Bma Aw: 11th January 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 2

Bangalore Mizo Association Pathianni Tin Chhuak Chanchinbu

ZORAM THAR I BEISEI NGAM DAWN EM? - John Zosiama, Rome (Italy) Lungawi lohna Zoram khawvel-ah a nuar thei zawng zawng nuar-a kan chiai nuaih nuaih hnu-ah kan duhthlanna ngeiin kan lungawihna ber tura kan beisei hruaitu thar kan thlang ta. Kum dang ang lo takin inthlan campaign pawh a boruak a zangkhai a, a felfai zawk emaw tihtur a ni. Mipui duhthlanna pawh a chiang hle. State kan nih hnu-ah inthlan-a zawnga chakna chiang ber mai record siam meuhin sorkar thar chuan min kaihruai dawn ta a ni. MLA thlan thar zingah pawh kan lo suangtuah fo thin ang ngeiin hmel thar thahnem tawk tak hleprukna thilah pawh la fihlim an awm ta nawk mai le! ‘Lang tlang sorkar, eirukna laka fihlim leh mipui huapzo sorkar kan siam dawn a ni’ tih chu kan CM thar kamchhuak hmasa ber a ni. Ka lo vei rilruk ve thin em em, rethei zawk te leh thingtlang lonei mite hamthatna tur ngaih pawimawh hmasak ber-ah an nei dawn bawk. A bul tan nan eirawngbawlna Gas VIP quota awm thin chu nuai bo a ni dawn ta. CM hlui motor kawl panga ngawt mai pawh ‘em em a’ tiin kan CM thar chuan tul danga hman atan department dang a pe ta riap mai le! Chutah, ‘Politiks hi eizawnna ni lovin mipui rawngbawlna tur a ni’ tiin a hruihhruai MLA te chu an party meeting-ah na takin a zilhhau zui. Chumai bakah sorkar thar chuan corruption hi a zung nena karchhuakin a pho ro anga, nuai bo thak a tum dawn bawk a nih chu! An sawi anga an tihlawhtling thei a nih ngat chuan Zoram mipui tan hian a van lawmawm dawn em! Switzerland of the East tih vel sawi sawi tawh lovin Zoram thar kan din thuai mai tawh l’ong maw? Mahse, politiks-a thil tenawm ber mai pakhat ni-a ka hriat chu tawngka leh thiltih inmil lo lutuk thin hi a ni. He hri hian a man ve leh thuai ang tih ka hlau. An lalthuthleng an sawhnghet te te anga heng an thutiam tam tak te hi boruak-ah a thamral leh mai ang tih hlauhawm khawp. A bul tanna hi chu an thawk tha thin viau, mahse rei a daih thin lo a ni. Hei vang hian ruahmanna leh inkaihruaina fel tak nen rorel a, an intiam ang ngeiin ‘good governance’ thuthlung vuan tlata hma an lak a tul hle. Tuna hmalakna tur tha tak tak an sawi te pawh hi thil thar em em a ni hran hauh lo. Hruaitu hmasate pawn an lo sawi an sawi ve tawh tho. Mahse a tak rama chantirtu hruaitu rinawm leh thahnem ngai mipuite rawngbawl nih inhrereng chunga hnathawk tak tak ngam hi kan mamawh a, chu an thawhrah chu a takin kan ramah hian kan hmuh duh tawh a ni. Reithei te chhanchhuah nan NLUP policy an hmang leh dawn niin a lang. Hei hi sum sem policy mai a ni leh ang tih a hlauhawm. Ruahmanna plan mumal tak nen-a sem a, endik zui leh kaihhruai chhunzawm zel anih loh phei chuan thatchhiatna bul leh ho lam taka sum hmuh duhna rilru tha lo tak thlentu a ni thei zawk tlat. Huapzo sorkar anih ang ngeiin thlei bik nei lova kalpui nise, party mi leh sa invulh nan maia hmang lovin

Date: 11th January 2009

thingtlang lonei mi zawng zawng ten chhawr tangkai thei se lang a lawmawm ngawt ang. Tlangram loneih bansan-a eizawnna mumal nghet chhungkaw tinten an lo neih theih nan uluk taka ruahman leh kalpui a nih phawt chuan thingtlang rethei zawkte lo dinchhuah vena tur leh ram hmasawnna rahbi pawimawh tak pakhat a ni thei a ni. Tin, corruption hi nuai bo an tum tak tak a nih ngai chuan he thila lo inhnamhnawih tawh leh case nei te anmahni zingah an awm em tih an inenfiah a, an chinfel hmasak phawt a tul zawk long maw? Chuti a nih siloh chuan mahni thil tih dik loh thup bo tum nan leh politiks inchirhtheh nan mai hman a ni anga, a zu zi ral leh mai mai ang tih a hlauhawm. Mahni inchinfel hmasak phawt loh chuan midang va chinfel ngawt theih a ni si lo. Chu vangin, hruaitu tharte hi heng thilah hian inthiar fihlim thak thei se la, an hnuaia thawk te leh mipui te pawn an zawm mai dawn a ni. Lang tlang sorkar an din dawn a nih ngai chuan hei hi an ngaih pawimawh hmasak ber tur a ni tlat. Kum sawm lai opposion lamah thu-in sorkar ding lai ngunthluk takin an lo thlir a, an dik lohna leh kal sualna te pawh an hre hneh hle niin a hriat. Zoram hmun hrang hrang kilkhawr ber ber thleng te pawh fang chhuakin tun inthlan hun thlir ran hian a lo inhmakhawsuih daih tawh a, Zoram dinhmun pawh an hrechiang a, an thlir zau zawk bawk niin a lang. Chuvang chuan tun lai Zoram dinhmuna ngaih pawimawh hmasak tur leh siam that ngai tura an hriat an bul tan tumna te pawh hi a fuh hmel hrih viau mai. Sorkar hmasa zawkin-a a lo hlamchhiah tam tak thingtlang hmun kilkhawr zawk hmasawnna tur leh rethei te ngaihsak te, chi leh chi inkara buaina inmung mek te, hel pawl lo ding chho mek te, induhsakna hleihluak dik lo tak (nepotism) te, sorkar hmalak puitlin zawh loh zu zi ta mai mai te, sum dik lo taka hmanral leh hleprukna te leh thil dik lo dang tam tak an hrechiang hle a ni. Mipui tam zawk duh ang ngeiin Zoram-in natna a vei hi thawi dam turin tan lak an tum hle niin a lang. An tih hlawhtlin ngei theih nan theihtawp chhuah zel se lang a va duhawm dawn em! Beiseina sang tak nen hlate khua atang hian i lo thlir leh phawt mai teh ang (zawlbuk.net)

“He kum thar hi Pathian chauha beiseina nghah kumah i hmang ang u. Misual harsatna tawk tawhte pawhin, dam lote pawhin, hausak tumte pawhin, ropui tumte pawhin chu Pathianah chuan kan mamawh zawng zawng hi a awm a ni tih hriain he kum tharah hian amah i bel ang u, amah i ring ang u. Amahah chauh hian beiseina i nei ang u. Chu chu Pathianin kan tan pawh min duhsak ber a ni a, amah chu engkim hnar engkim bulpui a ni, engkim awmna a ni tih hi he kum tharah hian i hre thar leh ang u”- Rev.Vanlalbela – Kumthar Thuchah 2009 (Mizoram Synod. website)

Vol XIV Issue No. 2

Bangalore Mizo Association Pathianni Tin Chhuak Chanchinbu

Editorial… Khawi hmun ah pawh awm ila, Mizo kan nihna hi Mizote rilru ah hian a lian thin hle a, he “hnam rilru” hi keini Bangalore Mizote pawh hian kan chhawm zel niin a langThiamna te a lo sang chho ve zel a, ram vei tak tak tu pawh thalaite leh kum naupang zawk lam ah pawh kan awm ta fur mai.Mizote hi kan harh chhuak tawh ti ila kan tisual vak lo maithei ani.Tun tum ah pawh hei kan article ziaktu chu Italy lam daih atangin ani.Mizoram – kan ram neih chhun te hi khawi atang mai pawh hian kan vei em em tawh mai zawng anih hi maw!Tichuan hei fel fai lo takin BMA AW kan han chhuah ve leh thrin a, chhiartute’n thahnem ngai leh zualin kan vei zawng leh duhzawng te lo thawh ve thin teh u khai!

Pathian thu hriltu ropui Joyce Meyer leh a pawlte chu Bangalore ah rawngbawlna neiin an rawn kal dawn. January 15-18 hian Palace Grounds, Vasanthnagar ah “Festival of Life” tih hming vuahin hun an rawn hmang dawn a ni. Anni rual hian Pastor Tommy Barnett , Hillsong's Darlene Zschech leh Delirious te an rawn tel dawn bawk.A duh apiang tan he hun hi chhim theih a ni a, chhun lam conference ah Registration Fee Rs.100/- niin tlai lam inkhawm erawh Entry Free ani.Hrechiang duh tan email [email protected]

/ Tel:080 - 23334426. Conference Schedule Day Conferences* Thursday, January 15 Friday, January 16 Saturday, January 17

8:00am - 2:30pm 8:00am - 2:30pm 8:00am - 2:30pm

Date: 11th January 2009

BANGALORE MIZO MIPUITE HNENA NGENNA Hun engemaw chen atrang khan BJP leh a bawmtu Hindu organisation hrang hrangten Hindu nivelo tan niti deuh thawin thawpikna an siam deuh ta reng mai. Orissa, Gujarat, Rajasthan, Mahya Pradesh, Kerala, Karnataka, etc-ah te chuan Christian tam tak thah leh hliampui tuar in an awmin, an in te hal sakin an tih chhiat sak nasa a. Nunte hial pawh a raped a. Hengte avang hian India ramah sakhaw zalenna a chep telh telh ta a ni. BJP hi Central-ah sawrkarna la tu chu ni ngat sela chuan Hiindu nivelote tan nasatakin harsatna a thleng dawn tih a chiangta hle a ni. Hetianghi anih avang hian Parliament inthlanna lo awm leh turah Indiaram a Christiante leh minority dangte kan tran tlan a Congress Lal ngei tur a BJP kan vote thlak angai ta a ni. Chuvangin, Zohnahthlakte leh Northeast atranga Bangalore a lo kal zawng zawngte kan tran rual atrul ta. Chuvangin kan chenna veng a VOTER’S LIST-ah hming ziah luh vek a trul ta a ni. Form la tawh leh la laloten form lain, hming spelling fiahtawktakin fill up ula Sunday lehah Biakinah rawn kengin Ushers te hnenah pe ang che u. Chumihnuah VOTER’S ID lak angai a. Lakna tur chu i awmna veng ward-ah an puang anga, lo ngaiven ang ache. Chu hmunah chuan kal la, i Photo pawh a hranpa a lak ngai lovin a hmunah an lo lak sak nghal ang che. ID Card i hawn thei nghal ang. Hemi atan hian sum sen hranpa angai lova. I address dik tak leh Bangalore-a cheng inih hriat nan House Lease Agreement emaw, Saving Bank Accounts address emaw kengin en tir ang che. Pu Sangliana Bangalore Central-ah Congress candidate-a ding tura a beisei ani a. A tlin ngei nan vote thlak threuh I tum ang u. Aprl-May 2009 ah Parliament Election hi awm tur a ngaih a ni.

Tunkar changvawn :”Aw ka nunna, engah nge I kun reng? Engah nge ka chhungah hian I buai ni? Pathian beisei rawh:a hmela damna avangi.Amah chu ka la fak dawn si a. Sam 42:5 TUALCHHUNG NEWS

Festivals Thursday, January 15 Friday, January 16 Saturday, January 17 Sunday, January 18

6:00pm Onwards 6:00pm Onwards 6:00pm Onwards 6:00pm Onwards

Lawmthu Sawina Kan fapa Liana V.T Vuangtu,B.E Civil, UVCE zirlai chu January 2 khan vanduaina tawkin a khabe ruh a sawhtliak a,zai nghal ani a.He kan harsatna tawhna ah Bangalore Mizo te’n nasa taka tha leh zung senga min buaipuina leh tawngtaisakna ah lawmthu kan sawi e.In thatna te hi kan rul seng dawn lo tih kan hria e.Pathianin a let tam takin malsawm che u rawh se. In khawngaihna dawngtu, Mr & Mrs Lallawma Vuangtu Bualpui NG

§

Innovative Film City –Bangalore. BMMP te chuan January 8 khan he hmun ah hian kalin, hun hlimawm tak an hmang.Member 30 chuang zet an

kal ani. §

BMA Directory 2008 –2009 lei tur a la awm e.Copy khat Rs.50/- zel ani. Bangalore a Mizo awm te kan inhriat pawh lehzual nana siam anih angin mitinin lei theuh i tum ang u! BMA Hruaitute hnen ah leh Sunday inkhawm ban apiangin biakin kawt ah zawrh ani e.

Vol XIV Issue No. 2

Bangalore Mizo Association Pathianni Tin Chhuak Chanchinbu

§

BMA Silver Jubilee Zipawl din a ni dawn a, hetah hian a duh apiang tan Nl.Vanlalchhuani (Grace Home) Director – BMA Zaipawl hnenah hming pek tan theih ani.

§

Def Leppard chuan January 17 tlai dar 4:25 – 10:00PM hian Bangalore ah Concert an rawn nei leh dawn a, tin Iron Maiden pawh February 15 ah Bangalore ah concert neiin an lo kal dawn bawk.

MIZORAM NEWS v Mizoram Public Service Commission (MPSC) chuan Jan. ni 6, 2008 khan Mizoram sorkar Junior Grade of Mizoram Civil Service for Persons with Disabilities-a tling tharte hming hetiang hian a tarchhuak. Lallawmawma s/o Lalzahawma, Thingsulthliah (locomotor); HD Lalpekmawia s/o Vanlalrema, Denlung, Lunglei District (visual) leh K. Lalhmuakliana s/o Laltuahkhuma, Khawlian, Aizawl District (hearing) te an ni. Kum khat chhung atan heng mi 2 Lalremtluanga s/o Zelthuama, Zemabawk North (locomotor) leh HL Danmawii Ralte d/o R.Zokhuma, New Diakkawn, Kolasib (hearing) te chu panel list-ah dah an ni. (Courtesy Evening Post) v All India Radio, FM Zoawi chuan January 8 zan dar 7:30 atanga dar 9:00 inkarah khan zaithiam Elvis Presley-a piancham vawi 74-na pualin Special Live Programme a buatsaih a. He special live programme ah hian Pu P. Lianhrima, Pu C. Lalengliana, Pu L. Pachuau, Pu VL Duha, Pi Vanhlupuii leh Pi Lianhmingi Pachuau ten Elvis chanchin an sawi a,Elvis Presley hla te ngaihthlak niin mipuiin SMS hmangin Elvis-s hlate hi an thlang a ni (Courtesy The Zozam Times) v Asian Karate Championship 2008, Mumbai-a Dec. 26-30 chhunga neihah, F. Laltanpuia, Nursery veng leh Lalramthara, Bungkawn te chuan India tan medal an la. F. Laltanpuia hian 55 kg-ah gold a la a; Lalramthara hian 60-65 kg-ah Silver medal a la a ni. A vaiin India in medal pathum an la. Karate intihsiaknaah hian Asia ram 21 atangin an fuankhawm a ni. (Courtesy Vanglaini) v K-12 tennis Academy-in North East Tennis Championship, 2009 a buatsaih tur hun a hnai zel a, tel tur player-te an inbuatsaih zel. Under 14 boys inkhel chu January 12-16 chhung khelh tur a ni a, Men’s single chu January 15-23 chhung an khel ang. Rs 2,00,000/- chuang lawmmanah an sem ral dawn a, intihsiakna lian tham tak a ni a, hei hi lawmman awm dan chu a ni e (Vanglaini.org) Editor: Thaarie Hnamte – (Mb) 9886145877 Jt.Editor:Isaac Chawngthu (Mb) 9986137633 Cir.Managers: Jenny Pachuau & Vanlalchhuani Email:[email protected]

Date: 11th January 2009

v Ministry of Home Affairs chuan Pu Vanhela Pachuau Goa-a Chief Secretary ni tura order a siam chu rawn sut lehin Mizoram Chief Secretary ni turin order January ni 5, 2009 khan a ti chhuak. Hetih lai hian Mizoram Chief Secretary hna chelh lai Pu Haukhuma Hauzel chu secretary-ah kaisangin Delhi Administration hnuaia awm turin a rawn ti bawk.(emizoram.com) Zonet Cable TV-in lam intihsiakna, ‘Beat and Tempo’ a buatsaih, Dec. 30-a zawh takah The Shades chu pakhatna an ni a, Rs. 50,000 an dawng.(zonet.in)

v

January 9 Oil and Natural Gas Commission (ONGS) ten Mizoramah tuialhthei a awm leh awm loh an enchhin tur chungchangah Mizoram Pollution Control Board (MPCB) huaihawtin Hortoki khaw mipuite ngaihdan lak a ni a, he hun hi Zoramthangi Hauhnar Addl. DC Kolasib chuan a kaihruai a, bialtu MLA Hmingdailova pawhin a tel pui. Vantlang ngaihdan lakna (Public hearing) ah hian ONGC leh Environment Impact Assessement aiawhte chuan khaw mipuite thil phutte leh thusawite an ngaihthlak sak a ni.

v

v January 9 kha awmpuite ni, International Domestic Workers’ Day a ni a, hemi denchhen hian Shillong-ah "Regional Convention on Domestic Worker – A Decent Work" neih a ni a, Mizoram atang pawhin awmpuia inhlawh 10 an kal ve nghe nghe a ni."Mizoramah chuan awmpui tam tak chu Pathiannia inkhawm takngial pawh phal loh an ni thin a, mi 10 lai mai khawmpuia an kal ve thei hi lawmawm kan ti hle a ni," tiin National Domestic Workers’ Welfare Trust, Mizoram Unit hruaitu Sister Rose Paite chuan Evening Post a hrilh. Hetah hian awmpuia inhlawhte dinhmun that zawk theih dan turte an sawi a. Hmarchhak-ah hian awmpuia inhlawh mi 50,000 vel awma chhut a ni. (Courtesy Evening Post) HAHAHA! ! ! · ·

·

Nizan chu exam zawh lawm nan tiin, Christmas leh New year a lam ai, kan in thin khurh chiam tak kha…L-Ray Style ngei mai in… - Zualtea of Exam zo, UVCE. BMMP in Film City a kal vel ang chi hi in tih fo dawn chuan keipoh BMMP member ah min lo ziak lut ve nghal dawn nia, sawi tam a ngai lo.In programme hi a changkang ka ti tlat. -Pu Nunmawia (UTC) –Film city ah nau awm tur hrim hrima kal ve.

Blessy, uisa dawr siam ka tum a Bangalore ah hian…min manage pui dawn nia aw nang pianpui Mcom ah… – Nula Azaii

I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

www.bangaloremizo.info

Vol XIV Issue No. 2

Bangalore Mizo Associatio Pathianni Tin Chhuak Chanchinbu

Date: 11th January 2009

Hriatpuii’n A Hriatpui, Rev. Chanchinmawia Mahni inthat a ni lo (Report Kimchang) October 1, 2007 a Khatla Pastor Quarter a thia chhar Rev. Chanchinmawia thihna chungchang chu chhui mek a ni a. Mahnia inthat ni lovin midang thah nia hriat niin postmortem examination result en fiah nawntu All India Institute of Medical Sciences (AIIMS) pawhin mahni inthat niah an ngai lo.Rev Chanchinmawia hi Aizawl Civil Hospital-ah postmortem examination neih a ni a, chumi report chu CBI-te hian lain AIIMS-ah an enfiah tir a, anni chuan hemi chungchanga an ngaihdan CBI hriattir tawhin chumi bawhzui tur chuan CBI te hi Mizoramah an rawn kal leh thuai dawn a ni.Presbyterian Pastor thihna chungchang hian sawi a hlawh hle a, mahni inthat a ni tiin Mizoram Police Special Investigation Team chuan thutlukna an siam tawh a. Mahse, mipuiteah rinhlelhna a tam avangin sorkar kalta khan CBI kutah a hlan chhawng ta a ni.Rev. Chanchinmawia thihna chungchangah mi tam tak chuan an awmpuinu Hriatpuii chu an ringhlel hle a, mahse, CBI ten an kawm hnuah Hriatpuii hian engmah a hre lo mai ni lovin a fihlim hle niin CBI chuan an ngai thung. CBI te chuan Rev. Chanchinmawia chungchang hi ngawrh takin an chhui mek a,hun reilote hnuah thutlukna an siam dawn a, Rev.Chanchinmawia chungchangah hian mi pawimawh tak tak inrawlh an awm ngei nia hriat a ni bawk.Rev.Chanchinmawia te awmpuinu Hriatpuii chuan CBI ten an zawhnaah hian a hriat ang ang a sawi a. Pastor thih zan dar 12:17 velah Rev. Chanchinmawia nupui chuan mipa a phone a, hetihlai vek hian Rev. Chanchinmawia fanu pawhin phone a hmang niin Hriatpuii chuan a sawi a, Airtel mobile phone an hmang niin a sawi bawk.Mizoram sorkar chuan nikum kum tawp lamah khan CBI ten Rev. Chanchinmawia thihdan sawi chungchangah Home Deptt. a deputy secretary Romawia chu Delhi-ah an tir thla a, kar thum lai a thang nghe nghe a ni. Hei hian Rev Chanchinmawia thih chungchang ngaihventute beng a verh hle nghe nghe. CBI office dawr tura kar thum a thang chuan mi thenkhat ngaih a ti tha lo deuh a ni. Rev. Chanchinmawia thihna chungchangah hian pawisa lam pawh a inrawlh tam hle nia sawi a ni a, a tlem berah 770 lakhs chu a inrawlh nia sawi a niin chu chu Rural Development Deptt. sum a ni deuh ber nia hriat a ni. Chumai nilovin sorkar kalta a minister pawimawh tak tak pathum chu an inrawlh nia hriat a ni bawk.CBI lam chuan Rev. Chanchinmawia kha mahni inthat niin an hre lova, midang thah niin an hre zawk thung. Chumi tihchiannan chuan thil pawimawh leh tihchianna chu an nei tawh niin Evening Post thudawnna chuan a sawi.CBI te chuan Rev. Chanchinmawia chungchang hi an buaipui mek a, a rang thei ang berin Mizoram-a lokal an tum a, chumi hnuah an thutlukna chu an tihchian theih an beisei a ni.Rev. Chanchinmawia chungchanga mipui rindan chu a dik chho hle nia ngaih theih a ni a, mipui lamin mahnia inthat an ring thei lova, a fapa pawhin mahnia inthat a nih a ring thei hek lo.

Tunkar lo awm tur hlimtaka hmang theuh turin BMA AW Editorial Board chuan member zawng zawngte duhsakna kan hlan e.

Mizoram Police Special Investigation Team-in mahnia inthat tia thutlukna an siam hnuah mipui lam nawrna avangin CBI kutah hlan a ni leh ta a ni.Rev. Chanchinmawia thihna chungchangah hian hel an inrawlh ngei nia hriat a ni a, helho pawh Mizoram atanga hel ni lo state dang hel nia hriat a ni bawk. Evening Post thudawnna chuan Rev. Chanchinmawia thihna chungchanga hel inrawlh te hi Mizoram atanga hel ni lo mahse Mizorama bu khuara awm reng si te an ni a, Aizawl daifemah an che tla deuh ber niin a sawi.CBI chun Rev. Chanchinmawia nupui leh a fate pawh hi lie detector hmanga la en leh dawp leh tur niin an sawi a. An thu sawi tamtak leh an awmpuinu Hriatpuii thu sawite chu a dik nge dik lo tih enfiah leh tur niin an sawi bawk. Hriatpuii chuan a pi hluite chetzia hi CBI hnenah a puang chiang vaiu niin Evening Post chuan thu a dawng bawk. (Courtesy: Evening Post) Indopui pahnihna 1944-a Japan leh British sipaite inbeihna hmunpui ber pakhat Kohima (Nagaland)-ah Nagaland Sawrkar chuan kha Indopui pahnihna a indo British leh Japan Sawrkar-te hmingin Museum a buatsaih chu tun hnai khan hawn a ni. Kohima daia Kisama (Naga Heritage Complex) hmuna World War II Museum hi dah a ni a, a building pawh uluk leh mawi taka buatsaih niin, a chhungah hian Indopui II-na hunlaia film an la kawl thatte Projector-a chuah theihin buatsaih a ni a, a hmuh nawmin, he film hian khawvel indopui rapthlak zia a lan tir chiang hle a ni (lelte.net)

“When You Go Home, Tell Them Of Us And Say For Your Tomorrow We Gave Our Today”

QUOTEs OF THE WEEK – - Let no one ever come to you without leaving better and happier. - Let us make one point, that we meet each other with a smile, when it is difficult to smile. Smile at each other, make time for each other in your family. Mother Teresa BMCF INKHAWM PROGRAMME DATE: 18.01.2009

Hruaitu: Pu Zoramthanga Tantu: Tv.Joel Murray Thuhriltu: Rev.Vanlalchhawna Khiangte Thawhlawm Hlan: Tawngtai Rual Spl.No: Nl.Sarah Lalngaihawmi