(46) 16.11.2008

Click Here & Upgrade

PDF Complete

Expanded Features Unlimited Pages

Documents www.chanmari-yma.blogspot.com Regn. No. NE - 307 (MZ)

Phone : 9862591493 Estd : 11th May, 1982

Vo l. X XVII : N o 46 D t. 16th November, 2 0 0 8

¨

¨

YMA THUPUI KHAWTLANG NUN SIAM THAT Chanmari, Pathianni: Ni 16th November 2008 :Ni 12, Nov, 08(Nilaini) -a YMA Committee sang ber, Central Co-Ordination Committee thukhawm chuan kumin 200809 chhunga YMA thupui atan, Khawtlang Nun Siam |hat tih chu a thlang. YMA Central Co-Ordination Committee chuan Kum puan tihtawp a nih rualin YMA chuan kum tin, YMA chu thupui neia kaltir ni se tiin a rel a. He thurel bawhzui hian, Khawtlang Nun Siam |hat tih hi kumin thupui atan a thlang a ni. CCC chuan, Ruihhlo Do chu kum puan ni tawh lo mah se, he thupui, Khawtlang Nun Siam |hat hian ruihhlo do leh khawtlang nuna sualna dang awm zawng zawngte do let dan tur a huam tel dawn a ni a ti. YMA kaihhnawih thil, Mizo ze mawi uar zawk a inzirtir chungchang chu CCC ah hian rela sawi ho niin a bawhzui turin Committee a din a. Heng bakah hian Mizo nun ze mawi, \halaite zirtir tur thil chi hrang hrang pasarih a thlang chhuak bawk. Serchhip-a General Coference neiha sorkar kaihhnawih thil - Sorkar hna lak dana a tling te chauh lak an nih theih nan sorkar-ah ngenna thlen ni rawh se tih leh Lunglei khawpui chhim thlang lam rama Saitluk Airport tih puitlin a nih theih nan sorkar-ah ngenna siam ni rawh se tih te chu a bawhzui dan tur leh sorkara thlen dan tur a ruahman dawn bawk a ni.

CENTRAL YMA IN CHIBING POLITICS THUTHLUNG CANCEL TURIN TI DAWN

Kumin MLA inthlanpui lo awm turah political party lian pahnih chuan chi bing party te nen thawhhona thuthlung an ziak a, hemi chungchangah hian Central YMA chuan chi bing party te thawhpui lo turin a ngen dawn. Kumin MLA inthlanpui lo awm turah MNF chuan chi bing party - Hmar Peoples Convention (Joint Block Committee) leh Mara Democratic Front te thawhhona thuthlung an ziahpui. MPCC chuan HPC,Lalmalsawm Darngawn kaihhruai chu thawhhona thuthlung a ziahpui bawk. Central YMA hnuaia Committee sang ber Central Co-ordination Committee (CCC) chu 12th Nov 08 khan an \hukhawm a, chi bing party te thawhpui chu \ha an tih loh avangin he thawhhona thuthlung an ziah pawh hi sut tir leh an tum a. Ngenna siam ringawt lo deuhin thawhhona thuthlung ziah tawh chu sut leh ngeina tur hian chak taka hmalak an tum a ni. ELECTION THUCHHUAH Superintendent of Police, Aizawl District chuan Election Commission in Mobile Handset hmansual venna tura dan a chhuah chu mipuite hriat atan hetiang hian thuchhuah a siam: 1.Thamna (Bribery): Midangte ham\hatna emaw thilpek hmanga vote tir tura ti emaw chutiang thil lo pawmtu, thil pek leh hlan tumte leh lo dawngtute hi IPC Section 171 danin kum khat thleng tan leh pawisa chawi tir theih a ni. 2. Dan baka in nawr luih (Undue Influence): Dik lo taka voters te an duh lohnaa vote tir tuma inrawlh, candidates emaw voters emaw invau, Pathian malsawmna dawng lo tura intih\haih thlengin a kawk a, hetiang hi IPC Section 171 hnuaia kum khat tan emaw pawisa chawi tir theih a ni.

Branch Report v Pu Lalengmawia Sec-I te chhung chuan an nu boral ta Pi Tlangchuani tuamna puan pathum chu a \ul \ula hman atan Branch YMA ah a rawn pe a, an chungah lawmthu a sawi. v Vawiin chawhma inkhawm ban dar 12.30 hian Branch Exe. member-te Nl.Lalrinsiami te inah kal khawm tur a ni, ngai pawimawha kal \heuh turin an inngen. v Pu Lalhminghlua Sec-III chuan thlanmuala hman atan Ketli a rawn thawh a, a chung ah Branch YMAchuan lawmthu a sawi. v Branch Secretary, Tv.Lalengliana damlo pawh a ziaawm leh ta. SUNNA Pu Zothanmawia (Mamawia) kum 52 hi Pu R.D.Dennis-a leh Pi Thankhumi te fa 9 zinga a upa lam atanga pathumna niin ni 16 June 1956 khan Tezu, Arunachal Pradesh-ah a lo piang a. Ni 24 January 1985 khan Pi Biakhmingliani nen inneiin fa pali an nei a ni. Kum 1983 khan Co-Operative Department-ah Junior Inspector-in a lut a. Tunah hian Senior Inspector a ni. Kum 2002 atang khan a chaw kawngah harsatna a tawk \an a. Kothari Hospital, Kolkata; Greenwood Hospital, Aizawl leh Aizawl Hospital-ah te enkawl a nih hnuah pumpui ulcer leh thin lam \hat lohna a nei tih hmuhchhuah a ni a. Ni 9, Nov, 08(Pathianni) khan Seventh Day Hospital, Aizawl-ah dah luh niin 13, Nov, 08 tlai dar 5:40 khan chatuan ram min lo pansan ta a ni. Chanmari Branch YMA chuan khawhar chhungte a tuarpui takzet a ni.

Click Here & Upgrade

PDF Complete

Expanded Features Unlimited Pages

Documents VOL. XXVII

No. 46 Dt. 16th November 2008 : CHANMARIANS : PHÊK 2-NA : C.B.Y.M.A Section Reports Veng chhung

Editor

Lalduhawma

Joint Editors

H. Thantluanga David Lalmuankima Lalmalsawma Sailo Lalremtluanga Laldinpuia MS. Dawngzela K. Lalngaihawma Sailianpuia Sailo

Cir. Managers

O.B Incharge

C. Vanlalnunga

CHANMARIANS KARTIN CHHUAK : CHANMARI BRANCH YMA : AIZAWL

Editorial INEN LET NAN Tunlaiin Karkhat Bank/Chiahpuam tia an sawiin Mizoram dung leh vang a fan hneh hle. Inthlan boruak pawh hi engemaw chen chu a vaw dai niin a hriat theih. Chiahpuam hi a nep lo hle a, hetiang khawpa nasa sum avanga inbumna hi Zofate hian kan la tawng lo niin a lang. A tuartu tam zawkte hi mimawl leh engmah hre lo, an chunga miten an lo chhep relh avanga thil dik lo a ni tia hre hnuhnawh te an ni hlawm. Heng mite hi mi vanduai leh mi khawngaihthlak an ni a, an tana \awng\aisak hi kan tihtur a ni. Amaherawhchu, thil hrethiam reng chunga mahni \anghma haia sorkar sum leh pawl sumte dah kan lo awm a nih chuan chung mite chung chu ngawihbopui chi an ni lovang, sorkar lam pawhin action lak ngei hi an tih tur a ni. Sum avanga inbumna hi ram changkang aiin ram retheiah a hluar a. Kan ramah corruption a nasa a, a tu-a-te pawh mai hian hna hahthlak thawk lova sum tam tham tak hlawhchhuah kan duh vek mai si, hei hian kut tling lova sum duhna a pian chhuah tir a, tun hi kan lo thleng ta a ni. Sorkar pawhin Bank lem avanga mipuiten kan tawrh loh nan thuchhuah an siam \hin a, amaherawhchu kan zawm lo hle tih a chiang a. Hei hi inenletnan hmang ila, \hahnemngai taka pawisa kan lo khawlte hi a lo thlawnin liam mai mai suh se. Ram a \hang angin mihring kan pung a, chutih rualin thiamna leh finna a pung telh telh a, chumi phenah chuan sualna hi a kal kawp ve reng a ni tih hi i hai der lo ang u. Kan Kristianna pawhin kum 100 a lo tling ta bawk a, rinna kawnga rilru nghet leh tlo pu turin intichak tawn ila, chu chuan kan hmingchhiatna tur leh kan zahawmna hi a humhim ngei ang.

SECTION I ¨ An hruaitute leh member-te K|P Golden Jubilee Sport-ah telin an buai thei hle. ¨ An member Patrick-a leh Zohmingi te chu an pain a boral san avangin an tuar pui hle. ¨ An member Pu Biakmuana chuan Section tan thil ropui tak tih a tum a, a chung ah hruaituten lawmthu an sawi. ¨ School naupang exam lai a ni a Section huam chhungah tumah bengchheng siam lo turin an inngen a ni. SECTION II ¨ An Asst. Secretary Pu Lalawma chu thil pawimawh tiin Guwahati lamah a thang mek. ¨ An hruaitu Nl. C. Lalrindiki leh Pu C. Lalchhanhima te chu hritlang khawsik avangin in lamah enkawl mek an ni, an dam\hat leh thuai an duhsak. ¨ An hruaitu leh member mi engemaw zat K|P Sports-ah telin an buai thei hle. ¨ An memberte zirna avanga hostel-a lutte leh exam nei hnai turte, mahni zirlaiah \heuh hlawhtling ngei tura taima taka zir turin duhsakna an hlan. SECTION III ¨ An hruaitu Tv. Lalrammawia Royte chu K|P Sports lamah a tui thei hle a, member ten an chhuangin a inpekna fakawm an ti hle. ¨ An hruaitute hmalakna kawng hrang hrangah in sangmar leh deuh turin an inngen. ¨ An memberte zirna avanga hostel-a lutte leh exam nei hnai turte, mahni zirlaiah \heuh hlawhtling ngei tura taima taka zir turin duhsakna an hlan. SECTION IV ¨ Dt. 14.11.08 khan Section sum tuak hnatlang Sangha zawrh a ni a, tlawmngaia lo leisaktute leh member thawk chhuakte chungah lawmthu an sawi tak zet a ni. ¨ Tlawmngaia Souvenir lo leisaktute chungah lawmthu an sawi tak zet a ni. ¨ Hruaitu \henkhat te K|P Jubilee Sport neih mekah an buaiin an \ang thei hle. ¨ School naupang exam lai a ni a Section huam chhungah tumah bengchheng siam lo turin an inngen a ni. ¨ Section hruaitu mipa zawng zawng Pu John Zoramengmawia te inah vawiin chawhnu hian kal khawm tur a ni.

· Ni 14.11.2008 (Ningani) khan Lalhmunsiama Ralt e, Sec-II leh Lalchhuanmawii, Upper Republic veng te chu Chanmari Presbyterian Kohhran Biak Inah an innei. · Ni 14.11.2008 (Ningani) khan Lalhrekima, Sec-II leh Lallawmzuali, Luangmual veng te chu Chanmari Presbyterian Kohhran Hall-ah an innei. · OM-in YMA Hall-ah Book Fair an nei a, pantu an \hahnem thei hle. · Agnes Lalawmpuii d/o Pu C. Lalchhanhima, Sec-II chu a mit (eye) zai turin Guwahati lamah refer a ni. · Pi Lianzuali w/o Pu C. Malsawma , Sec-II chu Zote Bakery bulah tlusualin a khel ruh a sawh khi a, tunah hian a fanute in lam (Khatla veng) ah enkawl mek a ni. · Pi Lalmuanpuii (w/o Pu Zothlamuana, Sec-II) damlohna avanga hun engemaw chen Civil Hospital awm pawh dam takin a lo chhuak leh ta. · Ni 12.11.2008 (Thawhleh) zan khan YMA Hall-ah big screen-in Aizawl NorthIII biala dingturte thusawi ngaihthlakho leh en ho a ni a, hei hi LPS te buatsaih a ni. · Ni 8.11.2008 (Inrinni) khan Sec-II huam chhunga Primary School thlang (Y Road ) kawng chhelai chu a bul vela miten kawng rualrem lo leh motor tana kal nuam lo te siam \hat hnatlang an nei. Luikawr pawh siam\hat nghal a ni a, heta senso hi Pu Lalzarliana n (Zartea) a tum a ni. · Chanmari Taxi Stand Welfare chuan ni 13.11.2008 (Ningani) khan Zauthanga Memorial Camping Centre, Chawnpui hnenah \anpuina buhfai bag 15 an pe a, \anpuina hi member te thawhkhawm a\angin a ni. · Chanmari Branch K|P chuan nakum March thlaa Golden Jubilee lo thleng tur inbuatsaih nan Sports a buatsaih a, member ten nuam an tiin an hlut hle. Nimin khan High Field-ah nilenga Sports hi neih a ni ni. · Pu Chawngroliana(Patea), Sec IV chu National Congress Party ticket in Aizawl North I bialah a ding dawn. · Pu R.Lalhmachhuanga Sec-III (Lalhmaa) phai lama in entir pawh dam takin a lo haw leh ta

Click Here & Upgrade

PDF Complete

Expanded Features Unlimited Pages

Documents VOL. XXVII

No. 46 Dt. 16th November 2008 : CHANMARIANS : PHÊK 3-NA : C.B.Y.M.A

BIHCHIANNA____________ MLA CHUH TUR CANDIDATE 208 December ni 2-a Mizoram Assembly inthlanpui neih tur atana chuh tura hming pe lutte chu District hrang hranga inthlan buapuituten an endik a, nomination file zingah pakhat hnawl a ni. Inthlanpui neih turah mi 208 in MLA an chuh dawn ta a ni. MLA inthlanpuia chuh tur hian: 1. Mamit District-a bial pathumah candidate 22 an awm. 2. Kolasib District-a bial pathumah independent candidate pali telin candidate 18 an awm. 3. Aizawl District hi Assembly constituency tamna ber District a ni. Candidate 72 an awm. 4. Champhai District-a bial pangaah candidate 24 an awm. 5. Serchhip District-a bial pathumah candidate 14 an awm. 6. Lunglei District-a bial parukah candidate 31 an awm. 7. Lawngtlai District-a bial pathumah candidate 16 an awm. 8. Saiha District-a bial pahniah candidate 11 an awm bawk. MPF NEWS Ni 18, Nov 08, Thawhlehni zing dar 7:00 hian Mizoram People Local Forum Chanmari Office chu Chanmari Kawn Cotton Mills chhawng khatna Taxi Stand ah Pu JH. Zoremthanga MPF Hqrs. in a hawng ang. CENTRAL YMA INTHLAN THUCHAH 1. Kan ram rorelna hi mipui siam a ni a, a chhiat a \hatah mawhphurtu kan ni tih hriain khua leh tui dik takte chuan vote i thlak \heuh ang u. 2. Mizo hnahthlak zingah chibing sakhaw bing inthliar hrang zawnga chetna hi Central YMA chuan \ha a ti lova. Kan hmaa inthlanna kan neih turah pawh chutiang zawnga hma la lo tur leh chibing/sakhaw bing puala candidate siam lo turin political party leh mipuite kan ngen a ni. 3. Inthlan hun puan a nih hnuah leh party

Pawl dangte MUP HRIATTIRNA A hnuaia hmun leh hun ruatah hian Mizoram Upa Pawl, Chanmari Unit-in Pi Tlangchuani ral tur a ni a. member te kal turin an in hriattir e. A hmun : Pi Tlangchuani (L) In, Sec - I A hun : Ni 16.11.2008 Chawlhni chhun inkhawm ban. Sd/- Rochungnunga, Secretary

Sub-Committee LIBRARY Heng bungrua te hi State Library (A & C Department) atangin neih thar a ni. 1. Reading Table - 1 no. 2. Godrej Steel Bookshelf - 1no. 3. Plastic Chair - 3 nos. 4. Lehkhabu - 88 nos. Tin, heng bakah hian Branch sumin Children Books leh Puitling chhiar chi engemaw zat lei belh a ni. hrang hrangten candidate an puan hnuah chuan political party emaw candidate-in khawtlang ruai siam hi \ha kan ti lova. Tumahin khawtlang huap ruai siam loh nise. 4. Candidate te hi ram hruaitu turte an nih avangin zu ruih hmang te, eiruk ching te leh nungchang thlahdah te chu political party ten candidate atan vawrh chhuah loh nise. Hetiang mi candidate zingah an lo awm palh a nih pawhin vote loh ngam nise. 5. Naupang kum tlinglo leh thil kalphung hre pha lo inthlan boruak hnuh luh loh leh hmanrua-a hman loh nise. 6. Political party manifesto-ah a taka tihpuitlin theih ngei tur tarlan nise. 7. Inthlanna muanawm, boruak \ha tak hnuaiah kan neih theihna turin thlangtu mipuite leh mawhphurtu zawng zawng theihtawp chhuaha \an la turin kan ngen a ni. 8. Hel pawl hmanruaa hman leh ralthuam chelekna reng reng kan duh lova, mitinin an chhia leh \ha hriatna thiang tak hmanga vote an thlak theih nan sum leh therhlo dang hmanga vote lei leh hralh hi tih loh nise, mipui pawl hrang hrang leh kohhrante pawhin party leh candidate te sum leh thildang dil loh nise, tiin CYMA chuan inthlan thuchah a siam.

Hriatzauna

CHUAP Mihring hian chuap ding lam leh vei lamah kan nei a, ding lama mi hi 600 gm vela rit a nih laiin vei lama mi hi chu 550 gm vel chauhva rit a ni thung. Kan chuapah hian thisen dawt te ber chi maktaduai 300,000 vel a inzam khat chuat mai a, heng thisen dawtte hi a sei zawngin zawm ta vek ila, 2,400 km vela sei ni thei turin an chhut. Chuap chhungah hian boruak ip te tak te te maktaduai 300 vel a awm a. Heng hi kaipharh ta vek ila chuan 8.4 km bial vel a ni ang. Kan awm mai mai lai hian minute khatah vawi 15 vel kan thaw ber a, hemi chhung hian Oxygen litre 7 leh a chanve vel kan hiplut hman a ni. Mahse al-veoli thleng chu litre 5 vel chauh a ni. Chutih a nih chuan nikhat chhungin Oxygen litre 7000 vel eiral ang kan ni. Tin, minute khat lek chhung hian thisen litre 56 velin kan chuap hi kaltlang reng ang a ni. INDIA RAMAH MIHRING TAM BER DAWN Mihring tam chhoh zel dan chhuttu pawl, United Nation Population Fund chuan kum 2050 khian India ram chu khawvela mihring tamna ber tur a nih thu an sawi. China aiin mihring hi an tam dawn. India ramah hian mihring kan pung chak hle a, tuna a \hanna hi za zela 1.5 a nia, kum 2050 ah chuan India ramah mihring hi vaibelchhe 165.8 an awm dawn, China ah hian mipui vaibelchhe 140.8 an awm dawn thung. India ram \henawm Pakistan ramah chuan tunah hian mihring cheng veibelchhe 16.7 an awm mek a, kum 2050 a nih meuh chuan veibelchhe 29.2 an awm tling ang. Hetihlai hian Sri Lanka ram erawh chu a tlem zawngin an \hang dawn a, tunah hian mihring vaibelchhe 1.94 an awm a, kum 2050 chuan vaibelchhe 1.87 chauh an tling ang. Afganistan-ah chuan kum 2050 a nih meuh chuan tuna mihring cheng let thum ngawtin an pung dawn a, tunah hian mihring cheng hi vaibelchhe 2.8 an ni a, kum 2050 ah chuan vaibelchhe 7.9 an tling ang. Bangladesh-ah chuan tunah hian vaibelchhe 16.1 an awm a, kum 2080 ah chuan vaibelchhe 25.5 an tling ang.

Click Here & Upgrade

PDF Complete

Expanded Features Unlimited Pages

Documents VOL. XXVII

No. 46 Dt. 16th November 2008 : CHANMARIANS : PHÊK 4-NA : C.B.Y.M.A

Advertisement

ADMISSION NOTICE Kum 2009-a Chanmari Primary School (English Medium) leh Chanmari Middle School (English Medium)-a lut duhte tan November 2008 a\angin hming pek luh theih a ni e. (a) Admission Fee leh thla tin Fee pek a ngai lo (b) Tiffin ken a ngai lo. (d) Hetiang hian Free Text Book pek a ni ang. Class I-Bu 4, Class II-Bu 4, Class III -Bu 4,Class IV-Bu 4, Class V- Bu 6, Class VI-Bu 6, Class VII-Bu 5 (e) Middle School-ah luh tirhin Rs.150/ pek a ngai a, thla tin fee chawi a ngai tawh lo. (f) Uniform rawng leh a design thar hman a ni ang. (2-2)

Sd/-Secretary

Chanmari Village Education Committee

SEPTIC TANK · Septic Tank a harsatna nei tan rawn leh koh theih eng kan ni e. · Experience nei \ha ber kan ni e. · Veng chhung mi dik tak kan ni e. · Pui tur che in kan in peih reng e. Dina Hnamte, Chanmari Mobile: 9862541089 / 9862476439 (2-2) ...... nakumah chuan aw !??

Hriatzauna

HMU THEI RAWH NO.2/2008 Mizo Sava hming 18 zeh a ni. Aichal Aidu Aieng Ailaidum Alu Anchiri Anhling Arngeng Athlo Awmvel Kenfung Bahkhawr Dawl Bal Balhla Behlawi Behliang Beliang A R N G E N G C D K E N F U N G S A K A W R A N

A A A I L A K U A A S U L B S A E A I H I Z L I A A P W W I L I S A S I R N G K S A E L E Z D S I R Z A W V K A A L H L A K T L H E R A A I B H

S W I M A I L A I D U M H N H D A D U H A W M A

U I E I C H I A H P U A A C R A W B A L J I A N

D K N D D G N A I L E B K H

U W N R A M T U K T

I A G U A K E L E H E D T I T L G A N H L I N G

A N B E H L I A N G D S E R H L I A

N P U I A L

S I A I T H A N G L I A A I I A W M V E L O N E

A I C H A L D B A L H L A A N I N G O L H T A A

Hriselna Huang · Engvangin nge nikhawhrelova awm te hi an thih mai thin? Mi nikhaw hrelova a lo awm hian a lei kha dangah betin emaw hnunglama tawlhin thawkna dawt a hnawhphui thei a. Hei vang hian thaw a tawp a, a thi thut mai thin a ni. Hemi veng tur hian a lei chu pawhchhuah a, thawk tir tur a ni. Saisira muttir a, a lu kun tir pawhin a ven theih · Hnapthleng, hmui chunglam leh hnar bawr a arngeng awm hi a hlauhawm em? Helai bawrah hian thisen zam a in phan \uak a. Heng thisen zam hi thluak hnaiha thisen kawngpui pakhatah a inchhung khawm a. Hei vang hian natna hrikte hian awlsam takin thluak an thleng thei a ni. Kut bala arngeng kan khawihin awlsam takin natna hrikte a lut a, natna mai bakah thihna hial a thlen thei a ni.

· Strawberry hi France ram a\anga chin darh tan a ni. Temperate fruits anga ngaih ni mah se sub-tropical leh tropical area-ah pawh chin theih a ni bawk. Akung hi hniam te, tawi tea leia inpharh a ni. Zung kaih thuk lo tak a ni. A rah lai leh khaw vawh zual laiin buhpawl (straw)-a khuh thih a nih avangin strawberry tih hming lo pu ta mai a ni. · Michael Faraday (English) khan Ammonia tui hmangin 1800 kum khan thil tivawt turin a lo hmang \angkai tawh. A idea hian a hrin chu compressor siam dan an lo thiam phahin,1805 kum khan Fridge khawl hmasa ber chu America mi Oliver Evans chuan a rawn duangchhuak ta. Tunlai Fridge kan hman ang chi hi Australia ram ah hralh tur khawp in an siam chhuak hmasa bera.Thlasikah vur pangngai in siam thei khawpa khua a vawh loh avangin fridge hi an siam ani.

Belhchian Dawl Lo

J Pu Robert-a pawh hi nula dukdak lo deuh deuh a kawp nasa lutuk a, a hmuiah kapthak a vei. ....Pu Zuiliana. J Christmas te a lo hnai leh ta a Nula tla hlang hmanpui tur nei lo chuan ka hnen ah membership fee Rs. 20/- pe in in report tur a ni. ...Sepoy Dinga J Pu Nunga hi vawiin a inkhawm kal hi lo en reng ru aw, a dak deuh vah ang a, Bible a keng ang a,a tum deuh hman ang a han bia la thum deuh dat, chik deuh nghur in a rawn chhang ang che. ...Rev. Rinawma. J Picnic ngun lutuk chu hriselnain a tuar mai dawn alawm, krismas atan inkhek a ngai tawh tlat. ...Apuia(Pu Zuiliana downline) J Pu F.Pahnuna pawh an in bul a mix zuar hnenah singnga a lo chiahpuam a, a la chhuak leh hman silo a, mix singnga man a ei quit dawn. ...Pu Lalrema Colney J Vawiin tlai dar 3:00 hian Pu P.Ch.a downline leh Pu Zoliansanga downline te Pu Ch.|-a te inah kalkhawm tur a ni e. Krismas hnah lak dan tur ngaihtuah tur a ni e ...Pu Thanga Electrician

SMS @ 9862591493

PUBLISHED BY : CHANMARI BRANCH Y.M.A., PRINTED AT L.V. ART