Bma Aw: 16th December 2007

BMA AW

An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007 Vol XII Issue No. 50 Bangalore Mizo Associ ation Pathianni Tin Chhuak Chanchinbu Date: 16th December 2007 Phek Khatna

KEIMAHNI && Nimin Inrinni tlai lam dar 3 khan BMA Executive Committee, Pu K. Lalrokima Inah neih a ni a. Thurel kan hriat tur thenkhat te chu: Dan bu siam mek chu BMA Day ah release a ni ang a. Krismas ni ah Directory release tum a ni bawk a. Tin, January ni khat a BMA Day hmandan turte sawi ho a ni a. BMA Day hi hlim tak leh ropui dangdai taka, dinner nena hman tura rel a ni. && Kan Editor, Tv C. Lalhmachhuana nau damlo pawhin thatlam a pan mek zel niin thu kan dawng. Amah pawh January thla tir lama lo chhuk tura beisei a ni. && Rev. Sairengpuia Sailo chu a nau, Pu Lalrochunga’n Nilaini khan a boralsan a. Ningani chawhnu dar 2 ah an chenna, Nandidurg road-ah thlanthut neih a ni. Pu Rochunga hian a nupui leh fa 2, kum 8 mi leh kum 4 mi a kalsan a ni. && BMCF Secretary lo ni tawh thin, Rev.Dr.K. Lalrinthanga leh a nupui Pi Chawngthanpari te chuan nimin Inrinni khan Bangalore an lo thleng. Pi Pari, a zirlai Ph.D a viva nei tur leh an fate rawn tlawh a bial hlui te rawn fan paha lo zin an ni. && Tv Lalrothara, Delhi lama an office thil a zin pawh tluang takin Zirtawpni zan khan a lo thleng. BMCF INKHAWM PROGRAMME

Pathianni (23rd December 2007): Hruaitu : Pi F. Lalrotluangi Tantu : Josephine C. Zothanmawii Thawhlawm: Pi Rosy Malsawmthangi Thusawitu: Rev.Dr.K. Sapthanga

Article:

MIIN ‘CHAWNGTHU LUNGCHAWI’ AN TIH RENG LOH NAN – Obeda Lalhuliana Exam neia ka buai lai, Homer-ate leh Miller-ate’n thlahrang ang m aia mumang thleng thlenga min um buai lai khan chona leh sawmna tlakawp “amah atang ngeia tawngkam indona chu tan ka duh a” tih thu kha ka lo sakhi chul ram fan ve thuak thuak a. Keini ang thingtlang mi deuh reuh, thing leh tlang karah pawh dam panga awm, tuikhur hrisel lo tui liaka sei leh lian uk si lova seilian ve mai tan chuan mi bula lo vei ve sek pawh hi a inthlahrun awm a. Kan ngaihdan dawrawm te te chawtak khuka lo khukpui dera, Chanchinbuah lehzel fakna anka min han rawlhru duh hi, chhim phak a zim luat avanga zim ta law law hian “ ka phu lo i anka nem” tih hlate pawh ka hrechhuak rum rum a lawm. Sam m y-ate ang tlangval hmeltha leh eihmu, chhungkua-ah pawh a budelh chanvo kan thansan hmaa khawvel pum huapa thang lo chhuah hut hut tawhte sawmna der chu umzui ka tum lo zet a, lehlamah miin “Chawngthu lungchawi hi a lo dik reuh tak tak a nih hi” an lo tih ruk ka hlau bawk si a ( hnam min rochun tu ka pu kha Chawngthu a lo ni ve kher bawk si a), lehlamah han pawngpawrh viau dawn ila kan thu leh hlaten mi bengah dar a vuak tham ve si loh chuan Pa Vala te ho nuih kan ti za tel ang tih ka hlau tel deuh bawk si a. Engpawh ni se khuang tel lo pawhin lam kan tum mai a ni ang chu. Ka thu leh hla a kalsan hnua a ngaihmawh zual a sawite hi ka lo ngaihmawh ve em em thin an ni a, kan ngaihmawh dan kawng a inlehhawi mai pawh a ni. Mizovin thu kan lam ang anga kan ziah avanga hmanraw hman loh theih loh pakhat Apostrophe chungchang min zirtir zo chiah a, mizovin kan lam ang anga kan ziah hawrawp ‘V’ belh chungchang a rawn sawisel nghal a, “ti rawh u” a tih chu “ti reng reng suh u” a rawn ti a ni. Ani chuan ‘lo vang’ tia kan lam ngawih ngawihte hi ‘lo ang’ tia ziak chat chat turin min duh a, a hmasa lama min zirtir Apostrophe kha hmanna tur a awm ta lo reng reng tihna a ni. ”Writing is a symbolic representation of Speech” tia kan zir thin kha a lo dik em em mai a, kan tawng dan anga kan ziah mai loh nakah (sai nakah). “Lianaan heti ang hian a ti si a” kan tih churh churh a ngaih tawh loh nan ‘Lianaan’ chu ‘Liana’n’ kan ti mai a, ‘heti ang’ chu ‘hetiang’ kan ti leh mai a, ‘si a’ pawh ‘sia’ tiin. Tawng hausa tak American English chuan ri tel lo hi a ziak lang duh tawh vak lo. ‘Colour’ te hi ‘Color’an ti mai tawh. (… phek hnihnaah chhunzawm a ni e)

Please purchase PDF Split-Merge on www.verypdf.com to remove this watermark.

Vol XII Issue No. 50

Bangalore Mizo Association Pathianni Tin Chhuak Chanchinbu

Editor C. Lalhmachhuana, UTC, Ph- 9845330822 Joint Editor Thaarie Hnamte Vasanth Nagar, Ph. 9886145877 Circulation Staffs: David Laldanfela Joshua Lalramdinmawia C. Lalramthanpuia Guest Editor – Mâdawnga E-mail: [email protected] Website: www.bangaloremizo.info A Man Thla Khatah : Rs. 15/-

Editorial Pawl tam lutuk hi… Thingtlang khuaah chuan thalaiten lo lam hna an thawk a, lehkha an zir bawk a, a thente chu inhlawh chunga lehkha zirte a ngai a, kohhran leh pawl dang a tamin telve a ngaih na chin a awm bawk si. Infiam leh len khawthawn lo duh ve tan te phei chuan lehkha zirna hun emaw, hna taima taka thawhna hun emaw, chhungkaw tana hun hmanna hun a tlem duh hle ang. Hetiang ni reng si hian hunawl kan la nei zeuh zeuh zui bawk nen. Hlawhtlin kan duh si chuan kan hun hman danah hian insumna leh zirtur thil chu kan nei chiang ta mai. Pawl hrang hrang, khawtlang tana thawk nisi a tam a, tihtur chi hrang hrang ruahman thin a ni bawk nen, hlimhlawp lam zawnga hun hman a tam viau zel mai bawk a. He’ng thil hian mimal, chhungkua leh khawtlang hmasawnna min dal zawk lo maw? Pawl tlem zawk awm a, lungrual tak leh tangrual taka, khawtlang leh mimal nun siamthatna lama hna kan thawh hi a tha ber zawk lovang maw?!

Date: 16th December 2007

Phek Hnihna

(phek khat ami chhunzawmna… ) American English leh British English hriat hranna ber pawh hetiangah hian a ni. Pu C.Rokhuma’n “V tel lova tawng zuap zuap hnam hi nih hlau hle rawh u, V hi ban chi a ni lo” (Thu leh Hla, July 2007, p.2) a lo tih kha kan tawng humhimna hla a ni. Sammya pawh hian a kan ti taknaa, a Article kawngtluan hian tawngin a thuziah a influence zia kan hmu (Chhut lo re re, hetianga, te’n). Kan khel ta sa sa kan sawi thui deuh teh ang. Vowel pahnih tla kawpa V lo tel ve thin hi sap ho pawhin an chai ve nek tawh a lo ni awm a. Vowel inkawp hi lamrik a lo harsat avangin pumpelh dan kawng an lo zawng ve ngial ni tur a ni, Vowela Word intan reng reng (eg. Earth) hmaa article ‘the’ chu ‘di’ tia lam tur an ti a, ‘A’ pawh ‘An’ tih tur tiin dan an zam a, Nehru-a chungchang sawina pawh ‘Nehru-ian’nilovin ‘Nehru-vian’a lo ni ta a ni. Kan leili milin Vowel inkawp karah chuan V kan dah ve zel a, ‘Rova’ ‘lo vang’ ‘lo vem ni’ tihahte hian. Mitam tak chuan V a tel avang hian an ziah zawm phah a, a va behna lam zawkah chauh khan a bet tur a ni. Vowel phir kher lo, heng ‘deuh deuhvin’ tihahte hian nga ti nge a tel ve kan tih chuan ‘deuh’hnuhnung zawka hawrawp tawp ber ‘h’ khi kan lam rik loh vang a ni. Vowel phir ni si V kan dah lohna pawh a awm tho va, “tui lo in rawh” tihahte hian. Heta V a awm loh nachhan chu ‘In’ hi thumal puitling a ni a, chumi awmzia chu amaha awmze nei tham tihna a ni. V kan belhna word reng reng hi chu thumal puitling an ni pha ngai lo va, mahni chauhva awmze nei lo an ni. “Kawl a eng lo em ni” tih thuah hian V dah theihna hmun pakhat chiah kan nei a, chu chu ‘em’ hmaah hian a ni. ‘eng’hmaah khian kan dah ve thei lo, amaha awmzia a neih tham avangin. Hetiang hi Sap ho chuan Assimilation an ti a. Thenkhat chuan leili milin Vowel kher lovah pawh tawngkam an thlak a, “I ti em ni” tih aiah “I ti em mi” tih kan hmang thin. Hetiang hi Reciprocal Assimilation an ti bawk. A sei leh ta hle mai. Editor ner sawk sawkna tham a ni leh ta. Tun tum chu hawrawp V hnawk leh hnawk loh a ni deuh ber a, hun remchang dangah hlasiamtu hla siam chu a thluk kha a nih mai zia leh hlaphuahtu hla phuah erawh thung chu a thu a nih zawk zia kan la sawi leh dawn nia. CHANCHINTHAR ## Kan member, Samuel Lalrozama chu a thian thenkhat te nen team ang deuh siamin a chawlh hun chhung rawngbawlna lam nei turin a inbuatsaih. ‘Youth Martial Arts Mission for Christ’ tih hming inphuahin, YWAM lama kan member thenkhat te nen, tunah hian program hlimawm tak, thalaite Pathian thu leh khawvel lama a tha zawng a inhruaina hun Mizoram hmun thenkhata neih ngei tumin an inbuatsaih. Vanapa Hall lam erawh chu program dang a tam avangin an cancel a, December ni 19 a Kolasib lama neih an tum leh December ni 22 a Lunglei lama neih an tum chu an hmang thei dawn niin thu kan dawng. Kan member te Mizoram lama awm te leh haw remchang te chu, he hun hi hman pui ngei turin an sawm a ni. Tin, a cham chhungin Mizoram ah Martial Arts Federation thar dinpuia, hma lakpui turin an sawm bawk a. Hei hi Central lama nihna sang tak a chelh vang a ni. Tihhlawhtlin ngei a tum a, tin, press conference te neih a tum thu kan dawng bawk.

Please purchase PDF Split-Merge on www.verypdf.com to remove this watermark.

Vol XII Issue No. 50 Bangalore Mizo Association Pathianni Tin Chhuak Chanchinbu Date: 16th December 2007 Phek Thumna

MIZORAM CHANCHINTHAR $$ Rev. Chanchinmawia Thlavang hauhna Kawngzawh’. 10th December, Thawhtanni khan Mizoram Pradesh Congress Committee leh Mizoram People Conference te chuan ‘Rev. Chanchinmawia Thlavang hauhna Kawngzawh’ an nei. He kawngzawhah hian Pu Lasawta, General Secretary MPCC resolution siam chu an passed. He kawngzawh hi Chanmari kawn atanga tanin Tennis Court ah an tawp a. Kawng an zawh naah hian hmun 3 ah thusawi hun an nei bawk a ni. Mipuite chuan flag dum kengin ngawi rengin kawng an zawh. He resolution an passed ah hian Rev. Chanchinmawia chu a thihdanah Investigation team ten midang kut tuar a thi a nih loh thu an sawi chu an awih loh thu leh, a thihdan chhui turin CBI rawih ni rawh se tih te a tel. $$ 12th December, Nilaini khan Mizorama Medical Doctor inthlunkhawmna pawl lian ber, Indian Medical Association (IMA) Mizoram State Branch chuan Tourist Lodge, Chaltlangah Annual Conference vawi 31-na an hmang a; he huna Khuallian, AH & Vety Minister Pu Lalrinchhana chuan doctor-te chu cancer dona kawngah nasa leh zuala hmala turin leh, anmahni pawh mipui entawn tlâka zûk leh hmuama insûm turin a chah. IMA khawmpui hawnna inkhawmah hian Hon. Secretary Dr. Eric Zomawia'n annual report a pe a, IMA Mizoram State Branch-ah member 442 an awm thu a sawi. He huna an thupui ber, zûk leh hmuam tihtlem a, cancer natna tihtlem chungchang sawiin Dr. Eric-a chuan, kum 2005 chhunga Mizorama thi zawng zawng 4649 zingah cancer vangin mi 618 an thi, a ti. (source : Vanglaini) $$ Champhai Group YMA hnuaia ruihhlo dotu pawl, SRS duty te chuan Myanmar atanga Mizorama tawlh luh, China siam dawidim fûn 70 leh Dawidim mûm 13,600 an man a, a neitu nia puh hmeichhe pahnih man tel an ni bawk. An thudawn bawhzuiin, Thawhlehni (11th Dec.) zing lam dar 2:00 vel khan SRS Duty te chuan Zokhawthar atanga Bus lo kal chu an lo chang a, Bus lo kal tura an beisei chu engemaw chen a khawtlai tak avangin SRS Duty te hian ramhnuai chu an rin dap a, hetah hian Ruantlang daia dawidim thuhruk chu an man chhuak ta a ni. Dawidim neitu Lalnunpuii (25) leh Lalthansangzeli (19) Melbuka awm nia insawi te

pawh SRS Duty te hian manin, Champhai Excise te kutah an hlan nghal a ni. Heng an mi man te sawi dan chuan Dawidim te hi Tiau ral leh lam Zokhawmawi atanga an lei a ni a, China siam dawidim hi Aizawl-ah Fun 1 Rs. 150/- zela hralhin, Dawidim mum chi te chu fun 1 Rs. 18/- zelin an hralh thin niin an sawi. Champhai Group YMA SRS Duty te hian zu siamna hmun 8 tichhia-in, zu bilh lai barrel 4 leh Tin 40 bakah zu bilhna hmanrua thahnem tak an man bawk a ni. (source : khampat) $$ Health Multipurpose Service Association General Coference, Aizawl Vanapa Hall-a neihah Pu R.Tlanghmingthanga, Secretariat Administration changtu chuan sawrkar hnathawk leh pawl reng rengin a ruaitu leh a chunga thuneitu zawk, sawrkarah Ultimatum a thehlut thiang lo a ti. Sawrkar hnena Ultimatum pek hi sawrkar hnathawk te khuahkhirhna dan, Service Rules bawhchhiatna a ni a, tin, mahni duhdan leh duhthusam ang zawnga kal tura sawrkar hnena thu siam chu sawrkar chuan a ngaithiam thei lovang a ti. Sawrkar laipui chuan Mizorama Health Worker te hnathawh a that em avangin Mizoram chu a duhsak hle niin an sawi a, tin, mipuiten an manhi a theihtawp chhuah a Sub-Centre sak hna an thawk te chu sawrkar laipui chuan tha a tih avangin Health Sub Centre 130 sakna tur pawh hmuh fel a ni a ti bawk. $$ Zonet Nite, December ni 10 a neih chuan mi 6 hnenah Zonet Award 2007 a pe. Thawhtan zan khan Vanapa Hall ah Zonet Cable TV chuan Zonet Nite 2007 a hmang a. Heng mite hnenah hian chawimawina a hlan a ni; C. Kamlova, Rev. Chuauthuama, Dr. C. Sawmliana, Laldinkima Sailo, Anthony Lalmalsawma leh Lalpianmawia. (Heng chawimawina dawng te chanchin hi remchangah la rawn tarlan kan tum dawn nia – Guest Ed.) $$ Tunlai hian Lunglei lama mi Youth for Mizoram chuan pawisa thawhkhawmin Mautam tuarte hnenah tanpuina thilpek atan buhfai pek a tum mek. Mipui lam pawhin an thlawp hle a, thawhlawm te pawh an pe nual a ni. Krismas hma ngeiin buhfai te hi sem an tum a ni. “Thil tha i duh a nih ngai chuan nangmah atangin zawng rawh.” – Thomas Fuller

Please purchase PDF Split-Merge on www.verypdf.com to remove this watermark.

Vol XII Issue No. 50

Bangalore Mizo Association Pathianni Tin Chhuak Chanchinbu

INFIAMNA UEFA CHAMPIONS LEAGUE Tun tum chu khawvela Football inelna ropui leh lar tak, thenkhatte phei chuan World Cup ai pawha hmuhnawm an tih, UEFA Champions League chanchin tawi, tlem i han sawi teh ang. He champions league hian qualifying round pathum, group stage pakhat leh knockout round pathum a nei ani. Qualifying round : He round ah hian club te chuan khelh hnih zel an khel a, chu chu anmahni hmun (home) lamah leh an khelhpuite hmun lam (away) ah a ni a. Hetah hian point hmu sang ber chuan round dawt leh a lut thei a. Goal thun inzat an awm chuan khelhpuite hmun (away) lama goal thun tam zawk chu point hmusang zawk a ni. Group Stage : Qualifying round a a chak 16 te chuan automatic a group stage a lut club 16 te chu an zawm ve ta a. Tichuan an vaiin group stage lut te chu club 32 an ni a. Team 4 zelin, group 8 ah then an ni a. Group khat a team 4 te chu khelh hnih zel (home leh away) khelin an inkhel kual a. Heta point hmusang 2 te chuan knockout round an lut ta a ni. A pathumna te chu UEFA Cup Round of 32 lut an ni bawk. Group stage hi September thla leh December thla chhunga khelh thin a ni. Knockout Phase : Group stage a chak team 16 te chuan he knockout phase hi an lut ta a. Qualifying round an khelh dan angin, semi final thleng khelh hnih zel (home leh away) khelin an inkhel kual leh a. Hetah hian group tina chakber khan an mahni pool a mi nilo, an mahni ram ni bawk lo, group dang a chakber dawttu an khel thung a ni. Final : Final erawh hi chu khelh khat chauh khelh a ni a. Kumina final khelhna hmun tur chu Moscow ah a ni. Knockout Phase lutte : Group A: 1. Porto 2. Liverpool Group B: 1. Chelsea 2. Schalke Group C: 1. Real Madrid 2. Olympiacos Group D: 1. AC Milan 2. Celtic

Date: 16th December 2007

Phek Li na

Group E:

1. Barcelona 2. Lyon Group F: 1. Manchester United 2. Roma Group G: 1. Inter Milan 2. Fenerbahce Group H: 1. Sevilla 2. Arsenal December ni 21 hian draw an nei ang a. Group khat ami leh mahni ram a mi te chu an in tum thei dawn lo a ni. ENGLISH PREMIERE LEAGUE

Zanina inkhel turte: 7:00pm Liverpool vs Manchester United 9:30pm Arsenal vs Chelsea 22nd December (Inrinni) a inkhel turte: 6:00pm - Arsenal vs Tottenham 8:30pm – Liverpool vs Portsmouth EPL point dinhmun: 1 2 3 4 5 6 7 8 9 10

Arsenal Man. United Chelsea Liverpool Portsmouth Man. City Everton Aston Villa Blackburn West Ham

Pts 37 36 34 30 30 30 27 27 26 22

Infiamna Dang… %% Kan pa pawh hian chhang leh eitur dang eng eng emaw a lei dawn hian kan fate thirsakawr ngawt hian a lawm a kal thin. – First Lady %% Hmanni ka inbuk chu, ka over weight nasa lutuk a, ka height min tih san sak ringawt a lawm. – Nautea %% Tunlai khaw awmdan hi VC seating neihna khua pawh a nih loh hi. I phur thei em mai, hotupa! –James %% Tun tum krismas chu kan nu te khaw lamah kan zuk hmang ang e. Zawngtah lo hman turin lo haw ka tum ang. – Leader, BMCF Area II

BMA Office Bearers: President : Pu K Lalrokima Vice President General Secretary : Tv. Madawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

Please purchase PDF Split-Merge on www.verypdf.com to remove this watermark.

: Rev PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana