Bma Aw: 15th July 2007

Editor: Lalrothara Jt. Editor: James Lalrintluanga Cir. Managers: Lalnipuii & Ruby Lalremruati

BMA AW

E-mail: [email protected] Phone: 9986266079/9916352621 Website: www.bangaloremizo.info A Man: Rs. 15/- per month

An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 28

Bangalore Mizo Association Pathianni Tin Chhuak Chanchinbu

KEIMAHNI BE/B Tech Result chhuaka kan zirlai hlawhtling kan han hriat theih te: UVCE Computer Science 8th Semester result: 1) Thanghmingliana : Distinction 2) Vanlalhlana Ralte : Distinction 3) Zothanzauva : Distinction Civil Engineering 8th Semester result: 1) Robert Lalremruata : First 2) Lalmuanpuia : Distinction Dr. Ambedkar Institute of Technology Computer Science Final Semester result: 1) Aldrin Lalchawimawia : 79% 2) John Lalhruaitluanga : 77% 3) Malsawma Hauhnar : 73% Civil Engineering Final Semester result: 1) Thangchhuana Pautu : 75% 2) Lalrinpuia : 75% 3) Jerome Lalremtluanga : 74% 4) Joel Kamei : 73% 5) VL Chhuangliana : 68% Electronics and Communication Engineering Final Semester result: 1) Michael Lalhriatpuia : 66% ## Mandhya lam chu kan chhian

hman loh avangin chhawlhni leh lamah rawn tarlan kan tum ang. Kan member hlawhtlinna chang te BMA in kan lawmpui tak meuh meuh che u a ni.

** Kan member te Tv. Vanlalchhanhima @Chhana leh Tv. Zaihmingthanga @Zaite, Grace Home te chu Mizoram lam panin tukin khan Bangalore an chhuahsan. Chhana chu lo chhuk leh tur a nia, Zaite erawh chu a “chiang” chiah lo. ** Tv. Terence Lalthlamuana, Kamanahalli, pawh a unaute tlawhin Delhi lamah Nilaini khan a chho. Thla tharah a lo kir leh ang.

** Pu K Singhmingthanga, kan member Nl. Lalfakzuali @Afaki pa chuan tarik 11 July, 2007 Thawhlehni zing dar 6.30 khan min lo boral san ta. Ani hi hmanni a tawngtaipui tura kan rawn tarlan Vellore-a in enkawl kha a ni. A ruang Chennai atangin tarik 13 July, 2007 zing dar 4.30 khan Imphal panin thlawh hawn pui a ni. ** BMCF inkhawm banah BMA executive committee thut khawm lawk tur a ni. Thu pawimawh tak ngaihtuah tur a awm avangin member te i tel hram hram ang u. **BMCF buatsaih camping hun 18 to 20 October, 2007. Speaker Upa Ngurthantluanga. A hmun tur la dap mek a ni. Tin, inkhawma hla hruai thei awm mi, khuang, guitar, keyboard, etc. tum thei tur te inbengvarchhuah nise. Hetiang ti awmte kan hriat chuan BMCF secretary hnenah hriattir ni se a lawmawm hle ang. Inkhawm ban thingpui inna hmun hi pahnih emaw siam belh tura ruahman a ni bawk. ** Hmannia kan rawn tar lan BMA Football Fixture kha peihfel a la ni chiah lo a. Peih fel a nih veleh kan rawn tarlang ang. BMCF INKHAWM PROGRAMME July 15, 2007 Hruaitu : Pu R Lal Rinawma Tantu : Nl. Emily L Sailo Thilpek Hlantu : Pi Lalawmpuii Chawngthu Spl. No. : Nl. Blondie Pachuau Thusawitu : Pi F Lalrotluangi July 22, 2007 Hruaitu Tantu

: Pi Lalnipuii : Tv. Isaac Lallunghnema Thilpek Hlantu : Nl. Lalfakawmi Khawlhring Spl. No. : Tv. Gilbert Thusawitu : Pu Lalrokhuma Pachuau

Date: 15th July 2007

CHANCHIN LAWRKHAWM ** Mizo tlangval Jonathana s/o T Sangkhuma Ramhlun South chuan Zirtawpni khan Chennai Federation Cup Boxing-ah fly-weight categoryah a champ. ** Kar hmasa inrrini kha MNF dintu, Pu Laldenga thih champha vawi 17-na a ni a. Zing dar 7-ah Treasury Square-a a thlanah inkhawm buatsaih a ni a. MNF partu hruaitu leh Pu Laldenga chhungten a thlanah hian pangpar an dah a ni. He huna thusawitu Pu Laldenga nupui Pi Lalbiakdiki chuan MNF chu India sawrkar laka an in surrender loh thu a sawi. ** Hmar Peoples Convention (Democratic) HPC (D) chuan thuchhuah siamin, Hunter Boot 150 leka lei theih an nih loh thu an puang. Kum 2003-a Mizoram Assembly Inthlanna-a hel pawlte thawhpuia inpuhna chungchang leh hel pawl din leh tanpuia inpuhna chungchang an sawi fiah. ** Kar hmasa inrinni zing khan Synod Office building thar tur Lungphum chu Synod Moderator Rev. Vanlalchhunga’n a phum a. Hemi puala inkhawm, zing dar 7-a neih hi Synod Senior Executive Secretary Rev. Lalhmangaiha’n a kaihruai a ni. ** Lalrinfela, kum 21 s/o Lawmzuala, Salem Veng ruang chu Mualpui World Bank kawng thlang hnim karah feh tura kal mi pakhatin a hmu chhuak a, a ruang hi a chhiat tawh deuh avangin vui nghal a ni. A thih chhan hriat a la ni lo. ** Kar hmasa Zirtawpni chawhnu khan Excise & Narcotics hnathawkte leh SRS Central Zone tangkawpin ruihhlo, heroin No.4, penicillin bur 58 an man a. Aizawla tunlai hralhna rate-ah chuan cheng nuai 2.9 man vela chhut a ni.

BMA Office Bearers: President General Secretary Treasurer Sports Secretary

: Pu K Lalrokima Vice President : Pu PC Lalduhawma : Pu K Laltlankima Assistant Secretary : Tv. Madawnga Hauhnar : Nl. Blessy Sailo Assistant Treasurer : Nl. Thaarie Hnamte : Tv. Joar PanzelaCultural Secretary : Tv. Obeda Lalhuliana

Vol XII Issue No. 28

Bangalore Mizo Association Pathianni Tin Chhuak Chanchinbu

Editorial: Vawikhat chu magazine pakhatah hian Taj Mahal hi eng vanga lar bik em em nge a nih, a aia in lian leh ropui India ramah ngei pawh hian a tam a, Victoria Memorial Kolkata a mi te pawh hi marble a siam ve tho mawi leh ropui tak a ni si a tih zawhna hi editor khan a chhang tha hlein ka hria. Editor chuan Taj Mahal aia ropui sawi tur kan ramah ngei pawh a tam. Amaherawhchu Taj hi chu hmangaihnaa sak a ni a chu chuan eng dang zawng aiin a tiropuiin a ti lar bik a ni a ti a. Hmangaihnaa thil in tih sak chu thil ho te a lang pawh hi a hlu bik hle a ni. Chaw pawh nu fah nge nge chu naute paw’n a ngeih bik an ti thin. Hmangaihnaa thil in tih sak chuan engmah a phut let lova, duhsaknain a deng zui a. A dawngtu khan a tirah hrethiam pha lo mah se hriatthiam hun a nei tho tho. A petuin lungawi takin a pe a, a dawngtu tan malsawmna a lo ni bawk a ni. Join Oriflame for just Rs. 299/- and get Giordani Gold Lipstick FREE worth Rs. 379/- + Products worth Rs. 1750/-. Offer valid from July 1 to 29, 2007. Contact: Pi Laltanpuii (LT-i) Oriflame Independent Director Kamanahalli Phone no: 9980166671

Date: 15th July 2007

HOSPITAL TUKVERH - Thara Tlau Damlo serious tak pahnih hi hospital pindan khatah an awm tlang a. Damlo pakhat chu a chuap atanga tui siak chhuah nan nikhat ah darkar khat thut an phal a. A khum chu chumi pindana tukverh awm chhun sirah a ni a. Damlo dang leh chu nilengin a mu thin a. An pahnih chuan hun rei tak an titi dun thin a; an nupui te, and chhunkua te, an in te, an hna te leh sipaia an tan lai te chu an titi tui ber thin a ni a. Tlai tinin tukverh bula mu zawk chu a thut hun a lo thlen chuan pawna a thil hmuh te chu a thu ve theilo zawka hnenah chuan a hrilh chhawng thin a. Chu hun chu a thu chhuak ve theilo atan chuan a hun nghahhlehawm ber leh hun mawi ber a ni thin a, pawn lama a thlarau a chentir ve theihna hun a ni. Chu tukverh atang chuan dil mawi tak mai a chhunga varak leh vatawk infiamlai te, naupang lawnglenga an chuanglai te a hmuh theih a. A kamsira mi inhmangaih taka indarkuaha leng dun lai te chu chiang takin a hmuh theih bawk a. Tin, thingkung upa buk tha tak te leh khawpuia in sang tak tak te chu a lang mawi hle bawk a ni. Chutia a thil hmuh mawi tak tak te a sawi lai chuan a mu zawka chuan maimit chhingin chung thil mawi tak tak te chu a lo suangtuah thin a. Tlai khat phei chu mi thiam tak leh mawi taka parade lai a hmuh thu a hrilh a. A thiana chuan band ri chu hre lo mah se, a suangtuahna atang chuan a hmu ve vek a, a lung a ti leng em em mai a ni. Chutichuan ni leh kar a lo liam a. Tukkhat chu nurse hi dan pangaiin anmahni bual turin tui lum nen a rawn lut a. Tukverh bula mu zawk chu hlim hmel pu tak chung hian a lo thi khawng der tawh mai a. Chumi hnu ah chuan tukverh bul loa mu zawk chuan tukverh bula insawn phei chu nurse chu a dil a. Nurse pawh chuan a lo phalsak mai a. Chutichuan, thei leh theilo chung chuan harsa leh na ti tak chung chuan tukverha thil lo lang te chu hmuh tumin a kiuvin a han indo kang a, a thiana thil hrilhchhawn thin te chu hlim taka a mit ngeia hmuh ve tum chuan. Mahse, engmah reng hmuh tur a lo awm lo; bang chauh hi hmuh tur a lo awm a. Tichuan chu pa chuan nurse chu engtia a thianpa chuan thil mawi tak tak hmu anga lo insawi thin nge ni ang tiin a’n zawt a. Chu nurse chuan i thianpa kha mitdel a ni a mah se i nun tihlim tur leh beiseina thar pe tur che in khang thu kha a hrilh thin che a nih kha a ti ta a. Midangte nuna beiseina petu nge kan nih beidawnna thlentu tih kan inngaihtuah fo a pawimawh hle.

An tia lawm… :-) ** Chhas ka neihna a rei ve tawh teh reng nen Bangalore-ah hian Wilson Garden ho chauh hian an la hria ni tur a ni – Joar-a (….. a lo nih tak chu, i lo inzep thei em alawm le….) ** Kei chu ka tih theih loh ber chu Vellore-a lum ti lutuka kan tal buan buan laia vai ho lum tih hmel pawh pu miah lova kamis ban tlawn nena an leng heu heu saw a ni - Dara of Koramangala (Hman zan Vellore-a i lum ti lutuk thli in au chiam kha chu a ropui hem hem reng a ni…) ** ORKUT hi han keu han keu ula, nula hmel tha vanglai tak kawr sen ha kha kei ka ni mai – Mami Khawlhring (I Italian hming kha chu kan tarlang lo phawt a niang chu tirawh??) ** A va rawn chhuk har tawh em… ka KR Puram-i kha – Ruatfela of Shanthinagar (Lunglen tih hla kha a lo mawi thei ngai dawn hle mai tirawh…)