Bma Aw: 20th January 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 3 Bangalore Mizo Associ ation Pathianni Tin Chhuak Chanchinbu

KEIMAHNI && Kan member, Mysore University a BA, B.Com, B.Sc zir ten, tha takin an zirlai an pass. && Mizoram lam leh Manipur lama Krismas leh kumthar te hmanga haw kan member te pawh an lo chhuk leh tan ta. && Nimin, Inrinni 19 th January, chawhnu 4pm khan North East atanga pawl hrang hrang ten UTC ah inhmuhkhawm vawi 2-na hun an hmang. Keini lam atangin kan President, Pu K.Lalrokim a leh General Secretary te an tel ve. && BMA Directory 2007-2008. Bu khat Rs. 50 chauhin a lei theih. Directory ah hian Bangalore Mizo Association member te hming, phone number, address, zirlai leh hnathawhte dah a ni a. Tin, thil hriattur dang tam tak pawh dah a ni. Inhriat tawn nan te, chhiatni thatni atan te a tangkai hle. A copy a tam loh avangin chanloh palh awm thei a ni a. I ngaihven rang dawn nia. Tin, BMA Inkaihhruaina dan bu leitur a awm bawk a. Bu khat Rs.25 chauh a ni. ++ Chhiartute kan ngen a che u. Article rawn ziak vak vak teh u. A te berah lehlam column a leng tawk vel tal hi rawn thawh ve rawh u. BMCF INKHAWM PROGRAMME

Pathianni (27th Jan. 2008, 3:00pm): Hruaitu :

FELLOWSHIP AREA II

Vawiin Bangalore: Boruak ala vawt ang reng khawp mai. Temperature a san lai berin 29.2 deg C a ni a, a hniam lai berin 13.8 deg C. Vawiin tlai 6:15pm ah Ni a tla ang a, naktuk zing 6:46am ah Ni a chhuak ang.

Date: 20th January 2008

Phek Khatna

ZONET Award 2007, 10th December 2007-a Vanapa Hall-a an sem dawngtute chanchin 4-na

DR. C. SAWMLIANA Indian Council for Mining Research (ICMR), Dhanbad-a Scientist C hnathawk mek, C. Sawmliana hi Chhingchhip khaw chhuak a ni a, lehkha thiam thei danglam tak leh mi thluak tha chungchuang a ni hranpa lo. A chungchuanna erawh chu a taimakna hi a ni awm e. Pachhunga University College-ah PU Sc a zir a, Boys Hostel-a a awm l ai pawhin a awmpui zirlaite chuan Sawmliana taimakzia hi an hrilfak a ni. BE (Mining) a zawh hnu-ah Asia rama University lian ber pawl, Banaras Hindu University (BHU)-ah M.Tech a zir a. He Mizo tlangval hi a zirlai zawng zawng a thiam vek hma chuan a mu ngai lova, semester tinah full mark a hmu vek a ni. A record hi engtikah emaw, tu-in emaw a rawn tluk ve a nih pawhin, khawvel awm chhungin khûm theih a ni tawh lo. He record siamtu hi Chhingchhip tlangval, Sawmliana, Mizo tlangval a ni. Mizoramah hna pek a ni lova, Private H/S-ah te a inhlawhfa zar zar a. BHU thuneituten an han hriat chuan duhthlan tur an pe nghal a, tunah chuan ICMR, Dhanbad-ah Scientist hna a thawk a, a awmna khuaah hian thla khatah ni 10 bak a awm hman ngai lo a ni. India ram hmun hrang hrangah, sawrkar leh company lianten Sawmliana hi an mamawh tlat avangin mawng hung hmanlo khawpin a buai a, America rama Conference lianah lecture pêk zawk te alo tul bawk nen. Lungalhthei khur chhungah a lut a, khâm hlauhawm ber ber a hâl darh a. Amah avang hian a ni Durtlang Leitan chu alo zauh tak ni. Khâm tihbaiawm hmingthang, Midum Khâm pawh alo nelawm ta. He Chhingchhip tlangval avang hian Aizawl khawpui chhim lama khaw tam taka mipui sang tam tak chu an thla a lo muang ta a, chetsual hlau reng renga motor chuan a ngai ta lo. Heti khawpa buai chung hian Sawmliana hian thiamna sang zawk bei zelin Ph D a hmu tawh a, Mizo Engineer te zinga Ph.D degree nei hmasa ber leh a awm chhun a ni. Sawmliana hian a thiamna hi lal takin office nuamah a thutpui lo. A thiamna chu hman tur a ni tih a hria a, thir lukhum khumin kham hlauhawm ber ber a lawn a, chirhdiak a dai a, thih hlauhawma a awm fo avangin tlanchhiat pawh a tul fo. He mi danglam hian ni sen sa tuarin a hna chu a thawk a, a hlauhawm lai ber a luhkhung a, a hna chu a hnuaia mite tihah dah lovin, amah ngeiin a hmunah a thawk thin. Hetiang mi danglam bik hi Mizoram hian a hring zen zen lo hle a, ZONET chuan thangthar leh mimir tana entawntlak, mi chhuanawm takah a ngai a, Mizoram leh India ram tana theihtawp chhuah zel tura duhsakna nen, ZONET Award 2007 chu a hlan a ni. (source : vanglaini)

Vol XIII

Issue No. 3

Bangalore Mizo Associ ation Pathianni Tin Chhuak Chanchinbu

Editor C. Lalhmachhuana, UTC, Ph- 98453 30822 Joint Editor Mâdawnga Hauhnâr Ph. 98865 27194 Circulation Staffs: KC Lalramchuani R. Lalpanliani Mary Lalhriatzuali Lalrindiki Hnamte E-mail: [email protected] Website: www.bangaloremizo.info A Man: Thla Thum atan Rs. 45/-

Editorial Mizo mi ze pakhat Bangalore hi India rama khawpui fai ber tih a lo ni thin a. Hmuh kha a chakawm thin hle a ni. A lan danah chuan, India ram khawpui dang te ai chuan Kristian hi an tam hmel viau mai a. Veng thenkhat phei chu Pathianni zingah chuan Mizoram ang mai a ni tih tur an ni. He’ng te vang hi nge ni ang, mi lehkhathiam leh puitling tak tak an khawsak vang tih hi ka ngaihtuah a. Kan inkhawm bang kan che vel leh thingpui kan inna hnu hma vel hi a hmuhnawm loh thin khawp mai a. A chhan ka lo chîk a; no ruak leh bawlhlawh dang, hnawmhnawk bawma paih tura va pan vel ai chuan kan thutna bula paih mai kha pawi kan tilo niin a lang. Incheina mawi leh man to te hak a, changkan hmel taka awm a, hnawmhnawk a bawma kan paih siloh chuan... zah lohna tura kan zak tlat thin hi a pawi. Tin, kawngpui bulah kan awm thup a, meizial zuk nen, gutkha kan han ei ham ham te hi hnamdang te min hmuhsitna tur thil a ni tlat mai. Hetiang tilo hian minute 30 vel han awmkhawm tal tal chu thil harsa tak a ni thei dawn emaw ni le?! (Jt.Ed)

Date: 20th January 2008

Phek Hnihna

HRIATTIRNA Tunkar Inrinni, January ni 26, chawhnu dar 2:30pm hian BMA Silver Jubilee committee te inhmuhkhawmna hmasa UTC (A hmun tur dik tak chu kan la inhriattir leh dawn nia) ah neih tur a ni a. Member te chu lehkha pek vek in nih tawh kha. Kal theuh kan tum dawn nia. Convener, Pu RL Rinawma @ January ni 16, kar l i am ta Ni l aini khan American Idol an tan leh ta. Star World channel ah Nilaini leh Ni ngani 8:00pm atanga 10:00pm thleng a en leh theih ta e.(Mizoram lam pawhin an ti veleh tep tawh ang chu ?) Hnam puitling zawk te che vel l eh an inhmachhawndan te a hmuhnawm hle. Zir tur a awm nual zel mai. American Idol 2008 hi Pennsylvania ah tannin, Texas ah an nei leh a. Kar leh ah chuan San Diego ah an nei ve thung dawn a ni. @ Supercomputer, khawl thl uak nei lian leh chak tak mai, scientist te thil hriat duh tam tak hre thei tur chu Thawhtanni (14 th January) khan United Kingdom chuan an peih fel ta. He Khawl thluak nei lian chi hi tuna kan computer hman ang Desktop PC hlir 12,000 ang hu velin power a hmang a ni. He supercomputer hi a hmingah ‘HECToR’ an ti a. Europe rama chakber pawl a ni. A hnathawh theihdan chu maw… second khat chhungin thil chi hrang hrang maktaduai 63 a chhut hman. Thawmhnaw khaina pangai tak 60 vel hmun luah ang a luah a, pound maktaduai 113 vel man hu a ni. He Khawl thluak nei lian chi hi University of Edi nburgh ah dah a ni a. Sik leh sa in thlak danglam endik vel atanga damdawi thar siam thlengin mithiam te a pui thei dawn a, tin, tuifinriat chhung tui che vel zirchianna te, radar hriat thei hloh indo thlawhna siam lamah te mithiam te a pui dawn a ni. A hming HECToR tih lampum chu ‘High-End Computing Terascale Resource’ ti h a ni. A siamtu te chu US company Cray Inc. an ni. $$ Kan member, Nl. Vannunzami, ISTA, Ulsoor a thawk chu Zirtawpni khan a hnathawhna thlakin Amwaj Rotana Hotel, Dubai lama thawk turin a kal. $$ Bangalore University-in an aiawha football khel tur a thlan zinga Mizo 5 te- C. Lalramthanpuia (Lowry College), F. Lalnuntluanga (Lowry College), R. Lalremruata (Al-ameen), Lalramhluna (St. Joseph College) l eh Zorema (Alameen) te chuan Bangalore an chhuahsan ta. $$ January ni 4, 2008 khan kan member pahnih, Tv. Paul Lalchhanhima leh Nl . Crossmuanpuii te chuan Kohhran dan thianghlimin Lamka Chhim Veng Presbyterian Biak In, Churachandpur ah ‘tiam tlat e’ an ti a. Zirtawpni khan Bangal ore an lo thleng leh ta. Anmahni kawmna hun tawite ilo nei ang. BMA Aw : Bangalore Mizo aiawhin lawmpuina chibai kan buk a che u. Paula : Kan lawm e. BMA Aw : Engtiangin nge inneihna hun in han hman le? Paula : Biak In lam hunserh zawh chuan, Kohhran hall lamah lawmna hun kan hmang a. Tlaiah ruaite kan theh a. Zan lamah pawh hun reivakl o chu kan In lamah chuan kan hmang leh a lawm. Tluang takin hunk an han hmang thei a, a tihzia khawp mai. BMA Aw : A nuam dawn hle mai a chu... Paula : Zan lam hi thiante leh chhungten hman an ti deuh tlat a, an huaihawt vel ta ni h kha. Zaihona hun te leh intihhlimna hun te in kan hmang mai. BMA Aw : Hei , Pa ilo ni tawh mai dawn ta a, i hming bulah pawh ‘Pu’ kan dah a ngai dawn ta a… Paula : (A nui a) ‘Pu’ tih dah chu… a theih tho a, mahse han inkoh chu a la nuam chiah lo a ? Pathianni lo awm leh tur kan Fellowship banah hian a lawmna te buatsaih ve kan tum a, Bangalore Mizo zawng zawng te kan sawm a che u.

Vol XIII Issue No. 3

Bangalore Mizo Association

Pathianni Tin Chhuak Chanchinbu

Date: 20th January 2008

Phek Thumna

VIRUS TIHBO

TUNLAI BANGALORE

MIZORAM CHANCHINTHAR

Computer-a virus awmte hi software thenkhat, virus hre thei leh tichhe thei in an tibo thei a. Chu’ng virus tihbona te chu tihthar char char an ngai thung a ni. A chhan chu, virus siamtu te hian nitin mai hian i Khawl Thluaknei kha tihbuai an tum char char mai a; a thar an siam ta reng mai ani. Chuvang chuan, inven kha damdawi tha ber a ni ve reng a ni. Software thenkhat, chutiang virus hre thei te chu computer ah chuan dah a, chumi hmang chuan virus te chu tihbo theih a ni. Virus tihbona software i hman te chu tihthar ve reng tur kan tih kha. Internet hmang i nih chuan i virus tihbona chu tithar tura hriattir a ni thin a ni. Mahse, hetiang software hi thain, hmantlak hle mahse, virus thenkhat chu hmuhzawh loh emaw, tihbo theihloh emaw te pawh a nei ve thei a. Chutih laiin, virus tihbona software thenkhat chuan an lo hre theiin, an tibo thei deih thung a. Hetiang thil a lo awm chuan, chutiang a dang chu i hmang leh thei tho bawk. Ama’rawhchu, kan hriat reng tur chu, virus tihbona software te chu khawl pakhatah dah pawlh loh hram hram a tha a ni. Dah pawlh an nih chuan system file te pawh a tibuai ve thei a ni. I computer-a anti virus i dahte chu virus te an lo luh hmaa lo hre zel turin internet atangin tithar zel la. Tin, i system a drive zawng zawng te kha anti-virus hmang chuan scan thin bawk ang che. Virus te hian file pawimawh te an lo khawih tawh chuan delete theih an ni lova, delete chuan computer in hna a thawk theilo ve thei a, chutih laiin, anti-virus thenkhat chuan an tibo thei thin a ni. Chutiang chu zawn a, virus tihbo nan chuan hman leh mai tur a ni.

$$ Tunlai hian Bangalore khawpuiah auto chuan man a mumal lo hle a. A chhan chu auto driver ten chuan man tihsan an ngiat vang a ni. Ningani (17th Jan.) khan Bangalore-a autorickshaw union pahnih te leh Road Transport Authority chairman te chu an inhmukhawm a, auto chuan man te lo study a, ni 10 chhunga an thil zirchian te RTA a thehlut turin committee an din. Tunah hian auto fare Rs.6/km (minimum Rs.12) a ni a, hei hi Rs.7.50/km (minimum Rs.15) ni turin an ngen a ni. Sawrkar in an ngen ang an tihhlawhtlin loh chuan auto union te chuan February ni 1 atangin tiamchin awm lova nawrh an tum a ni. Hetih lai hian Lorry, bus, taxi leh maxi cab neitu te pawhin an thil nawr tihhlawhtlin a nih loh chuan zanin atang hian nawrh an tum. (Auto-a i chuan dawnin meter that leh thatlohte, eng angin nge a tlan dawn tih te, auto driver zawt hmasa thin ang che, a tawpah buaina an siam thin.)

## Sipaia thun luh tiama Mizo tlangval 8 bumtu Lt. Raja inti (Sanjivdar ni a hriat), Silchar AMC-a awm nia insawi chu Ningani tlai dar 4:45 khan Shillong-a Hotel pakhat, Hotel Elgin-ah Shillong YMA-te'n an man. Raja hnen atang hian mi pawisa a lo laksak tawh Rs. 2,50,000/- zinga Rs. 11,500 chu an hmu let tawh a, pawisa leh amah hi Police kutah an hlan.

$$ Motor Population (Oct.2007) New Delhi – Nuai 48 Chennai – Nuai 30 Kolkata – Nuai 18 Hyderabad – Nuai 17 Bangalore – Nuai 31 Two wheelers – Nuai 21.1 Cars – Nuai 4.68 Three wheelers – 94,000 Jeeps – 7,500 Taxis – 26,000 Buses – 44,000 $$ Zirtawpni (18th Jan.) khan Vangpui Kut ’07 min sponsored tu ‘Automotive Axles Ltd. Managing Director pahnih, Rakesh Sachdev leh Lori Dohal te chuanna helicopter chu Mysore a Infosys campus chhungah a chesual a, mahse vanneihthlak takin hliam na tak an tuar lo hlauh.

## Election Commission thupek anga Mizoram Electoral Roll thar, January 10-a siam zawh takah, Roll hmasa aiin vote nei thei mi 16,655-in an pung a, a punna hi 2.85% a tling. He Roll tharah hian kumin January 1-a kum 18 tling chin lâk a ni a, Roll thar siam tâkah hian sipai leh an chhungte, Service Voters mi 2476 an awm bawk. Electoral Roll hmasaah khan Mizoram pumah vote nei mi 5,83,460 an awm a, Roll tharah hian mi 6,00,115 an tling ani. Assembly bial 40 vote nei thei pun tam berna chu Aizawl West II a ni a; he bialah hian hming paih turte paih a nih hnu-ah mi 950-in an pung a ni. ## Mizoram sorkar hnathawk inzawmkhawm pawl, Federation of Govt Employees and Workers (FMGE&W) chuan, mautam tâm tuarte leh nikum fûr laia chhiat tâwkte tanpui nân an member-te'n an remchân ang tâwk theuh thawh khawm ni se, a ti a. He thutlukna hi Ningani khan Aizawl Press Club-a an pawl Council meetingah an siam a ni. FMGE&W Secretary sawi danin, sorkar department tinah tâm tanpuina tur thawhlawm hi khawn a ni ang a, Disaster Management and Rehabilitation Department hnenah department tin aiawhte'n an chhung lut dawn a ni. (source : vanglaini)

Vol XIII

Issue No. 3

Bangalore Mi zo Association

Pathi anni Tin Chhuak Chanchinbu

Date: 20th January 2008

Phek Li na

## Thenzawl Group YMA, Joint YMA leh Branch hrang hrang hruaitute chuan Thenzawl Town Area huam chhunga MNF party hruaitute zinga mi 27, Khawibelphul ram pek cancel turin Revenue Minister Dr. R. Lalthangliana Ningani khan an ngen a. He an ngenna hi chhangin Minister chuan, tun hnai lawk atanga Revenue Minister hna chelh a nih thu leh, hemi chungchang hi a lo enfiah tur thu a lo hrilh a, a hmalakna nghâk turin YMA hruaitute chu a ngen nghal a ni.

$$ Vanneihthlak takin Mapusa ah nimin Inrinni khan SSA Football Academy, Mizoram chuan, thiam bera ngaih, champion nilai bawk East Bengal chu tie-break ah 5-2 in an hneh a, Manchester United Premiere Cup (India) final an lut ta a ni. Final ah hian SBHS Football Academ y, Gurdaspur chu vawiin hian an khel dawn a ni. SBHS Football Academ y te hian St. Stephen’s Football Academy, Chandigarh te chu penalty shootout ah tho 5-4 in an hneh ve thung ani.

## Mizoram People Forum (MPF) chuan Ningani (17th January) khan Synod Conference Hall-ah Trainer's Training hun an hmang a, MPF General Secretary Upa Lalramthanga paper siam “PF hmalakna leh kalphung” tih chu an zir a. Inthlan lo awm leh turah mipuite chu an vote hralh lo tura zirtir nise, an ti a, ram siamthat theih a la nih thu an sawi bawk. He hun hi Synod Moderator leh MPF President kalchhuak Rev. Vanlalchhunga'n a kaihruai.

Nizan (19th January) inkhel result 08:30pm – Birmingham 0-1 08:30pm – Blackburn 3-1 08:30pm – Fulham 0-3 08:30pm – Tottenham 2-0 08:30pm – Portsmouth 3-1 08:30pm – Reading 0-2 10:45pm – Newcastle 0-0

INFIAMNA $$ January ni 12 atanga tan Senior Women Football Championship Vawi-5-na, chu Lunglei LDFC Ground No.-I a khelh a ni a. Final khelh zawh takah Aizawl District chuan Serchhip District chu 1-0 in an hneh a, an Champion. He Championship-ah hian Goal thun hnember (Top Scorer) chu Lalruatkimi Hnamte, Serchhip dist. a ni a, goal 4 a thun a ni. Best Playerah Lalvarmawii, Aizawl District chu thlan a ni a, Fair Play Trophy chu Lunglei District Player ten an dawng. He Championship-ah hian player tha thlan nghal an ni a, heng mite hian tun thla ni 28 atanga tan tur North-East Sports Festival, Guwahati-a neih turah Mizoram ai an awh dawn a ni. $$ Mizoram Amateur Taekwondo Association (MATA) chuan Nilaini khan Aizawl Press Club-ah General Body Meeting an nei a, kumin chhungin hmarchhak bial huap Taekwondo inelna buatsaih nise an ti. An rorel dangte zingah Mizoram pum huapa Taekwondo inelna buatsaih nise tih te, kumin chhunga Taekwondo Federation Of India buatsaih inelnaah tel vek nise tih te, Taekwondo ti lar turin District hrang hrangah te zin chhuakin beihpui thlak nise an ti bawk.

Chelsea M’brough Arsenal Sunderland Derby Man. United Bolton

Zanin (20th January) a inkhel tur te: 07:00pm - Wigan Athletic vs Everton 09:30pm - Manchester City vs West Ham Utd EPL point dinhmun: Position Club 1 Manchester United 2 Arsenal 3 Chelsea 4 Portsmouth 5 Everton 6 Aston Villa 7 Liverpool 8 Manchester City 9 Blackburn 10 West Ham United

Played 23 23 23 23 22 22 21 22 23 21

GD 35 29 20 12 16 12 12 6 2 7

Point 54 54 50 40 39 39 39 39 38 32

Naktuk (21st January) a khel turte: 01:30am – Liverpool vrs Aston Villa Inrinni (26th January) a inkhel turte: 08:30pm – Aston Villa vrs Blackburn Infiamna Dang… [%] Zorama nen kan lo haw thla veleh ta e. – Terence [%] Tunlai chu ka inla reh ve deuh mai mai… tih tur hi a tam ve thei bawk sia. – Blessy

BMA Office Bearers: President : Pu K. Lalrokima Vice President General Secretary : Tv. Mâdawnga Hauhnâr Asst.Gen. Secretary Treasurer : Nl. Blessy Sailo Assistant Treasurer Secretary i/c Sports : Tv. Joar Panzela Secretary i/c Cultural Secretary i/c Academic & Human Resources : Tv. Lalrothara Tlau

: Rev. PC Lalduhawma : Tv. James Lalrintluanga : Nl. Thaarie Hnamte : Tv. Obeda Lalhuliana