Bma Aw: 24th February 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 8 Bangalore Mizo Associ ation Pathianni Tin Chhuak Chanchinbu

KEIMAHNI && Nimin Inrinni khan Mizo Engineer zirlaite chuan Sports Meet (Football) chu Mandya-ah an nei a. Kal an thahnemin an hlim hle. (Reports lehlama hi aw) && Kan member Mary Lalhriatzuali pawh Mizoram lama a haw chho chu nimin khan a lo chhuk thla leh ta a. A haw chho chu a han tluang vel vek niin thu kan dawng. && BMA Parting Social leh General Body meeting March ni 1 ah neih tura ruahman a ni. A hmun tur chu ECC Hall, UTC a ni ang. Lunch tui tak hun danga kan la ei ngai vakloh buatsaih tura ruahman a ni e. && Nimin Inrinni khan Naupang Sande Sikul te chu an zirtirtute nen Fun World lamah kumtawp intihhlimna hun ropui tak an hmang. (Report phek hnihnaah) && Chhinlung Magazine Vol.XIX-na lei tur ala awm a. Bu khat Rs.50 chauh a ni e. Thlalak a tamin, thuziakte a ngaihnawm hle a ni. He’ng bakah hian, Mizote rilru sukthlek zawng hriatna atana sawihona leh data lakkhawmte hi an tangkai dawn hle a ni. BMCF INKHAWM PROGRAMME

Pathianni (2nd March 2008, 3:00pm)

NUHO PUAL PROGRAMME

Changvawn : Isaia 53:5 ‘A vuakna vualtea tihdamin kan awm ta’ Vawiin Bangalore: Boruak a lum tan deuh. Temperature a san lai berin 31.7 deg C a ni a, a hniam lai berin 17.7 deg C. Vawiin tlai 6:28pm ah Ni a tla ang a, naktuk zing 6:38am ah Ni a chhuak ang.

Date: 24th February 2008

Phek Khatna

BMA PARTING SOCIAL & GENERAL BODY MEETING 2008 A Hun A Hmun

: :

1 st March 2008, Inrinni 3.00pm ERC Basement, UTC.

Tunkar Inrinni lo awm tur hi, Bangalore Mizo Association ina kumtina a lo neih thin, Parting Social leh General Body Meeting, kum 2008 atana a neih hun a lo ni leh ta a. He hun hi Bangalore atanga zirna emaw hna emaw avanga chhuak tawh turte thlahna ni pahfawmin, kumthar 2008-2009 chhunga BMA hruaitu turte thlanna neih ni a ni a. Member te a tam thei ang ber kal turin kan in ngenin kan inhriattir a ni e. A hmun tur hi nikum lam pawha kan lo hman tawhna a ni a. Program tan hmain lunch eitur tuihnai tak buatsaih a ni dawn a. Hei pawh hi remchang takin UTC Mess hall kan hm ang dawn a ni. Lunch hi chawhnu dar 1:45 ah eitan tur a ni ang a. Dawhkanah, hundanga la buatsaih ngai vak loh chawhmeh tui tak tak eitur buatsaih chu kan ei dawn a ni. Ei man hi a tlawm deuh zawka tihtura ruahman a ni bawk. Program kimchang tak duan a ni tawh a. Hun hi a reilo thei ang bera hman tura ruahman a ni a, chutih lai in a hlimawm thei ang ber tura siam a ni bawk. Item s chi hrang hrang, Bangalore Mizo te punkhawm na ah chuan la tih ngai vakloh te pawh tel tura beisei a ni. Kan hun hi Vice President Pu PC Lalduhawma leh kaihruai tura ruat ten an kaihruai ang. Refreshment tui tak a awm bawk ang. Bangalore Mizo Association, kum 23 zeta upa tawh, hun pawimawh tak mai hi member ten hman theuh kan tum dawn nia. A tam thei ang ber i kalkhawm ang u. Reports

Karnataka Mizo Engineering Sports Meet Nimin Inrinni, February ni 16 khan Mandya hmunah UVCE, Dr.AIT leh PES Mandya a Engineer zirlaite chuan Sport meet an nei. Nikum lamah hetiang hun hi Football leh basketball khelin an lo hmang tawh a. Kuminah erawh chuan football chauhin inelna te an nei thung a ni. Nikum lama an hmanna hmun Mandya ah bawk an nei leh a. Kal an thahnemin an hlim tlang hle. UVCE atangin zirlai 24 an kal a, Dr.AIT atangin 27 an kal bawk a. Tin, a thlengtu lam, PES Mandya pawh mi 50 chuang lai an ni bawk. A thlengtu PES Mandya ten an thleng zo bawk a, hun an hmang nuam hle a ni. Zing dar 10 velah chuan Sport Meet an hmandan tur te relin an thukhawm a, an rel zawh chuan dar 11:55 ah inkhel hmasa ber chu an tan ta a. Nilenga hun hmangin tlai lam dar 6:00 velah an zo fel thei ta a ni. (… phek hnihnaah chhunzawm a ni e)

Vol XIII Issue No. 8 Bangalore Mizo Association Pathianni Tin Chhuak Chanchinbu

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Thil hmuh leh hriatte hi sawiloa awm a har. Tum khat chu, Bangalore-a awm thlak tirh deuh hi a ni a. Thiante, rimawi lama eizawnna zawngte chuan an awmna lam an duh vakloh deuh avangin In luah tur in awmna velah min lo zawn teh an ti a. Hmuh ngei tumin ka zawng a… zawng nasa tho e tilo chuan kan awmna area te chauh chu ka kal kual a ni. In pahnih lai maiah chuan Mizo chu an In luah atan an duhloh thu min lo hrilh ta mai. Bangalore awm hlim deuh a ni bawk a, rilru a hrehawmin zahthlak ka ti ngei mai. Chumai nilovin, thiante kuhva lei thinna pa chuan Mizo nula 1 leh tlangval 1in a pawisa Rs.2000 leh Rs.1500 an batsak thu a lo sawi bawk a. A thim lam zawnga thil tawnte thlir chuan a khirh thin hle mai. Thildang daih, Rilru nghet leh chhia leh tha hriatnate chiang taka hmang thei turin taksa i sawi zawi ang u. Khawiah pawh lehlama awr sena, lehlama awr dum lovin, mihring mipuitling nih i tum ang u. Mizote kan dinnaah kan nghet lo hle thin a. Mite hmaizah leh engemaw avanga midang inkara tei kawi tei kawi lovin, thu bul neiin, nghet takin a hmasawn zawngin i ding ang u.(Jt.Ed)

Date: 24th February 2008

Phek Hnihna

(… phek khatna a mi report chhunzawmna)

An inkhelh dan indawt leh result chu hetiang hi a ni. Mandya A 2-1 Dr.AIT A UVCE 3-1 Dr.AIT A Dr.AIT B 3-0 Mandya B Mandya A 2-1 UVCE Match khat hun chhung hi minute 30 ve ve in an ti a. Chawlh hi minute 10 vel an hmang bawk. Khelh hmasak ber an khelh zawh hian lunch break an nei a. Tun tum an inelnaah hian PES Mandya-te chuan point an hmusang bera, a dawtah UVCE te niin, Dr.AIT te chu pathumna an ni. Inkhelh tawp lamah UVCE te hi chaklo thei dinhmunah an ding mek a ni tih an in hre ta. Chutah an forward Johnson chu goalkeeper turin a inpe. A khel tha ta em em mai a. Tumah mai chuan an pet goal thei ta lo tluk a ni. Ani hi alo in zep ru nge!? Forward atana tha bawk, goalkeeper atana tha bawk a lo ni reng mai tih he hunah hian an hriatchhuah phah ta a ni. An inkhelhna hmun hi PES Mandya College khelmualah a ni a, a zau thain, a hmun pawh a rem hle a. Ni erawh a sa tha duh deuh tih a ni. A thlengtu lam ten Refreshment te an buatsaih vek bawk a. Dr.AIT leh UVCE atanga kalte an chungah an lawm hle a ni. Hlim tak leh tluang takin hun an hmang. BMCF SUNDE SIKUL INTIHHLIMNA Nimin Inrinni (23 rd February) vek khan Bangalore Mizo Christian Fellowship Sande Skul ten kumtawp intihhlimna ropui leh nuam tak Fun World lamah an hmang. Naupang te chu an zirtirtute hovin Fun World lamah an inkawi phei ta a. Thudawnnain a sawi danin, naupang aia tui hleuh nasa leh nuam ti zawk chu an Zirtirtute an ni a ti. A hla zawk atanga kal te phei chu a hnai zawkte aiin an thleng hmasa a. Naupangte leh zirtirtute an phur tlang bawk a. An vaiin mi 37 vel an kal a ni. An zirtirtute hian hmun mawi leh hmuhnawm tak tak an enpui bakah tuiah reife an chenpui. Mahse, a lan danin an zirtirtute lamin an tuar deuh zawk mah emaw tih tur a ni.

Kan lawmpuiin, duhsakna kan hlan a che u. $$ Kan member Lalpektluanga Colney, Final year BE (Civil), tuna PES Mandya a zir mek chuan Billimuoria & Co, Mumbai ah hna a hmu a. A zir zawh veleh a zawm nghal dawn a ni. $$ PES Mandya college a final year Civil Engineering zirlaite result a chhuak hlawm a. An vaiin 1 st division ah vek an passed a ni. $$ Kan member, Samuel Lalrozama pawhin naktuk Thawhtanni hian Ministry of Civil Aviation hnuaiah, Heavy Aircraft License exam a nei dawn bawk % Vawiin tlai ni tlak hma hret hian Saturn chu lei a hnaih ber lai tur niin a eng hle bawk ang. Zan dar 10 atanga zing dar 2 velah phei chuan hmuhnawm tak a ni dawn. Tun bak hi chu kum 2015 ah a thleng leh chauh dawn ani. % Naktuk zing dar 6 hian Academ y Award, Oscar tih bawk thin kha, Star Movies chuan a LIVE dawn a. Film lama tui mi tan chuan hmaih chi a ni lovang.

Vol XIII Issue No. 8 Bangalore Mizo Associ ation

Pathianni Tin Chhuak Chanchinbu

BANGALORE CHANCHIN

MIZORAM CHANCHINTHAR

&& Home department lam chuan Bangalore a pubs te chu, zan dar 11:30 a khar ni thin chu, tunah chuan zing dar 1 thleng hawn a phalsak an nih theihna dan tur a ruahman sak mek.

## February ni 18 (Thawhtan) khan Millennium Centre-ah Punjab National Bank branch thar chu Rajya Sabha MP, Pu Lalhmingliana'n a hawng. He PNB bank branch thar hawnnaah hian Mizoram sorkar-a Trade and Commerce Secretary, Pu Vanlalhuma chu Khualzahawm a ni. PNB office hawnnaah hian PNB Zonal Manager (NE), SK Kalra chuan bank hawn a nih atanga thla ruk chhung atan zirlaite tan educational loan, a pung awm lova an tihsak tur thu a sawi a. "Mizoramah hmeichhe dawr nghak te leh sumdawng tam tak kan hmu a, anni tan hian business loan 50%-a a interest tihniamin pek kan tum a ni," a ti bawk.

&& Karnataka Gadi Horata Samiti chuan February ni 24 hian state pum huapin Railway Minister Laloo Prasad duhlohna an entir dawn. Rel che vel tur dan leh Laloo-a lem siam hal te chu an tum a ni. He an thil tih tum hi rel ticket booked na hmun leh rel station ah te neih an tum a ni. && Ningani khan Students Islamic Movement of India (SIMI) member, electrical engineer Yahya (32) chu state chhunga dan lo anga che nia hriat avangin man a ni. && Karnataka Governor Rameshwar Thakur chuan mipuite tan Sakrama scheme an tih chu a tichhuak ta a. Ram, a hmun tur anga hman loh, eg. Lo neihna tur nisi, lo nei leh lote, chhungkaw awm na tura neih nisi dawr emaw industry bunna atana hmangte, hremnaa an chawi tur chu 80% laiin a tihhniam sak. && Zirtawp zan atang khan truck driver te chu an nawrh avangin an hna an chawl a. Taxi, maxi cab leh private bus te chuan zawm ve an tum a ni. Hetiang a nih a, state dang atanga eitur, bungrua leh mamawh rawn phur lut tur an awm loh chuan harsatna thleng mai thei tura ngaih a ni. && February ni 24 atanga si amthat hna an zawh hma chu T.Chowdiah Rd leh Palace cross rd chhungah parking leh motor kaldan tihdanglam a ni dawn a. He hna hi BBMP lam chuan ni 45 chhunga zawh hman an inbeisei thu an sawi. International Airport panna kawng hmalakna zel a ni.

## February ni 18 (Thawhtan) zing khan Rs. 1,250,000 leh Eye Operation set te chu Presbyterian Hospital, Durtlang hnenah hlan a ni. Health & Family Welfare Minister Pu R. Tlanghmingthanga chuan sorkar laipui atanga dawn te chu Synod Hospital aiawh Director Dr. Lalremthanga hnenah a hlan. Mit enkawlna lama Presbyterian Hospital hnathawh hi nikum khan NPCBah thlen in, Grant-in-Aid dilna thehluh nghal a ni a. NPCB chuan pek tlakah ngaiin, cheng nuai 25 pek a remti a; tunah hian cheng nuai 12.5 pe phawtin, 12.5 dang chu hnathawh dan azira pek leh tur a ni. Synod Hospital hi State Blindness Control Society, Mizoram chuan Eye OT bed, chair leh Disposable Cataract set, Rs. 1,50,000 hù a pe bawk. Synod Hospital-ah hian kum 2006-07 chhung khan target mi 1,000-ah mi 1,443 cataract zai thatsak ni in, mita lens phûmsak target 900-ah mi 1,353 zet an phûmsak a. A pumpui thu-ah mit tha lo mi 18,856 an en tawh a, chung zinga

Date: 24th February 2008 Phek Thumna

3,432 chu an zai tawh a; Mit paw, mi 3240 an zai tawh bawk a ni. ## February ni 19 (Thawhlehni) khan Lammualah SSA Mission, Mizoram leh International Alliance for Youth Sports (IAYS) te chuan ‘Game On! Youth Sports’ an hmang. He hun hi IAYS President leh CEO, Fred Engh chuan baloon chhuahin a hawng a; Mizoram chhunga SSA Sports Academ y hrang hrangte'n an thiamthil an entir. Si kul naupang thahnem tak an pungkhawm a. Fred Engh chuan Game On! Youth Sports chu naupangte'n an zirna páwn lam thleng awh thei tur thiamna famkim an neih nana duan a nih thu a sawi. (source:Vanglaini) ## Mizoram khaw hrang hrangah 'Ram tana chawnghei tawngtai' neih a ni a. Tunah hian khaw hrang hrangah Joint Committee dinin hma an la mek zel a ni. Aizawl, Lunglei, Serchhip, Haulawng, Kolasib, Tlabung leh khaw hrang hrangah an nei tawh a, an nei mek zel a ni. Tin, mimal thahnemngai tak tak te leh kohhrana pawl(fellowship) hrang hrang ten phak ang tawkin kan ram siamthat lehna tur hian hma an la mek zel a. Tunhnai maia Mizoram Thalai Kristian Pawl(MTKP) rorel chuan, Mizoram Baptist Kohhran hnuaia thalai zawng zawng ten 'ram tana chawnghei tawngtai' neih an rel bawk. Zoram vei avanga Pathian au hi an pung tulh tulh a. Tuna kan tarlan bakah pawh hian m i tam takin hma an la mek zel a ni. ## February ni 21, Ningani khan Centre for Peace and Development (CPD) leh Impulse NGO, Shillong te chuan Mamitah mihring hmanga sumdawnna hluar zel tur invenna lam zir hona an nei. Pi Angela Ch. Ralte, Secretary CPD chuan kalkhawmte a zirtir.

Vol XIII Issue No. 8 Bangalore Mizo Associ ation

Pathianni Tin Chhuak Chanchinbu

ADVERTISEMENT Room Available For Working Women In Cox Town This apartment has well-furnished double and single bed-rooms with attached bathrooms. It has common living room, kitchen and dinning room. For Sharing room Rent For Single room Rent -

Rs.3000 + Rs.250 Rs.6000

Advance – Rs.9000 (Refundable) Contact: Phone: 080-25483203 080-25485403 / 25805760 INFIAMNA Mizo infiammite Mizo infiammi te hi India ram hmun hrang hrangah kan inthawn chhuakin intihsiaknaah pawh kan tel tam ve ta hle mai. A bikin football-ah phei chuan, kan in tui hmuh nasa ang reng bawk a, goalkeeper tur leh defender tur in zawn ngai khawpin a pet goal tu bera tan kan inchuh a ni a. India ram club lian tak takah pawh kan lang ve ta nuk mai. Mizo infiammi te hian tlakchham lian tak kan nei- Insumtheihna kan tlachham a, a chakna leh a game ropuina aimah khan a dress leh a behbawmah kan buai hma bik. He’ngte hian kan Mizo infiammite, thiamna tha zawk bawk, rilru lama huai zawk bawk chu India rama kan hotute rilruah a tlakhniam tir phah ta thin a ni. Hemi bakah hian tlakchham lian tak kan la nei. Chu chu hei hi a ni- hnamdang zinga khawsak dan tawk kan thiam lo. Kan hnam a naupang a, hnam lar leh changkang, hnam ropui tak kan nih lem loh avangin India mite hriat vak kan nilo. Kan tribal nihna avangin an ni hnam upa leh lian chuan min lo hmusit deuh ngei ta a… hemiah tak hian an zinga khawsak danah keimahni zawk in adjust tur kan ni tih hi inhre chiang ila. Hemi avang tak hian mahni ah tan pawh la nasa ila. Hnamdang hi chuan an tlukloh zawk chu an ensang nghal mai thin a ni.

Date: 24th February 2008

Phek Li na

English Premiere League point dinhmun: (as on 23th February, 10pm) Position 1 2 3 4 5 6 7 8 9 10

Club Arsenal Manchester United Chelsea Everton Liverpool Aston Villa Manchester City Portsmouth Blackburn West Ham United

Played 26 26 26 26 25 26 26 26 26 25

GD 36 36 21 18 23 14 5 10 -1 7

Point 63 58 55 47 44 44 44 41 39 37

English Premier League: Zanin inkhel turte: Reading v Aston Villa Blackburn v Bolton

06:00 08:30

Saturday (1st March 2008) Zan inkhel turte Derby County v Sunderland 08:30 Mid’brough v Reading 08:30 Bir’ham City v Tottenham Hotspur 08:30 Arsenal v Aston Villa 08:30 Fulham v Manchester United 08:30 Newcastle v Blackburn Rovers 08:30 West Ham v Chelsea 08:30 Man City v Wigan Athletic 10:45 @ Vellore lamah kan zuk kal lawk a ni. Tunlai hi rangkachak man a tlahniam e an ti a. A zia khawp mai, thlangra leh rangkachak Rs.150 man kan lei. – Pu Rengpuia & Pu Zira @ Tunlai chu ka inla cool deuh a, ‘papa kehte hain’ tih hla hi ka hla duh ber a ni tlat. – Obeda Beauty Planet chuan tuna Lady’ s salon a neihna chung chiahah Unisex salon, 1st March atang hian a hawng thar dawn e. A kal hmasa te chuan vanneihna bik an chang thei ngei ang. *Sony Complex* Jaybharatnagar, Banaswadi Main Road Phone: 98867 38975 / 97400 67882

BMA Office Bearers: President : Pu K. Lalrokima Vice President General Secretary : Mâdawnga Hauhnâr Asst.Gen. Secretary Treasurer : Blessy Sailo Assistant Treasurer Secretary i/c Sports : Joar Panzela Secretary i/c Cultural Secretary i/c Academic & Human Resources : Lalrothara Tlau

: Rev. PC Lalduhawma : James Lalrintluanga : Thaarie Hnamte : Obeda Lalhuliana