Bma Aw: 4th January 2009

BMA AW An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 1

Bangalore Mizo Association Pathianni Tin Chhuak Chanchinbu

BANGALORE KHAWPUI AH KRISMAS 2008 ROPUI TAKA LAWM ANI - Josiah Ralte

Chung Pathian venna leh kaihhruaina zarah, Bangalore khawpuia Mizo te chuan Krismas lawmawm leh hlimawm tak kan lo hmang zo leh ta reng mai. A va ropui em! Kum tina kan tih thin mah ni se, kan duh a thal a, nuamsa a hmang thei kan ni kan tih a hlauhawm khawp mai. Pathianin Bangalore Mizo te, a kohhran ho thehnemngai taka tawngtaina nasa takin a chhang a, buaina em em leh rokhawlhna hranpa in a tihbuai lohin kan hmang thei a ni tih i hre nawn leh theuh ang u. Tun tum kan Krismas hman takah khan thil chhinchhiah tlak tam tak awm ve in ka hria. Krismas hi khawvel pum deuh thawin lawm thin mahse, kan lawm dan leh kan hman dan a inang lo nawk mai. A hlimhlawp boruaka tham ral ta vel mai mai pawl lah bo lo. Kan Lal Isua hian a Birthday ah hian lansarh a, chawimawi hi a duh ve hlein ka ring thin. Chutiang ang taka Isua chawimawi tum leh a piancham mai ni lo, min chhandam tura he leia a lo pianna ni tih hre reng chunga lawm taka hmangtute chungah, kan Lalpa hian malsawmna leh a awmpuina a thlen thin a ni. Chutiang dinhmun chu kan chang ve ni hian ka hria. Kan BMCF hotute inpuahchahna, tisa leh thlarau lamah a tha hlein ka hria, hriattheih khawvel leh chumi bak pawha mi ropui ber mai Lal Isua piancham lawm nan chuan sum lah an ui lo. Ruai leh ilo han buaipuitu te tan pawh thlamuan thlak tak a ni. In lo chhinchhiah ve emaw, thihna emaw damlo han buaipui ngai em em an awm lo te kha, Pathian vena liau liau a ni. Tin, Krismas sub-committee te thawhhona a tha in, member tin te inpekna kha a ropui hliah hliah hian ka hria. Bangalore Mizo mipui te’n Krismas an hmang nuam lo palh ange tih hlau reng rengin October thla daih atang tawh khan an lo hmanhlel ve a, an rilru leh ngaihtuahna, an tha leh zung leh hun hlu tak maite an lo seng nasa a; sub-committee convener ka nihna ang pawh in, lawmthu ka sawi pahin, ka han chibai bu lawp lawp a ni. Fatu ho lah kha, thawh an han hai deuh nain, an rawn thawh chhuah tak hnu vek vek kha chuan, mawng pawh hung hman lek loin an han buaita tak tak a, choka lama an thil thiamte an han vawrh vir vel tak tak kha chu thil hmuhnawm hi a tlingin ka hria. Hming hmerha lawmthu han sawi diat diat tak hi ka nap a, mahse phekin min daih dawn si lo! Fatu leader Pu Chama’n a tlin veng veng bawk a, ropui tak a ni. Ani leh kan manager Pu Nunmawia te hi, in lo chhut chiang ve

Date: 4th January 2009

ngai em? Zoram lamah chuan hetiang ang hunpui ah te hi chuan, nghawngawrh sen awrh fuk auh a, pulpit tlang zut zut a, Lal lo piang thu sawi hluam hluam thin an ni tih te hi lo hre ve mai mai ula. A piancham kan lawm Lal Isua’n engkim kalsana kan tan a lo kal ang deuh khan, anni pawh hian pulpit tlang leh nghawngawrh sente kalsanin, silipar leh iptepui nen midangte tana rawngbawlna a ni tih hre reng chungin, UTC chokaah sa bel leh fianpui chu lawm takin an rawn kuah ve ta ngawih ngawih a ni. Tun kum kalta ah khan sub-committee chuan secretary pahnih kan nei hman a, Tv. Madawnga’n tlin tak mai a an chingchivet kual hnuah, Bangalore nu chhuanawm, hleitling zet zawt Pi Rinpuiin an rawn khuainuai leh ta tak tak mai a, kawng hi chu a kaw duak duak a ni ber e. Anni nge nge an lu leh an hna an zo dun ngei mai. Mipui lo kal dante kha, keini sub-committee leh fatuho chuan ka lo thlir ran a, kan beisei zat mi 70 chuang maiin an rawn khum te kha chu, a buaipuitute lam chu kan thinphu tlemin a lo rang ve deuh a. Mahse chungte chu min hriatpui ve awm tawp silo va. A lawmawm lamah ngaiin kan in then liam khum vel ta mai mai zawng a nih kha. Kan memberte leh a bik takin chhungkua kan kal tha em em a, kan nula leh tlangvalho lah, khawiah mah zahpuiawm bik lo turin, ka nalhlo bik ange tih hlau a, an rawn tla del del maite kha asin hmuhnawm ni! Ei lah an thei, an hrisel tha a ni. Inkhawm program pawh December thla tir lam atang daih tawh khan kan urlawk a, gift exchange kan ti, Carol service kan ti, a urlawk zan takah phei kha chuan urlawk tawh tak kan ni. Nl. VLi te ho an han che tak tak kha chu, hmul a man thluam thluam mai alawm. Pu Chhusa lahin a mize thuhruk an nu thul atangin a rawn phawrh, kan hlimpui phian zawng a nih kha! Kan inkhawm hruiatu ten tlin takin an kaihruai a, thusawi tute lahin, nakumah chuan hun hi ka chang leh tawh kher loving ti ni awm fahranin, thahnem nagi tak maiin sermon an lo thlak piap piap bawk nen, kan hlim tlang ani. A tawp berah chuan zawngtah rah hun kan nangching hmanlo kha chu a pawi, chil lem dawk dawkin kan asst. Manager Chamtea te’n a kung an thlir liam tak mai mai kha. Bekang lam kha chu sawi tawh lo mai ila, Mas hmain kan sawi tam tawh em kha maw! (BMA President leh Krismas Committee Convener ni bawk Pu Josiah Ralte in hun chep tak kara Krismas hman dan ngaihnawm tak min ziahsak avangin kan lawm e.)

Vol XIV Issue No. 1

Bangalore Mizo Association Pathianni Tin Chhuak Chanchinbu

Editorial…

BMA AW Chhiartu zawng zawngte kum 2009 min hruai thlengtu Pathian hmingin BMA AW Editorial Board chuan chibai a buk a che u! BMA Aw Volume XIV-na chu kan han tan leh dawn ta a, kum a thar angin BMA AW ah hmel thar leh hming thar te kan hmu zel dawn a,. BMA AW hmasawnna chu chhiartute ah a innghat a, member te’n thahnemngai lehzuala news te thawhkhawmin, inbiakpawhna tha zawk kan neih tlan hi kum bul tanna tha tak ani ngei ang.BMA AW hi Bangalore Mizo zawng zawng te ta anih angin tupawhin inthlahrung lo leh thahnem ngai takin news kan hriat ang ang te I thawh khawm thin ang u!.Engpawh ni se, tanrual hi chakna a ni tih hi hrethar leh ila, chu mi rualin hei Krismas leh Kumthar boruakin kan rilru a la chiah hneh hle rih a, kumtluana kan nghah chu an zo ta phawt mai chu ania, lung te pawh a leng e.Krismas lo thleng leh tur nghakin ni han chhiar leh kauh kauh phawt ila, tun kumthar ah hian nikum lam aia kan thil tih lai theuh ah hmasawnna kawng thui tak pen theuh tumin bul i tan ang u. ---------------------------------------------------------------------------

Tunlai Israel ram buai ah kan unaute Israel lama awm ngei hnen atanga misual.com kaltlanga kan thu hriatte kan han tarlang e. Daibuaia Says:January 2nd, 2009 at 4:53 pm Sipai ral do hmatawng a tang chu kan awm lo niawm tak a ni.Min rawn ngaihtuah a a lawmawm e,min lo tawngtai sak phei phei chu a lawmawm leh zual.Sederot khua ah mizo thahnem vak lo an awm a,chu khua chuan Bomb vel an dawng zauh zauh,in kah hai lai pawh khan.Ashqelon leh Ashdod in kar khaw thar ah mizo kan awm nual bawk a.Thawm ri va kan hre pha ve vuai vuai!Hmar lama awm an tam zawk vangin mizo tam zawk chuan TV atanga an hmuh bak an hre bik vak lo.Tin,arab ho in bomb an rawn kah chhuah chuan siren hi a rawn ri a,shelter a tlan luhna hun a awm. News tlemte chu - Israel sipai ho ten terrorist ho chakkhai lakna hmun khuar 100 chuang an chhut chhiat sak a nghal buaih bawk. Israel leh Khamas te indo na ah hian Palestinian ho 360 chuang an thi tawh a, Israeli chu mi 3 vel an thi a, hliam an awm nual bawk. hama Says: January 2nd, 2009 at 5:32 pm Israel a mizo om 15% vel chauh chhim lam ah an om a . Palestinian Roket tha ber chi hian 50km vel a kap pha a, chumi huam chhung ah chuan Mizo te chen ve na khua pahnih Sderot leh Nitzan a oma, Nitzan ah hian bomb a la tla ve loa.Sderot hi chu an kah zin pol a ni nain tun buaina ah hian thi an la om lo ani. A pum puiah israeli mi 4 an thi

Date: 4th January 2009

toh a,hengzing a pakhat hi sipai niin pakhat chu arabisraeli ani a.hliam 32 vel om toha report a ni bok.Palestin lamah chuan mi 400 chuang thi toh ah mi 60 vel civil mi nia report ani bok.Tunthleng hian israel chun Palestinian ho beih nan hian thlohna leh helicopter deuh chauh a la hmang a,tunah hian leilam sipai leh Tank za tam tak Gaza run mai thei turin ramri ah thupek nghak in an om mek ani. ----------------------------------------------------------------------------

v BMA Directory 2008 –2009 kar hmasa Sunday inkhawm bana release tak kha lei tur a la awm e.Copy khat Rs.50/- zel ani. Bangalore a Mizo awm te kan inhriat pawh lehzual nana siam anih angin mitinin lei theuh i tum ang u! BMA Hruaitute hnen ah leh Sunday inkhawm ban apiangin biakin kawt ah zawrh ani e. v BMA Silver Jubilee kumin April ni 4 a lo thleng turah inpuahchahna a kal mek a, Silver Jubilee Committee te pawhin thiehtawpin hma an la mek zel ani. He Committee hi Pu R.L.rinawma IRS, Mysore a awm ta, hun rei tak Bangalore Mizo hruaitu kaihhruaina hnuaia kal mek ani. v BMA Day 2009 chu kum dang ang lo takin January 1 khan lawmna neih ani lova, hei hi a chhan chu kumin hian Silver Jubilee lawmna a dinchampha dik tak April 4 ah ropui taka neih tura ruahman anih vang ani. v BMA Thlalak order duh tan Phone number 9886145877 ah la order theih ani. He thlalak order hun chhung hi tih tawp anih tep avangin member te’n I order thuai ang u. v BMA Silver Jubilee Zipawl din a ni dawn a, hetah hian a duh apiang tan Nl.Vanlalchhuani, Director – BMA Zaipawl hnenah hming pek tan theih ani. v Bangalore-a Mizo awm te tan Voter’s ID siamna hun remchang hawn ani dawn a, inthlan leh hun ah Bangalore ah vote I thlak thei tawh dawn ani. BMA hruaitute kaltlangin bawhzui theih ani. Bangalore a kumkhat aia tam awm tan apply theih ani dawn a, member ten hei hi kan tangkaipui dawn hlein a hriat a, neih theuh I tum ang u.

Vol XIV Issue No. 1

Bangalore Mizo Association Pathianni Tin Chhuak Chanchinbu

Date: 4th January 2009

TUALCHHUNG NEWS

·

UTC a DTh, MTh leh BD Entrance test pe tur pawh Mizoram lam atangin an lo thleng thal mek zel e.

·

Tv.Liana UVCE zirlai chu ….khan vanduaithlak takin accident a tawk a, a khabe ruh a sawh na hle a, zai nghal ani. Member te’n I tawngtaipui zel ang u.

·

College leh School tam zawk te chu hun rei tak Christmas leh New year chawlh an hman hnu ah naktuk January 5 hian zirna in te hawn leh ani tawh dawn ani.

·

Koramangala area lam te chuan January 1 khan Pathian hnen a inhlan tharna hun Grace home boys hostel ah an nei a, ruai tui tak an kil nghal bawk ani.Mi 72 vel kalkhawmin, Pu.B.Kapthuama leh Pu HT Sangliana te’n thusaina hun an hmang. UTC lam pawhin hemi ni vek hian Kumthar lawmna hun hlimawm tak an hmang tih thu kan dawng bawk.

MIZORAM NEWS Ni 29 December 2008 hkhan Pu Lal Thanhawla kaihhruai Mizoram sawrkar thar a Minister te hna chanpual siamfel a ni ta. Pu Lal Thanhawla chuan department pakua enkawlin heng zingah hian Finance leh Planning & Programme Implementation pawh a tel a ni. Minister of State te pawhin an chanpual department chu independent in an enkawl ang. Ni 29 December 2008 vek khan Chief Minister chuan ruling MLA zinga mi 5 chu Parliamentary Secretary atan ruatin Minister te tha chhang dawl turin Minister of State rank pek niin Secretariat-ah office an luah ve anga file pawh an mahni kaltlang hian Minister hnenah thehluh thin tur a ni dawn a ni. Hei hi Mizoram atan chuan thil thar a ni awm e.Minister te hna chanpual leh an mahni pui tur atana Parliamentary Secretary ruat te chu a hnuai a mi ang hi anni:

Chief Minister - Pu Lal Thanhawla:Parliamentary Secretary - Pu Lalthanzara Finance, 2. Planning & Programme Implementation, 3. Political & Cabinet, 4. Vigilance, 5. General Administration, 6. Secretariat Administration, 7. Public Works, 8. Power & Electricity leh 9. Excise & Narcotics Cabinet Minister - Pu R. Lalzirliana:Parliamentary

Secretary - Pu Lalrinmawia Ralte 1. Home, 2. Prison, 3. District Council Affairs leh 4. Rural Development

Cabinet Minister - Pu H. Liansailova: Parliamentary Secretary - Pu K. S. Thanga 1. Agriculture, 2. Horticulture, 3. Minor Irrigation, 4. Fisheries, 5. Soil & Water Conservation leh 6. Personnel & Administrative Reforms Cabinet Minister - Pu S. Hiato: Parliamentary Secretary - Pu H. Zothangliana 1. Industries, 2. Tourism leh 3. Public Health Engineering Cabinet Minister - Pu PC Zoramsangliana: 1. Transport, 2. Art & Culture leh 3. Printing & Stationery Cabinet Minister - Pu J.H.Rothuama: 1. Land Revenue & Settlement leh 2. Cooperation Cabinet Minister - Pu Lalsawta: Parliamentary Secretary - Pu Chawngtinthanga 1. Law & Judicial, 2. Parliamentary Affairs, 3. School Education, 4. Higher & Technical Education leh 5. Taxation Department-te Cabinet Minister - Pu H. Rohluna: 1. Environment & Forest leh 2. Food, Civil Supplies & Consumer Affairs Cabinet Minister - Pu Lalrinliana Sailo: 1. Health & Family Welfare, 2. Labour & Employment leh 3. Trade & Commerce Cabinet Minister - Pu Zodintluanga: 1. Urban Development & Poverty Alleviation, 2. Information & Public Relation, 3. Sports & Youth Services leh 4. Information and Communication Technology Minister of State - Pu Nihar Kanti Chakma: 1. Animal Husbandry & Veterinary, 2. Sericulture leh 3. Disaster Mangement & Rehabilititation Minister of State - Pu P. C. Lalthanliana 1. Local Administration leh 2. Social Welfare Parliamentary Secretary atana Chief Minister-in a ruat zinga pakhat, Pu S. Laldingliana, Lunglei South bial atanga thlan tlin chu mi dang ruala lak luh a ni ve lova, a chanvo tur hriat a la ni rihlo.Assembly Speaker Pu R. Romawia niin, Deputy Speaker Pu John Rotluangliana a nih thu kan tarlang tawh a. Hei bakah khan karkarta lamah khan Chief Minister chuan Pu Lalkhama IAS (Rtd) chu Mizoram Planning Board Vice Chairman atan a dah nghet bawk. Tihian Mizoram sawrkar thar a chanvo pawimawh chelh tur chu kim thawkhat a ngaih a ni a. Kumthar office hawn tirh atangin hna tak tak thawk thei tan tawh tur a beisei anni. Sawrkar tharah hian mipuiin beiseina sang tak an nei a. An thiltih engkim uluk takin kan thlir mek a ni. Inthlan lai leh an tlin hlim khan Corruption free government min tiam avang leh sawrkar tharah huan mipui an lal ber tur thu tiam kan nih avangin mipuiin sawrkar thar hmalakna hi kan thlir uluk lehzualin beiseina pawh kan nei sang niin a lang (vanglaini.org) ---------------------------------------------------------------------------Tun kar changvawn :”Ka khawngaihna I tan a tawk e;Ka thiltihtheihna hi chak lohnaah asin tihfamkimin a awm ni”, a ti ta a. II Korinth 1:9

New Year ! Happy New Year!Date: Happy Year! Bangalore Mizo Association PathianniHappy Tin Chhuak Chanchinbu 4th New January 2009

Vol XIV Issue No. 1

Lunglei leh a chhehvelah ramkang a tam hle a, Tlangbung panna kawnga Lo hal avangin Lunglei Civil Hospital bul leh Children Park bul a kang bawk. Hei vang hian Lunglei District Fire Prevention Committee chu he District chhung khaw hrang hrang tlawhin an zinchhuak mek bawk a ni (Source:mizoserver.net)

BMA AW subscribe duh apiangin heng a chunga kan han tarlan te kaltlang hian Sunday ah pawisa pe lawkin lak theih ani.

Mizoramah kan hriat lar threuh ang in poisa chiahpuam chuan chhungkaw hrang hrang sum dinhmun lamah a nghawng hle. Christmas bazaar ah pawh thil a to in tun kum chu kum dang aiin thawmhnaw man pawh a sang filawr hle tih thu kan dawng.Poisa la chhuak thei an vannei a a la chhuak theilo te an vanduai hle. (Source:mizoserver.net)

------------------------------------------------------------------------------------

---------------------------------------------------------------------QUOTE OF THE WEEK - Never doubt that a small group of thoughtful, committed citizens can change the world. Indeed, it is the only thing that ever has. Margaret Mead -US anthropologist & popularizer of anthropology (1901 – 1978

---------------------------------------------------------------------------BMA AW ( Jan-March 2009) Editorial Board Editor: Nl.Thaarie Hnamte – Vasanthnagar (MB) – 98861 45877 Joint Editor: Tv.Isaac Chawngthu (Patea) – Cooke Town (MB) – 99861 37633 Circulation Managers – Nl.Jenny – Grace Home (MB) – 98865 67540 Nl.Vanlalchuani – Grace Home (MB) – 94481 47435 Thuchhuah tur nei apiangin Editor te kal tlangin thawn theih reng ani a, Phone / SMS hmangin emaw Email – [email protected] ah thawn mai tur ani e.Mimal leh pawl thil engpawh BMA AW kaltlanga Advertisement ti duh tan man tlawm takin chhuah theih ani bawk.Tin, Mizo te Bangalore ah kan lo pung ta tial tial a, inhriat kim leh inhriat vek sen pawh a ni ta lo, hei vang hian veng tin/ area hrang hrang ah Correspondents te dah vek an ni a.Heng te hian thahnemngai takin an veng/ area a thil thleng langsar zual te chhinchhiah zelin BMA AW a chhuah turin an lo la khawm thin dawn ani.

Nl.Thaarie

New year’s day - Grace Home Boys Hostel ah Koramangala area leh area dang member thenkhat ten hun hlimawm tak an hmang.

Tv.Isaac (Patea) 29th December khan Krismas Ruai Committee te’n Rev.Dr.K.Sapthanga inah Krismas review neiin chawhlui kilho nghal ani.

BMCF INKHAWM PROGRAMME

Nl.Jenny

Nl.Vli

DATE: 11.01.2009

Hruaitu: Pu Laltanpuia Pachuau Tantu : Nl.Sawmtei Khawlhring Thuhriltu: Pi F.Lalrotluangi Thawhlawm Hlantu:Pi Zohmingliani Spl.No:Mapuii Hostel