Bma Aw: 30th December 2007

BMA AW

An Official Organ of The Bangalore Mizo Association Registered Under Soci eties Act of Karnataka No.BLU-S188-2007-08 Date 7 May 2007 Vol XII Issue No. 52 Bangalore Mizo Associ ation Pathianni Tin Chhuak Chanchinbu

KEIMAHNI && Mysore lama kan member te exam an zo nual tawh a. University a MA leh MSW zir ten January thla tir lam hian exam an tan ve thung ang. && Kan member engineer zirlai ten theory exam an nei mek. UVCE a zirlai 1 st year leh 2 nd year ten practical exam an nei mek a, 16th January ah theory exam an nei tan ang. Thildang zir ten exam chawlh an hmang mek bawk. && RJ Lalnunpuia, krismas hma atanga dam thalo pawh a ziaawm hret hret zel e. && Kan Senior Adviser Pu Sapthanga, a thiannu Pi Rini leh an fanu Makimi pawh Mizoram lama krismas te an han hman hnuin, naktuk 31 st Dec. hian lo haw an tum. && Krismas hman pah a haw, Tv. Samm y alo chhuk leh tawh. Nl. Thaarie Kolkata lamah a kal a, Aizawl lamah chhoh a tum, Nl. Mary, Delhi lamah kumthar hmang turin a zin bawk. Pu Levis te nupa leh an fapa pawh Aizawl lamah an zin a, Nilaini hian lo chhuk leh an tum. BMCF INKHAWM PROGRAMME

Pathianni (6th Jan. 2008, 3:00pm):

Hruaitu : Nl. R. Lalrinpuii Tantu : Tv. Ma-Thakima Thawhlawm: Tawngtai Rual Special Number : Tv. Michael Lalhriatpuia Thusawitu : Pu H. Laltlankima Tunlai Bangalore A boruak a nuam tawk khawp mai. Temperature a san lai berin 29.7 deg C a ni a, a hniam lai berin 16.1 deg C a ni. Vawiin tlai 6:00pm ah ni a tla a, nakutuk zing 6:40am ah ni a chhuak ang.

Date: 30th December 2007 Phek Khatna

ZONET Award 2007, 10th December-a Vanapa hall-a an sem dawngtute chanchin 2-na:

Revd. Chuauthuama Kum 1947 kangvar laia piang Chuauthuama hian kum 1990 hma lamah khan chuti takin Mizoram mipui hriat a hlawh lo. A chanchin hria mi thenkhat leh a zirpui te erawh chuan mi danglam bik a ni tih an sawi thin. Bukpui khaw chhuak Pu Chuauthuama hi Pu Tawna leh Pi Buaii te fa 6 zinga a naupang ber a ni a, Tezpur Jail-a kum 3 a tân hnu-ah hlo thlo chunga lehkha zirin Matric a pass a, hnathawk chung zela BA zir chhunzawmin 1976 khan BA chu Distinction-ah a pass ta mai a, NEHU-ah 2-na a ni nghe nghe. Upa tawh deuh chungin United Theological College, Bangalore-ah BD a zir zui ta a, 1st Class-a pass-in 1-na a ni a, BD a zir chhung hian United Theological College-a zirlai thiam thei bikte chawimawina, Academic Prize awm zawng zawnga 1-na chu a hui fai deuh vek a ni. UTC-a a awm lai hian a zir nasa bawk a, a zirpuite chuan a hming hi “Lehkha zir” tih tlukpuiah an hmang fiam thin a, “I Pu Chuau dawn em ?” an tih chuan, “Lehkha i zir dawn em?” tihna a ni. A tihthat em avang hian an zirtirtute pawhin zirna sang zawk chhunzawm turin an duhsak a, khawvela University hlun leh tha hmingthang, United Kingdom-a Cambridge University-a St. John’s College-ah Thuthlung Hlui leh Hebrai tawng a zir zui ta a, M.Phil degree a la ta a ni. Mizo zinga Cambridge University-a zira degree sang la hmasa ber leh a awm chhun a ni ta rih a ni. An zirlai hi a har bawk ni tur a ni. Chuauthuama meuh pawhin “Kan exam zo chu ka â lo chauh a ni” a ti hial a ni. Cambridge Universiity-ah hian Ann Fry Hebrew Award leh Rogerson Hebrew Studenship chawimawina a dawng nghe nghe a. Hengte bakah hian kum 1990 khan Jerusalem-a St. George’s College atangin Bible zirna lamah Certificate Course a zo leh a, 1998 khan Netherland-a Hendrik Kraemet Institute atangin course dang a zo leh bawk. Heng zirnate a zawh hnu a hun puma rawngbawl tura lak a nih atanga tun thleng hian hna tul dang karah lehkhabu chi hrang hrang a ziak reng a, a chang chuan kum khatah bu 2 bu 3 te a chhuah hman a, tun thleng hian 38 a ziak zo tawh a ni. A lehkha zir chhung zawng hian, khawiah pawh ni se, Chuauthuama hian lehkha hi a ri ngatin a chhiar thin a, a ri lovin lehkha a zir ngai lo. Ni-a a hriat tawh chu huaisen takin a dinpui ngam thin a, ngaihdan awm sa a nih avang emaw, tu sawi dan emaw a nih avang emaw ngawtin a pawm mai ngai lo. Hetiang mi huaisen, lehkhathiam sang leh taima, harsatna tam tak paltlanga Mizo zinga Cambridge University-a zira degree sang la hmasa ber leh awm chhun, Mizo te Pathian thu zirna leh hriatna lama nasa taka tithangharhtu hi ZONET chuan mi dangte tan entawntlak, mi chhuanawmah a ngai a, he ZONET Award hi a hlan a ni.

Please purchase PDF Split-Merge on www.verypdf.com to remove this watermark.

(source : Vanglaini)

Vol XII Issue No. 52

Bangalore Mizo Association Pathianni Tin Chhuak Chanchinbu

Editor C. Lalhmachhuana, UTC, Ph- 9845330822 Joint Editor Thaarie Hnamte Vasanth Nagar, Ph. 9886145877 Circulation Staffs: David Laldanfela Joshua Lalramdinmawia C. Lalramthanpuia Guest Editor – Mâdawnga E-mail: [email protected] Website: www.bangaloremizo.info A Man Thla Khatah : Rs. 15/-

Editorial Engtin nge ni dawn? Mihringte chhiar danah chuan kum hlui 2007 chu a lo ral dawn ta. Mihring kum te a lo upa ta zel a. Kum 2007 chhung a kan thil tih diklo leh thalo laite en letin, thil tam tak i zir tlang ang u. Kum 2008 atan engtin nge kan inbuatsaih ang... enge kan chhungkua emaw, mimalin emaw hmachhawp tur kan neih? Kum 2008 ah chuan rilru tharin, awmdan thalo te simin, hun kal tawh a kan tihsual tawhte atanga zirin, hmachhawp i siam theuh ang u. Tum mumal neilo a kal chu thildik a nilo ang, lawng khalhna neilo, tui fawn kara leng vel mai mai ang kan ni mai dawn a ni. NEW YEAR PARTY New year party naah kal I tum a nih chuan fimkhur hle ang che. I thil ei leh in tur reng reng, nangmah ngeiin lei la, eiin in ang che. Damdawi hlauhawm tak mai ‘Ketamine Hydrochloride’ (aka date-rape drug) an tih chu a hluar hle a. Miin vawikhat a ei tawh chuan nikhaw hre lovin a awm a, a hriatrengna pawh a hlauh nghal dawn a ni. I INCHHIR HMAIN, FIMKHUR HLE ANG CHE.

Date: 30th December 2007

Phek Hnihna

BMA WELCOMES 2008 Kum 2008 BMA Day chu kan lo thleng leh dawn ta a. Kum dangah pawh hlim tak leh nuam taka lo hman thin a niin, a chang chuan Bangalore khaw pawn lamah te hial intihhlimna hun hman a ni a. Kumin pawh inbuatsaihna a nasa hle a. Pawn lamah chhuak lovin, remchang tak maiin, hlim taka Krismas kan hman zawhna hmun Tagore hall, UTC ah kan hmang dawn a ni. Kumin chu chhun chaw ei lovin tlai chaw kan ei thung bawk ang. BMA Day : January 1st, 2008 (Thawhlehni) Program tan hun : Chawhnu 3:30pm A Hmun : Tagore Hall, UTC. Hun hmandan tur tlangpui: Day l awm na hun hi chawhnu dar 3:30 ah chiah tan tur a ni a. Hunserh te neih a nih zawh lamah, Bangalore khaw chhunga kan la hmuh ngai reng reng loh zai danglam tak tak, rap ni chiah bawk silo… la sawilo phawt ang. Bangalore nuho, kum danga an rock ‘n’ roll te lo hmu tawh te phei chuan an talent neih that zia kan hriat chian kha. Tun tum ah pawh hian engemaw tak an ti leh dawn. An inbuatsaih nasa hle mai. Lam thiam leh lemchan thiam tak tak BMA naupang te an che dawn bawk a. Tun tumah hian a eng zawk nge an tih dawn kan hre tlat lo. Anmahni kan zawhin, lo ngaichang mai turin min ngen tlat. Bangalore ah hian zaithiam tak tak kan nei a. Tun tum ah hian a then chu an rawn inlar dawn a ni. Album siam thei hial khawp te an ni. Eng anga thiam nge an ni tih chu ilo hre mai ang. He’ng zawng zawng ai hian an che vel mawlh mai hi. Sawi mai pawhin ka ti a mur sung sung mai. Hei kher hi chu a dangdai dawn lutuk. Fashion show ni bawk si a, modelling ti tur mawlh mai te hi. An zeina ai mah chuan an pianmawina leh nalhna hian mit a la dawn tih a hriat theih. Kum dangah pawha kan hmuh khat em em, hnam lam mawi tak mai, kan nula chhuanvawr leh hmeltha tak tak ten an entir dawn bawk. Bangalore Mizo te kan va vannei em! Items hrang hrang bakah Directory 2007-2008 leh BMA Dan Bu release tur a ni dawn bawk a ni. He’ng bakah hian Intelligence Report te leh Games hrang hrang te tih a ni bawk ang. Hriattur Pawimawhte: 1. Program hi tan hun a ruat, 3:30pm. ah tan a ni ang. 2. Day lawmna dinner hi, ei man – Puitling tan Rs.50 a ni ang a, hnathawk te chu Rs.50 aia tam pawh beisei an ni. Naupang tan Rs.20 a ni ang. 3. Directory hi lei theih a ni leh dawn a, bu khat Rs.50 a ni ang. 4. Program kan hmanna tur hmun hi Mizote kan hmel lanna a nih zel dawn avangin, felfai taka kan awm thin te kha kan hre reng dawn nia, a bikin zuk leh hmuam chungchangah te. Hmingchhiat siamthatnan kum tam a ngai tawh thin. 5. Dinner hi a hma lama ei theih tum a ni. 6. Mamawh, hriat duh leh rawtna te kan nei a nih chuan hruaitute kan hriattir zel dawn nia.

Please purchase PDF Split-Merge on www.verypdf.com to remove this watermark.

Vol XII Issue No. 52 Bangalore Mizo Association Pathianni Tin Chhuak Chanchinbu Date: 30th December 2007 Phek Thumna

BMA DAY-A CHANVO CHANGTUTE: Hruaitu : Pu K. Lalrokima President, BMA. Hunserh : Rev. R. Lalnunzira Dan Bu Release: Rev. Dr. K. Sapthanga Directory Release: Pi Lalnunmawii Directory Report: Convener, Directory Sub-Committee Zai Hruaitute: Pu Lalhmingchhuanga Zongte, Nl. Lalrinpuii leh Nl. Sarah Lalngaihawmi. Decoration : Zoram Villa, Koramangala Seat Arrangement : Sherwood Hostel Ushering: Mapuii Hostel & Grace Home Boys, Koramangala. Sound: Isaac Lallunghnema, Lalthlengliana, Andrew Lalruatfela, Lallianzuala, RJ Lalnunpuia. Camera: Laltanpuia, John Sailo, Lalthlengliana. Banner: KR Puram Mizote Dinner: Obeda Lalhuliana (Leader), Lalramthanpuia , Zothanmawia, Tluanga, Joshua, Ruatfela, Gilbert, Lalchhuanpuia, Tetei, Shalom, Blessy, Ramchhuana, Ramhluna, Panteii, Zorini, Lalrinpuii, Diki, BS Lucy, Lalrammawii, Marema, Jerry, C. Lalremmawia, C. Lalzawmtluanga, Joseph Lalramdinsanga, Jonathan Lalbiakhlua, John Vanlalruatdika, BBBC-a Mizo zirlaite, Lalremruati leh Kuri (UTC). BMA Day 2008 hmang turin Bangalore-a mi zawng zawngte kan sawm a che u. Hei baka New Year party thianghlim hi a awm kher lovang. Eitur tuihnai tak buatsaih a ni dawn bawk e.

MIZORAM KRISMAS Kum 2007 Krismas ni ropui tak chu a lo zo leh ta a. Khawvel hmun hrang hrang a Christian te ni pawimawh a ni a, Mizoram lamah pawh urhsun leh hlim takin hman a ni. Mizoram hmun hrang hrang a Krismas an hman dan thenkhat te: December 25 hi Kohhran thenkhat chuan ruai nen an hmang a, chutih laiin Kohhran tam zawk chuan Krismas ni chu serh in, inkhawm, zaikhawm leh thingpui ruai nen an hmang a, a tuk December 26 ah ruai an theh a ni. Mizoram Governor, MM Lakhera chuan Krismas ni hi Catholic Kohhran, Christ the King Cathedral ah a hmang ve a. Krismas ni khan chawhma a inkhawm ve a ni. Inkhawm mipui te Krismas chibai a buk. Urlawkzan in Kohhran hrang hrang Thalaite chuan mahni kohhran Hall-ah theuh an hmang hlawm a. Zaikhawmna leh intihhlimna chi hrang hrang an nei hlawm a ni. Salvation Army thalaite chuan Aizawl Temple kawtah Coffee Nite an siam leh a, zaithiam hrang hrangte an zai. Hemi zan a an sum hmuh chuan fahrah enkawlna hmun an siam ‘Motherless Baby’s Home’ chu tanpui an tum a ni. Kumin Krismas bawr velah buaina siam leh sualna avanga man an tlem hle. Aizawl, Lawngtlai, Saiha leh Kolasib tih loh district dangah chuan Urlawk zan hian lock-up te pawh a ruak vek niin hriat a ni. Aizawl Police station ah December 24 zan khan zurui 15 vel man an ni a, Bawngkawn ah mi 28 vel man an ni bawk, heng an man te hi Krismas zingah chhuah leh an ni. Kumin Krismas boruak …

hlimawm tak leh muanawm taka a awmna chhan chu JAC, VDP leh SRS te hnathawh nasat vang niin an sawi. Mizoram khawpui thenkhatah buaina neuh neuh awm mahse, a tam zawkin buaina an nei lova. Tin, kumin Krismas chu tanpui ngaite tanpui leh rethei chanhai zawkte ngaihsakna a tam em em mai a, hei hian kum dang zawng aiin kumin Krismas chu a ti ropui zual niin a lang. Kum tina tih thin angin, kumin Krismas pawh hian Governor awmna hmun, Raj Bhavan chu mipuite tlawh leh en theihin siam leh a ni a. Tlawhtu an thahnem hle. Zanah Aizawl khawpui chhunga kawtthler hrang hrang cheimawi en leh boruak thlithlaia leng chhuak an tam hle bawk. MIZORAM CHANCHINTHAR

$$ Mizoramah Electoral Photo Identity card nei mi 60% vel an awm tawh a. Hetiang a nih avang hian India ramah chuan EPIC nei tha ber niin Pu Lalmalsawma, Chief Electoral Officer chuan a sawi. Electoral Roll siam tawh chu ennawn a ngaih avangin a hun atan nakum January thla hi ruat a ni a, chuvangin thla la la lote tan hun hawn mek zel a ni. $$ Tun December thla chhung hian Khawlian khuaah chuan nausen kum khat pawh la tling lo mi 4 an boral tawh. He’ng naute te hi an natna hriat a nilo. Pu F. Lalnuntluanga, Khawlian khua VC Secretary chuan, ‘he’ng nausen te hi thimhlimah an tha em em a, zan alo rei a, an zia a zawi tan a, a hnu darkar 6 velah chuan an lo na zual a, an boral zui ta mai a ni’a ti. (source : internet)

Please purchase PDF Split-Merge on www.verypdf.com to remove this watermark.

Vol XII Issue No. 52 Bangalore Mizo Association Pathianni Tin Chhuak Chanchinbu

LAWMTHU

Date: 30th December 2007

Phek Li na

Zanina inkhel turte: 6:55pm Derby County vs Blackburn 9:25pm Man. City vs Liverpool

Kan nau Lalrochunga Sailo, kum 31, accident avanga ni 17 lai nikhaw hre lova a awm hnu a a boral chungchangah; Bangalore Mizo te hnenah lawmthu sawi kan va ba nasa tehlul em! Min thlamuanna te, min ngaihsakna te, min tuarpuina te, min tawngtaisakna zawng zawng te avangin kan lawm em em a. In tawngtaina te kha a thlawn lova, Pathian rem tih zawng takin chhanin a awm a ni. Bangalore Mizo ten min thlamuan tak zet a, khawhar lovin min siam a, kan chunga inthatna zawng zawng avang khan kan chhungkuain lawmthu kan sawi tak meuh a ni.

New year party naah kal I tum a nih chuan fimkhur hle ang che. I thil ei leh in tur reng reng, nangmah ngeiin lei la, eiin in ang che. Damdawi hlauhawm tak mai ‘Ketamine Hydrochloride’ (aka date-rape drug) an tih chu a hluar hle a. Miin vawikhat a ei tawh chuan nikhaw hre lovin a awm a, a hriatrengna pawh a hlauh nghal a ni. Hetiang tawngpalh lo tura fimkhur turin Mizo thalaite kan inngen a ni. I INCHHIR HMAIN, FIMKHUR HLE ANG CHE.

In Rawngbawlpui, Rev. Sairengpuia te chhungkua United Theological College, Bangalore.

% Department of Youth Services & Sports (DYSS) chuan January 18 atangin Doordarshan ah Infiamna lam program a tichhuak dawn. Hei hi thingtlang a chengte infiamna lama tihhmasawn nan a ni.

INFIAMNA Nizan (29th December) inkhel result: West Ham 2-1 Man. United Chelsea 2-1 Newcastle Tottenham 6-4 Reading Birmingham 1-1 Fulham Portsmouth 0-1 Middlesbrough Sunderland 3-1 Bolton Wig. Athletic 1-2 Aston Villa Everton 1-4 Arsenal % Nizan West Ham leh Manchester United inkhelah Manchester United an chaklo. Tan atanga minute rei lutuk lovah Ronaldo chuan tun season-a a goal 18 (khelh 18-na ni bawk) atan West Ham lamah Giggs-a rawn siam phei chu a lo tauh lut a. A hnu ah West Ham lam chuan penalty an hmu leh ta. Mahse, Ronaldo chuan a veilam sirah chuan a pet out ta hlauh mai. A hnu minute 77 naah chuan substitute a mi R. Ferdinand chuan Manchester United lamah chuan a head lut ve ta a. Hun tawp dawn tep minute 82 naah Upson chuan West Ham chakna goal atan a tilut leh ta bawk.

NEW YEAR PARTY

Nuam leh hlimawm emaw kan tih hian kan damchhung nun a tichhe thei.

% Nakum 2008, January 8-19 hian India hmeichhe hockey team te chu training nei turin Australia ah an kal dawn. Australia hmeichhe team te nen practice match vawi 8 an khel ang. Hei hi Olympic qualifying inbuatsaihna atan a ni bawk. India team member 22 zingah hian Mizo nula Rosalind Lalchhanhimi Ralte a tel a ni. Infiamna Dang… [%] India tangka tello hi chuan a chet tak tak theihloh a nih hi… kum a thar hma chuan ka inbual mai mai dawn lo. - Ramhluna, Wisdom Home. KINETIC NOVA (BLACK) 113cc, 2002 model, service zawh hlim hlawl, thla 10 insurance la nung, document dang pawh fel thlap, tihral duh a ni. A man Rs.8000 a ni a, installment pawhin a pek theih ang. Contact: +91 99805 50735.

BMA Office Bearers: President : Pu K. Lalrokima Vice President General Secretary : Tv. Madawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

Please purchase PDF Split-Merge on www.verypdf.com to remove this watermark.

: Rev. PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana