Salingkapaw Nga Gugma

SALINGKAPAW NGA GUGMA Ni: Bonnie Alba Usa ka amahan adunay sakyanan Nindot kayo nga tan-awon . . . Kini mahalon ug inampingan Nga dili gayod magasgasan. Apan usa ka adlaw niana Samtang sa sakyanan naghugas Miduol ang 4 anyos nga bata Gibagisan iyang kotse ug tansan Arang sukua sa amahan . . . Misaka iyang dugo sa kasuko Ang bata iyang gibunalan . . . Sa usa ka puthaw nga gihawiran. Tungod sa maong kasuko Ang kamot sa bata nasamaran Mitulo ang dugo sa kamot Ug sa hospital ang gidulngan. Didto sa balay tambalan Pagbasol mihari sa amahan Kay ang bukog sa kamot sa anak Nadugmok ug kini operahan. Mibalik ang amahan sa kotse Ug iya kining gisikadsikaran Tungod sa kalagot sa nabuhat Ngadto sa kaugalingong anak. Ug samtang nagtutuk sa gasgas Didto nakasulat sa iyang kotse Ang mga sulat sa iyang bata “Dad I love you” matod pa. Dili na mabalik ang kahimsog Sa iyang anak nga gibatonan Tungod sa sobrang pagmahal Sa kotseng iyang gimatngonan. Tungod sa maong panghitabo Gihasul sa galamhan ang amahan Ug sa wala damhang panghitabo Nagpakamatay ang maong amahan.