Bma Aw: 8th February 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 6

Bangalore Mizo Association Pathianni Tin Chhuak Chanchinbu

Pangâr zuârtu (Thawnthu tawi) – Samuel Lalrozâma Hmar (Sammy) Kum sawmli chuâng zet mai kalta, indopui pahnihna zawh hnu lam vêl khan Europe khawmualpuia ram kilkhâwr tak pakhatah hian sumdâwng pakhat hi a awm a, company lian êm êm lêm lo takah manager hna a chelh ve a. Tum khat chu an company tlakchhiat thut vangin rilru hah tak maiin a vak kual rak rak a, mahni inthah mai pawh pawi a lo ti lo ta hial a. Necktie awrh phelh deuh hnuang leh lu thur deuh tak mai chuan a briefcase, pawisa awm tawh lohna, lehkha pawimawh erawh la awm ve têk têkna chu a khai a, a nuna hlimna pe theitu tur ber nia a rin, a beiseina neih chhun, a iptea a dah chu a han phawrh a; a hmangaih ber mai nia a chhâl, a ngaihzâwngnu tâna a khêk, diamond zung bun chu a hûm chhuâk a, inhmu tura an intiam lâwkna lamtluâng chu zawhin a kal chhat chhat a. "Min hmangaih tak tak a nih chuan eng ang dinhmunah pawh ding mah i la min hmuh dân chu a danglam chuang lo ang", tih beiseina nên a pên a. An intiam lâwkna restaurant-ah chuân a thiannu chuân a lo thlen khalh a, a lo thu vâng tawh a va hmuh chuan lawmna thar a pe a; thutna âwlah chuan a thu ve a, an in "hi, hello.." zawh chuân a biâlnu chuan tawngkau a chhheh khalh a "Hei naktuk hian indona hmun chhengchhe takah ka pa an tansfer dâwn vangin Americca lama kan chhûngte bulah awm tûrin min ti a, ticket pawh ka kutah min hlan tawh nghe nghe a, chumi hmâ chuan i hnenah lâwmthu sawi tûr tam tak awma ka hriât vângin hmu lo thei lo chein ka hria a, ka ko che a ni," a ti a. "Duhtak! kan inhmangaih a kan hlim dûn a, mahse dam chhûnga inkawpa awm dûn tûr erawh chuan kan mizia hi inmil tak takin ka hre thei lo; kan inhmangaihna te kha a thlâwn tawp lo tih erawh ka hrilh thei a che", a ti a, "Nang pawhin i hriatthiam ka ring, kawppui tûr tha tak i la hmu ve mai ang, ka chunga i thatna zawng zawng avangin ka lâwm e", a ti zui bawk a. Mipa chuan a theihna zawng zawng sâwm khawmin tihian a chhâng a, "Ê!! teh rêng mai, i hlimna ber hi ka lawmna a nia, chutia thatna lam tur nia i ngaih chu kei chuân ka pawm dam thlap e", tiin a chhâng a ringawt a, an inthlah liam ta a. Tichuan lui kam lam panin lei ko ah chuan a kal a, chu zungbun chu a en vang vang a, nun hian awmzia rêng a nei tawh loh zia thu chuan a thinlung chhungril atang chuân a rawn deng dut dut a. Chutih lai tak chuân cycle hian nula pakhat hi a rawn tlân a, pangpar tam tak hi zuârin a rawn kal kualpuia, a bul hnaiah chuan bell a rawn hmet ri ral ral a, chu pa chuân a bialnu ngainat ber rose pâr vâr ngei mai chu a hmuhin a lung a ti lêng thar a, chu nu chu a ti ding a, a lei ta a. Rose pâr chu thlir vang vang chung chuân tihian a a lungrila thu awm te chu a phawrhchhuâk zui a, "Khawvêlah hian ka lo piang ve kher hi chu âw a pawi a ni!! He rose par ang hian pâr vula chuai leh mai mai thei ni i la", a han ti a. Chutah chu nula duhawm zet mai chuan tihian a chhâng lêt a, "Ngawi teh ka thianpa, hê'ng pangpâr ho tê te hian lawmna min pe ve thei asin, a lo thlâwnin an pâr vulin an chuai ral mai mai bîk lo; i hmêl a nguiin i hlimlo a ni tih a hriat theih e; amaherawhchu khawvêl hi chu kan hmuh dân a zirin a mawiin a mawilo mai mai a ni, kan thil tawn te hi lâk dân kan thiam leh thiamloh a zirin a nuamin a hrehawm mai thin zawk asin", a ti a. Chutah chu pâ chuan nui chungin, "Min zirtîr i tum a maw!?! Kei Managaer lian leh nang pangpâr zuâr nula.. haha. Nun hian min bum chiang lutuk a, hei tunah pawh ka chakna leh huaisenna zawng zawng fâwm khâwmin he ka nun hi tih tâwp ka tuma, he lei ko ah hian ka lo ingnaihtuah vêl mêk a nih hi, ka unau.", a ti a. Chutah chu nulâ chuân tihian a chhâng lêt leh a, "Ngawi rawh ka pu, chu i thil tum harsa tak mai i tih hlawhtlin hmain ka chanchin tâwi tê ka han hrilh ve lawk ang che. Fahrah enkawlna (a

Date: 8th February 2009

hming a sawi a) rethei taka thanglian ka ni a, indopui lâi a ni bawk nên, ei tûr te hi a chuh helh helh ta a ni ringawt mai a, hmeichhia, inpuitawn tûr kan tlêm bawk si; riltâm taka mutmû tuah châng ka ngah lutuk; mahse, kan awmna bula awm ve tho mipa naupang pakhat hian a thil dawn leh a chuh chhuah apiang hi a phel a, min hlui ve ziah thin a, chu chuan ka nun a tihlimin chakna thar min pe fo thin. Kum hnih hnuah indo a lo zo a, chu nauapang chu chhungkaw pakhatin an la ta a, keipawh chumi hnu reiloteah chuan miin min la ve a, hei vawiin ah chuan chhhungkaw châwmtu ber ka lo ni ta. Kan chhungkua chu kan hausa lo, mahse kan neih tawk têah lâwm nachâng kan hria a, nun hrehawmna hian min rawn chiah a tum apiangin Pathian lam kan hawi zawk a, lungngaihna te chu kan hnungchhawn thin a ni. Kha naupang thil tih ho tê khân vawiin ni thleng hian chakna min pe a, ka la dam ve tâwk tâwk nachhan pawh hi niin ka hria. Tupawh hi kan inzirtir tawn thei a nia, thainpa! Chakna leh huaisenna te hi nun tihtâwp nân niloin nun khawchhuah nân a tûl zâwk asin; zing kâwl engin buaina a rawn zâm chhuahpui chânga nunna thar neih zel tum zâwkna hi huaisenna dik chu a ni, thih ngam ai chuan nun ngam hi a pawimawh asin, Kristian i nih ve phei chuan intihhlum i duh chu i Pathian i ngainep tihna tluk a ni dêr asin; A ni chuan lungkham luât loh tûrzia a nih thu te min zirtir si a (Matt 07:25-34), i chaknaah i innghat lutuk a ni lo maw??", a ti a. Chutah chupâ mittui chu a tla ta a, "Khâ mipa naupang ngei kha ka ni asin", a ti a, "Min la tu chhungkua te kha hausa tak an ni a, vawiinah chuan heti hi ka lo ni ta a, mahse nang chuan nunna tak tak i chhar a, kei erawh chuan ka hriatloh laia thil tha ka lo tih reng laiin chu thil tha chu ka hai a, nung chungin ka lo ral tial tial zawk a lo nih reng hi mawle!!" a ti a. Tichuan huai taka nun tumin a haw a, an in hre zui ta a, chawlhkâr thum vêl a vei hnuah chuan "tiam tlat e", tia damchhûnga kawppui tûrin a sâwm a, a lo pawm a, an innei zui ta a, a zungbun pawh chu Pathianin hun a tih ni leh a tân a tha tur ngei a buatsaih, a lo dah that sak reng mai kutzungtangah ngei chuan a herh lut ta a, theiherhâwt te an ei zui a. Engkim mai hi chhan nei vek a lo ni tih te a hrechhuâk thar leh a, a ha neih zawng zawng, sawmthumpakhat (pakhat a bal tawh vangin), te chu lang vek tepin a nui ta vur vur a, an kawmchhak te pawhin an lo nuihpui ve hial a. An company pawh a tungding tha leh a, Europe khawmuala mi hausa ber te zînga mi a ni chho ta hial a, an fate pawh milian tak tak an rawn ni chho ve a. Kristian chhungkaw hlim tak an din ta a ni. A tawp ta. Kan editor te'n thu ziak tûr a nimina min han sâwm thut tâkah chuan mahni vei zawng angin ka phuah ta zuai zuai a ni; ka han sawi tum tak zâwk chu hei hi a ni. A thawnthu hi phuahchawp mah ni se, a changtupa ang khân keini pawh hi kan tuanna mual mualah a changtupa te leh a changtunu te kan ni theuh mai a, hrehawm tih chang te leh hlawhchham châng te kan nei hnem; hna thawhnaah te, zirlaiah te, nun hrehawm tih chang a tam; chutiang huna kan hriat tur chu, thih hi hrehin nun tih tawp mai te hi harsa viauin hre mah ila, huaisenna diktak chu thihna kotlânga din lai, buaina chhumpui zîng mup mup maiin kan hringnun hi a tuam tlat a, hlauhna leh lungmuanlohna te'n kan nunna hi a hmeh beh tlat lai pawha nung tura hmalam en tlat ngamna hi a ni, tih hi. Natna khuma mû, doctor te'n hun tiama an dah tawh pawh rinna leh beiseina avângin hun rei tak a nunna chu a pawtsei thei a ni, tih te pawh hriat tur a awm nual hi. Kan rinna tinghettu Pathian lam hi hawi nachâng hria ila, kan lungkham hian engmah a sawt dâwn chuang lo tih te nên. Kan thinlung hi, Van lam hawi reng chung siin, khawvêl mâwina te hi hmuh tîr ve zêl i tum hrâm hrâm ang u. Han nui lawk teh. Cheese...(Hun chep tak kara Thawnthu Tawi awmze nei tak min ziahsak tu Tv. Sammy, kan lawm e.)

Vol XIV Issue No. 6

Bangalore Mizo Association Pathianni Tin Chhuak Chanchinbu

Date: 8th February 2009

Editorial Tunlaiin “recession” tawngkam a hluar hle a.Khawvel economy namen lovin a tlahniam a. Times Now in report a pek danah chuan tunlai kan dinhmun ah India ram ringawt ah hian Minute tinin mi pali in an hna an hloh zel anga chhut ani a, thla thum liam ta chhung khan mi nuai nga chuangin hna an hlauh ani.Gems & Jewellery, Textiles, Metals leh IT company lam te’n an tuar nasa lehzual a.Surat ah phei chuan diamond khur/siamna a thawk mi 70 zet an hna an hlauh vang leh beidawnna avangin an intihlum tawh nghe nghe.Hei hi kan tunlai khawvel chu ani a, eng ang takin nge min la nghawng zel dawn hriat phak ani lo.Nitinin chanchin mak tak tak leh rapthlak tak tak kan hre reng a.Heng thil thleng hian khawvel thil a innghahin awmzia a nei lo tih a rawn tichiang hle mai.Eng pawh kan hma hun ah lo thleng se, buai phili mai lova huaisen leh rinawm taka hmalam pana, kan tum ram thleng theuh tura taima lehzuala kan chanvo kan hlen theuh a tul ani. -----------------------------------------------------------------------------------

Forensic Science Laboratory, Govt. of India hnenah heng hmanrua leh thuamhnawte hi an thawn a, anni lam hian lo finfiah hlawmin hmanruate chu thlalak amite nen a inan thu an sawi a, Reverend tawnzaua thisen kai chu blood group A a ni ti an finfiah thei a, amaherawhchu chemtea thisen kai erawh blood group an finfiah thei tawh lo thung.Forensic thiamna leh CBI lamin an thiamte hmanga Rev Chanchinmawia thih dan chik taka an chhui hnuah thuthlukna siamin, "no foul play indicating a case of homicide is made out," (midang thah a nih theihna hmuh a ni lo) tiin an tarlang a ni.CBI report thehluh hi Hari Singh, Dy Supdt. of Police, CBI/SCR III/ New Delhi chuan a hming ziak hnanin Addl District & Session Judge 1 Pi Lucy Lalrinthari hnenah hian an thehlut a, Pi Lucy chuan ama hnena an thehluh chhan sawiin, "Ka hnen a\anga case hi la an ni a, ka hnenah an thehlut leh a, hei hi court kalphung a ni," tiin a sawi. Hemi chungchangah hian Mizoram chief minister hlui Pu Zoramthanga chu Evening Post-in bepawpin ani chuan court-ah thu puan a ni a, anni lo comment tur a awm loh thu a sawi a, a kalphung dik taka kalpui a ni a, party pakhatin emawa comment lo neih chu thil rem lo a nih thu a sawi. (Courtesy Evening Post)

Reverend kha mahni inthat a ni thei: CBI PRISM ‘report’ belhchian dawl lo…

Nun Khawharna, Mimal nun leh chhungkuaa harsatna nei te, damlohna leh rilru hahna nei, tawngtaipui mamawh apiang tan engtiklai pawhin a hnuaia Phone number ah hian biak pawh theih reng ani.Lawmthu sawi tawngtaipuina nei duh tan leh Pathian thua inkawmna hun nei duh apiang tan inthlahrung hauh lovin biak theih ani e. Nl.Azaii - 9620122898

Aizawl, February 2 : Kum 2007 October ni 1-a ama chenna Khatla Venga presbyterian pastor quarters-a thia chhar Rev Chanchinmawia case chu Central Bureau of Investigation (CBI) chuan chhui zo tawhin Addl District & Session Judge 1 Pi Lucy Lalrinthari hnenah report hi an thehluh tawh a. CBI chuan Reverend hi mahnia inthat a ni thei, "suicidal in nature can not be ruled out," tiin thutlukna an neih bakah midang thah a nih theihna an hmuh loh thu an tarlang bawk.Mizoram sawrkara Home department chuan nikum August ni 21 khan CBI chu Reverend thih chungchang hi chhui turin a ngen a, he ngenna hi CBI lam chuan chhangin case No.PE-2 (S) 2008, SCR-III/ND chu nikum September ni 6 khan an ziaklut a, hemi hnu hian Rev Chanchinmawia case hi hawngin Mizoramah rawn kalin an chhui ta a ni.CBI lam chuan Reverend thih dan chhuinaah hian tualchhung police-te kawmin anni hian Special Investigation Team (SIT) te thil hmuhchhuah bak sawi tur dang an nei lo tih CBI report-ah hian tarlan a ni a. Police bakah hian thita chhungte bakah Mizoram People Forum (MPF) secretary leh NGO pakhat, PRISM hruaitute pawh an kawm thu an tarlang nghe nghe a. Report-a an tarlan dan chuan mi chi hrang hrang an kawm bakah kil hrang hrang a\angin an thlir tih an ziak a, Rev Chanchinmawia ruang bula hmanraw awmte pawh phai lamah ennawn turin an thawn thu an ziak tel bawk.Kil hrang hrang atanga an thlir avangin PRISM lamin CBI Director hnena nikum August ni 23-a Reverend thih chungchangah rinhlelh mi pahnih ziaka an hriattir chungchang phei chu uluk takin an bawhzui a. PRISM lam hian CBI hnenah hian Reverend thihnaah hian hel pahnih Liandala leh Remlala chu an inhnamhnawih niin report an thehlut a. Hemi chungchangah hian CBI lam chuan PRISM hi an kawm tih an report-ah hian tarlan a ni a, PRISM hian ‘evidence’ engmah an neih loh mai bakah heng mi pahnihte address pawh hi an hriat theih loh avangin CBI lam chuan he inpuhna hi thu tlingah an ngaih loh thu an ziak tel nghe nghe.Reverend post-mortem result-te leh X-ray leh he thihna chhuina kawnga thil pawimawh awm thei ang angte chu CBI lam hian Prof. TD Drogba, Prof. & Head, Department Forensic Medicine & Toxciology, AIIMS hnenah an thawn tih an ziak a, Prof. hian hemi chungchang hi Board of Doctors/ Experts hnenah thlenin uluk takin doctor thiam rualin an endik hnuah thutlukna siamin, "suicidal in nature cannot be ruled out," (mahni a inthat a ni lo tih hi a pawm theih ngawt loh a ni) tiin thutlukna an siam.CBI lam hian Mizorama an mi kawm tur pawimawhte an kawm bakah Rev Chanchinmawia ruang bula hmanraw awm te, tuboh, chemte leh a thuamhnawte chu Laboratory changkang zawkah an thawn thu an ziak tel bawk a. Director, Central

Tun tum BMA Aw Thawnthu Tawi Ziaktu Tv.Sammy (Kickboxing World No.3)

BMA Vice President Pu Josiaha’n infiamnaa a duh berte zinga mi Arm Wrestling – B’lore ‘05

Ngaihtuah zui atan… Zirchianna atanga thil hmuhchhuah thar chuan hmeichhe rilru hriatthiam a har tih ngaihdan awm sa a nemnghet.Indiana University-a research beitute chuan hmeichhia leh mipa hnenah video clip chi hrang hrang 24 en tirin "He pa hian he nu hi a buaipuiin i hria em?" tih leh "He nu hian he nu hi a buaipuiin i hria?" tihte an zawt a, chumi chhanna chu mipa leh hmeichhe rilru put dan hriat harsat dan leh awlsam dan zirchian nan an hmang a ni.Zirchianna atanga thil hmuh hi January thla khan Psychological Science chanchinbu-ah chhuah a ni a. Mipa aiin hmeichhe rilru hriat a har zawk tih hmuhchhuah a ni.Hmeichhiate hi an pianphung avangin inthup tura ngaih an ni, tiin he zirchiannaa a khaipa ber Skyler Place chuan a sawi. I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Vol XIV Issue No. 6

Bangalore Mizo Association Pathianni·Tin Chhuak Chanchinbu

Cane Chair Set leh Center Table la thar tha tak, man tlawm taka hralh duh ani a, hrechiang duh chuan a rang lamin Ph- 9740611225 ah zawhfiah theih ani e. TUALCHHUNG NEWS Ø Pu Jonathan Lalremruata pa, Pu Joseph Lalchhuana

Hmeichhe hruaitute pawh hmun hrang hrangah an insemdarh. ·

pawh damlohna avanga hun engemaw chen Vellore a an inenkawl hnu in Bangalore lamah in enkawl chhunzawm turin kar kalta khan an rawn phei. Ø

Kan member Tv. Aris Vanneihtluanga unaunu, Pi Lalbiaktluangi chuan nimin February 7, 2009 zing dar 9:40 khan fapa duhawm tak a nei. Pi Biaktluangi hi Harvest today Kolkata a Missionary thawklai ani a, nau nei tura Bangalore- a lo chhuk ani. Kan lawmpui hle.

Ø

February 3, 2007 khan kan member Florence Lalnuntluangi chu a pa, Pu John Zonuntluanga’n Cancer natna vangin Aizawl ah a boralsan. A tuk ah BMCF kaihhruaina in thlan thuhna Kammamnahalli ah neih ani.

Ø

BMA Silver Jubilee Committee chu vawiin inkhawm ban hian Dr. Rini Ralte te in, UTC ah neih ani ang.

Ø

MSA Basketball Tournament chu nimin inrinni zing dar 10 khan Koramangala ah tan ani ta. He hmun ah hian mi thahnem tawk tak an kalkhawm a, inkhelhna hun hlimawm tak an hmang.Karleh inrinni February 14 hian Dr.AIT leh The Chukchuz te’n final a hmun ngai th Koramangala 5 Block ah an khel ang.

·

MIZORAM NEWS ·

·

·

Ministry of DoNER buatsaihin ‘Free Training Programmes in Call Centre (CC) & Secretarial Practice (SP) for Educated Unemployed Youths of North Eastern Region States’ chu Aizawl-ah tih tan a ni dawn a. Training Programme atan hian mi harsa zawkte leh pianphunga rualbanlote duhsak bik an ni ang a, trainees zawng zawng ten stipend an dawng ang. Pawl 10 pass chin tan leh NASSCOM hnuaia NAC Test lo ti tawhte tan a dil theih a ni.DoNER chuan Aizawl-a he Training Programme kengkawh turin ACCENT, Institute for Call Centre Training & Spoken English, Lower Chanmari, Aizawl a thlang a. Helama tui mite leh dil duhte tan phone no. 2305292 / 9436772646 ah te ngaihven theih a ni. (Courtesy Evening Post) February 3 khan a tum khatna atan Art & Culture department buatsaihin Zo Khua (Cultural centre), Falkawnah Páwl Kût hman a ni a; cultural club hrang hrang leh naupangte’n hnam lam leh zaite bakah, hmanlai Mizo nunphung tilang thei tur chi hrang hrang an entir. He hunah hian Art & Culture Minister Pu PC Zoram Sangliana chu Kût Pa a ni. (Courtesy Vanglaini) Presbyterian Kohhran hmeichhia chuan February 6 zan atang khan Pastor bial khawmpui an hmang tan a, khawmpui hian naktuk Pathianni zan thleng a awh ang. Khawmpui hmanpui tur hian Central Kohhran

Date: 8th February 2009

·

Mizoram sawrkar chuan thlasik laia hnathawh hun bi zing dar 9:30 - 4:00 chu tidanglamin Feb. 16. 2009 (Thawhtanni) atanga hman tan turin zing dar 9:00 5:00 thleng a bituk. Hetihlai hian Mizoram House, Delhi pawhin an hnathawh hun chu zing dar 9:30 - 5:30 thleng a bituk bawk. February 4 tlai dar 3 khan Agartala-a U.K. Mini Stadium-ah NE Games 2009 chu a thlengtu Tripura chief Minister Manik Sarkar chuan a hawng.North East games vawi 23-naah hian heng discipline 10- judo, Table Tennis, Gymnastics, Athletics, Swimming, Badminton, Hockey, Boxing, Football, leh Weightlifting ahte inelna neih a ni mek a, players 1,100 banah team official-te nen Agartala khawpuiah infiammi an pungkhawm hut hut mai a ni. Nikuma Guwahati NE Games-ah khan infiammi leh official an vaiin 1,760 zet an pungkhawm a, kumin hian neihna hmuin a zir lo deuh nge infiammi an kal tlem hle a, India hmarchhak state 8-te an tel kim vek a ni. Kumin hian Tripura State Sports Minister Tapan chakraborty chuan infiamna chi 10-ah gold medal 129 a awm dawn thu a sawi.Nikum jan. 30-Feb. 2 chhung khan Assam khawpui Guwahatiah NE games hi neih a ni a. He mi tum hian Mizoram chuan gold 16, silver 18 leh bronze 23 lain a pumpuihah pathumna a ni. Infiamna chi 11 hmanga inel niin Mizoram chuan chi 10-ah infiammi 147 tirin official 24 an tel bawk a. State 8 zingah pakhatna Manipur (74pts) leh pahnihna a thlengtu Assam (62pts) te pha lo mah se, hlawhtling thawkhat hleah a inngai a ni. (Courtesy Mizo Aw) Mizorama Central Bureau of Investigation mi leh sa awmchhun nia inchhal Kawlsata chu a awmna chin hriat lohin a bibo mek a, Aizawl District Court-a Additional District and Sessions Judge Pi Lucy Lalrinthari’n Aizawl Police Station-a FIR a thehluh bawhzuitu Mizoram police te chuan zawngin Kawlsata hi tukin thleng khan a awmna chin an la hre thei rih lo niin thudawn a ni.February 4, 2009 (Nilaini) zing dar 10:00 vel khan Constable/Head Constable Kawlsata hi Pi Lucy Lalrinthari, Addl. District & Session Judge Office, Treasury Square-ah kalin Mizorama CBI mi leh sa awmchhun a ni tih a hrilh a. Rev Chanchinmawia thih dan chhuitu CBI report thehdarhtu a nih avangin Pi Lucy chu dinhmun hlauhthawnawm taka ding a ni tih a hrilh a. Khawi hmunah pawh enthlak leh zui reng a ni, tiin, a khawngaih em em thu vawi engemawzat a sawi nia thudawn a ni.

Tunkar changvawn:”Aw, Lalpa thatzia chu tem chhin teh reng u: Amaha rinna nghat mi chu a eng a thawl e.” – Sam 34:8

Vol XIV Issue No. 6

Bangalore Mizo Association Pathianni Tin Chhuak Chanchinbu

LAWRKHAWM v India hian court 10,000 chuang a la mamawh tih Zirtawpni kal ta February 6 khan Suptreme Court chuan a sawi a, hetih rual hian mipui 80-85% te hi high school thleng zir pha an nih loh chuan awmzia a nei lo ang, a ti thung. He thu hi Sonebhadra district, Uttar Pradesh-a lirthei chesual avanga thi 4000 chuang zinga zangnadawmna hmu pakhat mah an awm loh chungchangha PIl ngaihtuahtu Supreme Court bench Chief Justice KG Balakrishnan leh Justice P Sathasivam te awmnain a sawi a ni. v India sorkar chuan All India Institute of Medical Sciences (AIIMS) ang zirna in tha pahnih siamna tur pawisa Ningani kal ta khan cheng tluklehdingawn 16.46 a sanction. v Pakistan Prime Minister Yousuf Raza Gilani chuan firfiak hovin Mumbai an beih chungchang Pakistan-in a chhuina report chu Thawhtanni emaw Thawhlehni emaw hian tlangzarh a ni ang, tiin Zirtawpni khan thuthar lakhawmtute a hrilh. v Mangalore pub-a hmeichhe pakhat kut an thlak hnuah Sri Ram Sene chuan Valentine’s Day hmanga inkawp an awm lohna tura hmalak an tum tih an puang.Zirtawpni khan Bangalore-ah thuthar lakhawmute kawmin Sri Ram Sene hotupa Pramod Muthalik chuan Valentine’s Day hman khap an tum a, Sene mi leh sate chu Karnataka state pumah an duty dawn niin a sawi a. Valentine’s denchhen lo inrim an hmuh chuan vantlang hmaah an inneih luih tir dawn niin a sawi."Kan mi leh sate hi puithiam nena an thawk chhuak ang a, aieng tlang leh mangal sutra nen February 14 hian an vak kual dawn a ni. Khawlaia lo inkawp leh hmangaihna thu lo inhlan vel an awm a nih chuan temple hnai berah kan hruai ang a, kan inneih tir ang," a ti a. An duh lo a nih chuan hmeichhia chu a mipa banah ‘rakhi’ an hren luih tir dawn niin a sawi bawk. v Doctor-te chuan Big C an ti mai a, kum hnih kal ta chhunga miin an thihpui nasat ber chu cancer chi hrang hrang te hi a ni, tiin doctor-te chuan an sawi. Vawiin hi World Cancer Day a ni.Indian Council for Medical Research (ICMR)-in National Registry of Cancer a siama a landan hnuhnung berah chuan pumpui, hnute, leh chawdawt cancer te hi a pung nasa zual a ni.ICMR registry-a a lan dan chuan hnute cancer hi chhul kawngka (cervical) cancer a vawi khatna atan Mumbai hmeichhiate zingah a lehpel a ni. Mipa chuan oral cavity leh gastro-oesophageal channel te a pung nasa bawk.Mumbai doctor-te chuan a lungngaih thlak ber zawk chu: World Health Organisation (WHO) zirchiannain kum hnih lo awm leh turah chuan cancer hi thihna thlen tam ber tu a ni tawh dawn, a tih hi a ni. Thihna thlentu dang zawng zawng lehpelin thihna thlen tam ber a ni dawn a ni. WHO zirchiannain a sawi dan chuan kumin chhung ringawt pawhin cancer vei

Date: 8th February

maktaduai 12 hmuh chhuah an ni ang a, 2030-ah chuan mi 27 velin an vei thar ang a, maktaduai 17 velin an thih phah dawn niin an ring."Hei hi a tak tak a ni. Kum hi a pawimawh dawn a, mihringte hi tun aiin kum 5-7 velin kan dam rei tawh zawk ang a, chutiang hunah chuan cancer leh lungnatna tam ve zel tur ang chu a ni," tiin Dr Rajan Badwe, director, Tata Memorial Hospital chuan a sawi.Dr Badwe hi breast cancer specialist a ni a, kum 10 chhunga hnute cancer pun dan chu a nasa takzet niin a sawi. "Kum 10 kal ta hma lam khan kumtin cancer vei thar mi 1800 zel enkawl ang kan ni a, kum 10 kal ta chhung erawh chuan hetiang cancer vei thar hi 3200 zel enkawl ang kan ni," a ti. Tata Memorial Hospital hian kumtin cancer vei thar mi 25,000 vel enkawl ang an ni a, kum 10 kal ta erawh kha chuan 15,000 enkawl ang an ni. (Courtesy Evening Post) Mizoramah AIDS vei 269 an awm Khawvel natna tihbaiawm ber nia hiala sawi AIDS hian kan ramah bu a khuar nasa tawlh tawlh a. Heng AIDS natna vei leh HIV positive tam zawk te hian he natna an kaina chhan chu SEX vang a ni. Chuvang chuan sex laka inven a pawimawh tluk zetin inzirtir ngun pawh a pawimawh hle niin a lang.Mizoram State AIDS Control Society in data a neih thar be, Oct. 1990 atanga Dec. 2008 thleng khan Mizoramah thsen test 65,939 an awm tawh a. Heng zingah hian HIV positive hi 3,122 lai an ni. AIDS case a lut tawh hi 269 an awm tawh a, heng zingah hian mipa 156 niin, hmeichhia 113 an ni. Heng kum chhung hian AIDS vanga thi 164 an awm a, mipa 97 leh hmeichhia 67 an ni. Mithiamte chhut dan chuan AIDS vei 1 zel hian 5 vel kaichhawng angin an chhut a, chuti a nih phei chuan kan ram mipui tlemzia ngaihtuah leh thisen test la tlem zia ngaihtuah chunga AIDS avanga heti zat an thi tawh hi a tlem hranpa lo a ni.HIV positive kai zingah hian sex vanga kai an tam ber a.Mi 1858 te hi sex vanga kai an ni. Heng zingah hian mipa 944 leh hmeichhia 914 an awm. Drugs leh damdawi hman khawloh vanga kai hi 998 an ni a, mipa 805 leh hmeichhia 193 an ni. Nu leh pa atanga kai hi 126 an awm a, mipa 56 leh hmeichhia 70 an ni. Thil dang engemaw vanduaina avang a kai hi 140 an awm a, mipa 78 leh hmeichhia 62 an ni.Kum 14 hnuai HIV kai hi 131 (Mipa 58 leh hmeichhia 73) an awm a, kum 15-24 inkar hi 866 (Mipa 46 leh hmeichhia 402) an awm a, kum 25-34 inkar hi 1209 (Mipa 765 leh hmeichhia 446) awmin, kum 35-49 inkar hi 846 (Mipa 542 leh hmeichhia 304) an awm a, kum 50 chung lam hi 63 (Mipa 49 leh hmeichhia 14) an awm a ni. Tichuan HIV positive mipa 1883 awmin hmeichhia 1239 an awm a ni.HIV positive zawng zawng 3122 Sex vanga kai 1858 59.51% Damdawi hman vanga kai 998 31.96% Nu leh pa atanga kai 126 4.04% Thil dang vanga kai 140 4.49%. (Courtesy The Zozam Times)

QUOTE OF THE WEEK – Kut tlinglo leh diklo deuhva ziak a sum hai chhuahte chu tumahin ‘sual’ leh ‘diklo’ ah an ngai ta lo. Loan chi hrang hrang a lo chhuak bawk a, loan dil buaiin mipui an buai ta a. Mipuite rilru chu sum ngainatna salah nghet lutukin a lut ta a ni. -- R.L Rinawma, IRS. BMCF INKHAWM PROGRAMME DATE: 15.02.2009

Hruaitu: Rev.H.Lalhmingmawia Tantu: Tv.Reginald Hnialum Thuhriltu: Dr.Hrangthanchhungi Thawhlawm Hlan: Tawngtai Rual Spl.No: Nl.Debbie Lalnunhlui