Bma Aw: 1st February 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 5

Bangalore Mizo Association Pathianni Tin Chhuak Chanchinbu

Date: 1st February 2009

Hringnun “Bangalore chu hman ang khan a la nuam zel em?” tih zawhna hi thian hlui, Bangalore lo chhuahsan tawhte hnen atangin ka tawng fo mai. Hun engemawchen he khawpuia lo awm ve tawh chuan, mi thenkhat paw’n he zawhna hi in dawn ve fo ka ring. He zawhna ka tawn chang hian ka chhanna chu “Aw, la nuam zel e, mahsela a chengte leh khawpui awmdan leh kaihhruai dan te a dang hret hret a, hman ang kha chu a ni tawh lo, ka han ti ringawt thin a. Hmanah chuan tun ai hian mihring awm te hi kan buai lova, kan zirlai leh hnathawhna theuh ah pawh, Traffic jam te ala nasat loh avangin in kalpawh zung zung te a lo awl zawk a tun ai chuan, weekends leh weekdays ah te pawh inhmuhkhawmna hun leh inkawmhlimna hun tam zawk kan nei thin.Mahse tunlai ah chuan hun hi a hlu leh zual tawh em em a, mahni duhzawng leh chak zawng te pawh ti hlei thei lo hian nitin khawsak buaina ngaihtuah reng reng hian mi tam zawk chhungkaw te hi chu kan hmanhlel anih hi. Mi tupawh hian hun hlutzia hi kan ngaihtuah ve theuh tawh ka ring a, ngaihtuah neih hmel vak loh thawveng taka awmte pawh hian an nun ah hian vawikhata vawikhat chu hun hlutzia hi an ngaihtuah ve tawh ngei ang. Lehkhabu pakhat ka chhiar ah chuan ti hian a inziak a, “ Mihring dam chhung hi Bible chuan kum 70 ati a, chakna avangin kum 80 thleng pawh a ni thei a ti a. Tichuan, kum 70 dam tur tan kum 15 kan pelh hma, kan naupan lai hun hi, kan la puitlin loh avangin kan tangkai tur ang leh kan nih tur ang kan la ni lova, rawngbawl tur in kan la hmantlak loh. Kum 70 atangin kum 15 han paih ila, kum 55 chiah a awm ta, kum 60 han nih chuan rawngbawl tura han thawh tak tak a har leh tawh si, chuvangin kum 70 dam tur ah chuan kum 10 han peih leh ila, kum 45 chiah a bang leh ta.Kum 70 chhunga zan tin kan mut hun chhung paih in (Darkar 8 mu ziah angin inchhut ta ila), ni 8516 chhung kan mu tihna ani a.Chu chu kum 23 chhung kan mu tihna ani a, kan mut hun chhung kum 23 paih leh in kum 22 chauh hun tha kan nei leh ta, damloh hritlan, chhiatni thatni, lungawi lo leh tapa hun kan hman te nen chhut chuan kum 20 chhung pawh hun tha kan nei lo maithei ani” tiin thil chik miten an lo ziak a. Hetianga han ngaihtuah hi chuan hun kan nei tlem mange! Inhauhna leh inhuatna te, thinrimna te, in sawichhiatna leh in relna te hi kan hun hlu tak lo chang pha ve tur hian i phal lo ang u. Lungawilohna leh thinrimna te chu mihring ah thleng thei ani, mahse lungawiloh reng mai te, thinrim reng mai te hi hriselna atan pawha a tha lo ang bawkin Ringtute nun nen phei chuan a in hmeh lo hle ani. Bangalore a kan lo awm hian tih tur pawimawh nei vekin kan lo kalkhawm a, kan thil tih lai theuh ah pawh mi hlawhtling nih ngei kan duh theuhvin a rinawm. Mahsela, he damchhung hun tawi te ah hian nitinin kan hriat loh leh rin phakloh thil te’n min rawn thawng thin, hrehawmna kara hlawhtling tura han beih trang trang pawh hian kan duh angin thil a kal lo fova, kan rilru

te a lo ngui thin. Nimahsela, Ringtute tan chuan hlawhchhamna a awm lo. Hlawhchham emaw kan in tih te, kan thil tih laiah dangtu, leh tluan lohna riau alo om te, kan plan te a kal fuh loh chang hian hlawhchhama in ngaiha beidawn a awl hle thin, mahse heng zawng zawng ah hian Ringtu kan nih chuan Pathianina kan tana a ruat, chumi hun kan thlenna tura hlawhtlinna kalkawng alo ni zawk thin, chuvangin huaisen leh rinawm takin, kan hna theuh ah te, kan zirlai ah te, kan nitin khawsakna ah hian he hun tawi, hun hlu kan nei theuh hi hre ran chung in hma lam panin hringnun i hmang ang u! (Editor – BMA AW)

---------------------------------------------------------------------Mizote Zingah Hian Tlawmngaihna Hi A Tlahniam Nge A La Pangngai Reng? – Patriot (misual.com) Chhiatni thatnia kan inpuih tawn dan han en hi chuan a la pangai reng nite pawhin a hriat theiha, mahse kawng thenkhatah hi chuan hman lai chu kan pha tawh lo viauin a hriat bawk si. Ei rukna, duhamna leh mahni hmasialna hluar viau maite hi tlawmngaihna kan tlakchham zia tilangtu an ni mai lo maw?Kan veng officer pakhat chu sawrkar sum a mar ve hlek a ni tih chu a in leh lo din atangin a lang reng. Mahse mitthi awm nikhua leh leimin avanga chhiatna leh accident eng eng emaw kan veng chhunga a thlen hian a inpe zo fu lawi si a, pa tlawmngai tak niin miin an hre vek. Kan vengah bawk hian tlangval rui chhe ve thei tak thlan laih leh khawtlang thil tihna reng renga inpe zo tak hi a awm bawka. A chhungte tana phurrit ni si kha tlangval tlawmngai niin kan hre bawk si. Heng mite hi tlawmngai tak tak ni ta se tlawmngaihna hi thil ngaihsan em em tur a lo ni lo tihna a ni mai em?Mahni mizo puite zingah chauh tlawmngaihna kan lantir hian kan tlawmngaihna kha tlawmngaihna dik (genuine)-ah kan ngai thei em? MIzo tlawmngaihna kan tihte hi thermometer ang chauh mizo zinga sang tak hnam dang zinga kan awma hniam tak si a nih vaih chuan chhuan tlak a ni meuh angemaw chu le?Misual tak tlawmngai tak si a awm theih em? Tlawmngaihna hi nunphung thatna nen hian thil hran hlauh em ni? Eng chin chiah nge an kal kawp?Tlawmngaihna thar thawh (revive) leh nge kan mamawh tlawmngaihna kal phung siamthat (reconstruct) zawk?

I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Vol XIV Issue No. 5

Bangalore Mizo Association Pathianni Tin Chhuak Chanchinbu

6. Nl. Lalbiaknungi 7. Tv. R. Lalremruata 8. Tv. James Lalrintluanga 9. Nl. Miriam Zorinmawii Ralte 10. Nl. Lalhriatpuii

Editorial Lehkha ziaktu pakhat chuan heti hian a sawi, I rilru ah ngaihtuahna tha tak tak neiin, ziah duh thin mah la, lehkha ziahna hun neilo a i inngaih miau chuan lehkha ziak mi i ni ngai loving, ziaktu nih I duh chuan I rilrua a lo lan ruala ziah tawp ani mai ati.A dik viau mai. Tun tum chu hei chhiartute lam atangin article a lo lut si lova, Bangalore pawn lam atanga mi thuziak han chawk luh leh ringawt mai ai chuan tiin, thiam leh thiam lovin kan han ziak ve rawih mai a, a inthlahrun awm lek lek zawk mai…Mahse Thu ziah hi mi tupawhina kan tih theih ani a, thiam leh thiam loh chu thu dang ni se, kan phak tawk theuh ah thuziah hi uar thar a tha hle in a rinawm J BMA Aw chhiartu ten mahni vei zawng zawng, tuipui zawng zawng I han thawhkhawm thin ang u !

Kum tin a neih thin angin BMA General Body Meeting, Parting Social & Election chu March 7 2009 hian neih leh turin BMA Exec Committee chuan a rel a, Programme kimchang a hnuai ah hian tarlan ani. Hriattirna hmulo kan lo awm palh anih pawhin hei hi hriattirnaa pawm theuh turin kan han in ngen nghal e.

Kalchhuak turte thlahna thu sawi tur : Nl. Vanlalchhuani Kalchhuak te aiawh a thusawi tur: Tv. H. Lalnunfela Refreshment: Nl. Blessy Sailo, Nl. Vanlalchhuani, Pi Lalrinpuii Seat Arrangement and Ushering: Dr. AIT Students Banner: Grace Home Boys Sound Incharge: Tv. Amos Lalremtluanga, Tv. Isaac Lallunghnema leh UVCE Tlangvalte.

CHHIAT TAWK Ø

Nl.Lalthanpuii, Satya Sai Nursing College a zirlai chu kar kalta inrinni zan khan a pa Pu Ralthanhnuna’n Jampui, Tripura ah kum 59 mi niin a boral san. Nl.Thanpuii hi a tuk, Jan 25 khan Tripura lam panin a haw nghal ani.

Ø

Kan member Pi Elizabeth-i pa, Pu Hepuni Chopullo chu nimin dar 10:30 khan Heart stroke avangin Imphal, Manipur ah a boral.

Ø

Dr.AIT atanga zirchhuak Tv.Zohminga chu zirtawpni zan dar 9 vel khan accident avangin a boral. A hnathawhna Airtel thil ah Serchhipa Sumo a an zin chu an rawn haw lam Tuikhur hlu chhak ah an accident a, Scooter pakhat an hnawl a, he Scooter khalhtupa pawh hi a dinhmun a ngaihtuahawm hle. Zohminga leh a Driver hi a hmun ah an boral nghal ani. Zohminga hi Kawltheihuan , Mission Veng Aizawla in luah ani a, a ruang hi an khua Baktawng ah phurh chhoh ani. Tv.Zohminga hi Dr.AIT atanga 2005 kum a B.E zirchhuak a ni a, Bangalore Mizo te zingah theihtawpa khawtlang tana in hmang thin mi ani.

BMA General Body Meeting, Parting Social & Election. A hun: 7th March, 2009 A hmun: Goodwills Girls High School Hall A hmun lo be tu tur: Dr. Lalrinawmi Ralte Hunserh : Pi Singthangpuii Special Item: 1. BMMP 2. BMMP Trio 3. Nl. Sarah Lalngaihawmi 4. Nl. Mimi Renthlei 5. Tv. Samuel Varte 6. Nl. Zorinmawii 7. Nl. BC Lalremmawii 8. Tv. Francis Lallawmawma Returning Officer: - Pu R. Lal Rinawma, Senior Advisor R.O Puitu Turte: 1. Tv. Michael Rualzakhuma 2. Tv. C. Lalhmachhuana 3. Tv. K. Lalrinmawia 4. Nl. Chuauzikpuii 5. Nl. Lalzikpuii Cane Chair Set leh Center Table la thar tha tak, man tlawm taka hralh duh ani a, hrechiang duh chuan a rang lamin Ph- 9740611225 ah zawhfiah theih ani e.

Date: 1st February 2009

Khawhar chhungte Pathianin vengin thlamuan rawh se!

Tunkar changvawn:”Thinlunga thianghlimte chu an eng a thawl e; Pathian an al hmu dawn si a. – Matthaia 5:8

Vol XIV Issue No. 5

Bangalore Mizo Association Pathianni Tin Chhuak Chanchinbu

STEEL ALMIRAH leh BUNKER BED, Mamawh Tan Man Tlawm Taka Lei Tur Kan Nei Nual a. A Duh Chuan A hnuaia Phone Number Ah Hian Contact Theih Kan Ni e. (Mb) 9886738975

·

TUALCHHUNG NEWS Ø

Janaury 31 tlai dar 5:30 khan Dr.H.T.Sangliana Felicitation Programme chu Goodwill Girls’ High School ah neih a ni a, mi thanhnem tawk tak he hun ah hian an kal ani.

Ø

Nimin Janaury 31 tlai dar 4 khan MSA Executive Committee chu Nl.Blessy Sailo te in, Ejipura ah neih a ni a, chawhlui tuihnai tak kil ho nghal ani.

Ø

MAPUII GIRLS’ HOSTEL, Koramangala 8 Block a th awm thin chu tunhnai khan 6 Block Koramangala (Grace Home awmna thin) ah an insawn.

Ø

MSA Basketball Tournament chu tun inrinni lo awm tur February 7 zing dar 10 hian Koramangala ah tan a ni dawn ta. Tuna hriat theih chin ah Team 6 te’n hming an thehlut tawh a. He tournament hi kum dang ang bawkin a hmuhnawm leh hle dawn niin a lang. Fans te pawh an phur tan hle ani. A hmun ah ei tur tui tak tak a awm dawn a, zaithiam hrang hrang an zai dawn bawk. A duh apiang tan en theih ani.

·

th

·

MIZORAM NEWS ·

·

Zoram Nationalist Party (ZNP) president Lalduhoma chuan an party president nihna atangin banna a thehlut a, Zirtawpni January 30 khan ZNP office bearers chuan an party president Lalduhoma banna thehluh chungchang an ngaihtuahin an thukkhawm a, an pawm sak lo. ZNP office bearers meeting chuan an president banna hi pawmsak lo mai ni lovin, phur taka an party kaihruai zui turin an ngen a ni. Kum kaltaa China ram leh khawchhak ram thenkhata bawnghnutea chemical chikhat ‘melamine’ pawlh avanga ram tam tak harsatna chuan India ram a rawn thleng ve ta nia hriat a ni a. Melamine telna hi bawnghnute dip (powder) a nih avangin eitur chi hrang hrang siamnaah pawlh a ni a. Mizoram chhunga ei leh in zawrh thenkhat, thenawm ram (Myanmar, Thailand, China etc.) atanga chawk luh, bawnghnute telna lam chi-ahte mitin fimkhur theuh tura ngen kan ni, tiin nimin khan Directorate of Health Servces department chuan thuchhuah a siam.Thuchhuaha tarlan a nih dan chuan, a bik takin nau chaw lam chite, milk wafers, chocolate, cake, chocopie, bawnghnute sweet leh kamram dang bawnghnute tel theihna awm chite hi milamine lakah a him lo thei ani ati (Courtesy Evening Post)

·

·

Date: 1st February 2009

January 29 a Congress party executive meeting Tourist Lodge, Chaltlanga neihah chuan Chief Minister Lal Thanhawla chuan stadium puitling sakna tur hmun atan Mualpui thlan a nih thu a puangin MNF sorkar khan AR lammual stadium din tur thu an rawn puang a, Aizawl khawpui traffic harsatna tizualtu mai a nih dawn avangin leh thalaite leh mipui tam zawkin an duh dan angin Mualpuia police ramah stadium puitling hi sak a nih dawn tak thu a sawi a ni. Ellis Saidenga Ex-MLA, Prominent Journalist leh hlaphuah thiam ni bawk nikum September 29 a boral hritrengna Ellis Saidenga Tribute Concert buatsaih a ni dawn a, he concert hi Aizawl leh Lunglei a neih tur a niin ruahman lawk ang chuan March 20 ah Aizawl ah neih a ni ang a, Lunglei ah 25 ah closing neih a ni ang.Hemi chungchang buaipui tur hian Organising Committee Aizawl leh Lunglei ah din a niin Lunglei Press Club ah thukhawmin Tribute Concert Sub Committee a din nghal a, heng Sub Comtt te hian an hmalakna te dt 12.2.09 a Meeting neih leh hun ah report tur a tih a ni.He Concert ah hian zaithiam hrang hrang Lunglei leh Aizawl atanga zai tura beisei an niin Live Music-a rem vek tum a ni. Ni17.1.2009 khan Aquatics Association of Mizoram (AAM) din a ni a, Mizoram pum huap infiamna pawl (Association) hrang hrang zinga a naupang ber hian tuihleuh leh tui lama tuimi Mizo thalaite tan theihtawp chhuah an tum a, Olympic game zinga medal tamna ber leh khawvel ngaihven Aquatics game-ah hian Mizo tuithiamte Olympic thlenga phochhuah chu an hmathlir lian ber a ni. Ni 19. 1. 2009 khan Sairang khaw dep Tlawng luiah North East Games, 2008 tuihleuha Mizoram aiawh tur thlanna neih a ni a, he hun hi AAM chuan an enpui nghal a, Tripura khawpui Agartala-a North East Games lo awm turah Mizoram hian a vawikhatna atan swimming bikah infiammi (swimmer) a tir ve dawn a ni. Horticulture department, Mizoram Florist Association leh Anthurium Growers Association, Kolasib tangkawpte chuan Jabnuary 24-26 chhunga Flower Show, Gandhibag, Silchar-a neihah mass arrangement leh artistic arrangement lawmmante an la a, show pumpuia ti tha ber lawmman Pride of the Show an la bawk. (Courtesy Evening Post) Jan. 18 atang khelh tan zirtawpni a khelh zawk tak All India All Assam Junior Tennis Tournament, Duliajan Assam-ah chuan U-14-ah Mizo naupang Innocent Lalrindika s/o Zahmuaka, Kulikawn chu a champion.He tournament-ah hian India ram hmun hrang hrang atangin naupang tenns khel thiam 128 zet an fuankhawm a, hetah hian Innocent Lalrindika leh Rammawia, Mizoram ve ve te chuan final an khel a, Innocent-a hi a chak ta ber a ni. He tennis tournament khel tur hian Mizoram atangin Mizoram Tennis Association chuan player pakua a tir. (Courtesy Zalen) Editor: Thaarie Hnamte (Mb) 98861 45877 Jt.Editor: Isaac Chawngthu (Mb) 99861 37633 Cir.Managers: Jenny Pachuau & Vanlalchhuani Email:[email protected]

Vol XIV Issue No. 5

·

·

Bangalore Mizo Association Pathianni Tin Chhuak Chanchinbu

February thla tir atangin Sudden Muanga ang chi, comics thar tihchhuah tum a ni, tiin Zawlaidi publisher, editor ni bawk Lalremruata Khiangte chuan a sawi.Comics chhuak thar tura a changtupa ber tur Ku Uanga hi Mizo hmelpu, hmui pawrh tuar mai niin, a zakkha leh thaw rim a chhe hle a, mahse, sherrif a nih miau avangin tumahin an be chhe ngam lo a, chu chu a luck vang emaw a inti na a, nula tumahin an ngaizawng duh lo thung dawn niin publisher tur chuan a sawi. Nupui neih chak, zawng duh lo tur khawpa mahni inngaisang, nula rim ve ziah, ngaizawngtu nei ngai lo khawpa zei lo a ni a, a dawih luat avangin buaina a awm hlek tawh chuan pumpelhna a zawng ruai a, tlanchhiat a tum a piangin a che chhe ziah a, chu chuan a hmelmate a hnehtir leh hlauh thung si thin dawn niin a sawi bawk. (Courtesy Evening Post) Chiahpuam chhuitu police-te chuan he thila hlawkna lo tel leh chheprelte thubuai siam sak tura hmalak an tum tih an sawi."Chiahpuam case-a hlawkna tel tawh, dik lo taka mi pawisa leh thildang chheprel leh la kawl tha police te hnena engmah pek let/kir tum lo engemaw zat an awm tih a ni telin hriat belh zel a ni a, heng mite pawh hian dik lo taka an neih pawisa leh a dangte pawh rawn dahlet turin kan hriattir nawn leh che u a," tiin police chuan thuchhuah an siam a. "Chuti a nih loh chuan heng mite chungah hian a tul angin IPC sec 421 leh sec 424 dan hmanga thubuai siam sak turin hma lak chhoh zel a ni ang," an ti. Police thuchhuah chuan chiahpuam hi inbumna a ni tih vawi duailo sawi leh tarlan tawh a ni tih a sawi a. Media kaltlangin chiahpuam atanga hlawkna lo tel tawhte chu police hnena an pawisa leh thil neihte pe let turin an lo ngen fo tawh a, mi thahnem takin inbumna a ni a, dik lo taka mi pawisa kawl sak an ni tih inhrechhuakin police hnenah pawisa fai Rs 1,12,95,420, TV, furniture, insurance policy etc — Rs 2,50,00,000 an pe let (surrender) a, lawmawm an tih tih a sawi. (Courtesy Evening Post)

Date: 1st February 2009

palai a ni a, 1980 khan Lok Sabha MP-ah thlan tlin leh niin Indira Gandhi kaihhruaina hnuaiah Union Finance Minister leh Defence minister hna te a chelh a, Vice President nihna pawh a lo chelh tawh bawk. §

§

Khawvela news agency lian ber berte chuan New York-a inkulh Human Rights Watch-in Mizorama Chin dinhmun a zirchianna chu an puangzar nasa hle a, Fox News, BBC, Reuters etc. ah he thu hi an puangzar nasa hle a, Mizoram Kristian Chin sing tam tak awmte chu an rama kir leh mai thei dinhmunah an din thu an tarlang."Kum 20 chhung zet Myanmar rama sipai rorelna rawng tak tlanchhiat sana India rama Kristian Chin 100,000 lai awm tawhte chu an ramah an kir leh a ngai dawn niin a lang," tiin Human Rights Watch chuan an sawi a.Tunah hian India hmarchhak state pakhat Mizoramah chuan heng raltlante hi an tam hle tih HRW chuan sawiin Mizoram tualchhung thuneitute chuan buaina a awm hlek chuan Myanmar atanga Mizorama lo tla thla Chin-te chu a kawk nghal chat chat zel niin an sawi bawk."Mizorama Chin awmte hian hna an nei lo a, chenna mumal an neih loh mai bakah zirna mumal an dawng lo," tiin HRW consultant Amy Alexander chuan a sawi a, darkar 10 atanga 16 laite hna thawkin cheng 100 chauhte an hlawh thin tih an sawi bawk. Gurion Isaac Sela, Mizoram atanga Israel kal chuan January 12, 2009 khan SSC Rabbinical College, Jerusalem Old City ah Rabbi rual ten Rabbi atana Ordain in Rabbi nihna Certificate an hlan ve ta. Gurion Isaac Sela hi Mizo hnahthlak zinga rabbi ni hmasa ber nia hriat a ni.Rabbi Gurion Isaac Sela hi Pu Eliezer Sela leh Pi Doliani, Aizawl Civil Hospital a Senior Nurse ni thin, tunhnai lawka pension ta te fa 9 zinga a parukna niin J.L. High School a zirchhuak a ni.

LAWRKHAWM §

India president pariatna Ramaswamy Ventakaraman chu hun rei tak a natna vanga enkawl a nih hnuah January 27 khan New Delhi-a Army Hospital Research and Referral Hospital-ah a thi. R. Ventakaraman a thih takah hian APJ Abdul Kalam chiah chu India president hlui zinga dam awmchhuan a ni ta.Indian National Congress party-a hun rei tak nihna pawimawh tak tak a chelh hnuah kum 1987 khan India President pariatna niturin thlan a ni a, 1992 thleng khan he hna hi a chelh a ni.Ventakaraman hi zun kawng that loh avangin hun rei tak chhung enkawl a ni a, hei vang hian a taksa peng hrang hrang chuan a tawrh phah a, khawl hmang hun engemaw chen enkawl a nih hnuah chawhnu dar 2:30 ah a thi ta a ni. Politics a khelh chhungin nihna pawimawh tak tak a chelh a, 1952 khan MP atan thlan tlin a ni a, 1953, 1955, 1956, 1958, 1959, 1960 leh 1961 khan United Nation General Assembly-ah India

(www.zozehart.com) QUOTE OF THE WEEK – Khawi ilo ni va

chhuahte hian, Tar leh upate awl tum la; Tanpui ngaia awm an awm chuan, Tlawmngai takin tanpui zel rawh. Rokunga(L) BMCF INKHAWM PROGRAMME DATE: 8.02.2009

Hruaitu: Rev.C.Lalrochama Tantu: Tv.K.Vanlalruata Thuhriltu: Pu Bobby D.K.Vaiphei Thawhlawm Hlan: Nl.Zaithanmawii Spl.No: Tv.Gilbert Lalrohlua