24 08 08

Regn. No. NE - 307 (MZ)

Phone : 9862591493 Estd : 11th May, 1982

Vo l. X XVII : N o. 34 D t. 24th August, 2 0 0 8

¨

¨

GOLDEN JUBILEE HAWN A NI DAWN TA !! Chanmari, Pathianni: Ni 24th August 2008 : Chanmari veng tana hun lawmawm tak mitin ten nghakhlel taka hun rei tak ata an thlir chu karleh hian alo inher chhuak dawn ta! Chanmari Branch YMA Golden Jubilee chu ni 28.8.2008 (Ningani) zingkarah ropui taka hawn a ni dawn a, he hunah hian vengchhung mipui zawng zawngte tel vek turin sawm an ni a, a bik takin YMA member te chu he hunah hian kim taka kal tur a ni. Jubilee lawmna tura inbuatsaihna pawhin a vawrtawp a thleng mek a. Jubilee hi ni 50 chhung lawm tur a ni dawn a, Sports leh Cultural Items a inelna te, Thisen pek, Exhibition, Free Medical Clinic, etc., neih chhunzawm tur a ni ang. Branch YMA dinchampha 16th Oct, 2008 ah Jubilee lawmna leh Hall thar hawnna hun nilenga neih tur a ni a, tlaiah Jubilee ruai \heh tur a ni ang. Golden Jubilee hi flag pawtpharha hawn a ni ang a, Chanmari veng chhung kawngpui paruk atangin Chanmari Kawn panin mipuiten Jubilee kawngzawh tur a ni a, kawng zawha tel te hian a theih chuan Jubilee T-Shirt hak vek nise. Hetiang hian hun hman a ni ang: 7:00 AM - Chanmari Kawn pana Jubilee kawngzawh tur. 7:15 AM - Jubilee hawnna. A hmun - Chanmari kawn. Jubilee hawngtu - Pu Lalhrangluaia Sailo, Ex-President, CBYMA. Chairman - Pu PC Lalramliana, Asst Secy, Organising Committee. Hunserh - Pu PC Liansiama Sec-IV. Report - Pu Lalsawmkima, Secretary Organising Committee. Jubilee hawnna - Pu Lalhrangluaia Sailo, Ex-President, CBYMA. Thusawi - Jubilee hawngtu Zai - Jubilee Band Au rual - Pu Vanlalruata Jubilee Dar vuak Jubilee sweet sem -

Zanlamah Jubilee Mei det leh Variety Programme a lawm chhunzawm tur a ni dawn a, he hunah hian a bika din Jubilee Band leh Zaithiam hrang hrangten mipui an awi ang a. Jubilee mei hi Pu T.Lalhluna Ex-President in a det ang a, mei det rual hiaJubilee lawmna pakhat atan halmawi chi hrang hrang Mini Sport Complex-ah hal a ni ang. Golden Jubilee lawm turin i rilru, thinlung leh i hun lo buatsaih rawh le!! Ni 28.8.2008 zingkara kawngzawh tanna tur leh hruaitute chu hetiang hi a ni : 1. Pu Robula (L) Sec-IV kawt (Kawngchung) : Hruaitu - Tv. Lallawmsanga 2. Brig Vankunga Sec-IV kawt (Bazar kawng) : Hruaitu - Pu John Zoramengmawia 3. Dr Saikunga Sec-III kawt : Hruaitu - Pu Richard Lallawmzuala 4. Mini Sport Complex Sec-II : Hruaitu - Tv. H. Thantluanga 5. Pu Parova Sec-I kawt : Hruaitu - Tv.William MS Dawngliana 6. Dr Lunghnema Sec-I kawt : Hruaitu - Pu Lalmalsawma Sailo

Branch Report v Nimin zingkar khan Golden Jubilee faina hnatlang Ramhlun Road phei leh YMA Hall bul hnawmhnawkte hai faia neih a ni a, member 60 chuang zet he hnatlangah hian an thawkchhuak a ni. v Golden Jubilee flag (Rs 10/-) in tina tar tur tunkar chhung hian zawrh a ni dawn. v Pu Lalhmachhuana Br. Ex-Member chu hna \ul avangin Shillong lamah a thang.

LAWMTHU SAWINA Heng mite hnen a\ang hian Jubilee thilpek dawn a ni a, Chanmari Branch YMA chuan an chungah lawmthu a sawi. · Pu Biaktluanga, Sec-IV, Director, LAD hmalak puina a zarah Mizoram Governor Pu MM. Lakhera, Lt. Gen (Rtd) chuan Rs. 20,000/- a rawn pe. · Pu SK. Roy-a, Sec-I in Rs. 10,000. · Pu Jaina Sec-III in Rs. 5,000/-. · Pu Thangmanga, Sec-IV Rs. 500/· Pu Zoliansanga Sec-IV te chhungin Golden Jubilee Sana tur mawi tak an rawn pe.

ZEPHYR DRAMA SHOW Ni 29.8.2008 (Zirtawpni) zan dar 7:30 ah hian YMA Hall-ah Jubilee sumtuak nan ZEPHYR Drama show a ni dawn a, Zephyr Drama club te hian an drama thar ruah\hamloh an rawn show dawn a, Mi zawng zawng en turin kan in sawm e. Ticket hi hemi ni tlai dar 3:00 atangin Chanmari kawnah lei theih a ni ang. Ticket Man - Rs. 20/- leh 50/En tum lo te pawhin Golden Jubilee sumtuakna anih avangin Ticket lei turin Finance Committee-te chuan an ngen a ni.

VOL. XXVII

No. 34 dt. 24th August 2008 : CHANMARIANS : PHÊK 2-NA : C.B.Y.M.A Veng chhung Section Reports

Editor

Lalduhawma

Joint Editors

H. Thantluanga David Lalmuankima Lalmalsawma Sailo Lalremtluanga Laldinpuia MS. Dawngzela K. Lalngaihawma Sailianpuia Sailo

Cir. Managers

O.B Incharge

C. Vanlalnunga

CHANMARIANS KARTIN CHHUAK : CHANMARI BRANCH YMA : AIZAWL

Editorial I VENGTE HMANGAIH RAWH YMA Golden Jubilee kan hnaih ta hle mai a, chutih rualin sub-committee hrang hrangten mahni hmazawn \heuhah tihtur \ul leh pawimawh tiin hma an la mek a, Bar thla lo thleng tur pawh a ti nghahhlelh awm zual sauh a ni. Bar thlaa lam intihsiakna awm tur atan a inbuatsaihna chu ngawrh takin zir mek zel a ni a, nula leh tlangval ten an hlut hle a. Hei hi Section hrang hrangte inelna tur a nih avangin zan tin deuh thaw nula leh tlangval ten lam an zir a, zan awl pawh an nei hman mang meuh lo a ni. Heng kawngah hian hruaitu nih hi tlin a har hle mai a, \hahnem ngaihluat ah midangte ngaihtuahna chang hre lo lekin hma kan la vak ang tih a hlauhawm a, hruaitu kan nih chuan a tawk te te a kal thiam hi a pawimawh hle a ni. Tuna lam zirlaite hi a tam zawk chu lehkha zirlai an ni hlawm a, chubakah in chhung khurah nu leh pate rinrawl ber an lo ni bawk nen, zan tin deuh thaw lam zir tura an chhuah fo chuan harsatna a thlen ve thei a ni tih hi hruaituten kan hriat nawn fo a pawimawh hle a ni. Zirlai an nih chuan lehkha zirna hun \ha an neih chhun chu zan hi a ni mai a, zan hunawl nei thei lek lova lam zir tura in kohchhuah fo \hin hian harsatna a thlen thei a ni tih hi hriat a tha. An zirlai tibahlah lo leh harsatna siam lo thei zawnga hun pawh kan pek thiam ve hi hruaitute mawh a ni.

SECTION I

¨ Kar hmasa thawhleh leh zirtawp thleng khan zantin lam an zir a, member-te inpekna ah hruaitu ten lawmthu an sawi a ni. ¨ Lam zirna a ei tur Ar sawhchiar Dr. C. Lallunghnema leh Pu Romalsawma ten an rawn tum a, Pu Lalramliana n Squash a rawn tum bawk a, an chungah lawmthu an sawi a ni. ¨ Ni 26.8.08 (Thawhleh) zan hian lam zir leh tur a ni tih member leh hruaitute an inhriattir a, a tam thei ang ber kal turin an inngen a ni.

SECTION II

¨ Ni 22.8.2008 (Zirtawp) zing khan Committee pawimawh tak an nei. ¨ Tunkar ni 26.8.2008 (Thawhlehni) zan dar 7:30-ah lam zir leh tur a ni a, member te \hahnemngai taka rawn thawk chhuak turin an in hriattir. ¨ An hruaitu Pu C. Lalthanmawia chu Guwahati lamah inentirin a thang mek. ¨ September thla atanga tan tur Section hrang hrangte Sport a inelna tur ah member infiammite lo in la fit turin an in chah. ¨ An Treasurer, Tv. Jimmy Lalramthara hun engemaw chen eizawnna avanga zin chu dam takin a lo haw leh ta. ¨ Section aiawh a Football a tel tur zawng zawngte ni 26.8.2008 (Thawhlehni) zan dar 7:30 hian lam zirna hmunah thu pawimawh tak sawi tur a awm avangin in hmuhkhawm tur a ni. ¨ Jubilee T-Shirt hralh na man pek fel a ni ta. Tlawmngai a lo lei saktu te zawng zawng chungah hruaituten lawmthu an sawi. ¨ Household Survey-na ni 25.8.08 (Thawhtan) hian Secretary hnenah theh luh vek tur a ni.

SECTION III

¨ Pu J. Remliana chuan Rs. 1,000/- a \ul \ula hman turin Section a pe a, a chungah hruaituten lawmthu an sawi a ni. ¨ An Section Committee member atan Pu Lalchhanhima an ruat thar. ¨ T-Shirt leh Sangha man la tifel lo ten ni 27.8.08 hmain tifel vek turin an inhriattir. ¨ Household Survey-na tur Form Section Treasurer Tv. Lalrammawia Rawite hnenah hruaituten lam tur a ni.

SECTION IV

¨ An section lam zirnaa an kawt phal taka a hmantir mai bakah thingpui lum nan

· Vanlalzawma s/o Lalzarliana, Sec-II, Delhi Public School a lut chu Singapore -a Under 14 Roller Skating Competition a tel turin India aiawhin thlan a ni a, he Competition hi nimin khan \an a ni. India aiawhin mipa 2 leh hmeichhia 1 an thlang. · Pi Malsawmi m/o Zoremsanga, Sec-I chuan Millennium Centre-ah thawmhnaw dawr thar a hawng ta rup mai. · Pu Zohmingthanga, Sec-IV chu damlohna avangin Mamit a\angin Greenwood Hospital-ah kar khat vel a awm hnuin dam takin a lo chhuak leh ta. · Pu H. Zosangzuala, Sec-IV chu Deputy District Project Coordinator, SSA Mamit ah dah thar a ni. · Pu H. Ramthlengliana, Sec-IV chu Mamit S.P turin dah a ni. · Pu Lalthianghlima, Sec-III Excise Department a hna thawk chu Mamit ah transfer a ni · Tv. Rochhingpuia s/o Pu Rozawna, Sec-IV leh Nl. Laldinpuii (Nupuii) d/o Thangluaia, Sec-III te chu damlohna avangin Kolkata damdawiinah an awm mek. · Pu Zoramchhana, Sec III te chuan fapa thar duhawm tak an nei. a \ul ang ang phaltaka hmantir \hintu Pu P. Lalnithanga te chungah lawmthu an sawi. Lam zirna a refreshment tumsaktu Pu Lalphunchhunga (Pch-a) chungah lawmthu an sawi bawk. ¨ Ni 24.8.2008 vawiin chawhma inkhawm ban dar 12:00 hian Section Leader Pu John Zoramengmawia te inah Section hruaitute kim taka kal khawm turin an inhriattir a, thu pawimawh tak sawiho tur a ni e. ¨ An Section hruaitu Nl. Nancy Lalawmpuii pa Pu Zoramthanga damlohna avanga damdawiin a awm pawh inlamah inenkawl turin a lo chhuak leh ta, a dam \hat zel an duhsak. ¨ Ni 26.8.2008 (Thawhlehni) zan dar 7:30 ah Pu P. Lalnithanga te inkawtah hla leh lam zir leh tur a ni a, member te a tam thei ang ber he hun a lo kal tur hian an in sawm in an inhriattir. ¨ Jubilee T-Shirt hralh na man pawh pek fel a ni ta. Tlawmngai a lo lei saktute zawng zawng chungah hruaituten lawmthu an sawi.

VOL. XXVII No. 34 dt. 24th August 2008 : CHANMARIANS : PHÊK 3-NA : C.B.Y.M.A JUBILEE PROGRAMME Sub-Committee Advertisement CULTURAL · Ni 21.8.2008 (Ningani) khan intihsiakna tur Lengkhawm hla YMA Hall ah Section tinte pualin zir a ni a, he hunah hian Pu C. Lianchungnunga leh Dr. Zokhuma te chuan hla an zirtir avangin an chungah lawmthu an sawi. · Pi Mazaii chuan Lengkhawm hla zirte tan Squash a rawn tum a, a chungah lawmthu an sawi. · An Secretary Pu Vanlalruata chu Shillong-ah thil pawimawh tiin a zin.

JUBILEE SOUVENIR

Dt. 28th Aug.2008 ( Ningani) 7:30 p.m programme rawn tarlan a ni a, a kimchang chu karlehah tihchhuah tum a ni. JUBILEE MEIDET / VARIETY PROGRAMME Chairman : Pu Lalpara Hunserh : Pu Siamhranga Thupuan : Pu Lalsawmkima. Zai : Nl.Belinda L.Sailo Thusawi tawi : Pu Vanneihtluanga Host : Nl. Zuiliani Hrahsel & Nl.Laldampuii Zai : Mami Varte Zai : Jubilee Band Zai : C. Sanga Zai : Jubilee Band Zai : Marina Vanhriatpuii Varte Jubilee Meidet : Pu T. Lalhluna

· Golden Jubilee T-Shirt HB Drug Store ah leh Chanmari YMA Information Centre (Ramdini dawr) ah lei theihin a awm. Ni 28.8.2008 CBYMA Golden Jubilee kawngzawh a tel turte chuan Jubilee T-Shirt HIP.. HIP.. HURRAY hi ha \heuh turin member-te beisei an ni. · Nimin khan YMA Hall ah Jubilee Ni 28.8.2008 zingkar hian Golden kawng zawhna a ken tur leh in tina tar tur Jubilee kawngzawh runpui neih tur ah a Flag siamin an hnatlang. hnuaia mi hi au hla tur a ni a. Kawngzawhna RECEPTION&PUBLICITY a tel tum te chuan lo thiam lawk vek tur a Nimin nileng khan YMA Hall ah ni. A duh tan inlamah pawh au chhin theih Jubilee meichher tur siamin leh Laipuitlang a ni, hetiangin: pangah 50 Years CBYMA tarin an Hruaitu - Chanmari Branch YMA in Golden Jubilee kan thleng hi hnatlang. VAWKCHAW CHHUMNA Mipui - Kan lawm e. Hruaitu - Chanmari Branch YMA DUH TAN Mipui - Dam reng rawh se. Vawkchaw chhumna tur thing/ mau Hruaitu - Golden Jubilee nawi lei duh tan YMA Chowkidar hnenah Mipui - Hip Hip Hurray. lei theih a ni e.

Belhchian Dawl Lo J Pu Zuiliana Gypsy ah ka chuang a, mi in picnic tur emaw te min lo ti vel nia mawle. -Aunty Chhingpuii J Jubilee laichhuat duh leh kan kan chhir ang a, lawm avangin beng thleng thlengin bawp kan khai mai tur a lom. -Parama of HB Drugs Store J Jubilee meidet tih ve lem a, Gas hal mai mai te zawng a nep em mai ! Kan in hnuaia Mau leh Dap ro ka dahkhawm hi ka hal hluah ang a, Hall lam panin ka pu hluah mai dawn a ni. A hliau chu an te rawng rawng a ni mai. - Upa Vuana (ti leh mai tak tak roh ang a !! President)

Pawl dangte

ZNP HRUAITUTE ZNP General Hqrs. chuan kum 20082009 chhunga Chanmari ZNP Unit hruaitu atan a hnuaia mite hi an ruat thar : President : Pu R. Lalthansanga Vice President : Pu Vanlalneiha Treasurer : Pu Zokailiana Secretary : Pu C. Lalthanzauva Asst. Secy. (1) : Pu MC. Lalchhuanawma Asst. Secy. (2) : Pu R. Zosiamliana Asst. Secy. (3) : Pu C. Thangvela Fin Secretary : Pu PH. Rama Jt. Secy. : Pu Lalkhuma Sailo Adviser 1. Pu Lalbiaksanga 2. Pu PC.Hluna 3. Pu Lalrova 4. Dr. K. Lalchungnunga

CELL TECH Hand Set repair tlawm takin kan ti thei e. Experience kan nei tha a, min rawn pan ta che. i duh ang thlapin kan lo siam sak ang che. Add: CELL TECH ESTEE Dawr Hnuai Vl. Ruata Building Chanmari West Peng Chanmari (1-1) TECHNICAL ENTRANCE COACHING - 2009 Zoram Education Trust (ZET) chuan kum 2009 a Technical Entrance Exam hrang hrang IIT, JEE, AIEEE, AIPMT, AIIMS, Mizoram Higher & Technical Entrance (MBBS, BDS,BE, BScNursing) exam tumte tan coaching class a hawng. Coaching Centre: Thanchhunga Bldg. 1st Floor. Near Zote Bakery, Lower Zarkawt Class timing: 4:00 - 5:30pm from 1st Sept. 08 Eligibility: CL-12(Sc) zirlai/passed with 50% in PCM/PCB Admission: On going, last date 31st Aug 08 (ZET Head Office, R. Hautluanga Bldg. Upper Republic, Near Sikulpuikawnah admission hi tih tur a ni) Contact: 9862314648/9862358768 2008 Result: Engg. Group-1st,3rd,5th,8th,10th..Plus 40 selections (Mizoram, NIT, 6 MBBS (Mizoram) (2-1) plus 20 selections.

ZALEN SUNDAY CHANCHINBU DARH ZAU BER SEMTU DUH A NI A lak man thlakhat(1) ah Rs. 30(Sunday zingkar chauh sem) Hlawh: copy 1 ah Rs. 7 kan pe Copies 100 ah Rs. 1000 (with bonus) Copies 200 ah Rs. 2000 (with bonus) Copies 300 ah Rs. 3000 (with bonus) Copies 400 ah Rs. 4000 (with bonus) Mi rinawmte tan a sem theih a, sum hnar \ha tak a ni. Branch/Section YMA, Kohhran \halaite tan inhlawhna \ha tak a ni bawk. Contact :2318226(0)/9862357143(M)/ 9436155847(M) (1-1) Biaksanga Building, Near Congress Bhawan, New Avenue, Treasury Square

VOL. XXVII

No. 34 dt. 24th August

2008 : CHANMARIANS : PHÊK 4-NA : C.B.Y.M.A

Advertisement

BELOW POVERTY LINE (BPL)

BPL TIH AWMZIA I HRIA EM? BELOW POVERTY LINE TIHNA A NI. MIZO TAWNG CHUAN RETHEIH LUATTUK AVANGA MIRETHEI HAN TIH MAI AIA RETHEI-LEHZUALTE TIHNA A NI. MAHNI A IN LEH LO PAWH DIN THEI LO LEH NITIN CHAW KHAMKHAWP EI TUR NEI LO TE, A TAWI ZAWNGIN KHAWTLANG PUIHBAWM NGAITE HI BPL CHU AN NI. MOBILE PHONE NEI TE, RETAILER HNA THAWK TE LEH CONTRACT HNA DIL/THAWK THEI TE TAN BPL NIH TUM TLAT HI THIL ZAHTHLAK THEIHTAWP A NI. BPL DIK TAK MIRETHEI LEH MICHHUMCHHIA CHANAI LAKSAKTU NIH HI I TUM LO ANG U. BPL LIST A HMING AWM, A CHUNG A SAWI ANG MIRETHEI LEH CHHUMCHHIA NI LO TAN CHUAN BPL LEH IAY WAIT LIST ATANGIN HMING PAIHTIR NGHAL VAT TUR A NI. BPL MEMBER ATANG A CHHANCHHUAH HI R.D. DEPARTMENT TUM BER A NI. _________________________________________

Issued by Directorate of Rural Development Department : Mizoram PUBLISHED BY : CHANMARI BRANCH Y.M.A., PRINTED AT L.V. ART