Bma Aw: 31st May 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 9

Bangalore Mizo Association Pathianni Tin Chhuak Chanchinbu

Zoram pawn Zirlaite Pocket Money H.Vanlalhruaia, Hyderabad (Notes: He thu ziak a, Pocket money ka han tih ve ngawt hi Mizorama mahni duh zawng vel han leina tur ni lovin, zirlai ten phai rama zirna atan an senso leh thil dang atan an pawisa hman emaw an hman ral hrim hrim sawinan hman a ni.He thuziak hi data mumal tak hmanga buatsaih hran a ni lova, hypothesis ang chauh a ni tih hriat erawh a tha ang ) Kum 2007-2008 khan Mizoram chuan cheng vaibelchhe1936.36 hmuh a beisei a. Mizoramin a thawhchhuah ve tura ruahman chu cheng vaibelchhe 161.10 a ni a, kan sum hmuh tur zawng zawng atanga chhut a za zela cheng 8.58 vel chauh a ni. Central atang hian kan hmuh hi za zela Rs.91.42 vel a ni. Thil lang chiang tak chu, Chawmhlawm state dik tak kan ni tih hi sawi nawn leh pawh ngai tawh chuang lovin thudik a ni. Fing thiam tak leh inremchen a tul teh lul nen thenkhat ten an lo eiru tan tan thin hi chu a pawi a ni. Kan thawhchhuah hmanga inchawm tur chu ni ila, rangva in nei phak hi kan tlem pharh ang, di in leh chhawl bukah kan cheng fur zawk ngei ang. Thlam ropui tak tak te, Routmawii-te, Super Model-te, youth idol leh youth icon buaipuina tur te, Music video pakhat siam avanga Bus chuan zak nghal ringawt tur pawh kan awm kher lovang. India sorkar hian min tih tauh san ta thutin, “mahni thawhchhuah ngeiin inchawm ve tawh ru” ti ta mai se, eng ang takin nge kan buai hlawm ang tih hi tuna ka rawn sawi tum ber a ni lova, ka rawn sawi tum zawk ber chu Chawmhlawm state atanga “kan ram leh kan hnam tan” ti a ram pawna zirlaite sum leh pai hman chungchang hi a ni. India ram state tinah hian khawte run tham zet Mizo kan awm deuh zel tawh a; heng zinga a tam ber chu zirlai an ni. India khawpui lian deuhah Mizo, Hyderabad-ah mi 200, Bangalore-ah mi 800, Pune-ah mi 500, Kolkotta-ah mi 700, Chennai-ah mi 300, Delhi-ah mi 2000 leh Mumbai-ah mi 150 vel an awm tawh ang a. Tin, hemi bakah India ram hmun hrang hrang; Shillong, Lucknow, Shimla, Kerela, Coimbatore, Nagpur, Lucknow, Patna etc leh foreign ramah Mizo dang belhkhawm hi 3000 vel lo ni ta se. A lo berhah kumtin zirlai, mi 7000-8000 vel emaw hei aia tam hi Mizoram pawnah an awm mek tihna a ni a. Heng mi 7000-8000 zingah hian inchawm paha zirlai chu 5% pawh an tling kher lo mai thei. Tichuan, heng zirlai ten chhungte hnen atanga thlakhata an pawisa dawn chawhrual hi a tlem berah Rs 3000 vel ni ta se. Thla khatah pawisa an hman ral zawng zawng chu a tlem berah vaibelchhe-2 leh nuai-40 vel zet a ni ang. Tin, chhungte hnen atanga pawisa dawn zat hi a inang lo thei hle ang a. A dawng tam pawl, mimal thenkhat 5000 dawng pawh an awm nual ang. Chhungkaw khata Unau awmkhawmte zingah phei chuan Rs 5000-20000 chuang dawng pawh an awm nuk bawk ngei ang. Kum khatah phei chuan Rs vaibelchhe tam fe mai hman a ngai thung dawn a ni. Hman deuh khan, Mizoram sorkar chuan peace bonus-ah

Date: 31st May 2009

nuai 120 bawr vel a hmu a, kan lawm fu mai. Mahse, zoram pawna zirlaite thlakhat pocket money tur a daih dawn lo hle a ni. Kan state atang pawisa kan hman chhuah hi ram pawn zirlaite ringawtah hian tam tham tak a ni. Kan state pawisa kan hman ral rulh nan ram pawn zirlaite hian thiamna tak tak an hawn let leh ngei thin em? Kan State chawikan nan eng thiamna nge an chhar chhuah ve thin le? Ram leh khawtlang hmasawn nan mithiam hman tlak tak tak kan neih phah tak zet em? Hemi bakah ram pawna Mizo hnathawk awm mekte hian Mizoram tan hian engemaw ti talin thawhchhuah an nei ve thin em? Mizoram hausakna sum hmanga piang chhuak kan nih ngat phei chuan, Mizoram tan rullet nei miah lova nun hmang ral thei kan ni lo. Kan zavai hian Mizoram cheibawl hi kan bat leh mawhphurna a ni. Mizoram pawna lehkha zir mekte hian Mizoram sum tam tak hi kan khawhral kum tin a. Zirna tul atan sum kan hman hi a tha e. Nawmchenna lam um lutuk vangte leh hrehawm tawrh peih loh luat leh remhriat lohna avang a admission zawn hun lai a tul lova sum kan khawh ral teuh teuh thin te hi kan ngaihtuah ngun a tul ta hle. Thenkhat chuan “mimal sum a ni a, duh duh in ka hmang ang chu”… kan ti a ni mai thei. Mahse, mimal sum hi Mizoram sum atanga chhuak tho a ni. Globalization leh Cyber khawvelah pawh mahni hawpkhawp thar chhuak zo lo ramah hian mimal in sum mumal taka a hman dan tur thlenga inzirtir hi a tul hluah hluah zawk a ni. Mimal in remchen taka sum hman a thiam chuan- ram pum a nghawng thuai mai dawn a ni. Neolithic Age hunlai a mite ang chauh a eizawng thin (jhum cultivation) hnam kan la nih miau avangin, Mizoram mi tawh phawt- ram hruaitu atanga zirlai thlengin sum inremchem hi kan zir ngei ngei a tul. Kan zuk awmna ram ami te intodelh zia te hi i theihnghilh lovang u. Hongkong leh New York kawtthlera khawsa mek anga nun kan tum tlat thinte pawh hi ingaihtuah a hun ta hle. Mawhphurna hre lo zirlai, Mizoram sum eitla duak tu, zirchhuah hnu a, ram siam thatu aia ram thau, mahni tan sawktu mai kan ni em? Ram pawna sum tam tak tak senga kan awm bo lai hian Mizoram chhungah ram pawn pan pha ve lo leh Mizoram chhungah rau rau pawh zirna tha pawh kal pha ve hauh lo, mi harsa, mi tam tak an awm a ni tih hi i theihnghilh lovang u. Kan thil zir leh hriatte hi a tam thei ber hrilhhriat a, an nunkhaw nawm zawk nan leh tangkai pui nan an hman ve theihna tur palai hna thawk theuh turin rilru kan siam hi a hun a ni. A tawp berah chuan zoram pawn zirlaite hian “kan hman ral ang hu hi kan zirchhuak tak zet em” tih hi i in zawt nawn fo ila, kan state atanga pawisa kan hman ral hi loh theih lohna chen a awm a, mahse kan ram tana tangkai tur engmaw zah tal leichhuah tum zawnga kan insanmar chu a hun ve tawh a ni. (BMA AW tan bik liau liau he article hi dawn ani a, kan lawm hle ani)

Vol. XV Issue No. 9

Bangalore Mizo Association Pathianni Tin Chhuak Chanchinbu

Editorial Tunlai chu School leh College Admission tih lai ani a, Bangalore pawh kum dang zawng aiin Zofate’n an rawn pan nasa tih mai tur awm in tunlai hian kan impel suau suau mai anih hi. Member te engzat tak pung belh ang maw ! Fresher’s Day a nghahhlelh awm ta hle mai. Mi fel leh duhawm tak tak , member thar thahnem tak kan neih leh ngei I beisei ang! Member lo ni tawh, Bangalore-a awm tlangnel leh chinchang hriate chuan theih tawpin kan theih ang kawng kawng ah i inpui tlang dial dial zel ila, hemi kawngah hian kan President Pi Lalrinpuii pawh kum danga alo tanpui fo tawh thin ang thovin zirlai te a hruai kawi zak zak mai. Hetianga mi tanpuitu, mi tlawmngai te in fakawm thin teh e! MSA lam pawhin theihtawp an chhuah a,ram leh hnam tan ani tih hriain mahni hun leh sum hekin puih ngai te an pui mek zel ani. Keini member hluite hian lo dawnsawn dan thiam ila, khawtlang nuam leh tha din turin mitin te hi kan pawimawh ani tih i hrethar leh ang u !

MIZORAM NEWS Ø

Ø

TUALCHHUNG NEWS v

MUAYTHAI (Thai Kickboxing) National Tournament chu NGV , Koramnagala ah vawiin May 31 atangin June 5 thleng neih a ni dawn a, India ram state 20 atangin he huna tel tur hian an lo kalkhawm. Mizoram atang pawhin mi 12 lai an lo kal a, kan member Samuel Lalrozama , tuna Kingfisher Airlines a Engineer hna thawk mek leh Kickboxing-a World No. 3 ni bawk chu Official leh Karnataka State team Manager ani dawn bawk.Mizo zawng zawng te en theuh turin kan insawm vek e.

v

BMA Member lo ni tawh thin Nl.Mami Lalthanmawii Negnte pa Dr. Lalsawmliana Kolasib chu Cancer natna avangin May 26 zan dar 11:30 khan a boral. BMA chuan khawhar chhungte a tuarpui takzet.

v

Kar hmasa lama kan lo chhuah tawh Pu Lalnuntluanga Renthlei ( Kawngtea ) MSA Senior Adviser te nupa pawh Zoram lama inneihna tluang taka an hman hnu in Bangalore lam ah an lo chhukthla leh ta. Mopa thianpa a tang Pu Zohmingliana Hualngo pawh dam takin a rawn chhuk leh tawh e. Anni hi tunkar liam ta vek khan Kerala lam ah thil tul pawimawh vangin an thang leh mek bawk.

v

v

Tunlaiin Zirlai tam tak kan Mizo puite Bangalore ah Admission buaipuiin an lo chhuk thla mek zel a, Zoram lama nipui chawlh hmanga haw tam tak pawh an lo chuk thla mek bawk, chutih rualin College tam takah exam an tan mek a, BMA AW Circulation Manager Tv. R.Lalremruata pawh exam naktuk hian a tan dawn. Zirlaite tan I tawngtaipui ang u. Kan member pui damlo natna tawk mek te tan tawngtaisakna I hlan zel bawk ang u.

Tunkar Changvawn: “Kei hi nunna chhang chu ka ni; tupawh ka hnena lo kal chu a ril a tam loving, tupawh mi ring chu engtikah mah a tuihal lo vang.” -Johana 6:35

Date: 31st May 2009

Ø

Ø

Mizoram sawrkar school education department hnuaia thawk middle school headmaster te chu an pay dinhmun a chhiat avangin headmaster post ruak awm pawh an hnawhkhah duh loh bakah, rilru na takin hna an thawk niin an sawi.3rd Pay Commission-ah MS headmaster te hian pay scale hran an neih laiin tunah chuan an nei tawh lova, middle school-ah hian headmaster leh zirtirtu scale a inang reng a ni, an ti a. 6th Pay hman mekah an hlawh ngai anga an kal leha, a chhiat ang anga zirtirtute nena hlawh inanga an awm hian administration-ah a buai thei a ni, an ti. Headmaster te hian zirtirtute aia hlawh an kal tamna chu special allowance thla tin Rs. 200 a ni a, hmun hlaa awm tan chuan awmzia a neih pha lo niin an sawi. Aizawl khawpui chhung laili deuhah chuan he hmun zim te si hi zan boruak ngam deuh tan chuan mamawh hmuh awlsamna a ni. Taxi hman tur a awm a, zan tir lamah chaw eina tur hotel a awm bawk a, a duh tan pawisa chawia hmeichhe kawp tur an awm thin bawk. He hmun hi hmun zim te mah nise, Aizawl-ah chuan ualau taka hmeichhe inzuar (KS) te awmna ‘red light area’ a chhal theih a ni. Zodin Square hi! He hmun vek hi ruihhlo tih chingte awmna pakhat a ni tel bawk a. Zu pawh a bang chuang lo. Hetiang mite hian an mamawh an lamkhawm ve nan pawisa an mamawh a, helai hmunah hian ruihhlo ti thin, ruihhlo zuar nghal bawk an awm a, an pawisa hmuhna pakhat leh chu hnamdang, helai hmuna veivak te pawisa chhuhsak a ni. A chhuhsaktu zingah hian ruihhlo ngaite chauh an ni lova, hmeichhe inzuar te pawh hian an taksa hralh kher ngai lova bum tur an zawng ve tho a, an chhuhsak theih awlsam ber te chu hnamdang, anmahni dawr tumte hi an ni a. An pawisa an laksak hmasa a, an bibo zui ta mai thin niin mita hmu thintu pakhat chuan a sawi.Zodin Square-a overbridge hi ruihhlo zuarte leh leitute inpekna hmun pakhat a ni bawk niin helai hmuna eizawngtu thenkhat chuan an sawi a. Midang hmuhphak vakloh, he overbridge-ah hian an inhlanchhawng mai thin niin an sawi. (Courtesy Evening Post) May 29, 2009 khan Synod Lay Workers’ Fellowship te chuan Synod HSS-ah annual general assembly (LAYDAY) an hmang a, hemi ni hian Synod department hrang hrang an dawr theih loh bakah Hospital bus pawh chhun lamah a service lo ani. Presbyterian Hospital, Durtlang chuan SMS in harsatna te a chhang thei a, Zawhna chu mob No:9856535648 ah SMS a thawn tur a ni, a tahtawlin chhan an ni ang (source: www.misual.com) ☺Football Fans te lo ngaihtuah zui atan Pi President chuan Facebook kaltlangin he logo 2 hi BMA Aw tan a hlan ☺

Vol. XV Issue No. 9

Bangalore Mizo Association Pathianni Tin Chhuak Chanchinbu

Date: 31st May 2009

LAWRKHAWM §

§

§

§

§

May 26 khan India khawchhak lam leh Bangladesh-ah Cyclone Ail a tleh a, mi 15 a n thi a, mi tam tak tui lian avangin thingtlang kilkhawrah an tangkhang bawk.Kolkata khawpuiah mi panga an thi a, hmun dang hmun hrang hrangah mi panga dang an thi bawk niin West Bengalchief minister Buddhadeb Bhattacharjee chuan a sawi.Indian Meteorological Department (IMD), New Delhi-a thawk B K Bandhopadhyaya chuan cyclone hi darkar khatah mel 70-a (110 Km) chakin a tleh niin a sawi.Khawvela sakei tamna ber Sundarbans Tiger Reserve pawh thlipui avang hian a chhe nasa hle niin Sundarbans district magistrate chuan a sawi. Tiger reserve-a hna thawk environmental group pakhat Institute of Nature Lovers and Climbers project director Mrinal Chatterjee chuan reserved chhungah tui a fawn lut nasa lutuk a ecologist leh forest official te pawh an la lut hleithei lo a, a chhiat dan dik tak pawh an sawi thei lo niin a sawi. India rama rights activist leh civil society-te tan chuan nimin kha ni chhinchhiah tlak tak a ni, activist lar tak Binayak Sen chu finfiahna mumal awm loa kum hnih zet hren a nih hnuah bail-in chhuah a ni.Kum 59 mi Dr Binayak Sen hi People’s Union for Civil Liberties (PUCL)-ah nationa; vice president a ni a, naupang doctor niin a hna thawh that avanga chawimawina pawh lo dawng tawh a ni. May 14, 2007 khan Maoist pakhat lung in tang lehkhathawn ken sakah puh a ni a, man leh tan tir a ni. A chhungte, a thian leh amah ngaisangtuten bail tala chhuah tura an ngen chuan ngaihsak a hlawh thin lo. Bail a dilna chuan Supreme Court thlengin nimin khan bail-a a chhuah phal sak a ni. World Junior Championship hmachhawn mek Indian boxer pathum chuan Armenia khawpui Yerevan-ah quarterfinal thlengin, champion tura beiseiawm pawl an ni.Sports Authoruty of India leh Ministry of Sports chuan Beijing Olympics-a India chet thatna boxing-ah nasa takin hma an la zui a. Junior Championship khelh mekah pawh a rah seng nghalin, pinweight (46kg)-ah Sandeep chuan Lithuanian boxer Kestutis Pukas chu sawpin, second round-ah referee-in inhnek a titawp.Gaurav Bhiduri (48kg) chuan Freddie Ortiz of Puerto Rico chu harsa lo takin pre-quarterfinal-ah a hneh bawk a, Indian boxer chu 7-2 in a chak. Namit Bahadur chuan flyweight (50kg)-ah Isreali Viktor Barak chu hneh mah se, Namit hi 1-3 a hniam zawkin a umtuah a tang a, a tawpah 5-3 in a chak let. North Korea chuan May 26 khan nuclear ralthuam a test leh a, khawvel ram hrang hrangte a thawng hle.US President Barack Obama chuan N Korea thil tih chu midangte ngaichang lo leh pawisak nei loa thil tih nia a ngaih thu a sawi a, khawvelin (international community) hma a lak a ngai dawn a ni, a ti.UN Security Council chu N Korea chungchang ngaihtuah tur hian thutkhawm an tum mek a, permanent member China, Russia, France leh Britain te pawhin North Korea an dem thu an sawi.

Kar hmasa chhung khan Chicago a Bus 25 ah te chuan Pathian awm ringlo mi hovin thuziak mak pui pui an tar hlawm a. “A tirin mihringin Pathian a siam” (In the beginning, Man created God) tih te an tar a, Bus thenkhatah chuan, “Pathian tello pawhin i tha thei” (You can be good without God) tih inziak te an tar hlawm a ni. Heng thuziak te hi Indiana a pathian awm ringlo hovin British Humanist Association te nen tangduna an tar a ni a, British Humanist Association te hian nikum lam khan Europe khawpui thenkhat a Bus ah, “Pathian hi a awm lo” (There’s probably no God) tih inziak an lo tar chiam tawh bawk a ni (www.misual.com)

NGAIHTUAH A NGAI E Khuallian chu nalh tak a ni. Mizoram hmeichhe zahawm ber zinga mi a nih bakah, a puanchei bih chuan a zahawmna leh a ropuina a tizual a, Mizo hmeichhia zawng zawngte ai awh tlâk a nihna a lantir bawk a ni. Khualchhawn nula nalh tak takin an lo dawngsawng a, mawi taka dawhsan an cheiah chuan a hruai chho a, nalh taka dawhkan puan khuh hnunga thutthlengah a thuttir a. Khuallian chu a han hawi kual vel a, chu punkhawmna in tukverh puanzar nalh tak maite pawh chu a hmuh hmaih lo - mahse, a lawm tlat lo!A chhan chu hei hi a ni: A puanchei bih ang chiah chu khualchhawn nulate chuan an bih ve a, nulaten an hruai chhohna dawhsan hnung lam, mipui ep bang chei nan chuan puanchei an hmang a. Punkhawmna in tukverhah chuan, puantah khawl hmanga puanchei rawng thlak anga tah puan chu tukverh puanzar atan an hmang bawk a. Khuallian chuan nuam a ti hauh lo! I kawr ang chiah kha i lennaten tukverh zarah lo hmang sela nuam i ti bik lovang! Puanchei hi kan hnam puan zahawm a ni. Kalphung nei lova hetia hman hian a zahawmna kan tidal a ni. India flag hi dawhkan khuna atan leh, tukverh zar atan leh bang chei nan te hmang ta bawk ila, dan bawhchhia kan ni a, tichingpentu anga puha man theih kan ni. Chutiang chuan kan puanchei zia hi kan tichingpen mek a ni. Kan mizo puante hi a neitu hian kalphung fel tak neia, hun leh hmun hre taka kan hman thiam chuan, nikhua a rei ang zelin a hlu zual zel ang. Kan hman thiam loh erawh chuan, kan puan ropui ber hi tukverh puanzarah a chang thei. Tihlua timualpho theitu chu a neitu Mizote hi kan ni.Culture hlun apiang dresscode a hausa ang hian, keini pawhin kalphung kan insiam ve a hun hle mai. A bikin MHIP te hian kan mizo puan zahawmna hi thliar felin, thangthar an zirtir ran a ngai a ni. Tin, kan mizo thil, puanchei leh puan zeh eng pawh hi kan patent vat a ngai. Mimal tih turah kan ngai lo a nih pawhin, sorkar leh a ti awm pawl bikte tih a ngai. A neitu nihna hauh a tul. Chet ran a ngai. Ngaihtuah a ngai e. ( Source: Lengzem ) SPECIAL DISCOUNT FOR BMA MEMBERS !!! I would like to introduce an offer for you, the esteemed members of BMA to avail an opportunity to train yourselves and prepare for a career in the field of 2D, 3D animation and also web and graphics. We offer the below mentioned courses and are going to be announcing a 15% discount on all our career oriented courses.Kindly do get back to me at the earliest to avail this exciting offer..Hope to see you soon!! - Pat Animaster Koramangala 5th Block,Bangalore. 080-42899999/04. Mobile: +91-9632769739

Vol. XV Issue No. 9

Bangalore Mizo Association Pathianni Tin Chhuak Chanchinbu

BMA Section Inthen Dan Thar BMA chuan thil fel zawk leh awlsam zawka kan tih theihnan Bangalore a Mizo awmte section 4 ah a then a, heng section te hian hruaitu leh ziaktu te nei theuh in, Vangpui Kut leh thil dang in el naah an section huamchhung ai awh chiah in an tel thei ang, hei hian BMA League erawh a huam lo. Section 1: Lalsangzuali (Blue) Hruatu: Samuel Buatsaiha - 96116 99823 Ziaktu: Thaarie Hnamte - 98861 45877 MG Road, Hudson Circle, Majestic, Sheshadripuram, Gandhinagar, Cubbon Park, Shivajinagar, Vasanthnagar, Jayamahal, Benson Town, Pottery Town, Sadhasivnagar, Malleswaram, Yeswantpur, RT Nagar, Ganganagar, Hebbal, Sanjaynagar, Mattikere, Jallahalli, BEL Circle, Vidyaranyapura, Yelahanka, Commerical Street, MS Ramayanagar, KR Circle(UVCE) Dollars Colony, Mathikere, JC Nagar, Coles Park Section 2: Rokunga (Red) Hruaitu: B. Lalthakimi - 97418 92145 Ziaktu: Amos Lalremtluanga - 98863 92979 Frazer Town, Ulsoor, Indiranagar, Lakshmipura, Airport Road, Jeevanbhimanagar, Marathahalli, Malleshpallya, Byrasandra, CV Ramanagar, KR Puram, Whitefield, Jeevanahalli, Kasturinagar, Banaswadi, Horamavu, Babusabpalya, Cooke Town, Lingarajapuram, Kamanahalli, HBR Layout, HRBR Layout, Kothanur, Narayanapura, SAICS, SABC. Section 3: Vankhama (Yellow) Hruaitu: Blessy Sailo - 98444 67685 Ziaktu: Lalnundika Hnamte 98865 40468 City Market, Richmond Town, Ashoknagar, Neelsandra, Viveknagar, Ejipura, Shantinagar, Wilson Garden, Chamarajpet, VV Puram, Basavanagudi, Bairasandra, Adugoddi, Koramangala, Jayanagar, Madiwala, Tilaknagar, JP Nagar, BTM Layout, HSR Layout, Hanumannagar, MICO Layout, Bomanahalli, Bannerghatta Road, Austin Town, Victoria Layout, Airport Road, Nimhans, Annapallya, Christ College. Section 4: PS Chawngthu (Green) Hruaitu: Hmingthantluanga - 98446 77120 Ziaktu: Joseph Lalhmangaiha - 99869 33407 Binnypet, Rajajinagar, Banashankari, Tyagarajanagar, Kathriguppe, Muneswaranagar, Rajarajeswarinagar, Bangalore University, Girinagar, Vijayanagar, Guddadahalli, Vijayanagar, KHB Colony, Basaveshvaranagar, Kamalanagar, Mahalakhsmipuram, Nagarbhavi, Hanumanthanagar, Malathalli, Kengeri, Dr. AIT, Magadi Rd, Mysore Rd.

Date: 31st May 2009

( Hriselna Huang ) KÂWNG NA DAMNA KAWNG 5 I thu ngîl em? A that nasat chu. I thut kûl emaw âwn emaw chuan i upa tual tual ang a kawng na i la nei ve mai ang. Tunhnaia research an beihnaah chuan ni tina kan thil tih hian taksaah tha tawm emaw tha kham emaw a siam thei a, chuvangin inven fimkhur a tul hle. Kawng 5 hi zawm rawh: 1) I dinin sipai ang maiin khawng takin ding suh. Hei hian hnungzang ruhah rihna tamtak a nghat. Taksa rihna insemrual thei ang berin, hahdam taka din a tha ber. Kan din dan chu ngaihven reng a tul hle. 2) I kephahin lei chu rem takin rap rawh se. A bik takin hmeichhe tan a tul zual, pheikhawk keartui sâng deuh deuh bun hi kawngin a haw zual a ni. Chuvangin pheikhawk keartui sang 1 ½ inches, emaw 2 inches emaw aia sang chu bun loh a tha. 3) Kea kal hi kawng na tan a tha. Mahse kûl khenkhuna i kal chuan a hma aia nasain a na zawk thei. I taksa rihna semrual thain hahdam taka kal tur a ni. 4) Rit chawi loh a tha. Nau puak atanga computer laptop chawi thleng pawhin a huam thei ang. Taksa a hah chu thuhran, taksa kawi ngil ngela awm kha a pawi a ni. 5) Swedish ho hmuhchhuah dan chuan din aiin ngil taka thut hian hnungzang ruh 140% laiin a tihah a. Thut dan tur dik chu: i dâr zawn velah i lu dah la, i dâr chu i mawng zawn velah, tichuan i ke chu chhuatah 90 degree in dah la, mahse thu reng suh. Minute 45 atanga darkar khat velah chawl zeuh zeuh thin ang che. TIH DIKNA Kar hmasa a BMA Senior Adviser Dr. H.T.Sangliana kawmna thu chhuah ah khan thil ziah sual palh kan lo nei hlauh mai a. “…in tin an lo cover hman a, kei atan chuan 3000 sq.ft leh 20 Lacs voters han luhchhuah hmanna a awm ta lova, hei hian nasa takin min nghawng bawk” tih ah khan 3000 sq.ft nilovin 300 sq.kms tih zawk tur ani e .Tih sual palh ah Kan senior zahawm tak chungah leh BMA AW chhiartute chungah inhriatthiamna leh ngaihdamna kan dil e - Editor ☺ A hnuaia thlalak hian Vote nuaih engemaw zat hmu in BMA AW Pic of the week ah thlan ani…Vangpuikut 2008 @UTC, Bangalore

Kan section then dan hi BMCF area then dan zulzuia then ve ani a, a tul dan a zira tihdang lam theih reng ani e. Tin kan ziahchhuah tak section a mahni awmna veng langlo te kha chuan kan hnaihber section ah khan kan lawi ve mai dawn nia.

☺ Nui Lok ang ☺ - Tlangval pakhat pawh kha a senior tawh lutuk a, a hming bula Tv. pawh hi a hnam hming emaw an ti tawh. - An khuaa a star call a tum a. Computerin a lo chhang a: “Tuna i biak tum hian mobile a la nei lova, an thenawm chiahte WLL-ah ah phone mai rawh!” ☺☺☺ Editor: Thaarie Hnamte – (Mb) 9886145877 Jt.Editor - Madawnga Hauhnar Cir.Managers –Amos Lalremtluanga, R.Lalremruata & Sawmtei Khawlhring Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

BMCF INKHAWM PROGRAMME DATE: 07.06.2009 Hruaitu : Rev.C.Lalrochama Tantu : Tv.Isaac Lallunghnema Thawhlawm hlan : Tawngtai rual Thusawitu : Rev.Dr.K.Sapthanga Special Number : Nl.R.Lalnuntluangi