Regulamento Da Asemblea De +bng

Desenvolvemento da Asemblea 09:30 h..­ acreditacións e entrega de documentación:  deberíamos ter aprox. 6 mesas para acreditación atendidas  por 2 persoas cada unha. 10:15 h..­Aprobación do Regulamento pola Asemblea,  constitución da mesa e discurso de benvida. 10:45 h..­ Debate e votación de enmendas ao relatorio  Político 12:00 h..­  Debate  e votación de enmendas ao relatorio de  Organización 13:15 h..­  Presentación lista ao CN 13:45 h..­ votación   14:00 h..­ Remate da  xornada da mañán 16:30 h..­ Nomeamento de  Coordinador/a Nacional e  demáis  membros electos  para o C.N. 17:00 h..­ Discurso de clausura polo/a Coordenador/a  Nacional. 17:30 h..­ Remate da Asemblea 

REGULAMENTO DA ASEMBLEA NACIONAL  CONSTITUÍNTE DE +BNG Artigo 1 Poderán tomar parte como asembleístas con pleno dereito  de voz e voto á Asemblea Nacional Constituínte de +BNG  todas aquelas persoas que fagan parte do Censo Nacional  de Adscritos a día 15 de novembro de 2009. Artigo 2  Como   observadores   ou   observadoras,   sen   voz   nen   voto,  poderán asistir á Asemblea Nacional os e as simpatizantes  convidados. Artigo 3 A   Comisión   Nacional   Xestora   de   +BNG   aprobará   o   texto  definitivo   dos   relatorios,   enviándoos   ás   comarcas   para   a  súa   discusión.   Estes   textos   irán   acompañados   dos   votos  particulares   sempre   que   os   interesados   ou   interesadas,  membros   da   Comisión   Nacional   Xestora,   manifesten   a  vontade de mantelos. Artigo 4 As Asembleas Comarcais de +BNG debaterán os relatorios  e   votos   particulares,   podendo   formular   emendas   á  totalidade   ou   parciais.   Para   que   unha   emenda   pase   a  debate na Asemblea Nacional Constituínte, precisa dunha  votación favorábel dun mínimo do 50% dos votos emitidos  na Asemblea Comarcal correspondente. Artigo 5  Os debates realizaranse en plenario, e en sesión de mañá  e   tarde.   A   propia   Asemblea   Nacional   Constituínte   elixirá  unha Mesa do Plenario que dirixirá os debates da mesma.  A citada Mesa estará composta por tres membros dos que  un   ou   unha   exercerá   a   Presidencia   e   dous   ou   dúas   a 

Secretaría, sendo estes últimos responsábeis de elaborar a  acta da Asemblea.

Artigo 6 A   Comisión   Nacional   Xestora   designará   ás   persoas  encargadas de defender os textos oficiais no Pleno. Artigo 7  Os e as emendantes sinalarán portavoz para defender as  emendas.   En   ausencia   destes,   a   emenda   entenderase  desbotada. Artigo 8  No debate de cada emenda haberá un turno a favor e outro  en   contra,   seguidos,   se   fose   necesario   a   criterio   da  Presidencia da Mesa, dun turno de réplica. Artigo 9 Relatores   e   emendantes   poderán   chegar   a   emendas  transacionais.   Neste   caso     someteranse   as   dúas   a  votación,   primeiro   a   orixinal   e   en   segundo   lugar   a  transacional,   sempre   que   alguén   quixera   manter   o   texto  orixinal. Artigo 10  Se   unha   emenda   é   aprobada,   o   seu   texto   substituirá   ao  correspondente   do   relatorio.   Se   todas   foran   rexeitadas,  entenderase aprobado o texto orixinal da mesma. Artigo 11 Cada relatorio someterase á decisión final do pleno que os  aprobará ou rexeitará no seu conxunto nunha soa votación.  O pleno aprobará as propostas que acaden maioría simple,  isto é, que conten con maís votos a prol que en contra. Artigo 12

A Asemblea Nacional Constituínte elixirá 15 membros para  formar parte do Consello Político Nacional e que á súa vez  constituirán a Comisión Permanente . A elección farase por  medio candidaturas pechadas, que deberán contar cunha  lista de titulares igual ao número de postos a cubrir máis un  mínimo de 5 suplentes, e deberá presentarse ante a Mesa  da   Asemblea   antes   das   12:00   horas.   As   candidaturas  deberán     garantir   o   equilibrio   de   xénero   cando   menos  nunha proporción 60/40. Artigo 13 En   caso   de   se   presentaren   máis   dunha   candidatura,   a  votación   será   secreta   e   os   postos   distribuiranse   polo  procedemento proporcional directo. Se só existise unha e  ninguén   solicita   o   contrario,   a   votación   faríase   a   man  alzada, quedando proclamada se obtén máis votos a prol  que en contra. En caso de que alguén solicite voto secreto,  a elección faríase deste xeito.  Artigo 14 A Comisión Nacional Xestora de +BNG poderá presentar  unha   proposta   de   candidatura   de   Consello   Nacional,   se  esta   é   aprobada   previamente   cun   respaldo   de   3/5   dos  membros da Xestora. Artigo 15 A Coordinación     Xeral recaerá en quen encabece a lista  máis votada. Artigo 16 A   distribución   de   responsabilidades   decidirana     os  membros   da     Permanente,   a   proposta   do   Coordenador  Nacional, na primeira reunión deste organo. Artigo 17 Cando   cause   baixa   un   membro   do   Consello   Político  Nacional,   o   seu   posto   será   cuberto   co   seguinte   da   lista  correspondente.

Artigo 18 O novo Consello  Político Nacional reunirase no prazo dun  mes logo da Asemblea Nacional, para o cal as asembleas  comarcais   deberanse   ter   constituído   e   eleito   aos   e   ás  correspondentes coordenadores comarcais e das cidades,  que   se   incorporarán   a   este   órgano.   Nas   reunións   das  asembleas comarcais, ademais da elección das diferentes  responsabilidades   políticas   nese   ámbito   territorial,  deberanse concretar os acordos da Asemblea Nacional no  ámbito de cada comarca, formulando unha análise e unhas  liñas de traballo comarcais no terreo político e organizativo,  que   deberán   ser   postas   en   coñecemento   do   Consello  Nacional. DISPOSICIÓNS ADICIONAIS D. A. Primeira O novo Consello Nacional editará os textos aprobados no  prazo   máximo   de   3   meses   tras   a   celebración   desta  Asemblea Nacional Constituínte. D. A. Segunda As   emendas   ao   presente   Regulamento   non   poderán   ter  carácter   retroactivo.   Por   tanto,   o   Regulamento,   unha   vez  aprobado pola Comisión Nacional de +BNG será válido e  inemendábel   ata   a   constitución   da   Asemblea   Nacional  Constituínte,   podéndose   na   propia   Asemblea   na   sesión  plenaria acordar modificacións. D. A. Derradeira A Mesa que preside a Asemblea Nacional está facultada  para interpretar este Regulamento en casos de dúbida ou  omisión.