T Zs 19072009

19th July 2009 Sunday

tazensam Vo l . 1 | I s s u e 9

ta n g n ua m k h o s u n g t h u k i z a k n a k a lt e n g a s ua k R s. 3 . 7 5 / -

KHANGNO LEH BUANGNAI Pastor Palet Thuomngell ...................................................................................................................................................

(1 Tim.4:11)Khangno lai na hihna thu hangin mite simmawh dingin na om kei in….

Laigelh minthang John C.Maxwell in ‘khangno chi pen buangnai toh kibang hi’ ci hi.Buangnai pen mikim in theitek ding hi hang,buangnai pen hici et pak leng a lamdang mahmah hituan lo hi.Ahizong in a lamdan’na mahmah khat pen i zat chiang bek in kithei hi. Tua buangnai pen saili ka a thuah in i tha neih zah in dokin i ngimna mun khat kap le hang i ngimna mun kha pah hi.Tuabang mah in khangno chi pen buangnai tawh a kibang ahi hi. Khangno cih pen zong a lamdang mahmah cih hituan lo a,buangnai mah bang in thahatna namkim nei hi.Tua i tha hatnate suahkhia in ngimna kichian khat peuh nei le hang tangtun loh a phamawh ahi hi.

USA President lui John F. Kennedy tangthu khat gen ni.Tua tangthu pen a sang kah laia lamgeia thupiang khat ahi hi.A lawmte tawh sangah khe tawh pai uh hi,lamgei ah suangpi gol mahmah khat om hi;Sangnaupang khempeuh in tua suangpi dawn ah kah zawhna dingin hanchiam tek uh hi, ahi zongin khat zong a kahzo omlo uh hi.Nikhat Pu Kennedy in a lukhu suangpi tungah a lot leh awksak kha hi.A lukhu inn tunpih kei leh tai thuak ding ahi manin a ngah mateng a hanchiam chiangin kahto zo in lakik thei hi.Hih tangthu in bang hong phawk sak hiam cih leh i hanchiam nak leh piang thei hi chi hong phawksak hi.Hellen Keller kiangah thu khat kidong ngei hi.Tua dotna in ‘suahpih mit khua mulo hihna sangin a siazaw nuntakna bang hi na ci hiam?’cih ahi hi.A dawnkikna ah, mit khua mu napi a vision neilo nuntakna hi ci-in dawng hi.Hih dawnna kammal pen khangnote’n a thak a i ngaihsut dingin kisam kasa mahmah hi.Khangno na hih sungin vision nei kei lecin bangzah in pil in na nasep hangin a mawknapi na hi ding hi.Abanah bang kisam ding hiam chi leh vision pen tangtun sak ding hanciam in i ngaihsun masa ding hi,siam ding ;pil ding kisam a , siam in pil hita leng zong tupna,ngimna man i neih kei leh a mawknapi hi veve ding hi. Ngaihsut masak dingin, hih sem leng hoih in teh cih lunggulhna, tuaban ah piang zo ding hiam?tangtun zo takpi ding ka hiam? Ci-in ngaihsutna a banban hong om toto kawmkal ah sep khiatna tawh matutna hong piang ding i lungsim sung ah zawh nopna lungsim i vom i neih kholh pah kul hi.Kei tuabang hi zenzen leng ci a, a pianglo ding thu peuh gengen ding kisam lo hi.A piang khinsa tua i nuntakna tungtawn in bang cileng hanciam beh thei lai ding ka hiam cih thupi mahmah hi.Tua ahi manin khangno cih pen buangnai tawh kibang ,thahatna tawh kidim hi,hih thahatna teng tawh koi ah pai ding, koi ah bang sem ding…. khangnote aw na pilna , nasiamna , na hatnate uh suahkhia dih un, gualzawhna in na mai ah hong ngak gige hi.TOPA THUPHA. **Hih article gelh theina dinga deihsakna hong pia TAZENSAM saite tungah lungdamna lian mahmah hi,TAZENS DAMSAWT HEN

Hanmual toh kisai

Keimah mimal hoihsak na kon kum mawk di,khotaang a dia hoih zawk di lametna in.Haan toh chiang in CYA leh ,YPA,van neih I zat te uh zattak nawn lou bangsim ta ahih manin maban ah Cemetry board ten vanzat thak hong ngaihtuah uh henla,amau hanmual van tawh kisai mohpuakna hong la thei le uh.Banah Coffin carrier(misi hawtna)pen suk hawt tou hawt gik leh buaihuai ahih manin hanmual tawh kinai ah a koih theih na di khat hong ngaih tuah thei le uh.

Awlmawhna lianpi tawh Pa Phungzalian

Disclaimer : Hiai a thu kisuah te Editor Boardte ngaihdan ahi kim vek kei hi.

9ten bang gen  Samu zong na vak pih pih ua a khosik gop tave - Nemmuan

 Na tazensam uh zong Tazensam - C.S. Vung  UK apat kong tun tung lai zaw ngou thou hing a - Pu Mung

 Suaikai lou minih hang a tutan Job Card loh kilalou - Robert (Bethel Hausa)

 Na News min un na khomipi tengteng uh gen kha vek. thupi sa peuhmah lel ing e. - Singlian (GCK Veng)  Singgam laitual ka leng zong in zolianu mah chi ing - KK  HALLO. HALLO… Sangi 2nd driver dinga kimansa ka hi.Interview hun ding bang hun a , document bang teng a kisam dia le…TZS ah kana mu kha .Lungdam - 9856795128@Throng boy

 Hih te khong mok houpi kei aw na mok houpi leh news a hong gelh ding uh hi ei - Nu Muanpi  Cement tem i toitoi leh SI ki tok khe hi mawk ei. - Tg. GTL

 Ka phone thak paithei nailou lai poimoh te kim nailou. - Lia. Kimte (Paradis)  Sepaih form lei pah ding himai. - Tg. TS  TZS News ong tung ding ki ngak lah thei mah mah ei. - Robert (N/Lamka)  Thou kanglou khah pava nou khat khong donleng santen a dia damdoi ahi. Gu (Poison) hihetlou - Pa Vungthang  Pantheih na teng a kitaise lou ding hi ei - St. Paul’s Wardens

Tangnuam khua thu kizakna

Pek 2

LAMDANG NASA SAM HIA`



Sir Nangkhanlun ..........................................................................................................................................



Pawlpi a dinga thawh ding ahih chiang in Rs/-500khawng haksa mahmah bang napi bazaar i kai chiangin theihlouh kalin beilel. Biakinn i kaichiangin dakkal nih bang bel sawtlua kisa, kilusu man zawzen.Ahihhang a film nuamdeuh bang en le’ng i theihlouh kal a bei hiau.

Thumna i neih chiah i gendi ki thei khollou napi lawmte toh houlim chiah i gendi ki tasam vetlou thei zel. Laisiangtho sim leng lah pek khatzong sawtlua kichimtak pahpah napi novel nuamdeuh simleng ki busuah thepthup thei zel. Concert /function khong i hoh chiah amailam kituh tenten napi biakinn ah bel anunglam kiut sese thei zel Biakinn a hun zangdia hong kiseh chiangin advance deuh a kitheihsak kingiat tinten,ahih hang vaidang khat peuhpeuh bel ong ki theihsak hunhun a mansa kihi ziau thei zel. Pathian thu i zaakte khawng gensawn ding pen haksa mahmah napi thu hoihlou i zaakte bel kigensawn thei ziauziau. Newspaper khawng a thu kisuahte ki-um pah ziau ziau napi Laisiangthou thute ki khelkan(question)ut sese thei zel. Company tuam tuam tungah i sumte a pung dingin ki ‘risk’ ngam ziahziah napi Pathian tungah ki ‘risk’ ngamlou zawsop thei zel/ Vangamkaiding ki-ut chiat napi pianthak dingleh khamiit ding bang ki lau thepthup thei zel. LAMDANG HILOU MO??

biakna programme

Evangelical Baptist Convention (EBC) Zing Biakna : Sunday School Upa G. Sanglian Nitak Biak Thugending : Upa Songchinkhup

Baptist Church of Manipur (BCM) Zing Biakna : Sunday School Pastor S. Kampiang Nitak Biakna Thugending : Pastor S. Kampiang

Chin Baptist Association (CBA) Zing Biakna : Sunday School Upa Pumkhenchin Nitak Biakna Conductor:Pa Pau Sian Thang(rajini)

Tangnuam on the move

SSC CPO, Saina nuai a SI (Sub-inspector) final result suak a ei khua a pan Tg. Ginthianlal s/o Zamkhangin Tombing leh Tg. Thangkhansiam s/o (L) Ginzanang Hanghal te lohchinna hong ngah khe dom uh. TZS in kipahpih na sangpen puang. Aksi nih (2 Star) suang officer nih ki neih beh hin maw. Tangnuam Meet neih non hunhun a Sponsor ding patauh huai nonlou hi.

Paradis Special

Paradis veng hausa pu Mungte @ Raj, a sirpan nasep hoih man in cycle khat Rs. 1000/- man present ek mok. Aman a ui deihthoh tak RAMBO (Rs. 800/- man hisap) toh a lop somleh khah suah kha uh. Ginomtak in a ui vapai kik non. TZS Editorial Board in a cycle thak kipah pih thu puang.

Thu Tuamtuam  @TZS Editorpu Sangboi ,EBCC Mission workers renewal camp, GBC a hoh khalam gilvah phiphet in zan in a innlum, Tazensam Headquarter,hong tungkik ta.  @Pi Dim Za Man ,M/0 Pa Neng khan thang in 12thjuly in hong beisanta.I khosung a upa pen hi dia ciamteh ahih man in TZS in pammaih sa leh hawmthawh mahmah in suunthu puang .  @I khosung community hall bawl tulai in kisaan mahmah ua,abang (wall)teng bang zawhsiang phial in omta hi.Vanzat,tuam tuam leh teeklei(brick)quality hoih ngen a kizatban ah nasep aki telh mahmah man in TZS in a sai te pah tak thu puang.Tuabang kal ah “I khosung ah zong nasem thei jugali ,mistry, ki om veve ,bang dia midang in hong sem se hiam ,ei leh ei kici thei phot leng hoih di hi a,”ci kawm a TZS office a hong phun nelnel bang hunkhop omzel.  @17th july sun nisa nuai ah BYF EBCC in thou kang kapna nei ua,thoukang suakta omsun teng naksam zenin Pang zawl, lanva leh Gangpimual lamah ki khoh phei veng vung uh,.Gual zawh lopna in nitak lam in voksa hul sit set in hatu lungdamna nei ziah ziah uh.  @Suilogy dept.te apan report ki ngah danin tulai in I kho tangvalte pawlkhat,Mata lam ah ki khoh tou thei hiau hiau uh chih. thu kiza. Zaan sawt tut a ngah hituan lou aih khah aw…………..  @Tg. Chin muan thang@cmt sawlbang a heina Leimakhong apan in kallui in hong tung.Kua hiam khat te ana nuam khin khian maithei hi’in maw.  @Pa Khan piang, Pa Khenthang, Pa GDK, Pa gouminthang, Pa T.lun, Tg. Dengmuanlal, Pa Gis Siam, Pa Phung za lian, Pa T. Thang min lian leh mi bang zah hiam ten Pa Kam za thang zui in Singngat ah Sepdi poimoh (Project) khat buaipih lel lel uh. Ana lung kham keiun ka hoih lel uh ci in khomi teng teng mangpha hong khak uh.  @17th july in eikhua CYA in tutna bawlna nei ua,President pu Pa zamlun in tutna bawl teng ann kuang uum,pih.Tumalam a CBYF te’project Generator leina ding a kisam Rs.5000,vaal zong ana piaksak ngeita hi.TAZENSAM lam zong hong ngat pah lamen mahmah ahi.  Tg. Suannou zong DM collage a kaiding in 13 july in hong na paisan ta hi

Editor Lang Sang Lian / Join Editor Ning Lun Mawi / Contributing Editor Kap Sian Thang / Designing Thomas Ngaihte