Bma Aw: 20th May 2007

Editor: James CVL Thafamkima Joint Editor: Madawnga Hauhnar Cir. Managers: F.Lalhriatpuii Margareth L. Fanai Ruby Lalremruati

Email: [email protected] Phone: 9844389882 (Editor) 9886527194 (Jt. Editor) Website: www.bangaloremizo.info A man: Rs 15 p/m

An Official Organ Of The Bangalore Mizo Association

Registered Under Societies Act Of Karnataka No. BLU-S188 2007-08 Dated May 07, 2007.

Vol. XII

Issue No. 19

Bangalore Mizo Association Pathianni tin Chhuak Chanchinbu

Article

20th May 2007

KEIMAHNI

Tu nge deng hmasa ang? - Vanlalhlana Ralte Karkhat liam ta maiah khan chanchinbu a kan hmuh ang khan SRS te kut ah Mission Vengthlang pa chu a boral a, ngaihtuahna a tih tam phah in, Mizoram lam rilru ah a lo lang nghal zawt mai. Mizorama chhung leh khat ten ruihhlo an lo zuar ve emaw, ruihhlo tih ching an lo awm ve palh ang a, SRS kut vang hian an lo boral ve der mai anga tih hlauhna rilru ah a awm thei ta. Kan tlawmngai pawl neih lian ber mai chuan ruihhlo tih tlem nan hma a la nasa ta mai a, thawk tu in pe ho lah an hahin an thawk rim a, hetih lai hian mahni kuang bak an nawr emaw ni aw tih theih a ni thin. Ruihhlo zuar emaw a tih ching te lo man a, hmangaihna tak tak thinlung nena an zilh hau a, police kut a pek luh mai kha an tih tur ber a nih a rinawm. Ruihhlo zuar an hmuh apiang tihlum dawn ta se, tihhlum tur tawk chu an neih reng a rinawm. Rilru lama in hnehna a awm hmasak phawt loh chuan, tihrem mai chu thil harsa tak tur niin a lang. Kan zoram sawrkar hian heng ruihhlo zuarte leh tih chingte man tur leh hrem tur hian mi tam tak hlawh pe in a ruai/chhawr a, heng a mi chhawrte hian an hna an thawk duh lo emaw an thawk zo ngang lo a nih chuan ngaihtuahna thar hmangin hma la ta se, tlawmngai pawl te hian chu mi te lo puih a, an hnathawh lo tih chak sak kha an hnaah ngai ta zawk se, an tih tur dik tak an ti zawk a ni lo’ng maw? Thi khawp em a in hremna hi chu khawi ram tlawmngai pawl mah hian an neih a rinawm loh. Mizoram hi human right bawhchhia nasa ber ram kan ni thei tawh mai lo ang maw tunhma lam hun atanga ennawn lehin. Tlawmngai pawl,ruihhlo ngai emaw, zuartu emaw, mi awm tha duh lo deuh te emaw hremtu ah hian val upa rual an ni duh thin hle a. Tlangval tuaitir lam ai chuan patling, fate pawh YMA member ni tawh rual neite hi a kut thlak nasa tu leh kut thlak hmasa tu an ni duh thin. Tlangvalte anga khawlaia insual a remchan tawh loh vangin an mi man te lak ah hian kut thak hnawihna remchang an zawng a ni mai thei. Zu leh ruihtheih thil dang ti ngai miah lo in kut hi thlak ta se awm kan ti viau mai thei a, amaherawhchu heng mi te pawh hi thenawm te tan a mi hnawksak tak an lo ni ve thei reng mai. ‘Sualna neiloin deng hmasa rawhse’ tih ang deuh khan kut thlak dan ah pawh hian fimkhur tak in ti thin tawh ta se, mipui te phunnawina a awm loh phah ngei ang. Ruihtheih thil zuar tu leh ngaitu te hi hrem vang a tawp ngawt thei an ni lo a, mitin ten chhungkua atanga hma lain bul kan tan that leh a, rilru lam a kan chian tawk chuan kutthlak tur emaw, kut thlaktu tur emaw an awm a ngaih a rinawm loh. Thilsual ti ten kan hrem dan kan in enfiah a, mihring fel lohna nei kan nih a vang hian, nakinah chuan kan chhung te ngei pawh tihhlum an la tul mai thei, chu tih hun ah chuan kan rilru a va na dawn em. Chuvangin, mi in kan chung a an tih kan duh tur ang bawk a mite chunga kan tih kha kan mawhphurhna tur a ni.

MIZORAM CHANCHINTHAR $$ Aizawl DDK chuan May 24 tlai dar 6-7 ah Diabetics (Zunthlum natna) enkawldan leh invendan telephone hmanga inrawn theihna hun a siam dawn. Aizawl Doordarshan thlirtute chuan zawhna te he hunah hian an siam thei dawn a ni. He hun hmang tur hi Dr. Lalawmpuia Changte, diabetes specialist a ni dawn a ni. Telephone number tur chu 2361110 ani ang. $$ May 23 hian CYMA literature sub committee leh I&PR department te chuan media chungchangah workshop an nei dawn. I&PR Auditorium ah YMA branch hrang hrang a chanchinphek buaipuitute chu tel ngei turin an ngen a ni. $$ Russia sawrkar chuan Lengpui Airport-a Thlawhna a mumal theih zawk nan Instrumental Landing System (ILS) bunsak turin ruahmanna a siam a. Hemi atan hian Mizoram sawrkar chuan Central lamah phalna a dil dawn a ni.

##

Kum 2007-2008 atan BMA membership form pekchhuah leh tan ani a. Biakin kawtah hian dahchhuah thin a ni. Chhungkaw tan leh mimal tan form siam hran a ni a. Mitinin la theuh ila. July 31st hma ngeiin kan thehlut leh dawn nia.

## Chhinlung Magazine hralhtu zawng zawng te, hralh bang a awm chuan a hralhna man nen thehluh tawh tur a ni e. T-shirt lei tur ala awm bawk e. ## Kan Patron, Pu HT Sangliana telve na Kannada film ‘Santha (Gangster)’ chu tunlai hian cinema hall hrang hrangah a chhuak mek. He film ah hian Head of the Anti rowdy squad-ah a chang a ni. ##

Kan Senior Adviser Pu F.Lalbiakmawia pawh 16th May khan Kolkata lam panin an chhungin an chho. BMA office bearer ten an Inah tawngtaina te neiin Yeshwantpur station thleng an thlah. A office phone number chu 033-24863809 a ni e.

## Kan member, Nl Margareth Lalramchhani, Kristu Jayanti College a M.Sc (Microbiology) zirlai chuan 3rd Semester exam ah 78% hmuin an college topper a ni.

## Kan Senior Adviser Pi Nuteii Chiangmai zin pawh Zirtawpni khan alo thleng leh ta. Asst. Treasurer Nl Thaarie pawh naktuk Thawhtanni hian Mizoram lamah a haw dawn.

## Basketball Jersey 10 kan nei leh ta. A donate tu Pi Sawmpuii te nupa chungah lawmthu kan sawi tak meuh meuh a ni. Tin, vawiina Kan Gen. Secy Pu Tlana te Inneih lawmpuina certificate min design saktute Tv Joar, Tv Muanpuia leh Tv Mazauva te chungah pawh BMA chuan lawmthu a sawi a ni. BMCF INKHAWM PROGRAMME A Hun: May 27th 2007, Tlai dar 4:00 Hruaitu: Pu K.Lalrokima Tantu: Tv Zonunsanga Thilpek Hlantu: Pi Lalrinsangi Sailo Special Item: Nl Phoebe Zairemmawii Thuhriltu: Dr Lalrinawmi Ralte Changvawn: ‘Thlarauva khatin awm rawh u’Ephesi 5:18

A thu sawia insum thin chuan finna a nei a, rilru dam mi chuan hriat thiamna a nei. Thufingte 17:27

Vol. XII

Issue No. 19

Bangalore Mizo Association Pathianni tin chhuak Chanchinbu 2007

Editorial Mizoram atangin Mizoram tan Zoram pawnah Mizote kan khawsa nasa hle mai a. Mizoram hausakna tur lut pawh Zoram pawn lamah a luang chhuak nasa hle. Mizoram tan thiltha leh hmasawnna lam chawkluh emaw siamchhuah emaw i tum ang u. A bikin zirlaiten hmun hrana thil thalote lalut loin, thiltha chin i zir teh ang u. – Jt. Ed

Dawn Tisei Kum sawmhnih chuang lai mai chu Taxi khalhin ka inhlawh thin a. Zan lamah ka thawk tlangpui a. Mi chi hrang hrang, mize inang lo tak tak ka phur fo thin a. Ka mi phurhte chuan a chang chuan an chanchin te min hrilh leh chiam thin a, kan titi luam thin. Ka mi phurh chi hrang hrangte hian chanchin hrang hrang an nei hlawm a. Thenkhat chanchin min hrilh chuan a chang chuan ka mittui a kochhuak a, thenkhat nen lah kan nui vak vak thin bawk a. Tumkhat chu, zan dar 2:30 velah hian phurh tur ka nei a. Ka mi phurh tur awmna hmun ka va thlen chuan dar 2:30 a pel hret tawh a. Taxi-a thu chunga lo nghak ta mai lo chuan address min pek kawngkhar chu ka va kik a. Inchhung thim ruih mai atang chuan tar aw tih hriat tak mai hian, “Lo lut rawh, ka peih tep a nia” a rawn ti a, ka pen lut ve ta nghal a. In chhung chu a thim deuh ruih a, a ruak hiai mai bawk a. Luahlum lai pawh hi a ang lova. Ka mi phurh tur chu pitar kum 80 vel emaw hmel pu hi a ni a. Chu pitar chuan kil khata a suitcase hun chu kawh pahin, “Min khaichhuah sak theih chuan ka lawm ngawt ang” a han ti a. Suitcase chu ka khaichhuah sak a, car hnunga ka dah hnu chuan pitar chu ka va hruai leh a. A chak tawh lo hle a, ka ban ka vawntir a, muangchangin kan inkai chhuak a, kan inkaih pah chuan fel min tihzia chu min fah mawlh mawlh a. Kei chuan, “Ka miphurhte reng reng hi ka nu ka phurha ka tihdan ang turin an chungah ka ti thin a lawm” ka ti liam satliah mai a. Motor-a kan thut fel hnu chuan, “Khawilam nge kan pan dawn le?” tiin ka han zawt a. Ani chuan, “Khawpui chhung lam atangin i tlan kual ang hmiang, Tar Enkawlna Hmun a lut tur ka nia, ka hmanhmawh lem lo ve” a ti a. Kan tlan tan hnu chuan, chhungte leh laina hnai pakhatmah a neih tawh

A hmasa berah chuan Elevator Operator hna a lo thawh tawhna In lian tak mai kan tlanpel a, chutah, a pasal nena an inneih tirha an luahdun In te, a tleirawl chhuah hlima lamna hmun ni thin, tuna thawmhnaw zawrhna hmun ni ta te chu kan tlan pel zel a. A chanchin chu min hrilh siam siam reng a. In thenkhat bula kan tlan lai chuan a changin min dintir a, ngawi rengin thimtham lam hawite chuan kan han thu vang vang thin a. Kawl en tan tirhah chuan Tar Chawmna In lam panin kan inkhalh ta a. Tar Chawmna Ina a thawmhnaw te kan indahfel hnu chuan, “Engzatnge ka pek ang che?” tiin min zawt a. Kei chuan chu Pitar, beiseina pawh nei tawh lo leh nun khawhar ngawih ngawih mai hnenah chuan, hman man min pek a ngaih loh thu ka hrilh ta a. Min melh vang vang a, lawm avangin a biangah mittui a luang ngiai ngiai a. “Ka hun tawp lamah hlimna nasa tak ka nuna i thlen avang leh nizan zankhuaa dawhthei taka mi hruaikual avang khan ka lawm e” tiin min chibai a, kan inthlahliam ta a. Ka rilru te te chuan, Driver thenkhat thinchhe tak mai leh dawhtheihna tlachham tak maite lo tawng palh ta se engtin tak chu Pitar chuan tuar ang maw aw tiin ka ngaihtuah a. – contri. by James CVL KNOW YOUR MIZORAM

Mizorama political party nilo pawl dangte chanchin @ MUP – Kum 1957 khan Upa Lengkhawm Pawl ti a din a ni a. 4th January 1961 khan Zoram Upa Pawl tiin thlak a nil eh a. 1993 khan Mizoram Upa Pawl tiin a hming chu thlak ani leh ta a ni. President hmasaber (ZUP) chu R. Buchhawna a ni a, Secretary hmasaber chu PS Dahrawka a ni. th

@ YMA – 15 June 1935 khan Young Lushai Association tiin din a ni a. Kum 1947, October khan YMA tiin thlak ani leh ta a ni. President hmasaber chu L.Evans a ni a. Secretary hmasaber te chu Pasena leh Vankhuma te an ni. @ MHIP – Kum 1946 khan Mizo Hmeichhe Tangrual Pawl tiin din a ni a. June 6, 1947 khan MHIP tiin din ani leh ta a ni. President atan Malsawmi, Secretary atan Saikhumi te anni.

th

Dt. 20 May

SPORTS $$ Nizanah FA Cup final hmuhnawm tak mai Chelsea leh Manchester United ten Wembley Stadium ah an khel a. Full time ah an inhneh tawk . Hun pek belh an ni a. Minute 116 naah Chelsea tan Didier Drogba chuan an chakna goal mai bakah tun season a vawi 33 a pet goal na a thun ta a ni. He Wembley stadium tharah hian a pet goal hmasa ber ta a nih chu. $$ Tunlai NFL khelh mek ah Dempo SC te chu point hmusang ber an ni mek a. Mizo telvena club te erawh an hniam hrih hle a ni. Match 18 khelh tawha an point dinhmun: Dempo SC-36, JCT Mills-31, Mahindra Utd-30, Churchill Bros-29, East Bengal-26, Sporting Clube-25, Air India-21, Mohun Bagan-21, Mohd. Sporting-12, HAL-10. $$ Nimin Inrinni khan Sania Mirza leh Vania King te chuan Morocco Open Tennis Double final ah an tum puite 6-1, 6-2 a hnehin champion nihna an chang. Vawiinah mipa final khelh a ni anga, Roger Federer leh Rafael Nadal te an intum ang. $$ Tunlai hian India leh Bangladesh ten Chittagong lamah Test match an khel mek. India 1st Innings ah 384/6 a ni. Tunah hian Indian team te hian Coach mumal tak an la neilo a. June 4 atang hian Coach thar nei turin an inbuatsaih mek. HOSTEL HOSTEL HOSTEL Kamanahalli ah Hostel nuam leh felfai tak, admission man tlawm si a awm e. Bangalore east lama colleges eg. CMR, Kristu Jayanti, Indian Academy etc. a kal turte tan leh hemi veng lama khawsa turte tan a remchang hle.

Mary Jones Hostel Contact: 98443 34393

Rob’s Corner % KR Puram ai nuam a awm lo, Shantinagar val mah ni ila. – D.Dawnga (Wisdom Home) % In tan hmun siamin Aizawl ah ka lo han haw hmasa mai ang e. – Tluangtea (Wilson Garden) % Naktukah kan result a chhuak dawn a sin, kan lawm dawn nia aw. (‘Confi awm tiah tiah’Roberta’n a ti) – Margareth (Kristu Jayanti College) % UTC pa ho hi chu han

loh thu te min hrilh a, ka khawngaih ngei mai. A rukin ka Taxi meter chu ka off a. Khawpui chhungah chuan kan tlan kual ta a. Hmun hrang hrang kan tlawh a, tlankual dan tur min hrilh zel a. … contd

@ MZP – Kum 1935 khan din a ni a. Kum 1980 ah Mizoram sawrkar nen intihthiamlohna avangin thiah a ni a. Kum 1993 khan din leh a nit a a ni. President hmasaber Hrawva a ni a, Secretary hmasaber LH Liana a ni.

inkawmngeih lo chi kan ni hlei nem, kan hlauh zawng hi a inang tham mai a. – Pu Rengpuia

BMA AW, the weekly newsletter published by Bangalore Mizo Association.

Copies 100