Bma Aw: 23rd December 2007

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 51 Bangalore Mizo Association Pathianni Tin Chhuak Chanchinbu

KEIMAHNI && Zirtawpni tlai dar 6 vel khan Pu Vanlalsanga (kum 64), kan member Pu Lalchawilena pa chu, zunthlum natna avangin Bungkawn ah a boral a. Nimin, Inrinni khan Koramangala a Pu Chawilena te chennaah thlanthut neih a ni. && Kan member engineer zirlai ten theory exam an nei dawn. Dr. AIT a zir ten urlawkni 24th December atang hian exam an nei tan ang a. UVCE leh PES Engineering College, Mandya a zirlaiten kri smas tuk, 26th December atangin an tan ve thung ang. && Bangalore University-in state aiawh football khel tur a thlang chhuak ta a, chutah chuan kan member te - C. Lalramthanpuia (Lowry College), F. Lalnuntluanga (Lowry College), R. Lalremruata (Al-ameen), Lalram hluna (St. Joseph) leh Zorema (Al-ameen) te thlan an ni. An ni hian January thla hian All India Inter-University Tournament atan South Zone atangin qualifying round Tamil Nadu ah an khel dawn a ni. && Kan Patron, Pu RL Rinawma chu a pa a damloh avangin Zirtawpni khan Mizoram lam a pan. && Editor pawh Mizoram lamah ala awm a. A nau Lalrehlova damlo pawh a tha hret hret zel niin thu kan dawng. BMCF INKHAWM PROGRAMME

Thawhtan (24th Dec. 2007, 8:30pm):

Inkhawmna Hmun tur : UTC Hruaitute : Rev. Lalhmingchhuanga Zongte Pu Levis Lalsiamliana

Praise & Worship

Date: 23rd December 2007 Phek Khatna

ZONET Award 2007, 10th December-a Vanapa hall-a an sem dawngtute chanchin I-na:

Anthony Lalmalsawma leh Lalpianmawia He’ng tlangval chhuanawm pahnih hi he chawimawina dawng tura thlan an nihna, thil thuhmun a nih avangin an chanchin pawh a rualin kan sawi mai ang. Heng tlangval pahnih te hi lehkha zir sang leh thiam tak an ni lova, mahse Mizo tlangval dik tak, midangte chhan nana mahni nunna thâp ngam, suamhmang, ralthuam kengte pawh kut lawnga thih ngam lu pu-a beitute an ni. Aizawl leh Guwahati inkara zana khualzinte hian hun engemawchen atang khan suam an tawk zing ta hle a, an neih zawng zawng chhuhsak te pawh an awm nual tawh a ni. Zirlai leh sumdawng te, damlo leh tul dang vanga phai lam pan te, lo haw lam te thlengin, misualte hian ralthuam nena lo changing, an lo tiding a, vau bet chungin an duh duh an laksak mai thin. Hei vang hian he kawng hi kawng ralti takah a chang ta emaw tih tur a ni a, sawrkar chakna leh Police Duty pawhin min thlamuan zo ta meuh lo a ni ber a, thlaphang ru takin kan zin ta fo mai a ni. Misual te lah chuan an zawngchhang telh telh emaw tih tur a ni a, Mizo khualzinte châng a, a khat tawka suam leh mai thin chu inhlawhfakna hlâwk takah an ngai emaw tih tur a ni ta. Kum 2007 October ni 12 zanah khan heng tlangval pahnih, Assam Regiment-a tang laite hian an hna zawm tura phai lam an pan laiin, chutiang thil chu an tawk ve ta a, vawi tam tak an lo tih tawh angin vai suamhmang te chuan khualzin motor engemawzat lo tidingin an suahsualna thiltih chu an rawn chhunzawm leh a. Anthony Lalmalsawma leh Lalpianmawia hian ralthuam, silai emaw, chemte emaw, hman mai theihin ban phakah inchhawp lo mahse, anmahni leh an chuanpuite sahimna atan misualte chu kut lawngin, thih ngam takmeuhvin an bei ta a ni. Hetia beilêt ngam an tawn tak avang hian suamhmang te chu an tlanchhe ta a, a tawpah phei chuan engemawzat chu Police ten an man ta nghe nghe a, zin kawng ralti tak thin chu heng mite avang hian engemawchen chu a lo thlamuanawm ta hle a ni. Anthony Lalmalsawma hi Pu Lalbiakzuala leh Pi Lalnunmawii te fapa, kum 1983 November ni 10-a piang a ni a, Zemabawk High School Veng-a awm an ni. Misualte nena an inbeihnaah hian a nakah vih a ni a, a thinah an vit tel a, a nakruh pakhat a tliak bawk a, Silchar Medical College Hospital-ah zai nghal a ni. Lalpianmawia hi kum 1986, December ni 1- a piang, Pu Thuamsanga leh Pi Lalrinthari te fapa a ni a, Bawngkawn Chhim Venga awm an ni. Misualte nena an insualnaah hian a chhipah chem a sah a ni a, hmun ngaah thui a ni. An pahnih hian Assam Regiment 2nd Battalion-a thawk lai ve ve an ni a, ram tana thawkin, … (… phek hnihnaah chhunzawm a ni)

Please purchase PDF Split-Merge on www.verypdf.com to remove this watermark.

Vol XII Issue No. 51

Bangalore Mizo Association Pathianni Tin Chhuak Chanchinbu

Editor C. Lalhmachhuana, UTC, Ph- 9845330822 Joint Editor Thaarie Hnamte Vasanth Nagar, Ph. 9886145877 Circulation Staffs: David Laldanfela Joshua Lalramdinmawia C. Lalramthanpuia Guest Editor – Mâdawnga E-mail: [email protected] Website: www.bangaloremizo.info A Man Thla Khatah : Rs. 15/-

Editorial Mizo kan ni… Khawhar chhungte kan tuarpui hle mai che u. Khawtlangah lusunna te kan tawk zauh zauh a, then leh rualte kan in tawiawm zel a, harsatna tawktute tan chuan a thlamuan thlak thin hle ani. Hetiang ang hnam nun kan neite hi a ropui hle mai. Hnamdang zingahzirna mai bakah infiamna te, leh hna te kan thawkin kan khel thin a ni a. Miin (hnamdangin) tunge ani min tih? tih hi inzawt rilru reng a kan khawsak a tha awm e. Bangalore University aiawh a football khel tur mi5 te u, kan lawmpuiin, kan chhuang tak zet che u a ni. Tha taka inkhelh theih nan kan duhsakna kan hlan a che u. India ram club hrang hrangah Mizo infiammi kan nei a, tunlai hian an chanchin a dai hle mai. Hnamdang te mizia chhe lai thungrulh tum lovin, min lo hmusitin, min lo ngei hmel deuh mahse, an mahni aia nasa leh zuala tan la a, nangmahni ho inkawm khawm tel tel lovin, in thian hnamdangte kha kawm tam ula. Hei hian in infiamnaah a tanpui ngei ang che u tih kan beisei tlat a ni.

Date: 23rd December 2007

Phek Hnihna

(Zonet Award 2007 phek khatna ami chhunzawmna… ) India ramri, Pakistan dep, Line of Control-ah an awm a, an thil tih chhuanawm tak hi hria-in sipai hotute pawhin huaisen chawimawina, Sena Medal an pe dawn tih an sawi tawh a, tangkapui leh an pension thlenga tangkafaia hlawm zuina an dawng dawn a ni. Heng Mizo tlangval chhuanawm tak te hi ZONET chuan huaisen chawimawina nopui dawm tlakah a ngai a, he ZONET Award 2007 hi a hlan a ni. (source : Vanglaini) Heti lampang PUAL ## Kan member te, Tv. Paul Lalchhanhima leh Nl. Crossmuanpuii te chu kar leh Zirtawpni (4th January 2008) hian Lamka Chhim Presbytery Biak In, Churachandpur, Manipur-ah an innei dawn. An pahnih hian America Online India Pvt.Ltd., Corporate Office, Explorer Building ITBP, Whitefield, Bangalore a hnathawk an ni. (Editorial board ten kan lawmpui tak zet a che u.) ## Electronic Media lama kan chhuan em em, a Mumbai zin lo haw tir kan nang hlauh mai. Nl. Thaarie, Asst. Treasurer BMA, BMA Aw Joint Editor ni bawk kawmna (tlemte chauh): BMA Aw: Tunlai hi Bangalore lamah i awm hman lo riau mai. Hmanni pawh kha thlanthut zawh khan Mumbai ka kal a ngai kha i tia... Thaarie : Nia, tunlai chu ka buai ve thei reuh lutuk. BMA Aw : Eng thil vel vang nge a? Thaarie : Thil tul hi ka ngah lutuk a… Production House te ka kal pah duh deuh bawk a. A nuam ang reng khawp mai. Mumbai nge nge chu pui tak a ni (hehe) Nuam khawp mai… BMA Aw : Bollywood film production hmun a mi? Thaarie : Aw, ni e, Popcorn Production a nia. Juhu Beach bulah, Amitabh-a te In bul lawkah. Shahrukh-a te In bul velah te kan zuk hawi thaw vel alawm. BMA Aw : A nih, film siam te an lo awm lo maw in kal lai chuan? Thaarie : Lo siam e. Malaika Arora Khan leh Arjun Rampal ten an lo siam a. Mit tla dawnin Arjun kan lo thlir tawp.(A nui sak a) Chhe lo tak a ni. Thla te pawh kan lakpui mawle. (Thlalakte chu a rawn phawrh a). Mahse, Malaika hi chu… ka rin aiin alo dum deih. BMA Aw : He’ng media lampanga thiamna hi Mizote hian kan mamawh tan ve hle tawh iti lo maw? Thaarie : Ti teh reng mai. Pathian rawngbawl nan te tak hian a nia tangkai leh zual tur chu. BMA Aw : Mizo film hian engtiangin nge hma a sawn theih a i rin? Thaarie : Tunah rih chuan, a hman hmanin film an siam a ni deuh mai a. Hetiang nilo hian, film lama tui leh thiam deuhte hi in tel khawm a, tanrual a pawimawh ber ang. Mahni a thil tih chi a nilo. BMA Aw : Nih leh, a changtu lam nge i chak a siamtu lam? Thaarie : (rang zetin) A siamtu lam le… .han direct vel deuh char char hi ka chak zawng tak a ni.(a nui deuh sak a) Chan lam te chu kan tih chi a ni nang. BMA Aw : Eng ang film nge siam i chak? Thaarie : Thriller lampang hi le. Phut zuk zuk na lam siam hi chakawm riauin ka hria. BMA Aw : I hun hlu tak min lo hmanpui a, kan lawm hle mai.

Please purchase PDF Split-Merge on www.verypdf.com to remove this watermark.

Vol XII Issue No. 51 Bangalore Mizo Association Pathianni Tin Chhuak Chanchinbu Date: 23rd December 2007 Phek Thumna

MIZORAM CHANCHINTHAR $$ December ni 21 (Zirtawpni) atang khan Mizoram a sawrkar hnathawkte chuan Krismas chawlh an hmang tan ta. Hemi ni atang hian Aizawl mai pawh nilo, district tin a ate pawh chawlh an hmang tan a ni. Chutih laiin, Police Department te, Trafic lam te, Excise & Narcotics lam te leh Information Department hnuaia Technical Section te leh Supply Department te chuan Inrinni thleng khan an hna an la thawk. Anni hi chu a tul hun apianga thawk turin an inring reng bawk. $$ December ni 21, chawhnu dar 2:30 velin Tuikual venga In 3 te chu a kangral vek. He’ng In pathum te hi Tuikual ‘S’B mual a awm a ni a, chhungkaw 12 khawsakna a ni. Kangmei alo chhuah hian tumahin an bungrua an chuh hman lo. Kangmei hi, Pu Ramropuia luah lai atanga chhuak niin hriat a ni a, tin, electric current kal diklo avanga chhuak ni a hriat a ni bawk. He In hi Pi Nubuangi leh a fapa Pu Rochhunga te ta a ni. Kangmei avang hian nunna chan an awm lova, hliam erawh 1 a awm. $$ Buhfai eitur neih loh vangin Bahra chaw atan ring an awm tawh. Lunglei District khawthlang lam, Tlabung leh a chhehvel, Belthei, Silgur, Diplibhak, Tuichawng leh Nungsuri-ah te chhungkaw tam zawk ei tur nei lovin an awm mek. Chhungkaw tam zawk chuan buhfai eitur an neih tawh loh avangin ram bahra leh pangbal te chaw atan an ring. Heng khuate chawmtu, Tlabung, Tuichawng leh Putlunga Sih Kudam-ah chuan Buhfai a awm loh avangin chhungkaw tam zawk chuan ram bahra, pangbal leh ram balhla te chaw atan an ring a ni. Tlabung Constituency bialtu MLA, Pu N.K.Chakma chuan an dinhmun hetiang a nih tawh avang hian ngaihsak an hlawh vat loh chuan riltama thi an awm a hlauhthawn thu a sawi a ni. Pu N.K.Chakma chuan an bial chhunga mipui tam zawkin ei leh bar a harsatna an tawh chhan hi Mautam sazu puangin an buh leh bal a sehchhiatsak vang mai bakah ramri hungna kalpui mekah a bial chhunga mite huan leh lo engemawzat tihchhiat a nih avang leh hunrei tawh deuh atanga Lunglei atanga Tlabung panna kawng a chhiat avanga buhfai phur lirthei lian chi a kal theih loh vang a ni, a ti a ni. Lunglei piah Tlabung leh Tuichawng inkar kawng hi fur ruahsur-in a tihchhiat niin, tun thlengin thawm that ala ni lova, Tlabung Area VC Association huaihawtin tunkar chhung khan helai chhehvela awm mipuiten kawng chhe zual hnawh…

mam hna an thawk a, tunkar chhung khan nitin mi 800 vel bawr thawk chhuakin, kawng siam hna hi an thawk a, BRTF lamin hnatlang pui tur hian motor lian 2 an thawh bawk a ni. Hetianga kawng a chhiat avang hian Tlabung leh a chhehvelah buhfai phurhluh a harsa hle a, helai kawng zawh thei zinga lirthei lian ber, 407 Truck hmangin buhfai te hi phurh luh a ni. Mizoram hmun hrang hranga buhfai harsatna sukiang tur hian Mizoram FCS&CA chuan hma a la mek zel a, tun thla ni 17 leh 18 khan buhfai 22,444Qtls. phurh luh a sem chhuah nghal a ni a, nizan khan Bairabi-ah 8,750Qtls. alo thleng leh a, hei hi sem tura phurhchhuah leh mek a nih thu Supply Deptt. thuchhuah chuan a tarlang. Hetihlai hian Silchar atangin 24 trips leh Guwahati atangin 8 trips rawn phurh mek a ni a, tun ni 2 lo awm tur chhung hian 9,600 Qtls. phurh thlen a, sem chhuah leh nghal theih beisei thu tarlan a ni bawk a, tunkar chhunga buhfai hmuh punna hi 13,000 Qtls. vel a ni. Tun dinhmunah hian December thla thlenga buhfai leisa 1,12,675 Qtls. vel supply Department chuan a nei a, nakum January, 2008 a mi tur, 1,17,144 Qtls. pawh a man pek fel vek tawh niin Supply Deptt. Director, Pu TBC Rozara chuan a sawi. (source : khampat) $$ Aizawl leh Guwahati inkarah Deccan Kingfisher thlawhna, Ningani (20th December) atang khan thlawhtir a ni. Aizawl atangin dar 12:55pm ah a chhuak ang a, Guwahati atangin chhun dar 11:30am ah a chhuak thung ang. He thlawhna hi ATR-42 a ni a, mi 44 an chuang thei. A chuan man hi, fuel charge leh tax te nen vek Rs.2690 a ni. A chhungah hian tui sem a ni anga, thildang erawh chu lei tur a ni ang. Nitin thlawk tura ruahman a ni. $$ Rimawi lam. Musical instrument tel lova, aw hmanga rimawi leh hlasak intihsiakna, Winter Acapella, Zonet Cable TV buatsaih chu Nilaini khan zawh a ni. Lawmman pakhatna latute chu Aizawl Electric Veng a mi, IKTHUS niin, Certificate leh Rs.30,000 an la a. Pahnihna te chu Gihon Vocal Band, Mission Vengthlang an ni a, Certificate leh Rs.20,000 an la. Lawmman pathumna chu, certificate leh Rs.10,000 a ni a, Zop-Phil Quartet Acapella ten an la a ni. Lawmman te hi Pu Vanmawia (Remkimi Cherput pû) hriatreng nana siam a ni. “Thil tha i duh a nih ngai chuan nangmah atangin zawng rawh.” – Thomas Fuller

Please purchase PDF Split-Merge on www.verypdf.com to remove this watermark.

Vol XII Issue No. 51 Bangalore Mizo Association Pathianni Tin Chhuak Chanchinbu

INFIAMNA UEFA CHAMPIONS LEAGUE Match 7 - Tues 19th Feb 2008 Home Schalke Liverpool Roma Olympiacos

20:45 20:45 20:45 20:45

Away Porto Internazionale Real Madrid Chelsea

Match 7 – Wed 20th Feb 2008 Away Home Celtic 20:45 Barcelona Lyon 20:45 Man. United Arsenal 20:45 Milan Fenerbahçe 20:45 Sevilla First knockout round: 19 - 20 Feb. 2008 04 - 11 March 2008 Quarter-finals : 01 - 02 April 2008 08 - 09 April 2008 Semi-finals : 22 - 23 April 2008 29 - 30 April 2008 Final : 21 May 2008

Date: 23rd December 2007

Phek Li na

Fulham 1-1 Wigan Athletic Liverpool 4-1 Portsmouth Middlesbrough 1-2 West Ham Reading 2-1 Sunderland Zanina inkhel turte: 7:30pm Man. United vs Everton 9:30pm Arsenal vs Chelsea 9:30pm New Castle vs Derby 9:30pm Blackburn vs Chelsea 26th December (Nilaini) a inkhel turte: 6:30pm Chelsea vs Aston Villa 6:30pm Tottenham vs Fulham 6:30pm West Ham vs Reading 8:30pm Derby vs Liverpool 8:30pm Sunderland vs Manchester United 8:30pm Everton vs Bolton th 27 December (Ningani) a inkhel turte: 1:00am Portsmouth vs Arsenal 1:30am Man. City vs Blackburn 29th December (Inrinni) a inkhel turte: 8:30pm Birmingham vs Fulham 8:30pm Chelsea vs New Castle 8:30pm Tottenham vs Reading 8:30pm West Ham vs Manchester United 10:45pmEverton vs Arsenal EPL point dinhmun:

ENGLISH PREMIERE LEAGUE $$ Nakum January thla transfer an tan hunah Manchester United FC chuan kum 3 chhung atan Angola striker Mateus Alberto Contreiras Gonçalves, Manucho ti a hriat lar zawk chu, an la lut dawn. Ani hi an ram chhung club Petro Atlético Luanda a khel thin a ni. United Manager Sir Alex chuan, “Kar thum chhung enchhinna hun kan nei tawh a, kum 3 chhung atan kan duh a ni.” a ti. $$ David Beckham-an training Arsenal ah a nei dawn. Arsene Wenger chuan, “Beckham training tur hian kan theih tawp kan lo chhuah anga, kan hnena training ala tur hi kan lawm hle a ni.” A ti. Nizan inkhel result: Arsenal 2-1 Tottenham Aston Villa 1-1 Manchester City Bolton 3-0 Birmingham

1 2 3 4 5 6 7 8 9 10

Arsenal Man. United Chelsea Man. City Liverpool Everton Porthsmouth Aston Villa Blackburn West Ham

Played 18 17 17 18 17 17 18 18 17 17

Pts 43 39 34 34 33 30 30 30 29 26

Infiamna Dang… [%] ‘Normal is boring’ an tih ang deuh hian, Jharkhand lam hair style te pawh hi lo ti lawk ila a tha ang. - Rev. Zion Murmu

BMA Office Bearers: President : Pu K. Lalrokima Vice President General Secretary : Tv. Madawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

: Rev. PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana

Please purchase PDF Split-Merge on www.verypdf.com to remove this watermark.