Bma Aw: 15th February 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 7

Bangalore Mizo Association Pathianni Tin Chhuak Chanchinbu

KA HMANGAIH CHE ASIN! (A VALENTINE’S DAY SPECIAL) - Denis Lalfela, Rome, Italy Germany khawpui pakhat Munich kan tlawh tumin Lutheran Biakin ah kan inkhawm ve a. Ban dawn lamah thalai thenkhat ten an inneih hmaa sex an hman loh tur thu an tiam ta a. An nu leh pa ten hre làwk hek lo le, inkhawm banah an fate chu “In zak lawm ni, tunlai ah tunge inneih thleng a virgin nih duh, a zahthlak lutuk” tiin aw ki sang takin an hau hrep a. Aizawl kohhran thenkhatah hetiang thutiam nei thalaite an awm tih hman deuh a thian ten min hrilh kha ka ngaihtuah chhuak zawk mai. Rome pana kan haw kawngah kan sawi hova. Biakin a kan thil hmuh chuan ngaihtuah a ti tam khawp mai. Hmangaihna hi enge ni? Hmangaihna dik a awm thei em tih chu Valentine denchhenin chhiartu ten i thlir ho teh ang. Hmangaihna hi sex ah i tawp tir mai em? Perfume chuan ama rimtui a sem angin hmangaihna hi i hriat thùk leh i pe tam mai dawn a ni. Dam chhung daih tura kan duh hmangaihna hi foundation tha takahdin tur a ni; taksa initna leh tisa chàkna hrikthlakna a innghatin rei a daih lo. Mahni hmasialna tel lova midang hlimna duhna chu huam telin hmangaihna chuan mi nuna thil tha a thur chhuak thiam thin. Inhmangaih tak si, sex hman hnu a inhaw zui ta mai te hi mak i ti em? Bialnu a lo rai palh a inti pa tlat, ‘ka fa a ni’ pawh ti ngam lo val hi engtinnge i ngaih? Mak ti mai lovin a chhan han chhut ve teh. Sex hmang lova in ngaihzawn hi kim lova kan ngaih tlat vang a ni thei ang. ‘Ka hmangaih che’ tih hi ‘i taksa ka it e’ ti anga ngai tlat, inneih hmaa inhmang zo, inchhir leh si te dinhmun a ni lo em ni? That lai huna mahni inthunun chang hre lo te hi upat hunah an inchhir fo. Nang duhthlanna i siam ngam angem? Hmangaihna dik chu thlarau ruih mai, hlimna thuruk keng a ni. Thlarau pahnih an inkawp a lo ni a; duh zawngte intawmin nun hausa an insiamsak thin. Hmangaih te rilru, chàkna leh thlarau nun thlengin min ngainat tirin, duhawmna ril tak inphum ru chu min hmuh tir thin. Chuvang a ni tisa chàkna ringawt dah lal a pawi khawih ten hlimna dik leh lungawina tak tak an nei ngai hauh loh ni! Chutiang mi chu mahni duhamna salah tangin, vàkvel ruai mahse a thinlung a ruak huai a, a inlamlet loh chuan itna sualah a boral thin. (he nun hahthlak tak hi sex life ah chauh ni lovin, ngawlvei (addicts) te nunram pawh a ni). Hmangaihna chuan hringnun mamawh a phuhrùk thei a; mihring inkara hmangaihna hi chunglam hmangaihna (agape) in a tinung tur a ni. Pathianin ama tan a siam tlat vangin! Chu Siamtu malsawm sa hmangaihna chu mualpho hlauh vanga nau ti tla ten an va ti bawrh bang nasa em! Biakin ah tlar hma kan la chuh ngam tho si. Hmangaihna hman sualnaah thlarau thil a leng lova; hmabak awm chhun chu hmelma pa Setana bawih rinawm nih a ni mai. Pathianin sex hi nupa inpumkhat nan leh fa hrin nan a lo ruat thlap a ni. Pawisa in sex lei thei mah la, hmangaihna chu i lei thei lo. KS ten an taksa nawmna

Date: 15th February 2009

an hralh a, hmangaihna tel hauh lova sex an hmanna chuan an nun a ei chhia a, kawng dik zawh a har tawh. Sex chhiahhlawhah an chang a ni ber. Drugs addict, zu ngawlvei leh chin tha lo lian nei te pawh salah an tang tho, chhanchhuaktu an mamawh hle. An nun chuan chhungril kehsawmna leh tahna a thlen a; sim duh, sim thei si lovin sualah tlu nawn chiam a, nun hi an tan awmzia a awm ta thin lo. He beidawnna hi tam tak inawhhlum chhan a ni fo. Nupa chuan an inhmangaihna vawr tawp chu sex hmangin an chèn thin. Siamtu duhdan leh remruatna a ni a; kan society pawhin a ngaisang a ni. Nupa rinawm rinawm chuan Pathian leh Kohhran hma a ‘Tiam tlat e’ an tih kha hre rengin, harsatna karah rinawmna an thlang tlat thin. Setana do tlat te hi kan Pathian hian a ensan ngai lo. Conference leh Krismas ni khua vel a tlak ral a tan Siamtu hian sex hi a design mawlh lo. Pawngsualtu ngat phei chu khawthlang hmelma a ni. A tuartu nunah damchhung hliam, ser reh thei lo a siam avangin a chan chu a rapthlak ngawt ta ve ang! Kawng zawha do rem theih lah ni hek suh. Mi hausa fa tih pawh nise ang khatin i do ang u! I nuna hlimna i zawn kha duhàmna leh itna ramah i hmu ngai lovang. Hei nupa thuruk a ni. Mahni nupui/ pasal nena hlim lo, midang zawng a vak chhuak te hi chhungrilah an hlim thak lo. Hlim angin lang mahse, Siamtu phalloh sual a tih avangin, sual inhriatna leh inthiamlohnain an khat a, beidawnna leh channa bawk a tawp thin. (Mitin experience a in ang lova, a tlangpui kan sawi mai a ni). Sex education kan nei lova, a sawitu nih pawh kan la ngam manglo a ni awm e. Engkim chhin kher kan tum avangin humsual kan dai a, fahrah tam tak siam a. Nupa inthen an pung zel a. Sex kawnga ‘ka zalenna a lawm’ tih ngaihdan hian kan fate a eichhe mek a. Zep lovah chuan thawhrah kan seng mek a ni lawm ni, kartin deuh thaw mai ‘pawngsual’ tih chhiar tur a awm tak le. Ram hmangaihtu tan chuan a na ngei e. Nu leh pa hmangaihna dawng miah lo, mahni nu leh pa pawh hre lo chuan eng ang hmangaihna nge a pekchhuah ang le? Chu fahrah chu vai ho min rawn siam sak an ni lo. Mawhphurhna la ngam, a tawp thleng a hlen ngam thalai, nu leh pa kan ram hian a mamawh takzet a ni. Mahni phak tawkah eiruk kan duh deuh vek. Ram hruaitu vei thenkhatte hian an hunlaiin eirukna an do kher lo. Mi chanai kan eiral atangin Pathian ram kan pe a, Pathian ram list ah hmang hming a lawr vanga upa a min thlang palh a nih phei chuan tu thlarau tak chhanchhuak ang i maw? Mipat hmeichhiatna thlahdahna hmunah social life a chhe tial tial a tih theih. Kan fate an tet lai atang zirtir ngun, thu tha hrilh leh an entawn tlak a kan nun loh chuan hmalam hun duhawm beisei ngam tur kan ni lovang. Midang kawk zel lovin mahni chhungkuaah theuh bul tan ila. Mipat hmeichhiatna hman sual pawizia te leh thianghlim taka nun a hlutzia te kan fate zirtir ila. Sual tlu te chhanchhuah a harzia kan hriat tawh hi, hawh u hmathar i la ang u. A la tlai love, hawh u siamthat ngai apiang i siamtha ngam ang u.Midangte hlimna duh tlat mi chu an hlim (Phek hnihna ah chhunzawm)

Vol XIV Issue No. 7

Bangalore Mizo Association Pathianni Tin Chhuak Chanchinbu

Editorial BMA Editorial Board chuan chhiartu zawng zawng te Valentines Day chibai a buk a che u ! Sawiselna leh do na tam tak kar ah buaina leh harsatna em em awm lovin boruak thawl nuam tak ah Bangalore mipui te chuan he ni hi kan hmang thei a.Police te hmalakna leh thawh rimna vang kan ti thei ang.Nimin tlai khan “Pink Chaddis” 2500 zet chu Sri Sene office Bangalore ah thawn khawm ani. Vawiin chu hei Valentine’s Day denchhen deuhvin BMA AW pawh kan han chhuah a, sawi leh sawi hnu, BMA AW atan hian chhiartu te’n kan vei zawng zawng te i han thawhkhawm thin ang u.

TUALCHHUNG NEWS Ø

BMA Parting cum Election chu March 7 hian UTC ah neih ani dawn a. Member te kal thueh turin kan in hriattir e.

Ø

BMA Silver Jubilee hawnna function leh Seminar chu April 4 hian UTC ah neih tur ani a, zing dar 10:30 ah tan tur ani.

Ø

BMA Circulation Manager Nl.Jennifer Lallawmpuii leh BMA Treasurer Nl. Rebeccca Lalmalsawmi te chuan tun nilaini kal ta khan Mizoram lama awm hlen turin min liam chhoh san ta.Heng kan member thanhnemnbgai tak te te hi BMA chuan kan ui hle, an kal zelna tur ah duhsakna kan hlan e.

Ø

Nimin khan MSA Basketball Tournament final chu Koramangala ah zawh fel a ni ta. Champion Team hi The Chukchuz an ni a, Runner’s up chu DR. AIT te an ni.Mi thahnem tak he final khelhna ah hian an kal khawm ani.

Ø

Kan member Pi Mawii, MOIE’s Beauty Parlour, Indiranagar te chhungkua pawh vawiin khan Singapore leh Malaysia ah laina te tlawh tur in an zin.

(Phek khatna chhunzawm) thin. Tirhkoh Paulan kan thawhrah kan seng tur thu min hrilh kha (Galatia 6:7). Pathian thlarau danin min bum ngai lo.Nunna, zalènna leh hlimna dik hi i Pathianin amah i thlan avanga a pek che a ni.Mi dang hlimna i dah lal chuan a chhungril hlimna i ngaihtuah hmasa dawn tihna a nih chu! Kan tehna ngai bawkin min la teh ve dawn sia (Luka 6:38). Hmangaihna kan zawn nasat luatah, hmangaihna bulpui, Pathian kan hre chang lo fo. “Pathian chu a thianghlimin a buai bawk si a, mihring inkara hmangaihna lehzelah hun a nei lovang” ti pawh an awm. Hmangaihna a hmun laili chu a duh tlat si. Hmangaihna dik hi tem ve ngei la a duh che asin! Hmangaihna dik leh rinawm nei hauh si lova, i bialnu/ i bialpa i lo chhai a, a parmawi thliah mai i tum anih chuan, i la puitling tawk lova, i hmangaih tak tak lo tih hre nawn ang che. Tlangval pakhat hian a chhas hnenah, ‘Ka hmangaih em che avangin, kan inneih hma zawng ka khawih hem lovang che’ tiin love letter a thawn a. Chutiang rilru puilting i pu ve em? Kan nulate dinhmun derthawng tak chu zahin i venhim sak lo ang maw? Chutiang mihuaisen leh puitling chu kan Zoram hian a va mamawh em! Aw thalaite u, hmangaihna leh rinawmna chher hriamin, chhe thei lo leh phatsan ngai lo hmangaihna chuan in hmangaihte theuh han thuam thar teh u. Chutin chhungkaw tinah, inngaizawngte inkarah, nupa inkarah leh in melh no tan te inkarah hmangaihna fim leh sual kai lo kan din anga, vanram tlafual kan chèn reng mai dawn a ni. Kahlil Gibrana chuan, “Nitina intuaithar lo hmangaihna chu dàn satliahah a chang a, zawi zawiin chhiahhlawhah min siam thin” a lo tia. Eng kawng pawh zawh ila, kan hmangaihna kan tuaithar fo a ngai tihna anih chu! Nitinin ‘I love you’ tih mai bakah kan hmangaihte huaisen leh duhsak taka kan hmangaih hi kan tih makmawh a ni ta. “Hmangaihna chauh lo chu tuma engmah ba suh u” tih a ni si a. Hmangaihna thuthiama rinawm zo lo te leh hmangaihna kehsawm mekten ngaihdamna nen bul tan a, hmangaihna dikin ro a rel leh theih nan Lal Isuan mitin min puiin kan thlarau nun tithar mawlh rawh se. (He article ziaktu hi email: [email protected] leh mobile 00393397448695 ah contact theih a ni e) www.zawlbuk.net

MIZORAM NEWS §

§

§ Editor: Thaarie Hnamte – (Mb) 9886145877 Jt.Editor:Isaac Chawngthu (Mb) 9986137633 Cir.Managers: Jenny Pachuau & Vanlalchhuani Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Date: 15th February 2009

February 12 a All India Radio, Aizawl leh Mizo Cultural Organisation tangkawp buatsaih ‘Mizo Pipu Zai Intihsiakna’ chu Vanapa Hall-a neihah chuan Aizawl khawpui chhung veng hrang hrang atangin Group 23 leh Aizawl pawn atangin Group 11 an tel a. He hun hmanpuitu Pu L.Ch.Sailo, Director, AIR Aizawl chuan intihsiaknain a tum ber pakhat chu Mizo culture humhalh leh Mizo hnam zia vawnhim zelna tur a ni a ti. Chawhnu lamah result puanna leh lawmman semna Pu C.Lalrosanga, DDG (NER-II) in a nei a, lawmman dawngtute chu :- Pakhatna -MCO, Khawhai, Pahnihna -Ramhlun South Cultural Club, Pathumna- Ramhlun Sports Complex Cultural Club te an ni. He intihsiakah hian lawmman 1-na Rs.20,000/-, 2-na Rs.15,000/- leh 3-na in Rs.10,000/- an dawng a ni. A tel zawng zawngte chu Rs.3000/- lawmman pek an ni vek bawk. Top 10-a tlingte chu AIR Radio Artiste-a lak an ni nghal bawk. (Courtesy Mizo Aw) All India Radio, FM Zoawi chuan Valentine’s Day pualin nizan dar 7:00 PM atang khan Special Live Programme a buatsaih a, he hunah hian zaithiam lar tak tak Elizabeth Zodinpuii, C.Vanlalsanga (C.Sanga), Manuna (Hard Ray Vocalist) leh B.Malsawmtluangi (Spi) ten hun an hmang. Heng top artist-te hi telephone 2310086 ah biakpawh theih an ni a. Valentine’s Day pual hian Mizo leh Sap hla thlanna neih ani. DDK Aizawl chuan February ni 16 (thawhtanni), 2009 zan dar 6 leh dar 7 inkarah sorkar laipui Interim General Budget Session sawihona Live Discussion a buatsaih dawn a. Prof. Lianzela, Dr. Vanlalchhawna, Mizoram University leh Pu Lalthlamuana, Pachhunga University ten Union Budget 2009 - 2010 sawihona hun an hmang ang.

Vol XIV Issue No. 7

§

Bangalore Mizo Association Pathianni Tin Chhuak Chanchinbu

MNF President, Pu Zoramthanga chuan, kumina MP thlanna lo awm turah vote thlakna khawl, Electronic Voting Machine hman a nih dawn chuan MNF-in inthlan a boycott tur thu a puang.Pu Zoramthanga hian nimin khan Champhaia an party office-a inkhawm buatsaihah thu sawiin, Mizoram Assembly inthlannaah khan mipui rin phak bak leh chiang taka hnehna chang ta, Congress mite ngei pawhin an rin aia tam vote an hmuh avangin inthlanna atana hman EVM hmanga vote tla tihchingpen a ni tih a chiang niin a sawi a. EVM dik loh dan leh vote tla khawih chingpen nana hman theih a nihzia hi Rajya Sabha member, Pu Lalhmingliana pawhin opposition party inkhawmah a sawi tawh thu sawiin, EVM hman hi MNF chuan a duh lo a ni, a ti.Pu Zorama chuan, Pu Lal Thanhawla kaihhruai Congress sorkar thar chu 'Chiahpuam sorkar', EVM hman dik lohna atanga piangah a puh a. February 24-a district paruka Village Council inthlanna neih turah MNF leh eptu party dangte chu seat a tam thei ang ber lak tum turin a fuih a; Assembly inthlannaa MNF candidate zawng zawngte chu an dinna bial theuh fanga ngawrh taka campaign tura hriattir an ni tih a sawi.

pahnih chuan a thlaah vur a bet nia an hriat thu an sawi tih hriat a ni a, "Thlawhna tumhmun atanga chhim lam mel 20ah khan vur tlang kan man tel a ni," tiin pilot pakhat chuan a sawi.Thlawhna chet sual lai hmutu pakhat Tony Tatro chuan thlawhna hian a tlak hmaa lawk khan harsatna a tawk tih a hriat theih niin a sawi a, thlawhna thla vei lam chu a hniam bik niin a sawi.Thlawhna che sual avang hian leia awm mi pakhat a thih bakah midang pahnihin hliam na vak lo an tuar a, thlawhna chet sualna bul hnaiha awm in 12 chu a chhunga chengte thiar chhuah nghal an ni.August 27, 2006 khan Lexington, Kentucky atanga thlawk chhuak tur Comair jetliner a chet sual abangin mi 50 an lo thi tawh a, nimina thlawhna che sual chu US-a sumdawng thlawhna che sual leh hmasa ber a ni. Ø

LAWRKHAWM Ø

Ø

Ø

Delhi lam atanga thu dawn danin January ni 12 zan khan Mizoram House, Vasant Vihar, New Delhi-ah chuan Lunglei lam mi thi lu an men a, hemi zan hian Mizoram House garage-a VIP Governor leh Chief Minister hman tura car dah chu misualin an suasam a, a suasamtute hi Mizo an nih ngei rin a ni a, police-ten an chhui mek niin thu dawn a ni. 17th National Wushu Championship, Maharashtraa Feb. 1-6, chhunga neihah Mizoram aiawha kal Women team-te ami 75 kgs-ah K. Lalnunsiami, Chawlhhmun chuan silver medal a dawng a, Lalhlanmawii, Dam Veng chuan 56 kgs-ah bronze medal a dawng bawk. February 13 khan US-ah thlawhna tum turin in a sut avangin a chhunga chuan mi 49 an thi vek a, leia awm mi pakhat a thi bawk.Kum hnih leh a chanve chhunga US-a sumdawng thlawhna chesual avanga mi an thih hmasa ber tum a ni. Thlawhna che sual hi Continental Connection Flight 3407 niin Buffalo Niagara International Airport-a tum tur a ni a, thlawhna tumhmun atanga KM 8 vela hlaah a chesual a ni.Thlawhna che sual hi mi 74 chuan theihna Q400 Bombardier aircraft niin Colgan Air enkawl a ni a, Newark Liberty International Airport, New Jersey atanga thlawk chhuak a ni.FBI thupuangtu Rchard Kolko chuan thlawhna che sual leh security hian inzawmna a neih hmel loh tiin a sawi. Buffalo air traffic control radio atanga a lan dan chuan thlawhna chet sual hma lawk khan a khalhtu hmeichhe pilot chuan air traffic controller-te a bia a, chumi hnu lawkah trafic controller lamin biak leh an tum chuan chhanna an dawng ta lo a ni.Thlawhna chetsual hnu lawk khan pilot

Date: 15th February 2009

Ø

Russia leh US satellite boruaka insu kehthem chu satellite dang tan a hlauhawm dawn a, kum 10,000 thleng chu boruakah hian an cham bang dawn niin mithiamte chuan an sawi.Thawhlehni khan Russia sipai satellite thlahthlam tawh leh US commercial satellite hna thawk pangngai mek Iridium chu lei atanga Km 800 vela sangah an insu a. An insutna hmun hi satellite hovin lei an helna hmun lun ber a nih avangin a kehthem la awmte chu satellite dang tan a hlauhawm a ni."Km 800 vela sang hi satellite chi hrang hrang ten lei an helna hmun ber a nih ber a nih avangin a kehthem la cham bangte hi an tan a hlauhawm a ni," a ti a, satellite kehthem hi kum 10,000 vel thleng an chambang dawn a, an thlawh chak em avangin spacecraft dangte tan a hlauhawm dawn niin a sawi.Satellite kehthemte hi satellite pahnihte insutna Siberia chung zawnah lei atanga Km 800 velah an awmkhawm deuhna nain hmun danga thlawk chhuak tawk an awm tho niin Russian sipaia Space Forces hotupa Maj.-Gen. Alexander Yakushin chuan a sawi a, Km 500-1300 inkar velah satellite kehthemte chu an thlawk niin a sawi.David Wright, Union of Concerned Scientists’ Global Security-a thawk chuan satellite kehthem centimetre khat lek pawhin satellite a ti chhe thei dawn a ni, a ti.US sipaite chuan satellite kehthem inches 2-4 vela lian 17,000 an hmu chhuak tawh a, international space station venghim turin hma an la mek a ni. (Courtesy Evening Post) Alfie Patten (13) leh a bialnu Chantelle Steadman (15) chuan ni ruk liam ta khan fanu duhawm tak Maisie Roxanne, Eastbourne Hospital, East Sussex-ah an nei. Alfie chu han en mai pawhin, a tet reuh em avangin kum 13 mi hmel pawh a pu lo lehnghal a ni awm e. Mahse PA tha tak nih a tum tlat a, damdawiinah pawh a bialnu chu a awmpui reng ni awm tak ani.(misual.com)

Tunkar changvawn:”Chutichuan heng pathum, rinna te, beiseina te, hmangaihna te hi a awm reng ang;tin, hengahte hian a ropui ber chu hmangaihna hi ani” – I Korinth 13:13

Vol XIV Issue No. 7

Bangalore Mizo Association Pathianni Tin Chhuak Chanchinbu

BMA Silver Jubilee Ropui Taka Lawm Ani Dawn. BMA Silver Jubilee lawm tur chu a phurawm khawp mai.Pawl hi din mai chu a awl a, a pawimawh chu ken kawh hi a ni.BMA pawh kum 25 kal ta khan mi tlem te in ram pawna awm kan ni si a, kan hnam nun kan chawi nun nan te leh kan ram tan hlawk leh zual a hetia Bangalore a kan awm chhung hian zirtur lam ah te tan la ila tiin BMA hi an lo din a lo ni a.Din ni chu April 4 1984 ani a, UTC ah din a ni. A din laia awm leh dintu te zinga mi tun thlenga Bangalore a la awm chu Dr. Lalrinawmi Ralte ( Pi Nutei ) chauh hi a ni tawh hial awm e.BMA an din laia an phur theih zia te, emblem siama tlangval ho leh hruaitute an ti ti nasat zia te, sawiselna leh rawtna siamtu an nih thinte a sawi chuan a lung a len hmel khop mai.Silver Jubilee Committee February 8 a neih ah chuan sum tam tak mamawh anih dawn avangin ngenna (appeal)siam ni se tih rawt a ni a, chuvangin kan phak ang tawka hetiang hun pui kan han hmuak thleng mai tur hi member tin te theihtawp chhuaha phal ang tawk leh phut ang tawk pe theuh tur in kan rawn ngen dawn che u a, theihtawp inlo chhuah dawn nia. April 4 kan lawmna hmasa tur hi Seminar nen neih tur ani a, kan Seminar thupui te a thra em em a, ram hnuk chhah na tham vek an ni a, paper ziaktute lah chu tlangval Ph.D zirlai ram hmasawnna atana theihpatawp chhuah tute an nih mai bakah Bangalore atangin kan chhuanvawr ten paper an ziak dawn bawk a.Thalaiten hetiang thu khal lutuk an ngaithla peih lovang tia hlauhthawnna awm chu, keini Bangalore a thalai awm te chuan kan tuipui phak vek tura rin anih avangin mi thehnem tak he Seminar chhim tur hian kan kal ngei beisei ani. Kha ni (day) mawlh mai kha! - hramtea_pa (misual.com) “Thinlai a’n a cham reng thin. Khawnge maw ka di ve kha?!!!” Pu.Rinmawia (C.Lalrinmawia) hla hian ka thinlai ril a fan leh thin. A rei tawh hle nachungin vawi khat tal zawng ka han thai rang ve khanglang teh ang.. in ning em lovang chu maw, sei mahse! Ka pu, sipai bang, kum 70 chuang tawh, World War II hun laia Mizo tlangval thin kha (fam chang tawh mahse) kei, a tupa hian inentir in Guwahati lamah ka hruai ve hnap a, putu chu titi a rual mawh khawp mai! Generation gap nasa tak karah duh inang lem lo takin kan tih tur ti felin Shillong lam kan let leh. Ni hnih cham a rawt ta (kan haw tlang dawn tawh emaw tih nak a laiin!). Kan cham. February ni 13 ani a, ruahmanna thar, inthlahrung ru tak chung si, ti lui tih hriat tak siin Elephant Fall lamah a tuka len a rawt ta! Phur lem lo takin a tuk a lo thlen chuan kan hruai chhuak. Kan tlan ta vawng vawng. Fall lam thlen hma chuan speed breaker lian ber chi a lo awm dawn ani tih hre hauh lovin pu thu awih takin kan in khalh phei. “Full Stop” a han ti tuarh a, kan ding a, chu hmun scenario mawi takah chuan a chhak tlangpawng hniamte bula bakthak (khasi) in tlawm te, felfai taka inhung chu a pan ta nul nul mai! Keiin ka zui (a mit a that tawh loh vangin zui a ngai tlat!), mahse chu in kalkawng chu kum 40 hnuah pawh a lo la bel zu nia, vawi khat te pawh a petek lo!Gate a lut, ka zui, kawngka a kik, ka nghak, a rawn inhawng ta leh. Hairehai! Chu khasi nu (a sam te pawh a lo tuak ve tawh tho mai) chu a bahsam leng siau siau chungin kawngka a rawn hawng ta. Ka pu, ka idol thin, Mizopa zinga ‘man’ ber anga ka lo ngaih thin kha a tuiral titih ta mai, a aw a lawi tan, sipai accent tawk, strict leh fiak taka saptawng hmang thin kha a tawng sin ta rut mai zu nia!!! Kut zaizirin min hnawl, ka hmuh lai chuan a thiannu chuan saptawng bahlah tak mai, muang ang reng tak bawk siin “hello” a lo ti hnap mai chu leh, ka pu tan khan khawvel hi tawp ta thut se pawi hi a va han ti lo dawn rua emmmm! Body language a min hnawl hnu chuan kei chuan kawtkaiah ka lo nghak ve ta hnup mai zu nia. Mahse ka lungawi tlat!An inhmu rei lo. Pathlawi leh Nuthlawi a fala awm dun kha a mawi leh mawi loh ka hre lo nachungin an rei miah lo (sawi tur a vang pawh ani mahna!) ka pu, ka

Date: 15th February 2009

hero thin kha kohhran upa ani miau a!!!! Lo rei ta pawh nise ka va han hrethiam dawn tehreng em! Kei a tupa, boruak la man lem lo tak khan hun thawl zawk pek nachang hriain lo inthiar fihlim thui rei deuh ila zawng kut zaizir tal chuan sawi tur an ngah viau awm si a leh!! Grandpa, wherever you may be, I sincerely apologize! Upatna hian hmangaihna a ti dal ang maw? “Teuh lo mai, a teuh lo mai…..” kan ti ve anih ber hi! THINLAIA’N A THAR LEH THIN.

---------------------------------------------------------------------(Hriselna Huang) Vermont, USA a an enchhinnaah chuan, nitina thingpui emaw coffee emaw, nitin no thum atanga a aia tam in thinte zingah kawngna leh eng eng na emaw reng reng an tam bik tih an hmu. Thisena caffeine tam lutuk hian tihrawlah (muscles) electric shock ang deuh hian a thawhtir thei a, kan tihrawlte chu a tiphu (twitch) theiin a ti tang (tense) thei. Abik takin kawng atan hian a thalo zual bik a ni. Chutianga tihrawl tense taka an awm reng chuan 'na' (pain) a thlen nge nge thin. Massage therapy hmuna thawkte sawi dan chuan thingpui in tam mite te leh inlo mite chu a tihrawlah hian a hriat khawp tih an sawi a ni. Tin, hetia thingpui emaw coffee emaw, in tam bikte zinga 'na' (pain) a tamna chhan bik pakhat chu, kan thluakin na chhawkna chak tak a siam theih (natural pain killer) endorphin an tih hi kan thisena caffeine a tam chuan kan thluakin a siam tlem an ti ni. (Women’s Ministry)

Valentine’s Day St Valentine’s Day hi thawnthua ziak dan chuan mithianghlim puithiam Valentine-a vanga lo piang niin, kum AD 200 chho khan Rome sawrkar hun laiin Catholic puithiam Valentine hi a awm a, khatih hun lai khan nupui pasal inneih kha khap a ni a, St Valentine hian inhmangaihte inneih khap tlatna dan chu a palzut lui thin a, a nunna pawh chan hial huamin hmangaihte chu a inneihtir thin a ni. He a thil tih thin hi Rome sawrkar chuan hrechhuakin kum AD 269 khan tihhlum a ni ta a, amah hriatreng nan hian Valentine’s Day hi hman a lo ni ta thin a, Kristian culture atanga lo piang a nih avang hian India rama Hindu atchilhtute chuan he hmalakna hi an duh lo hle a, thalaite hemi ni an lawm hi an hmu thei thin lo a ni.

QUOTE OF THE WEEK – Love is a fruit in season at all times and within the reach of every hand. – Mother Teresa. BMCF INKHAWM PROGRAMME DATE: 22.02.2009 BMMP ten hun an kaihruai ang a, Programme pawh an kutah dah ani. Thawhlawm Hlan: Pi Rosy Malsawmthangi Spl.No: Pi F.Lalrotluangi, Pi Lalrinpuii