Bma Aw: 30th November 2008

BMA ÂW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol. XIII Issue No. 47 Bangalore Mizo Association Pathianni chhuak chanchinbû Date: 30th Nov. 2008 BMA Silver Jubilee Fund Raising Committee-ina Lucky Ticket an siam chu tûn Christmas, Dec. ni 25 khian vâwr a ni dâwn a, thahnem ngai taka lei tûrin kan inngên e. Hemi rual hian BMA Ball Pen chêng 10 man pawh lei tûr a la awm.

Tlangvâl fel leh Nula fel chawimawina chawitû

Lalêngzuala leh Jennifer Lallawmpuii pachuau

►Chhînlung 2007-2008 hralh bâng tlêm azâwng a la awm a, kan lei duh anih chuan Biak In kawtah pho chhuah a ni ang. Copy khat chêng 50 man a ni. Kâr hmasa lama Bangalore Mizo nula leh tlangvâl fela kan thlan chhuah Zualtêa leh Jenny-te hi BMA ÂW Editorial Board-in Interview kan neihpui ► BMA-ah hian engtik lai mêk a, rokhawlhna avângin tûn tum issue-ah hian kan chhuah thei lo va, pawhin a in register theih reng lehpekah rawn chhuah kan tum dâwn nia. Ruah pawhina a la thâm loh an a, a duh chuan tlangvâl thukhawchâng ngaihnawm tak takte chu nghâkhlel takin lo nghâk phawt Lalêngzuala biak mai tûr a ni. mai teh u khai! __________________________________________________________ ► Nilaithawhtan khân Bible zirlai mizo tlangvâl pakhat Lalpa zanriah sacrament leh BMCF - Pu B. Kâpthuama chuan rêl kawnga ban phun (signal) a phawi avângin ‘BMA AW’ November 16 issue-ah Rev. Vanlalchhawna’n BMCF leh rêlkawng hnathawktûte chuan Lalpa zanriah chanchin a rawn ziak a. Memberten kan dinhmun chu kan nilêngin an hrêng a, BMA hrechiang thawkhat hle tawhin a rinawm e. Kum 1994 hmalama BMCF hruaitûte biak sakna zârah inkhawm ho chuan Lalpa zaniah hi hlim takin an lo kil ho tawh thin niin tlailam khân chhuah leh a ni. Mî an sawi a. Mahse tuna kan dinhmun chu, memberte kohhran pawl hrang ramâ khawsâ kan nî a, hlei taka hrang, tih dan inang lo tak tak kan nih hlawm avangin, kan zavaia khawsak hi a hlauhawm tih inlungrualna leh inpumkhatna atan tha zawka ngaiin, sacrament hi neih hrerengin chîn loh a tha hlê. loh mai a tha zawk e kan ti a, kan nei chhunzawm ta rih lo a ni. Bible thu atanga kan dinhmun sawichian nan Chanchin Tha Johana bung 17:21-13 ► Nimin Zirtâwpna Dt. 28. thu leh, tirhkoh Pawla’n Korinth kohhranho Lalpa zanriah kil chung Nov. 2008 kha Kan Vice changa a fuihna leh zilhna thu (1 Korinth 11:27-29) tarlan a ni a. President Pu Josiah L. Râltê Birthday a nî a, ropui takin an Bangalore-ah kum 1998 tawp lamah kan nupa-in kan lo awm tan ve a. lâwm niin Editorial Board chuan Mahni awmna veng leh remchang kan tihna ber Kohhranah chawlhni thû kan dawng. apiangin kan kai ve mai thin a. An tihdan ang ang zawmin thla thar ni khat zing dar 6 ah leh chawlhni hmasaberah Lalpa zanriah kilhona kan nei ve mai thin a. Chutih laiin BMCF inkhawma mahni mi leh sa leh BMCF Inkhâwm Programme rawngbawlpuite nen ngeia sacrament han kil ho pawh kan chak hle thin. 7th December, 2008 India ram khawpui lian dang, Delhi, Calcutta, Mumbai, Chennai, Pune-te Hruaitû: Pu Bobby DK Vaiphei thlengin Mizo Christian Fellowship chuan harsatna nei lovin, Lal Isuan, Tantû: Zorini “..min hriatrengnan ti thin ang che u..,” (Lk.22:19b) tia a zirtirte a lo Thawhlâwm hlân: Tawngtairual fuihna thu kha changchawiin, kohhran pawl hrang hrang inkhawm ho ni Special No. : BMCF Zaipâwl mah se lungrual takin Lalpa zanriah hi an kil ho mai thin. -(Cont. to next page) Thusawitû: Dr. HT Sângliana

Vol. XIII Issue No. 47 Bangalore Mizo Association Pathianni chhuak chanchinbû Date: 30th Nov. 2008 Editor Obeda Lalhuliana

(9886111304) Joint Editor Pu Levis K. Lalsiamliana

(9880486671) Cir. Managers Blessy Sailo (9844467685) Thârie Hnamtê (9886145877) E-mail: [email protected] Website: www.bangaloremizo.info

Thlakhat lâk man: Rs. 20/Thlathum lâk man: Rs. 50/Thlaruk lâk man: Rs. 90/Kumkhat lâk man:Rs. 180/-

۩

Editor Bathlâr Mi pî leh pû thlânlungahte chuan ziak leh chhiar thiam hmasâ an nih thû te, Bible an lehlin thû te, eng zirnaah emaw zirchhuak hmasa ber an nih thûte a chuang a, keini pî leh pû thlânlungah ve thung chuan thûk loh zeta kerin saikei mei a sât thlâ tih te, archang thiang a tawn tih te mai mai a chuang a. Mi pâten IAS te MCS te an beih laiin keini pâte ve thung kha chuan ramhnuaiah min rammut san daih a, an rualpuite an fin vek hnûah silai nen pawr takin khawchhûngah an rawn lût vê a, thiante tih angin nupui an nei mâwl ve tawp a, nupui ber neih tawh chuan fâ an han nei ve diah duah a, mi thiamte fa enkawl dân thîkin sikul min han kai tîr ve ngei tak a, ‘I’ chu mahni sawina a ni a, ‘YOU’ chu midang sawina a ni leh mai tih chu maian bai irh nam chum chum chung pawhin kan hre vê mai a, mahni sawina vê vê ‘I’ leh ‘ME’ danglamna meuh erawh zawng kan tân tehlul hian han cho chi a ni meuh tawh lo. Chutiang bathlâr atang chuan khawhmuh tam a har a, ram hmuh zau a theih loh va, ram mawi hmuh a har a nih hi.

(Continue from the previous page) Bible thu hi duh lai lai mahni rilrem zawnga han thailan mai hi a awl hle. John 17:21-23 thu pawh hi, kristian inti nazawng, a lang a pauva inzawmkhawmna lam a tum ber ni lovin, a bung pumpui hi a zirtir 12-te tan mai ni lovin, a hnu zela amah rawn ringtu turte tan pawh (keini kum zabi 21na a ringtute thlengin), Lal Isua-ah Pathian nen pumkhat kan nihna pawimawhna lam zawk, he khawvel buai tak kara kan thlarau lam nunna tichaka tiharhtu, Ama hriat, koh leh tirh, a hmangaihte kan ni tih khawvelin an hriat theihna tura inzawmkhawm leh inpumkhat tlata awm tura Pa hnena min dilpuina lam zawk niin a lang. John bung 13 atanga 17 pumpui hi Lal Isua leh a zirtirte inkawmna liau liau niin a lang a. Khawvel sual tlanna hna chu zovin khawvel kalsana a Pa hnen a pan tur hun a thleng ta tih a hria a. (John 13:1) A zirtirten chu chu an hriatin an lungngaiin an thlaphang a ni. Zirtirtu ber ni mah se tlawm takin an ke a sil sak a, anni pawh chutianga intihsak ve turin a ngen a, chutiang tih chu an hlimna ber tur ani a ti. Tichuan zanriah hnuhnung (Lalpa zanriah, sacrament) a siam sak a, “..heihi min hriatrengnan ti thin ang che u,” a ti a. Chu chu ani ringtuten khawihmunah pawh kan inkawm hona (fellowship) apiangah kan tana a tawrhna leh a inpumpekna hriain, kan sualte ngaihdam dil leh inngaidam tawnin Ama hnena kan intuaithar lehna hun chu ni. Thupek thar, hmangaihna thu, “ka hmangaih che u angin nangni pawh inhmangaih ve rawh u..” (Jn.13:34) a ti a. Chu nun chauh chu khawvelin a zirtirte anni tih an hriat theihna tur a ni a ti. Kawng tinrengin a zirtirte a thlamuana, a kalbosan hnuah pawh thlamuantu dang, Thlarau thianghlim a rawn pek tur thu a hrilh a. Chu chu ‘an hnenah kumkhuain a awmreng ang’ tiin a thlamuan a ni. Ringtute hi thlarau thianghlim chenchilh kan ni. Ringtuten Lalpa zanriah kan kilho thin hi Kohhran hmasate atanga tih dan fo a ni. Pathian thu an zir hova, inpawlhona tha tak ( Koinonia fellowship) an nei a, chhang phelin Lalpa zanriah an kil hova, tawngtaina neiin an inhmukhawm fo thin a ni.. ( Tirhkohte Thiltih 2:42) Chu chu an chakna bul leh khawvel buai tak kara Lal Isua zuitu dik an ni tih lantir theihna a ni. Chuvangin a ni tirhkoh Pawla paw’n Korinth kohhrante kha Lalpa zanriah kilho chungchanga a zilhna chu ni. An ngaih pawimawh loh vanga ti tawp mai turin a zilh lova, khun tak leh ngun taka ngaihtuah a, an tana Lalpa tawrhna leh a in pumpekna lam kha ngaihtuah chiang a, sual rawngbawl chung a kil ho mai mai lo turin a zilh zawk a ni. Lal Isuan, amah an hriatreng theihnana a thuchah kha an theihnghilh lo. Chu chu khawvela ringtu zawng zawng hian kan tih fo tur a ni. Chu chu kan inzawmkhawmna dik leh bul zawk a ni. Thildanga inzawmkhawmna chuan kan rinna kawngah min pui lova, min tichak ngai hek lo. Chuvangin Lalpa zanriah hi kan inpumkhatna daltu ni lovin, ringtute Lal Isuaa kan inpumkhatna tak tak lam zawk anih avangin, amah hriat rengnan tih thin fo zawk tur a lo ni. Kan inpumkhatna hi khawvel thil tak ni lovin, kan motto, Koinonia thu ngei pawh hi a tak taka kan lan tir theihna chu Lal Isua leh a thiltihah hian a lo ni zawk ngei mai. Chawlhni tina kan fellowship hi ‘hi bye’ mai ni lovin, rilru leh thinlung tak zetin inpawl ho thin ila, kan harsatna leh lawmna inhriatpui tawn a, lawm chu lawmpui, tap chu tah pui thei tura kan inpawlhona lam zawk hi Krista taksa vuak thitlin leh a thisen kan sual tlenfai nana chhuak kan hriatrengna, Lalpa zanriah kil hi kan tih fo zawk tur a va ni em. Chu chu rinna kawnga kan than bul a ni thei ang.

Vol. XIII Issue No. 47 Bangalore Mizo Association Pathianni chhuak chanchinbû Date: 30th Nov. 2008 Lalpâ zanriah sacrament leh BMCF – Tihdikna “Lalpâ Zanriah Sacrament leh BMCF” tih thu ziakah khân tih dik ngai a awm a, chu chu ka hriat chhuah veleh ka han ziak a ni. BMCF-in Lalpa zanriah sacrament la nei ngai lo ang a lo lang kha hriat sual palh a ni a. Tûn hmâ deuh chuan an lo nei tawh a, tûn hnu lam, kan hriat ve chinah neih a ni ta rih lo zâwk a lo ni. Tin, president-in a sawifiahna târlan kha verbatim ni lovin, paraphrase a ni a. BMCF-in Lalpa zanriah sacrament a la nei ngai lo, a tihna a ngai lovin, BMCF-in khatih hunlai vêla Lalpa zanriah sacrament a neih lohna chhan sawifiahna zâwkah ngaih tûr a ni e. Kha article thu ken laimu chu – Lungrual taka Lalpa zanriah sacrament neih theih hi duhthusâm a nih laiin, background hrang hrang neite kan nihna laiah a remchâng tâwk lo a nih pawhin hriatthiam tlân a tha e, tih a ni. Tihsual palhah hriatthiamna ka ngên a, min finchhuahtu chungah lâwmthû ka sawi bawk e. -Rev. Vânlalchhâwna Khiangtê Chanchin la tharlâm deuhte ► Kan hnung kâr nilaithawhtan (27th Nov.) khân India Prime Minister hlui VP Singh chu Thisen Cancer avângin New Delhi-ah kum 77 mî a niin a boral. ► Nov. ni 25 thawhlehni zînglam dâr 3 vêl khân Tuikual Presbyterian Kohhran Biakin hnuaia chêng Mission For Social Reforms-in an enkawl mêk Laldingliana (kum 32) New Champhai chuan Mission For Social Reforms-a hnathawk lai Samuel Laremruata (kum 23) s/o C. Lalnunmawia Aizâwl Dinthar vêng chu sasah chemin a bek veilamah a sât a, Samuel Laremruata hi Aizawl Civil Hospital panpui nghâl a ni a, a hliam tuar chhuak zo lovin a boral nghâl a, Police-te chuan Laldingliana hi an man nghâl a ni. ► Nov. ni 25 khân Prime Minister Dr. Manmohan Singh chuan Mizoram Khawpui Aizâwl a tlawh a, Sipai Lâmmuala Vântlang inkhâwm buatsaihah thû a sawi a “tûnah hian Kolodyne lui hmanga West Bengal thleng kalkawng sial dân kan ngaihtuah a, heihi kan puitlin anih chuan Mizoram hi hmun pawimawh tak a ni dâwn a, mi harsâte chhâwk leh tanpui nâna kan duan National Rural Employment Guarantee Scheme (NREGS) pawh keini chuan kan tih tûr tiin sum pawh vaibelchhe 131 kan rawn pe tawh a, Mizoram sawrkârin a dawng tûrte a thlen lo anih pawhin keini chuan kan theih chin kan rawn ti tawh ani” tiin thû a sawi.

► Lunglei South bial MNF candidate ZH Ropuia chuan Lunglei-ah mi pakhat kut a thlâk nîin thuthang a awm a. Pu ZH Ropuia chuan hê pawi khawihtû hi amah nilovin a PSO zâwk niin a sawi thung. Nov 26 zân dâr 10:00 vêl khân ZH Ropuia-te campaign haw lamin Lunglei luh dâwnah kawng dâl zâwnga awm motor pakhat an tâwk a, motor dah tha tûra ZH Ropuia PSO-in a tih chu zawm duh lovin an inhnial tâ a, ZH Ropuia pawh hi a hmunah hian kal ve ngei a, a PSO hian Lunglei mî Lalnunpuia hi a khawih deuh nia sawi a ni. Lunglei Youth District Congress Committee-in thuchhuah an siamah chuan ZH Ropuia hian Lalnunpuia hi kut a thlâk a, a hmai pawh a vûng hial nia târlangin he thil hi an dem takzet thû an chhuah bawk. ► Tawi biala INC candidate Pu R. Lalzirliana chu a Pamphlet-ah Kohhran Testimonial Certificate a târlan avângin tawi biala MPF hruaitûte chuan chû Pamphlet chu semchhuak chhunzawm lo tûrin an ngên a, an ngênna ang hian Pu zira hian a Pumphlet lo siam tawh chu a semchhuak chhunzawm ta lo a ni. ► 2006 sep. ni 27a DGP Pu Lalngheta Sailo-van a thlahliam tâk 1st IR Bn. mi 777 lai, Kum hnih leh thla hnih chhûng zet Chattisgarh-a zuk khawsâ-te chuan Nov. ni 26 khân Aizawl an lo thleng a, ropui takin Company Pêng-ah hmuah an ni. Kum 2 chhûng awm tûra ngaih an nih laiin kum 2 leh thla 2 chhûng an thang a, Hêng sipai kal zîngah hian natna avânga thî mi 14 zet an awm a, Bomb puak avangin mi 10 zetin nunna an chân bawk. ► Aizâwl Police Station Officer in Charge PC Lianhmingthanga (51) Bâwngkâwn chu Nov. ni 26 zân dâr 9:55 khân Aizâwl Civil Hospital-ah pum lam thatlohna avângin a boral. Amah hi tûnhnaia hriat hlawk tak Chiahpuam Case-ah khân Special Investigation Team khaipâ ber pakhat a ni. Doctor-te chuan a natna hi ‘Septiceamia’ an ti. ► November ni 27 zân dâr 9:30 khân Terrorist thahnem takin Gateway of India bul tuipuikam atangin Mumbai khawpui an luhchilh a Taj Mahal Hotel, Oberoi-Trident Hotel-ah awmhmun an khuar a, India mi tam tak leh Foreign mi thahnem tak leh Sipai lal engemawzahin nunna an chân hnûah nimin zîng dâr 8 khân hê buaina hi chînfel a ni. ► South India hmun hrang hranga Biak In(Churches) tam tak beihnaa inhnamhnawih mi 23 an man zînga 11 chu thi tûra an chungthû rêl an ni a, a dang mî 12 erawh chu damchhûng lung in tâng tûra an chungthû rêlsak an ni.

Vol. XIII Issue No. 47 Bangalore Mizo Association Pathianni chhuak chanchinbû Date: 30th Nov. 2008 Râwl “Thinlungin chhia ka chham tawh a, i huanah bâk ka pâr ngai lo vang” titû chuan “Râlkhêl dâr i vaw zing êm a, râl hlauvin ka insaseng tâ a ni” a ti leh thîn a. “Hei chu a dum a ni chiang alâwm” titû chuan khua a han vâr meuh chuan “a vâr lam a pâwl zâwk mah a nih hi” a ti leh thîn. Tap meuhva neite lahin neih hnûa nuih an tum chuang hlei lo va, Dân siam tûra serhhran meuh pawhin Dân-ina a phal chin bâk Dân a siam thei hek lo. Khawkhêng tuar lova ruah malsâwmna dîltûte chuan ruah hmahruai khawpui ri bur bur chu an hlau leh lawi sî a, zalênna sual fan fantû pawh zalênna vêkin a eiral leh thîn. Thisen chhuaka piang aiin thisen chhuaka thî an tlêm zâwk a, thih chu hlâwkna nia sawite lahin hlâwk an ngam meuh si lo. Mei êng-ina a tuam rêng rêng chu a thim raih raih thîn a, Silai tung hmasâ apiang lah an tlu hmasa zêl tawh sî. Ram rawngbâwltû aiin naupang tawng zir tîrin mi thusawi an ngaithla tha zâwk. Sahriak hmui lova chawhmeh kan kan chîng ta hlê a, kan meituah khûk ngei chu kan sawisêl leh bawrh bawrh thîn. Sunhlu kûngah thei dang a rah ta tliar tliar a, pân lovah tho an fu khat ta thup mai. Kalna tûra thlâm chhete mah sa lâwk hauh sî lovin kalsan tûr thlâm kan zauh duai duai a, khuang tûr lênghnawt âr kan perh thlûk zêl chuan tû fanûin ngê min dâwl zo tâ ang? Bangalore-a Mizo awmte chanchin kan inhriat pawh zung zung theih nân 567678-ah JOIN BloreMizo tih sms thawn la, chanchin thar ber ber i dawng thîn ang. Sum i neih remchân lohva, Mizorama i hâw duh bawk sî chuan tihdân kawng a awm alâwm. Awlsam takin Ticket kan lâk sak che ang a, Mizoram lamah pawisa i pe mai dâwn nia. He number-ah hian min han be ta che. - 9886167499

BMCF atanga Mipuite hnêna hriattîrna 1. Refrigerator leh Washing Machine lilâm (auction) tûr kan nei a, lilâm hun atân Dt. 7/12/2008 (Sunday) khi kan ruat a. Hêngte hi Grace Home nulâ Vânlalchhuani'n a kawl. 2. Dt. 6/12/ 2008 (Inrinni) zânah BMCF huaihawtin Advance Christmas neih tûr a ni a, thahnemngai takin memberte kal theuh i tum ang u. A hmun: Holy Cross Students' Home, 45 Museum Road, Bangalore. Exam Postponed Bangalore University chuan thuchhuah an chhuah dânin BA, BSc, BBM, BHM, BSc(FAD)te exam hun tûra Zirtâwpni an lo ruat sâ chu December ni 7-ah an sawn. Timing leh Subject Schedule erawh tihdanglam a ni lo. Chhiar hrâm rawh Zualtea leh Jennyte kan kawmnaa zawhna kan zawh pakhat chu kan thawn sual palh avângin Aizâwl lam tlangvâl senior tak, Bangalore-a khawsa hrep tawh pakhatin a lo dawng nawlh mai a, chû zawhna chu kalsual mai mai a ni tih hre hlek lovin a lo chhâng vat a, hê a thu rawn thawn hi kan tangkaipui tâkin kan han târlang ang e. zawhna chu “Bangalore Mizo thalaite nundân hi engtin ngê i hmuh?” tih a ni a, a rawn chhânna chu hei hi a ni: “a thente chu thimhlim zawhtein sarep ei ruk nan hun tha an melh kar ang mai, a vulhtute vulh chhan cu sazu laka venghim tura an vulh ni si. Nu leh pate min vulh chhan hi a tam jok cuan kan phok fuh meuh lo in ka hria. A chhan cu khata an awm dan ang khan an in lamah an awm ngam ka ring lo.” Hei hi pâwn lam atanga mi pakhat min hmuh dân a ni mai a, huatthûa la mai lovin inenlêt nân i hmang zâwk ang u. Vawiin boruak Maximum: 26.5 ̊ C Humidity: 81%

Minimum: 19.7 ̊ C

Thâ leh tha lo ramrî chu i hre tawh. A ramrî i kham sawn a nih chuan thlêmtû i hneh lo a ni mai. Thlêmtûin a kham sawntîr theih phawt che chuan i sawn hla telh telh ang a, i chhiat dêr thlengin i sawn mai ang. – Rev. Lalnghînglova

BMA fawng vauntu lawk (Office Bearers 2008-2009)te:President : Rev. PC Lalduhawma General Secretary : Mâdawnga Hauhnâr Treasurer : Rebecca Lalmalsâwmi Secretary i/c Sports : R. Lalremruata Secretary i/c Academic & Human Resources

Vice President Asst. General Secretary Asst. Treasurer Secretary i/c Culturer : Lalrothara Tlau

: Pu Josiah L. Râltê : K. Lalêngzuala : Blessy Sailo : Terence Lalthlamuana