Bma Aw: 6th January 2008

BMA AW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007

Vol XIII Issue No. 1

Bangalore Mizo Associ ation Pathianni Tin Chhuak Chanchinbu

KEIMAHNI && BMA Directory 2007-2008 a chhuak tawh e. Bu khat Rs. 50 chauhin a lei theih. Inkhawmna kawtah lei theihin Pathianni apiangin a awm ang a, tin hruaitute hnenah pawh lei theih a ni ang. Directory hi Bangalore a Mizo awmte kan inhriat tawn theih nan te, chhiatni thatni atan te a tangkai hle a ni. A copy a tam loh avangin chanloh palh awm thei a ni a. I ngaihven rang dawn nia. Tin, BMA Inkaihhruaina dan bu leitur a awm bawk a. Bu khat Rs.25 chauh a ni. && Mysore lam a kan member thenkhat, JSS Law College a zirlaiten an zirlai tha takin an passed vek. && UVCE a zirlai kan member thenkhat ten theory exam an zo tan mek, practical exam an nei zui ang. && RJ Lalnunpuia, krismas hma atanga dam thalo pawh nimin khan Baptist Hospital ah admit a ni. && Kan Senior Adviser Pu Sapthanga te nupa Mizoram lama krismas han hmang pawh January ni 1 khan an lo haw thla leh ta. && Kan Editor haw chho pawh a lo chhuk leh tawh e. BMCF INKHAWM PROGRAMME

Pathianni (13th Jan. 2008, 3:00pm):

Hruaitu : Pi C. Rothangpuii Tantu : Tv. Vanlalpeka Thawhlawm: Pi Lalawmpuii Chawngthu Special Number : Nl BC Lalremmawii Thusawitu : Rev. Dr. K. Sapthanga

Vawiin Bangalore: A boruak a nuam tawk khawp mai. Temperature a san lai berin 26.6 deg C a ni a, a hniam lai berin 19.1 deg C. Vawiin tlai 6:07pm ah Ni a tla anga, naktuk 6:44am ah Ni a chhuak ang.

Date: 6th January 2008 Phek Khatna

BMA DAY ROPUI TAKA HMAN A NI. January 1, 2008 Thawhlehni tlai 3:30pm. Tagore Hall, United Theological College, Benson Town, Bangalore. Kum dang pawha lo lawm thin BMA Day chu kumin 2008, kumthar ni-in, hlim taka hm an a ni. A hmun hi krismas kan hman zawh chiahna a ni bawk a, a nuamin a remchang a, kal pawh kan thahnem hle. Program chu chawhnu dar 3:30 ah tan a ni a. President, Pu K. Lalrokima’n inkhawm a kaihruai a. ‘E Khai! Hlim rawh u’ tih hla kan sa ho a. Hun hmasa lam hi chu urhsun taka hman a ni. Pathian hnena inhlan tharna leh tawngtainate Rev. R. Lalnunzira’n a nei a. Hunserh te neih a nih hnu hian BMA Inkaihhruaina dan siamthar, a bu a siam chu kan Senior Adviser, Dr. Lalrinawmi Ralte in a tlangzarh a, tin, BMA Directory 2007-2008 chu BMMP Convener, Pi Lalnunmawii’n a tlangzarh bawk a ni. Tun tum day hi a danglam riauna pakhat chu Padma Shri Khawlkungi’n min hmanpui thei a. A hnen atangin Kumthar Chibai bukna thu kan ngaithla bawk a ni. He’ng program karah hian zaithiam tak tak, Zorina te, Suzane te unau leh Solomon-a zaite kan ngaithla bawk. Hun then hmasa tawp lamah chuan ‘Tlawmngaihna Hlu’ tih hla kan sa ho a, refreshment tui tak kan eiho bawk a ni. Then hnihna kan tan a. Then hnihna lam hi chu zangkhai leh hlimawm zawnga hman a ni a. A hmasa berin Bangalore nuho zaipawl an rawn zai. An conductor chu thirsakawr chungah a rawn chuang lut, uniform mawi tak nen ‘Bohemian Rhapsody’ an rawn sa. Thiam leh zei ber thlan theih pawh a nilo, tute nge an nih hriat theihloh khawpin an thiam a rual hle a ni. A dawt ah, BMA naupangte an rawn lam. Anni tluka lam thiam hi an awm kher ang e maw, tih tur an ni. Mawi taka an lam hnu chuan Nl. Sarah Lalngaihawmi a rawn zai a, a hlasak a mawiin zai a thiam kher mai. Chumi zawhah, intelligence report turu tak tak Pu Rengpuia leh Nl. Blessy te hnen atangin kan ngaihthla a, a bengvar thlak hle. The Khal s ho an rawn che ve leh a. Anni hian fashion show leh modeling an rawn entir a ni. Mipa ho mah nise, an pian leh incheina khan hmeichhia an an lohna reng a awm lo. Pu Pca leh Mapuia (of KRPuram) te uluk lutuk mawlh khan nuih an ti za. The Khals te mawi taka an rawn inthehthil vel hnu chuan, kan nghahhlelh leh kumdang pawha kan neih zen zen loh, Cheraw, m awi lutukin Mapuii Hostel nula leh BMA tlangval ten an rawn entir a. Mit a tleiin hun hlimawm tak kan hmang a ni. Hun kha a khamawm loh a ni ber a. He’ng program karah hian games neih ani zauh zauh bawk. Ban dawnah chuan BMA Hla kan sa a. Tawngtaina Vice President, Rev. PC Lalduhawma’n a hman zawhin zanriah tuitak, vawksa rep, bai leh sangha kan te kan eiho ta a ni.

Please purchase PDF Split-Merge on www.verypdf.com to remove this watermark.

Vol XIII

Issue No. 1

Bangalore Mizo Associati on Pathi anni Tin Chhuak Chanchinbu

Editor C. Lalhmachhuana, UTC, Ph- 9845330822 Joint Editor Thaarie Hnamte Vasanth Nagar, Ph. 9886145877 Circulation Staffs: David Laldanfela Joshua Lalramdinmawia C. Lalramthanpuia Guest Editor – Mâdawnga E-mail: [email protected] Website: www.bangaloremizo.info A Man Thla Khatah : Rs. 15/-

Editorial Tihdanglam ngai a awm em? Kumthar 2008 kan lo chuangkai leh ta a. BMA AW pawh kum 13 lai a lo ni ve ta. Awle, Kumhlui a kan thil tih tam tak te, hriatreng tlakloh te pawh a awm ang, chutiangte atang chuan mahni nun enin inzir chiang ila. Mihring nuna thil ho mai mai tihduhna awmte hi i peih then zel ang u. Mizo kan lo awm tam hian ‘neuh neuh’ kan ngah duh khawp mai. In rêl te, in sawisel te, awhna sualte, mi tih ang tihve kher duhna te, hawkdakna te, insumtheihlohna te, heng hi bansan a tha khawp mai. Mizo thalai inluah tam takte, hnam dang leh sakhaw dangte zah lek lova, mahni duhthu a inluahna hmun a khawsak kan ching hle mai te, mimal puitlin lohna kan tilang a ni tih leh hnam kan timualpho a ni tih hriain, mawi tak leh puitling taka khawsak i zir zel ang u. Kumthar a nih angin resolution thar, project thar i insiam ila. A tul hunah chuan ei loh, in loh, tih loh, sawi loh, kal loh te i zir ang u. Mahni hnam kan inzahpui hma hian, Mizo nula leh tlangval te u, rilru fimin kan khawsakdan te i ngaihtuah thin ang u.

Date: 6th January 2008

Phek Hnihna

BMA IN LAWMTHU A SAWI. 1. Day hm an dawn ni atanga thil engkim buaipui tute: Gilbert, Ramhluna, Peter, Michael, Tetea, Rema, Lucy, A-mami, Maenga, Patea, Jerry, Ramchhuana, Fela, Chhuanpuia, Mapuia, Tetei, Colin, Joshua, Andrew, Mapuii, Zorini, Kimkimi, Baby, Tluanga, Ricky te, heng bakah hian hruaitu thenkhatte, in chungah lawmthu kan sawi e. In zarah Day kan lawm a hlawhtling tak zet a ni. 2. BMA Day kan hmanna atana thil tul tam tak min buaipui sak tute: Hall min hmantirtu – UTC, Hall chhung mawi taka min cheisak tute – Zoram Villa leh Grace Home Boys, Pangpar min khawisaktu Pi Tanpuii, Sound System leh ei rawngbawlna hmanrua min hmantirtu – BMCF, Banner mawi tak min siamsaktu – Tv Obeda Lalhuliana, Sound system min enkawl sak a, min buaipui saktute – Isaac Lallunghnema, Michael leh Amos-a te, in chungah lawmthu kan sawi tak zet zet a ni. 3. Day hlimawm tak hmang thei tura Items hrang hrang min tihhlawhtlinsak tute: Tv. Zorina, Tv Solomon Lalhminghlua, Suzane te unau, Nl. Sarah Lalngaihawmi, BMMP, BMA naupangte, The Khals te, Cheraw min entirtu – Mapuii Hostel nula te leh Tv. Peter, Gilbert, Tetea, Aldrin, Ramchhuana, Nundika, Robert leh Fela te; in za a chungah lawmthu kan sawi e. 4. Kan sawmna te min ngaih pawimawhsaka, min tih hlawhtlinsak tute: Dr. Lalrinawmi Ralte, Pi Lalnunmawii, Rev. R. Lalnunzira, Padma Shri Khawlkungi, Rev. Lalhmingchhuanga Zongte, Nl. Lalrinpuii leh Nl. Sarah Lalngaihawmi. Kan inkhawm in tiphuisuiin, in tinuam hle mai. In hnenah lawmthu kan sawi e. 5. Directory siamna atana bul min tumsak tute – Tv. Lalremliana Pachuau, Tv. John Lalsiamthara, Tv. Lalrotluanga, Nl BS Lucy, Pi Rita Ralte, Tv. C. Remmawia, Tv. Lalrothara Tlau (Wisdom Home), Pu PS Chhuasa (Mapuii Hostel), Nl. Vanlalchhuani (Grace Home Boys’ Hostel), Pu Lalchawilena (Zoram Villa), Pi Lalpianmawii (Shalom Hostel) leh Pu Jim Lalrammawia (Mary Jones Hostel) te chungah kan lawm em em bawk a. Tin, Directory, an hun chep tak kara min chhutpui tute – Tv. Beihmosia Lava, Lalrinzuala Pachuau, B. Laldinpuia leh Isaac Lallunghnema te, nangmahni min puihna avangin Directory kan chhuah leh thei a, in chungah kan lawm tak zet a ni. 6. BMA Directory 2007-2008, a man pangai aia tam a min leisaktute – Pi Tanpuii, Pi Angel Sailo, Pi Nunmawii, Pi Mahlui, Dr. Marina, Dr. Machhungi, Pu Thangzamuana, Pu C. Lalramzauva, Pu Joshua Lalrempuia, Tv. Amos Lalremtluanga, Tv. Titus, Tv. Samuel Lalrozama, Nl. Laldingliani Sailo, Nl. A-mami leh Nl. Ropuii te, in chungah lawmthu kan sawi tak zet a ni. Member zawng zawngte chungah lawmthu kan sawi bawk a. Heng kan han sawi bakah hian nasa taka rilru leh tha min sensak tute sawi hmaih kan lo nei hlauh a nih chuan min ngaidam a, in chungah kan lawm tak zet a ni tih min lo hriatsak turin kan in ngen bawk ani. Hruaitute leh nu leh pa te, in tello chuan engmah lo mai a ni ang. Khawtlang rawngbawlna hi Pathian rawngbawlna a ni tih rilru pu a, thahnem min ngaihpui avangin in chungah kan lawm tak zet a ni. He’ng zawng zawng ti thei leh min hman hlawhtlin tirtu, Pathian chungah lawmthu min sawipui theuh turin kan insawm nghal bawk e. General Secretary, Bangalore Mizo Association.

Please purchase PDF Split-Merge on www.verypdf.com to remove this watermark.

Vol XIII Issue No. 1 Bangalore Mizo Association

Pathianni Tin Chhuak Chanchinbu

Date: 6th January 2008

Phek Thumna

SCIENCE & TECHNOLOGY

TODAY DIGEST

MIZORAM CHANCHINTHAR

Virus chi hrang thenkhatte BMA AW Vol.XII Issue No. 49 9th December ‘07 ah khan computer virus chungchang kan rawn chhuah tawh a. Tunah hian kan han chhunzawm leh ang e. Worms: Hei hi software chi khat amah leh amah intihpun nana computer network leh computer invenna hmun awl luah a, hmang thei a ni, program thenkhat pawh a khawih chhe thei bawk. Chu’ng worm copy te chu network kaltlangin emaw computer dangah an lut a, amah leh amah chu computer invenna hmun awl te kaltlangin a insiam pung ta thin a ni. Trojan horse: He virus hi hnathawh hrang tak nei a ni a. Virus te chu i computer ah a dah lut thei a, tin, file te chu a tireh thei bawk a ni. Macro viruses: He virus hian command pakhat ‘macros’ tih chu virus kaitir nan leh thehdarh nan a hmang tlat thung a. He macros command hi software thenkhat, Microsoft word leh Excel te hian file tihlan nan an hmang a. Chu command chu he virus hian a lo hmang ta hlauh mai a ni. Backdoor Trojans: Hei hi program a ni a, computer pakhat atangin a dang chu internet emaw, local area network kaltlangin emaw a control tir thei a ni. Resident viruses: Hetiang virus te hi RAM memory ah an awm tawp a, chuta tang chuan computer hnathawh chu an lo thunun ta thin a ni. Computer virus hi chi hrang tam tak a awm a. I computer ah Anti-virus i dahloh chuan nasa takin virus te hian an thunun thei a ni. (Remchangah Anti-virus hnathawhdan kan rawn tarlang leh ang.)

Goal thun hnem International football match-a la inhneh chiang ber, goal luh hnem berna match chu June 30, 1951 khan Australia rama Sidney ah a ni a. England 17-0 Australia a ni.

## Tunhnaia Orissa State a Kristian Biakin engemaw zat suasam leh tharum thawhna thleng chungchanga a hmuna thil awmdan thlithlai tura kal Kristian MP te chuan Ningani 3rd January 2008 chhun khan Bhubaneswarah Orissa Chief Minister Navin Patnaik hmuin thil awmdan an sawipui. Heng MP rual te hi Mizoram MP Pu Vanlalzawma bakah Kristian MP 3 - P.C. Thomas, Francis George, Ani Raja leh CPM hruaitu langsar tak Sitaram Yachuri te an ni a. Chief Minister bakah hian an State Home Secretary leh Special Secretary te thil awmdan an sawipui. (source:DIPR)

Samak Samak ki kan tih mai, a hnar chung a mi hi, ruh ni lovin, sam a ni. Thlai thenkhat Hmâsang hunah chuan thlai thenkhat chu hriat ngai reng reng loh an ni a. He’ng, hmarcha te, bawkbawn te, alu leh tomato te hi kum 1500 bawr vel, Spanish in America an run atang chauh khan Europe ramah khuan hriat a ni. Guwahati Khawvel a Thingpui lilamna hmun lian ber pahnih chu Guwahati leh Colombo (Sri Lanka) te an ni. ATM Tunlaiah ATM kan hmang nasa ta hle mai a. A lampum chu ‘Automatic Teller Machine’ tih a ni a, chu chu bank dawrtute hnena pawisa petu khawl a ni. Kum 1960 bawr chho vel deih tawh khan England ah hman a lo ni tawh a, chumi hnu ah US ah leh Japan ah. ATM i hmanin fimkhur hle la, hmun fianrial a mi chu nangmahin hmang ngai suh ang che. ATM hmun khat ami pawh hman rengah neih loh tur, a theih hram chuan hmun hrang hrang ami hman tur. I PIN tumah hriattir suh ang che. “Life is like a taxi. The meter just keeps ticking whether you are getting somewhere or just standing still.” - Lou Erickso “The best doctors in the world are Doctor Diet, Doctor Quiet and Doctor Mirth.” – Jonathan Swift

## Ningani January ni 3 khan Food & Civil Supply Minister hovin, a office ah Mizoram buhfai dunhmun thlirho a ni a. Tun dinhmunah chuan harsatna em em a thleng lo niin an hria. Tuna Mizoram buhfai dinhmun chu hetiang hi a ni e. 1. Bairabi FCI Godown - 31,600qtls. 2. Rengtekawn FCI Godown - 644 qtls. 3. Tanhril FCI Godown - 829 qtls. 4. Zuangtui Godown - 7,732 qtls. TOTAL - 40,805 qtls. December thla chhung khan FCI atangin buhfai 1,16,586 qtls. lakchhuah a ni. (source:DIPR) ## Pathianni hmasa December 30 leh a tuk Thawhtanni ni 31 khan Serchhip Bukpui Biak Inah mi tutih hriatloh a lut a, Biak In chhunga bungraw thenkhat leh Bible te a sawisa a. A titu hi tunge tih hriat a la ni lo a, mahse rinhleh neih a ni. Police-ah FIR thehluha ni. Biak In a lut a bungrua a sawisak vel hun tak hi hriat a nilo. (source:internet)

Please purchase PDF Split-Merge on www.verypdf.com to remove this watermark.

Vol XIII

Issue No. 1

Bangalore Mizo Association

Pathianni Tin Chhuak Chanchinbu

INFIAMNA

Date: 6th January 2008

Phek Li na

EPL point dinhmun:

$$ Manchester United defender Evans chuan Black Cat chu loan bawkin a zawm leh ta. Season hmasa lama loan a awm tawh, kum 20 a upa, Northern Ireland mi, Jonny Evans chuan tun season zawh hma chu Sunderland ah a khel leh dawn a ni. Tun Ningani khan Manchester United leh Sunderland te chuan inremna an siam leh. $$ Wes Brown chu Manchester United tan tun nipui chho hian a contract a tawp dawn ta a. Newcastle United lamin an defender atan an duh hle mai a. Mahse, Wes Brown an dawrna chu Manchester United chuan tun Zirtawpni khan a hnawl tlat mai. Sir Alex chuan, ‘hemi chungchang chu tunah chuan Wes-a kutah a innghat tlat a ni’ a ti. Toon manager Sam Allardyce chuan an defence atana a awh thu a sawi. $$ Tun thla January hian Mascherano chu Liverpool ah a nghet dawn ta. Thla 18 chhung atana nikum 2007 January a loan-a an lak Javier Mascherano chu Liverpool a a luh tirh atangin a che tha hle zel a. Kumin 2008 January atang hian Rafa Benitez chuan a nghet turin lakluh a tum ta a ni. Barcelona in an lo awh em em, Mascherano chuan Liverpool tana khelh zel chu a duhthu a sawi bawk a. Javier Mascherano hi Liverpool hian £17 million a lei dawn a ni. $$ English Premier League Inrinni 12th January 2008 08:30pm – Arsenal vs 08:30pm – Aston Villa vs 08:30pm – Derby County vs 08:30pm – West Ham vs 08:30pm – Everton vs 08:30pm – Middlesbrough vs 10:45pm – Manchester Utd vs Pathianni 13th January 2008 07:00pm – Sunderland vs 09:30pm – Bolton vs

Portsmouth Blackburn

$$ Zanin FA Cup khel turte: 07:30pm – Burnley vs 07:30pm – Fulham vs 07:30pm – Derby County vs 09:30pm – Luton Town vs 11:30pm – Stoke City vs

Arsenal Bristol Rovers Sheffield Liverpool Newcastle Utd

Birmingham Reading Wigan Athl. Fulham Man. City Liverpool Newcastle

1 2 3 4 5 6 7 8 9 10

Arsenal Man. United Chelsea Man. City Liverpool Everton Aston Villa Portsmouth Blackburn West Ham

Played 21 21 21 21 20 21 21 21 21 20

Pts 50 48 44 39 38 36 36 34 33 29

Infiamna Dang… [%] Kan editor, Mizoram lam atanga alo thlen avanga Bangalore nula lo lawm thar ta em em an awm hriat a ni rih lo. – UTC Times [%] Nl Mapuii leh Nl Zorini te chu, Krismas vuakvetah an dinhmun a in anglo hle. Pakhatin hne lo chauhin, pakhatin, ‘kar a hla, di bawihte… ’ a ni ringawt. – UTC Times [%] Mi ten a kawpte a kumhlui an thlah laiin kei zawng thlawhna engine down pahin, thlawhna thla zutin ka thlah liam ta nih kha. – Sammy [%] Krismas leh kumthar hmang rei ber chu kan ni ve chiang a lawm. – Michael, Rema, Lucy, Andrew, Sammy, A-mami, Tetea (ruai theh kha vawi 8 vel an nawn) [%] Nimin chu National Park-ah kan chhungkuain kan va kal a, kan chhungte dang kan va hmuhbelh kha. Lungawi thlak khawp mai. – Pu Rka (Mr. President) [%] Krismas leh kumthar han single chiah chu a dan a dang khawp mai. – Pi Nunmawii [%] BMA Day kha chu vawksa rep ka ei hnem lutuk a, ka OD tep a lawm mawle. – Ramhluna (Shantinagar) [%] Tunah tak hian ka harh chhuak ta, thildang nilovin, NUPUI a ni ka lo mamawh ni. – Thara (Wisdom Home) [%] Krismas manager han nih meuh chuan thilthar neih a har dawn khawp mai. – Pu Bobby & Pu Sailo (Mysore lamah trip neiin an kal ham ham.) [%] Krismas leh kumthar kha chuan ka champion ber mai. – Chhuanpuia Rapper [%] Ka lung chu a leng ve reng. - Blessy

BMA Office Bearers: President : Pu K. Lalrokima Vice President General Secretary : Tv. Mâdawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

: Rev. PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana

Please purchase PDF Split-Merge on www.verypdf.com to remove this watermark.