BMA AW An OfficialOrgan of The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007
Vol. XV Issue No. 16
Bangalore Mizo Association Pathianni Tin Chhuak Chanchinbu
KEIMAHNI:
Nimin (18th July ’09, inrinni) khân Executive Committee meeting pawimawh tak chu Pu PS Chhuasa te inah neih a ni a, chuta thurêl \henkhat, mipuite hriat turte, kan han tarlang e:
Silver Jubilee lawmna pakhat atana thingphun tur chu buaipui mêk a ni a. Thingphun hun atân Freshers’ Day (1st August ’09) ruahman a ni. He hunah hian Silver Jubilee hriatrengna atân thingphun tur a ni. A tam thei ang ber kal turin kan in ngên e. Thingphun programme kaihruai turin Pi Lalrinpuii, President BMA, chu ruat a ni a; thingphun hmasa ber turin BMA Patron, SJCC Chairman ni bawk, Pu R. Lal Rinawma, ruat a ni.
August ni 14 leh 15 hian BMA Football Tournament 2009 chu khelh \an tura ruahman a ni. He tournament-ah hian BMA memberte chauh tel theih a ni dâwn a ni. Entry fee Rs.800/- a ni a, player te chuan team list thehluh rualin passport size photo thehluh tel zêl tur a ni bawk.
BMA Vice President, Rev. PC Lalduhawma, chuan a hna a chelh chhunzawm theih dawn tâkloh avangin Executive Committee chuan Vice President atân Pu Josiah Lalchhanhima Ralte a ruat.
BMA Aw Editor ni lai, Pu Paul Lalchhanhima, chuan a hna a chelh chhunzawm theih dâwn tâk loh avangin Executive Committee chuan BMA Aw (July – September) Editor atân Tv. Samuel Lalrozama H. a ruat a, tin, Joint Editor atân Nl. Thaarie Hnamte ruat belh a ni bawk. Contributors atân Pu Paul Lalchhanhima leh Rev. James Chuaukailiana te ruat an ni.
Date: July 19, 2009
HMASÂWNNA- Editor
Zephyr Drama a an sawi ang deuh khân, calculator age-ah kan \hang chho ve a, han ti ve khang lang ila, tunah computer age in a rawn zui a; kan têt lai (primary sikul) a phone neih thar ve te kha chuan a rawn ri kha lâk kan inchuh luih luih \hin a, Khâwlthluâknei te phei kha chu hmuh tûr pawh a awm mang lo, internet te chu ram lam hla taka mi te chanpuâlah kan dah deuh tawp mai anih kha mawle. Tunah chuan mobile phone leh internet-in min rawn chiah ta a; mobile phone a\angin khawvêl kan fang chhuak thei ta a lo nih hi. Chutiang chuan keini hmuh phâk maiah pawh khawvêl hi a \hang nasa a; chu khawvel lo \hang zêlah chuan, hei, hmuh ang ngeiin, Bangalore khawpuiah pawh mizo te chu kan \hang ve zêlin kan changkâng {kan ti dâwn nge kan CK (CK lampum chiah hi ka hre loa)} ve zêl a, hnathawk pawh a kum têlin kan tam belh tih kan directory a\ang ringawt pawhin a hriat theih awm e, tin, tunah ngei pawh hian kan \halai naupang tak tak te chu zâwlkhawpui a\angin dinhmun \ha leh hna \ha zâwk beiseiin, an rawn pêm thla ruih ruih mai a nih hi. Pâwl sawmpahnih kan han inziah hlawhtlin hi chuan A hniak tam lam lam tiin kan kal leh dûl dûl mai \hin bawk a nia, Mizoram quota ni leh mai. Zofâte thil thiam thei deuh mai kan ni a, chuvangchuân kan \halai te hian tûn âi hian hmathlîr han ti zâu leh deuh se a duhawm khawp mai. Chu tur chuan inchhiar zau leh kan hmanraw neih \hat ber - internet hi hmang \angkai thiam ngai; i inzirtîr bawk ang u, lehkhabu leh chanchinbu/phêk te chhiar i uar ang u. Tuna ka ziah ngei pawh hi a chhiar chhun chu mi vengva deuh chin, hna emaw zirlai emaw \ha tak nei tawh te kan nih ngei ka ring; keini anga vânnei ve lo, kan unau te leh kan \hiante hi kawng han kawh hmuh ve teh ang u. Kei ngei pawh line dang deuh tiin Aircraft maintenance lam ka han thlang ve a, pawl sawmpakhata a ka lo hriat thawi deuh chu ka han inchhiar zau a, internet te ka bêl a, PU a ka first subject, Biology chu, pa te hnung zui ta loin, ka kalsan a; tuina lam ber Arts line lah ka mâksan ta bawk a; Zofate la tih ngai êm êm loh, future a bright dawn nge dâwn lo tih pawh ka hriat loh chu zir ve turin South India lamah Kâwla Falam zin tur ang maiin ka liam ve ta chu a nih kha. He line a kal tûr hian pawl 12-ah PCM ah 50% a ngai ngei ngei a, chuan College exam bâkah Basic license exam tur, Directorate General of Civil Aviation hnuaiah, a awm. A hna ber chu mechanic in workshop a motor a siam ang hian thlawhna hi thlawk reng thei turin kan siam/enkawl a ni ber. Thlawhna siam emaw khalh emaw lam a tel lo a; enkawl a nih ber chu, boruak sânga din lawk te hia awl si lo a. Engine oil thlakte, filter thlak te, ke thlak te leh thil dang dang, computer siam that te a ni. Tunlai thlawhna te chu an changkâng tawh a, auto pilot te a awm tawh bawk a, a khaltu hian tihtur vak a nei tawh lo khawp (Phêk lehlamah chhunzawm)
Vol. XV Issue No. 16
Bangalore Mizo Association Pathianni Tin Chhuak Chanchinbu
Editor: Samuel Lalrozâma Hmar - (Mb) 9886447684 Jt.Editors: Josiah L. Râlte - (Mb) 9845020992 Thaarie Hnamte - (Mb) 9886145877 Cir.Managers: C Lalnipuii, Laldinmâwia Hnamte & Lalhruaitluanga Contributors: Paul Chhanhima & Rev. James Chuaukailiana. Email:
[email protected] / www.bangaloremizo.info
EDITOR KAM CHHUAK Editor hmasa, \ha tak tak te, hniak hnung zuia ke han pên ve chu a zâmawm rual rualin thlâ a muâng ru fû; Pathian awmpuina zâra mipui te hnêna hriat tûr dik tak thlentu kan nih theih ngei kan in beisei a, chhiartu mipui te pawhin mit mai hmang loa in aw kâ leh ngaihtuahna te hmang \angkaia tha min rawn sên pui ve a, a chhia a \ha min rawn hrilh fo turin kan han in sâwm nghal e. Bengaluru Mizo te chu kan vannei a, boruak thianghlim nuam tak, ni êng ruah sûr te leh hruaitu \ha tak tak te Pathianin min pe a, zân mut chhîn a nuam duh phian. Silver jubilee kum a nih angin jubilee dâr pawh a rawn ri bal bal reng bawk a, mitinin mahni theih tawkah \an la zel i la, jubilee \anpuina (donation) te pawh, mal min sâwmtu hnêna kan dawn ang ang a\angin, ui loin pe chhuak ve zel ang u, kan zavaia hlimna tur atân bâk hman tur a nih loh hi. July chu a lo ral dawn ta mai a hei, boruak lum tak mai karah khuangruah sûr leh sikni êng te’n lal an inchuh rup rup reng a; keini, thawk palâi te hian kan hriselna te hi i veng tha ang u. Zirna rûn in hliap zâr hnuaia lâwi te lah, \hahnem fê chu, an thiamna fiahna hun hmangin zirlai lamah an bûr, a \hen lah chû fiahna hun chu hmang zoin, a rah nghâkin an awm mêk bawk; chung Pathian malsawmna dawng tlâk ni zêlin, nu leh pa chawimawi zel thei se, tiin duhsakna sâng ber kan hlan nghal bawk e. Chutih laiin \henrual thenkhat te lahin, hmangaih berte lênna, zâwlkhawpui lam panin min liam san; tluang taka an rawn lêt leh ngei beseiin dâr ang in tawn leh hun kan nghakhlel hle; kawng lehlamah hmêl thar hmuh tur a awm nuk bawk. Zirna rûn sâng belh duh vang leh hrawk châwmna tura kawng thar zawn vâng tein unau thar te nên chibai kan inbuk a; an kalna tur kawngah duhsakna hlanin ‘lore khawpuiah kan lo lâwm lût bawk e. Bangalore khawpuiah hian zofate hi inngeih leh lungrual takin awm zel ila, chung Pathian hre rengin, kawng engkima in\anpui tawnin, \hian thar te siam zêlin a \ha zâwnga infuihin i inpuibâwm tawn zêl ang u khai. In sawiêl ai chuan in\awngtaisak te hi i uar thar leh bawk ang u.
Date: July 19, 2009:
mai, chanchinbu te a chhiar san mai mia thei thawh; lungawilohhna a awmin keini min rawn thlen leh a ni mai. He field-ah hian Mizo kan la tlem hle. Tin, engineering mai ni lo, aviation industry (Phêk hmaa mi chunzawmna)
hrim hrimah hian zofate hi kan la tlem em em mai, airport-ah hian “Enga?” han tihpui tur hi an awm mang lo, India ram
pumah pawh kut leh ke zung\anga chhiar zawh thei vek kan la ni, chutih laiin kan hmârchhak unau te chu hmuh tur an awm \hahnem fû lawi si. Air hostess, security, commercial, pilot etc., hna a tam, institute te pawh www.dgca.nic.in-ah entheihin a awm, hospitality line a\angin a luh theih bawka; graduate nih hrim hrim chuan chance a awm bawk ground staff te tân; \an i han la ve teh ang u khai. Mahni chemkalna zâwng, kawng thar leh \ha, te hi dap ngam ve zel i la a \ha khawp mai. Mizo te hi hnam huaisen tia inchhâl kan ni a, combat sports-ah pawh hian kan \ha khawp mai, insual thiam leh huai hi kan thisenah hian a awm ve a ni, te pawh an ti fo. Mahse street fighter \ha tak tak te hi huaina tûr hun takah hian kan huai leh \hin si lo; ‘ruih lai huaina’ te hian ‘harh fim huaina’ a tluk leh si \hin lo, chhung te châwm turin hna hniam leh ho tê kan thawk ngam leh \hin lo fo, Âka hmui pû ni awm taka inchhungkhura \awng hnem tak siin phaiah lehkha zirna hmunah te, hnam dang zingah zakzum leh fu si; mipui hmaah \awng khur leh dur dur si. Â! Insual nen a inang lo e, kan ti a ni thei, ni e, mahse ring chhungah lut se.. hnam dang hneh kan leh thei si lo.. a va mak thin ve! Huai ru fu si, tumpui tûr te hmaa ngawi hêm \awng lâwng lâwng khân a meizial zuk kha a nghei hlau leh dui si, zu in loin a awm ngam leh si lo, enge a hneh loh tak chu?? Amah leh amah a inhneh ta lo a ni, midang chu ka ha se. Ring chhûngah dân hmanga inbeih meuh a lo \ul chuan, a thil chîn \ha lo vangin a lo chau a, nghakhing nau awm ang main chhaih leh dûrh dûrh a \ul ta si thin. Pathian zâra India ram aiawha khel tura kan zin chhuah chang te hian ka ngaihtiah \hin a, Zofate hian ram dang mi te beih ang hian han ti ve ta ngat ila chuan ram ti hmingtha tûr hi kan tam tih ka hmu chuiang em em, mahse kan \ha leh thei si lo, India aiawh a khel pawh hi kan la tam lo khawp mai. Kan hlawhtlinna kan chawimawi dân te pawh hi thlâk a ngai, lehkha thiam deuh chu a thiam thei tih a ni, sport lama hlawhtling chu ‘a va thiam bik ve’, tih leh a ni mai, a fak tur tak - taimakna hi kan hmaih \hin, thiamtheihna leh theih bîkna ai te hian taimâkna te hi i sawi uar ang u, mi hlawhtling te kan kawmin an hlawhtlinna thurûk zawh nachâng i hria ang u. Tin, chu taimâkna hlenchhuak tur chuan Krista neih a ngai a ni tih te hi i in hrilh nawn fo bawk ang u. Kei ngei pawhin ka hun kalta te ka han thlîr lêt hian, hah thi kûla ka lo thawh theih chhan kha Isua Krista vâng zâwk a lo ni tih hi ka hre chiang em em a ni. “Hlawhtlin kan duh chuan Krista hnaih hi a lo \ha a, taimakna leh dawhtheihna min petu a ni. (Phêk lehlamah zawm)
Vol. XV Issue No. 16
Bangalore Mizo Association Pathianni Tin Chhuak Chanchinbu
“Khua pawh a dur chuan ruah a sur nge nge”, tih ang deuh khan i hlawhtling lo a nih chuan Krista i la nei lo a nih kha. ‘Ka vanduai ve hrim hrim e’, i ti anih chuan inenfiah rawh, Pathianin thil re re chhan nei \heuhin a siam \hin tih a nih kha. Hun lo la thleng tur chu kan kutah a awm tih hre rengin kan \halaipui, kan nau, kan fate leh \henrual \hate i infuih tawn mawlh mawlh ang u, nîtinin. (Phek hmaa mi chhunzawmna)
TUALCHHÛNG Vangpui Kût 2009 hmandan tur pawh inbuatsaih chhoh mek zel a ni a. A hun chu 19th September a ni dawn a ni. Hetah hian Solo (Mipa & Hmeichhia), Debate, Lêngkhawm zai leh Chheihlâma inelna te buatsaih a ni ang. Tin, BMA Section 4 – Lalsangzuali Sailo Section, Rokûnga Section, Vânkhama Section leh PS Chawngthu Section te an in el dawn a ni. Section tin ten an huam chhung hi BMA aw chhuak leh turah kan rawn tarlang dawn nia. Solo (Mipa) in an sak tur chu ‘Zonunmawi’ tih hla Zirsangzela Hnamte phuah leh a sak chu a ni anga, Solo (Minu) sak tur atân ‘Zoram lungphang suh aw’ tih hla, Rualthankhûma Chhakchhuak phuah, Dâduhi sak chu hman tur a ni dâwn bawk a ni. Tin, Debate thupui atân ‘Zofate Hmasawn dan hi a tha tawk a ni’ tih a ni ang. UVCE zirlai Nl. R. Laltleipuii leh Nl. R. Lalbiaknungi te chu kârleh hian IIT Guwahati lamah M.Tech zir turin an liam dawn ta. Kan member Tv.P.S.Lalhruaitluanga, s/o pu P.S.Chhuasa, chuan Kristu Jayanti College atangin BBM 77% hmuin a zir zo. An college-ah hian pakhatna a ni. Kan lawmpui hle. HRIATTÎTNA: Pen, mug leh lucky ticket lei tur a la awm reng e.
Date: July 19, 2009
BMA membership form 2009 - 2010 la fill up lo ten a rang lamin i ngaihven ang u. Form man Rs. 5. Fresher tan Fee Rs. 100, Renewal tan Rs.50 zel, naupang kum 12 chin tan Fee pek a ngai hran lo. Tin, BMCF leh MSA form te pawh a fill upo theih reng e. Zirlai te tan scholarship form, Biakin kawtah lei theihin a la awm e, Rs. 20/ - zel ani. BMA Silver Jubilee Essay & Hla inphuahsiak a tel tum te chuan August ni 15 hma in Pi Lalrinpuii BMA President (
[email protected]) hnênah theuhluh tur ani e. BMA AW lâk chhunzawm zêl duh tân leh kan \hiante la duh awm te finchhuah duh tân hetiang hi a lak man a ni tih kha kan han tar lang leh duh a ni: Thla 01 - Rs.20/Thla 03 - Rs.50/Thla 06 - Rs.90/Thla 12 - Rs.180/Tin, Advertisement man hetiang hi a ni bawk: 1. 4” x 2½” – Rs.50/2. 4” x 5” - Rs.100/INFIAMNA KHAWVEL * July 17 atanga tan tur U-18 Asian Cup Hockey, Shanghai-a khelh mêkah Lalrothuami d/o MS Dawngliana, Mamit leh Ramngaihzuali d/o Ngaihsanga, Electric Veng Lunglei te chu India team-ah an tel. He championship-a pakhatna a\anga pathumna te hi Junior Olympic Games lo awm turah an qualify nghal dawn a ni. * Kumin August-a World Cup Hockey, US-a khelh turah Rosalind Lalchhanhimi, Durtlang leh Lalremruati, Saitual te chu India team-ah an tel dawn bawk a, tunah hian Bangalore-ah camp an nei mek a ni. (Source Evening Post)
Vol. XV Issue No. 16
Bangalore Mizo Association Pathianni Tin Chhuak Chanchinbu
* UEFA a licensed coach John Michael Bilton chuan 7th July khan Aizawl thlengin July ni 822 thleng Mizo naupang under 16 footballer-te coaching a pe dawn a, ani hi All India Football Federation (AIFF) vice president Ankur Dutta hmalaknaa rawn kal niin, coach lawmna khuallian sport minister chuan Mualpuiah stadium sak tan a nih tawh thu a sawi bawk. I lo bengvar lehzual nan, sms in , JOIN BloreMizo type la, 567678 ah thawn rawh le. Thluak sawizawina kawng thenkhat te: >Thil a ziaka dah uar rawh, ziaka dah hian thluakah hriatna a nemnghet bik, tin, essay, poem leh hle te pawh, ho mai mai mah ni se, phuaha ziah thlak mai mai chîng \hin ang che. >Rang taka chhiar zir rawh. >Thil i zir emaw chhiar emaw ziah emaw re re in, a khât tawkin chawlh la thin ang che, tin, nitin, rei lo te tal, exercise l^k emaw thin (heart) sawizawina tur chi, step kal tam emaw evening walk neih te chîng \hin ang che.
(Hriselna huâng) KÂWNG NÂ- Dr. T.C. Nunga M.S (Ortho) Mizote hi kan pianzia rêng rêng hi mawng er deuh bik kan ni a. Chu chu kawng nâ kan tam êm êm chhan hi a ni pakhat ve thei a. “Sciatica (Saitika) ka vei a” te kan han ti ve ngawt \hin a. Mahse, Aizawl bik leh khawpui deuhah chuan mi hi kan awm âwl lutuk a, hei vâng hian kan fit lo tlangpui \hin a, hei hi kâwng tihrawl hian a haw êm êm a ni. Tin, Saitika kan tih mai zel \hin hi a zir velo tân chuan a awm tho a; mahse, Saitika tak tak chu kâwng a\angin malpui leh ke lamah a na thla a. A rei lutuk tawh phei chu, kawng pawh na tawh loin, an din leh kal vêleh mawngtam a\angin keah a na thla a, tihluih theih pawh nilo hiâl khawpin a na emaw, a mû emaw vek zel thei \hin. An han kûn emaw, \hut emawin, lâk kian ang hlauhin a dam leh mai si \hin a ni. An kal thui theilo tual tual \hin. Chuvangin a natna tak chu ruh leh ruh inkâra ruhno lo tawlh chhuak (Inherh vâng te, thil chawi sual a tihnat vângte) a ni. Chumi in a nêk nat chu a ni a, zût dam leh Exercise lâka tihdam chi pawh a ni lo. A nat nasat dan ang zêla enkawl a ngai. Taksa, ngîl thei tawhlo khawpa kâwi te, feet 50 vel kal a, châwn leh mal lama a lo hit/nat \an nghal mai tawh chuan zai loh chuan tihdan a vang hle. Hetiang hi kan ngah em em a. Kum 1999 a\ang khan kumtin 100 chuang kan la zai ta reng a, rampawna kal thei rampawnah kan kal tir bawk a.
Date: July 19, 2009
Hetiang khawpa kan ngah avang hian taksa fit \eng \awnga awm reng tura Exercise lâk hi kan ngai a ni. Tihrawl chakloh lutuk vangin, miin kaw\halo nasa tak emaw khawsik vak emaw a neih a, a damkawr han tho tur ringawtah pawh he ruhno (Disc) hi a tawlh chhuak a, thling (Spinal Cord ammi) a va nêk a, khuma mu reng chungin an inherh leh thei \hin. Hetianga inherh kan tih ho hi Disc Prolapse an ti; Saitika chu a in\an a ni mai. Kawng na benvawn lo nei tawhte pawh kum a lo tam chuan kan sawi tawh ang engemaw ber khi an nei \hin a ni. Hmanlai deuh pitar leh putar te pawh kha kûn, lei bih deuh thawin, an kal \hin kha. A enkawl dân hi chi hrang tamtak a awm a, a natlai a zir zelin a inang lo a. A then kan pawt a, a then kan zai bawk a, a pawimawh ber chu, hetianga kawng na neih tân chuan ruhlam Doctor râwn vat a \ha a, inenkawl zui zêl dân tur leh fimkhur tur laite a in hrilh theih dawn a ni. Pic of the week
Newsletter Models [Dinglam atanga mit l^en phei tîr a veilam kil khawra lo in hnawh ve khi biji (mizo \awngin- busy) hmêl tawp]
Tûn thla chângvawn: Thufingte 14:34- “Felnain hnam a chawimawi a, sualna erawh chu hnam tin tân hmingchhiatna a ni.” BMCF INKHAWM PROGRAMME DATE: 28.06.2009 Hruaitu : Rev. Dr.K.Sapthanga Tantu : Naupang S/S & Zaipawl Thawhlawm hlan : Pi Lalchhuanawmi Thusawitu : Rev.Dr.F.Hrangkhuma Special Number : Nl.Blondie