Bma Aw: 2nd December 2007

A-PDF MERGER DEMO

BMA AW

An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007 Vol XII Issue No. 48 Bangalore Mizo Associ ation Pathianni Tin Chhuak Chanchinbu Date: 2nd December 2007 Phek Khatna

KEIMAHNI && Nizan khan Dr.AIT ten Advance Christmas, Tv Joel Murray inah an hmang. Zirtawpni khan BMCF Area-4 te fellowship an nei a, Bible Study an nei bawk. && UVCE ten tunkar Ningani, December ni 6 hian exam tan dawn. && December ni 12 atanga ni 27 thleng khian JSS Law College, Mysore ten exam an nei dawn a. St. Philomenus leh Teresian College te pawhin December ni 17 thleng hian exam an nei dawn bawk. && Christmas lai bawr vel hian Mandhya lama kan m ember te pawhin exam an nei ang. && UVCE a zirlai, BMA Committee member ni bawk, Tv C. Lalrinfela chu khawsik avangin St. Martha Hospital ah dah a ni. && Kan Editor, C. Lalhmachhuana pawh a nau damloh avangin Zirtawpni khan Mizoram lamah a haw. && Kan member thenkhatin vawiin hian MBA entrance exam an pe. && Kan Patron, Pu RL Rinawm a pawh Central Revenues Invitational Tennis Tournament (All India )- Pune a neih (27-29th Nov.) ah a han tel ve a. Doubles (40+) leh Doubles (50+)ah runner-up trophy a rawn hawn. HRIATTIRNA

&& Chhinlung magazine cover design a pek luh theih reng e. Thupui mil khera siam pawh a ngailo a. December ni 20 hmain pek luh kan tum dawn nia. BMCF INKHAWM PROGRAMME Pathianni (9th Dec. 2007) Hruaitute: Pu Josiah Lalchhanhima Ralte, Pu K. Lalrokima Tantu: Tv David Lalmuanawma ADVANCE KRISMAS

SOCIETY THA I DUH CHUAN I INAH TAN RAWH (Sam 127) - Rev Thansiama Chhungkua hi Hnam leh Khawtlang in nghahna leh Sikul hmasa ber, nun dan zir tanna a ni. Naupang ten chhungkua atanga tha lam an zir chhuah loh chuan pawn lamah thil tha lote an kai a. An inhnawih pherh a. Dawt sawi leh insual te pawh an ching duh a. Pawikhawih te an zak lo mai. Nun bul a mumal deuh loh chuan politics leh thlarau lamah pawh an nghet har a. A tha lo lam hi inhnawih a sam lehnghal. Mizote hi zirtirna leh inhruai dan nei vak lo, pawn lama inhnawih mi kan nih vang em ni kan pawnlang tlat a. Kohhran ah leh Pawl thilah te neitu rilru kan pu lawk theilo. Kawng tin rengah Pawl leh thiltih thara intihchak te kan rawt a, a phenah hahdama hlawk tum ru an awm zel. Tun hma khan chhungkua leh Lal rorelna bakah Zawlbukin khawtlang an awp thin a. Nakinah YLA te a lo ding a. Thuneihnaa awp ngawt duh tawk lovin mi dang tana thatna turte an zawng a. An thupui chu – Kristian nun dan tha ngaihsan te, Hmasawnna ngaihtuah te, Tanpui ngaite tanpuite, Taihmak te a ni a. Khawtlang pawh an tinuam a, hma pawh an sawn phah. Tunlai chuan politics boruak buarchuar takin ram an awp a. Lemchan thiam ten Hriam zakzeh chungin emaw ni? Autocratic takin an awp a. Rannung ang maiin a theiin ei tam a ni mai lo maw? That tlanna pawh a bo mek – ‘Nui chunga sakawlh mi seh hmang’ tih te pawh a ang ta! Hlimna leh muanna a rual theilo. Mi chuan, “Nunhona (Society) tha i duh chuan Inah tan rawh,” an tih hi. A bul tak atangin siam tha rawh u tihna a ni ang. Tun laiin Ram tinah Thalai ten Hnam te leh nunhona that lohzia an vei a. Mahse, a bilha tho lo chu a lerah siam that a har si. Sual leh thil tha lo chu a bul atangin tihdam a tul a. Chhungkua atangin sawi mar mai lovin siam that a tul. Chhungkuaah an that chuan pawnah pawh an tha ang. YMA-in Ruihhlo do hi a tha. A zawmpui – Ruk leh Rawk leh Suam te, Sarthi leh buaina tam tak hian a tawpah chuan chhungkua leh khawtlang te, kohhran ho leh Sawrkar thlengin a tibuai. Kan rama chhungkaw tam tak chu Inruk chulmamah an ding a. Chhungkua an keh tam. Hei hi tangrualin tha thlah lovin do tlang ila. Ram leh chhungkua te pawh a nuam deuh ang. Kan Bible chuan, “Mahni indo ram chu an ding chhuak lo ang,” (Mat.12:25)… (phek hnihnaah chhunzawm.)

Vol XII Issue No. 48

Bangalore Mizo Association Pathianni Tin Chhuak Chanchinbu

Editor C.Lalhmachhuana, UTC, Ph- 9845330822, Joint Editor Thaarie Hnamte Vasanth Nagar, Ph. 9886145877 Circulation Staffs: David Laldanfela, Joshua Lalramdinmawia C. Lalramthanpuia E-mail: [email protected] Website: www.bangaloremizo.info A Man Thla Khatah : Rs. 15/-

Editorial Mizotawng ami ‘t’ Kan tawng, Mizotawng hi a hausa lo hle mai a. Tam takah hausakna pawh a nei teuh a ni. Tawngdang awmzia atana Mizotawng han dah mai tur a van chang hi a tam hle mai. Heti a nih lai erawh chuan kan neihsa tihdanglam hi thil tha ber a ni lo ang. Mizo-ina kan neih thlûkna te, t leh t kan neihte hi an hlu hle mai. Tun dinhmunah computer kan hmang nasa ta a. ‘t’(tri) erawh chu keyboard ah a awm lo. Mahse, hetiang a nih avanga ‘thri’ emaw ‘tri’ emaw hman hi thiltha a nilo. Eng ang sentence pawh ziak la, ‘t’(tri) awmnaah chuan ‘t’ lo hmang mahla, Mizotawng thiam chuan a hrethiam hrim hrim ang. Sms thawnnaah pawh kan uar hle mai. Nakin lawkah chuan computer keys ah hian hman theihin ala awm dawn tih hi lo hre reng ila a tha awm e. Midang tawng lak a, lo ziah danglam hi Mizote kan lelohna a ni. Kanlan lutuk te hi a tha lo, ngheh chat tur. Khawvel thli ina a chhem len mai mai theih mihring nih hi thiltha, khawvela kan pian ve na chhan tur niin a lang lo. I ngaihtuah chiang teh ang u.

Date: 2nd December 2007

Phek Hnihna

… a tih hi ala tidanglam lo a. Zu leh drugs te aia nep lo zawk leh mi tichhe zawk, Power, Sum leh Lalna rui, Ram leh mite tihchhiat pawisak lohna te, Corruption tinreng rui a Lem changa, Pathian hming lam fote hi do a pawimawh a. Kan ram pawh suamhmangte puka siamtute chu Do a va tul em! Heng hi mahni indo Ram nihna a ni mai lo’m ni? I ngaihtuah tha ang u. (He article ziak hi 62nd YMA General Conference Souvenir atanga lakchhawn a ni e.)

LAWRKHAWM ## Nhi Haa, Cung kua… Nizanah Sanya China khawpuiah Miss World thlanna neih a ni a. He Miss World thlanna hi a vawi 57-na a ni. Kan ram India atang pawhin contestant kan nei ve a, mahse a thleng sang lutuk ta lo. Top 5 a tlingte chu – Angola (Micaela Reis), China (Zi Lin Zhang), Mexico (Carolina Moran), Trinidad & Tobacco (Valene Maharaj) leh Sweden (Annie Oliv) an ni. An hmeltha mai niloin, an fin ziate kha a ropui hle mai. Miss World contestant te hian China ram hmun hrang hranga an kalkualnaah program hrang hrang hmangin Red Cross Health Care Centre atan USD 5.5 Million an la lut a ni. Miss World 2007 chu Zi Lin Zhang (China) a ni a. Pahnihna chu Micaela Reis (Angola) a ni. Pathumna chu Carolina Moran (Mexico) a ni. Nakum Miss World thlanna neihna tur chu Ukraine a ni. Se Shie ## Sl.No

1 2 3 4 5 6 7 8

April 1-Nov 29, 2007 thlenga NEC pawisa pek chhuah: State

Pawisa pek zat

ArunachalPradesh Assam Manipur Meghalaya Mizoram Nagaland Sikkim Tripura Other

19,05,00,000.00 45,25,57,700.00 22,23,60,000.00 14,18,00,000.00 27,56,15,100.00 33,71,05,100.00 25,16,95,000.00 11,95,00,000.00

Total = 1,99,11,32,900.00 Agencies = 92,10,86,900.00 Grand Total = 2,91,22,19,800.00

## An Intersting Story of Four People. This is the story about four people named Everybody, Somebody, Anybody and Nobody. There was an important job to be done and Everybody was sure that Somebody would do it. Anybody could have done it, but Nobody did it. Somebody got angry about that because it was Everybody’s job. Everybody thought that Anybody could do it, but Nobody realized that Everybody would not do it. It ended up that Everybody blamed Somebody, when Nobody accused Anybody. - Anonymous ## Hmeichhe âwm nêm zawk pawhin tumruhna an neih miau chuan ram hawiher tidanglam khawpin hna an thawk thei. - Lalsawta, Advocate.

Vol XII Issue No. 48 Bangalore Mizo Association Pathianni Tin Chhuak Chanchinbu Date: 2nd December 2007 Phek Thumna

MIZORAM CHANCHINTHAR $$$ November ni 29, Ningani a CPI (Maoist) helpawlte bomb tihpuaha mi 12 thi zingah Mizo sipai 10 an tel. Chilpuah bomb hi chhun 1:10pm vela puak a ni a. Chhattisgarh district pakhat Dantewada a khaw pakhat Konta sub divisional headquarter atanga 6 km vela an awm laiin helpawlte bomb phum chu an chuanna Jeep chuan a chilpuak ta a ni. Helpawlte hian silai 10 lai mai chu lain an tlanbopui nghal a. Heng an silai lakte hi Insas siam AK-47 vek a ni. An rual hian zirlai 2 te an chuang ve a. Jeep khalhtu leh a tifaitu pawh a hmunah hian an boral ve nghal a ni. He bomb puak hi a na hle mai a. A puahna lai chu kawng lai tak a ni a, a khuar nasa hle a ni. Jeep pawh hi 100 metres laia hlaah a vawrh sawn nghe nghe. An taksa bung hrang hrangte chu a bul thingkung ah te chuan an inbang hnep hnup niin thudawnna chuan a sawi. Mizo sipaite hi Konta hmuna kartina tlangmite inhmuhkhawmnaa an kal haw lam an ni a. An haw chu, Chhattisgarh leh Andhra Pradesh state inrina laia khaw pakhat, Banda khua, helpawlte hmunpui tih mai tur, ami private Jeep ah chuan an chuang a. Tin, he an chuanna driver hian an kal lamin hawlamah chuan civil mi phur telve turin thu a rawn nghe nghe. Tichuan, an haw dawn chuan Banda khuaa zirlai 2 te chu chuang ve turin an ti ta a ni. Hetia bomb a puah hnu hian Konta hmuna Sub-Divisional Police officer, Praful Tagore leh midang 170 rual velin a hmun hi an va thleng a. An ruangte chu Konta hmun lam an panpui a ni. Khawvel pawha lang tham, sipai nungchang zirna hmun neitha ram ami, Mizo sipaite hi hunrei tak atang tawh khan CPI (Maoist) te hian beih an chak hle a, hun remchang an chang reng a ni. (Source : The Hindu)

Bomb chilpuah vanga 2nd IR Battalion thite : 1. Havildar Ralliantawna, Bethlehem. 2. Havildar TK Challapan, Kerala. 3. Const. Gyano Chakma, Tuichawng. 4. Const. Thangkhangina, Zawlnuam Thuampui. 5. Const. Zaihmingthanga, Bethlehem Vengthlang. 6. Const. Laltlanzova, Thingdawl. 7. Const. Laltleipuia, Hortoki Vengthar. 8. Const Vanlalhruaia, Ramhlun South. 9. Const. Biakrotluanga, Serchhip Venglai. 10. IV Grade Lalduhawma, Ramhlun Vengthar. (Source : Khampat)

$$$ Mizoram Governor, MM Lakhera chuan nakum inthlanpui lo thleng tura boruak sosang lutuk bengdai theitu tur chu Kohhran hruaitute an ni a ti. He thu hi Mizorama Kohhran hrang hrang hruaitute a chenna Raj Bhavan-a Thawhlehni a a kawmnaah sawiin, Pu MM Lakhera chuan Mizoramin hmasawnna tura kawng a zawha thil pawimawh hmasa chu ram leilung hausakna hai chhuah a nih thu a sawi bawk a ni. (Source : Internet)

$$$ MIZOFED-in Gas an semna area huam chhunga Village Council 16 kalkhawmte chuan thutlukna siamin, gas sem a nih danah an lungawi loh thu an sawi a. Hemi avanga MIZOFED Gas Agent Manager pawisawilo transfer order pek a ni chu sut leh turin Food, Civil Supplies & Consumer Affairs Minister an phut thu an tarlang bawk. An thuchhuah siamin a tarlan dan chuan MIZOFED Gas Agent-in a huam chhunga V/C 16 te hian ah huam chhung ni lovah FCS&CA Minister-in Gas a sem luihtir thin nia an hriatthu an sawi. (Source : Khampat)

$$$ EFCI Biak In hmun tur laih vanga Ramhlun South-a pialtlêp tawlh chu a tawlh chhunzawm zel a, a bul vela in pathum luahtu chhungkaw 5 te chuan Nilaini zan atang khan an In an riah chhuahsan tawh. Hetihlai hian Evangelical Free Church of India (EFCI), Aizawl Building Committee chuan thuchhuah siamin, Ramhlun South-a an Biak In hmun tur laih mekina mipuite a tithlabâr chu pawi an tih thu an sawi rualin, he hmun hi Geology & Mining lam enfel hnua kut an thlak a nih thu an thuchhuah chuan a tarlang. $$$ Sawrkar laipuia Social Justice and Empowerment hnuaia Dr. Ambedkar Foundation-in India rama kum 2005 leh 2006-a pawl 10 Board Exam-a Schedule Tribe leh Schedule Caste zirlai ti tha te hnena Scholarship a pek te zingah Mizoram atangin zirlai 18 an tel a, kan member Christy (Tv Solomon-a nau) tuna UVCE a Engineer zir mek pawh a tel a ni. $$$ November ni 27 atanga tan Mizoram Higher Secondary School Games vawi 6-naah Govt. Mizo HSS, Aizawl chu overall champion an ni. He School Games hi November 29 khan Lammualah health minister R.Tlanghmingthanga'n a khar a ni. (Source : Aizawl Post)

“Thil tha lo titu mah a huaisen chuan thil tha duhtu chu a huaisen tur a ni.”

Vol XII Issue No. 48

Bangalore Mizo Association Pathianni Tin Chhuak Chanchinbu

INFIAMNA ### Mizoram Higher Secondary School Games Vawi-6-na, Ni 4 chhung awh tur chu November 27, Thawhlehni khan Aizawl sipai lammual-ah Home Minister, Pu Tawnluia’n a hawng a, hetah hian Mizoram puma Higher Secondary School 27 atangin School 16 an tel. Mizoram Higher Secondary School Games Vawi 6-naah hian Mizoram puma Higher Secondary School 27 atangin School 16 an tel a, heng zinga school 10 te chu khawpui chhunga mi niin, school 6 te chu Aizawl khawpui pawn lam atanga tel an ni. Ni 4 chhung hian infiamna chi 7-ah an inel dawn a, Games hawnni a, March Pass-a inelnaah Gov’t. Serchhip Higher Secondary School chu pakhatna an ni a, Baptist Higher Secondary School, Serkawn chu pahnihna niin, pathumna chu Gov’t. JL Higher Secondary School an ni. (Source : RCA)

### India hmarchhaka a hmasa ber, North East Basketball Championship for Junior Boys chu Thawhlehni khan Governor, Pu MM Lakhera chuan Aizawl Zarkawt YMA Basketball Court-ah a hawng. He championship-ah hian, Manipur, Assam, Meghalaya, Tripura atangin infiammi an rawn tel a, a thlengtu Mizoram nen Team 5 te chu nimin khan an inkhel tan a ni. Mizoram chuan an khelh hmasak berah Tripura chu 55-11 in an hneh a, an khelh hnihnaah rinkai Manipur chuan 48-42 in an hneh leh a ni. Inkhel dangah Megalaya chuan 70-34 in Assam an hneh a, an khelh hnihnaah Assam-in 62-45 in Tripura an hneh leh bawk. (Source : Khampat)

English Premiere League %% Inrinni zan inkhel result : Chelsea leh Fulham inkhel a hmuhnawm hle. Hun tawpah Chelsea lamin Joe Cole a goal khat thun chu an chakpui. Aston Villa leh Arsenal inkhel ah, Aston Villa lamin an ti goal hmasa a, a hnu rei vak lo ah, Flamen chuan Arsenal tan a pet goal a, an goal hnihna atan Adebayor chuan a luin a tauh lut. 2-1 in Arsenal chu an chak ta a ni. Wigan Athletic leh Manchester City an in draw a, Reading leh Middlesbrough an in draw bawk. Derby in Sunderland goal khatin an hnehlo.

Date: 2nd December 2007

Phek Li na

Zanina inkhel turte: 8:30pm Liverpool vs Bolton 9:30pm Tottenham vs Birmingham Tuesday ni a inkhel tur: 1:00am Manchester United vs Fulham 1 2 3 4 5 6 7 8 9 10

Arsenal Chelsea Man. United Man. City Liverpool Portsmouth Aston Villa Blackburn Everton West Ham

Pts 36 31 30 30 27 27 27 26 24 19

%% Football pawh game fixing chuan a hmaih bik lo. UEFA chuan INTERPOL hnena phek 96 lai mai report a thehluh chuan UEFA inkhelh hrang hrang 15 ah te chuan match fixing a awm niin a hria. %% C. Ronaldo, Messi leh Kaka te chu FIFA World Player Of The Year atan shortlist an ni. December 17 ah result puan a ni ang. %% India ram football club lar tak Mohun Bagan, Kolkata ami hi Asia a football club upa ber a ni. Mohun Bagan hi kum 1889 ah din a ni. India ram hi FIFA Ranking ah 145 na kan ni ve. Games Dang… ## Pitar pakhat pawh hi a hawkdak lutuk a, a thi a, a Lu langin an phum tawp. - James ## Zinga thawha insawizawi ai chuan tlai deuh a zawi sa a thawh hi a finthlak riauin ka hre ta. - Joshua, VCP (Village Council meeting-a a opening line a ni.) ## Mizoramah pawh Korean film an en nasa lutuk a, unau kha an inhau a, Korean tawngin an inhau vel.

Mi an dik leh dikloh enfiah hmasak zel i duh chuan anmahni hmangaih nan hun i nei ngai lovang. - Mother Teresa

BMA Office Bearers: President : Pu K Lalrokima Vice President General Secretary : Tv. Madawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

: Rev PC Lalduhawma : Tv. James Lalrintluanga : Nl. Thaarie Hnamte :Tv. Obeda Lalhuliana