Timor Story Adventure.docx

TIMOR STORY ADVENTURE Introdusaun Timor Leste deklara ukun rasik an iha 28 de Novembro 1975 antes de invasaun Indonesia iha 7 de desembro 1975. Depois de okupasaun husi Indonesia durante 24 anos Timor Leste Restora fila ukun rasik an iha 20 de Maio 2002. Timor Leste ho total luan 14, 920 km2 , total populacao 1.066,400 , Municipio 13 , Posto 65 , Suco 442 no Aldeia 2220 nebe ho total lingua materna hamutuk 33. Lingua official mak Tetum no Portuges. Timor Leste iha potensia rekursu natureza iha rai leten no tasi laran. Potensia Turismo sai hanesan papel importante ba future atu fo valor rendemento ekonomia mai Timor Leste. Oinsa atu Hau nia naran Atanasio Viana Simoes (Boy Sabak), hau moris iha municipio Viqueque iha loron 18 fulan Maio Tinan 1981. Servico profesional ikus nebe hau halao maka sai nudar peskizador ba kompanhia husi Indonesia nebe halao survei Nasional konsentra ba problema Saude, Aihan no Nutrisaun ba Labarik ho Inan iha Timor Leste iha tinan 2013 no survei ne servico hamutuk ho Ministerio da Saude Republica Democratica Timor Leste. Tuir orario, iha fulan Junho 2013 hamutuk ho equipa survei, ami ba halo peskiza iha Suco Fatumakerek Tasi Fatin, Posto Soibada, Municipio Manatuto. Depois halao survei hanesan bai-bain ami fahe sasan selu kolen (gift) hanesan agradese ba kolaborasaun nebe populasaun iha fatin refere halo, hodi bele halo sucseso ba survei ida ne’e. Sasan selun kolen( gift) nebe equipa fo ne’e laos buat nebe bot ou karo tanba sasan sira ne buat ida nebe populasaun usa loron-loron hanesan ; sabao haris (sabuneti), sabao fase roupa (detergen), pasta nehan, kaneka masa. Maibe ba populasaun neba, sasan hirak ne’e hanesan buat ida nebe sira precisa no folin tebes. Husi neba mosu hanoin ida katak hau tenke fila fali ba fatin refere iha tempo ruma atu bele lori netik sasan ou buat ruma nebe bele ajuda sira nia moris iha neba liu-liu ba labarik sira. Depois de remata kontrato nebe hau halo ho kompanhia survei ne, hau fila mai Dili no hanoin halo oinsa maka bele realiza hau nia hakarak ida nebe mosu iha fatin peskiza. Hau komesa husu kolega balun nebe hau hanoin katak sira bele ajuda no realisa idea ida ne. Hau konsege hetan responde nebe positivo husi kolega balu nebe hau kontakto. Ikus mai hau hetan duni ajuda husi parceiro balun depois hau halo esplikasaun kona ba situasaun no kondisaun geral nebe populasaun iha neba hasoru. Hau ema ida nebe gosta usa motorizada no lao ain ba fatin-fatin nebe iha fatin turistico no gosta atu hasoru desafio nebe mosu wainhira lao ba fatin sira ne. Ho hau nia gosto ne hau hakarak aproveita usa motor ba halao buat nebe diak no bele kontribui no hakmaan netik ba ema seluk nia kbit. No ikus mai hanoin nebe mosu wainhira hau iha fatin peskiza bele realisa duni iha fulan marso 2014. Wainhira hau lori sasan nebe parceiro fo ajuda no usa motorizada. Laos fasil hanesan wainhira ita usa

kareta. Maibe iha buat balu nebe ita la konsege hetan wainhira ita usa kareta, maka hanesan paisagem nebe furak, fatin turistico natureza nebe furak tebes no desafio nebe hau hasoru iha dalan. Fila fali husi lori sasan ajuda ba labarik sira ho idade fulan 0-59 hanesan minyak telon, sabaun, shampoo Po no hand body. Husi desafio ho paisagem nebe furak nebe akompanha hau iha viagem ne, hamosu tan hau nia hanoin atu hakarak ajuda tan maluk Timor sira iha area rurais no explora liutan fatin turistico husi viagem ne. Tanba tuir hau nia hanoin mos katak wainhira ita tama rai fuik iha area rurais neba ita sei hetan paisagem nebe furak, fatin turistico natureza nebe furak no desafio oin – oin tan nebe ema barak mak sedauk hatene no sei halo ita hakfodak . No viagem sira hanesan ne ita nia komunidade rasik mos sei hatene Timor nia furak nebe durante ne sei subar no sedauk hetan explorasaun husi rai liur. Ho viagem nebe hau halao tia ona , mosu komitmentu atu kontinua aktividade ne. Timor Story Adventure hari iha 30 Maret 2014. Timor Story Adventure hahu ho hau nia viagem ho motorizada mesak (solo touring) liu husi dalan protokolu iha municipio hotu la inklui Oekusi no Atauro no tama to area rurais balun.Viagem ne hau halao durante loron 21 ( semana 3) nia laran ho total distancia +/- 1800 Km. Aktividade husi viagem ne kombinasao husi aventura, turismo no caridade. Rejultadu husi aktividade viagem ne ho nia momentun hau hatama iha rede sosial nebe sai hanesan contas pessoal nebe hari ho naran Timor Story Adventure. Husi ne Timor Story Adventure komesa ema barak konyese iha nasaun laran Timor Leste no mos nasaun liur hanesan Indonesia ho Malaysia liu- liu iha komunidade aventura motorizada. Iha fulan setembro 2014 Timor Story Adventure hetan visita husi bainaka Indonesia, Wheel Story ( Aventurero Motorizada) Mario Iroth nebe hala’o sira nia misao aventura lao haleu Indonesia parte leste ho Timor Leste. Antes ne tuir orario Wheel Story sei la tama mai Timor Leste tanba la tama iha nia rute. Depois hetan informasao husi rede sosial kona ba Timor Story Adventure, ikus liu Wheel Story deside Timor Leste sai hanesan destinasaun ba sira nia aventura ne hotu. Wheel Story rasik sai hanesan ambasador turismo husi nasaun Indonesia nebe uja motorizada sai hanesan fasilidade transporte hudi halibur informasao kona ba turismo iha Asia, Eropa no spesial husi nasaun Indonesia. Timor Story Adventure ho Wheel Story konsege lao haleu Timor Leste la inklui Oecuse no Atauro, no ami mos halibur hamutuk informasao barak kona turismo, sosial no kultura iha Timor Leste durante loron sanulu (10) ho total distancia 1200 Km. Rute nebe ami liu kona mak tuir mai ne ; Batugede ( Mota Ain ) - Liquisa – Dili – Manatuto – Baucau – Lospalos – Viqueque – Same – Ainaro – Suai – Maliana – Ermera – Aileu – Dili. Durante lao haleu Timor, Timor Story Adventure no Wheel Story halo mos asaun caridade fahe ekipamentus pasta escola ba escola primaria iha suco Kraras, Municipio Viqueque. Suksesu husi aktividade lao haleu Timor ne ida ne mos hetan atencao no fo sai iha media masa no media elektronik nebe specialidade iha Aventura no Turismo iha Indonesia no mos media lokal Timor Leste RTTL (Radio Televisao Timor Leste). Rejultado husi video Turismo Timor Leste Adventure ne mos konsege sai iha programa televisao Ini Talks Show (NET TV) no Pesbukers (ANTV). Iha fulan novembro 2014 House Production husi Timor Leste TVIN servisu hamutuk ho Cinema Prime hanesan production house husi Companha Langit Cerah husi Jakarta Indonesia mai halo sampel filme dokumentario kona ba rikeza naturais Timor Leste ho titlu Leste Treasure. Iha programa ida ne’e hau sai

kandidatu permeiro no mos sira hili sai nudar single host ba programa Leste Treasure ne. Tanba ne foin sai hanesan sampel, filmazem ne sei halo pilotu deit iha area municipio Viqueque inklui iha capital Dili no municipio Manatuto. Filme ne ho objektivu atu fo konyesemento no halo promosao husi kultura, turismo, vida sosial no rikeza naturais nebe iha Timor Leste atu fo sai ba komunidade rai laran no mos komunidade internasional. Programa aktividade Timor Story Adventure dala ida tan hetan atensao positivu husi staf NGO USAID no staf US Embassy iha Timor Leste. Iha fulan desembro 2014 Timor Story Adventure hamutuk ho sira ba halao aktividade viagem ida ho hanaran programa ne Adventure For Charity iha posto Venilale, Municipio Baucau, suco Badaho Aldeia Uaicana. Iha aktividade ne Timor Story Adventure hamutuk ho staf NGO USAID no staf US Embassy halao caridade fahe pasta, kadernu lapizera, lapis no regoa lori suporta prosesu aktividade hanorin no aperende ba Escola Primaria Uaikana . Alen de ne Timor Story Adventure ho staf sira halo mos viagem ba fatin turismo natureza nebe antes ne Timor Story Adventure rekomenda atu hare fatin sira ne nia furak hanesan tuir mai, Uaicana Hot Spring, Ponte Natureza, no waterfall Uaimalimeli. Iha fulan 30 Julho 2015 Timor Leste hetan visita bainaka special aventurero, traveler, expoler nebe konyesidu iha mundo Jeffry Polnaja nebe lori motorizada lao haleu mundo no konsege perkore nasaun sia nulu resin hitu (97) ho misao Ride For Peace. Jeffry Polnaja sidadaun Indonesia nebe sai hanesan Segundo lugar aventurero motorizada iha versaun solo touring aventura motor iha mundo. Ita hotu hatene hatene katak iha momentu neba situasao geral iha Timor laran diak maibe iha parte Leste situasaun ladun diak tanba iha grupo rebelbes balun hakarak kontra estadu. Momentun ida ne mai hau nudar aventurero Timor oan no mos aventurero motorizada hanesan Jeffry Polnaja bele involve no hare direta situacao iha Timor Leste liu-liu iha parte Leste no bele fo sai situacao geral Timor Leste ba rai liur. Dia 1 agusto 2015 ami deside halo aventure motorizada husi Dili ba parte Leste. Dili – Manatuto – Baucau – Laga – Lautem- Com - Tutuala – Valu beach – Dili - Liquisa – Batugede – Fronteira. Momentu ne apar los ho misao Ride For Peace nebe durante ne Jeffry Polnaja lao haleu mundo no halo promosaun ba turismo kombinasaun ho habelar dame ba mundo. Aporveita oportunidade ida ne hanesan esperensia mai hau atu bele desemvolve liutan potensia Turismo iha Timor Leste no habelar dame iha Timor no fo mensagem ba rai liur katak Timor moris iha dame nia laran. Antes ami sai husi Dili ba parte Leste Jeffry Polnaja halo Talk Show iha Kedutaan Besar Republik Indonesia / KBRI kona ba Ride For Peace. Talk Show ne hetan antusias makaas husi komunidade Indonesia hela iha Timor Leste no Komunidade Timor balun nebe hetan opportunidade tuir. Hau mos sai hanesan convidadu special tanba atu acompanha lao hamutuk ho nia explora Timor Leste.