BMA AW
An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 22 Bangalore Mizo Association Pathianni Tin Chhuak Chanchinbu Date: 1st June 2008 Phek Khatna
BMA Sumtuakna Ball Pen, Rs 10/- man chauh leh Lucky Ticket Rs. 20/- man chauhte zawrh chhuah mek zel a ni a, member-ten tlawmngai takin i lei zel ang u khai. Lucky ticket phei hi chu nakum BMA Silver Jubilee kan lawmna atana sum tuakna a ni a, thahnem i ngai ang u khai. % BMMP-te chuan an member naute nei tharte – Pi Liza w/o Pu Zohmingliana Hualngo, Pi Zonuni w/o Pu Ramdinsanga Saiawi, Pi Jenny w/o Pu PC Lalduhawma te hnenah lawmpui nan Mizo naupuakpuan an pe. % Nimin khan Mizo Students Association te pawhin committee an nei a, hmalakna tur te an ngaituahho rualin, Bangalore a lehkha zir tur mi 20 zet an buaipui tawh leh mi 10 vel buaipui tur an la neih chu lawmawm an tih thu te an sawi a ni. % Kan member, Nl. Debbie Lalnunhlui pawh Aizawla Missionary Retreat neia hun a han hman hnuin tluang takin a rawn kir leh ta e. % Vawiin lam atang hian Naupang Sunday School pawh tan a ni leh ta.
Bangalore Times (Times Of India) Thu Chhuah Chungchang May 24, 2008 Inrinni a chhuak, Bangalore Times-a Piali Dasgupta-in kan President leh General Secretary a kawm chungchang a rawn ziahah khan, phone hmanga inbiakna a nih avangin thil tam tak a ngaih pawlh avangin thuziah sual a awm nual a. Kha kha keimahni lam atanga sawi sual nilovin, amah Piali Dasguptai'n a hriatsual leh ngaihpawlh vang a ni. Wesley Church chu BMA hman ang deuhin a rawn thai lang a; tin, BMA pawh nikum May thla a in Registered ang chauhin a rawn ziak a, BMA Day kan hman pawh January ni 4 a rawn tih kha a mahin a ngaihpawlh vang a ni a, khatianga thil sawi lo anga a rawn tarlang kha a zia lo hle a, pawi kan ti hle a ni. ….
Bangalore a rawn awm tharte tana hriatturte By Bangalore Mizo Association
Admission i lak hma in ahnuai a mite hi institute brochure, Internet leh a kal tawhte atangin chian hmasa phawt rawh. Zirna tur institution chu sawrkar/industry recognize a ni em? Zir tum course chu sawrkar/industry recognize a ni em? Zir hun chhung enge? Zirna a senso tul Hostel/Accomodation remchang a awm em? Member-Te, Zirlai Nu Leh Pate, Khualzinte Tana Hriattur Pawimawh: BMA Executive Committee chuan BMA member-te, a bik takin zirlaite leh zirna zawnga lokal te, Bangalore-a lo zin te, a hnuaia thupawimawhte hi ngun taka chhiar a, zawm a, tihlawhtling turin a beisei a ni. ZIRLAITE TAN:
a)
% Tunlai hian kan member tam tak, a bikin Bangalore University hnuaia zirlaite an exam mek a, duhsakna sang ber kan hlan a. Tin, member dangte pawhin kan tawngtainaah te heng kan thiante exam mek hi i hre fo ang u.
b)
BMCF Inkhawm Programme 8 June, 2008
c)
(Inkhawm hun 3:00pm)
Hruaitu: Pu Levis K. Lalsiamliana Tantu : Nl. R. Lalbiaknungi Thawhlawm hlantu: Pi Lalpianmawii Special No. : Tv. Samuel-a Varte Thusawitu: Pu P.S. Chhuasa
Admission Chungchang: Zirlai admission zawng apiangte mahni inbuaipui thei tura beisei an ni. Loh theih loh thila midang kan tibuai a nih chuan admission buaipuitute ei leh in, veivahna senso te, form leh thildang man te kan tumsak ngei tur a ni. Hostel/School/College/Institution dan chungchang: Zirlaite’n kan awmna Hostel/School/College/Institution dan leh inkaihhruaina te ngun taka zir a, hriat a awm ngei tur a ni. Harsatna chungchangah te,chhuahvah chungchangah te thuneitute hriattir a, an phalna leh an thurawn ngaihchan hmasak a tha hle. Guardianship chungchang: Guardian-a kan hman tur te remtihna lak hmasak a inbiakfel hmasak ni thin se a tha hle ang. Guardian te leh Hostel Warden-te remtihna la hmasa lovin tumah riah chhuah tur a ni lo. Hostel-a awm ten chawlh hlek apianga riah chhuah leh in hruaichhuah beisei lo se, guardiante tibuai lutuk lo zawnga awm thiam a tha. Single students inluah leh Hostel a awmte hi zirlai ve bawk an avangin guardian-ah hman loh ni se.
Vol XIII Issue No. 22
Bangalore Mizo Association
Editor Lalengzuala Ph- 9986 25 85 17 Joint Editor C. Lalrinfela Ph- 9844 783 282 Circulation Staffs: Ruby Lalremruati R. Laltleipuii
E-mail:
[email protected] Website: www.bangaloremizo.info A man (thla thum) : Rs. 60/Editorial A hre tawhte zawh Mahni thil hriat loh zawh hi kan hre tlang thin khawp mai a! Zawt ngai miah lo pawh hi kan awm nawk mai thei a ni. Thil chin chhunzawm vak chi loh, thansan kan ngaih tak thil pakhat zawng a ni ngei e. Mizote zingah hian thil chin than tak a ni a. Hriatzauna tur atana mi dang a hre tawhte han zawh mai te hi kan hreh ru tlat a. Chu ai chuan hre lova awm mai te pawh hi kan thlang zawk fo. Kan hnam zia hi mi tihdan entawn tel tel a, thil thar hmuhchhuah em em tum kan nih loh avang hian thil zawh hi kan taihmak a tul. A chhan chu chin dan than hi kawng hrang hrangah hian kan neih fo thin avangin. Academic Session tharte a rawn in tan chho leh tawh a. Bangalore-ah pawh zirlai tam tak leh hna zawng tur tam takte kan rawn kal thla leh mek a. Hetiang hun a nih avang hian member tharte pawhin member senior tawh zawkte hi chinchang leh kan chheh vel boruak te zawtin, a khaw chanchin te, a khaw mize hre turtein mi dangte zawt thin ila. Heng thil te hi thil ho te te anga lang, hriat loh erawh chuan thil pawi tham ang reng tak pawh tawh phah theihna te a ni fo avangin mahni inbengvar a tha hle a ni. A chung lama tarlan ang khian a hre tawhte zawh hi tihmakmawhah ngai ila, chumi hre chung chuan an aia tha zawk leh fing zawk pawhin kan ngaihtuahna te hi seng ila, midangte pawhin an hlawkpui ve ngei ang.
Pathianni Tin Chhuak Chanchinbu
Date: 1st June 2008
Phek Hnihna
d) Zirlai inluah a awm te chungchang: Zirlai mahni emaw thiante nen emaw PG-a awm emaw te kan khawsak danah fimkhur takin awm tum ila, midang thenawmte nin khawpin emaw hriatthiam loh zawngin kan awm tur a ni lo va. Mi ramah hnam dang kara awm kan nih i hre reng fo ang u. Zirlai inluah a awm te hi riah chilh, thlenchilh loh a tha ber. Harsatna tam tak, zirna-ah te, mess-ah te, institute-ah te i thlen sak a ni tih hriat a tha hle. e) Nunphung leh Incheina Chungchang: Zirlaiten Bangalore-a kan awm chhan hrerengin, kan zirlai kan ngaihpawimawh hmasaber tur a ni. “A zirlai aia thildang ngaipawimawh mi chu a inchhir thin”. Hnamdang kawm leh biak chungchangah ’Polite’ takin chet tum ila, mahni leh kan hnam timualpho thei zawng a chet loh i tum ang u. Zirlai tibahlah thei chi Club, Party, Pub/Bar, chat etc. ah te insum a tha. Hetiang lamah hian Zirlaite hmel a lang tam leh tan niin a lang a, i fimkhur ang u. Chatting-te pawh awm tawk neih a tul, darkar tam tak khawhral hi changkanna ani lo tih hriat a tha hle. Incheina chungchangah zirlai te incheina awm tawkin i inchei ang u. Hostel-a awm ten hostel warden phalna la hmasa lovin mikhual thlen loh tur a ni. Kan unau ngeite pawh nisela, Mipa leh Hmeichhia inthlen pawlh loh tur a ni. Mizo hminga thil tihhona-a kan telna tur chi ah chuan tel ve zel tum ila. Tlawmngaih a hunah tlawmngaihna dik a tlawmngaiin Mizo nun i chawi kang zel ang u. Zirlai Nu Leh Pa leh khualzinte tan: i. Zirlai nu leh pa ten kan fate kan ngaihsak tha hle in a lang a, a lawmawm hle. An nungchang a chhia leh a tha zawng zawngte dawng thei tura inhawn a tha khawp mai. Kan fate tan Guardian kan ruat a nih chuan discipline chungchangah te, pocket money leh thildang dangah guardian-te kut a kan dah chin thliar fel a tha khawp mai. ii. Chhung leh khat, thian thate, tu leh fate kan induhsak a, thil lawmawmtak a ni. Mahse, mi tlawmngai turin kan beisei a thil fun te tak te thawn kan tum a ni thei mahse a kengtu tan chuan bag dang ken belh hial a ngaih phah fova, thlawhtheihna-ah te, rel-ah te bungraw ‘excess fee’ tam tham tak chawi a ngai fo mai a. Hei hi thil tha lo tak a ni. Dak-ah te, courier-ah te thil thawnna tha tak tak a awm a, heng hi hman tangkai thiam ni se. Mimal zin veivak te, zirlai etc te thil thawn te hi a chin tawk hriat a hun ta hle. Midang tlawmngai tura beisei lovin, mahni tlawmngaiin midang harsatna siam i pumpelh ang u. iii. Bangalore a zin tur reng reng te’n, chamchhunga sum leh pai mamawh zat tur chhut lawk a kan tlin leh tlin lohte ngaihtuah lawk a tha khawp mai. Mahni intodelh a tha a loh theih loh thilah chhungkuaah thlen kan tum a nih chuan a hmaa inbiak lawk a tha. Bangalore thlen hnua thlenin zawn chawp a, rei tak tak inthlen chilh hi chin loh tur a ni. Mimal kan thleng a nih chuan, zankhat/nikhat-ah Rs. 100/- tal ’mess fee’ pek ve thin tur a ni. Institution in thlenman a siam chuan chu pawh chu pek tur a ni. Mizo nun mawi taka kan chawi nun zel theih nan a BMA buatsaih a ni e. Mi tute pawh, Bangalore-a awm chhunga harsatna in tawk a nih chuan BMA hi nangmahni tanpui turin a inpeihreng a ni.
Vol XIII Issue No. 22
Bangalore Mizo Association
Bangalore Chanchin % Vawiin ah boruak alum lai berin 31oC a ni anga, a vawh lai berin 20oC ani dawn ani. Ruah tlem a sur bawk dawn. Kar leh lamah pawh ruah hi a surh deuh zeuh zeuh reng dawn ani. Tunlaiin Bangalore ah ruahtui atla nasa leh ta a, tuiin tur leh ei tur chungchang ah memberte fimkhur lehzual turin kan in ngen ani e. Mizoram Chanchin % Mizoram hmar lam khaw pakhata mipa leh hmeichhe naupang pawngsualtu Naik F Lalthanmawia Mizoram Armed Police-a thawk chuan a pawngsualte chu cheng nuai khatin ngaihdam a dil. "Cheng nuai khatin ngaihdam an lo dil a; mahse, an chhungkua chuan ngaihdam loh an duh rih," tiin naupang pahnihte buaipuia damdawi ina hruaitu social worker Vanlalzawnpuii Colney chuan The Aizawl Post a hrilh. Naupang pahnihte hi Aizawl veng pakhata an chhungte belin damdawia enkawl mek an ni a, a lo buaipuitu social worker hian an inenkawlna senso tur kawng hrang hrangin a dapsak mek a, naupang pahnih lo lainattute'n inenkawlna man leh an kal velna senso an tumsak bakah Mizoram State Social Welfare Board Chairman's Relief Fund-ah Rs 500 a dilsak mek a ni. Social worker chuan, "Chhungkaw harsa ve tak an ni tih zep thu a awm lo," tiin naupang pahnihte chungchang hi a sawi a, hetih rual hian pawi khawihtu lamin ngaihdam an dilna chu pawm lo se a duh zawk mah thu a sawi bawk. Anmahni lainattute tanpuinaa an inenkawl theih tho chuan khatianga pawi rapthlak khawihtu ngaihdam chu midangte tan pawh him lova a hriat thu a sawi a ni. Hetih lai hian naupang pahnihte chuan hma an sawn thei vak lo niin social worker chuan a sawi a, Thawhlehni khan damdawi inah an kal leh a, a enkawl dan pawh an thlak ta niin a sawi. Police-in a khawihchhiat naupangte hi unau an ni a, a upa zawk hmeichhe naupang hi kum 12mi niin a naupang zawk mipa hi kum 8-mi a ni. Naupangte hian
Pathianni Tin Chhuak Chanchinbu
mipathmeichhiatna atanga kaichhawn theih natna STD an kai ve ve a, Aizawl Civil Hospital doctor te'n an enkawl mek a ni.ZAWLBUK.NET % Mizoram Science & Technology Expo - 2008 Quiz chu zawh fel a ni a, High School section-ah Greenland Higher Secondary School pakhatna an ni a, Higher Secondary section-ah chuan Synod Higher Secondary School pakhatna an ni. Greenland Higher Secondary School atang hian Joseph Lalruatkima leh Esther Zoramdini te quiz-ah hian an tel a, Synod Higher Secondary School atangin F Remthangpuii leh C Hmangaih Johana te an tel a ni. High school quiz-ah hian Mount Carmel Higher Secondary School chu pahnihna niin Baby Lalrinkimi leh G Gurukrupa te hian school ai an awh a, Govt KM Higher Secondary School chu pathumna niin C Vanlalruati leh Malsawmzela te'n school ai an awh a ni. Higher secondary-ah hian St Paul's higher Secondary School chu pahnihna niin Ruatdiki Hmar leh R Lallawmkima ten school ai an awh a, Dawrpui School of Science & Technology chu pathumna niin Nicky Lalrinawma leh Vanlalhlimpuia ten school ai an awh a ni.ZAWLBUK.NET % May 29th.2008 chhun dar 11:00 khan Gov. Higher Secondary School Lunglei chuan an School din cham kum 60-na Diamond Jubilee chu Saikuti Hall Lungleiah lawmna an nei. He lawmna hun ah hian Lunglei DC Pi M.Zohmingthangi chu khuallian niiin, Jubilee Souvenir a tlangzarh nghal, he hunah hian khuallian chuan, he School a thawk tawh leh tuna thawk mek te bakah, he Schoola zirlai ni mek leh lo ni tawhte Jubilee chibai bukin, Mizorama School te zinga Diamond Jubilee lawmthei pahnihna an nih a vanga lawmpuina a hlan nghal bawk. Khuallian chuan School naupangten result tha tak tak nei thei a zirtirtute an thawhrimna chu fakawm a tih thu sawi. GHSS hi kum 1948 January 19th. khan din tan a lo ni tawh a, Headmaster hmasa ber chu Pu C. Lalchungnunga niin Kum 1996 khan Pawl XI leh XII zirna hawn belh
Date: 1st June 2008
Phek Thumna
niin, Higher Secondary ah hlankai a ni. Higher Secondary a hlankai anih hnu a, Principal hmasa ber chu Pu C. Sangliana a ni. Tuna Principal ni lai mek hi Pu Saitlawma Sailo a ni. He School hi Mizoram pum a, Higher Secondary School upa ber dawttu niin, Chhimbiala High School hmasa ber a ni.ZAWLBUK.NET % ICICI Bank, Aizawl Branch, Zarkawt ami chu Mizoram sorkara Finance Commissioner Pu Malsawma IAS chuan khuallian niin May 26 khan a hawng.ZOTALK.COM % Sahara-a security lama hnathawk C Lallawmzuala (22) s/o C Lalrinsanga, Chawnpui, Aizawl chuan May 23, Zirtawpni tlai dar 3 vel khan Pune leh Mumbai inkar, Amby Valley-a Sahara Complex-ah Hauhuk chal tak atangin nu pakhat a chhanchhuak. Hauhuk-in khawih a tum hmeichhia hi a pasal nena honeymoon hmang niin, Lallawmzuala (LZ-a) enkawl khualbukah an thleng a, tlai lama a inbual laiin Hauhuk hian ventilation atanga room-a lutin a pasal chu beih a tum a, a pasal chu hlau lutuka tlanchhuakin pawnah tanpuitu tur a au ta a ni. Manganga tanpuitu authawm hriain LZa chu room chhungah a tlan lut nghal a, hetih lai hian Hauhuk chuan a zahmawh lo khawih velin hmeichhia chu a lo chhaih a ni. "Hmeichhia chu a lo khawih hman lo a, mahse, hlau lutuk leh khur hlawk hlawkin a lo ding khawng reng niin a (LZa) rawn sawi," tiin Lalrinsanga, LZa pa chuan hemi chungchanga The Aizawl Post zawhna a chhang. Hauhuk hian LZa pawh a bei ve nghal mai niin Lalrinsanga chuan a sawi a, Hauhukin a zuan chu LZa hian a nghawngah lo manin minute 10 vel an inbei a, Hauhuk chu a tihlum thei ta niin a sawi bawk. Thudawnna pakhat chuan Hauhuk hi kg 8.5-a rit niin a sawi a ni. LZa Taekwondo-ah red stripe belt a ni a, Sahara-ah hian security guard turin a training mek a, nakum January thla hian training a zo fel ang.ZAWLBUK.NET
Vol XIII Issue No. 22
Bangalore Mizo Association Pathianni Tin Chhuak Chanchinbu
Khawvel: % Tukin zing khan Philippines ah 6.4 Ritcher Scale a nain lir a nghing a, vanneih tlak takin thi leh hliam tumah an awm report a ni lo.
Date: 1st June 2008 Phek Lina
1926: Actress Marilyn Monroe pianni. 1937: Actor Morgan Freeman pianni. 1973: Super-model lar tak Heidi Klum pianni
% Zirtawpni zan khan London khawthlanglam Carshalton a nupa tuakkhat chu an fate mipa kum 5 mi, hmeichia kum 4 mi leh naute thla 6 mi chu chema vih an nih avangin thu zawhfiah atan an man. Mipa leh hmeichhe naupang hi damdawiin panpui an nih atanga minute 15 velah an thi ve ve a, tunah naute thla 6 mi hi surgery neihpui ani a, a dinhmun ala tha rih ani. Police te chuan he thil titu hi an chhuichhuak tawh niin an sawi a, naupang thitate chhungte dang zawng zawng an hriattir vek hnuah chauh he thil sual titu hi media lamah chuan an hriat tir dawn ani. He mite nupa hi SriLanka a Tamail hnam zing ami niin kum 1 leh a chanve vel liamta khan London ah hian an pemlut a ni. % Actress Sharon Stone chuan tunhnai Cannes Film Festival a China ram chhiat tawh chungchanga a thusawi avangin nimin khan media tamtak hmaah ngaihdam a dil. Stone hian China ram chhiat tawh chhan chu Dalai Lama chunga an thil tihsual vang ani tiin Cannes ah hian alo sawi tawh a, hei vang hian Chinese Foreign Ministry pawn Stone hi a khak let ve ani. Dior Company chuan hethil vang hian Stone hi China rama an advertisement list atangin an ban nghal bawk ani. % Barack Obama, US Presidential election atan candidate tura hmala mek chuan kum 20 chuang alo inkhawmna tawhna thin Chicago biakin atangin a inhnuk dawk. He biakin a Senior Pastor nilai Jeremiah Wright thusawi avanga he thuthlukna hi siam ani tih Obama chuan a sawi. Jeremiah Wright hi a nupui nena inneih tirtu leh a fanu lo baptist saktu anih avanga a zah hle thu leh chibing-inthliarna(racism) chungchanga a thusawi chu pawi a tihthu Obama hian media hmaah a sawi chhuak ani. On this day: 1792: Kentucky chu America State 15-na atan hlankai ani. 1796: Tennessee chu America State 16-na atan hlankai ani.
1974: Zaithiam Alanis Morissette pianni. 1968: Khawvel mi entawn tlak Mitdel-bengchhet ni bawk Helen Keller thihni. Infiamna: % Mizoram Women's Hockey Association huaihawtin May ni 20-23 chhung khan SAI Hockey Training Centre, Thenzawlah Umpiring Clinic neih a ni a, hetah hian mipa 8 leh hmeichhia 16 ten an pass chhuak. Passed chhuak tate hnenah hian working President Zothankimi chuan certificate a hlan a ni. % Inrinni May 31 a Central YMA Football Tournament “Laldenga Memorial Trophy” Final ah Ramhlun South YMA in Republic Veng YMA chu 2-1 a hnehin Champion no mawi an chawi ani. % Zirtawpni khan Sydney a FIFA committee neih ah chuan Football club pakhat ina an player neihdan tur chungchang ruahmanna thar siam ani a, he ruahmanna a alan dan chuan Football club reng reng in mahni ram player 6 leh foreign player 5 an kawl reng tur ani tih ani. He ruahmanna hi committee member-te vote laka pass ani a, voter 155 in tha an ti a 40 chauhin tha an tilo ani. % Kum 33 a upa David Beckham chu zanin a Trinidad & Tobago nena Friendly match an khelh turah a vawi 59-na atan England Captain arm-ban a hreng dawn a. He friendly match hi Beckham hian ram tana a vawi 101 khelh natur ani nghe nghe. David Beckham hi tunhnai a report ah Footballer te zinga sum lalut hnem ber ani bawk.
PG ACCOMODATION AVAILABLE PG Accomodation available in Lingarajapuram, Bangalore-84 with good facility and food. Contact: PC-a Phone: +91 99804 74918 Rocky: +91 98861 23354
1910: Robert Falcon Scott chuan South-Pole fang tura England a chhuahsan ni. 1935: Khawvela Driving Test hmasa ber chu UK ah neih ani. 1907: Jet Engine hmuchhuaktu Frank Whittle pianni.
Verse of the Day: Bawih ni lo turin Krista chuan min chhuahtir kha, chutichuan ding nghet ula, bawih nghawngkawl ah chuan tang leh tawh suh u. Galatia 5:1
BMA Office Bearers 2008-2009: President : Rev PC Lalduhawma Vice President : Pu Josiah L Ralte General Secretary : Mâdawnga Hauhnâr Asst.Gen. Secretary : Lalengzuala Treasurer : Rebecca Lalmalsawmi Assistant Treasurer : Blessy Sailo Secretary i/c Sports : R. Lalremruata Secretary i/c Cultural: Terence Lalthlamuana Secretary i/c Academic & Human Resources : Lalrothara Tlau