Bma Aw: 1st July 2007

Editor: Lalrothara DEMO A-PDF MERGER

Jt. Editor: James Lalrintluanga Cir. Managers: Lalnipuii & Ruby Lalremruati

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month

An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 26

Date: 1st July 2007

Bangalore Mizo Association Pathianni Tin Chhuak Chanchinbu

KEIMAHNI

JUST A QUARTER Kum engemaw zah kal ta khan thuhriltu pakhat hi Houston, Texas ah a pem lut a. Kar tlem te a liam hnu chuan bazar lam panin bus ah a chuang a. A han thu fel chu driver in pawisa a leh sual tih a hrechhuak a, 25 cents in a lo leh tam a. Engtia han tih chi nge ni ang ti a a han inngaihtuah chuan pek kir leh mai chu a that a ring a; ngawihbo pui mai chu dik theiin a hre lova.

** Kan member Nl. Lalfakzuali (Afaki) Maruthi Sevanagar pa Pu K Singhmingthanga Vellorea inenkawl mek pawh that lam a pan thei meuh lo. Tun Nilaithawhtan khan medical ICU ah sawn luh a ni. A lo that leh thuai theih nan tawngtaina ah i hre tlang ang u.

Chutichuan a han inngaihtuah nawn leh a, “E, theihnghilh mai ang, 25 cents chauh alawm. Tuman eng thamah mah an ngai lovang. Engpawh nise, bus company te chu an hausa alawm. Nitina an sum hailuh pawh a thahnem thawkhat alawm le. Pathian thilpek ka dawngah i ngai mai ang” a ti leh ta zawk a.

** Pi Lalbiakliani Pautu, kan Secretary Pu K Laltlankima nupui pawh Zirtawpni khan Philippines atangin dam takin Bangalore a lo thleng e.

Bus atanga a chhukna hmun tur a lo thlen chuan kawngkhar ah chuan an ding vang vang a, driver hnenah chuan, “Kha, nichin khan 25 cents in min leh tam a”tih pah chuan pawisa chu driver chu an pe a. Driver chuan nui chung hian, “Kan khuaa thuriltu rawn pem thar kha i ni tirawh? Hman deuh atang khan inkhawm tawh loh zai ka lo rel a. Nang pawh hi engnge i an tehreng ka tia pawisa nawi tlem te in ka’n fiah che a nih kha” a ti ta a.

** BMCF area II te chuan tarik 27 June (Nilaini) khan Fellowship hlimawm tak YWAM hall, Kullappa Circle, Kamanahalli-ah an nei a, kal an thahnem hle tih thu kan lo dawng. An inkhawm hi an area leader Pu Josiah Ralte-in a kaihruaia, kan BMCF President Rev. Dr. F Hrangkhuma leh Secretary Rev. C Lalmuankima ten an tawiawm a ni.

- Thara Tlau

Thuhriltu chu bus atanga an chhuk thla chiah chu electric ban a bula mi chu a dawm ngawih ngawih a, a tawngtai a, “Aw Lalpa, i Fapa pawisa tlem te in ka va han hralh teuh em”tiin. Mi tam tak tan chuan kan nun hi an Bible chhiar tur neih chhun a ni reng a ni.

Chanchin Lawrkhawm ? MHIP Gen. Headquarters President Pi B Sangkhumi chu MPSC Chairman tharah dah a nih avangin President a nihna a bansan a. Amah thlaktu atan Vice President Pi Rozami (Tuikhuahtlang) chu President atan ruat a ni. ? WWE star Chris Benoit kan chan ta. A nupui leh fapa te ti hluma amah inthat ni a hriat a ni. ? Zonet cable chuan Mizo Idol July 24, 2007 atangin an thlang dawn a, form la chhuaktu mi 830 an chuang tawh. ? Mizoram Education Minister Dr. R Lalthangliana’n zirtirtute zingah qualified lo an tam avangin voluntary retirement scheme hmanga lungawi taka an chawlh dan tur ngaihtuah mek a ni a ti. ? Red Fort Delhi ami chu World Heritage site ah puan a ni ta. India rama World Heritage property 27-na a ni. A rual hian Japan rama Iwami Ginzan Silver Mine te, Spain rama Teide National Park te, Sydney Opera House te leh a dang 12 te chu World Heritage site a puan tel a ni.

** Tarik 18 August 2007 ah Fresher Social neih leh a ni dawn a chutah chuan kan BMA constitution ennawn mek hi amend a ni ang. ** Becky Chhangte of Mission Road pawh Toronto atangin a lo return ta. Mizoramah a tlang chho nghal a July 6 hian Bangalore a lo thlen thlak leh beisei a ni. BMCF INKHAWM PROGRAMME July 01, 2007 Hruaitu Tantu Thilpek Hlan Spl. No. Thusawitu

: Nl. R Lalrinpuii : Nl. K Malsawmtluangi : Tawngtairual : Tv. Matthew Khiangte : Rev. Dr. F Hrangkhuma

July 08, 2007 Hruaitu Tantu Thilpek Hlantu Spl. No. Thusawitu

: Pu Athang Leivon : Tv. Laldanfela : Pi Jenny Lalrinmawii : Tv. Zorina Pautu : Rev. R Lalnunzira

BMA Office Bearers: President General Secretary Treasurer Sports Secretary

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vol XII Issue No. 26

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Bangalore Mizo Association Pathianni Tin Chhuak Chanchinbu

Editorial O Henry a thawnthu tawi A Service of Love chu ti hian a intan a – when one loves ones art no service seems too hard. A ni tak a, kan thiltih emaw kan hnathawha kan tui phawt chuan hahthlak deuh anga mitena an ngaih pawh hi nuam kan lo ti viau thin. Tuina hi a pawimawh hle a ni. Kan hnathawha kan tui dawn chuan inpekna a ngai a. Zawmthaw taka thiltih reng reng a tui tak tak theih loh. Mi taima kan tih te hian an hnathawh hi nuam taka an thawh theih bikna chhan chu an inpekna vang a ni. Chu chuan “tuina” a chhawm tel a. An hnathawh vek kha mi thatchhe tan chuan “hahthlak” a lo ni thin. Thil tih in ang ro ro a chhawmtel a in ang lo thei hle a ni. Tuina hi neih mai theih a ni lova, a leia lei a ngai a nih chu. Inpekna atang chauh lo chuan tuina tak tak a lei theih loh.

BEI NGE SEI RUN DUNG (Hunawlah lo chhiar ve mai mai ta che… ) Heptathlon hi sport hautak deuh mai a ni a. Track and field events turu tak tak pasarih ngawt ni hnih chhunga zawh a ngai a ni. Heptathlon hi mi mai mai han pawngpaw zuam mai chi a ni lova. Sports dang zawng aiin in fit a ngai ti ila kan sawi sual tampui lovang. He sport a hming lar tak mai pakhat chu Denise Lewis-i a ni a. Great Britain mi a ni. Lawmman liantham deuh a lak hmasak ber chu Commonwealth Games 1994 ah khan Gold Medal a dawng a. Chumi hnu ah pawh chuan lawmman a dawng nual a. Ama’rawhchu, vanduai thlak takin 2000 Olympics hma lawka World Championship-ah a chawn a hliam tlat mai a. Chutah chuan pahnihna a ni ta tho a. Chumi zawh chuan a hliam avang chuan zai (surgery) hial te a lo ngai a. A

chawn chauh ni lovin a dar pawh a hliam tel nghe nghe a. Olympics ah chuan inpuahchahna fumfe pawh nei lovin a tel ta tho a. Mahse, a tum a ruh em em a; tuman engmah an beisei pui lo nachungin. In fit lo tak chung chuan a tel ta a. A tawp ber (final) ni chuan 800 m chu event hnuhnung ber a ni a. A kaihza tha na chu a nasat em avangin mi tinin a in hnuhdawh mai an ring vek a, medal phei chu an beisei pui pha tawh lo hrim hrim a ni. Chutichung chuan Lewis-i chu a beidawng duh lova inhnuhdawh phei chu a tum lo nasa a ni. Tichuan 800 m chu a’n tel lui a, a chak ber ta hram a. Olympics Gold chu fit lo a mi tam takin an ngaih khan a dawng ta a ni. Denis Lewis-i chanchin atang hian tumruhna atang chuan engkim mai hi a lo theih a ni tih a chiang hle a ni. Chanchin Lawrkhawm… ? Denis Vanlalfela Chhingchhip khaw chhuak chu Catholic Dean atan May 16, 2007 khan Italy khawpui Rome ah lakluh a ni. ? Nl. Muanpuii Saiawi d/o Lalhmingliana Saiawi, IAS (Retd) IFS probationer ni mek chu IFS probationer te zingah ti tha ber chawimawina a dawng. Nl. Muanpuii leh Nl. Gloria Gangte tih loh chu Mizo hmeichhia IFS (Indian Foreign Service) sawi tur an la awm lo. Nl. Gloria Gangte hi Nl. Muanpuii aiin a pass hmasa deuh.

AWIHAWMLOH He column hi dawt insawisiakna bik atan dah a ni thin ang!! SMS in “dawt muhlum” mi pawi sawi si lo kha rawn thawn ula “awihawmloh ber of the week” kan thlang thin dawn a ni. Heng number ah hian i dawt thu chu rawn thawn rawh le: 9986266079, 9916352621& 9886001076

Date: 1st July 2007

KEIMAHNI ** Kumin chu BMA football league kan neih thin kha league nilovin knockout system a khelh a ni ang. A tan ni tur chu Pathianni leh lamah tarlan a ni ang. Organising Committee member te: 1) Tv. D Dawnga 2) Tv. Lalramhluna 3) Tv. Lalremruata (R-a) 4) RK Hmar 5) Lalramthanpuia 6) Tv. Tluanga 7) Tv. Francis Lallawmawma 8) Tv. Zorema 9) Tv. Joshua Laldinmawia Arbitration Committee Chairman – Pu R Lal Rinawma Member te: 1) Pu Josiah Ralte 2) Rev. Sairengpuia Sailo 3) Rev. Lalhmingchhuanga Zongte 4) Rev. Dr. K Sapthanga Tournament chhunga thubuai leh thil dang organising committee in a chinfel theih loh thila thuneihna sang ber neitu chu Arbitration Committee hi a ni.

An tia lawm… . :-) ? Kei chu mi chanchin hi ka hre lo lutuk a BMA News a mi han kah ve tur pawh ka hre lo chak thin hle mah ila – Pantei, Wilson Garden (ni e BMA aia pawimawh hi a lo tam em a ni) ? Ruatte KR Puramah i rawn bo elo… engtin nge I bo theih a? – Shalomi of KR Puram ? Tunlai chu ke pahnihin ka leng kual vel – MSa of Dr. AIT ? Aw kar a hla – VLa, Koramangala (Kar a hlat reng chuan kar hnai deuh lampang te pawh… ) ? Bangalore ka chhuahsan hunah chuan Tlana aia min ngai tur hi chu an awm chiang – James Thafamkima (B’lore i chhuahsan hmain mitin hriata i puan ngei kan beisei ang… )

Editor: Lalrothara Jt. Editor: James Lalrintluanga Cir. Managers: Lalnipuii & Ruby Lalremruati

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month

An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 27

Bangalore Mizo Association Pathianni Tin Chhuak Chanchinbu

JESSIE'S GLOVE

Date: 8th July 2007

KEIMAHNI

(Rick Phillips-a tawngkam atangin… ) - Thara Tlau Kum tin hian vawi tam tak management training Circle K corporation tan ka nei thin a. Anni hi sekrek thil zawrhna dawr tam tak neitu an ni a. Kan thupui sawiho tam ber thin chu entin nge thawktu tha te hi kan retain theih ang, a bik takin an hlawh leh service industry danga an hlawh te khaikhinin tih hi a ni a. Vawikhat chu participants ho chu zawhna tihian ka’n zawt a – “Eng vangin nge hun rei tak in thawhna pangai ah manager hial ni thei tura in thawh theih?” Chutia ka’n zawh chuan an ngawi deuh thap a. Aw tham no angreng tak hian “baseball glove $19 man vangin” a rawn ti a. Mak ti tak chuan kan en a; Cynthia-i a lo nia. Ani hi hmanni lawka manager a hlankai thar a ni a. Cynthia-i chuan Circle K chu clerk angin a zawm a, hna tha zawn pahfawma rilru nghet lo taka zawm a ni. A thawh tan atanga ni thum emaw ni li lekah chuan a fapa kum 9 mi lek hian a rawn phone a. Baseball glove Little League a hman tur ngenngawl tak hian a rawn dil a. Ani chuan a theihtawp hian hmeithai tan chuan chutiang han lei mai a har thu leh an bill te a han pe fel phawt ang a sum bang awm dan a zira ngaihtuah sak a tum thu chu an hrilh a. Nimahse, a rilru tak chuan baseball glove han lei chu a huphurh hle a ni. A tuka a hnathawhna hmun an thlen chuan an store manager Patricia-i chuan an store hnung lama room lian lo tak office-a an hmanah chuan a ko ta a. Cynthia-i chu a hlauthawng angreng khawp a. Eng thil nge ka tihsual ang, nimin khan ka hna zo fel lovin ka lo haw emaw chu aw tiin a inngaihtuah buai rum rum a. Patricia-i room a va thlen chuan Patricia-i chuan box pakhat hi a lo pe a, Jessie a baseball glove tur chu a nih kha tiin. Cynthia-i chuan mak a ti khawp mai a. Eng vanga pe ringawt nge a nih an zawt a. Manager chuan i fapa nena in inbiak kha ka lo hre ru a, i tan baseball glove han lei sak mai a har tur zia ka hre vek a. Hlawh tam tak erawh chu kan pe thei lo che a, mahse kan duhsak che a ni tih erawh chu kan lantir thei a ni. Tin, kan company tan hian i pawimawh a ni tih lantir nan ka pe che a nih kha a ti a. Chu an manager-in a ngaihsakna leh duhsakna chuan a rilru a hneh ta em em a. A hna chu bansan ta mai lovin manager hial ni theiin a thawk zawm ta a ni. “People remember more how much an employer cares than how much the employer pays.”

AN TIA LAWM… :-) ? A pass theih ang2 chu ka pass ta bawk a, ka han haw anga chhungte hnenah nupui neih ka dil tawp tawh mai ang – Mahriata of Grace Home (… a hun lo hranpa chuang tawh love). ? Tunlaia Chennai lo tih, in hre hmanlai mai e a… – Blessy Sailo, KR Puram (chutia kan hre hmanlai a nih chuan a tharlam chu min han hlui la… ) ? Semi Final kai pha chin hetah UTC lamah kan awm a nia Bangalore tlangval te u – Mapuii ( U Mapui, Semi Final kai nazawng hi Final ah an chak kher lo… ) ? Office bana chau tak chunga nau awih ziah ngai hi chu – Pu PCa (nau awih chauh lo pawh a ni lo maw????) ? Tun tum Bangalore ka rawn haw… e ka tihpalh, ka rawn chhukthla leh chu siamtharna nen ka rawn chhukthla e – Joshua of Wisdom Home (eng siamtharna nge ni ang le… )

Phek lehlamah Youth Icon Top 8 Nl. Sarah-i kawmna…

** Bangalore University hnuaia kan post graduate zirlai hengte hian (tun maia kan han hriat theih chinah) hlawhtlinna an chang: MA st 1. Tv. Robert VL Fanai – 1 Division. st 2. Tv. Lalrintluanga Hnamte – 1 Division. 3. Tv. C Lalhriatpuia – 1st Division. MSW – st 1. Tv. Zaihmingthanga – 1 Division. ** Rev. Lalnunzira nupui Pi Mahlui u fanu Camelia Lalhruaitluangi @Seni, Lunglei Bazar Venga awm, MA zir tura lo chhuk, Zirtawpni a lo thleng chu an rawn kalna kawngtluana rawn damlo thlain Zirtawp zan zanlaiah khan Bangalore Baptist Hospital-ah admit nghal a ni. Kal lam na ni a rin a ni. Khawsik a nei reng bawk. I tawngtai pui ang u. ** Kan chhuanvawr Nl. Mimi Renthlei pawh Banglore a lo thleng leh ta. Mimi-i hian Mizorama a han cham chhungin a album thar Lunglen chu a han release a ni. ** Rev. Dr. K Sapthanga, BMCF Vice President, te chhungkua pawh an hostel Grace Home (Girls) hnaihah an insawn. An address thar: th H.No.90, 17 B Main th 5 Block, Koramangala, Bangalore. Hmana mi Near Peace Park tih kha chu a ni tawh love. ** Tv. Solomona te unau pawh Lingarajapuram (Lingaraj) atangin st Benson Town-ah 1 July khan an insawn. **Scholarship form 2007-08, Rs 20/- in heng mite hnen atang hian inkhawm banah a lei theih: 1) 2) 3) 4)

Tv. James Lalrintluanga Tv. Joshua Laldinmawia Nl. Lalnipuii Nl. PC Lalremmawii

BMA Office Bearers: President General Secretary Treasurer Sports Secretary

Vol XII Issue No. 27

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Bangalore Mizo Association Pathianni Tin Chhuak Chanchinbu

Tun tum chu Editorial a awm thei lo tlat. YOUTH ICON TOP 8 KAWMNA Inrinni a zo fel tawh a Pathianni tuk hma em em 1:00 am IST ah Bangalore a kan celeb thar kawmna hun hmang turin UTC lam kan va phone phei a… BMA Aw: Nl. Sarah-i kan kawm lawk thei ang em? Nl. Mapuii: Thei e, phone hi ka’n pe ange aw? (Sarah hei an be duh che tia a au ri chu a hriat viai viai a… ) Sarah-i: Hallo… (aw tham no tak si, mutchhuak insum tih hriat em em chuan a rawn chhang a.) BMA Aw: Hei han kawm lawk che kan duh a a remchang thei ang em? Sarah-i: (a nui hak a) Remchang e. BMA Aw: I mut a chhuak tawh em? kan rawn tibuai viau che em? Sarah-i: Tibuai hran love… BMA Aw: Bangalore-ah i lo chhuk tih kan hria a, engti tura lo chhukthla nge i nih? Sarah-i: (an ngawi deuh a… ) Ihh… lehkha zir turin. BMA Aw: A lo nih tak chu. Lehkha zir tur han tihah a eng course ber nge? Sarah-i: Chutiang pawh chu a la awm em em lo, kan buaipui mek a… BMA Aw: A nih leh Bangalore zirna hmun atana i thlan chhan tawi tein min hrilh ta che. Sarah-i: Ih… englo… kan chhungte, ka pa te pawh an lo awm tawh thin a… BMA Aw: I chhungte hnung i rawn zui a nih ber chu maw… Sarah-i: (tawi no takin an nui raih a… ) A ni deuh mai. BMA Aw: Youth Icon a i experience Bangalore Mizo te hriatin i share thei ang em? Sarah-i: Ka hlawkpui ber chu mize hrang hrang, mahni mizepui lo deuh te zinga awm thiam dan te ka zir a, confidence te min pe a. Kan la tawn ngai loh thil a nia danglamna keimahah min siam nasa khawp mai. BMA Aw: Youth Icon kha mi thenkhatin talent show hranpa nan pawh ni lovin lar duh vang hrim hrim a tel an tam an tia, enge i ngaih dan? Sarah-i: (A hmui a tep ri chep chu a hriat a) Ni e. Tamtak chu an ni ang… mahse kan vai chuan kan ni vek lova. In theh lar duh hrim hrim chu awm e. 1st round ah te pawh ka kawr hak hi chumi design chu a nia ti te pawh an awm alawm… BMA Aw: A nih leh nang i tel chhan ber eng nge? Sarah-i: Youth Icon ni turin (a sawi pah chuan a nui sak a… ) BMA Aw: A nih leh eng zatna chiah nge i nih kha… Sarah-i: Pariatna chu ka nih ve kha… BMA Aw: A va ropui ve… Mi khati zozai zinga Top 10 han thlen phak chu… Sarah-i: Nia, 2nd Round ah khan chuan mi 150 tur a nih avangin tlin chu ka inring ve a, mahse chuta tanga Top 10 chu ka beisei pha lo hrim hrim. BMA Aw: Thu dang daih han zawh chhunzawm che ila, album siam te i tum hnai em? Sarah-i: Tunah hrih chuan tum love, hla pawh ka nei lo hrim hrim. Mahse ka rawn chhuk hma kha chuan music video pakhat chu ka siam a tunah hian LPS, Skylink leh Zonet ah te thlir theihin a awm. BMA Aw: Thlir ve a va chakawm ve. Sarah-i: (Rang ang reng takin) UTC ho chuan an thlir fur tawh. Thlir duh chuan UTC pan a ni mai. Chuan maw… LPS ah khi chuan Demand Channel a la buai deuh avangin ka lo chhuk dawn thleng kha chuan a la theih loh. BMA Aw: I hming pum hi kan la hre lo tlat mai. Sarah-i: Sarah Lalngaihawmi ka nia. BMA Aw: I mut te a chhuak tawh awm sia, a tawp nan Bangalore Mizo te i hmuh dan min hrilh thei ang em? Sarah-i: (insum lem lova han nui deuh hak hak pah chuan… ) An fel. An fel a ni mai… BMA Aw: A lawmawm e. A nih leh mangtha phawt aw… Sarah-i: Kei pawh ka lawm e. Mangtha u le.

Date: 8th July 2007

CHANCHIN LAWRKHAWM ** Venus Williams-i chuan a vawi li na atan Marion Bartoli chu 6-4, 6-1 a hnehin Wimbledon Ladies’ Singles Final ah a chak. **Men’s Singles Final chu vawiin tlai dar 2.00 GMT ah Roger Federer-a leh Rafael Nadal-a ten an khel ang. **Mizoram Engineering Service Association chuan June 26-a Minister Pu Tawnluia office-ah, sorkar aiawh nena an inbiak hnuin, Group 'A' te hlawh siam felna'n Service dangte aia an hlawh san bikna, Chief Engineer hlawh chu tihhniam an remti a, ACP Scheme pawh service dangte nen inrualkhaia hman an duh tih an tarlang. **India sorkar leh MNF inremna champha June 30, 1986 vawi 21-na chu karhmasa Inrinni khan hmun hrang hrang ah a lawmna chi khat atan thing phun a ni. **MHIP day vawi 33-na chu July 6, 2007 khan Mizoram hmun hrang hrangah MHIP Branch ten anmahni branch theuhah an hmang. **Mission Veng Presbyterian Kohhran Upa min, Upa Chawngzika (94) chu July 6, 2007 tlai dar 2:40 khan tar chak lohna avangin a thi. Pu Chawngzika hi YLA, tuna YMA kan tih tak dintu zinga tel a ni a. YLA dintute zinga dam rei ber nia hriat a ni. Zosapte pawh hna lo thawhpui tawh thin a ni. **SHALOM (Manipur & Mizoram) founder Rev. Dr. P Vanlalmuana, Dr. Muana tia hriat lar chuan nimin tlai dar 3.00 khan chatuan ram min lo pansan ta. A chenna in Hmuia Veng, Churachandpur, Manipur ah a thi. Ani hi medical doctor, Presbyterian kohhran upa ordained chumi hnua BD zir zo a ni. Shalom aia HIV/AIDS related NGO lian North-East India ah chuan an awm hran lovang. Mizo zingah ngat phei chuan UNO hriata HIV/AIDS expert kan neihchhun a ni mai awm mang e. UNO/WHO khawmpui liana resource person te pawh lo ni ve ngat tawh a ni. A thih chhan hi chuap lam natna ni a hriat a ni.

BMCF INKHAWM PROGRAMME July 8, 2007 Hruaitu Tantu Spl. No. Thusawitu July 15, 2007 Hruaitu Tantu Thilpek Hlantu Chawngthu Spl. Number Thusawitu

: Pu Athang Leivon : Tv. Laldanfela : Tv. Zorina Pautu : Rev. R Lalnunzira : Pu R Lal Rinawma : Nl. Emily L Sailo : Pi Lalawmpuii : Nl. Blondie Pachuau : Pi F Lalrotluangi

Editor: Lalrothara Jt. Editor: James Lalrintluanga Cir. Managers: Lalnipuii & Ruby Lalremruati

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month

An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 29

Bangalore Mizo Association Pathianni Tin Chhuak Chanchinbu

HRINGNUN (Kan Sikul) - Lettu James Lalrintluanga

Hringnun kan zirna inah hian siamtu Pathian kan Principal hian min thlir reng thin a. Zirtirtu atan kan nu leh pa te, kan hringnun kawngzawha min kaihruaitu atan a ruat a. Zir chhuah tur min chhawpsakin, a hlawhtlinna erawh kan kutah a nghat a. Zinga kan han thawh hian, kan zirna sikul attendance-ah kan “present” a ni tih kan in ziak lut a (mahse he sikulah hian tlanbo a awm ngai lo). Amaherawhchu, a chang chuan kan ti tha duh lovin tihtur min pek te kan ti hlawhtling lo fo thin. Kan sen tet ata nu leh paten thu tha min fah a. Chuti chung chuan kan awm that loh avang ten he sikul hi hrehawm tih chang kan ngah. Chhut nawn erawh chuan siamtu thurel felzia kan hrechhuak thin. Kan thil tih mite hmuh atana kan duh loh te lah chu thup bo hram kan tum a. Ngaihtuah lawk ang, beisei nei zawnga ngaihtuahna hman thiam hi a ho lutuk, a practical reng lo kan ti. Ngaihtuah chiang leh ang – he khawvela mi maktaduaih sangruk vel chengte hian beisei nei zawng leh that tlanna zawng hian han thlir ta ila hringnun hi a par vul tha leh ngei ang le. Ka rilruah khawvela inhambuai lovin thil tha zawn hi a lo lang a. Thil tha ka hriatte ka zawm em? A tha hriat tumin ka zawng em? Zawngin zawm thin ni ilang chuan exam lai te hian ka rilru hah te hi a kiam ngei ka ring. Ka fel famkim ka ti love, mahse ka tum tho vang… he khawvel intlansiakna sum leh pai hailuh, in leh lo tha neih te hian ka thil tum min dalsak ai chuan that famkim ka tuma ka inbuatsaihna hian min hruai se. Thil danga chungchuan ai chuan mi nunnem, khawngaihna ngah, mi dik leh rinawm, mite thatna hmutu leh ka bula mite nen thatnaa indawr tawn mi nih ka thlang zawk. In bihchiang teh ang. Kan thiltih te hian keimahni leh keimahni kan lo inbum reng em? Mite kan bum emaw kan tih lai hian he kan sikul kalna ah hian grade chhe zawk kan hmu a ni zawk lo maw? Thil tam tak kan hriatchian loh kan Principal (Pathian) hnenah kan han thlen a - nunna, hmangaihna, thihna, tuarna, hlauhna (a tam mai). Kan thin a rim, engati nge kan Principal hian min hrilhfiah nghal mai loh le? Ani erawh zawngin min thlir reng a. Kan ke pen tin te hi a hre chiang em em bawk thin. Min hriat chhuah tir tak chu ka zawhna te hi tunah min chhan sak loh mah se min hruai dawn. Hun lo awm zel turah heng ka zawhna te hi min hriatthiam tir dawn a. Amaha rinna ka nghah ngamna chhan chu TUN dinhmun min hruai thlen tawhna avang hian a ni. Mite itsik mai lovin, malsawm ruah kan dawn te hi chhut ngun ila. Hringhnun hian engnge min zirtir a tum? Mimal tin ten kan zir thiam theih dan chu a inanglo mai thei. Sum leh pai te hi chu sikul kan kal tirha, kan mark hmuh ang kha a ni a. Keini mai bakah tu dang mah hian an hre reng tawh ngai lo, kan sum hailuh zat emaw kan hloh zat te hi. Thil mak tak erawh chu he sum leh pai hian kan chhungkua inlaichhinna leh thatna te a tichhe thin a. Eng vang kher kher hian nge maw he lehkha them avang hian kan in hmelmak thin ni le? He thu ziak chhiar tute hian hei hi hre thar leh ila – he kan sikul (hringnun) ah hian zirlai hlawhtling nih tum theuh ila. Chutih rual chuan mi dik, taima, rinawm leh tlawmngai, rilru leh tihtakzeta min siamtu Pathian (kan Principal) tih hi kan tih makmawh ber lo ni thei se.

Date: 22nd July 2007

RESULTS Kan zirlai te result thenkhat kan han hriat mai theih te: 1) K Malsawmzuali, B. Com Final st : 1 Div. 2) Zorengpuii Sailo, B. Com Final : 1st Div. nd 3) C Lalmuanpuii, MSc (Maths) 2 sem : Distinction nd 4) Lalrohlui Sailo, MCA 2 sem : Distinction 5) Lallawmzuali, MSc (Zoology) Final :75% 6) Ramtharnghaka, MSc (Zoology) Final : 1st Div.

**Rev. Dr. K Sapthanga chu Kolkata, Dimapur leh Aizawla an centre te tlawh leh seminar te neihpui turin a thawhpui te nen an thang mek. Dt. 27 July ah lo thleng leh tura beisei an ni. ** Kan BMA Secretary Pu K Laltlankima paw’n hna thar, human rights lama pioneering organization, South India Cell for Human Rights Education and Monitoring (SICHREM) hnuaiah coordinator Source Mobilization and Communication a thawk dawn tih thuthar kan lo dawng. ** Pi Rinpuii pawh karhmasa Pathianni (15 July, 2007) tlai khan a fanu Makimi thlahin Kodaikanal a zu thleng. Dam takin Bangalore a lo thleng leh e. ** BMA membership form kha July 31, 2007 hi a thehluh hun atan Last Date a ni a, la thehlut lo ten a hun tawp hmain thehluh i tum hram hram ang u. ** Scholarship form kha Zoram pawn tan September 30, 2007 khi thehluh hun tawp ni a ni e.

We hate some persons because we do not know them; and we will not know them because we hate them - Charles Caleb Colton (1780 - 1832)

BMA Office Bearers: President General Secretary Treasurer Sports Secretary

Vol XII Issue No. 29

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Bangalore Mizo Association Pathianni Tin Chhuak Chanchinbu

Editorial: Hringnun mawina hi thlir thiam a har thin mang e. A mawina tirimtuitu chu harsatna mai hi a ni si a. Damna hi a hlu a, bawrhsawmna hian a ti hlu zual. Thawhrimna kan ngaisang, thawkrim tur erawh chuan tumah kan inphal hran lo. Kan hlim lai ber emaw kan tih te hi tah hmaruai mai a lo ni chawk. Thinrima han an bawrh bawrh te hian kan thaw a veng deuh, mahse a hnu ah kan inchhir leh lawi si thin. Tih tur tih loh aiin tih loh tur tih hian pawi a khawih thui zawk.

LAWRKHAWM ** July 18 zan khan Bagha leh Dholai inkarah Tv. Kapliana (26) s/o H K Zamawia Vairente Venghlun chu thah a ni a. A thianpa Tv. Lallianthanga (30) s/o Zakhama, Vairente Tlangnuam chuan hliam a tuar bawk. Hemi chungchangah hian MZP leh MSU ten hnamdang pawn chhuaklo turin an hriattir. Mizoram atanga phai lam kal tur Vairengtea dan anih avang hian, Cachar lam pawhin Tv. Kapliana ruang Gunggur Hospitala awm hi lakchhuah an phallo a ni. Aizawlah boruak thalo a awmloh nan Police ten khuahkhirh hna ngawrh takin an thawk nghal. ** Ni 17 July, 2007 khan Ramhlun Vengthara cheng Pi Rokungi (70) July 10 a thah chu a thattu Police ten an chhuina ah a tupa Lalhmachhuana (25) chu inpuangin a pi chu a thah ngei a nih thu a puang. ** PRISM thuchhuah tarlan danin, Mizorama CBI kohluh nana hming an lak khawm zingah MNF Party MLA pakhat chuan a hming ziahluh tawh chu a dil anga thaichhiat leh a ni. Mipui ngaihdan ziaka an lakkhawmna ah hian mi 53,293 in hming an sign tawh thu an tarlang.

Date: 22nd July 2007

** Pi Pratibha Patil chu July 21, 2007 khan India ram hmeichhe President hmasa ber atan thlan tlin a ni. Amah khingtu Pu Bhairon Singh Shekhawat, India Vice President ni mek, chu vote nuaih 3 chuangin a hneh a ni.

** Arsenal chairman Peter HillWood chuan tuna Arsenal manager ni mek Arsene Wenger-a chuan manager hna season tharah pawh a chhunzawm a beisei thu a sawi.

** Zirtawpni khan Pakistan Supreme Court full bench (13 members) chuan Chief Justice a nihna atanga President Pervez Musharraf-an a paihthlak Justice Iftikhar Muhammad Chaudhry chu thiam chan tirin Chief Justice atan a dah leh a ni.

** Lalthamawia Bolchhim nen khan unau kan ni lo ania – Ben-a of misual.com (chuti zawk chu a lo ni maw… )

** Rafael Nadal-a chuan a thian tha ber Feliciano Lopez chu hnehin Stuttgart claycourt final a thleng leh ta. Final ah hian a chak a nih chuan tun season-a a title parukna tur a ni. ** David Beckham chu US lamah LA Galaxy club hminga khel turin a insuan fel ta. ** Jerzy Dudek pawh Spanish champions Real Madrid chuan kum hnih chhung atan an lei. ** Italy lamah ve thung chuan Francesco Totti-in international football a chawlhsan thu Zirtawpni khan a puang.

Join Oriflame for just Rs. 299/- and get Giordani Gold Lipstick FREE worth Rs. 379/- + Products worth Rs. 1750/-. Offer valid from July 1 to 29, 2007. Contact: Pi Laltanpuii (LT-i) Oriflame Independent Director Kamanahalli Phone no: 9980166671

An tia lawm … :-)

** Keini te chu Bangalore Times a lang pha ngat asin kan nih – Andy & Mvancy (Page 3 a lang pha chin hi chu Celeb ah keini chuan kan ngai… ) ** In la thoveng e… mahse thovenpui tur lam hi an awm lo va… - Thlenga of Ambedkar (chu… Ambedkar lamah inlak thovenpui tur duh tan ngaihven theih a nih chu) ** Khua vawt vat vat se, WINTER lai hi ka hmelthat ber hun a nia – Miriam of Grace Home (i hmelthat lai hmu tur chuan nghah rei a va la ngai dawn ve le… ) ** Biate thingpui ngat in duh te in awm a nih chuan min rawn "scrap" ula a ni tawp mai - Becky of Mission Road (aw, i sawi ang ngei chuan kan rawn “scrap” dawn che nia… ) BMCF INKHAWM PROGRAMME July 22, 2007 Hruaitu Tantu

:Pi Lalrinpuii :Tv.Isaac Lallunghnema Thilpek Hlantu :Nl.Lalfakawmi Khawlhring Spl. Number :Tv. Gilbert Thusawitu :Pu Lalrokhuma Pachuau July 29, 2007 (Fellowship & Bible Quiz) Hruaitu :Rev.Sairengpuia Sailo Thilpek Hlantu :Tv. Lalhriatpuia Quiz Master :Rev. Lalhmingchhuanga Zongte Spl. Number :BBBC Students

Editor: Lalrothara Jt. Editor: James Lalrintluanga Cir. Managers: Lalnipuii & Ruby Lalremruati

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month

An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 30

Bangalore Mizo Association Pathianni Tin Chhuak Chanchinbu

Kristianna Tenawm

Mizo te hi za a za deuhthaw Kristian a inchhal kan ni a. Kan Kristianna hi kan chhuangin khawvel hriat kan nih ve na pakhat a ni. Missionary tirhchhuahah phei chuan a ratio a lak chuan khawvel a hnam Ropui ber kan ni hial awm e. Kristianna in kan ramah ramhuai a hnawt chhuak a, hnam tlaberh ve tak kha hnam chhapopui tur neiin min siam a. Rinna ah ngat phei chuan kan thleng sang khawp a, kraws rawng ringawt avanga pawlchhuak hial te kan lo awm ta. Chu mai a ni lo, chanchintha min rawn pe tu Welsh ho vei letin anmahni awmchilh turin pastor hial te pawh kan tir ta. A ropui hle a ni. Ram dang atang chuan kan thawm a thang mawi hle a ni. Fak pawh min fak nangiang. Kan ram leh a thenawmah hian han inbih chiang ta ila. Mizorama hnam dang cheng ve te hian eng angin nge min hmuh? Kristian nih ve chak khawpin kan chenpui ngei ngei te hian kan rim tui an ti tawk em? Silchar vai ho khian Mizo te Kristianna hi eng ang takin nge an ngaih ang? Kristian ramah hian hnam dangte hi ralti ngawih ngawih hian an khawsa thin a ni lo maw? Kan rawngbawlna te hi kan chapo pui viau a, amaherawhchu kan mize tak nena enkawp chuan “thil tenawm” a ni. Mahni inchhung pawh chingfel zo lovin vai ramah chanchin tha te kan aupui ve lawm lawm a. Vai kut kan tawrh palh hian kan Kristianna chu a lang mawh khawp mai, kan tribal thinglung bawk kha a ni lo inpho lang leh thin chu. “Kan chunga thil tisualtu te kan ngaidam angin Nang pawhin kan thiltih sual ngaidam ang che” tih te chu dawt mai mai alawm. Sawi sawi chi pawh a ni lo. A takah kan hmang tak tak chuang lo. Mizo tlangval pakhatin vai kut palh a tuar a, Aizawla vai awm ho te chu kan hrek hrep mai. Curfew te kan puankhum hmak mai. Chu chauh chu a ni hlei nem, Mizo nula hnute dek palh vai pakhat pawh an sawisa hlum der tawh a ni lawm ni kha? Chhung inkhawm apiang leh biak in inkhawm apiang chuan “kan chunga thil tisualtu te” chu kan ngaidam ziah. Kan Kristianna hi hmana vai hnawhchhuah runpuia an dawr an suasam vak te kha teh tir ta ila, “tenawm” tih bak sawi tur an nei tam lo viau mai thei. Kristian i ni duh em han ti phei ilang chuan “Mizo te Vanrama an kai chuan kan kai ve hrim hrim ang” an ti et mai thei a ni. A nih loh leh, hnam dang laka kan chetzia chu khiti khi a ni a, kan Mizo hnahthlakpui te lakah hian eng ang rilru nge kan put? Mi pakhat pawngsual chhuanlamin kan Burma unau pawisawi leh sawi lo pawh kan um chhuak ur ur tawh em kha? I han ngaihtuah nawn leh teh ang, “Kan chhunga thil ti sual tu te… ” Tum khat mai a ni nem, vawi engnge maw zat kan hnawt chhuak tawh a ni lawm ni? Kristianna nena kalkawp tura kan missionary tena min lo din sak YMA lah chuan Kristian nun theihnghilh hmakin a hmatawngah a la tang ta zel lehnghal a. Ngawi teh u, rawngbawl hi chu i bansan phawt ang u mite nuih kan ti za mai mai. Pathian nuih pawh hi a za hial lovang maw? Mizo te tan hian Kristianna hi engtihna mah a ni lo a ang. Sap nun min awh tir tu mai, kan standard ti sang thlawn tu mai a ni lawm ni? Corruption hi Mizo context-ah chuan tihian a chiang berin ka hria – Mizo Kristianna ze langsar ber. Isua Krista ringtu vek alawm kan rama eiru tam ber ber te chu. Kohhran hruaitu MLA-a thlantlin te hi a zahthlak a nia, Krista hmingin mi tih ang kha huai takin an ti ve hmak hmak mai si a. Chuvang chuan corruption te chu do do tur a ni lo. Thawhlawm tipung tu a ni a, kan biak in bathlar te a lo zau phah a a tha riau a ni lawm ni? Mizo society ah chuan corruption te chu a la inbengbel dawn chauh. Isua lo kal leh hma chuan Mizo te chuan corruption hi kan la inrochun chhawng zel dawn. Hei baka chiang zawk sawi tur in hre bik lo mai thei. Duhtawk rih phawt ang. Nidangah kan la ti ti zawm dawn nia…

KEIMAHNI

- Thara Tlau

(Hei hi editorial atana hmanhmawh taka ka ziak a ni a. Mahse ka duh aiin ka tui a, a lo thui ta mah mah a… )

Date: 29th July 2007

Mandhya BE Result: 1) Samuel Lalrawngbawla, Civil 2) K Lalthlengkima, Civil 3) Laldinmawii, Civil 4) Lallungawii Ralte, Comp Sc

: 78.2% : 76.9 : 72% : 70%

Dr. AIT atanga campus placement hmu thar te: 1) Zonunsanga (Comp Sc) : Infosys 2) PC Lalrinzuala (Elec & comm): Caritor ** BMA Tournament official entry form lachhuak tawh ten inkhawm ban hian emaw August 3, 2007 hma ngeiin entry fee nen theh luh vek tur a ni e. Chawlhni lehah fixture kan rawn tarlan theih tawh ngei kan in beisei. Form thehluh na tur te – 1) Tv. Ramhluna, Wisdom Home. 2) BMA OB-te. ** Pu R Zaliana (70) Ramhlun South, Tv. nd Zohmingthanga UVCE a BE 2 year zirlai pu chu Ningani khan Vellore-ah zai a ni a. Thisen a mamawh belh te pe turin nizan/tukin khan kan member thenkhat te kan President Pu K Lalrokima (Pu RK-a) hovin an inpuahchah a. Mahse motor remchan lohna avangin an phei ta hrih lo. I tawngtai pui ang u.

BMCF INKHAWM PROGRAMME July 29, 2007 (Fellowship & Bible Quiz) Hruaitu : Rev.Sairengpuia Sailo Thilpek Hlantu : Tv. Lalhriatpuia Quiz Master : Rev. Lalhmingchhuanga Zongte

Spl. Number

: BBBC Students

August 05, 2007 Hruaitu : Dr. Lalrinawmi Ralte Tantu : Tv. John Sailo Thilpek Hlan : Tawngtairual Spl. Number : Tv. RJ & Andrew Thusawitu : Pu K Lalrokima

BMA Executive Meeting BMA Executive Meeting August 4, 2007 (Inrinni) tlai dar 5.00 khian koh a ni. A hmun: Nl. Lalfakawmi Khawlhring @ Mami Khawlhring in 38th Hutchins Road Opposite to Maria Beauty Parlour Cooke Town Member te kim taka kal i tum ang u.

BMA Office Bearers: President General Secretary Treasurer Sports Secretary

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Vol XII Issue No. 30

An tia lawm… :-) ** Hey nulas, I’m back – Obeda (B’lore Mizo nula te tan chanchin lawmawm em em ka rawn thlen a che u… ) ** Shivajinagar hi “zanlawn”tia thlak thain ka hria – Joshua of Wisdom Home (Chhan tha tak vang lo chuan a ti tawp lovang… ) ** Kan ina medal leh trophy ho hi chu kan nu dawn deuh vek a nih hi – Pu Muankima of UTC (Pi Singi version Chawlhni lehah kan beisei ang… hehe) ** Manager of the year ka ni leh lovang tunge ti thei?? – Marema of Wisdom Home (Sir Alex-a nen pawh hian in lo inang hrim hrim alawm… ) ** Bangalore a kitchen nei pui ber Sammy… punching bag a inkhai ruah mai. Dumb bell in hmarcha a rawh thin – Anonymous sender (Sammy… va pui awm riap riap ve… ) ** Tun tum ka “my dear-a” min zin san chu kum sangkhat ang a ni. Ka cher vek hial lo maw? – Pi Rinpuii of lungleng (oh sorry… of Koramangala)

LAWRKHAWM TLEM ** Manchester City chuan £7 million-in Juventus under-21 captain Geogio Chiellini chu lei tumin a bei mek. ** Chelsea captain John Terry chuan kum 2012 thleng daih tur contract a sign thar leh ta. ** Italy lamah ve thung chuan Brazilian Kaka chuan AC Millan chhuahsan mai a tum loh thu a sawi. Kaka hian kum khatah 5.5 million euro a hlawh a, AC Milan-a a contract hi kum 2011 thleng a ni.

Quote of the Day

Do len tir tura lo kal ka ni – Isua Krista

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana

Bangalore Mizo Association Pathianni Tin Chhuak Chanchinbu

Date: 29th July 2007

CARROT, EGG AND COFFEE Cup of coffee i hmuh dan a thlak danglam daih mai thei a ni. Nikhat chu nula pakhat hi a nu te inah a leng a. A nu hnenah chuan a nun kawng zawh mek chu harsa leh hrehawm a tih zia leh a beidawn zia chu a hrilh a. Beih hram hram leh tawrh hram hram chu harsa a ti hle a ni. Harsatna pakhat sutkian hlek hian harsatna dang hian a rawn zui leh zel mai si a. Chutia a sawi lai mek chuan a nu chu eng sawi sek sek lo chuan a ding uaih a, choka lamah chuan a fanu chu a hruai phei a. Bel pathum hi tuiin a chhung khat a, meiah a chhuang a. Reiloteah chuan an lo so ta bulh bulh hlawm a. Bel pakhatah chuan carrot a thlak a, pakhatah chuan artui a thlak a, a dang lehah chuan coffee bean hi a thlak thung a. Chutichuan chung a thil thlak te chu a so tir bawrh bawrh a. Minute 20 hnu velah chuan burner chu a off a. A hmasa berah carrot chu khuhhriang pakhatah a thur chhuak a; khuhhriang dangah artui chu a thur chhuak leh a. A hnuhnung berah coffee chu khuhhriang hranah a thli chhuak a. A nu chuan nula lam chu a hawi a, enge a hmuh a’n zawt a. Nula chuan awlsam tak hian “carrot, artui leh coffee”a lo ti et a. Tichuan a nu chuan nula chu a kuai hnai a carrot chu a khawih tir a, a lo nem duak a. Artui chu a kawr kheh pah chuan a khawih tir leh a. A chhunga tui ni thin kha a lo khal chang fak tawh a. Tichuan, a tawp berah chuan coffee chu a tem tir a. A tem pah chuan chu coffee rimtui tak chuan a fan veng veng a. Nula chuan a nu chu an thiltih awmzia chu a’n zawt a. A nu chuan, “Heng thil pathum te hian hun harsa tak an tawng theuh va chu chu tui sa kha a ni, mahse an paltlang dan erawh chu a dang theuh. Carrot kha chang tak leh fei tak chungin a lut a, mahse tui sa khan a lo ti zawi a a lo nem ta em em a ni. Artui chu keh awlsam tak a ni a, a kawr pan tak chuan a chhunga tui chu a hum der der chauh a ni. Amaherawhchu tui sa khan a chhungril chu a lo ti khauh a, a lo chang ta em em a ni. Coffee bean erawh chu a dang daih thung. Tui soa kan han thlak chiah khan a tuia kha a thlak danglam daih thung a ni.” “A eng bera hi nge i nih?” tiin a nu chuan a fanu chu a’n zawt a. “Harsatnain i nun a rawn luhchilh hian engtin nge i lo chhan thin? Carrot nge artui nge coffee kha i nih? Han ngaituah vang vang la, carrot anga chang leh khauh tak amaherawhchu harsatna lo thlena zawi zo vek mai, beih letna tur tha nei ta miah lo kha i ni em? Artui anga chhungril sihhnip tak mahse harsatna avanga khauh leh ruh ta em em mai. Thinlung tui anga nem mahse thihna te, inthenna te leh sum leh pai harsatna te, thlemna chi hrang hrang avanga khauh leh ruh ta em em mai; a kawr chu a ngai reng la ni, mahse a chhungril erawh chu ruh tak leh khauh tak mai. Anih loh leh, coffee bean ang kha i ni em? Coffee bean erawh chuan tui sa harsatna thlentu kha a siam danglam hlauh thung a ni. Tui kha a so a, khatah chiah khan coffee chuan a tuina leh hanna chu a rim no tak nen chuan a thlah chhuak a ni.” Coffee bean ang i nih chuan I nun kawng zawh a lo harsat poh leh thil tha leh rimtui ah Pathian chakna ringin i chantir thei dawn a ni. Harsatna chu engtin nge i hmachhawn tak ang? Harsatna a lo inlar chiah khan hei hi inzawt thin ang che “A eng ber nge ka nih, CARROT nge ARTUI nge COFFEE?” BMMP MEETING

BMMP meeting chu August 4 (Inrinni) hian WINA Office-ah neih tur a ni a. A address chu: WINA, B/2 Polaris, 29 th North Road, St. Thomas Town, Bangalore 560084. A landmark chu Hutchins Road hi North Road in a cross a, Hutchins road atanga North Road i lo kal khan ding lam pangah a in pahnihna ding lamah, gate sen lian deuh, gate pathum ang maia lang, a in chu cream eng lam deuh, a first floor-ah a ni. Bangalore East station leh Clarence High School atangin a hla lo. Lingarajpuram atang chuan bridge zawh chiaha vei lam peng hmasa ber kha Davis road a ni a, a vei lam chiah kha North Road a ni mai. Davis road leh North road inkarah chuan dawrte 3 vel lai a intlar thla.