Bma Aw: 20th April 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 16 Bangalore Mizo Association Pathianni Tin Chhuak Chanchinbu Date: 20th April 2008 Phek Khatna

% BMA-in President leh Vice-Pre. thar kan nei ta. Tun kar liam ta thawntan, 14 April tlai lam khan BMA Executive Committee Pu Sapa te inah neih a ni a. Hetah hian BMA President tur leh Vice President tur te thlanna neih a ni a. President atan Rev. P.C. Lalduhawma thlan tlin niin, Vice President atan Pu Jessiah L. Ralte thlan a ni. Charge pawh nilaithawhtan zan khan an inhlan fel nghal a. Kan Vice-President tang lai Pu Joshua pawh a hna lam avangin USA lamah min liam san thuai dawn a nih hmel. % Kan General Secretary, Tv. Madawnga pawh Delhi tlang lamah a thang mek a, karleh lam chuan a hmel kan hmuh leh tawh hmel. Kan Asst. Treasurer, Nl. Blessy pawh tunah hian Mizoram lamah haw chhovin, hun rei vak lo chhung Zoram lama cham a tum. % Member chhuanawm tak kan nei leh ta. Tv. Z. Lalnunmawia, Mandya a zirlai chu LNT(ECC) a thawk turin a tling ve leh ta. Editorial board in kan lawmpui tak meuh a ni. % Tunlai hian kan member thahnem tham tak Mizoram lamah an Exam te an zawh hnuin an haw chho a. Tin, chutih rualin hmun hrana zirna chhunzawm tumte pawh an chhuak ve mek zel bawk a. A bik takin Art zirlaite vei vah nasat lai tak a ni awm e. An zir lehna zel turah duhsakna kan hlan a. Tin, a rawn chhuk thla tur leh Zoram lama chuan chhuah tum zawng zawngte tluang taka in kal kan duhsak a che u. BMCF Inkhawm Programme 27 April 2008

Hruaitu: Pi Singthangpuii ]Tantu : Nl. Lungtiawii Thawhlawm hlanna: Pi Lalrinsangi Sailo Thusawitu: Rev. Dr. F. Hrangkhuma

Thlarau Khawvel H.Lalnunfela (Bi-a) Van dumpawl reh ruih, leng tawk taka inpharh duaiah khian thlarau engzat nge thlawk kual vel ang le? Hmuh ve theih si lohvin, hmaih miah lova kan chetzia tinreng thlir rengtu an awm ang em? Ka suangtuahna Khawvel atanga tih harha ka awm ve leh chuan ka inthiam lovin, ka zak ru ve hial a. Amaherawhchu, rei lote hnuah suangtuahna Khawvelah chuan ka chêng leh mai pawh ni lovin ka lut leh ta vang vang mai a. Inbiakpawh theih nise sawi tur i ngah tawh ngawt ang. Keimah tak hian a ni hrilh tur che ngah tawh ni. Kha mi nî atang khan hringnun kim toh lo chu ka hmang chho ve zel a. Kumte an lo vei zel a, tawn ngai loh, hriat ngai loh thil tam tak i tel lovin ka hmachhawn ve thin a, hrilh tur che ka va han ngah tawh em! Nge, thlarau khawvel atang khan engkim min hmuhpuiin min hriatpui zawk le? Eng vangin nge suangtuahna khawvel buai nuai hi ka chhuahsan theih loh aw ? Thlarau khawvel awmin, min rawn hmu reng tur chuan thil theih a ni lo tih Ka hre chiangin, kan bul velah hian min pawh thei si lovin thlawk kual nuai nuai an awm lo tih ka rinna innghahna atangin ka chiang hle si. Keima suangtuahna ngei mak ti taka ka ngaihtuah lai mek pawh chuan khawvel dang baihvai takah chuan hnuhluh ka lo ni leh ta reng mai. Puipunna leh Bazar hmunahte, hriat ngai loh mi tam tak zingahte hian i hmel han hmu hlawl ila, a va han hlimawm dawn tak em! I hnunglam chauh pawh hmu ila ka rawn um zui zel ngei ang che. Hmel hriat loh tam tak pungkhawm han hmuh hi chuan hetiang hian ka ngaihtuah thin, a thleng dik tak tak ang tih pawh ka ring hial thin. Zan a lo thlenin ngaihtuahna chau tak chuan i hmel lan dan chiang takin a chhui leh a, hlimlai nite ngaihtuah reng chungin mutthilh zai a rel ta. Tui taka ka mu zing ni chhuakin min ti harh ang hian ka kiangah thuin dimtêin min kai tho ta la. Khawvela mi vannei ber ka nih hial ka ring, a va hlimawm dawn tak em! Kum a lo thar a, rilruah i thar leh thin. Nipui a lo thaw tana pangpar bakah thing chi hrang hrangten pâr an rawn chhuah tana, chu chuan lungngaihna ruamah min thlen leh thin. Chuvang chu a ni tunah pawh helai hmuna ka thut reng ni. Kan inhmuh hnuhnung ber tlai khan hetiang tur tih hria ila, vawi eng zat nge ka lo kir leh ang? Khuanu rem tih dan a ni miau si. Chu pawh chu lo ni ta rêng se, a tawp ber atan ka lo kuah vawng vawng lo che kha aw! Ka bula zanpâr rimtui chuan ka suangtuahna Khawvel atang chuan min ti harha, khua a lo thim tha hman tawh hle. Ka ding thut a, haw zai ka rel ta a. Intawng leh tawh lo tura inthen chu ava’n na ngai em! A ni têlin a chiang tawlh tawlh si tih ka ngaihtuah reng lai chuan vawikhat leh chauh ka’n hawi kir leh a, thla êng mawi takin ka nu thlan a chhun chu ka va hmu thei a, chutah mi vanduai ber ni hialin ka inhria. Amawherawhchu, ka ngaihtuahna fim zawk chuan ti hian min rawn hrilh a, “Nimahsela, unaute u, midang beiseina rêng nei lote(cont)

Vol XIII Issue No. 16

Bangalore Mizo Association

Pathianni Tin Chhuak Chanchinbu

Date: 20th April 2008

Phek Hnihna

(page 1 cont) anga inlungngaih loh nan, muhilte chanchin in hriatloh Editor Lalengzuala Ph- 9972 235 314 Joint Editor C. Lalrinfela Ph- 9844 783 282 Circulation Staffs: Ruby Lalremruati R. Laltleipuii

E-mail: [email protected] Website: www.bangaloremizo.info A man (thla thum) : Rs. 60/Editorial Thawm Bengchheng Siam Mi sawi that duh vak loh thil hi kan sawi kan sawi ta fo mai. Kan thahnemngaihna a ni tih i hre hmasa ang u. Kan hriat theuh angin Bangalore -ah Mizo thalai rual a sang tel dawn kan lo awm ta a. A then hostel lamah te kan awm a, a then PG-ah te, a then inluah te kan ni nuk mai. Mi ze inang lo tak tak kha kan mi ze inan pui hauh lo, keini’n vai kan tih mai te bulah kan han awm ta a. Harsatna neuh neuh hi a awm duh hle. A bik takin party leh chaw eikhawm nikhua hian inhriatthiam lohna hi a thleng awlsam lehzual em em. Mizo thalai tam tak, Mizoram lama kan awm dan leh nun dan ni hauh lovin chhungte hmuh lohna hmunah kan awm fo a. Thawm bengchheng siam avanga kan Mizo Nu leh Pate kan phone rak rak chang a awm fo tawh a. A bik takin hetiang thil hi zanrei lamah a thleng duh hle a; tin, zu hmun sa hmunah a thleng duh zual. Mahni thenawmte ngaihsak hauh lovin rimawi kan ngaithla a, awmhmun a awm reng ring tak takin kan in ko lung lung a. Thenawmte muthei lovin kan siam fo thin. Zan dar 11 a rik tawh chuan kan thawm te dim dan zir ila, thenawmte tana bengchheng lo zawngin hun hman dan thiam ila. Tin, tukverh te leh kawngkhar te thawm kan ngah deuh a ni pawhin khar mai thin ila, Mizo hmel kan tihchhiat loh nan thil tha a nih ngei a rinawm.

ka duh love. Lalpa ngei chu au thawm nen, Van atangin a lo chhuk dawn si a; tin, Kristaa thi tawhte chu an tho hmasa ang a, chumi hnuah keini nunga lo la awm renga te hi anmahni rualin chhum zingahte khian lak chhohvin kan awm ang. Chuti chuan kumkhuain Lalpa hnenah kan awm tawh ang”. Ka la vanneihzia inhrilh nawn chung zêlin ka haw ta a. … Eng Mi Nge Kan Zawn Mizoram mipuite hian zawn kan nei. Mi tute emaw kan zawng. Tute nge kan zawn kan hre lo a,kan mi hmuh tawhhote hi kan mi zawnte chu an ni lo tih erawh kan hre chiang. Rinthuin kan la zawng ta zel a ni. Kan ram hruaitu atana kan mi zawn chu -

1. Sakhua leh Khawtlang zah thiam: A sawi maia Pathian tih ni lo, ni tin khawsak dan hmuh theih leh lang lo lamah pawh Pathian tih tak tak mi, rorelna kenkawh kawngah te, hmasawnna hna thawn danahte leh mi dangte rawngbawlsak kawngahte Pathian tih tluangtling mi hi ram hruaitu atan kan zawng. 2. Corruption laka fihlim tak tak: In leh lo din danah te, chhungkaw khawsak san danah te, nupui fanaute sum chelek danah te, bungraw neih danah te, Huan leh thlam neih danahte thlenga corruption laka fihlim tih pawm ngam; mahni hming lang lem lova laina hnaite hminga contract hna lian pui pui thawh ching lo, hmasawnna project hna thawhna hmun apianga tute hming emaw hawha compensation lama pamham vak ching lo. Ram hmasawnna hna thawhna tur pawisa atanga eng percent emaw party fund-a lo sawhhek ngawt ching lo. Hnam dang contractor leh supplier-te thurualpui ching lo. Opposition nih lai chauha corruption hua a, CBI koh luh tulzia sawi chiam chiam a, ko lut theitu nih veleha tan hmun thlak leh thut thin mi ni lo, mipui hriatpui atana zahpui ro leh sum chheprelh ruk neih ching lo mi kan zawng.

3. Thuneihna semzai ngam: Portfolio semtu nih vanga sum tamna department zawng zawng hum khawm chiam chiam hi thil zahthlak a ni tih pawm, Sorkar sum bawm puarna apiang it hauh lo, thuneihna pumhmawm lo va, Danin a phut anga Zokhua te ber thlenga thuneihna semzai duh mi kan zawng.

4. Vote duh vanga dawt sawi ching kher lo: Thuneihna chan laia tih duh hauh loh pawh, vote hmuh theihna tur a nih dawn phawt chuan, thuneihna chan leh huna ti ngei tura tiam vak vak ching lo mi, Mipuiten an hrethiam rih lo a nih pawha mipui tana tha tur chu huaisen taka sawi a, huaisen taka tang ngam kan zawng. 5. Mahni thutiama dingnghet ngam Sakhaw puithiamte leh khawtlang hruaituten an rin ngam, nungchang nghet nei, thil tha ti tura tangkai taka hman atana inpeih reng Kohhran leh Tlawmngai pawlte hmang tangkai thiam hruaitu hiMizoramah hi chuan kan mamawh a, kan zawng.

6. Nungchang leh tawngkama zahawm: Mi lungawi lo apiangte hnena tihpuitlin chuan loh tur thu tha pui pui tiam zung zung ching lo, thurawn dawngsawng thiam leh peih, ruihtheih thila fihlim ni awm taka lang a, mipui hmuh phak lohna hmuna ruih buang buang ching lo. Ram hruaitu ni chunga tawng zahmawh pui pui sawi mai mai ching lo, nungchang leh tawngkamah pawh mi zahawm, nelawm tho si kan zawng. (He thu hi Zoramah Khua A Var Dawn Em? Tih bu – Pu K. Sapdanga ziah atanga lak a ni e.)

Vol XIII Issue No. 14

Bangalore Mizo Association

%Bangalore Chanchin % Vawiin boruak pawh a lum chho leh viau dawn. Kar tluanin boruak a lum chho tial tial a, vawiin hi boruak lum lai berin 34oC a ni ang a, a vawh lai berin 25oC. % Ni 17 zanlai dar 12:30 velah BPO a thawk S Sinod chu a hawkawngah tu tih hriat loh ten bike a achuang lai chem in an lo vit a, a bulhnai hospital panpui ani a, damdawiinah tunah enkawl mek ani Mizoram Chanchin %Zawngling khua ah zu chhe in vangin mi 3 thi. Ni 17 April 2008 zan khan Zawngling khua a tlangval 10 vel chuan zu an in a. An zu lo in hi zu chhia a nih avangin a hmunah mi 2 an thi nghal a. A dang 8 te chu Tuipang PHC panpui an nih hnuah Saiha Civil Hospital an panpui a. Saiha thlen hma in 1 a thih belh bawk. Zu chhe in chungchangah hian Tuipang Police te chuan Zawngling an pan nghal a.Tunah hian thil awm dan zir chian a chhui mek a ni.MISUAL.COM %Tlungvel mipuite tui in tur lâkna lui Tûr hmanga hrai a ni. Thawhtanni tlai lam dar 2:30 vel khan feh haw ten Tlungvel leh Phulmawi ramri-a awm, Chal luia nungcha - Sangha, Kaikuang leh Chakai thi te hi hmu-in, tur hmanga hrai a nih ringin, khua an thlenin hnathawktute an hriattir nghal a, thawktute chuan Thawhtanni zan dar 8:00 vel khan Bawngkawn P/Sah FIR an thehlut nghal a ni. Tlungvel bialtu JE, Pu Lalkunga chuan he lui tura hraitu nia rinhlelh, Phulmawi khua mi 3 an awm niin a sawi a ni.KHAMPAT.COM %Khatla lungrem chimah PWD-in mawhphur. February ni 29-a thil thleng, mi pali thih phahna, Khatla lungrem chim chungchangah Magisterial Inquiry tih zawh tawh a ni a, PWD chu a mawhphurtu ber a nih thu inquiry report chuan a tarlang.ZAWLBUK.NET %Zirlaibu dawng kim lo zirlai an mangang. SSA Mizoram-in sikul hrang hranga zirlaibu a thlawna a sem mekah

Pathianni Tin Chhuak Chanchinbu

Aizawl District bikah tun thlenga la dawng kim lo an awm tih thu sikul thenkhat atangin report dawn a ni a, karleh Thawhtanni maiah First Terminal exam an tan tawh dawn avangin zirlaite leh zirtirtute an buai hle niin thu dawn a ni. Zirlaibu la dawng kim lo sikul an awm nia sawi chungchangah Deputy District Project Coordinator, SSA Aizawl District V. Lalsiamthara chuan, "Dawng lo tawp chu an awm lova, dawng kim lo erawh an awm," a ti. Block Resource Centre-in emaw Cluster Resource Centre lamin emaw thil an tih fel loh vanga zirlaibu la dawng lo an awm a nih chuan action lak an inpeih thu a sawi bawk.ZAWLBUK.NET %Hnahthialah bomb a puak. Hnahthiala SDO (Civil) office bulah April ni 15 zan khan gelatin nia hriat a puak a, April ni 16 chawhma dar 11 vel khan SDO office kawmchhakah bomb a puak leh bawk. Mizoram sorkar hnena district ngen mektu khua Hnahthialah hian April ni 16 vek khan BDO office-a dah buh chi chu a kang bawk. Mahse, hei hi hal luih a nih leh nih loh hriat a ni lo. He'ng thil thleng hrang hrang chungchangah hian Hnahthial P/S ah case ziahluh vek a ni. SDO (C) office-a bomb tihpuah hmasa ber hi office ventilation-a dah a ni a, darthlalang thenkhat tih loh chu thil tihchhiat dang a nei lova, April ni 16 chhuna tihpuah pawh hian tichhiat a nei lo. Hnathialah hian district ngiata zirna in leh sawrkar pisa khar a nih avangin bomb puah lai hian awm an awm lo a ni. Heng thil thlenna chhan hi hriat a ni lova, rinhlelh thil thu-a man an la awm lova, police ten an chhui mek a ni.ZAWLBUK.NET %Kumtling lo nawhchi zawrhnaah inhmang. Aizawl, April 19: Hmeichhe naupang kum 12 mi, nawhchi zawrhnaa inhnamhnawih thin leh a thurualpui kum 9 mi chu nimin zing lam khan hriatchhuah a ni a, Child Welfare Committee kutah hlan a ni. Nimin zinglam dar 3 vel khan Bawngkawnah hmeichhe naupang pahnih kum 12 mi leh kum 9 mi chhar an ni a, a upa zawk hi

Date: 6th April 2008

Phek Thumna

nawhchi zawrhnaah a inhnamhnawih thin nia hriat a ni. Thudawnnain a sawi dan chuan kum 12 mi zawk hi hmeichhe tleirawl kum 14 mi nen inkawpin nawhchi zawrhnaah an inhmang thin a, kum 14 mi zawk hian mipa a kawpnaah a hruai thin a, a pawisa hmuhte an insem thin a ni. Hetia nawhchi zawrhnaa an inhmang hi social worker pakhatin lo hriain March thla tawplam khan Child Welfare Committee (CWC) a hrilh a, anni hian kum 14 mi zawk chu Durtlanga remand home-ah dahin kum 12 mi zawk chu Aizawl khawpui chhung home pakhat, mipat hmeichhiatna thila vanduaina tawkte enkawl-na hmunah dah a ni. Mipathmeichhiatna thila vanduaina tawkte enkawlna hmunah hian kum 12 zawk chuan an venga mi tho mipat hmeichhiatna thila khawih chingpen tawh kum 9 mi nen an inchhar a; nimin zinglam khan an tlanchhuak a ni. Hmeichhe naupang pahnihte hian an awmna hmunah chaw kham khawp an hmu lo ni awmin an insawi a, chuvangin a upa zawkin a lo thurualpui thin remand home-a awm chu belh an tum niin an sawi. "Khitah chuan hmeichhe pahnih chauh an awm a," tiin an sawi. Ningani zan khan an insiam lawk vek a, nimin zinglam khan an awmna hmun atangin an tlanchhuak ta a ni. An awmna hmun atanga Bawngkawn thleng hi pa pahnihin taxi-in an phur niin an sawi a, taxi-a phurtute hian an khawih lo niin an sawi bawk. Bawngkawnah hian Dr Remmawia hnena inentir tur te'n lo hmuin media lam mi Bawngkawna awm pakhat an hrilh a, ani hian Human Rights Activist leh CWC member hlui Lalruatfela nu lo hriattir lehchhawngin ani hian a inah hruaiin chawhnu lamah CWC kutah a hlan chhawng leh a ni. Hmeichhe naupang kum 9 mi hian mipat hmeichhiatna thilah vawi thum lai khawih a nih tawh thu a sawi a. Chhungkaw zalen tak leh mipat hmeichhiatna film-ah fimkhur lo tak chhungkua atanga sei lian niin a khawihtute hian therhlo eng eng emaw hmanga thlemin an khawih thin niin a sawi.ZAWLBUK.NET

Vol XIII Issue No. 14

Bangalore Mizo Association

Pathianni Tin Chhuak Chanchinbu

Khawvel % Zimbabwe ram chhuan march thlaa inthlan an neih toh polling result chu nimin khan chhiar that leh na hun an tran a, hetia thil a kal tak ah chhuan rorel lai sorkar chu a dinhmun a derthawng ta hle tih a lantir ani. Vote hi constituency 210 zinga 23 ah chhiar that hna thoh ani. Hetianga thil thleng avanga hian UN Secretary lo ni tawh Kofi Annan chuan Africa khawmualpui ram hruaitute tangho turin leh Zimbabwe ram buiana chingfel tura hmala turin a phut ani. % Pope Venedict XVI chuan tunli hian America ram a fang vel a, nimina NewYork a athusawi chuan ngaihven a hlawh hle. A thleirawl lai a Nazi (German sipai) thu hnuaiah tihduhdahna a tawrh thin thu a sawi a. Tin tunhnai a Catholic puithiam hoin a naupang thianghlim lo taka an khawih thin chungchang te pawh sawichhuak in, a ti thin tute hi natakin a dem ani. % Nizan khan khualzin phur bus chu Spain ram Malaga bul Costa del Sol ah a chesual a, mi 9 a hmunah an thi nghal a chung zingah chuan hmeichhe naupang kum 7 mi pawh a tel nia hrait ani. Tin bus a chuang mi 15 vel dang pawh hliam natak tuarin an awm a, bus ah hian mi 44 an chuanga, Finland mi vek niin Spain atanga an haw tur airport an panna kawngah an chesual ta ani. An chetsual chhan hi thli leh ruah nasa tak vang nia hriat ani. % Afghanistan a Pakistan Ambassador Tariq Azizuddin february thla atanga chinhriatloh a awm chu tun hnai khan hel pawl ten a video Al-Arabiya-Television ah an tichhuak a, he an video tihchhuah ah hian Tariq hian Pakistan sorkar chu a chungchang ngaihtuah tur leh a chhuah theih nana hma la vat turin a ngen a, a man tute hian enkawl tha mahse a hriselna lampang vanga harsatna a tawh thu a video ah hian a swi ani. On this day
1889 : German mihrang Adolf Hitler a pianni.
1959 : Dolly Parton hla hmasaber ‘ Puppy Love’ release ni.
1865 : Naw-alh (Safety Matches) public a fak (advertise) hmasak ber ni

Date: 6th April 2008

Phek

Wigan 1-1 Tottenham Blackburn 1–1 Manchester United Zanin inkhel turte: 5:30pm Aston Villa - Birmingham 8:00pm Newcastle – Sunderland 9:30pm Manchester City – Portsmouth % Nizan Spanish League result: Barcelona 0 – 0 Espanyol Athletico Madrid 1 – 3 Real Betis Real Zaragoza 3 – 0 Recreativo Huelva Sevilla 1 – 4 Almeria Zanin ah Racing Santander home ah Real Madrid an zin dawn a, Real Madrid hi an chak chuan point 11 in table ah an lead toh dawn a, game 5 ala awm a, thil danglam tak a thleng te anih loh chaun tun season Spanish League champion an nih ngei a rinawm ani. % Champions League Fixture: 22 April, 19:45(GMT) Liverpool – Chelsea 23 April, 19:45(GMT) Barcelona – Man United % Indian Premier League hawng Ni 18 April zan khan IPL chu Chinnaswamy Stadium ah ropui taka hawn ani a. IPL hi domestic tournament niin foreign players poh an tam dawn a, Cricket fans lamin an hlut hle tura ngaih ani. % World No 4 Maria Sharapova chuan a khingpui unseeded Tatiana Perebiynis cu 7-5, 6-2 a hnehin Family Circle Cup quarterfinal alut a. Tin top seeded Jelena Jankovic pawn a khingpui Anastacia Rodionove chu 6-0, 6-2 a hnehin quarterfinal ah seeded 9-na Vera Zvorareva a tum don ani. Fing-tometer (i mawl nge i fing?): 1. Tuipui Sen( Red Sea) ah Lukhum eng( Yellow Cap) I thlak in enge lo chhuak? 2. Nagmah ang chiah a lian, mahse I sam zai pakhat ai pawh a zang? 3. I dawng thei a, I vawm theilo? 4. A siamtu in a duhlo a, a dawngtu in a hrelo a, a hretu in a duhlo?


1972 : Actress lartak Carmen Electra pianni. Infiamna % Nizan inkhel result: Arsenal Fulham Middlesbrough West Ham

2–0 0-2 0–1 2–1

Reading Liverpool Bolton Derby

Verse of the day: Mi suaksualte chu tuma um lohvin an tlanchhia a, Mi felte erawh chu sakeibaknei angin an huai. Ramin a bawhchhiat chuan puipate a inthlak zut thin, Mi thil ngaihdan thiam leh hriatna neitute avang erawh chhuan ram chuan a din rei phah ang. Thufingte 28:1-2

BMA Office Bearers 2008-2009: President : Rev PC Lalduhawma Vice President : Pu Jessiah L Ralte General Secretary : Mâdawnga Hauhnâr Asst.Gen. Secretary : Lalengzuala Treasurer : Rebecca Lalmalsawmi Assistant Treasurer : Blessy Sailo Secretary i/c Sports : R. Lalremruata Secretary i/c Cultural: Terence Lalthlamuana Secretary i/c Academic & Human Resources : Lalrothara Tlau