Bma Aw : 20th September 2009

BMA AW An Official Organ  of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 25

Bangalore Mizo Association Pathianni Tin Chhuak Chanchinbu

KEIMAHNI:

ZONUNMAWI

 Section hrang hrang colour mila TShirt siam pawh a la awm nual a,la nei lo te chuan mahni section leader te hnenah a la ngaihven theih reng ang. Silver jubilee kum a nih angina neih \heuh tum ila, Jubillee closing day-ah te pawh kan la ha zel dawn a nia.  Scholarship form (renewal) la duh tân, Academic Secy. (Tv.Alan 9972213133) hnenah ngaihven theih a ni e.  BMA Football tournament Final leh 3 Place zawnna 26 Sept ’09hian neih tur a ni a. A hmun chu Nandan Ground, Austin Town a ni aang, match \an hun tur hi 1:00 pm ruahman a ni. Mipui te leh teams khêl tur te a hunah tak kim thei turin kan inchah bawk e. rd

th

 Vângpui kût 2009 chu ropui takin nimin, 19th September 2009, khân Tagore Hall, UTC-ah hman a ni (report kimchang phêkthumnaah).  BMA Directory a mi tur atana hming te chu naktuk hian tarchhuah leh a ni dawn a. Proof reading neih hun tâwpna tur a ni a, enfiah ngei kan tum dawn nia. Tin, directory-a lang tawh lo tur chu ni mahse member a la nih theih reng a ni tih kha hriain kan \hiante leh hmêlhriatte, member la ni ve lo te, i finchhuah zel ang u khai.  Pen (Rs.10/-), Jubilee mug (Rs.150/-) leh lucky ticket (Rs.20/-) Oct 2-a vâwr tur te a la awm a; kan treasurer Blessy (9844467685) hnenah a ngaihven theih e.

Date: Sept 20, 2009

- Rev. H. Lalthlamuana.

Tunlai chu YMA leh =KP-in Zonunmawi an buaipuia, pâwl leh Kohhran hrang hrang lenna Mizo Moral Reformation Network International, zonunmawi tun din tumin kumin March ni hnih khân Rev.K.Lungmuana hoin an din bawka. He’ng hmâ pawh hian thu leh hla lamah “Zonunmawi” tih hian hmun a chang tam hle bawk a ni. He’ng zawng zawng hian Zoram Khawtlâng nun siam \hat mite thinlunga a len zia a tilang a ni. Zofâte kan insingsa mêka, hnuhmâ leh tawnhriat kan la nei tlêm bawk si, kan mithiam ngaihtuahna nei pha chinte chuan kan dai pelh anga, tunlai “tunlaina” hi kan kulchopui ang tih hi an hlau hle a ni. Ni e, kawng dang dangah hmâ sâwn mah ila, kan nun (moral) ber a chhiat chuan hnam boralna a hla hauh loang. Zonunmawi chu engemaw ni le? : Zonunmawi tih hian tlawmngaihna hi a langsâr ber mai awm e. Amaherawhchu tlawmngaihna ai mahin a huap zaua, hmân lai pî leh pûte nun dân ze mawi zawng zawng leh tun lai thlenga mite’n an la chhawm, ze mawi leh \hate hi zonunmawi kan tih chu a ni ber maiin a lang. Mizo hnam ziaah chuan rinawmna, aia upate zahna, mite tanpui, mi dangte’n malsawmna an dawn theihna tura mahni inphat, thil phal leh inngaihtlâwmnate ngaihsânna a lian êm êm \hin a ni. Zonunmawi lo ve thung hi: “Zonunmawi” tih hian a châng chuan ka îp deuh hlek \hin. Zo nun hrim hrim hi mâwi tak vek niawm taka “Zonunmawi” han tih hi chu hnam dang tân phei chuan, “Vei taka” tih mai a awl awm e. Kan hnam hi hmangaih ila, Mizo nih hi lungawipui ila, mahse kan hmasâwn zêlna atân kan chak lohna lâite hi chu hmuh hmaih chuang lo ila a va \ha dâwn em. Corruption leh hlemhlêtna dangte, sualna chi hrang hrang ruk ruk, pawngsual, ruih hlo ngaih leh zawrhte, intihbingnate, sawrkar leh Khawtlang thil neih kan suasam thin dante han en hi chuan kan Zonunmawi hi chu hmânlai thil emaw ngaihruatna emaw a ang rum rum mai. Chuvangin zonunmawi tih hian Mizo nun hi a mawi bîk em em tihna ai mahin zo nuna a mawi lai chauh kha “zonunmawi” chu a ni mai. Pipute leh Zonunmawi: Hnam tin hian past glory neiin kan inhre \heuha, chu chu kan idealized a tundin leh kan duh \hin. Hindu-hoin Vedic Age an ti châmchî ang hian keini pawhin pîpûte nun kha zonunmawi hian tuam fel ât main kan ngai \hin. Mahse tunlai nun nge \ha zawk hmânlai nun ti ta ila tawp thei lo khawpa \an fung vawn tur a khawi lam lam tân pawh a awm ang. Taitesenate, Vanapate kha an langsar em maia an zârah pîpûte nun kha mawi takin a thang ni ve bawkin a lang. Anni ang kha sawi tur an tam loa, mi zawng zawng lah an tlawmngai hek lo. Serhmun Lalin a khuate tlawmngaihna fiah a tum lai khan zan laia ruah sur hnuaia zualko tur an Upa a zawntira; Zawlbuka riak tlangvâlte zingah Taitesena chiah a inpêk thu kan hria. Zonunmawi tunlai atân: Pipute zemawi leh \ha tam tak chhawm nun zêl tlâk a awm. Mahse chhawm zel theih loh chin a la awm dawn thoa engtin nge ni zel ang. Hnam zemawi tam tak hi chu culture a nih avangin a danglam theia, hmâna mawi kha a mawi reng kher lovang. Mahse chhûngril

Vol. XV Issue No. 25

Bangalore Mizo Association Pathianni Tin Chhuak Chanchinbu

Editor: Samuel Lalrozâma Hmar -(Mb) 9886447684 Jt.Editors: Josiah L. Râlte - (Mb) 9845020992 Thaarie Hnamte - (Mb) 9886145877 Cir.Managers: C Lalnipuii, Laldinmâwia Hnamte & Lalhruaitluanga Contributors: Paul Chhanhima & Rev. James Chuaukailiana. Email: [email protected] Web.: www.bangaloremizo.info

EDITOR KAM CHHUAK BMA hun pawimawh tak mai Vângpui Kût chu kan lo hmang zo leh ta der mai. Tunhma aiin mizote kan changkang tawhin kan inpumkhat zual tawh tih pawh a lang, kan hun hman dan a\angin; football tournament final in min la hmuak bawk, hei pawh hi inpumkhatna rilru nen thianghlim takin kan zawh ngei theih kan beisei. Kan article-in min hriattir angin Zonunmawi diktak lanchhuahtir duhna thinlung hian kan chhungrilah hmun chang tlat se a duhawm hle. (phêk hmaa mi chhunzawmna….) min rûn a, thil dik hian Pathian hnên ata min pawh hlat dâwn ai chuan, kei zawng hmânlai mi niin, changkânna rahbi hi ka rap ve lo mai dâwn em ni ka tih lai chuan, hei ngei hi Lalpa min kohna chu a lo ni tih ka hrethiam ta!! Lalpa’n khawvelah hian min la dah ve reng hrih dâwn a nih chuan, khawvel hi a changkâng zêl anga, keimahni \heuh khawvel pawh hi chu mi rual chuan a pên ve a ni thei e. Thil\ha te, thildik te, thil changkâng te’n min rawn thlenchilh ni hian ka rin Pathian hming ngeia ka kalsan a, min hmangaihna dai ngailotu Lalpa hminga \hiantha te, ka mi ngaihsân ber ber te pawh, ka tisa duhzâwng leh ît zâwng ngei mai te ka lo kal san hunah chiah zel hian Lalpa chu a lo mawi thin. keimahah lâwmna reng hmuh tawhlotu Pathian ngei chuan lâwmna a hmuh lohna hmun ngei, keimahah vêk chuan Krista avangin lâwmna a lo hmu ve ta hlauh a!! Ka Bible chhiar hunah chiah \hiante an rawn lang a, ka \awng\ai hunah chiah titi a tuia, sawi tur ka la ngah lai tak chu mawina hi chu culture a ni loa mimal nunah zung a kaiha hnamtinin an neih

Date: Sept 20, 2009

theih a ni. Chungte chu rinawmna, dikna, thil phalna, taimakna angte hi an ni. Hman lai angin a upa apiang thu ngaihchan ringawt a theih tawh loa, hruaitu (leader) thuneihna a lal zawk a ngai. Mahse eng ang khawvelah pawh upate zah thiam leh duat thiam a la pawimawh reng. Hnatlâng – e.g. hmeithai in sak, kâng \helh, lei min thenfai, etc. pawh hi Zonunmawi chi khat a ni. Ram changkângte anga, system fel leh \ha kan neih ve hunah chuan a ngai tawh loang. Kan la tilui zel a nih phei chuan inkhap a \ul zâwk ang. Rawtnate: 1. Zonunmawi hi a lunglên thlâk zâwnga thlûka hnung lam hawi kîrna tur chi a ni loang. Vuak vul leh hi hmanlainaa let leh thilah ngai lo ila, kan Pîpûte nun kha mawi famkim bik em ema ngaih tur pawh a ni loang. 2. Zonunmawi hi hnam zia anga kalpui tum hian a hlawhtling ber loang tih hria ila, chhungril nun dik leh mawina hi hnam dinchhuahna atân a pawimawh a ni tih hriata inzirtir hi a tawk. 3. Zonunmawi hi Mizote tan chauha nun mawi ni mai loin khawvel mi zawng zawngte tan pawha mawi a ni tur a ni. Ka duhthusam zonunmawi chu Mizo Pîpûte tihdân mawi piah lama chhungril mawina, Zo lo tân pawha mawi tho hi a ni. Mizo tihdan mawi hrim hrimte erawh chuan ka lung an tilênga, a rem apiang chhawm a \ha ka ti. Mahse hei erawh hria ila Zonunmawi famkimna tur chu pîpû nunah niloin Krista nun mawinaah a ni e. (A ni teh tak e, ‘Zonunmawi’ tih hian ‘hmânlai nun’ emaw kan ti \hin, a bîk takin naupang lehzual keini ang te’n. Min rawn sawifiah sak hi a ziaktu chungah kan lâwm hle a ni. A ni hi SAIACS-ah lecturer hna chelhin tunah an chhungin Bangaloreah an awm a ni. He thuziaka kan hmuh ang hian Zonunmawi dik tak leh chû nunmawi dik tak tihlanna kawng chu Krista neih hi a ni tih hi keini phaia awmte hian hre thar leh ila a va \ha em, vawiinah hian; kan \hiante, he thuziak chhiar ve lo te pawh hrilh darh ila; kan \henawm hnam dang te nen kan in kawmnaah leh midang mithmuhah Zonunmawi hi pâr ang vul zel rawh se - Editor) Hriattirna: Jubilee closing day celebration (2nd Oct’09) pawh a kal mêk zêl a, hruaitu te pawh an buai hle. Mizoram Chief Minister khuallian tura beisei a ni. He ni lâwmawm tak mai, kan damchhûnga kan tawn leh tawh loh tur, pawimawh tak hi hmaih loh tum \heuh ila, kan hun te tun a\angin lo siam rem lâwkin inhmâkhua sa a \ha hle. Tin, Variety prog. (a zânah), hlimawm tak, ‘Jubilee Ârkaiden zân’ hman bawk tur a nih kha; hê programme tur pawh hi a turu dawn lutuk a, tel ve lo te chu damlai lu sûn ang mai an ni dawn, chu kan ti chiah lo naa, chân ropui tak an nei ngei ang tih kan ring tlat. =anpuina (donation) te pawh la pe lo te leh pêk belh duh te tân (khawtlâng rangbawlna a ni tih hriain) kawng a la inhawng reng a ni tih hre nawn leh ila.

Vol. XV Issue No. 25

Bangalore Mizo Association Pathianni Tin Chhuak Chanchinbu

Date: Sept 20, 2009

VÂNGPUI KÛT 2009 special report – Editor. Vângpui kût 2009 chu ropui takin nimin, 19th September 2009, khân Tagore Hall, UTC-ah hman zawh a lo ni leh ta der mai. Kumin chu kumdang ang lo deuhin house hrang hrang niloin BMA section hrang hrangte an inel a, a nuam dangdai ru phian. Zîng dâr 11a.m.-ah \an tura ruahman a ni a, tum ang ngeiin chumi hunah tak chuan kan \an dâwn emaw kan tih laiin rokhawlhna hrang hrang avangin kan \an thei ta lo a. Amaherawhchu mipui tam tak a hun takah an rawn thleng a, tlawmngâi tam takte’n mawhphurtu te an pui a, hlimawm taka hnatlângin programme \an a ni zui ta a nih kha. Thiam tak maiin nula leh tlangvâl hmel\ha tak (ni \hin), kan President leh Vice President te’n min kaihruaia, a nuam lo lem lo khawp a nih kha, boruak a zângin mipui an chawkphûr thiam hle. Hetiang hruaitu duhawm kan nei te hi kan vannei a ni tih kan inhria em aw!! Kût nu leh pa te pawh an rawn nalh hle. Tichuan kan ril\am hun âwm velah Biryani tui lutuk tak mai, kan senior advisor, Pu Sângliana min ngaihtuah sak chu kan ei ta a, pum sa tak vawn daih nân ice-cream a lo la awmzui leh; biryani kha dawh nawn theih a ni tih hre lo \henkhat phei chuan, ei nawn leh tumin, mî coupon thlauh te an zawng hial a ni awm e, chianglo taka thu kan dawn dânin. Chumi hnuah inelna leh hun hlimawm takin hman a ni zui leh. Kâr lakah kan section hruaitu te zaitirna hun te pawh a awm a, talent haichhuahna hun \ha takah a chang zui. BMA naupang te’n fancy dress, kan ti dawn nge fashion show zâwk, hmuhnawm tak maiin mipui mit an titlai bawk. A buaipuitu te pawhin an buaipui takzet a ni tih a hriat. Intihsiaknaa min endiksaktu zawng zawngte leh mawhphurhna hrang hrang \hahnemngai taka min rawn tihhlawhtlin saktu te zawng zawng chungah lawmthu awm rawh se. Chung Pathian zârah mipui pawh kan kal \hahnem a, kan inpawh \ha hle. Tv.Emmanuel Lalramenkima hnenah a bikin lawmthu awm rawh se, pum ruak tihtlai hna a rawn thawk a, refreshment tui tak min rawn sponsor sak a nih kha; El-a dam reng rawh se!! Tâwp khâr nan kalkhawm zawngzawngte’n chaiin laichhuat an chhir zâ bawk a, tui fâl zual leh hlim over bîk te chuan, ke rawl vângin, kal har an ti zui nghal hle niawm tak a ni, mit sîra kan hmuh rûk danin. Kût kan hman tawh zawng zawnga la nuam ber a ni, ti pâwl te pawh an lo in din hman hial ni awm tak a ni, kan hriat thâwi dânin. Kût intihsiakna result te chu hetiang hi a ni: Solo:

Lêngkhâwm zâi (Phuahtu – Dr. H.T. Sangliana): Mipa1. Lalnundika Hnamte (Vânkhama). 2. C.Zairemsiama (P.S.Chawngthu). & Lalduhawma Hauhnâr (Rokûnga). 3. B.Lalfakzuala (Lalsângzuali). Minu1. R.Lalnuntluangi (Lalsângzuali). 2. Bethseba (Rokûnga). 3. Zorinmawii (Vânkhama).

Debate : 1. Rev.J. Lalduhawma (Lalsângzuali). 2. Rev. Zohmangaiha (Lalsângzuali). 3. Lalrinawma (P.S.Chawngthu).

1. Lalsângzuali section. 2.Vânkhama section. 3.P.S.Chawngthu section. Chheihlâm : 1.P.S.Chawngthu section. 2.Lalsângzuali section. 3.Vânkhama section. Section Inchhiar: 1.Vânkhama section. 2.Lalsângzuali section. 3.Rokûnga section.

A pumpuia pakhatna hauh te hi Jubilee Closing day, 2nd Oct-ah puan a ni ang. Tin, Mipa leh minu inzâisiaknaa pakhatna te ve ve hi chumi nî chuan an zâi bawk ang. Chubakah chuan \un \um chu hla inphuahsiak leh essay inziahsiak te hi khawvel puma zofate tana buatsaih a nih angin result puan a ni nghal loa, hei pawh hi jubilee closing day-ah vêk chuan puan a ni ang. KÛT LAWMPUINA THUCHAH, from Rev.Sairêngpuia, Jharkhand, ex-BMA member: ‘We wish you bawngsaily a very happy Vângpui Kût’. ‘=uanna mual dang hian zaleng min \hen mahse lunglairil a \hen zo dawn nem maw!! Lairilah in thar ngei Vângpui Kût a lo her leh hian  ’ (A hmasaa sâp \awnga a rawn ziah khi mizo \awngin a let leh nghal ni awm tak a ni.)

Vol. XV Issue No. 25

Bangalore Mizo Association Pathianni Tin Chhuak Chanchinbu

ZOFÂTE KHAWVÊL

Date: Sept 20, 2009

Pictures of the week

 Tun kar khân Indira Gandhi National Open University (IGNOU) Pro Vice Chancellor Prof. Omprakash Mishra chuan India rama IGNOU Regional Centre zingah Mizoram Centre chu a ha ber tih sawiin, zirlai pawh an tam thu a sawi a, zirlai thar (fresh enrolment)-ah pawh Guwahati Centre pawhin a tluk lo niin a sawi.  Tin, Mizoramah Community College din turin Centre 3 thlan a nih thu a sawi a, chungte chu Govt. Aizawl West College, Peace Home Durtlang leh Codnerc te a ni. Chubâkah tuna India rama IGNOU FM radio station 37 awm mek bakah Mizoram-ah pawh reilote-ah FM station hi din tum a nih thu a sawi bawk.

PS. Chawngthu Section lengkhawm hla sa lai

CULTURAL ITEMS – Editor/Cultural Secy. Tûn tum chu: Hriat Zâuna: Ziak leh chhiar thiam tam lamah Mizoram (88.80 %) chu India ram State zingah 2-na a ni mek a. Pakhatna Kerala State (90.90 %) a ni. lununga ziak leh chhiar thiam lo erawh an la thahnem hle. Mizoram pumah ziak leh chhiar thiam lo mi 83,394 an la awm a ni. Hmânlai Mizo incheina thenkhatte: Hnawhkhal – Mipa thawhnaw, hruikhau thilkhawm hâk theih tura siam a ni. Siapsuap – Hmeichhe thawhnaw, hruikhau thilkhawmtho a ni a, an fêng thin. Dawlrem kawr – Puan tah hnua puantah chu kawra siam. ‘Kawr lai rang’ te pawh an ti.



Naupang thenkhat ten incheina hrang hrang an rawn hmuh

ENGE AN SAWI Hruaitu te’n rilru tak tak sêngin thil in ti a. Pathian zarah Kutpui hlim takin kan hmang a ni e. Kan chhuang hle mai che u. Section T Shirt te khan boruak a siam tlat - Rev.H. Lalhmingmawia



Nimin Vangpui Kût chu a nuam ngei mai, Bangalore-a ka awm hnuah a nawm ber tum a ni. – Tv. Uncle El-a



Rokunga Section chu a tikim tu kan ni kan pui rem rem em! - Pu Josiah Ralte.



Vankhama Section chheihlam thiamzia kha aw, lâwmman pakhatna kan la lo kha FIR ka thehlut dâwn. – Nl. Blessy Sailo.

House leader leh Executive Com. Member thenkhatte

___________________________________________ Karleh BMFC Inkhawm hi Special Programme a nidawn. Ruat ten programme an rawn siam ang.