Tangnuam Monthly News Design

TAZENSAM

19 April 2009 Sunday

Vol. I | Issue 01 | April 2009 Editorial Board Editor Lang Sang Lian Join Editor Ning Lun Mawi Contributor Kap Sian Thang Typing, Designing & Circulation Incharge Thomas Ngaihte

Editor



Liangvai lua sa ka hiam ? Pianna Tangnuam a sakmin in lokha hiam lo kha lou hiam bel thei khang, nuam mah hinteh kho dang ki ngai sangtuan lou hiven, ahihkei leh mun dang i jot zoh louh ziak hi jaw hiam. Ka veng sak lam uh leng ki puah nak mah mah ta, inn mun man leng sang mah mah , New Lamka toh kibang ta(Va dawp kha lou pi). Nidang laite bang nawn sam lou kei ve ua. Ni dang aten leng amau hun lai a zaw nuam ana sa law thou ding uh hiven, midangte a ut louh ziak ua nop chilou suak ahi zaw diam maw. Nang koi vente e ? chih dotna a dawn geih haksa ka na sak sim gigete laka khat ahi. Pianna vangkhua ka sitt ziak adiam, sitt va chih le kei bang hituanlou pi in ka hihna va sitt chih mawk pen ! Awl a ka hong theih theih chian’ ka iit luat man ana hi leltak zaw hi. Ka iit ziak in hiai ka sem a huai ka bawlkhia chih theih ding nei geih kei mah leng, lung sim tawng nung tak ah bel Tangnuamism ana Radical lai mah mah ve ve hi.

Kum 2000 AD, bang hita in ka thei, India in 50 Yrs of Republic kisakkholhna leh lopna nasaksimtak hong om hi. Tangnuam khua kisat, bang Continued

Tangnuam khua thukizakna Lemtan’ Hunhun a suak

Article THUPHA LAMPI Kote tung ah nang na heh a,ahizongin kote ka khial lai veve uh hi. Tanglai pek a kipan in ka mawh ngiitnget uhi.(Isaiah 64:5) ‘I khua in thupha ngah lo hi hang’cih thu i bil dim zen in i zaza khinta hi. Khang masate genloh ei’ khang nangawn ah Pasian’ maipha ki mu lo lailai hileh kilawm hi.Thupha i ngahtheihna ding lam tampi om lakah ″Pasian’ mite pahtawi/lungkimsak″ pen tu mahmah a i patpah theih thu ahihi.I gamtatnasate ki en kik leng......I Pastorte,siate/heutute i lungkimsak hiam?i pahtawi hiam?ahihkeileh peuh simmawh in I zahpih mai hiam?I Heutupa Pastor Pau Khan Mang in ″Mualkawi sang in Tangnuam mahmah ah ong ki thupibawl/ong ki zahtak, nuam sa zaw ing″a ci diam?Sia Cin Kam in a ciah ding ciang in ‘TangNuam ah lung kim lua ing,khasiatna ding themcik zong nei ke’ng’a ci diam?Pastor Muan Khup Pasian’mite tan ding a ki lawm hamphatna/zahtaakna i pia hiam?Pastor Kam Kho Zam thupi muh nakisa hiam? Pastor Palet bangtan in i mu a?? Pasianin Israel mi lakh 6 that in Moses bek hing hawi sawm hi…Mi lakh 6 sangin a nasempa it zaw hi(gamlakvakna 14:12 ) Pil kisa tei iki sak mah mah hangin Pasian in i khawsungbup sangin a nasempa khat it zaw khading hi.Pualam etna tawh i biakna makaite neumuh kha i hih leh….Moses iplah huai/hawmthawh huai hi.Suang tawh den sawm uh hi.Pasian in zang nuam nawn lo in a anusiatsa Kumpi Sawl maiah David kum sawm10 sung tai hi.(1samuel19:18).Americate’Christian magazine khat ‘Guidepost’ kici sungah 10 ways to love your Pastor better/Na Pastorpa na it semsem theihna ding thu nam sawm,cih Article hongki gelh in lungsim hong khoih mahmah hi.A pastor te uh(ei’upmawh banglo in )asiamlua atei lua hi pah sam lo uh hi.Ahihhangin it sawm teitei zahtaksawm teitei uh hi.Pasian’mite pen zahtakhuai heuhau khawllo uh hi ding hi.Elisha zong naupang hon 40 khawngin simmawh in na nuihsan se uh hi.(2kumpite 2:24) Tulai i dinmun ki en leng Pasian’mite khasiat giugiauna khua pen a keu ding mah hilo hiam?cih simsim in om hi.Jeisu’n “no hong ki simmawh nate ka maitang hong tu hi”ci hi.Mihing i sak kal in Pasian tawh kido i hih khakding kikep huai hi.kamsang ngaite in Kamsang thupha ngah ding hi...Siate it siam sawm ni. I gamtatnasate ki- en phakikin i Topa’ lamah ki hei kik ni.(Kahla3:40) @ A non chiang a ding in thusuah nuam neiten (kuaten banggen/Latel leh thu dangdang) 9862102411 leh 9856085515 ah a SMS/Phone theih ding. @ Ei khua CBYF ten tuni in Lamzang leh mualtam pawlpi vehnanei ding uh a Pastor Palet leh Upa Khencin in thugen ding uh hi Lapawl Special Nos. Choreography leh a tuamtuam toh kisa uhi. @ Pulsar san tanitum veng veng na muh leh buaise ken, Fire Brigade te hilo in Sorsiam’ bike thak liklek ahi. Disclaimer : Hiai a thu kisuah te Editor Boardte ngaih dan ahi kim vek kei hi.

Tangnuam khua thu kizakna

Pek 2 Contd.

kuma amahta ale, 194...., PNC(PTC) kiphuh khiakna , Saimual Gaon, a phamta Pu Tualchin, Eimi te lak a MLA masapen inn chi mah hilou uhia le , kum bang zah nung a hiai thu hong ki pholh suah ahimah ale. Mi masa deuhte chih ding ka lungsim in ahong dap kual nawn a, huaite leng Tangnuam suak ahi uh chih ka hon theih chiang in, bang ngaihdan anei ding uh chih bang lung sim khawng ah hong om mawk mawk. Alangkhat ah kisatheihsim, alangkhat ah thawmhau, kisa sim a niam lawtuan bel ki hi sam kei e maw. I Khua Golden Jubilee 1997 a lawm thei ding i hih dan uh kum 2/3 nung in ka hong thei khia hi. 1997 in bel huai lam lam ngaihtuah khak dan omlou, sih leh hin kal a khosa a ki om ahih man in, amun danga omte leng, khua bangzah ki hal, duty haksat/nop dan, RAte chet/a ngaihsan dan uh, eiate athu vuak a ei sung mah ah huai lai apan ana cham, thau bangzah nei him him diu chih khawng kia lungsim a dim ahih man in.

Ka khua leh tui in ki ning ching leh midangte a zah bel honpe thei kei maithei,(aziakte sut di chi lehang tam leh tuam tuam hin teh) phamoh kei, lungdam huai sa ing. Magazing better late than never kum 2/3 paisa apan lungsima a om nilouh pen puak jangkhai deuhna ahih khak leh pan din kisa le chih man ahi. Kei kia hisam lou hiven’g, Job Card holder 160 lam, Voter leng 700 val bang ki om sam hiven, pangkhawm le mualsuah nalou ding i hiam chih na toh, apianchilna ding in Tazensam, Lemtang hun hun a suak a lei kha in pang sak le chi dan i hi. I Khua Kum 62 a chin toh kiton in 62nd Anniversary Magazine bol/suah ding kisawm a hiai a din Article kaihkhawm lellel ahi , suahut/lunglut na neiten Editorial Board te kiang ah chiklai peuh in apiak luttheih gige ding hi. Article sapna adang ki bawl tuanlou ahih man in, i Magazine ding a hoh leh kilawm mahmah deihhuai ahih man in, poimoh ngaih chiat in kithuah pih chiar ding in i ki ngen uh hi. Innsuan apat khatchiat bang atawmpen in ki muthei leh chih lamet ahi. Lai gelh ngei leh ngeilouh a ki thadah sak lou in ‘‘nang hunlai a TANGNUAM”na theih dandan ki lam en mahmah hi.

Thu Tuamtuam:

@Delhi a om Pa T.Kam Za Lian@Kamno Manager NABARD in i khua mu nuam lua,hun lah nei thei lo ahih man in Digital camera disc khat dimzen in khua lim lasak a, a computer ah lungkimtak in en pheu phau ding hi. Khe tawh na siik, khut tawh na lawn khak mit tawhna muh i khua a na om khak na hamphat lam na kithei hia?Officer tampi in lunggulh mahmah napi in a ngah theih loh uh….. @Tunai a hong tung thak: Nunhoih(St.Paul’s warden), Ninghoih(Tandoor Chennai) Ginngaihlun, Kimlianniang, Niangbiaknem, Mary(Nurse), Samuel(Shillong), Malsawm (Patkai ) D.S Mang (IBM employee) Hauminlian (Chennai), Pa Zamsonlian@Zamsei Jan khat delh chen chen (34 Assam Regt.) @ Tg. H. Lambawi in Dt. 9th April in India lam pekpek hong zuatsanta hi. Delhi tung ding ci uh. @Lia Manliannem zong pianna vangkhua ah hong ki sikha laak pakin Dt. 5th April Pasian ni in Chennai lam kidenna leuleu hi.Amah Barbeque Nation ah front manager ahi hi. Thukiza dan in a sanggannu Lia Nemlunching in zui chi uh ei. @ 29th April 2009 in CDS-II(OTA)/SSB, Interview ding in Tg. Thangkhansiam , Bhopal ah kuan ding . @ Khang thakte’n music sin hahbawl mah mah uh a, i veng akipan Khammung leh Nelson te guitar toh kuan khe zel uhi. @ Hun in akhekma a ana ki khek din (Computer na siam ding) Mini, Mary leh Hoihnu ten zilsan lellel uh chin thu kiza hi. Nang leng na siam ut leh Computer Traning Center Thawnsau Compu-tech a chik laipeuh in ziltheih ding hi, Sit a Full kei a leh.(Contact Thomas Ngaihte) @ BCM pawlpi ten Pastor Quater ding lam lel uh a, May kha sung a luah zou ngei ngei ding in pan nasa takin la uh hi. @ Nu. Vunglianching zong a omna Tripura apan, pianna vangkhua ah a pa kem ding in hon pai, itna bek hi.. @ Damlo i neihte 1) Nu Dimngai 2) Pa Gintom 3) Nu Manching 4) Pa Kamzalian 5) Nu Man Niang (w/o Thapau) 6) Sir Suan. Amaute thumna a phok chiat ni e guai.

Tulai huihnung:

# Tulai lai tui hak toh, pawl khat in chik chiang a Tanky ah tui hong kai ding ade aw chih abuai pih lai un, pawl khat leu leu in lah tui kai ma in abang leh a khuam sikte a mang masa jodiam chih buai pih pawl om thep thup .



# Tulai huih hat in khosung nupite pei lungam in chiak nei nai uhi, bang thu chiakpih uhiam chih agency tuam tuam in asuina uapan a muh suah uh bel; Khodangte’n job Card Bank Ac apan nitha alak dan uh Newsa suak amuh chiang un, ei kho nupite zong Bank konga akivawlh lai lem uh newsa asuah kal ngak lah lawpetmah ana hi dan uhi. Bangtan tungta amah ale ??? # Vote khiak ni in Pauthuam in Hoihpi vot khiak dan va endia a jot leh Hoihpi utlou in kuate hiam khat inn kong a kipan in ki kai khia mok uh hi. A kaih pen khol lou in lampi a zong ki kailai lai mok uh hiin thu tut kiza.

Designer 

ginna leh Tupna in tangtun ding hi

Mihing khat ihih a leh tupnei in tangtun sawm chhiat ni, mi hing khat peuh tupleh ngim nei a nak tak a pang a sem mi himhim chu i muh thei in a tangtun ngei ngei uh hi. Huan thil i hih na peuh a chitak in leh guntuh tak in pang in sum leh pai leh numei leh pasal kal a siang thouna vom in Pathian phawl kom gige le hang, Pathian in hon pan pih ngei ding ahi chih thei chiat ni hang. Lawm leh vualte lak ah vuallel pen hiam a i pangkhak gige leh jong kingai sia pah kei ni, Pathian muang in a kiang a thum kawm kawm in pang peuh leng aman honpanpi ding a nikhat ni chiang in i lawm leh vual te tung a i leng ni om ngei ngei ding hi.