Bma Aw: 17th May 2009

BMA AW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIV Issue No. 7

Bangalore Mizo Association

TUALCHHUNG && Nimin Inrinni, May 16 khan Lok Sabha MP thlanna result puan a ni ta a. Kan Senior Adviser Dr. HT Sangliana chuan vote 304944 hmuin, BJP candidate PC Mohan chu vote 35218 in a pha ta lo a ni. A pawi kan ti hle. && Kan member, Lalruatfela chuan Cathedral PU College atangin PU 2nd class ah a zo. Lan lawmpui takzet. && Kan Senior Adviser ni thin Rev. Dr. Hrangkhuma leh a nupui Pi Chhawni te pawh hun rei tak US-ah an awm hnuin an lo haw chhuak leh ta. Hriselna tha tak nei zel se kan duhsak tak meuh. && Nl. Muansangi leh Kim Kimi te pawh nimin khan chawlh hmang turin Mizoram lam an pan. && Silver Jubilee puala thawhlawm kha ala pek theih zel a. Tin, nomawi tak te, pen te, Directory te pawh lei tur ala awm reng bawk e. Executive Committee Meeting Kohna Tunkar Inrinni (23rd May, 3pm) hian Executive Committee pawimawh tak neih tur a ni e. A Hmun – Rev. Dr. K. Sapthanga In, Koramangala. Committee member te kal ngei ngei turin kan inhriattirin, kan in ngen ani e.


 
 

 Pathianni (24th May 2009, 4:00pm) Hruaitu: Rev. H. Lalnunmawia Tantu: Nl K. Malsawmtluangi Thawhlawm: Pi Jenny Lalrinmawii Special Number: Tv K. Thanghmingliana Thusawitu: Rev. Athang Leivon May Thla Changvawn: Tirh. 1:8 “Thlarau Thianghlim chu in chunga alo thlen hunah thil tihtheihna in la nei ang”

Pathianni Tin Chhuak Chanchinbu

Date: 17th May 2009

Phek Khatna

Article

NUNHONA THA I DUH CHUAN… Chhungkua hi Hnam leh Khawtlang in nghahna leh Sikul hmasa ber, nun dan zir tanna a ni. Naupang ten chhungkua atanga tha lam an zir chhuah loh chuan pawn lamah thil tha lote an kai a. An inhnawih pherh a. Dawt sawi leh insual te pawh an ching duh a. Pawikhawih te an zak lo mai. Nun bul a mumal deuh loh chuan politics leh thlarau lamah pawh an nghet har a. A tha lo lam hi inhnawih a sam lehnghal. Mizote hi zirtirna leh inhruai dan nei vak lo, pawn lama inhnawih mi kan nih vang em ni kan pawnlang tlat a. Kohhran ah leh Pawl thilah te neitu rilru kan pu lawk theilo. Kawng tin rengah Pawl leh thiltih thara intihchak te kan rawt a, a phenah hahdama hlawk tum ru an awm zel. Tun hma khan chhungkua leh Lal rorelna bakah Zawlbukin khawtlang an awp thin a. Nakinah YLA te a lo ding a. Thuneihnaa awp ngawt duh tawk lovin mi dang tana thatna turte an zawng a. An thupui chu – Kristian nun dan tha ngaihsan te, Hmasawnna ngaihtuah te, Tanpui ngaite tanpuite, Taihmak te a ni a. Khawtlang pawh an tinuam a, hma pawh an sawn phah. Tunlai chuan politics boruak buarchuar takin ram an awp a. Lemchan thiam ten Hriam zakzeh chungin emaw ni? Autocratic takin an awp a. Rannung ang maiin a theiin ei tam a ni mai lo maw? That tlanna pawh a bo mek – ‘Nui chunga sakawlh mi seh hmang’ tih te pawh a ang ta! Hlimna leh muanna a rual theilo. Mi chuan, “Nunhona (Society) tha i duh chuan Inah tan rawh,” an tih hi. A bul tak atangin siam tha rawh u tihna a ni ang. Tun laiin Ram tinah Thalai ten Hnam te leh nunhona that lohzia an vei a. Mahse, a bilha tho lo chu a lerah siam that a har si. Sual leh thil tha lo chu a bul atangin tihdam a tul a. Chhungkua atangin sawi mar mai lovin siam that a tul. Chhungkuaah an that chuan pawnah pawh an tha ang. YMA-in Ruihhlo do hi a tha. A zawmpui – Ruk leh Rawk leh Suam te, Sarthi leh buaina tam tak hian a tawpah chuan chhungkua leh khawtlang te, kohhran ho leh Sawrkar thlengin a tibuai. Kan rama chhungkaw tam tak chu Inruk chulmamah an ding a. Chhungkua an keh tam. Hei hi tangrualin tha thlah lovin do tlang ila. Ram leh chhungkua te pawh a nuam deuh ang. Kan Bible chuan, “Mahni indo ram chu an ding chhuak lo ang,” (Mat.12:25) a tih hi ala tidanglam lo a. Zu leh drugs te aia nep lo zawk leh mi tichhe zawk, Power, Sum leh Lalna rui, Ram leh mite tihchhiat pawisak lohna te, Corruption tinreng rui a Lem changa, Pathian hming lam fote hi do a pawimawh a. Kan ram pawh suamhmangte puka siamtute chu Do a va tul em! Heng hi mahni indo Ram nihna a ni mai lo’m ni? I ngaihtuah tha ang u. (He article hi Rev. C. Thansiama ziak a ni a. 62nd YMA General Conference Souvenir atanga lakchhawn a ni e.)

Vol XIV Issue No. 7

Bangalore Mizo Association

Editor Thaarie Hnamte Ph - 98861 45877 Joint Editor Mâdawnga Hauhnâr Ph - 98865 27194 Circulation Staffs: R. Lalremruata Amos Lalremtluanga Sawmteii Khawlhring E-mail: [email protected] Website: www.bangaloremizo.info A Man: Thla Thum atan Rs. 50/I lo bengvar nan sms JOIN BloreMizo type la, 567678 ah thawn rawh.

Editorial A tam lutuk chuan a thalo thei Thingtlang khuaah chuan thalaiten lo lam hna an thawk a, lehkha an zir bawk a, a thente chu inhlawh chunga lehkha zirte a ngai a. Kohhran leh pawl dang a tamin telve a ngaih na chin a awm bawk si. Infiam leh len khawthawn lo duh ve tan te phei chuan hlawhtling tura taima taka lehkha zirna hun emaw, hna thawhna hun emaw, chhungkaw tana hun hman emaw a tlem duh hle ang. Hunawl kan la nei zeuh zeuh zui bawk nen. Hlawhtlin kan duh si chuan kan hun hman danah hian insumna leh zirtur thil tam tak chu kan nei chiang ta mai. India rama political party hrang tam lutuk hian ram tana hmasawn tura rorelna hi a ti thuanawp zawk niin a lang. Ram hmasawnna lama inthawhpui aiin party thil leh mimal indona thila hun hman a tam zawk niin ka hria. Pawl hrang hrang, khawtlang tana thawk nisi tam lutuk te hi…, tihtur chi hrang hrang an ruahman angai bawk nen. He’ng thil hian mimal, chhungkua leh khawtlang hmasawnna min dal zawk thei tlat, zirna leh hnathawhna atana hun min lak hek sak lutuk theih avangin. Pawl tana thawk leh thil ti tura in ngen leh in beisei vak te hi thil tha ber a ni lo thei ani.

Pathianni Tin Chhuak Chanchinbu

Date: 17th May 2009

Phek Hnihna

HRISELNA HUANG Mahni chauha khawhar taka awm hi meizial zuk leh thau lutuk thatlohna te nen hian a in ang reng. Ama’rawhchu, tangkai takin a hman theihna chin a awm bawk. Chicago University-a mithiamte chuan kan chhungte emaw, kan thiante emaw, kan ngaihzawngte emaw ngaia kan kur kan kur hian blood pressure leh kan taksaa natna dotu chi hrang hrangte hi a chaklo zual thei an ti. Mithiamte chuan thian ngah takte chu thian ngah vaklo ai chuan an damrei zawk niin an chhut. Chutihlaiin, mahnia awm reuh reuh chu tunlai nunah a hluar hle thung. Mahni in atangin hmun hrangah kan awm a, naute kan nei tlem a, hei hian a huhova kan chen tlem tanzia a tilang hle mai. Zirchianna atanga a mahriaktea awm Thatlohna te: Blood Pressure a sang duh. Thenrual kawm thin mi aiin mahnia awm keuh keuhte chuan blood pressure point 30 in an nei sang duh zawk a, lung lam thalo an vei duh zawk bawk. Kan taksaa natna do tur an nei chaklo duh. Lunglen leh khawharna vanga rilru hahna lo awm thin chuan kan taksaa natna dotu chu a ti chaklo duh a ni. An muhil theilo thin. Thenrual kawm vaklo mi chuan muthilh theihloh a nei duh hle a, muthilh theihlohna hian taksa leh rilru hahna a pe duh bik bawk. Thil thalo an ti awlsam. Nangmaha i awm tam poh leh i taksa tana thalo thil i eiin i ti tam telh telh ang. Chu chuan taksa insawizawi lamah te pawh thatchhiatna a thlen thin. Ruihtheihthil pawh an ti nasa duh hle. Engtinnge khawharlo takin kan awmtheih ang le. Chhungkua intlawhpawh tam. Hmun hranah i awm a i chhungte chu nangman i be reng hmanlo a nih pawhin an mahni chu nangmah be reng thin tur chein hrilh ang che. Hun i ngah zawk a nih phei chuan be ngun la, tlawhpawh ngun hram ang che. Lengchhuak deuh zeuh zeuh rawh. Dawrah te nangmah kha thil leiin kal ngun la. I thenawm khawvengte i hmuh thinte chu biain, hmel hlim tak hmuh thin ang che. Nuih-seih hian min ti hlim mai pawh niloin, kan taksa a ti hahdam a, tin, midang tan malsawmna kan siam a ni. Nuih-seih thin tur. Thil thar zir thin rawh. Thil thar zir hian kan ngaihtuahna a sawizawi mai pawh niloin, khawvel min hmuh zauh tir a, thian tha takte pawh min pe thei a nia. Insawizawi ngun tur. Kan taksa sawizawi nana kan infiam emaw, kan tui zawng kan ti emaw hian kan lung thalo tur lakah te, cancer lakah te, leh natna thalo dang tam tak lakah te min veng mai pawh niloin, taksa a ti thathoin, a ti dam rei bawk a ni. Thian siam rawh. I tuina zawng tak engemaw i tih chuan, midang chutianga tui ve thiante i tawng thuai dawn a ni. Midang tan thil ti rawh. Kar khatah darkar 2 atanga darkar 3 tal midangte han tanpui teh. Midangte tana thil ti a tanpui thinte hian hriselna an nei tha duh hle. Ran vulh. Ran chuam (pet) vulh hian blood pressure sang tur a veng thei tlat nia mawle. Chumai nilovin, taksa a ti chak a, min tihlim a, rilru hah te an chhawk zangkhai thei.

Vol XIV Issue No. 7

Bangalore Mizo Association

Pathianni Tin Chhuak Chanchinbu

BANGALORE CHANCHIN

MIZORAM CHANCHINTHAR

&& Nimin inthlan result Kan senior telve na Bangalore Central bikah chuan hetiang hi an vote hmuhdan a ni. PC Mohan (BJP) – 340162 Dr. HT Sangliana (INC) – 304944 Zameer Ahmed (JD(S)) – 162552

## Zirtawpni khan Mizoram Primary Teachers’ Association meeting neih ani a. Primary school zonal sports fund Rs. 2500 ni thin chu Rs. 5000-ah tihpun ni se, tih an rel a. Tin, primary school-a post ruak hi hnawhkhah vek ni tawh rawh se, tithe an rel tel bawk. selection grade-a lut thei tur atana proposal an siam tawhte chu chinfel thuai ni bawk se an ti. Elementary education hi directorate hranga dah ni se, an ti. Tin, heng bakah hian hengte hi an sawilang bawk: Primary school-ah peon-cum-chowkidar neih ve ni tawh rawh se. Sawrkarin Zirtirtu aikal la a ngaimawh ang hian, department dangte pawh hi check ve rawh se tih te leh electrification leh tui connection te hi school tina pe turin chak zawka hmalak ni se, an ti. (source: internet)

&& BMTC Bus in a nghaktute a su. Nimin zingah khan Electronic city bul, Hosur main road ah bus lo nghaka lo dingte chu bus chak taka lo tlan chuan a su hlawm. Mi 2 an thi a, 6 an hliam. && Thosi piang tur tam. DJ Halli a chengte hman Tuizemah BBMP chuan thosi a piang tur tam tak an hmuchhuak. Hetihlai hian helai venga chengte chuan BBMP chu tunlaiah tui a tlem avangin tihfai hna thawklo turin an ti.

&& Bangalore khaw awmdan. A lum lai berin 32.3 deg.C, a vawh lai berin 19.7 deg.C. Mizoram sawrkar Vawiinah 33 deg.C vel thleng a ## hnathawkten anmahni remtihna kai rin a ni. Ruah tlem a sur mai tel lova hlawh cut an duhlo thei bawk. Mizoram Chief Secretary Vanhela ZIRNA Pachuau hova Joint Consultative India ramah hian Paramedical Committee, official leh Federation lama zirthiamte mamawhna a sang of Mizoram Govt. Employees & hle. Bangalore-a zir theihna tam Workers (FMGE &W) thukhawm tak zinga pahnihte: Bangalore chuan sawrkar hnathawkte hlawh Medical College, KR Road. (Ph- anmahni remtihna tel lova cut sak 26704342, 26701529), Hosmat ni tawh lo se tih an rel. Hospital Educational Institute, JCC thukhawm chuan Richmond Road. Hetah hian Lab Delegation of Power chungchang technician, Operation Theater leh siamtha turin official mi 4 leh Radiography 2yr Diploma a zir Federation lam mi 4 ruatin, thla theih (Ph-25575590, 25575591). khat chhunga chinfel nise an ti a. Sawrkar hnathawk damlo leh a Ngenna leh Hriattirna Tunlaiin zirna hmun hrang vengtute tana diet leh room rent te, hrangah admission a tih theih a. kuang man senso te sawrkarin dan Admission form lakchhuaha angin pe leh se; kuang man Rs. thehluh theih lai tak a ni e. Kan zir 5,000/- aia tam lo nise tih te; hnathawkte hlawh duh leh zirna hmun kan thlan sawrkar anmahni remtihna tel lova cut sak chungchangah fimkhur deuh ila. Tin, engmah hrechiang hmasa ni tawh lo se tih te; Entitlement of lova, admission duh avang Vehicle chungchang ennawn nise, ringawta zirna hmuna hnathawkte District Officer te leh a kawl awmte pawh enthat nise, hemi tifel pawisa pek i ching lo ang u.

Date: 17th May 2009

Phek Thumna

turin Committee din nise, he Committee hian 6th Pay recommend-na anga transport allowances te pawh lo enfel se tih te an rel a. Out patient te tana MR Bill dan tuna sawrkar thuchhuak siamthain Central sawrkar dan anga tih nise, hei hi Cabinet relfel tura chhawpchhuah vat nise, an ti bawk. Heng bakah hian Fitment Committee chairman-in 6th Pay Commission hmanna tura ruahmanna a siam chu tun thla chhung ngei thehluh tum a nih thu meeting-ah hian tarlan a ni. (source: Evening Post)

## S.Laldingliana, Parliamentary Secretary, UD&PA hova Bus/Truck Terminal Management Committee thukhawm chuan Rangvamual-a Ch.Saprawnga Truck Terminal chu June 1, 2009 atanga hman tan turin a rel a, Aizawl Municipal Council chu a enkawltu turin a ruat. Truck Terminal hi a rualin truck 150 zet dah theihna tura zau niin parking, security, mamawh lamna dawr, restaurant, riahna leh recreation room nuam tak ruahman a ni dawn a. Parking fee, riah man leh ei man chawi a ngai ang a. Inter-State Bus Terminal atan hman tum a nih bawk avangin ticket counter, passenger waiting room leh facilities dangte dah turin ruahman a ni bawk. Truck Terminal hi hman a nih dawn tak avangin Aizawl khawpui paltlang kawngpui NH 54 Bawngkawn-Sairang; Bawngkawn Zemabawk leh Bawngkawn Durtlang kawngpui sirah Truck hun khap a ni tawh dawn a. Truck/Bus neitute leh mipui te pawh a tul anga lo inbuatsaih turin Aizawl Municipal Council chuan a ngen. (source: Evening Post) Finna hi tawrhna atanga lakchhuah a ni. - A. Helps

Vol XIV Issue No. 7

Bangalore Mizo Association

Pathianni Tin Chhuak Chanchinbu

*PG* *PG* *PG* Zirlai leh Hnathawk tan awmna tur a awm e. Near 10th BTS Bus Depot Hennur Main Road, Kamanahalli. Contact: +91 98865 27194 +91 97418 92145

INFIAMNA && Nimin Inrinni zinga Mumbai khawpuia Youth National Basketball Championship vawi 26-na level II final-ah Mizoram Basketball team chuan Kerala an hneh zo ta lo. Kerala team hi 38-36 in an chak a. Ni 20 (Nilaini) hian Mizoram team te hi an haw chho dawn a ni tih thu manager Lalrinfela (Pepe) Republic Veng chuan a sawi. Mizoram team manager sawidanin pumraw lama an tet thu leh zan an mu tha thei silo a zinga khelh chu an naute’n harsa an tih thu a sawi. (source: internet) && U-21 National Football Championship chu nimin khan Mizoram leh Punjab ten final an khel a. Mizoram te hi 3-2 in an chak zo ta lo a ni. Mizoram tana pet goal tute chu - G. Zothansanga leh TC Lalhuapzauva te an ni. && Barclay Premier League-ah Manchester United chu an champion ta. Nizanah Arsenal nen an inkhel a an in draw nachungin, Manchester United chuan point an hmusang ta ber a, Premier League ah an champion ta a ni. Match khat chauh a awm tawh avangin leh Manchester United hnaih bertu Liverpool chuan match 2 nei mahse an umphak theih dawn takloh avangin he an draw na point hi a hlu ta em em a ni. && Sir Alex Fergussion a kawmna tlem: I nervous viau lo maw? Ka piantirh ata minute 90 rei ber hun a ni awm e. Minute 5 chiah ala awm tih khan Edwin van dar Ser khan vawi khat chiah goal a save kha, khami avang khan match fimkhur ngai tak a ni tih a hriat theih.

Date: 17th May 2009

Phek Li na

Liverpool record in pha ta a, hei hian tha ni a inhriatna a pe che u em? An record hi lehpel ila chu min pe mai thei e, hei ai hian a tha lehzual ang. Tuna kan infiammite nen hian nasa takin kan tang ang a, nakumah chuan kan lehpel ngei ang chu. Tun season i han thlirletin in team landan i hriatna min hrilh thei em? Japan atanga kan lo let a, anmahni home a Stoke kan khelh tum kha a ni. Khami inkhelha kan chak kha chu ropui ka tiin, chona leh in enchhinna ropui tak niin ka hria. Naktuk (Pathianni) in chawl si a, Mallorca lamah i va spy dawn em ni ang? Spy lo ang. Old Trafford ah Player of the Year thlanna kan nei dawn a, ka kal hman dawn lo. Kal chu ka chak hle mai a mahse, Barcelona inkhel en tur hian ka unaupa a kal ang. I hna atanga chawlh i tum thawmte kan hria a. Ka tum lo…chawlhsan ka tum reng reng lo. Manager-in ka la awm zel rih dawn. Ka chawlh hun tur chu ka hriselna in a hril ang chu. (source: internet)

English Premiere League point dinhmun: (as on 16th May ‘09, 9pm) Position 1 2 3 4 5 6 7 8 9 10

Club Manchester United Liverpool Chelsea Arsenal Aston Villa Everton Fulham Tottenham West Ham United Manchester City

Played 37 36 36 37 36 36 36 36 36 36

GD +43 +46 +41 +28 +5 +14 +6 +1 -2 +8

Point 87 80 77 69 58 57 50 48 48 47

English Premier League: Zanin inkhel turte: West Brom v Liverpool Chelsea v Blackburn Thawhlehni 19th May 2009 Portsmouth v Sunderland

7:00pm 9:30pm 1:30am

UEFA Champions League Final: 28th May 2009 Barcelona v Manchester United 2:15am Inkhelhna hmun tur: Stadio Olimpico, Rome, Italy

BMA Office Bearers 2009-2010: President : Lalrinpuii Vice President General Secretary : Mâdawnga Hauhnâr Asst.Gen. Secretary Treasurer : Blessy Sailo Assistant Treasurer Secretary i/c Sports : Joel Murray Secretary i/c Cultural Secretary i/c Academic & Human Resources: Alan Lalhriatpuia

: : : :

Rev. PC Lalduhawma Paul Lalchhanhima Thaarie Hnamte Samuel Lalrozâma