Bma Aw: 22nd February 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 8

Bangalore Mizo Association Pathianni Tin Chhuak Chanchinbu

FAKTLAK PATHIAN - B.Kapthuama

Date: 22nd February 2009

kan fihlim bik loh tur thu pawh a chiang hle. “Heng thu hi in hnenah ka sawi tawh hi, keimahah in thlamuanna turin; khawvelah hian hrehawmin in awm thin, nimahsela thlamuang takin awm rawh u, keiin khawvel ka ngam ta,” a ti anih kha.

Hman deuh tawh khan KMC (Koramangala Methodist Church) thlatin Newsletter ‘Intouch’ ah, Israel mipui maktaduai 2 chuang zet leh an ranrual zawng zawng Pharao-a sal atanga maktaka chhanchhuah annih thu kha ka chhiar a. Kar hmasa lawk khan thiante inah kha chanchin bawk kha sawidan dang deuh hleka chhuah ka chhiar leh a. Khatiang taka harsatna rapthlak an tawh laia an hruaitu Mosia rilru mangan turzia leh thlaler hnim buk meialha ko chhuaktu Pathian kha a thutiamah a ding nghet ani tih mi ngaihtuah chhuah tir thar hle. Tunlai kan ram leh khawvel pumin recession leh economic meltdown avanga harsatna namen lo kan tawh mekah hian Israelte Pathian kha kan tan pawh ‘Faktlak Pathian’ a lo ni tak meuh mai!

(Jn.16:33).Bangalore a zofate zingah zirlai leh hna zawng mek thahnem tawk tak kan awm a. Kan nu leh paten hetiang hun harsat lai pawh a, theihtawp chhuaha kan nitin mamawh min la phuhruk thei hi Pathian malsawmna ropui tak a ni. Theihpalingkhawha tan leh zual a va pawimawh tak em.Tunlai hun harsatna chu sawi loh, kei pawh kum 10 hmalam tawha pensiona ka chhuah dawn khan, ‘engtinnge ni zel ang’ tiin ka inngaihtuah buai ve hle. Kum 35 chuang zet sawrkar hna thawk a, hlawh lamah pawh a tawpkhawk han thlenve meuh chuan, pensiona chhuaha mahni pian leh murna lam ram, Israel faten kanaan ram, khawizu leh hnutetui luanna ram an thlir ang a, thlira thlenve hlan kan nghakhlel ve hle thin.

Kum 40 chhung chu sawi loh, khati zozai mipui leh an bungrua, ran rual zawng zawng nen, an nitin khawsak relbawlna, ei leh in tur, thingtuah tur thlengin, zankhat thilthua Tuipui Sen an han kan kai theita mai kha ngaihtuah tham tak a ni. Thih hlauva thlaler hnimbuk kara kum 40 chhung zet a that lai hun zawng zawng, a puzawn pa ran rual venga buai thin Mosia kha, Pathianin he chhanchhuah hna ropui tak atana a training ground a lo ni reng mai. Ringtuten kan nitin hun hman zel hi hmalam hun hriatchian loh pawimawh zawk lama Pathianin min kohna lam zela kan training ground ani tih hriat a pawimawh hle mai.Khang mipui leh ran rual zozai chaw ei tur ringawt pawh kha buaipui tham fe ani ngei ang. US Army Quarter Master General pakhat chhut danin, ‘an nikhat chaw chhumnan ringawt pawh thing tuah tur ton 4000 vel, in tur leh insilvelnan tui gallon 11,000,000 vel, an zankhat riahna tur pawh mel 750 bial vel an mamawh ang a, chung chu rela phurh tur ni se, rel wagon mel 1800 vela sei a tul ang,’ a ti. Scientific thluakpu deuh, Dr.AIT ho khan lo chhut ve mah teh u.

Pensionna tur hun rei vak pawh a awm tawh lo tihin kan Chief Minister, Pu Laloo Prasad khan hna pawimawh tak, pension hnu pawha kum 3-4 lai hlawh pangngaia thawh zawm theihna mai tur min pek a duh a. Kei lah chu kum 58 lai han thlen tawh chuan pension-a kala Bihar ram chhungkuaa chhuahsan hlan ka lo nghakhlel ve phian si. Sawrkarin pension hlawh tha tawk tak chhungkaw inchawm theihna tur tawng tawng min pek ve dawn avangin lawm tak a, tu ma bawia awm tawh lova, mahni duh zawng tia awmve theih hun kan nghahhlelhve viau thin.Chutia Chief Minister meuhvin duhsaka min sawm ta chu ‘ka duh lo’ han tihthlawt mai ai chuan mahni ngeiin hmaichhana han hrilh chian tulin ka hria a. Ama office ah ngei kan inkawm ta a. Ka hna ( IAS ) bansana chu hna chu chelh nghal mai turin mi duh a, mahse chuti zawng chuan ka lo ngaihtuah der si lo. Tichuan zahngai taka a mi duhsakna chu ka pawm theihloh thu ka’n hrilh dek dek chu a lehlingin a thinrim ta hle a, ‘a hmangaiin atana thatna tur ka ngaihtuah a, phiangsena’ a ti rilru ngei ang. A rinanga thil a awmtak si lovah chuan, “Ka duh chuan i hna pawh hi ka la tichhe thei asin,” (I can still spoil your career), tiin kan inthenta mai chu ngaihtuah a ti thui thei hle.

Zankhat thil thua mipui leh ranrual khati zozaiin Tuipui Sen an han kan theihna mai tur chuan engtiangtaka zauva tuipui kha vuakchah ngai ang maw! Pahnih zel inkawpin mipui kha inzuita se, mel 800 vela seia intlar a ngai ang a; ni 35 vel chhungin an kan fel thei chauhvin a rinawm. Mahse zankhat chhung maia kan an nih avang khan Tuipui kha zimtea vuak chah mai ni lovin, mel thum vela zauvah a ruala mi 5000 vel intlarin an kal kaita ani ngei ang.Mosia ko chhuaktu leh mipui kha zozai, kum 40 chhung chhuna chhum ding leh zana meialha hruaitu Pathian kha kan harsatna kawng hrang hrang: mahni hna lam emaw, sum leh pai lam emaw, nupa inkar thu emaw, kan nitin nun kawng zawhna lam reng rengah hian, a rinawmin a rintlak a ni. Mahni harsatna lam ringawt ena Pathian thlir lovin, Pathian ropui anih zia lam zawk thlira mahni harsatna nena a lam pan zel hi a hahdam thlak a ni. Kan Lal Isuan thu min hnutchhiahah khan heng buaina leh harsatna atanga ringtute hi

Politician ho hi eng rawng kai pawh nise an rilru put dan tlangpui chu, inchiahpiah tak kan nih avangin, hriatthiam dan kan nei ve mai a. An duh loh zawng deuh chu iai lovin hmun chhia leh hlawh pawh awm mang lohnaah (dry posting) an hnuaia thawkte hi min dah duh mai zel a. Chutiang zawnga ka thlir chuan Pu Laloo-a pawh chuan ka Career chu pension dawna ruaiah a ti chhe duh mai ang tih mi ngaihtuah tir rum rum a. Mi tih chhiat duh tak tak se ka tlinlohna leh fellohna hmuh tur tam tak thur chhuah tur a zawng ruai mai thei. Thian tam tak pension hlawh hmu thei lova High Court bang zut zut pawh an awm laiin mahni ngei pawh chutiang hun chu tawk mai thei turah ka inchan a, hun engemawti chhung chu ka inngaihtuah buai hman viau a ni. Mahse pension ni thlenga (Phek hnihna ah chhunzawm)

Vol XIV Issue No. 8

Date: 22nd February 2009 BMCF leh BMA te chu inngheng ralin inthurual takin an thawk dun, Intellectual circle sang mar tha tak nei reng ang a mite ngaih an ni, Bangalore Mizote hi thil tak leh substance nei ti fo thin a ngaih kan nih avangin huau huau lam ‘entertainment quotient’ hi programme-ah thil pawimawh ber a ni ngai lo, BMCF lehkhabu tihchhuah leh BMA Magazine, Chhinlung thuchhuahten vawi tam ram dung leh vang a deng chhuak, Chhinlung Magazine-ah mite tih ngai loh thil danglam tarlan thin a nih bakah ram leh khawtlang hruaina hnuk, thutak leh ril a awm fo thin, Mizo mipuite tana meichher chhitu a ni fo thin.

Bangalore Mizo Association Pathianni Tin Chhuak Chanchinbu

· ·

Editorial Bangalore khawpui ah Mizote kan lo pung nasa ta hle a, inhriat sen vek pawh ani ta lo, tih tur nei theuh te kan ni, in len pawh mai te pawh thil awl ai anilo.Mahse BMA hian hun pawimawh tlem te kum tin hian a nei ve a, chung a hun pawimawh te chu keini Bangalore Mizo te hian ngai pawimawh hram hram ila, lehkha zir tur leh hnathawk tur te, tih tur hran nei theuh ni mah ila, eng ang mi pawh ni ila,khawiah pawh awm ila, kan hnam nun leh zia, kan hnam rohlu te chawinung zel hi kan tih tur mak mawh anih tlat avangin Mizo thil tih na ah te hian tel hram hram tum vek thin ila,Mizo hnam vuan tlattu i lo ni reng dawn ani! (Phek khatna chhunzawm) engmah buaina awm lova min hruaitu, Bihar ram ngeia min ko chhuaktu kha, rintlak leh Faktlak Pathian a lo ni. Bihar ram leh sawrkar leh politician ho dawr leh tul miah lovin tunthlengin hna hahthlak thawh ngai miah lovin kan la khawsa ve zel zawng a nih hi. Bihar ram kan chhuahsan dawn a Pu Laloo Prasad nen, Patna Central Jail-ah Fodder Scam avanga a tan lai anih avang a, farewell mumal nei lova ka liamsanta mai erawh kha chu tun thlengin pawi ka ti. (Pu B.Kapthuama, IAS Rtd hi BMA member senior leh mi thahnemngai tak ni in, a tu leh fate nen Koramangala ah an cheng mek. Thu tha leh ngaihnawm tak min lo ziaksak thin avangin BMA Editorial Board chuan lawmthu a sawi mawlh mawlh e.)

BMA SILVER JUBILEE LAWM TURIN… Kum 1984 khan Bangalore Mizo khawtlang hruaitu thahnemngai ten Bangalore Mizo Association (BMA) hi an lo din a. Tichuan kumin (2009) hian BMA chuan kum 25-na hmel a hmu ta a. BMA din lai hian Mizo 100 pawh an tling lo nia hriat a ni a, kum 1998-99 vellai atang hian Bangalore khawpui hi Mizo hnahthlak hote fuankhawm tamna ber a lo ni chho ta a ni. Hetianga kum 25 meuhva upa lo ni ta chu BMA leh a memberte tan ‘milestone’ chhuan tlak a ni a. Chu chu hre rengin BMA hotute chuan uluk leh mawihnai taka Silver Jubilee lawmna neih an duh ta a. Chutiang chuan rei tak ata tawh inpuahchahna a kal chho ta reng a ni. Vantlang hnena puanchhuahna pawh neih tan a ni a. Kan website (bangaloremizo.info) ah tarchhuah a ni a. Tin, Mumbai Mizo website (mumbaimizo.org) leh Misual.com-ah te pawh puandarh a ni bawk. BMA leh Bangalore Mizote hi India ram khawpui lian zinga khawsate zinga mite hriat hlawh ber a ni chho ta a. Tam tak phei chuan Bangalore Mizo society hi ngaihsanna nen an an lo thlir phah a. Nu leh pa tam takin he hmun hi an fate zirna atan pawh an thlan phah a ni. Heng thangthatna lai hi kimchang deuh zawkin lo dah khawm ta ila: · Bangalore Mizote hi inlungrual tak nia ngaih kan nih rualin kan lungrual viau nghe nghe, · Khawtlang nun sual leh thawm tuihnai chungchangah kum tam tak a fihlim thin,

·

·

·

·

Hetiang hmingmawina lukhum Bangalore Mizote tana hlantute chu kum 25 chhunga kan hruaitu fel tak tak leh inpe zo tak tak te, Senior Advisers thahnemngai taka thawktute leh member thahnemngai tak te avang a ni tih kan hriat reng a pawimawh takmeuh a ni. Lawmna thu han sawi hian ‘kum 25 kan thlen avanga lawmawm tihna’ kan neih avanga huau-huau lam hawi chauh thlira lawm tur kan nih aiin, a chung tarlan tak, kan rualuten kum 25 chhung min kaihhruai tawhna kan hriat chhuah a kan chawimawina hun a ni a. Sakhaw lam hawia thlir pawhin tluang taka min hruaitu Pathian hnena lawmthu sawina hun a ni bawk a ni. Tin, BMA hnathawh lo awm tawhte leh hnuhma a lo neih tawh chhuanawm tak takte kan hriat thar leh hun a ni. Heng zawng zawng hi tun hnua Bangalore khawpui rawn chuangkai tharte kan in hrilh hriat hun a ni a, phur taka lawmna programme hlawhlting taka kalpui hi kan bat leh mawhphurhna a ni. Chuvangin, he Silver Jubilee lawmna programme hi thil chi hrang inpawlh a ni lo thei lova, ‘entertainment quotient’ emaw ‘ entertainment package’ ang chauhva kan thlir a dik dawn lo a ni tih kan hriat chian a tha khawp ang. Kha leh chen Mizo khawtlang tan leh midangte tana kaihruaitu nihna changa hnuhma duhawm tak lo nei tawh, BMA chu a Silver Jubilee lawmna hi phur takin tawiawm ila, hlawhtling taka lawmna kan neih theih nan a theihna apianga tanpui turin tun huna member ni mekte kan insawm duh a. Thil tam tak chinfel tur a la awm a. Variety Show October ni 2 a kan neih tur atan te remhriatna leh rawtna tha tak thawhtur nei te kan awm chuan chutiang atan chuan kan inhawng em em a. Tin, Silver Jubilee hriatrengna SOUVENIR te siam tum a ni a, hei hi memberte hnena a man chawia sem theih tura buatsaih a ni dawn a. Rawtna tha deuh nei kan awm phei chuan muangchang lova thawh zung zung turin kan sawm duh bawk a ni. -R.Lal Rinawma, Chairman, BMA Silver Jubilee Celebrations

Tunkar Changvawn :Mi fel tawgtaina chuan thil nasa tak a ti thin . Jakoba 5:16

Vol XIV Issue No. 8

Bangalore Mizo Association Pathianni Tin Chhuak Chanchinbu

Date: 22nd February 2009

TUALCHHUNG NEWS v Vawiin inkhawm ban hian BMA Silver Jubilee Zaipawl chuan a vawikhatna atan hla an zir tan dawn ta. Director Nl. Vanlalchhuani (VL-I) Grace Home ani. v Vawiin zan/ tlai ah vek hian Mizoram Deputy Speaker Pu John Rotluangliana kawmna hun Dr. Rini in, UTC ah neih a dawn. Pu John-a hi a fapa Tv. Eric Lalrinkima tuna Bangalore-a MCA zir mek damlohna avanga lo zin ani a, hun buai tak kara kawmna hun kan nei thei tur chu BMA chuan lawmawm a ti hle.A duh apiang tan chhim theih ani. v Nimin tlai khan BMA Exec.Committee pawimawh tak Nl. Blessy Sailo te in, Ejipura ah neih ani a, vawksa rep tui tak ei ho nghal ani. v BMA Silver Jubilee lo awm tur atan Donation khawn mek ani a, lehkha sem lo dawng lo palh tan pawh tlawmngaia lo thawh zel turin kan han in ngen ani. Zirlai tan Rs.100/- , Mimal hnathawk tan Rs.500/ - , Chhungkua (Hnathawh azirin)– Rs.500/ - , Rs.1,000/ - , Rs.2,000/ -.BMA Hruaitute hnen ah a rang lama tlawmngaia pe theuh turin kan han in ngen e. v Tv.Lalthasanga, Krishtu College a zirlai chu zun kawnga hnai awm, khawsik leh luna avangin enkawl mek a ni a.I tawngtaipui ang u.

vek turin hriattir an ni.Mizoram Youth commission chuan New Delhi-a Civil Services Coaching Institute lar tak Lord Krishna IAS Academy nen thawk ho turin ruahmanna an siam tawh ani

§

§

MIZORAM NEWS § §

§

February ni 12 zing dar 2:00 Khawthianglim Jerusalem min pansantu, hlaphuah thiam leh zaithiam Biakdika (BD-a) pual hun chu February 27, 2009 hian hman a ni dawn a, he puala hun hman hi LPS Vision kaltlang en theih tura ruahmanna siam a ni.Ruahmanna ang chuan he hunah hian zaithiam hrang hrang ten BD-a hlaphuah te an sa dawn a, tin a hla lo sa tawh ten thutawi sawina hun an nei bawk ang. He hunah hian zaithiam sawm rual zet te chuan BD-a hlaphuah, Lengzem leh Fakna hla te chu an sa dawn a, a hla te hi Youth Icon 2006 leh Youth Icon 2007-a top 10 chin ten an sa dawn a ni.A huaihawttu lam chuan he zan hi zan chhinchhiahthlak tak a nih theihna turin ruahmanna an siam a, zaithiam te hla sak tur pawh uluk taka thlansak niin an awm mil tur ang hla te zawnsak an ni. Hemi atan hian zaithiam lam pawh an inpuahchah mek a, Gospel sa thin ten gospel an sang ang a, Lengzem sa thin ten lengzem an sa bawk ang. (Courtesy Evening Post) Feb. ni 24-25, 2009 chhung hian Civil Service lama tuite tan Mizoram Youth Commission chuan I&PR Auditorium -ah ‘Orientation Course’ a buatsaih dawn a. Hetah hian Mizoram thalai IAS, etc nih tumte chu tel

§

February 16 chawhma dar 10:00 khan Aizawl Civil Hospital-a a thlawna Homeopathic Health Clinic neih chu Chief Minister Lal Thanhawla’n a hawng a. Department of AYUSH, Directorate of Health Services, Mizoram buatsaih he Free Health Clinnic-ah hian inentir tum hming ziaklut tamtak an awm.AYUSH (AAyurveda, Y-Yoga & Naturopathy, U-Unani, S-Siddha, H-Homeopathy) hi damdawi dang leh tihdan danglam deuh hleka natna inenkawlna a ni. February 20 chawhma dar 10 khan Vana Pa Hall Aizawl ah Chin National Dy hman a ni a, tun tum hi Chin-ten day hi tum 61 an hmanna a ni.Chin National Day Celebration Committe chairman Pu Ro Za Thang chuan day lawmna hi a kaihruai a, he programme-ah hian Parliamentary Secretary Lalthanzara chu khuallian niin, Central YMA president JH Zoremthanga leh MZP president Lalhmachhuana te chu khual zahawm an ni thung.Tun hnai khan Mizorama cheng Chin-te chuan Human Rights Watch, New York hnenah Mizoram an dinhmun a chhiat thu an sawina chu internet leh chanchinbu hrang hrangah nasa taka tarlan a ni a, hemi chungchang hi JH Zoremthanga chuan a thu sawinaah hian sawichhuakin, “mikhual pain a thleninpate hi sawisel vak vak lo se,” tiin a sawi. Ni 20 zing dar 7 : 30 a.m. khan Chief Minister Pu Lal Thanhawla chuan All India Radio, Aizawl Morning News Bulletin Mizo tawnga chhiar chu A.I.R. Station,Tuikhuahtlang-ah a hawng. Mizoram Presbyterian Kohhran Synod chuan fa neih tlem (birth control) policy Mizorama hman ve tul lo an tih thu leh sawrkar hnathawk hmeichhiaten fa pahnih an neih thlenga nau neih chawlh (maternity leave) an lak theih chu fa pahnih bak (a aia tam) neitute hnenah pawh sawrkarin lak theihin siam se an tih thu hi sawirik faih faih a ni thin a. Fa nei tam tur hian kohhran mipuite hnenah pawh zirtirna pek a ni thin a, inneih nikhuain inneihtirtu pastor-te chuan nupa tharte hnenah birth control hmang lo a, fa nei tam turin an fuih a ni.

Digital Camera la thar tha tak i duh em? Canon Powershot, SX100IS 8 Megapixel, 10x Optical Zoom, 4GB+16 MB Memory Card + Pouch+Battery charger. 2 Years Warranty. Tlawm taka lei duh chuan a rang lamin a hnuaia number ah hian contact theih ani e. David - 9743645124

Vol XIV Issue No. 8

Bangalore Mizo Association Pathianni Tin Chhuak Chanchinbu

LAWRKHAWM ü

ü

ü

ü

West Bengal Agriculture Minister Pu Nadandra Nath Dey chuan February 19 zing dar 8:30 khan Pu Darthawma(89), Freedom Fighter, Chanmari a mi chu a chenna inah tlawhin zahna chibai a buk. Mr. Dey hian Netaji Subash Chandra Bose foundation Vice President anihna anga Pu Darthawma hi tlawh anih thu sawiin a ngaihsan zia a hmelah a lang chiang hle.West Bengal Minisiter hian khatih hun laia dam khawchhuak te an zawn zel thu sawiin hun remchang hmasaberah Programme puitham tak buatsaih an tum thu a sawi. West Bengal Minister hi Subash Chandra Bose a tu chhuan kal zel niin in lamhnai tak an ni a, nimina Pu Darthawma a tlawhnaah hian vai chibai in buk dan in vawi engemawzat Pu Darthawma hi chibai a buk ani. Pu Darthawma Freedom fighter chawimawina siam tur a rawtna angin Dr J. Zorema chu chairman-ah an ruat a, he hunah hian West Bengal atanga lo kal an tum nual. West Bengal Minister hian Pu Darthawma hi Rs 10,000 leh Blanket a pe. Pakistan hmar thlang lam, Dera Ismail Khan khawpuia February 19 a Shia puithiam, Sher Zamana vuina kawngzawh neihnaa thih chilha bomb tihpuahah mi 28 an thi a, midang 160 vel an hliam bawk. Zaman-a hi Ningani khan tu an nih hriat loh ten an kaphlum a, vuina kawngzawhah hian mi 1,500 vel an tel a ni.He pawi khawihna thleng avanga kawngzawhnaa tel mithenkhat thinrim chuan boruakah silai hmet puakin bus pakhat leh lirthei dang thenkhat an hal bawk a, hei vang hian he khawpuiah hian curfew puan nghal a ni.Dera Ismail Khan khua hi Taliban helho hluarna, Waziristan Dist bul lawka awm niin chi leh chi intihbuaina a chhuak fova, thla tlem kalta chhung khan tharum thawha chetna tum 6 a thleng hman a ni. (Courtesy AIR Aizawl) Manipur-ah chuan thawhlehni zan atanga darkar 48 nawrhna avangin niminah pawh nunphung pangngai a la khaihlak a. State pumah dawr leh bazarte a inkhar a, lirtheite an la tlan lo. He state pum nawrhna hi Joint Action Committee-in state sawrkar hnathawk pathum an zinga pakhat SDO rawng taka thah an nih duh loh leh a thattute demna atana a koh a ni a. He inthahna hi state sawrkar chuan CBI chhui turin pek an remti a. (Courtesy Mizo Aw) Indian Idol 4-a top three ni mek hmarchhak nula Sourabhee chuan vote a mamawh a, Sourabhee tih chhuta 52525-ah hian vote hi March ni 1 thleng thawn theih a ni.

Editor: Thaarie Hnamte – (Mb) 9886145877 Jt.Editor:Isaac Chawngthu (Mb) 9986137633 Cir.Managers: Jenny Pachuau & Vanlalchhuani Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

ü

Date: 22nd February 2009

Pune Mizo Student’s Union website peih fel ani ta. Wordpress 2.7.1 hmanga siam niin godaddy.com ah host a, 23rd Feb hian an Chapchar Kut hmanna ah launch turin an buatsaih mek ani. A url chu punemizo.com ani a, misual.commers te visit ngei ngei turin leh Mizo website administrator ho hmun hran2 ami te hnenah an website Blogroll-a lo telh ve turin an request bawk.

(Hriselna Huang) Lungleng chu an zai thin a, khawharte pawh an zai. Chu chuan an lunglen leh khawrharnate a hnem. Mithiamte chuan tunhnai khan hla phuah hi hriselna atana thil tangkai a ni tih an hmuchhuak niin an sawi.Hla chu chhe viau leh mawi lo pawh ni se phuah a nih hrim hrim hian hriselna atan a tha, zirchianna chuan a ti a. Lunglen, khawhar leh phur hluaina kan neih hian a tawrh dan leh awm thiam thei turin min pui a, hlauhna, lungngaihna leh hlauhthawnnate a tinep deuh niin a sawi.Ziaka thil dah hi tum ren rawn lova mahni insumna a ni zawk, tiin mithiamte chuan an sawi a, chuvangin rilru no avanga philina tur tam takah mi a kaihruai zawk a, mahni inthunun theiin mi a siam niin an sawi."Rilru hah leh mangannaahte chin tawk nei turin mi a siam a, rilru hah leh mangannate atanga insum turin lehkha ziak hi a lar lo mai thei, mahse, thil tangkai a ni.‘Mi tam takin diary an neihte, hla chhe tak tak, radio-ah phei chuan an tihchhuah ngai lo tur an ziak thinte hian hla phuahin hriselna atana tangkaina a neihzia a tilang niah ka ngai," tiin hriselna atana hla phuah tangkai dan zirtute hotupa Dr Matthew Lieberman, California University chuan a sawi.

Mizo zingah mai pawh ni lovin India ram chhungah hian unau pathuma IAS Officer ni thei hi sawi tur an tam vak lovang. Reiek khua Pu Ngama (L) leh Pi Laithangpuii-te fapa pathum Lalthara, Lalsawta leh Lalnunmawia-te unau chuan Indian Administrative Service (IAS) hna ah an tling veka, an farnu Dr Lalhmasaii Chuaungo pawh hian Mizoram University hnuaiah Reader & Head, Department of Education-ah hna a thawk mek bawk. (www.lelte.net)

QUOTE OF THE WEEK –

Whatever we do, we must remember our aim at every moment. If you dream to fly with the eagles, don’t waste time swimming with ducks – Barack Obama. BMCF INKHAWM PROGRAMME DATE: 22.02.2009 Hruaitu: Rev.P.C.Lalduhawma Tantu: Nl.R.Lalbiaknungi Thuhriltu: Pi Marina Ngursangzeli Thawhlawm Hlan: Tawngtai Rual Spl.No: Maryjones Hostel