Bma Aw: 27th January 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 4 Bangalore Mizo Associ ation Pathianni Tin Chhuak Chanchinbu

KEIMAHNI && Nimin Inrinni, January 26 khan UTC ah BMA Silver Jubilee Celebration Committee hmasa ber neih a ni a. Thu tam tak ngaihtuah ho a ni. A lawmdan tur leh hma chhawp tam tak te sawiho a ni. He BMA Silver Jubilee Celebration Committee ah hian Convener chu Pu RL Rinawma a ni a, Secretary chu Pi Lalrinpuii a ni. Pu Levis K. Lalsiamliana chu Treasurer a ni bawk. Rawtna neite tan pawh engkimah he committee hi a inhawng a ni. && Nl. Lalruatdiki (Kuri) leh Tv. Samuel Buatsaiha, Benson Town te chuan Vellore-ah damlo (Nl. Lalruatdiki ni fapa) chu thisen an zuk pe. && BMA Directory 2007-2008. Bu khat Rs. 50 chauhin a lei theih. Directory ah hian Bangalore Mizo Association member te hming, phone number, address, zirlai leh hnathawhte dah a ni a. Tin, thil hriattur dang tam tak pawh dah a ni. Inhriat tawn nan te, chhiatni thatni atan te a tangkai hle. A copy a tam loh avangin chanloh palh awm thei a ni. BMCF INKHAWM PROGRAMME

Pathianni (3rd Feb. 2008, 3:00pm)

Hruaitu : Pu PS Chhuasa Tantu : Tv David Laldanmawia Thawhlawm : Tawngtai Rual Special No. : Tv Andy Vanlalremtluanga Thusawitu : Nl. K. Zorinpuii Changvawn : Thufingte 1:7 ‘Lalpa tih chu finna bul a ni’ Vawiin Bangalore: Boruak a lum tan deuh. Temperature a san lai berin 31 deg C a ni a, a hniam lai berin 18.2 deg C. Vawiin tlai 6:18pm ah Ni a tla ang a, naktuk zing 6:46am ah Ni a chhuak ang.

Date: 27th January 2008

Phek Khatna

Mizo Tlangval US Marine LALTHANMAWIA HENKAI Lalthanmawia Henkai hi Pu Thanliana Henkai leh Pi Lalthanpari te fa pathum zingah a upa ber niin November Ni 5, 1988 khan Durtlang Hospital ah a lo piang a. (A pa Thanliana Henkai hi Shillong a piang niin a naupan laiin USA ah an chhungin an pem thla a, America ramah seilianin kum 1987 ah Mizoram rawn chuang chhuak leh in an Nu, Lalthanpari nen hian an innei a). Lalthanmawia hian Mizoram ah Pawl hnih thleng zirin kum 1994 ah an chhungkuain America ram ah an pem a. Tichuan, kum 2001 ah Montgomery Blair High School, Maryland USA a tangin 12 Grade (a graduate a) a zo va. Pawl 12 a zirlai hian a thiante nen Marines Recruiting center ah kalin exam an lo pe a, chutah chuan Computer lam ti turin amah chauh hi an thlang a. A nu leh pa pawh hrilh lawk lem lo chuan amah chuan a lo ti fel ti tih a. Amaherawh chu, nu leh pa ten hriatpuiin lehkha te signed a ngaih avangin tlai khat chu a nu hnenah, ‘vawiin hian Ka pa dar engzat ah nge a lo hawn ang?’ tih a zawt a, a nu chuan dar 7 vel te chuan a lo hawng mai ang tiin a chhang a. A nu hnenah chuan ‘in leng innei dawn a nia’ tih a hrilh a. Hemi zan hian Marines Recruiting Officer chu a nu leh pa hnenah Marines zawm rem tihna signed tur paper nen a kal ta a ni. A nu leh pa tan pawh chuan han tih ngaihna vak a awm tawh lova, an fapa chak leh thiltum han thulh tir chu thain an hre bawk si lo va, paper chu an signed sak ta a. Heta tang hian school a zawh hma atangin weekend tin marines hotu te chuan hruaiin training leh test chi hrang hrang an neih tir tan ta a. A mah hi workout peih mi a ni a, fitness vel an exam na ah pawh a ti tha thin hle ani. Marines a lut tur hian an duh uluk em em a, hriselna bak ah an line tur a zirin exam leh test tam tak, Computer line te, Pilot te, Mechanic te, Infantry te an pal tlang a ngai a. Thlathum chhung Boothcamp an nei a, he boothcamp ah hi chuan silai kah te, tuihleuh te, leh thil engkim an zir in an training a, he mi chhung hian an chhungte lehkha chauh an thawn thei a, biak leh hmuh an phal miah lova. Hetiang boothcamp ah hian tam tak chu an chhawk leh bawk ani. Hetiang a luh a harsat avang hian an mahni pawh hi Arm y te, Airforce te leh Navy ho ai hian an in dah sang a, an training chhung pawh hi a rei in a hautak bik hle a ni. Marine a luh dawn pawh hian a Nu chuan Airforce te lut zawk se a duh a, boothcamp te pawh thlakhat leh a chanve chauh a ni a, Marines te chu a harsa nasa tiin a hrilh a. Amaherawh chu a ni chuan a harsat avang tak chuan a lawm tih ka duh tiin a chhang a. (… phek lehlamah chhunzawm a ni e)

Vol XIII

Issue No. 4

Bangalore Mizo Associ ation Pathianni Tin Chhuak Chanchinbu

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Mizo kan ni, kan hmel a tha? India ramah, hmarchhak kil retah kan khawsa a. Mihring kan tam lam pawh, khawvel ram chhung zawng zawng atanga chhiar pawhin nuai 20 chu kan tling kher lovang tih tur akn ni a. Kum tlem te kalta mai atang khan ziak leh chhiar te kan lo thiam chho ve ta zel a. Hnam mawlte atang khan hnam changkang chak tak, hmasawn chak tak kan ni tih chu hai rual a nilo. Mizote hian kan hnam mizia tha tak tak kan nei a; chu’ng zinga pahnih Tlawmngaihna leh Aia Upa te zahna; an va hluin an va tha em. Engemaw titi in, mahni state pawnah te thiamna leh hna hrang hrang te thawkin chhuak mah ila, he kan mize tha tam tak zinga pahnih te tal hi chu, hnamdang te neih loh tih theih a ni, kan nunah hian bet reng sela chu ava duhawm em! Mahse, chutih laiin, mahni tih theih reng tur pawh tlawmngaihna kan hman thiam loh chuan, mahni tan leh hnam hmasawnna, hmingthatna, a hlauh deih thei thung ang. Aia upa te zahna hi, khawi hmunah pawh, tu hnenah pawh hmang ila, a Mizo a a Kristian bawk. (Jt.Ed)

Date: 27th January 2008

Phek Hnihna

Lalthanmawia hian a boothcamp chu Parris Island South Carolina atangin a zova, a nu leh pa hi a graduation hmang tura an zuk kal chuan an training te a hautakin, an hah bawk a, nisa an tuar nasa nen an fapa hi an hai hial a ni. An fapa chu computer line ah thlan a nih avangin a specialized na ah chuan training hrang hrang te an pe leh a, chumi hnuah San Diego, California a Marines Airbase pakhat Miramar ah an post ta a. Kum 2006 February atang khan Iraq indona ah tirh a ni a, he tah hian Marines Airbase lian ber Al-Asad ah kumkhat a va awm leh a, tichuan, kum 2007 February khan chung Pathian venhimna zarah dam takin a haw ve leh a. Kum 2007 June thla khan kum li chhung Marines a a awm chu a chhuahsan ta ani. Tunah hian College te lutin Computer Engineer nih tumin a bei leh mek a. An chhungin a nu leh pa leh a unau dang pahnih te nen Maryland, USA ah an khawsa mek a ni. Tlangval a la ni nghe nghe. Kan hriat a tan a tha ve mai mai chu USA ah hian College zirna hi a hau tak em avang hian an zirna tur an tuak nan tam tak chu sipaiah an tang a. Kum li an tan hian, an lo chhuah leh chuan an thla kip hlawh bakah Sorkar hian an coll ege tuition a tan pawisa an khawl sak a, an chhuah leh khan an zir man an pek sak ta vek ani. Chuvang chuan, tam tak chuan sipai an tan phah a, a nih loh chuan a nuai tel pawisa an puk a ngai a, nu leh pa thawhchhuah ngawtin an in nghat lova. Kum 18 an tlin chuan puitling ah an in ngai a, an mahni intodelh hi an tum vek a ni ti ila a sual lovang. Lalthanmawia pawh hian Marines a tan chhung hian a hlawh a tangin Car pahnih, a nu leh pa puihna tel lovin a lei hman a ni. (A chanchin hi a chhungte hnen atanga kan dawn a ni e.) $$ Kan member, Samuel Lalrozama, Aircraft Engineer hna thawk mek, a hmaa hun eng eng emaw hmang turin a inbuatsaih tih kan lo hre ru kiau mai a, amah kawm na hun kan nei thei hlauh mai. Tlem a zawng ilo ngaithla teh ang. BMA Aw: Tunlai hian tournament khel turin i inbuatsaih nasa hle tih kan lo hria a. Sammy: Ta mai mai thin che u hian… ? A tum chu ka tum a lawm… hei ka theih ang angin ka inbuatsaih ve chu a nia. BMA Aw: Eng ang tournament nge ni a? Sammy: February thla hian Muay Thai World Cup a awm anga, hei hi Bangalore ah khelh tur a ni dawn a. March ni 24 a tan tur Muay Thai (Thai Kick-boxing) World Championship a awm bawk a, hei hi Bulgaria ah a ni thung ang. Delhi ah Tang-soo-do (Korean karate) International Championship a awm dawn bawk a. Tin, April ni 12 atanga ni 18 hian Bangkok, Thailand ah kum 2 dana neih thin International Martial Arts Games Committee (under the patronage of the International Olympic Committee) te buatsaihin ‘3 rd World Martial Arts Games’ (Martial Arts Ol ympic) a awm dawn bawk a, hetah hian martial arts Federation chi hrang hrng 12 vel tel tura ngaih a ni… BMA Aw: Chu’ng ah chuan tel i tum vek em ni? Sammy: Rilru chuan a chak khawp a. February thla a mi leh March ni 24 a tan tur hi chu… a tum chu ka tum a. Ka inbuatsaih mek bawk a. Delhi a neih tur Tang-soo-do International Cham pionship ah hi chuan keimah pawh Official tur ka nih avangin Pathianin rem a tih chuan kal ngei ka tum. Tin, hei Bangalore a khelh turah phei hi chuan Mizoram atangin an lo kal nual dawn bawk a lawm.

Vol XIII Issue No. 4

Bangalore Mizo Association

BMA Aw: Nih leh, official nih bawk chuan a khelh theih tho a maw? Sammy: Kan khelh theih chin a awm ve a lawm, ‘Black belt division Fight’ leh ‘Special challenge match’ te a awm ve a. BMA Aw: Anih leh chu’ng games te chu sawrkar pawm game te an ni hlawm em? Engtinnge ram aiawh tura selection an siam dan tlangpui? Sammy: Muay Thai hi Indian Olympic Association in a recognize tawh a, Tang-Soo-Do erawh hi chu la recognized loh a nia, sawrkar a registered tawh erawh chu a ni a. Pathian kaihhruaina in National board Asisstant Secretary ka ni ve a, theihtawpin recognized tur hian kan tang a, chuvang chuan April a Olympics tur pawh hi sawrkar chuan sum sanction dawn lo mahse President nen player tlem te hruaia kal ve ngei kan tum. IOC huang chhunga nawr luhna tur kawng tha tak a nih dawn avangin, nakin zelah zofate tan pawh lungphum tha tak ni thei dawnin ka hria a. Ram aiawha selection hi chu a hranpa a selection neih thin a ni a, chutiang tura hun a awm loh chuan past performance atangin an thlang mai thin ani. BMA Aw: Aircraft Engineer i nihna hian a tanpui che em he line ah hian, a buaithlak viau lo maw? Sammy: Tanpui tehreng mai. Education pawimawhna hi kan hrelo fo thin a zofate hian. Tunah pawh hian April hian international referee exam tur ka nia, saptawng te thiam lovin educational qualification te’n tlin lo sela chuan ka thei dawn lo tihna ani a. Zofate tam tak pawh hi kan thlen san loh fo nachhan chu zirna lama kan hnufual vang a ni chawk. Tin, hnam dang kara awmdan kan thiamlo leh insumtheihna kan neilo fo mai hi

Pathianni Tin Chhuak Chanchinbu

a pawi ka ti a. Kan player tha tak tak, state pawna inkhel te pawh hun awla meizial lo zu leh zu lo in mai duh an awm fo mai a, hruaitute pawhin duh angin an duhsak theihloh phah thin a ni. He atna chi khat atang hian kan harh chhuah vat ka beisei. Engpawhnise, Pathian tih hi finna bul ani tih ang ngei khan Pathian rawn chunga tha taka kal zel chuan kawng dik chu min kawhhmuh anga, kawng tawpa hlawhtlinna chu kan chang ngei ang le. BMA Aw: A ni teh tak ang a. State pawnah hian an chhuak ve ziah a, an tawpna a chhe thei riauin a lang tlat thin a ni. A lawmawm hle mai. Hun chep tak karah inkawmna hun min pe thei a. Tha taka i khelh theih nan duhsakna kan hlan a che. TUNLAI BANGALORE

$$ Nitin maiin motor avanga thihna leh, sum leh pai leh dowry avanga thihna te chanchin hriat tur a awm deuh reng mai. $$ Bangalore chhungah traffic jammed a nasa thei hle a. Mitin te buaina a ni. A landanin motor khalh tute lam pawh driving manner a awm lo hle zel. $$ Veng tam tak kawng siamthat a ni hlawm a. Airport thar tur, Devanahalli lama mi chu hawn hun a lo hnai ta a, a panna kawng leh traffic chungchangah mipui lam ten rilru an hmang nasa hle nii n a lang. $$ Tukin dar 9:30am atang hian Kannada organization hrang hrang ten Rel roko an nei dawn. He’ng pawlte hian rel tlan vel tur te chu tihdin an tum a ni. Railways lama Group C leh Group D hnaah te kannada chu ngai pawimawh tura sawrkar an nawrna tura ti an ni. Darkar 5 chhung tal hman an tum.

Date: 27th January 2008

Phek Thumna

MIZORAM CHANCHINTHAR

## MHIP-in dan kalha chet pawisa lo têp? Mizo Hmeichhe Insuihkhawm Pawl (MHIP) chuan Mizoramah hmeichhia pawngsualtute hrem mang lova an chhuak fo mai chu an ngaihthiam loh thu sawiin, hetiang avang hian Dan pawisa zo lova an chêt hun a la thleng mai ang tih an hlauhthawn thu an sawi a, chutianga an chet loh nan pawngsualtute an phú tâwka hrem na pe ngei turin sorkar an phut tih an sawi. MHIP Gen. Hqrs. hian Thawhlehni khan an President, Pi Rozami hovin Aizawl Press Clubah Mizorama pawngsual tam ta lutuk leh hmeichhe chunga hleilenna thleng thin chungchangah thuthar lakhawmtute an kàwm a. Pawngsualtu man an ni a, jail-ah an táng tih an hriatin an thla a muan thin thu an sawi rualin, chung mite chu rei lote-ah bail-a an chhuah leh mai thin avangin an thlamuanna a bo mek thu an sawi a. Táng chhuak thenkhat an hriatte chuan sual kawng bawk an zawh leh thin tih an hriat thu te, dan hi tha viaua an hriat laiin misualte tana inphènna a nih fo bawk thu te, sual sim lote chu ngaihdam tur nia an hriat loh thu te leh, hemi chungchangah hian sorkar fimkhur tura an duh thu te an sawi bawk. Pawngsualtute an phú tâwka hrem an nih loh fo avanga Manipur-a nuhote chetdan an hriat thu sawiin, chutiang chu an ti ve mai ang tih a hlauhthawnawm tih an sawi a. Manipur nuho chet dan aia rapthlak zawka an chet loh nan pawngsualtute chu an phu tawka hrem ngei thin turin sorkar an ngen a ni. MHIP te chuan Mizoramah pawngsual a tlem phah theih beiseiin, mi tizauthau

Vol XIII

Issue No. 4

Bangalore Mi zo Association

Pathi anni Tin Chhuak Chanchinbu

thei, nula saruak deuh thaw-a lang thlalakte chanchinbuah tilang lo hrâm hrâm turin thuthar lakhawmtute an ngen a. Pawngsual thlenna chhan pui ber nia an hriat chu TV a nih thu sawiin, pawngsual a hluar zel loh nan a dona lamah Paho leh mipui zawng zawngte tanrualpuiah an sawm bawk. (source : vanglaini) --------------------------------------------------------------INFIAMNA $$ Mizoram naupang, SSA Football Academ y atanga kum 15 chin hnuailam tâna Nike-Manchester United Premier Cup, India Finals 2008 a khel tura semi-final lo kal tlang tawh te chu Final khelh dâwn tepah disqualify an ni. Mizo naupang te chuan final khel tura an inbuatsaih mêk laiin disqualify an nih thu an hre ta mai a. Hrehawm an tiin, chi inthliarna a nih te an rin thu an sawi. Mizoram team te hi, Cosmo Football Academy, Tamil Nadu, St. Stephen Football Academy Chandigarh, Salgoacar Goa te nen pool khatah an awm a. Cosmo Football Academ y chu 3-0 in an hneh a, Salgoacar 2-1 in an hneh bawk a ni. St. Stephen Football Academ y te nen pool champion nih an inchuh ta a, Mizoram chu 2-1 in an chak ta lo a ni. Semi final ah chuan nikuma Old Traford vêlah te pawh lo khêl tawh pool B lama chak ber East Bengal te chu an tum tûr te an ni ta a. Penalty ah Mizoram team te hi 5-2 in an chak ta a ni. Hetia final khel tura an inbuatsaih lai hian an team ah kum 15 chunglam an awm avanga disqualify an ni tih an rawn hrilh ta mai a ni. Tin, an ni bakah, SPHS Punjab, East Bengal, Cosmo Football Academ y Tamil Nadu te chu disqualify an ni bawk. Hetianga buaina an tawh lai hian an MRI Test atanga kum 16 ni vek si St. Stephen Football Academy Chandigarh te chu final an khelh tir leh bawk si a. Tin, AIFF leh Nike te thil buatsaihah hian a tir atangin thil tihdân a fel hlel deuh ni a a lan bawk avangin Mizoram team te chuan hrehawm an tiin, Kuala Lumpur leh Old Trafford a khel thei ngei tura an lo inrinna chu a ti chhe zo ta vek a ni. Hetianga thil an kalpui ta mai hi North East India a, tribal hnam Mizoram a mi Mizote hi India aiawha kal tura an duhlo vâng a ni zawk a nih an rin thu an sawi. A tir atang rengin Mizoram atanga kal te chu sawiselna tur hlir an zawng niin an sawi bawk. (source : internet)

Date: 27th January 2008

Phek Li na

English Premiere League point dinhmun: Position 1 2 3 4 5 6 7 8 9 10

Club Manchester United Arsenal Chelsea Everton Liverpool Aston Villa Manchester City Portsmouth Blackburn West Ham United

Played 23 23 23 23 22 23 23 23 23 22

GD 35 29 20 17 21 12 6 11 1 7

Point 54 54 50 42 40 40 40 37 37 33

EPL January Transfer window: Arsenal OUT: Matthew Connolly (Queens Park Rangers, undisclosed), Lassana Diarra (Portsmouth, undisclosed. Aston Villa OUT: Chris Herd (Port Vale, loan) Birmingham City IN: David Murphy (Hibernian, £1.5million); James McFadden (Everton £5million) , Mauro Zarate (AlSadd, loan) OUT: Neil Kilkenny (Leeds United, £150,000), Sam Oji (released), Rowan Vine (Queens Park Rangers, undisclosed), Wilson Palacios (loan expired), Olivier Tebily (released) , Neil Danns (Crystal Palace, £600,000) , Mathew Sadler (Watford, £750,000) (… Next Issue-ah kan chhunzawm zel ang) Infiamna Dang… [%] Ka rawn chhuk ve tawh e. – Ns-a (Mysore) [%] Kan zuk inkhel ve vak a, kan lo l et leh. Ground kan han lut chiah hi chu maw… kan zo lo lam a ni. – Mapuia, R-a (KR Puram) [%] Min lo kap ve ange aw… ka duh miah lo a nia. - Kuri (Benson Town) [%] Vellore-ah kha chuan kan kal ve reng a, mahse, thisen kan pek kha a ngai ve ta lo a. Kan zuk kal ve ngei a lawm. – Mami & Mawiteii (Benson Town) [%] Manchester United inkhel hi chu missed chi a nilo hrim hrim. – Pi Rinpuii

‘The Crown and Glory of life is Character’

BMA Office Bearers: President : Pu K. Lalrokima Vice President General Secretary : Tv. Mâdawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

: Rev. PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana