khingtu phei chu, a ti dik lotu ai mahin kan dem zawk thinte pawh niin a lang. AIDS vei lah chu kan pung tual tual a, thisen test loh ho zingah hian eng anga nasain nge kan inkai darh taw hang tih hriat a ni bawk silo. Hmeichhiat mipatna kawngah lah hian kan awlsam thin ang reng hle mai bawk si a. Silchar kawng dunga motor lian khalhtuten nuthlawi leh mi nute sumdawng awmdan an sawi thenkhatte chu, ngaihthlak hrehawm tak tak, sawi leh chhawn ngam pawh ni lote a ni nawk mai. He pian tharna ramah hian drugs ngawl veina leh setana hnena inthawi tih vel lah chu an mikhual tawh lo hle mai bawk si a. Kan thalai duhawm tak takte hi a nung chungin an tawih mek a ni a. Riltu hi a nuam thei tawh lova. Mi pangngai nih ve a, ngaihtuahna tlemte tal han hman ve hi chuan mang a ang tak zet ta a nih hi. Hetiang kan nih tawh mek laia, kan thil sawite hi a thim zawnga thil thlirna maiah kan inpuhsak a, kan la inhmu eng zel thei a nih chuan, ‘thim’ kan tih ve chu eng ang tak ni ang maw? Pathian thinlung na, Jeremia hmanga au chhuak chuan, “Ka mite hliamte chu, ngaihsam takin, ‘ A tha alawm, a tha a lawm,’ tiin an thawi a, a tha hauh silo va,” a tih kha le! (Jer.6:14, 8:11). Kan Kristianna leh sualnate hi an inhal lo bik riau nge, malaria hrikin damdawi nazawng an haw lo ang hian, kan ram sualnate hian pian thar leh harhnate hi an haw lo hle em maw ni zawk dawn le? Nge kan Pathian thu kalpui dan leh insirtirnate hi ennawn a ngai ta zawk? (He thu hi ‘Chhandamna tluantling chang turin Pian thar a tawk lo’ tih lehkhabu, Lalhmingchhuanga Zongte ziah, First Edition 2005, Bung I-na atanga lakchhuah a ni e.)

Piantharna dik chang tak tak chuan, chhandamna thu baka tuipui hi a nei thei lovang. – Rev. Vanlalnghaka

Vol XIII Issue No. 7 Bangalore Mizo Associ ation

Pathianni Tin Chhuak Chanchinbu

BANGALORE CHANCHIN

MIZORAM CHANCHINTHAR

&& Bengaluru International Airport (BIAL) chu peih thawhkhat a ni ta a. Tunah hian enchhinna nei turin an inruahman mek a ni. Enchhinna hmasa ber chu March thla kar hmasa bera neih tura ruahman a ni. Enchhin nan March ni 7 ah Thlawhna tum tir a ni ang. Deccan chu tum tir chin hmasak ber tur a ni a. March 7 zing dar 10 ah HAL atangin a chhuak anga, minute 30 hnu ah media lam mi phur chungin Airbus A320 chu BIAL ah hian a tum chhin dawn a ni.

## MLA Pu Zodintluanga, Buarpui bialtu chuan Rs. Nuai 3.4 vel senga a lei khawm buhfai chu a bial huam chhunga khaw hrang hrang a sem atan Thawhlehni February ni 2 khan a pe. He’ng buhfai te hi Lungsen khaw huam chhung leh khaw hrang hrang 16 a sem tura tih a ni.

&& Hmanlaia Bangalore chu Pub leh lam te, Live band te tih phalna hmun a ni a. Tunah chuan lamte chu khap a ni ta. December 2005 khan Police lam ten bar leh lamna hmunte chu license siamthar tir turin dan an siam a. Chu chuan thildang dang a kangkai ta zel niin a lang. Mipuite chuan hei hi an duhlo hle. && Auto fare, Rs.12-a kilometers 2 kal thin kha, a chuan man an tihsan tak avangin Rs.14 chu minimum a lo nit a a. Chuti chung chuan Auto driver te kal duhna leh kalduhlohna chuan awmzia a nei pha chuang lo a, ala ngai reng niin an hria. 30% te chu kalna torah an kal duh zel a, 25% te chuan kal duhna bik an nei. 25% dang chu bus station ah te, rel station leh Majestic lamah an tei kual vel a, 20% te chu hotel leh office bul hnaiah an kual vel mai mai. && Misual rual chetdan leh, mahni inthat chanchin hriat tur a awm reng a. Chutih laiin motor avanga kawngpuia chetsualna pawh hriat tur a awm a awm reng bawk. Rukruk, mi rawk leh suam te pawh a awm reng. && Zirlai thenkhat exam lai ani.

## February ni 11, Thawhtanni atang khan Leithum khuaah Tuipuiral YMA Conference neih a ni a. Chuta an rorelte chu: Tuipuiral Group YMA huam chhunga Pi leh Pute sulhnu chu, YMA ten an enkawl a nih hlawm avangin enkawlna tura sum sanction a awm a nih chuan Party mite induhsakna atana hmang lovin, a theih chen chen YMA te kutah hlan ni rawh se, Tuipuiral huam chhungah Indian Reserved Police Out Post pakhat tal sorkarin dah rawh se, Tuipuiral huam chhunga Middle leh High School ah Cultural Instructor a tam thei ang ber dah ni rawh se, Farkawn atanga Tiau Road KM 4 chauha hla, Rs. Nuai 40 sen ral tawh hi a la tlang thei lova, he kawng laih chhunzawmna atana Rs. Nuai 10 sanction leh hmang hian Tiau thlengin laih tlang ni ngei rawh se. Champhai atanga Khawbung Road, Asian Development Bank sum hmanga chei tura tih hi sorkarin chak takin hma la rawh se, Electric Bill dik tak pek a nih theih nan pekna mumal zawk sorkarin min ruahman sak rawh se, Tuipuiral Group YMA leh Environment & Forest Dept. in thawhhona a kalpui mek hi awmze nei leh mumal zawkin duan ni rawh se. Tiau lui dunga nungchate humhalh turin nasa zawka hma lak nise, Myanm ar ram chhung Tiau lui depa awmte nen inpawhtlang taka thawhho dan tur kawng dap ni se, tihte an rel.

Date: 17th February 2008 Phek Thumna

## Union DoNER Minister Pu Mani Shankar Aiyar chuan nimin Nilaini, February ni 13 khan Lawngtlai atanga a lo haw lamah Lengpui Airport-ah chanchinbu mite a kawm a, Mizoram chhunga Chakmate’n sorkar laipuia Union Territory (UT) an dîl chu a dodal thu sawiin, "Mizoram hi pakhat chauh a ni tur a ni," a ti. Pu Aiyar chuan, Chakma khaw pakhata vantlang inkhawm an neihnaa an banner tàrah, Chakma tan UT an duh thu an lo tarlan thu a sawi a; mahse Chakma tana inhung hranna bik tur UT pek a remtih loh thu leh, Mizoram chu thendarh a phal loh thu a sawi a. Tun tuma Mizorama a lo zin chhan ber chu Mizoram chhim lama hmasawnna hnathawh dan tur leh, Kolodyne (Chhimpuitui) lui kaltlanga Myanmar nena insumdawn tawnna tura hmalak mekte a hmuna enfiah a nih thu a sawi. (source:Vanglaini) ## MPC President Brig. T. Sailo chuan nimin khan an party officea excutive meeting-ah thu sawiin, Mizoramah an party-in sorkarna chan a mamawh thu te, party mipuite sorkarnaa hruai thlen ngei a beisei thu a sawi a. Tunhma atanga a lo thawhpui tawh thin, harsatna hrang hrang vanga chawltate leh party danga awm tawhte chu MPC-a kir leh vek turin ngenna a siam. (source:Vanglaini) ## Sairang khuaa ‘Lalthanhawla Play Ground’ laihna tura bulldozer dah tawh chu, a laitu tura pek MNF pakhat, Rs.50000/pawh pek tawh chu, MNF lam thuneitute thu hmua insawiin a laih theih dawn loh thu a sawi a. Hei hi hrethiam lovin Sporting club leh mipuite chuan Dozer chu engtikawng maha laksawn an phal loh tur thu an sawi.

Vol XIII Issue No. 7 Bangalore Mizo Association

Pathianni Tin Chhuak Chanchinbu

ADVERTISEMENT

Rs.3000 + Rs.250 Rs.6000

EPL January Transfer window:

Advance – Rs.9000 (Refundable) Contact: Phone: 080-25483203 080-25485403 / 25805760 INFIAMNA $$ Nimin Inrinni khan BMA leh Thahdoten Football Friendly Match ropui takin an khel: Ni kum lamah an lo inkhel tawh thin a. Tun tum hian inkhelhna hmun tura ruat lawk, a man pawh pek tawh chu, alo ruak loh avangin Shantinagar field lamah an insawn ta a. Zing dar 11 a inkhel tura ruat chu remchanlohna avang chuan Chawhnu lam dar khatah an inkhel thei ta a ni. Inkhelh hun chhung chu minute 35 ve ve an ti a. Referee turu leh chhuanvawr D.Dawnga’n he match ropui tak hi a thunun a. Match an tan hnu rei lutuk lovah chuan Thahdo lam chuan BMA lam ah chuan an pet goal ta. Vice President goal ven a ni tih an hrelo. An han ti tak tak a, nakinah chuan BMA lam chuan Zorema goal hmangin an han sut ve leh a. Ni a sa tha bawk a, inkhel pawh a tang at at hle. He friendl y match hi BMA lam chuan an thunun hle a, mahse an ti goal theilo hle thung. Nakinah chuan Thahdo lam chuan goal 2-na an thun veleh. Tan hmun inthlak a lo hun ta. Minute 15 vel an chawlh hnu chuan, inkhel an tan leh ta a. Tan hmun inthlak hnu chuan BMA lam chuan goal 2 lai maiin hma an hruai ta a. BMA lam hi team 2 daih an ni a, Thahdo lam pawh tlem deuh zawk mahse, a chhuak tawh pawh luh nawn phal a ni. Hun tawpah chuan Thahdo 5-4 in an chak ta a ni.

Phek Li na

English Premier League: Sat 23rd February 2008 Birmingham v Arsenal Wig. Athletic v Derby County Fulham v West Ham Utd Liverpool v Middlesbrough Portsmouth v Sunderland Newcastle v Man Utd Sunday 24th February 2008 Reading v Aston Villa Blackburn v Bolton

Room Available For Working Women In Cox Town This apartment has well-furnished double and single bed-rooms with attached bathrooms. It has common living room, kitchen and dinning room. For Sharing room Rent For Single room Rent -

Date: 17th February 2008

06:45 08:30 08:30 08:30 08:30 10:45 06:00 08:30

Middlesbrough OUT: Andrew Davies (Southampton, undisclosed) Newcastle United IN: Ben Tozer (Swindon, undisclosed), Tamas Kadar (Zalaegerszegi, £900,000) OUT: Tim Krul (Falkirk, loan extension) Portsmouth IN: Danijel Subotic (Basel, undisclosed), Lassana Diarra (Arsenal, undisclosed), Lucien Aubey (Lens, loan) OUT: Matthew Taylor (Bolton Wanderers, undisclosed), Djimi Traore (Rennes, loan) Reading IN: Marek Matejovsky (Mlada Boleslav, undisclosed), Radoslav Vasilev (Slavia Sofia, undisclosed) OUT: John Halls (Crystal Palace, loan) Sunderland IN: Jonny Evans (Manchester United, loan), JeanYves M'Voto (Paris Saint-Germain, undisclosed), Phil Bardsley (Manchester United, £2million), Rade Prica (Aalborg, £2million) OUT: Stanislav Varga (Burnley, loan) Tottenham Hotspur IN: Chris Gunter (Cardiff City, undisclosed) OUT: Ben Alnwick (Leicester City, loan), Philip Ifil (Colchester United, undisclosed), Hossam Ghaly (Derby County, loan) West Ham United OUT: Hogan Ephraim (Queens Park Rangers, undisclosed)

BMA Office Bearers: President : Pu K. Lalrokima Vice President General Secretary : Mâdawnga Hauhnâr Asst.Gen. Secretary Treasurer : Blessy Sailo Assistant Treasurer Secretary i/c Sports : Joar Panzela Secretary i/c Cultural Secretary i/c Academic & Human Resources : Lalrothara Tlau

: Rev. PC Lalduhawma : James Lalrintluanga : Thaarie Hnamte : Obeda Lalhuliana