Bma Aw: 14th August 2009 - Special Issue

Distribution Gratis

‘Bangalore Mizo Association’ Special Bulletin

Date: Aug 14, 2009

HVLT Mâwia leh Lalhluna Sailo Memorial Trophy A chhûnga thu awmte: 1. BMA League chanchin 2. President Thuchah 3. Sihhmuhna – Editor. 4. Sports Secretary thuchah 5. Inkawmna ropui 6. League Thunawi 7. Enge an sawi. 8. Team thenkhat thuchuah. 9. Tlipna – Jt. Editor. 10. League thunawi. BMA Football Sub-Committee ‘09 Convener – Tv. Joel Murray (Secy. i/c Games & Sports) Secretary – Tv. Joseph Lalhmangaiha Treasurer – Tv. Amos Lalremtluanga Members – Pu Jim Lalrammawia, Tv.Hmingthantluanga, Tv.Hminga Pachuau, Tv. Lalnundika Hnamte. BMA PRESIDENT THUCHAH: BMA Football Tournament ( HVLT Mawia Memorial Trophy ) khelh hmasak ber tum khan Bangalore Mizo te a khaw nâwtin kan chhuak a ni tih khami hunlaia Bangalore-a awm te chuan kan la hriatreng ka ring . Kumin hi kum 5 (nga) lai BMA tournament kan neihna a lo ni ta a, hetiang inkhelh organize hi thil awl ai lo tak a mai a ni a, a hlawhtlin theih na tur a theih tawp a hma la tu te chung ah lawmthu kan sawi a ni. He tournament chhung hian, infiamna thianghlim atân buatsaih a ni tih rilruin hre nawn leh theuh ila, tan lutuk avânga in tih thinur te, fet lutuk te, midangte rilru tina zâwnga tawng te tuma’n nei lo ila, BMA-in he tournament a siam chhan Bangalore Mizote inpumkhatna tur a ni tih hre nawn leh theuh ang u.

The History (Hun kal ta te chhui lêtin…) He BMA Football inkhelhpui hi kum li laia upa a lo ni ve ta reng mai. Kumin phei chu BMA Silver Jubilee kum a lo ni chiah lehnghal bawk nên kum dang ai chuan a ropui deuh zawk dawn hle a nih hi, team lut pawh a thathnem ber tum a ni ang. Kumin chu kum dang ang lo takin lawmman te pawh theih ang tawka siam danglam leh belh te a ni nghe nghe a. He ‘Inkhelh Ropui’ hi enge a chanchin ilo thlir let teh ang. Kum 2005-a BMA Executive committee meeting vawi li-na, June ni 18-a Pu PS Chhuasa Ina neih chuan hetiang hian a rel a:“BMA Senior Adviser Dr. Lalrinawmi Ralte in a pasal boralta Pu HVLT Mawia hriatrengna atân BMA-ah trophy thawh a duhthu kan dawng a. BMA Executive committee chuan lawmawm a tiin he duhsakna thilpek, hriatrengna atâna a rawn thawh hi lâwm takin kan dawng. He trophy hi Bangalore-a Mizo Football tournament neih tura kan ruahman mek lawmman atân hman nise kan ti a, trophy hmingah chuan ‘HVLT Mawia Memorial Trophy’ tih nise kan ti; a tournament hmingah ‘BMA League 2005’ tih nise. Dr. Lalrinawmi Ralte hian trophy lei nan hian Rs.2000 a rawn thawh a ni.” Hemi kum atang hian he inkhelh ropui hi buatsaih tan a lo ni ta a ni. A hma hian vêng leh vêngte tiin, inkhelh hlimawm tak tak te kan nei zeuh zeuh thin bawk a. Tin, Mizo leh hnamdang inkhelh te pawh Secretary i/c Games & Sport huaihawtnain buatsaih thin a ni a, kan Northeast thiante mai bakah Korean ho nên te pawh inkhelh kan lo nei tawh thin a ni. He’ng inkhelhah hian BMA te chu kan chak deuh ziah bawk a ni. Kum li zet chu a lo ni ta a, Pathian hruainate leh hruaitute hnathawhna a zarah tluang takin kan la hmang chho thei zel a, a lâwmawm hle a ni. A hmasa ber kum hian team 9 an lut a, buatsaih hmasak ber kum a ni bawk a an inkhel kual veka, match 39 lai an khel a ni. Hemi kum hian league neih chhung a rei hle nghe nghe a ni. Beirei tak an ni… October ni 20 chho vêlte chuan semifinal match tel loin match 8 lai khelh tur ala awm a nih kha. A tîrah chuan prize dang hi an siam mai loa, October ni 22 chuan hetiang hian an rêl a “BMA League trophy bakah prize engemaw pek tel a tha lo’mni tih rawtna chu sawiho a ni a, hetiang hian lâwmman pêk nise kan ti – (i) Top Scorer (ii) Best Player (iii) Fair play Award (iv) Gold Medal leh Silver Medal. Heng lawmman te hi donate thei an awm leh awm loh BMA Aw hmanga zawn nise kan ti…” Pu Lalrokhuma Pachuau puihnain Police ground chu inkhelh tam takah 1 hian hman theih a ni a, a tihziain nuam hle a ni. (chhunzawm a ni..)

Distribution Gratis

‘Bangalore Mizo Association’ Special Bulletin

Enkawltu te: Enkawltu / thû ber : Samuel Lalrozâma Hmâr. A dawttu : Mâdawnga Hauhnar. Email:[email protected], [email protected] SIHHMUHNA Enkawltû kamchhuak: Mi tam takin kum tir atanga châkna mitthlaa an lo thlir thuap, tlangval tha za rualin an tihrawl sawizawina hun atâna thapui an khêkkhawl hun; khelhmual thleng ve ngai lo te’n mit tihtlaina hun tha tia an beisei; lanu lêngrual te’n duhthlanna hun tha an siamna hun leh a tha zawnga fuihpawrhna hun atâna rilru an sênna hun; a tawi zâwngin, a-pui-a-panga hun ropui kan nghah thap mai, Foot ball World cup 2009, ni lo deuh, BMA football tournament chu kum danga lo tih thin tawh angin tun kumah pawh huaihawt leh a lo ni ta. ‘A ruh no no chhuakah’ kan ti ve dawn a ni, ‘mipa leh mipa chu inngur chher chher mai tur, Champion zawn a ngai..’ Ngai teh, mipa leh minu pawh an innuai dâwn a nih hmel opening match-ah, hmuh chakawm tawh hle, minu mi nuai dân hi chu a dangdai a . Silver Jubilee kum a nih angin team te inpuahchahna pawh kum dang aiin a that ngei a beiseiawm. He hun hlu hi kan thiamthil te lantîrna leh kan Zo ze mâwi pâr chhuahtirna hun atân hmang ila, boruak tha lêng se, inpumkhatna leh inlungrualna thlrau chuan min tuam tlat rawh se. Team members leh fans te’n kan chakna ber Pathianah innghat chungin thianghliim taka zo fel turin i inpuahchah ang u. (…History chhunzawmna) Tluang takin a kal zel a, December ni 10, 2005-ah final hmuhnawm tak chu Grace Home leh Dr. AIT te’n an khêl a, a tâwpah Grace Home te chuan chak ber nihna an chang ta a ni. BMA League-a champion hmasa ber an ni ta a ni. Championship leh Runner up medal bâkah best player, fair play, top scorer leh best keeper te tan trophy mawi Nl. Blessy te unau chuan an pa, Pu Lalhluna Sailo, 15th August 2005 a boral ta hriatreng nân, an hlân bawk a ni. A kum leh atan an ni unau vêk hian Runner up Trophy, an pa, Lalhluna Sailo hriat reng nan an rawn hlan tel ta a, hemi kum atang hian a hming HVLT Mawia memorial Trophy kan tih thin kha mi pahnih hming in kawpin ‘HVLT Mawia leh Lalhluna Sailo memorial Trophy’ tiin sawi a lo ni ta thin a ni. A tum hnihna atân BMA League ’06 chu 15th August ah khelh tan a ni a. Hemi ni hi ropui takin Police ground-ah hawn a niin khelh tan a ni a. Hemi kum hian team 9 bawk an lut leh a. Final chu 11th November 2006-ah Police ground-ah Shalom FC leh UVCE FC te’n an khêl a, Shalom FC te hi an champion ta a ni. Hemi kum hian neuh neuh a tam hle  BMA League ’07 chu kumdang ang lo deuhin

Date: Aug 14, 2009

team 10 an lut a, a tir lam match 5 chu knockout ni hem mai a, a chak team pangate chu an inkhel kual vêl ta a ni. A tawpah chuan point hmu sâng pahnih team, Sherwood FC leh Shalom FC, te chuan final an khel. Anni pahnih hi chu an inkhel kuâl tawh lêm loa… vawikhat chiah an khel ta a, Sherwood FC te hi 1-0 in an chak ta hrâm a ni. BMA League ’08 chu August ni 15 ah khelh tan a ni leh a. Hemi tum hian team 11 an lut a. Khelh hmasak ber na tur Police ground chu a hnim deuh avangin a sâm fâi tura hnatlângte pawh August ni 13-ah koh hial a ni. Tluâng takin inkhelh hun leh hmun hman chhoh zel theih a ni a, hruaitute leh League sub-committee te hnathawh hahna azarah Final pawh September ni 27-ah St. Aloysius groundah khelh a ni. A ropui hle, team rawn lut thar, Genesis, leh tum khat lo chak a, tum khat runners-up ni tawh, Shalom FC, te’n an khêl a, hmuhnawm tak a ni. Hun tawpah chuan Genesis FC te an chak ta a ni. Tun kum chu tunge champion dâwn, cham piân dâwn zawk nge, ilo thlîr teh ang u khai. _______________________________________________ SPORTS SECY. THUCHAH: BMA League 2009: ‘HVLT Mawia & Lalhluna Sailo Memorial Trophy’ chu tan anih leh dawn ta!A hlim awmin mipui pawh kan phûr hle. Tun kum hi a kum 5 na anih mai bakah BMA Silver Jubilee kum te anih angin kum dang zawng ai pawhin a ropuiin a nuam dâwn a ni. Mipui pawhin kan nghâkhlelin kan tan châk tawh hle a ni. Kum dang ang lo deuhin tun kum chu Prize Money te a awm dawn bawk a,a teams tel tur te pawh an tha the thaw hlawm khawp mai. BMA League 2009 hi 14th Aug 2009 ah tan ani dawn a, 18th Sept 2009 ah Final khel thei tura ruahman a ni.Field pawh a mumal deuh hleka inkhelh anih theih nan kan hawh tawh a,hmun hrang hranga khel lovin hmun khatah-Austin Town Ground (Nanda Ground),Austin Town ah khelh vek tura ruahman ani bawk. Sponsors te pawh tun kum chu kan ngah a, Prize paw’n sponsor tute a daihlo têp zâwk a ni. Chuvangin a sponsor tu te hnenah lawmthu kan sawi mawlh mawlh bawk a ni. Bangalore a mipui te’n kan hriat tura ka duh chu he tournament hi kan za vaia tang khawm lo chuan a hlawhtling thei dawn loa, chuvangin BMA Member teuh te’n mawphurhna kan nei a ni. Kan in tawiawma, kan in tanpui tawn leh hmalam zâwnga ke kan pên zêl theihna turin tan ila theuh ang u. He hun hlimawm leh lawmawm tak hian kan lungrualna leh kan pumkhatna hi ti lang zel rawh se. May the best team win!!!! Note: Tournament chhunga buaina siam chu khelh zui tir phal an ni tawh lo anga, team intibuai te chu point 2 paih sak an ni bawk ang.

2

Distribution Gratis

‘Bangalore Mizo Association’ Special Bulletin

Date: Aug 14, 2009

INKÂWM ILA: Team captain te theuh te hêng zawhna hi kan zawt a, phûr takin min lo chhang a kan lâwm hle: 1. Champion in inring em? 2. Enge in inpuahchah dan tlângpui? 3. Lo champion ta ula prize money hi eng atâna hman nge in tum? I. Chukchuz FC – Emmanuela: Chukchuz captain hian kan zawhna te thawhtanni atang khân min la chhâng thei lo a, a buai deuh a ni ange. II. Dr.A.I.T. FC – Joel Murray: 1. Kan theih tawp kan 2. Rilru lam chu kan fit tawh 3. Chaw eikhawm hi nuam kan ti thei viau maia, chhuah chuan kan champ hle a, taksa fitness pawh kan chutiang lamah chuan kan hman ka ring. Kan chu kan in ring a ni. la ti chho zel a ni. thawhrah chu puar takin ei kan tum  III. Genesis FC – Ramhluna:. 1. Champion kan in 2. Regular taka practice a thil thar zir pah a, kan thiam 3. A nuam thei ang berin ring. sa zîng leh tlaia revise a ni mai, chana chiah puam nen. inlungrual takin kan hmang ang IV. Grace Home FC– Ramthlanmawia: 1. Aw, in 2. Theih tawp chuan kan inpuahchah a, tlai lamah 3. Kan lo champion a nih chuan Pathian hnenah ring e. kan tlân a, stretching kan tih zawhah kan in khel lâwmthu sawina zanriah kil ho kan tum, plan leh a; kan ei leh in kan titha ve theih tawp chuan. dang chu awm chuang lo. V. Josephites FC – Biaklala: 1.Kan in ring khawp mai 2. July thla atangin practice kan tan 3. Prize money hman dân tur chu kan tifel tun tum chu tawh a, chuan tlai tin college team tawh a mahse team dangin min thîk dâwn nên kan in khel ziah. êm a, chuvangin sawi lo mai ang. VI. FC Kan Veng – Pu Josiah: 1.Kan in ring Corrom board atangin in pass dan kan zir ber Swine flu, tui lian etc. tuar te zawng zawng kan tanpui kan tum a.A la bâng zawngin BMA mai a ni lo a, a, goal thun dan – L.t.p. atangin, uno atangin team combi. Tin, khelh laia ke tin lut hi a member zawng zawng puar taka ruai theh sak kan champ buaithlak vangin kan pawt phawi sa vek. kan tum. dawn. VII. KJC – Lalnunpuia Hnamte: 1. & 2.Champion ngei turin kan inpuahchah a kan 3. Prize money chu KJC mizo ho in chaw ei khawm champion ngei bawk ang. nân kan hmang ang VIII. Kolodyne FC – Chozah: 3.Lawmman kan lo dawng a nih chuan kan senior te 1.Champion chu kan in ring ve tho 2. Tlaitin kan in practice ve. mai, in rin chu a thiangin ka hria remruat dân a ni mai ang chu a hman dan tur chu IX. PAPA’s FC – Khuala: 3. Kan lo champ ta nih chuan prize 1. Champion ber kha chu 2. Inpuahchahna lampang chu kan bei sawi a har khawp mai, nasa ve tho e; team dang te nen friendly money chu inhmuh khawmna atân kan mahse kan tum ber chu a ni match kan nei ve thin bawk. Mimal tak ti deuh ber a ni e. e. chuan kan bei nasa ve khawp mai. X. Sinlung FC - Zairemthang: 1. Champion nih ngei chu kan tum 2. Practice bâkah team dang, 3. Prize money chu min sponsor tu te a, champion nih beiseina sâng tak tournament a lut tur nên friendly hnenah kan pe lût anga, hman dân chu nên kan rawn lut ve thuai a ni. match kan khel thin. an thu thu a ni mai. XI. UVCE FC – Hmingthantluanga: 1. Tun tum chu Champion no 2. Kan inpuahchahna a tha tawk a, 3. Ropui taka lawm kan tum mawi kan chawi ngei ka ring. kan fit tlâng XII. UTC FC – Rev.R.Lalthanmawia: 1. Dik tak chuan ring lutuk lo, 2. Tlaitin inkhelh kan tum ziah 3. Prize money chu, kan champ chuan, mahse kum dang ai chuan kan bakah com hmangin kan pêt goal BMA hruaitu te nên ruai kan kil ang khirh taih ang. nasa fû bawk chu. Tun season a players inhliam tawh, kan hriat theih chin te (dam vat se kan ti hle): (1)Chukchuz: Emmanuel, team Captain, Chetsualna vanga ruh ti khawlo. (2) Sinlung : Zaia (hamstring), Stefan (knee), Muon Gangte (Groin). (3) Josephites: Players 2 inhliam, inkhel thei lo mai thei an awm, match hmasa lam chu an buai maithei a ni e

3

Distribution Gratis

‘Bangalore Mizo Association’ Special Bulletin

Date: Aug 14, 2009

ENGE KAN NGAIH DÂN: ‘BMA football tournament’ hi neih zel tha i ti em? Ti e, inlungruâlna a thlen, kan inhmelhriat tha zêl, chiang zawkin, khêl tu leh en tu te pawh– Buata,UTC Tun dinhmunah chuan tha ka la ti rih fû mai; thalaite tân inpawhtawnna tha tak niin ka hria – Alan, UVCE. Inpumkhatna a siam, tlangnel tawnna tha tak a ni, zawnglâi tân hun remchang a ni  Lets keep it up – Azaii Neih zeal tha ka ti, min ti hlimtu leh mipui min hîp tu leh inpawhna tha ber niin ka hria – Joel Murray. Ti e; BMA min ti pumkhattu kawngkhat niin ka hria – Pi Donee Football ka ngaina loin ka thiam lo hlê na in, ka hmuh theih chinah chuan neih chhunzawm loh chi niin ka hre lo, mi an phûrin inpumkhatna tha tak a thlen tih a chiang hle – Hminga, UTC. Ti e, Member te inpawhna leh thalai te intihhlimna hun a ni – Pu Nunmawia, UTC. Neih zel hi tha ka ti, mizo te kan inhuhkhawmna tha ber leh kan inhmelhriatna hun remchâng ber a ni. Tin, kumkhat chhunga kan event nghahhleh ve ber a ni. – Dinmawia, GH ‘BMA football tournament’ hi kan hlutin kan hlâwkpuiin i hria em? Kan hlâwkpui khawpin ka hria, inhre ngai lo te leh in hmu ngai lo te in hriatna leh hmuhna, hmelhriat leh thiantha siamna thatak pakhat a ni. Hetiang kawng atân hian kan hlawkpui khawp in ka hria – Tha-i. Kan hlutin kan hlawkpui ka ti. Remchan dan angin tih fo chi a ni, kum tinin, theih chuan – Thaarie. Mizoram anga inkhelhna mai a tam loh avangin, mipa te tân hetiang hun a awm hi a hlâwkthlâk viau ka ring – Zohmai, UTC. Kan hlutin kan hlâwkpui khawpin ka hria, Zohnahthlâk hrang hrang te intawhkhâwmna remchâng a ni a, B’lore a mizo te inpumkhatna tâna tha tak niin ka hria – Tluangpuia, UTC. Tha ka ti khawp mai, a chhan a tam lutuk  - Liana, UVCE TEAM THENKHAT TE KAM CHHUAK: Kan hma a sa seh tur awm apiang hi chu kan rawn hap zo zel dawn. Tu sa nge tui ber tih kan ngaihtuah mek – KJC FC. Kan club hi a la thar hle a, mahse a lo lâr tawh leh senior tawh te hmaah kan zâm dawn bik lo a, theihtawp chhuahin tan kan la dâwn – Kolodyne FC. Tv. Mâdawnga chu FC Kan Vêng atangin free agent-in kan la lût e – Grace Home FC. TLIPNA. ‘Enkawltu ber dawttu’ aw kâ: Kan han inkhel dâwn ta chu a ni a…zâl mai a na. Football hi a bîk takin infiamnaah hi chuan mihring nun nen hian danglamna vak hi a awm loa, mi 11 te chu kan hmelma nilo, kan intihsiakpuite, kan mihring nun kawng min lo daltute an ni, kan goal chu kan panna kawngah min lo tihdin tum an ni a, mahse, kan goal chu chumite kal tlang chuan tihdan chi hrang hrangin kan kaltlang zel tur a ni.. Chutiang chu a ni, football pawimawh zia chu. Awle, kum li a lo ni ta, he BMA League hi a va hlu em, mi tam tak ka hmelhriat phah a, Bangalore khawtlangah theihna mual mualah rawngbawl ve theihna kawngah kawng min hawn phah ve zel a. He inkhelh ropui hi inhmelhriat phahna atan, thian siamna atan, intihhlimna atan, Bangalore Mizo khawtlang tana inlungrualna leh Mizo hnahthlak zawng zawngte nena in unau zual zel theihna atan i hmang ang u. Theihpatawp chhuaha inkhelh tur, mahse, infiamna hlawkpuiawm leh tha zawkah he inelna hi i hmang ang u.

ZAWHNA DANG TE: 1. Shalom FC khawiahnge?? Shalom FC chu an players tam zâwkin Bangalore an pêm san tawh a; players tlêm la awm te chuan an record tha tak chu a ngai ngaiin la awm se tiin Shalom hmingin an tel dawn ta lo a ni; kum danga an an lo la lêt leh ngei an inbeisei thu erawh kan dawng. Player thenkhat, tun tuma Team danga khel tur te chuan an thianpa, an player hlun, Laldingluaia Hualngo (Madinga, no.23), chatuan ram min pan san ta, hriat reng nân, an inkhelh apiangin Armband dum an hreng thin dawn, tih thu kan dawng bawk. 2. Inkhelh tan ni (14.08.09) hian fans te kan riltam dawn em?? Dâwn suh ê! Zofâte rîl rem zawng tak mai tlawmngai rual te’n an rawn pho chhuak dâwn. Sawhchiar, thingpui, chow, wai wai leh chips te Vânkhama section-in min rawn paipâwn anga; tin, ka rawng thlâkna, kuhva, an rawn khâwr bawk dâwn. Tin, midang te pawhin thil eng engemaw an rawn keng ve mai thei a ni. 3. Enge, Genesis FC players te hi, an piangthar a mi? Ka hre lo, mahse zîng leh tlâiah inkhel ziah theiin an taima thar, chhan nia lang pakhat chu an team sponsor tu, ‘Genesis Enterprise, Aizawl,’ te chuan sum mai bâkah an chawkphur thiam zia an sawi. An lâwm hle. Hetianga infiammi te promote tu hi pung zel se kan ti 4. ‘FC Kan Vêng’ te hi? An in puahchah nasa bawka an coach, Pi Crossmuanpuii leh Tv Isaaca, pawh an in huam zau hle bawkin kan 4 hria. An team managers, Nl.Tha-i leh Pu Paula, te pawh a tang hle.