Bma Aw: 1st March 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 9

Bangalore Mizo Association Pathianni Tin Chhuak Chanchinbu

CHATUAN - Zaithanmawii Zan dar 8 chiah ani a, ka mobile ah chuan massage a lo thleng a, phur taka ka han en chuan “tun maiah khan I thiannu a boral” tih a lo ni a, ka riluah chuan ka thiannu chu he khawvelah vawikhat mah lo kir leh tawh lo turin a chatuan hmun a pan ta tih a lo lang nghal a!! a hrihhai thlak hle in ka hria. Vawikhat chauh tal lo kir lehin, he khawvelah hian han in hmu leh ila chuan sawi tur a va ngah dawn em!! Mahse, engtikah mah, chatuanin a lo kir leh tawh dawn lo. A ralta!! A tawp ta der mai!!! A damlaia a hlut teh lul nen. Tunah chuan a bula awm hreawm khawpin a rimchhe thuai dawn a, a dam laia a bula awm te a nawm vei nen. Minute reilo te chhungin thil hi a va inthlak danglam thei ve le!! Hun a lo kal ang a, kei, a thiantha in ti pawh hian hriatreng ka tum pawh a ka lo theihnghilh ni a lo her chhuak ang a, ka duh vang reng pawh niloin, mihring nihphungah ka hriatreng loh hun a lo la thleng thuai dawn ani. Thuhriltu-9:5 “Mitthi erawh chuan engmah an hre lova, lawman an nei tawh ngai lova, hriatreng pawh an hlawh tawh hek lo. An hmangaihna te, an huatna te, an itsikna te a boral daih tawh a ni. Ni hnuaiah hian chanvo reng an nei tawh ngai hek lo”, a lo ti reng ni. Kan rim te a tui a, kan nalh a, kan hmelte a that vei nen leee!! Kan tha te a zat a, kan hlim ni leh lawm nia a nawm thin vei nen. Mithi kan han nih meuha kan chan hian lung a va ti awilo ngai ve lee!!! Taksa thihna mah chutikauva a beidawnthlak chuan, I thlarau chatuana thihnaah aluh leh zel phei chuan awww!!! Taksa thihna hian thlarau thihna hi a nemnghet si a. Nang leh kei pawh hi engtikah emaw chuan, he kan lei taksa hi kan la chhuahsan ve ang a, kan duhlo chung chung THIHNA KUT VAWTIN min man ve hunah chuan, kan inpeih emaw inpeih lo emaw chatuana kir leh ngai tawh lo turin kan thlarau in kan lei taksa chhuahsanin a chatuan hmunah a kal dawn ani. Chatuana I thlarau a kalna hmun tur chu khawi zawk nge ni ang le?? Kan duhtakte, kan hmangaih ngawih ngawih te, kan la mamawh ngawih ngawh te’n min kalsan a, min la kalsan zel ang a, keini pawh kan la kal ang. Tu hmangaih kal tawh te nge lo kir leh ngai le!!? Chatuan chawlhna a lut tawh, khawvela lo let leh hi an va vang ve le!!! Kan ngaih tehlul hlawm nen. II Samuel-12:13 ah chuan Lal Davida’n a fapa thi ta chungchang a sawi a, “A hnenah keimah hi ka la kal anga, nimmahsela a ni zawng ka hnenah a lo kir leh tawh lovang”, a ti. Kan chhung te, kan hmagaih te, kan duhlai kan then tak zawng zawng te kha engtikah mah an lo kir tawh ngai dawn lo a, vawiin a la dam zawng zawng(nang leh kei tiamin)te pawh hi engtikah mah kir leh tawh lo turin kan chatuan hmun hi kan la pan theuh dawn ani. Setana thlirna lam atang chuan a rapthlak ngawt mai. A thawpik thlak ani!! Hei aia rapthlak hi a awm thei ngang lo! Bible thianghlimah chuan, mihring dam chen chu kum 70, chakna avang kum 80 ni mai theiin a sawi a, chakna avangin kum 80 kan dam theih lai hian kan thlarau erawh chu chatuanin khawi zawkah emaw a kal ang. I lei taksa a thih chiahin I thlarau in chatuan atan nun bul a tan ve thung ang. I lei taksa

Date: 1st March 2009

in he khawvel a chhuahsan hun I thlarau tana bul intan hunah chuan, hunbi an chhiar tawh lo ang a, kum in awmzia a nei tawh hek lo ang. Thil zawng zawng an tawp ang a, thil pakhat awm reng tur awmchhun chu “CHATUAN” ani tawh ang. Nang leh keia chatuan hmun tur chu khawi nge ni ang le!! Tichuan, I thian, I hmangaih, I chhungte an thih ni a, rilru thlamuang lo leh hlauthawng, thi ve ila vanramah ka kal ang em tih I ngaihtuah ni a hlauthawng ru lo awm kha Pathian Thlarau Thianghlim hnathawh a ni tih lo hria la, hlau chung chunga ngaihtuah duhlo leh ngaihtuah ngamloh tirtu che kha(I pianthar hlauh ngawih ngawihtu) Hmelma Setana a ni tih lo hre bawk ang che. Pathianin kan hmangaih te thihna hmangin kan nun enfiah a, chingfel turin chance min pe thin. Kan chatuan hmun tur hi thih hnuah thlan chi anilo a, I damlai, I thatlai, I vanglai khan ani I thlanfel angaih ni. Thlanfelna hun vawin thlenga peka I awm kha I fel vang a nilo a. I that vang a ni hek lo. Pathian khawngaihna vang ani si a!! Khawvelah hian midang anglo takin kum 300 pawh lo dam teh reng mahla, kum 300 bak zawng chu CHATUAN a nih tho tho a vangin Matthaia-6:19&20 ah chuan, Leiah, tihchhiat theihna hmunah ro te khawlkhawm lo va, engmahin a tih chhiat theih lohna vanah ro khawlkhawm turin min hrilh lawm lawm ani. Zu leh sa, nulat tlangval nawmchenna, ruihhlo, sum leh pai, hurna, duhamna chi hrang hrang hmanga setana’n mi tam tak a bum hlum mek lai hian, nang leh kei chu Setana bumin I awm ve duh hauh lo ang aww. Pathian Thlarau Thianghlim hmingin setana chu lo bum let la, lo phuar let hlauh ang che. Kir leh ngai tawh lo tura I chatuan chawlhna chu I thlarua petu che Lalpa hnen lo ni sela, Nitin taksa thianghlimna kawnga I ke pen tur setana’n a lo tibuai che anih pawhin, I hmelma pa cheh hlumna tur hreipui KRISTA chu I thlarau ah Lalpan a dah sak che kha, lo hmang hmiah hmiah rawh. Nitin hmuh theih sualte i kalsan zel theih nan THO LA TAWNGTAI RAWH LE!! Lalpa i hnenah a awm. (Nl.Zaithanmawii (Azaii) hi Bangalore-a hun rei tak atanga lo awm tawh niin tunah hian CV Raman Nagar, Bangalore ah an chhungkuain an cheng mek, Pathian thlarau thianghlim pawlna nasa tak dawngin, tawngataipui duh apiang tan engtiklai pawhin Phone : 9620122898 ah biakpawh theih ani. Thuziak tha tak a rawn thawh avangin kan lawm takzet a, Pathianin a ropuina puanchhuahnan a hman zel nan BMA Editorial Board chuan a duhsakna a hlan e.) BMA Parting Social & Election 2009 A Hun : March 7 2009, Dar 3:00 PM. A Hmun: Goodwill Girls’ High School (Biakin Bul) Frazer Town. Programme Hlimawm leh Nuam Tak Hman A Ni Dawn. Refreshment Tui Tak a awm bawk ang. Mi zawng zawng kal vek turin sawm kan ni e.

Vol XIV Issue No. 9

Bangalore Mizo Association Pathianni Tin Chhuak Chanchinbu

Editorial Tun tum BMA AW chu hei phek ruk lai mai kan han ti chhuak a, a lawmawm ka ti hle mai. Chhiartute hnen atangin thu chhuah tur tha tak tak kan dawng nasa a, kan Silver Jubilee lawm tur nen, kan phur tlang hle tih a hriat a, karleh maia Parting social & Election kan neih tur boruak in mung chho nen, chhuah tur kan ngah deuh avangin phek hnih kan han belh ani.Article pawh pahnih lai mai kan dawng a, a ropui hle mai. Chhiartute nen thawhhona tha tak kan han nei thei hi ka lawm takzet ani. Lawmna tur hi a chhut peih apiangin an nei tam ni awm ani. Kalkawnga han kal ringawt te pawh hian han ngaihtuah chiang ila, Pathian thilsiam mawi tak tak leh ropui tak tak te hi ‘chik’ taka kan thlir thin chuan Siamtu ropuizia kan hmu zual zel ang. Tunlaiin Bangalore khawpui ah han hawi vel ila, pangpar par vul lai hun ani a, kan kalkawngte hi a mawi em em mai, thenkhat chuan in lo hmu ve ngei tawh ang, thingkung lian tak tak mai, par eng a par vul chuk mai te hi, ka han thlir apiang hian lawmna / hlimna engemaw riau hi chhungril ah hian ka nei tlat mai thin. Hlimna leh lawmna te hi pawn lam ah hian zawn fo a awl a, mahse hlimna tak tak lo chhuahna erawh chu chhungril, kan thinlung chhungril atang hian a ni tlat mai hi Pathianin duhtaka a siam – ‘mihring’” kan ropuina a ni.Awle, hei March thla kan lo kai leh ta reng mai a, BMA AW chu tling lo takin kan han chhuah ve zel chu ani a, chhiatute’n kan tlin tawk lohna leh tihsual / chhutsual tam tak kan neihna ah te min hriatthiam kan ngen tak meuh meuh.Hmasawnna tura thurawn pe duh tan engtik lai pawn welcome reng in ni e. Chhiartute hi BMA AW hlawhtlinna bul a ni tih hi thiehnghilh lo ula, thanhnemngai lehzualin thuchhuah tur te i thawhkhawm zel ang u!

atangin kan chhuan, Pu Zohmingliana a tel dawn bawk. Kar leh ah an chanchin tawi kan la rawn tarlang ang. Seminar changkang, powerpoint presentation nena mithiam han che vel chu thalaite tan thil hmuh manhla tak a ni ang. Nakin lawka chutiang huaihawt tura mawhphurhna la chang mai turte tan inzirna leh intuaihriamna tha a ni dawn. Tin, nu leh pate tan pawh he Seminar thupui hi chhut fe leh zir tham a ni dawn. Che changkang riau ang aw le…. BMA SILVER JUBILEE CELEBRATIONS BMA Silver Jubilee Zaipawl ropui tak neih a ni dawn a, Zaipawl hla sak tur te hi kan member Tv.Vanneihtluanga leh Nl.Lalmuansangi te phuah ani. A thluk pawh peihfel ani tawh a.Member te pawh an phur tawh hle.BMA Zaipawl member List kan han tarlang e. Suprano:

Debbie Lalnunhluii BC.Lalremmawii Chuauzikpuii Lalmuansangi Hnamte Zorinmawii Bethseba Zochungnungi Blondie Pachuau C.Lalmawipuii Marian Lalchhandami

Contralto:

Laltanpuii Hnamte Lalnunmawii Margaret L.Fanai AC.Carolyne Florence VL.Nghakhleli Vanlalmuanawmi Mary Bawitlung Mami Bawitlung

Tenor:

Samuel Varte Francis Lallawmawma David Lalramliana

Bass:

Amos Lalremtluanga R.Lalremruata Vanneihtluanga Lalremsiama Michael Lalrinchhana R.Lalhlimpuia Laldinmawia Hnamte Joseph Lalnuntluanga David Laldanfela Isaac Lallunghnema Emmanuel Lawmkima

Musicians:

Francis Malsawmkima Zodinsanga Pachuau

Conductors:

Madawnga Hauhnar Levis Lalsiamliana

Director:

Nl.Vanlalchhuani

BMA SILVER JUBILEE SPECIAL: SEMINAR ROPUI BMA Silver Jubilee Celebrations Committee lo ruahman lawk angin April ni 4, 2009 hian BMA huaihawt SEMINAR changkang tak nei turin buatsaihna a famkim dawn hnai ta. He Seminar neihna hmun tur hi UTC a ni dawn a, pan khawm pawh harsa lo tura ngaih a ni. Lunch tui tak kan kil hnuah kan chawl muang lovin kan tan nghal dawn a ni. BMA Secretary hmasa ber, Pu Lalrochuanga Pachuau, MBA chuan Keynote address a neih zawh ah Seminar thupui hi khel tan tur a ni. Seminar thupui hi a bawn khawp mai a. ZOFATE ( MIZORAM STATE AMITE ) HMASAWNNA PENG HRANG THLIR KUALNA LEH HMASAWNNA HRULA DALTU LEH KAL SUALTIR THEITU BIH CHIANNA.[Glimpses of progress of Mizos (in Mizoram) in different fields/segments and critical analaysis of their strength, weakness, opportunities and threat in their quest for further progress] tih a ni. Zofaten hma kan sawn ve tawh tiin kan chhuang viau thin a, engtianga hmasawn tak tak nge kan nih chiah tih hi kan chhut ngai em? College leh University zirlaite hian hetiang lam hawi hian ngaihtuahna in hmang tawh ngai em? Resource Persons mi pathum turu zet maiten uluk taka material an khawn khawmte chu kan bengvar nan an phawrh dawn a nih chu. Tv. Malsawmdawngliana leh Tv. H. Vanlalhruaia te Hyderabad atangin an lo kal vang vang dawn a, anni hi Ph.D bei lai, Seminar atan University leh Institution hrang hranga an sawm fote an ni. Tin, Bangalore

Date: 1st March 2009

Tunkar Changvawn: Lalpa chu mi vengtu a ni a; ka tlachham loving. Sam 23:1

Vol XIV Issue No. 9

Bangalore Mizo Association Pathianni Tin Chhuak Chanchinbu

§

Nimin khan BMCF naupangte leh an zirtirtute chu Bannerghatta Zoo ah kal in hun hlimawm tak an va hmang.

§

BMA Patron Dr.H.T Sangliana pawh hun engemaw chen US lam ah a thang hnu in, February 27 khan Aizawl a kal a, chanchinbumite’n kawmna hun an nei ani.

§

Nimin khan Bangalore chhunga School leh College Zirlaite chuan Palace Ground, Vasanthnagar ah AntiTerror Campaign an nei a, zirlai tam tak he hun ah hian an kalkhawm.

TUALCHHUNG NEWS §

§

§

Karnataka Mizo Engineering zirlaite chuan 23rd Feb 2009 , Thawhtanni khan Infiamna kut Pui an hmang. Dr.AIT ,UVCE leh PESIT Mandyah- atangin zirlai 120 vel chu Mandyah khelmual nuam leh zau tha takah an kal khawm a. Zing dar 11:30 khan Pathian hnena inhlanna neih a nih hnuin inelna hrang hrangte tan a ni . Football A - Team inelnaah PESIT Mandyah chu an chak bera Dr.AIT ten an dawt a. B-Team ah Dr.AIT B-Team te chuan chak ber nihna an hauh bawk.Hmeichhe Relay Race-ah UVCE nulate chuan hneh takin chakna an changa Dr.AIT nula ten an dawt a ni.Hmeichhe Penalty Shooting ah PESIT Mandyah nulate an chak ber bawk a ni.He infiamna Kut Pui hi kum dangah pawh hman a lo ni thina, Zirlaite zingah inpumkhatna leh inhmelhriat tawnna tha tak siamtu a ni. 22nd Feb.2009 (sunday) tlai dar 6.30 khan Mizoram state assembly Dy.Speaker Pu.John Rotluangliana chu Bangalore Mizo Association hruaitu ten kawmna an nei a,Hetah hian Bangalore ah Mizoram House emaw khualzin te han innghah na tur eng emaw tal kan mamawh thu thlen a ni a, Pu.John hian BMA te thu thlen hi a ngaipawimawhin a theih ang a hma lak pawh a tiam a ni, hemi bawhzuina tur hian BMA hruaitu te chuan dilna an siam nghal a, beiseina sang tak an nei a ni.Bangalore Mizo hruaitute kalkhawm hian tunlai politics dinhmun leh engtin nge he Congress ministry thar hian Ram hruai a tum tih zawhna te leh NLUP policy kalpui an tum dan leh hmalak an tum dan hrang hrang te zawhna an nei a,a chhan naah chuan dik tak leh Ram hmasawnna tak tak thlentur thil tih an tum thu te, eirukna (coruption) nasa taka an do tur thu te, leh NLUP policy pawh a hlawkpui tur tak tak te chauh pek an tum bak ah, an sumdawnna tur (trade) an thlansak tur thu te uar takin a sawi a, Congress ministry te hi mi tam takin min hmu tuihnai lova, kan Pu ber Chief Minister zahawm tak Pu.Lalthanhawla hi hmana Pu.Hawla kha a ni tawh lo, ram siam hi a tum tak tak a ni tih thu uar takin a sawi.Pu.John hian ram pawna Mizo te chu politics ruihchilh lova, ram hruai tute an kalsual tur Pathian hnenah tih takzeta tawngtaipui a, fuihna thu pawh hrilh fo turin min beisei thu uar takin a sawi bawk a ni. Inrinni, February 28, 2009 khan St. Joseph College chuan North East Fest (Footprints 2.0) an hmang a. Hetah hian Bangalore Mizo Association chuan sum tuak nan Mizo Typical Food an zuar a. Zirlai naupang tam takin tui an ti hle. Food Stall awm zawng zawng zingah an inhralh zo hmasa ber a ni.Mizo Typical Food atan hian 'Vawk lu bawl', 'Sangpiau' leh 'Bai' te a awm a. Chu bakah chuan Egg Tomato Rice te pawh a tel bawk a ni.St. Joseph College Mizo zirlaite pawhin he college fest-ah hian Mizo lam an entir a. Kan zirlaite hi kan chhuang hle ani.

Date: 1st March 2009

MIZORAM NEWS ·

Mizoram Legislative Assembly budget session chu March 17, 2009 atanga thutkhawm tan tura koh a ni dawn a. Session ni hmasaberah Larsap chuan Houseah thu a sawi anga, session neih hun chhung tur leh, hun hman dan tur chu Business Advisory Committee-in a la ngaihtuah ang.

·

Feb. 27, 2009 (Zirtawpni) atanga Pathianni zan thleng awh tur Hmeichhe Khawmpui Lian vawi 43-na chu Vairengte-ah neih ani, khawmpuiah hian Speaker Synod Mission Board secretary Rev Vanlalbela a ni , thupui - ‘Lalpa tih’ tih a ni.

·

Thu leh hla thiam Buangi Sailo (Remsangpuii Nu) chu India rama hmeichhe chawimawina sangber ‘Stree Shakti Puraskar’ (Women Empowerment Award) a dawng dawn a, naktuk Feb. 28 hian Award hi New Delhi-ah hlan a ni ang. He award hi Ministry of Women & Child Development, Govt. of India in a pek tur a ni a, tangka fai cheng nuai thum leh citation a keng tel.

·

Zoram-in Independence a puan champha vawi 42na pualin Feb. 28, 2009 chawhma dar 11:00 khan martar-te thlanmual (Remna Runah) ram tana tawngtaina neih a ni a, mi thahnem tawk tak an kalkhawm.

·

Nimin zing dar 2:00 rik hma hret khan Kulikawn veng hnaih lam,Mission Veng area – Khamphei ah RCC building pathum kangah chhungkaw pasarih te chuan an bungrua chuh mumal hman lovin an In luahlai an chan.Kangmeiin a tihchhiat In neitute hi Chhingliana,Tlangnuam, Laldinga, Mission Veng leh PC Sangneihzuala, Upper Republic te an ni. Kangmei chhuah lai hian gas bur 3 a puak a, meikang an thelhmit tawh nia an hriat hnu hian mei tihmit lohna laia awm gas bur 2 a puak leh, mihring thi leh hliam erawh an awmlo.Kangmei hi ar in atanga chhuak nia hriat ani.

·

Nimin vek dar 11 vel khan J Thankunga Building Hotel Royale, Dawrpui Aizawl Mosque bul, choka atangin kangmei a chhuak a, he kangmei chhuak hi gas leak vanga chhuak ni a hriat a ni, vanneihthlak takin kangmei chhuak hi thelh hman a ni. Kangmei

Vol XIV Issue No. 9

Bangalore Mizo Association Pathianni ] Tin Chhuak Chanchinbu

thelh lama chak taka hmalatute Fire department leh Traffic Police-te an fak awm hle. He kangmei chhuak hi 15 minute chhungin thelh mih hman a ni a. Tunlai hian Aizawl chhung bakah Mizoram hmun hrang hrangah chenna In leh ram kang report a awm deuh reng a, nimin pawh khan Zemabawk ram, Durtlang Women Polytechnic bul ram leh New Caiptal Complex bul ram chu a kang a, thil pawi a khawih hma in Fire & Emergency Service lamin an thelhmit lehnghal a ni. ·

·

Mizo band zinga hlawhtlingber pawla sawi, Great Indian Rock-ah te pawh lo inlan tawh Magdelene te chu hun engemaw chen an inthen hnuah an inzawmkhawm leh ta.Magdelene hi Patea, Steward, Victor leh Chhana (Lito) te chuan an din a, hun engemaw chen an kal ho hnuah Lito hian a bansan a, a aiah hian PB-a chu an la lut a, Victor-a chuan a an band hi a chhuahsan leh a, band thar a din zui bawk. Tunah hian Victor-a chu Magdelene-ah hian a let leh tawh a, hma an la chho mek a, Mizo hla album siam te an tum niin thudawnna chuan a sawi. Mizoram chhunga hmalakna tak tak an neih hma in Mizoram pawn lamah hma lak hmasak an tum niin thudawnna chuan a sawi bawk. Mahse, thil chiang fak erawh sawi tur a awm lo a, an programme tur hi an la confirm lo a ni. (Courtesy Evening Post) Mizorama Ia awm ngai Io, taksa bung hrang hrang enna khawl, Magnetic Resonance Imanging (MRI) chu Rev. Dr. Zairema building ‘Zo Run’ aTrinity Diagnostic Centre-ah bun a ni a; February 23,2009 atang khan he khawl hmang hian damlo en tan an ni. MRI hi Japan-a Hitachi Company siam a ni a, Rs. 1,500,00,000chuang man a ni.MRI hmang hian Dr. Madhu Sarmah Ieh MRI Technician Pu Laldintluanga tan damlo an enfiah thin. (Courtesy Vanglaini)

LAWRKHAWM Ø

Ø

International human rights pawl hrang hrangte chuan Burma sipai roreltuten human rights an bawhchhiat chung-changah hma la turin Association of South East Asian Nations (ASEAN) hruaitu Cha-am-a inhmu-khawmte February 26 khan an ngen.Amnesty International, London behchhan human rights pawl chuan Burma-a human rights palzutna do thei turin ASEAN hruaitute chu tihchak tur an ni, a ti. US state department chuan Nilaini khan khawvel pumah human rights dinhmun annual report a siamah Burma sipai roreltute chu human rights palzut nasa tia sawiin nasa takin a sawisel a ni. (Courtesy Evening Post) Kar hmasa khan, Israel TV channel pakhat chuan kan Lal Isua Krista leh a nu Mari chu fiamthu ah thawh in an deusawh nasa mai a; hei hi duh lovin Kristian te chu hmun hrang hrang ah protest in officially a Kristian te hnen a ngaihdam dil turin hemi thil ti chhuak tu te hi an nawr a ni.An deusawh na ah chuan, Mari pawh kha

Date: 1st March 2009

kum 15 a nihin, a sikul kalpui pakhat in a rai mai mai angah an sawi a. Lal Isua pawh kha naupang te a thih chhan chu, a thau lutuk a tuar lovah te sawiin an nuihsawh hle a ni. Hemi thu ah hian, Israeli Prime Minister Ehud Olmer chuan officially in ngaihdam a dil tawh nangin, tuar har ti khawvel hmun hrang hrang ah an tam hle ni a sawi a ni. Ø

Ø

India ram khawpui Delhi chuan tui hi renchem taka an hmang a nih loh chuan 2015 hian lei hnuai tui lak tur an nei tawh lo mai thei, tiin zirchianna chuan a sawi a, a chawhruala ni khata litre 225 aia tam hmang lo tura an inhrek a ngai a ni, a ti."Kan tui hmanah hian insum a, thiam taka hman a ngai a ni, tunah pawh hian lei hnuai tuitling a tlahniam nasa hle," tiin ASSOCHAM zirchianna chuan a sawi."Water-Myths and Mysteries" tia vuah zirchianna chuan Delhi Jal Board hian ni khatah tui cubic metre mtd. 30 a supply a, hetih lai hian cubic metre maktaduai 17 chauhin mipui a thleng niin a sawi bawk. Kawng laka tui bothlau tam lutuk hi infrastructure that loh vang niin report chuan a sawi. Delhi khawpuiin ni khata tui 4,275 MLD a mamawh laiin supply erawh chu 3,375 MLD chauh a ni. N. Delhiah hian chhungkaw 25% chuan ni khatah dar 2 pawh tling meuh lo tui an dawng a, Delhi Jal Board erawh chuan ni khatah darkar li zel tui pe angin a insawi si niin report chuan a sawi bawk.ASSOCHAM secretary general DS Rawat chuan Delhi-in ni khatah a tui mamawh hi a san em avangin a petu lam hian thawk tha pawh ni se indaih theih a ni lo, tiin a sawi a. Tunah hian tui chhunchhuah maktaduai 3.5 awmin lei hnuaia tui awm hi kam deuh duak duak a. Kumtin lei hnuai tui hi metre 0.5 atanga metre 1.5 inkara thlahniam angin a chawhrual theih niin report chuan a tarlang. (Courtesy Evening Post) India ram tlawha tun hnaia India-a rawn zin Martin Luther King III chuan thalaite chu India tana ro hlu ber an ni, tiin a sawi."Naupang leh thalaite hi India rama resource ropui ber an ni a, tharum thawh loh dan tur zirrtir tur an ni. India ram ka rawn tlawh zawk chhunga naupang ka hmuhte chu vantlang chunglam mi an ni," tiin American Center, Kolkata-a thuthar lakhawmtute a kawmnaah Marin Luther King III chuan a sawi. Martin Luther King III chuan ram hian venhimna thil atana sum a hman ang tho hian vantlang hamthatna tur thilah pawh a hmang tur a ni, a ti bawk.Mahatma Gandhi-a zirtirna leh ngaihdante zir tura a pa Martin Luther Jr-a’n India a rawn tlawh champha vawi 50-na hriatreng nana India-a rawn zin chuan, "Eng ram pawh hi an hmalam hun chu naupang anenkawl dan leh zirtirna tha leh mumal an pek danah a innghat a. Defence leh a kaihhnawih thilah hian budget atangin sum tam tak kan hmang a, vantlang hamthastna lueh hma-sawnna tur atan kanhmang tawk thin lo. Hei hi a intluk tawkin kan hmang tur niah ka ngai," tiin a sawi. "Ka pa ang hian indo hi ka duh lo va, tharum thawh lohna turin kawng a awm tihka ring ngam a ni," a ti.Thuneitute chuan firfiak ho hi an be pawp ngei tur nia a ngaih thu King III chuan a sawi a, huatna chi tuh mai lo va, an ngaihdan te pawh hriat tum tur nia a hriat thu a sawi. (Phek 6-na ah chhunzawm)

Vol XIV Issue No. 9

Bangalore Mizo Association Pathianni Tin Chhuak Chanchinbu

(Lawrkhawm – Phek 4-na Chhunzawmna) Ø

Ø

Lemchanna khawvela lemchanna huanga chawimawina sang ber Academy Awards, Oscar an tih bawk pariat an hawn zet chuan Slumdog Millionaire film sawi-seltute thawm a dai raih mai. He film mai bakah hian Uttar Pradesh naupang nun behchhana siam Smile Pinky chuan Best Documentary Short Subject Awards chu a dawng bawk. Oscar hi May 16, 1929 khan sem tan niin Benhur, Titanic leh The Lord of The Rings te chuan Awards hi sawm pakhat theuh an la a, anni hi la hnem ber te an ni. Slumdog hian Awards pariat a la. India ram thingtlanga cheng maktaduai 230 chuan ei tur tha hmu pha loin khawvela ei tur tha hmu pha lo tam berna a ni. Naupang thi 50% deuhthaw chu ei that loh vanga thi an ni a, puitling (kum 15-49) chu an taksain a nih tur ang ni pha lo cher lutuk, body mass index (BMI)-in 18.5 pha lo an ni.Thingtlanga chengte ei leh bara an dinhmun report hnuhnung ber chuan naupang maktaduai 1.5 chu khawvel puma chaw (food) man pung chho avanga ei tur tha hmu pha lo an ni, tiin United Nations World Food Programme (WFP) chuan a sawi.

kan mamawh aia tam kan ei reng chuan, kal a thawkrim lutuka, a lo chau thei, tichuan kal thalo kan lo nei thin. (Health Ministry Department, First Mizo SDA Church of America)

Enge an sawi ??? q

Bangalore unaute duhsakna sangber ka hlan a che u, kum 2001 khan kan veng Cultural troop hruai in UTC ah kan thleng Mizo thalai te in chung ah ka lawm tak zet ani. Silver jubilee in hman tur ah hlim leh tluangtak in hman ka duh sak a che u - Rama, USA

q

Tun tum ka han haw zet chu kan kohhran an lo hlim bawk a, ka han lam ve lo chauh thin ani. Thlarau lamah hlawkna ka dawng nasa hle – Madawnga Hauhnar

q

Tunlai ah chuan kan hanthawh hun te a in ang lo nuaih tawh a, dar engzat ah nge i thawh thin tih ai hian darkar engzat nge i mut tiin in zawt zawk thin ila – Patea

Kan lo inhriatchian leh zual nan…J Huat awih loh Column!!! Ø

Tun BMA Election chu kan Silver Jubilee kum te ani bawk a, Minu te chawimawina ni pah fawmin minu lam hi President ah thlan ka rilruk riau mai keichu – Tv.Zualtea

Ø

Forever young member ah nimin tlai khan Nl.Azaii chu President ka nihna angin lawm takin ka lawmlut e – Pi.Rinpuii Forever young Motto: 18 till I die

Ø

Chu chu eng pawl nge, ka beng a verh riau mai – Pu Nunmawia UTC.

Ø

Ka lenna ka sawn hnai leh tawh e – Tv.Francis (Leng hla thin em em…)

Ø

Seniority hian BMA OB te hi in thlang thin ila chu President ka nih hi a hun ve tawh in ka hria – Nl.Mami Khawlhring.

(Hriselna Huang) Protein Food An Tih Sa Lam Chi Hi Ei Tam Lutuk Loh Tur Protein food hi kan taksa tan an pawimah hle a, kan taksa than zel nan leh a function theihna turin kan nitin chawah a tel ngei ngei tur a ni. Mahse kan taksa mamawh aia tam kan ei chuan, kal tan a thalo thei. Nitina mimalin protein kan mamawh zat chu mahni buk zat (pounds) hi pathumin (3) sem la i mamawh zat a chhuak ang. Entir nan 150lbs hi buk ta la, i nitin protein mamawh zat chu 50gms a ni. Zoramah chuan pound kan hmang vak lova kg a i buk zat kha 2.2 in puntir la pound a chhuak ang. Protein food an tih hi sa leh theipilsak chi leh be lam chi, thlai fang nei leh artuiah leh bawnghnuteah te hmuh an ni deuh ber. Sa hrang khatah hian protein 50gms vel a awm a, tin be mu emaw dal no khatah protein 16gms a awm a, artui pumkhatah 7 gms a awm bawk. Tichuan, sa i ei tawk a, dal i chawm bawka, be te chhum i hawp bawk chuan, vawi khat chaw eiah i protein mamawh zat i over der a ni. Tin, i chawei (rice) no khatah khan protein 5gms vel a awm leh nghal bawk si.Sa atanga protein ei tam lutuk hi kal tan a thalo bik a ni. Harvard University atanga mi thiamte zirna atanga an hmuh chhuah chu, sa atanga protein ei tam mite zingah kal chaklohna a tam bik tih an hmu. Protein hi kan ei tam lutuk chuan a digest turin hydrochloric acid tam tawk a ngai a, hydrochloric acid hi kan thisenah a lo tam ta a, thisen ah thur, uric acid a lo tam chuan natna thalo tak gout an tihte hi a chhuak thei. Tin heng uric acids an tih tam lutuk hi taksa bung hrang hrangah an darh a, a bikin ruh inchuktuahna laiah an awm duh bik a, ruhseh kan tih arthritis te a kai chhuak thei. Heng acids thur tam lutuk hi lungah (stone) an chang thei bawk. Sa a protein awm hi Editor: Thaarie Hnamte – (Mb) 9886145877 Jt.Editor:Isaac Chawngthu (Mb) 9986137633 Cir.Managers: Nl.Vanlalchhuani Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Date: 1st March 2009

J Hahaha!!!! J Tlangau changkang: Hell yeah!! Everybody Hear meh… Mibo zawng tur ten LUNCH leh MINERAL WATER pai nise…Yeah!! Chhuahlamah Airtel leh Reliance Signal a thra a….Uh huh!!! BSNL hmang in Chhimlam atangin hrut phei ila…Mibo zawnnaah SUPERSTAR emaw Converse bun a fuh ber ang...tuman BROWN BOOT bun loh tur...C’mon!! ti hian a au anti. (Courtesy St¤Daedalus)

BMCF INKHAWM PROGRAMME DATE: 08.02.09 Hruaitu: Rev.Dr.K.Sapthanga

GENERAL BODY MEETING

Vol XIV Issue No. 9

Bangalore Mizo Association Pathianni Tin Chhuak Chanchinbu

Aw Baibul, aw Baibul ka ngai … (KHB 565) -B.Kapthuama Nausen teta pa berin a lo liamsan tawh mah ni se, theihtawp chhuaha enkawlin a nun naupang chhuanawm tak ni thei turin a puahchah chho zel a. Mipui hmaah Baibul bung (Sam 121) en lova tha taka a sawi chhuak thei kha, Junia Vanlalthan Zami ka chhuan em em na a ni. Zoremsanga Hualngo, naupangte ve bawk kha, Baibul pum chhiarchhuak thei, BMCF member 5 zinga lawmman dawng theia a lo ding chhuak thei kha a fakawm ka ti. Nu leh pa buai tak kara pi leh pute enkawlnaa sei lianin mi chhuanawm a lo ni thei ta a ni. Kei pawh tunu chhuanawm tak Vivienne Lalrinkimi ka nei ve a, a nitin zirtirna lamah a pu ka nihna angin mi cho hle mai. BMCF hotuten Baibul chhiarchhuah zawnga infuihna kum hmasa lam atang tawha an tih zawm zel kha an faktlak hle mai. Chawlhni hmasa a Nu hovin inkhawm an hruai a, kum 2008-09 chhunga Baibul chhiarchhuakte chawimawina hun an nei khan thui tak mi ngaihtuah tir a. Kan zingah mi 5 chauh kha chhiarchhuak thei in report mahse, thenkhat mahni intarlang duh kher lo, mahse kum khat chhunga lo chhiarchhuak ve fo pawh kan awm ngei ang. Mipui hmaa chawimawi tlak nia lawmman tha tak tak dawnga an lo dingchhuak thei kha midangte fuihtu tha tak an ni ngei mai. An zinga kan fanu (Monu), Pi Rosy Malsawmthangi lo telve mai pawh ni lo, lawm man tha tak, Dr. Rebecca Brown MD lehkhabu, thim hnuaia tang mekte chhanchhuahna chanchinbu, Zotawng pawha an lo lehlin leh daih tawh, ‘He came to set the captives free’ tih lawm man a han dawng hial kha, a lawmawm ka ti tak zet. A buai thin tehlul nen, ‘Engtingnge Baibul chhiarchhuahna tur hun a neih?’ ka ti a. Mahse buai tak karah nuten, rawngbawl leh nau enkawlna kara ei rawngbawlna hmuna Baibul keuva hun an neih chang changa an thlir thei zel hian, chhiarchhuah satliah mai chak ni lovin, a thu hi an duhin an ngaina a ni tih a lan tir hlein ka hria. Sam ziaktu’n, “I thute hi ka ke atan khawnvar, ka kawngatan eng,” (Sam 119:105) a lo tihte hi tak takin hmang zel ila.

Date: 1st March 2009

Kan Lal Isua meuh pawh khan, Pathian Fapa ni mahse, Baibul thu hi a ringin leia a rawngbawl chhung khan innghahnan a hmang hle a ni. A thusawinaah vawi tam tak sawifiahnan a hmang thin. Setanan thlalera a thlem pawh khan, “Tih Ziak a ni” tiin Baibul thuin a hnial thla thak thak a nih kha. Ringtute hian he khawvel buai leh mangan thlak taka kan zin kawngah hian kan innghahna ber leh kan nunna bul (only foundation) chu Baibul thu anih chhung chuan engman min tinghing thei lovang. Sam ziaktu leh zawlnei ropui Jeremiah te meuh pawh khan, “..A lawmna chu Lalpa danah a ni zawk a, A dan thu chu a chhun a zanin a ngaihtuah thin.. Ani chu tuiluang kianga thing phun, a hunte a rah thin, a hnah pawh uai ngai lo ang hi a ni a; a thiltih apiang chu a hmui ngil zel ang,” (Sam 1:2,3. Jeremiah 17:7,8) tiin min lo fuih anih kha. Ringtute hian pulpit tlangah emaw, khawi hmunah pawh kan thusawina apiangah thil dang thildanga thusawi ngaihnawm tuma innghat lovin, Baibul thu hi, kan Lal Isua ang bawkin, rinchhan ve ching ila, kan rawngbawlna leh eizawnna kawng engkimah Pathian mithmuhin kan hlawhtling zawk fo ngei ang.

( Pu Kapthuama, thu tha tak dang mi ziahsak leh tak avangin kan lawm hle mai.) HRIATTIRNA §

BMA Silver Jubilee Memento member zawng zawng te’n kan neih theih tur thil siam/ buatsaih tur ani a, member te’n kan rilrua awm (idea) ang ang te BMA hruaitute hnena suggest turin kan han in hriattir ani e.

§

Vawiin Inkhawm ban hian Grace Home Boys ah BMA Silver Jubilee Zaipawl te’n hla zir tur ani a. Dinner ei nghal bawk tur ani. Tlawmngaia kal theuh turin kan in hriattir e.

§

Silver Jubilee lawmna tur atana donation khawn mekah BMA Silver Jubilee Committee chuan tlawmngaia sum thawh tawh tute zawng zawng chungah lawmthu a sawi tak meuh a. Remchanlohna avanga la pe hman lo te pawn inthlahrung lova mahni phal ang theuh te thawhkhawm turin kan han in ngen in kan in hriattir nawn leh ani e.

Kum 2005 ka birthday lawmpuinan KMC a ka thianten, ‘Change your life Daily Bible’ Becky Tarabassi siam min pek khan mi cho tho hle. Baibul zirmi ni ve lo mah ila, theih ang angin mumal vak lovin ka duh lai lai chhiarin ka lo thlir ve thin a. Kum 2006 bul atang erawh chuan chu Baibul chu nitin mumal nei taka chhiarin kum tawp dawn, ka Birthday ni lo thlen meuh chuan, ka lo chhiar chhuak ve thei ta ziah ani. Baibul hian mi pali chanchin - Pa Pathian, Lal Isua, Thlarau Thianghlim leh Setana thu leh Vanram, Lei leh Hremhmun chanchin min hrilh a. Bu 66 chhungah hian Bung 1189 a awm a; tah chuan chang 31173-a then niin lehkha mal (character) maktaduai 3.5 a awm a ni (KJV). Chutiangin nitin bung 3 chuang hret kan chhiar theih chuan kum khatah awl takin a chhiar chhuah theih a ni. Mi ropui tak tak, hla phuah thiam Charles Wesley, kum 95 lai dam khan vawi 95 a chhiar chhuak a, George Muller, hnuchham enkawltu ropui tak, rinnaa rawngbawl thintu pawh khan vawi za tam a chhiarchhuak thin a ni.

N.E Fest 28th Feb 09

Quote of the Week God doesn't require us to succeed; he only requires that you try. – Mother Teresa