Bma Aw: 10th May 2009

BMA AW An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIV Issue No. 6

Bangalore Mizo Association

Pathianni Tin Chhuak Chanchinbu

Date: 10th May 2009

Phek Khatna

TUALCHHUNG && Tun kar Inrinni, May 16 hi Lok Sabha inthlan result puanni a ni a, kan Senior Adviser, Dr. HT Sangliana pawh Bangalore Central bialah a ding ve anih kha, kan tawngtainaah i hre reng ang u. && Kan member, C. Malsawmkima, PES Mandya a IyrBE(Civil) zirlai chu Punasru damdawiinah a ke an zai a, tunah enkawl mek a ni a, i tawngtaipui ang u. && Kan member C. Lalzawmtluanga, accident avanga enkawl mek pawhin thatlam a pan zel niin kan hria a, a lawmawm hle. Tunah hian Hosmat damdawiin atanga chhuak tawhin, inlam atangin a in enkawl mek. I tawngtaipui zel ang. && Nimin tlai dar 3:30 khan PU result a chhuak a, kan member PU zirte tha taka an pass kan beisei. Chanchin chiang zawk karlehah rawn tarlan kan tum e. BMA AW ah hian article te rawn ziak thin ula, inthlahrung lovin, engtiklaipawhin a thehluh theih reng a ni. Kumin phei chu Jubilee kum a ni a, kan thupui ‘Zofate Hmasawnna leh Hmabak’ tih lam thute rawn ziak turin mi zawng zawng kan in ngenin kan in sawm e.


 
 

 Pathianni (17th May 2009, 4:00pm) Hruaitu: Pi Thangliani Tantu: Nl Margareth Lalruatfeli Thawhlawm: Tawngtai rual Special Number: Nl Marian Lalchhandami Thusawitu: Rev. J. Chuaukailiana May Thla Changvawn: Tirh. 1:8 “Thlarau Thianghlim chu in chunga alo thlen hunah thil tihtheihna in la nei ang”

MOTHER’S DAY Vawiin hi kan hriat theuh angin ‘Nute Ni’ ani a. He Mother’s Day hi US leh Canada ah te hian an hmang deuh ber thin. Kum tin May thla a Pathianni vawi hnihna zel hi Mother’s Day atan hian hman thin a ni a. He Mother’s Day hi Nute pawimawhna leh society-a Nuten hmun pawimawh tak an luah zia lantirna Ni a ni a. Kan hlutin kan ngaipawimawh em em tur a ni. American Civil War lai khan, nuho thenkhat, an fate Indonaa kal ve te leh thite chu an inhmukhawm thin a, indo thatloh zia an lantir thin a ni. Kum 1872 khan New York khawpuiah Julia Ward Howe chuan Indo duhloh entir nan he Mother’s Day hi a huaihawt ta a. Hetiang anga hun an hman hi kum sawm chhung lai mai chu Boston khuaah te Julia Ward Howe-i ho hian an hmang thin nghe nghe a, mahse a hnuah chuan alo reh ta deuh tan ta a. Kum 1877 ah chuan Albion, Michigan ah Mother’s Day hi May thla Pathianni vawi hnihnaah hman tan leh a ni a. Rev. Myron Daughterty-a’n sermon a sawi lai chuan misual thenkhatin a fapa leh advocate pahnihte chu saloon ah kalh hnanin zu an in ruih tir thu a hria a, a sermon sawi pawh chu a chhunzawm thei ta lo a. Chutia a ngawih takah chuan Albion khua ami Juliet Calhoun Blakeley chuan a sermon chu a rawn chhunzawm sak a, chhunzawm sak mai pawh nilovin, pulpit ah chuan nu dangte chu amah zawm turin a sawm chhuak nghe nghe a ni. Juliet Calhoun Blakeley fate pahnih sumdawng mite pawh chuan an nu hriat reng na pawh chu, chu khua Albion ah chuan lantir reng an tum ta a, an mahni dawr thinte pawh chu chutiang ti ve thin tur chuan an sawm nghe nghe a ni. An ngenna angin, kum 1880 kumtir lam chuan Albion khuaa Methodist Episcopal Church chuan chhungkua leh khawtlanga Nute pawimawh zia tihlanna ni atan chuan May thla Pathianni vawi hnihna chu an ruat ta a ni. Chanchin dang thenkhat Kum 1904 ah pawh khan Fraternal Order of Eagles President Frank E. Hering pawhin ‘A national day to honor our mothers’ tih chu a lo rawt tawh bawk. Anna Marie Jarvis chuan May 9, 1905-a a nu boralta hriat reng nan tuna Mother’s Day kan hman hi US ah chuan ram pum huapa chawlhni atan a lo sual tawh a, chumai nilovin, khawvel pum huapa holiday atan a lo bei vak tawh bawk a ni. Andrew's Methodist Episcopal Church bula hmun pakhat, Annie in a taksa danglamna a lo chan tawhna chu International Mother's Day Shrine tiin an serh hrang nghe nghe a. Heta tang hian ram bung hrang 46 laiah chuan urhsun taka hman chhoh niin kum 1912 atang phei chuan sawrkar holiday atan puan hial a ni ta a ni. May 8, 1914 khan US Congress chuan Mother’s Day atan hian dan fumfe tak a lo siam tan ta a. Rampum huapa hman atan US President

Vol XIV Issue No. 6

Bangalore Mizo Association

Editor Thaarie Hnamte Ph - 98861 45877 Joint Editor Mâdawnga Hauhnâr Ph - 98865 27194 Circulation Staffs: R. Lalremruata Amos Lalremtluanga Sawmteii Khawlhring E-mail: [email protected] Website: www.bangaloremizo.info A Man: Thla Thum atan Rs. 50/I lo bengvar nan sms JOIN BloreMizo type la, 567678 ah thawn rawh.

Editorial Mi chu a inchei danah tunge anih a hriat Kan hnam tlem thu chu sawiloh, kan awmna ram bik zau zawng pawh tlem tak a ni a. Chuti chung chuan kan inzarpharhin, hmun tin rengah kan awm darh ve zel a. Hnam tlem leh naupang tak e tilo chuan a hnam upa zawk leh puitling zawk, a tam lamah pawh kan hnam let sawm chuang daih zingah pawh chanvo tha leh hmingthatna la tam tak kan awm ve zel mai hi a ropuiin, a chhuanawm thin hle mai. Khawvel thilah a ni emaw, sakhuana lam thilah a ni emaw, Mizo hnam ti hmingthatute hi an hlu thin a ni. Hna kan thawhna hmun leh kan zirna hmun hrang hrangah, mahni tan mai nilo, chhungkaw tan, hnam tan, ram tan thawh theih te, entir theihte kan nei theuh a ni. Mizote hi thil tih khawm leh inhokhawm thin kan ni a. Puipun ni khuaa awmdan te, a hun leh a hmun a zira thawmhnaw inbel dante, kan awmna hnuhma felfai zawka hnutchhiah dan te kan zir zel a, kan nunah kan tihlan zel hi a pawimawh tak zet a ni. Hei hian hnamdang zingah te, kan hnathawhpui leh zirpuite hnenah te thu a sawi nasa thei zawk daih a ni tih hi vawng tlat ila. Hetiang nunah hian ‘finna, puitlinna, hmingthatna’ te a awm zel ang tih a rinawm.

Pathianni Tin Chhuak Chanchinbu

Date: 10th May 2009

Phek Hnihna

Woodrow Wilson chuan May 9, 1914 khan Mother’s Day hmasa ber chu a puangzar a, he ni hian indonaa thite nute zahna leh chawimawina atan flag te pawh zar turin thupek a chhuah. Nute hi an pawimawh hle a. DL Moody chuan ‘khawvela nu zawng zawng hi ka Nu ang vek nise chuan Jail siam a ngailo tur’ a ti hial a ni. Mihring kan lo pian hian kan seilen thlengin nute kutah kan awm tam bera, chuvangin, nu thate an pawimawh hle a ni. Bible-a kan hmuh angin nu tha ni tur chu a fin a ngai hle a. Thufingte 1:8 ah chuan, ‘Ka fapa, i pa zirtirna che chu ngaithla la, i nu zirtirna che chu hawisan suh’ a ti. Pa zirtirna chu kan ngaihthla ang, Nu zirtirna ngat phei chu kan hawisan a thianglo. Thufingte buah hian nu leh pa te pawimawhzia thu hi hmun 14 aia tlem lovah a in ziak a. Bung 31 ah phei chuan Lal Lamuela, a nuin a zirtirna thute kan hmu a ni. Billy Graham pawhin a rawngbawlna a hlawhtlin thin na chhan berte a sawi zingah a nupuiin hun pum hmanga a awmna hmun atanga a lo tawngtaisak thin vang a ni a ti thin. Nute hian fa an enkawl avangin pa ai chuan an hah zawk hle a. Fa enkawl hi a namai lovin hun leh sum mai nilo, tha te a heh a. Fa hrisel tha leh fel neih duh avangin nute chu hlawh nei lova an insenso a tul a. Chuvangin, Vanram thlenga ro chhawm theih fate hlawh nei lova enkawltu hlutna hi kan ngainep tur a ni lo.

HRISELNA HUANG Mizoram khawpuia cheng kum 15-49 chhung ami te zuk leh hmuam tihdan hetiang hian tarlan a ni. Khawpuia cheng hmeichhia 13.6% te chuan meizial an zu thin a, thingtlanga cheng hmeichhia 19.4% ten meizial an zu thin bawk. Khawpuia cheng mipa 74.5% in mei an zuk laiin, thingtlang a cheng mipa 72.5% in mei an zu bawk. Tichuan a pumpuiah hmeichhia 16.1% in mei an zu a, mipa 73.6% in mei an zu bawk a ni. Kuhva, sahdah leh a chekhnawk lam chi hi khawpui hmeichhia 49.8% in an ei / hmuam a, thingtlang hmeichhia 61.7% lai chuan an ei / hmuam bawk. Khawpuia cheng mipa 29.8% in kuhva, sahdah hi an ti thin a, thingtlanga cheng mipa 47.9 % in hetiang hi an ching bawk a. Tichuan a pumpuiah hmeichhia sahdah / kuhva ei thin chu 55% an ni a. Mizo hmeichhia zatve aia tam zetin an hmuam / ei thin tihna a nih chu. Mipa 38.1% chuan kuhva, sahdah hi an hmuamin an ei ve a, hmeichhia ai chuan an tlem deuh zawk tihna a ni. A lan danin khawpuia awm hmeichhia ai chuan thingtlang ami ten zuk leh hmuam an ti nasa zawk. Mizote hi zuk leh hmuam thilah hian kan virin kan ti lutuk hle mai a. A zahthlak khawp mai. Hnamdangah chuan GUTKHA ei thinte hi mipa an ni deuh zawk mah a, mizo zingah chuan hmeichhiain an ei nasa zawk emaw chu aw tihtur a ni. Gutkha lam chi atanga siam reng reng (Pan Parag, Goa, Tiranga, Talab,..etc.) hi kum 2000 vel bawr te pawh khan State thenkhat chuan zirna hmun atanga meter 100 chhungah zawrh an lo khap tlat tawh a ni. Hetiang eite hian a thatloh zia chu an hrechiang duh khawp mai a, mahse an sim duh chuang hran lova. Engpawhnise, kan taksa hriselna tur chuan ‘insumtheihna’ kan neih a pawimawh hle a ni. Insumtheihna hrim hrim hi Kristian nunah hian a pawimawh vel vek a ni. Chuvangin, hrisel tur chuan ‘INSUMTHEIHNA’ kan neih a pawimawh anih ber chu.

Vol XIV Issue No. 6

Bangalore Mizo Association

Pathianni Tin Chhuak Chanchinbu

BANGALORE CHANCHIN

MIZORAM CHANCHINTHAR

&& Boruak a lum ve viau reng a. Mahse, ruah a sur zeuh zeuh chuan a ti ziaawm khawp mai. Khawlum lai berin 35.3 deg. Celcius a ni a, a vawh lai berin 23.1 deg. Celcius a ni. Tunlaiin kan member tam zawkte pawh Zoram lama chawlh hmanga an haw lai a ni hlawm.

## Union Public Service Commission (UPSC) chuan Civil Services (Main) Examination 2008 result tichhuakin, Mizo 5 Mangtinlen Haokip, Rinteii Renthlei, Lalhmingmawia Ralte, Pinky Zosangpuii leh K. Hauthang-te an tling. Hetianga Mizo panga lai Civil Service-a an tling chu lawmawm an tih thu Mizoram Youth Commission thuchhuah chuan tarlangin, heng mite hian Mizo thalaite rilruah chona thar an chawhchhuah ngei an duh thu a tarlang. Mizoram Youth Commission thuchhuah chuan, Mizo thalai tam zawkte Civil Services-a an luh theihna turin Lord Krishna IAS Academy, New Delhi nen reiloteah Aizawl-ah coaching class an hawn tur thu tarlangin, tunah hian thalai lehkhathiam mi 200 vel an inziaklut tawh tih an tarlang.

&& Karnataka Film Chamber of Commerce chuan May 15 atang chuan ni khatah show 4 chauh awm tawh turin thu a siam. Tunah chuan theater thenkhat chuan film 5 te an chhuah laiin thenkhatin 4 an chhuah. KFCC President Jaimala chuan multiplexes leh PVR te pawhin he an thuthlukna hi an zawm dawn a ni tih thu a sawi. A hun thar: 11:15am, 2:30pm, 6:15pm leh 9:00pm.

Lawmthu Sawina

(source: Evening Post)

May Ni 1, 2009 (Zirtawp) zana kan fapa, Lalzawmtluanga (Tetea) accident tawh chung changah Bangalore Mizo Nu leh Pa, Nula leh tlangvalte kan tibuai hle mai che u a. Chu mi rual chuan in tlawmngaihna leh thatna kan hmuhin kan lawm em em a. In zavaia hnenah lawmthu kan sawi tak meuh meuh a ni. Mimal tinte hnenah tawngkain kan lawmthu hi kan sawi thei lova, hei hi kan chunga in thatna avanga lawmthu sawinaah min pawm sak hram kan ngen nghal bawk a che u. Kan lawm e. Krista leh ram rawngbawlpui,

tana

in

Rev. C. Vanlaldika te Nupa UTC, Bangalore.

## Assam chanchinbumite dem: MSU office bearers thuchhuak chuan tunlaia Mizoram leh Assam ramri chungchanga buaina awm mek chungchangah Assam chanchinbumiten thudik tluantlinglo deuh an ziah chu tha an ti lo tih an sawi. Nimina thuchhuah an siamah he buaina chinfel a nih theih nana Mizoram home minister hnena rawtna a lo thlen tawh angin, ramri chungchang zirchiang tur commisssion leh state pahnih inkara ramri chinfel a nih theih nana sawrkar aiawh inbe tura a ngenna tihpuitlin vat nise an duh tih an tarlang.(source: Evening Post) ## Sairang thleng rel luh a him em? Mizo Stundents’ Union (MSU) huaihawtiin I&PR auditorium-ah "Seminar on Railway line Extension in

Date: 10th May 2009

Phek Thumna

Mizoram," neih a ni a, hetah hian Prof. C. Nunthara, Dean William Carey University Shillong chuan, "Mizorama Rel lo lutin kan ram leh hnam tana harsatna a thlen theih te," tih thupui hmangin paper a present a, Lallianchhunga, Mizoram University chuan, "Mizorama Rel lo lutin a tha zawnga kan ram tana nghawng a neih tur te," tih thupui hmangin paper a present bawk. Paper present-tu pahnihte hian Rel kawng lo lut tur hian Mizoramah harsatna a thlen theih erawh an ring ve ve a. Lallianchhunga chuan, "Tun dinhmunah kan la pha lo a, public opinion neih nan, mipui mar dek loa thutlukna siam hi ram hruaitute tan pawh a tha lo a," tiin Evening Post a hrilh. Prof C Nunthara chuan, "He inhnialna hi kum 1978 atanga awm tawh a ni a, tunah pawh hian khami ang tho khan a la ngai reng. Rel kawng lo lut khan pawn lam mi a rawn luhpui ang em? Kan in veng zo ang em? tihte hi zawhna a ni," tiin Evening Post a hrilh a. "Tuna ILP kan nei chung pawhin nitin mai hian Bangladeshi an rawn lut a, kan administration hi a chak si lo a, village council a ‘weak’ bawk si, kan in veng zo ang em tih hi kan fimkhurna ber tur chu a ni," tiin Professor chuan rel kawng hian Bangladeshi a rawn luh pui teuh a hlau a, hetiang hian India hmarchhak ramah pawh Bangladeshi hi an lo lut nual tawh tih a sawi bawk. Paper present-tu pahnih hian Rel kawng lo luh hi national project a nih avangin keini dan rual a nih dawn loh erawh an pawm thung. (source: Evening Post) A sawitu nilovin, a thusawi zawka kha ngun takin ngaihtuah rawh. - Arabian Proverb

Vol XIV Issue No. 6

Bangalore Mizo Association

Pathianni Tin Chhuak Chanchinbu

*PG* *PG* *PG* Zirlai leh Hnathawk tan awmna tur a awm e. Near 10th BTS Bus Depot

Date: 10th May 2009

Phek Li na

ve theihna turte, Old Trafford-a inkhel en theihna turte, Champions League khelhnaa United nena Europe rama zinkual theihna turte chance siamsak an ni dawn a ni. He an insumdawn tawnna thuthlung hi United lam atangin David Gill (CEO), Richard Arnold (Director of Commercial), Sir Alex Ferguson te, Darren Fletcher, Wayne Rooney leh Carlos Tevez te leh Sanjay Kapoor, Deputy CEO, Bharti Airtel ten Old Trafford ah an siam ani.

Hennur Main Road, Kamanahalli. Contact: +91 98865 27194 +91 97418 92145

INFIAMNA && Mizo naupang Basil L. Khuma a champion Basil L Khuma chuan Indian Super Series Under 14 trophy a la leh ta. Mizo naupang Basil L Khuma hian final-ah Sheikh Abdullah (Maharastra) khelin 6-3, 6-3 in a hneh a ni. Doubles-ah Basil L Khuma leh Ramal chu an champion bawk a. Doubles Finalah Abdullah leh Roshan Bhatia te tangdun chu 6-4 6-4 in an hneh bawk. Khuma hi Indian U-14 singles-ah No.8-na a ni mek a, tun result hian a tihsan phah ngei a rinawm. && Theo Walcott chuan hun rei tak chhung atan Arsenal ah contract a sign leh ta. A contract hun chhung hi engtia rei nge tih erawh a sawi lo. Kum 20-a upa England striker Walcott hian Arsenal hi January 2006 khan Southampton atangin a zawm a. Tun thlengin Arsenal tan hian tum 103 a in lan tawh a, goal 14 a khung tawh bawk a ni. && Sir Alex Fergussion leh Arshavin te lawmman dawn. Barclay Manager of the Month lawman chu Sir Alex Furgussion hnenah hlan a ni a. Palyer’s Award lawman chu Andrei Arshavin hnenah hlan a ni. && Manchester United leh Bharti Airtel te chuan kum 5 chhung atan partnership thuthlung an ziak fel. An sumdawnna lama an inthlunzawmna hian India, Sri Lanka leh Seychelles ramte a Airtel hmangtute mobile ah United chanchin leh thildang dangte tihlan a ni dawn. Airtel hmangtute chuan Manchester United Soccer School-a training an neih

English Premiere League point dinhmun: (as on 9th May ‘09, 6pm) Position 1 2 3 4 5 6 7 8 9 10

Club Manchester United Liverpool Chelsea Arsenal Aston Villa Everton West Ham United Manchester City Fulham Tottenham

Played 34 35 35 35 35 35 35 35 35 35

GD +40 +43 +38 +31 +7 +14 +1 +10 +4 +1

Point 80 77 74 68 58 56 48 47 47 47

English Premier League: Zanin inkhel turte: Manchester United v Manchester City 7:00pm Arsenal v Chelsea 9:30pm Nilaini 13th May 2009 Wigan Athletic v Manchester United

1:15am

Inrinni 16th May 2009 Manchester United v Arsenal Bolton Wanderers v Hull City Everton v West Ham United Middlesbrough v Aston Villa Newcastle United v Fulham Stoke City v Wigan Athletic Tottenham Hotspur v Manchester City

6:15pm 8:30pm 8:30pm 8:30pm 8:30pm 8:30pm 8:30pm

UEFA Champions League Final: 28th May 2009 Barcelona vrs Manchester United 2:15am Khelhna Hmun tur: Stadio Olimpico, Rome, Italy Midang chunga roreltu nih duh chuan ama chungah hotu a ni phawt tur a ni. - Philip Massinger

BMA Office Bearers 2009-2010: President : Lalrinpuii Vice President General Secretary : Mâdawnga Hauhnâr Asst.Gen. Secretary Treasurer : Blessy Sailo Assistant Treasurer Secretary i/c Sports : Joel Murray Secretary i/c Cultural Secretary i/c Academic & Human Resources: Alan Lalhriatpuia

: : : :

Rev. PC Lalduhawma Paul Lalchhanhima Thaarie Hnamte Samuel Lalrozâma