Kohhran Aw

Vol. XII :

Sermon

Issue No. 47

6th December 2009

:

Sunday

:

Phek 1 - na

BIBLE SOCIETY CHANCHIN TLANGPUI

Kum 1965 atang tawh khan kan Kohhran chuan Bible Sunday hi kan lo hmang tawh thin a.Bible Society tan a tangkai thin hle a ni.Kan Kohhran chuan vawiin Chawhnu inkhawmah he programme hi kan hmang dawn a. Local President in thuchah a sawi anga, Secretary in BSI Gen. Secretary thuchah chhiar chhuakin BSI puala thilpek lakkhawm a ni bawk ang. Vawiin Bible Sunday ah hian Bible Society chanchin tlangpui i han zirho teh ang ule:

Bible Society hun hmasa lam: Bible duh avanga tap, Mary Jones mittuiin Wales ram Bala khuaa Pastor Thomas Charles a thinlung a chiahzawp avangin March Ni 7, 1804 khan London ah British and Foreign Bible Society chu dinin chu pawl chuan Kohhran pawl hrang hrangte puihnain Bible a tam thei ang ber semdarh an lo tum ta a.Chu chuan mi rilru a hneh em avangin ram hrang hrangah Bible Society an lo din ve ta sup sup mai a ni. Indopui 1-na hnuah phei kha chuan ram hrang hranga Bible Society te chuan mumal taka thawhho tul an lo ti ta a. Tichuan, May Ni 9,1946 khan United Bible Society an lo din ta a ni.

India rama Bible Society: British and Foreign Bible Society hnuaiah chuan India ramah pawh Auxiliary hrang hrang an lo din ve a. A hmasa ber chu Culcutta Auxiliary,February Ni 21,1811 a lo ding chu a ni.Hei hi India rama Bible Society din tanna a ngaiin kum 2011 ah a kum 200-na lawm turin kan inbuatsaih mek anih hi.

India hmar chhakah: Kum 1956, July Ni 1- ah khan Assam Auxiliary a lo ding a.Hemi dinna tura inrawnkhawmna a kalte chu, Mizoram Presbyterian aiawhin, Pastor Saiaithanga leh Rev.Zairema te an ni a.Hetiang hian record a ni: ‘ Bible Society Auxiliary siam rawtna thu a Shillong khawpuia an intawhkhawmna chanchin Pu Zairema’n a report chu lawm takin kan dawng.A hmun chu Shillong a ni anga, kumin atanga dintirt beisei a ni. A member nihna hi kum khatah mi pakhat tan Rs 5/- a ni a.Kan Synod hian member 1000/- tal nei thei se an duh a. Bible tihdarh zauna kawng pawimawh ber anih zia kan ngaithla.( SC 17.2.1956, Gen. 7)

Mizoramah: Shillong a Assam Auxiliary lo ding ta pawh chu Presbyterian Synod Inkhawmpui chuan Official resolution hial siama lo record lehin chumi hnuah chuan Mizoram a Bible Society Branch din ve ngei turin hma a la leh ta a ni. BSI, Aijal Branch chu Dt.11.12.1957 zan khan Dawrpui Biak In ah, Assam Auxiliary Secretary, Pu RW Phillip an a hawng a ni.

Aizawl Auxiliary: June Ni 1, 1978 khan, Aizawl Associate Auxiliary chu Synod Hall ah Rev. Dr. A.E.Inbanathan, Gen. Secretary, BSI chuan a hawng a.Fulltime Secretary atan Rev. C.Ronghinga, Synod chuan a tir a.Tichuan, February Ni 25,1983 khan Rt. Rev.Dr.RS Bandare, BSI President in a hawng leh ta a ni. Heng kan han thlir thuak thuak atang hian- Bible Society hi Kohhran hruaituten Kohhran fachuam ang thaw a an lo din a ni a.Khawi ramah pawh Kohhran mal sawmna leh duhsakna rinchhan tak meuh a rawngbawl thin niin Kohhran mamawh leh hmanraw tangkai ber chher chhuah a, Kohhran hnena supply hi a tum ber a ni.

BSI thiltumte : 1 .Pathian thu a zau thei ang leh a hlawk thei ang bera semdarh 2. A chhiartuten awlsam taka an hriat chian theih tur, tawng chi hrang hranga,thurin leh sawifiahna tel hauh lova fimkhur leh uluk taka a tawngbul atanga Bible lehlin. 3. A hmangtu turte duhzawng tak leh anmahni hip thei tura mawi leh tha taka Bible chhut chhuah leh, an lei theih tur tawka man tlawma buatsaih.

Kohhran Aw

:

Pathianni chhuak

:

Dt. 6th December

Phek-2-na

2009- KOHHRAN AW SEMTUTE: B-1: Lalengkima, Lalfakawma, Lalkhawngaiha B-2: Ramchhanthanga,Lalmuanawma,Jeremy Lalhruaizela B-3: K.Lawmsangzuala, Zosangliana,Lalhriatpuia B-4: Ramtharmawia, Lalhmangaihzuala B-5: Lalhrilzauva Chhangte, Lalnunpuia B-6: Lalhmunzauva, Zorinsanga B-7: Zohmingthanga Tlau, Lalsangliana B-8: Lalmalsawma, MS Dawngliana, Lalremruata B-9: Lalhriatpuii,Lalnunziri, Lalruatfeli B-10: Lalbiakngheta, Malsawmtluanga B-11: Emmanuel Lalmuanpuia, Hmangaihzuala B-12:Lalnunthara, Lalfelkima

BIBLE STUDY : ROM LEHKHATHAWN

Editorial : Zaia rawngbawlna Mizoten Isua kan rin tirh lai kha chuan missionary te’n thiam leh thiam lova hla an lehlin leh siam kha Pathian faknan an hmang a. Pathianin mal a sawm tlat avangin ram laknan pawh an tangkai hle. Mizote irawm atanga Pathian fakna hla siam a lo nih a, khuang lakluh a han nih hnu phei kha chuan Kristianna khan hma a sawn chak lehzual emaw tih tur a ni. Revival rawngbawlnaah pawh hian hla hian hmun a luah thuk hle. Nung taka Pathian hlasak ngaihthlak te, thinlung taka fakna hla sak te hian Pathian min hnaihtir thin a, sermon ropui tak aia a nepna a awm chuang lo. Pathian fakna hlate hi thinlung taka sak erawh chu a ngai, sak liam mai mai chuan a hlawkna kan pawh pha lo thin. Mipui hma a sa thin tan phei chuan tawngtaina nena uluk taka inbuatsaih a tul a, pawnlam incheina thlenga fimkhur a tul. Tin, Biak Ina pawh hian tihtak zeta zai hian thlarau puihna a lo thleng thin. Khuangpute inpeknain awmzia a nei thui hle bawk. Tunlai KTP programme ah pawh hian zai leh hla zir hian hmun a luah tam hle, a pawimawh lah tak a. Mahse, Pathian thutak inzirtirna hi a tlem phah ta em aw? a tih theih. Heng pahnihte hi thiam taka chawhpawlh an ngai hle. Pathian fakna hla hian Kristian nunah hmun pawimawh tak a luah zel dawn a. Solfa hla te leh khuang hniha sak chi te hi kan ngaihhlut ve ve a, a hun leh hmun a zira tangkai taka kan hman hi a pawimawh reng dawn a ni.

( Rev. Wiliam Barclay hrilfiahna atanga lakchhawn ) A bila thil neih ( Rom 6:15-23) : Mi thenkhat rilruah chuan a thlawna pek khawngaihna zirtirna hian hetiang kawng hian thlemna a thlentir fo thin. “ Ngaihdamna hi chutianga awlsam leh loh theih loha pek a nih a, Pathian duhzawng chu mihringte ngaih dam a nih bawk a, Pathian khawngaihna chu chhun han te tak te leh eng bawlhhlawh pawh khuh zo va hlai a nih tak zet chuan sual chu engvangin nge kan lungkham duh ang? Engvangin nge kan duh ang ang kan tih loh ang? A tawpna chu a inang vek tho dawn a lawm.” tiin. Paulan Kristiante chu dan hnuaiah awm tawh lovin khawngaihna hnuaiah zawk kan awm a ni, tih a sawi atang hian heng thlemna tawngkam te hi an dik thei lawi bawk si a ni. Paula hian hetianga thlemna mihring rilrua awm thei hi entirna fiah tak hmangin a hnial zui a. “Sual hnenah sual bawih ni turin in inpe kha a ni a, chutiang in tih chuan felna lakah in fihlim a ni. Tunah erawh chuan felna bawih ni turin Pathian hnenah in inpe a, sual lakah in fihlim ta thung a ni” tiin. He thu hrethiam tur chuan bawih dinhmun kan hriat chian a tul. Chhiahhlawh chuan a pu hnenah an inremna angin a hun enge mawzat a pe a, hlawh pawh engemawzat a dawng bawk. Chumi hun chhung chuan a pu tirhkahah awmin a thuhnuaiah a awm a. A hun a ral erawh chuan a duh anga a awm a thiang tawh thung. Tichuan, chhiahhlawh chu a hnathawh hun chhung chuan a pu ta a ni pumhlum a, a hunawlah erawh chuan ama ta a ni. Entirnan, mi pakhat chu chhunah Office-ah Clerk hnathawkin a awm a, zanah erawh chuan zaipawl zingah Violin(tingtang nawh chi) a tum daih thei. Paula hunlai hi chuan bawih dinhmun hi chu a dang daih. A nihna takah chuan ama bilin hun a nei ve lo. Hunawl pawh a nei lo, a hun pum chu a pu ta a ni vek mai. A pu ta bil liau liau a ni a, ama duh thua awm theih hun a nei lo. Pu pahnih a neih pawh a thiang lo, mi pakhat ta bil liau liau a ni. He dinhmun hi Paula rilrua awm chu a ni. Tichuan, “ Hmanah kha chuan sual bawih in ni a, sual ta bil in ni a, Khatih lai kha chuan sual chungchang bak in sawi ngai lo va. Tunah erawh chuan Pathian chu in ‘pu’ atan in lo nei ta a, Pathian ta bil in lo ni ta a ni. Tunah chuan sual chungchang in sawi thei tawh lo va, thianghlimna thil chauh in sawi thei tawh a ni” a ti a ni. Paula hian he entirna a sawi avang hian ngaihdam a dil nghal a. “ In mihring rilruin a hriatthiam theihnan mihring atangin entirna ka sawi ta mai ani” a ti. Thupha a chawina chhan chu Kristian nun hi eng bawih dinhmun nen mah khaikhin a duh loh vang a ni. Mahse, he entirnain a tihlan chiang tak chu Kristian chuan Pathian lo chu ‘pu’ a nei thei lo. A hun thenkhat leh a nun thenkhat Pathian hnena peka, a dang khawvel hnenah pek a ni thei lo vang. Pathianah chuan a pumhlum hlan emaw engmah hlan loh law law emaw a ni tlat. A nun kil khat Pathian tel ve lohna tura a dah chhung chuan Kristian a ni tak tak thei lo. Kristian chu a nun pumpui Krista thuhnuaia dah vek a, mahni tana engmah khek lo hi mi hi an ni. Chutianga ti chuan khawngaihna chu sual tihna chhuanlam atana hman a rilruk ngai lo vang. (Karlehah a chhunzawmna kan rawn tichhuak leh ang)

Kohhran Aw

:

Pathianni chhuak :

Dt. 6th December 2009

:

Phek -3-na

Krismas & Kumthar Committee

Buhfaitham Hralhtu - Dec

Damlo Tawngtaipui Ngaite

Chairman : Upa Sangmanthanga Vice-Chair : Upa C.Keikhuma Secretary : T Upa K. Lalthlengliana Asst. Secy : T Upa Dr. Thangsailova Treasurer : T Upa H. Thangliana Fin. Secy : T Upa H.Nghakliana Sub- Committee Hruaitute: Ran Department Leader : Upa BS Kailiana Secretary : Pu PC Zohlira Supply Department Leader : Upa Lalchungnunga Secretary : Pu Rohlira Colney T Upa C. Hualchhunga Hnah Deptt Senior Department Light&Sound Department Leader : Pu R.Lalrinchhana Secretary : Tv. VL Ramdina Inf & Publicity Department Leader : Tv. H. Lalthanmawia Secretary : Tv. JC Laldinsanga Sanitation Department Leader : Pu Lalramliana sailo Secretary : Pu K. Lalzara Thing & Gas Department Leader : Pu F. Thangkima Secretary : Pu Lalhmangaiha Khiangte Thingpui Department Leader : Pu Lalkhawkhuma Secretary : Pu C. Liannghinglova Security Department Leader : Pu C. Vanlalnema Secretary : Pu K. Lalzawngliana Banner/Badge& Decoration KTP Decoration Sub-Committee Harmei Department Leader : Upa Vanlalhranga Secretary : Pu PC Chawiliana Chaw Chhum Department Leader : Upa Lalthlamuana Secretary : Pu Lalhuapzauva Ruai Siam Department : KTP Lilam Department Leader : Pu C. Hrangmanthanga Secretary : Pu F. Lalfamkima Lengkhawm Department Leader : Upa Hrangvelthanga Asst : Upa Lalruma Secretary : Pu C. Vanlalsiama

Miriami Gr. 1) Pi Lalrinpuii 2) Pi Hmangaihengi 3) Pi Khawpuimawii 4) Pi Vanlalngheti Estheri Gr. : 1) Pi Lalzamliani 2) Pi Zoramliani 3) Pi Lalchhandami 4) Pi Khuangziki Rebeki Gr.: 1) Pi F. Ramfangzauvi 2) Pi Lalrinmawii 3) Pi H. Lalnuntluangi 4) Pi Hmingthansiami Hani Gr. : 1) Pi Roluti 2) Pi Lalnunpuii 3) Pi Lalthlangliani 4) Pi Vanlalvuani Sari Gr. : 1) Pi Nunthari 2) Pi Lallianpuii Sailo 3) Pi Zirkungi 4) Pi Zoramthari Ruthi Gr. : 1) Pi Zosiami 2) Pi Laltharsari 3) Pi TC Lalbiaknguri 4) Pi PC Vanlalruati Rakili Gr. : 1) Pi C. Thakhumi 2) Pi Lalkhumtiri 3) Pi Ramdinliani 4) Pi Lalventhangi Synod Sum Lut(Apr-Nov, 2009) Pathian ram Rs 17,75,887 Buhfai tham Rs 3,40,015 Sacrament Rs 7728 Sunday School Rs 6,300 Damdawi In Rs 2,600 Ramthar Rs 11,39,105 Thawktu Chawmna Rs 6,82,000 A vaiin Rs 39,53,635 Nikum Khumna Rs 3,75,096 Thla (8) chhunga kan Kohhran Synod sum lut hi nikum aiin cheng nuai 4 dawn laiin a tam a, a lawmawm tak zet a ni. I tang sauh sauh zel ang u.

Pu Lalpanliana, Pi Saithuami, Pi Laldinpuii (IB) Pu C. Luaia leh Pu Chaldailova te i tawngtaipui zel ang u.

Sunna Dt.30.11.2009(Thawhtanni) zing 4:30 a.m khan Pi Rozami (77) chu pumna avangin an chenna in, Rahsi Vengah a boral. Khawhar chhungte tan Pathian awmpuina kan ngensak e.

Nilai Zan Hun Hman Dan Ni hnih awh Camping an neih hnuah Dt.02.12.2009(Nilai) khan Sacrament Department zirlai 57 te chu Kohhran dan chhunga lawmluh an ni a, Sacrament Bialtu Pastor Laldailova’n a theh. Tin, mi 3- Jerome Lalrinmawia, Lalfamkimi, K. Lallawmkima te dan chhunga lakluh an ni bawk.

Pangpar Tui Petu Dt.7th-13th Dec. chhunga pangpar tui petu tur te : 1) Nl C. Darthangpuii 2) Pi Lalbiaknguri 3) Pi H.Lalnuntluangi 4) Pi Lalremmawii

Pathian Ram - Nov, 2009 Pathian Ram Rs 2,22,015/Ramthar Rs 1,41,775 Tualchhung Rs 1,06,175 Centenary lawmna Rs 87,937/A vaiin Rs 5,57,902/Ip tla zawng zawng - 381

Krismas & Kumthar Kumin Krismas leh Kum thar hi a huhova Biak Ina hman leh tur a ni a, Krismas ni tak(25th Dec) hi chhang ruai kilho tur a ni ang a, a tukah ruai pangngai theh a ni ang. Kum tharah chuan kum thar ni leh a tuk ruai theh tur a ni ang. Kumin chu uar leh zuala thawhlawm thawh tum theuh ni se a tha hle mai. Pathian ram Finance member te’n thawhlawm hi an rawn khawn leh dawn a, chhung tinte lo inring lawk ang u.

Synod Thuthar : Synod Committee vawi 225-na chu 2-7 th Dec atang khan Synod Conference Hall ah neih a ni dawn a, Synod Inkhawmpui 2009 chu 8-13th Dec chhungin Mission Vengthlang Kohhranah neih chhunzawm a ni ang. 8th Dec hi Nomination Committee a ni a, 9-12 Dec hi Synod rorel a ni ang a, Dec 13 hi Pastor nemngheh leh ProPastor dahngheh inkhawm a ni ang. Zanah thuchah ngaihthlak thin a ni ang

Kohhran Aw

:

Pathianni chhuak

:

Dt. 6th December 2009

Darthlalang : Lungawi taka inthiar fihlim Kum 1993 nipui lai khan America rama baseball team tha Atlanta Braves te chuan an player te nawi thenkhat chu hralh chhuakin an aiah San Diego Padres team a an chhuan tawlawl Fred McGriff chu an lei a. Mc Griff hi America rama Baseball thiam rual(All Star) an thlanchhuahah pawh first baseman ni pha ngat a ni. Atlanta Braves te chuan an chhawr tangkai nghal hle a ni. McGriiff-a’n a rawn thlak tak hi tunge le? Tudang ni lovin, Krista ringtu mi tha tak, Sid Bream-a a ni a, first baseman a an hman ngar ngar a ni. Kum 1992-a Atlanta Braves-in World series an lak theihna atana mi tangkai ber a ni. Mahse, McGriff a lo thlen chuan a hmun pangngai chu luah pha lovin substitute a ni ta a ni. Bream-a chuan, “ Hetiang thil hi chuan rilru a tina duh hle tih chu zep rual a ni lo. Ka innghahna erawh chu, hma lam hun hian a aia tha a lo thlen zel thin tih hi a ni” a ti. Hna tha taka kum engemawzat kan lo thawh tawh hnu ah chuan keini aia naupang emaw kan aia thiamna sang zawk emaw te tana hmun ken hi a harsa hle thin. Elija pawh kha hetiang dinhmunah hian a ding a ni. A rilru put hmang khan, Pathian a rinzia erawh chu a tilang chiang hle. A aiawhtu tur, Elisa hnenah khan, “ I hnen ata lak bova ka awm hma hian eng nge ka tihsak ang che, min dil rawh” a ti thei a ni. Hun rei tak i lo chelh tawh i hna thawh lai emaw Kohhrana i nihna chelh i bansan a ngai mai thei. Pathianin i tana a remruat chu pawm thiam thei turin dil la, tichuan lungawi takin inthiar fihlim ang che. Tu in nge fak hlawh dawn tihkan enghelh miah loh chuan thil tha tih sen loh kan hmaah hian a awm reng a ni. Daily Bread

Dt. 13.12.2009 : PATHIANNI INKHAWM CHAWHMA : SUNDAY SCHOOL S.S Tantu : Pu H.Laihuliana Zirlai : 45-na : Mahni Inenfiah Chhiar tur : II Kor. 13:5-10, Hag. 1:5 CHAWHNU : PATHIAN BIAK INKHAWM Tantu : Pi Vanchhungi Thusawtu : Upa BS Kailiana ZAN : PATHIAN BIAK INKHAWM Thusawitu : T Upa H Thangliana

TAWNGTAI INKHAWM HRUAITU TAHRIK ZING :Dar 5:45 AM TLAI: Dar 4:00 PM 07.12.09(Thawhtanni) : Upa Hrangvelthanga Pi V. Lalremveli 08.12.09(Thawhlehni): Pi Lalrozami Pi Vanlengi 09.12.09(Nilaini) : Nl. C. Laltani Pi Tuahthangi 10.12.09(Ningani) : Pi Thangchhingpuii Pi Zoramthari 11.12.09(Zirtawpni) : Tv. J. Lalchaka Pu J. Vanlalsiama 12.12.09(Inrinni) : Pi Thanhliri Ram tana tawngtai Tv. Laltanpuia 13.12.09(Pathianni) : Pi Nunthari

:

Phek -4-na

December Chairman : Upa JC Rohnuna

VAWIIN INKHAWM PROGRAMME Chawhma : Sunday School S.S Tantu : Pi Manveli Zirlai : Ringtute leh Kristian Hunpuite Chhiar tur : Mat. 9:9-12, 16:21-23,

Chawhnu : Pathian Biak Inkhawm Bible Sunday Thusawitu : Upa Lalthlamuana Thuchah Chhiar : Secretary, BSI Local

Zan : Pathian Biak Inkhawm Thusawitu : Upa Sangmanthanga

KTP TAWNGTAI INKHAWM Hruaitu : Pu Vanlaltluanga Tantu : Tv. Lalhmangaihzuala (Joh.Gr) Quiz : Kristian Hla Bu Buatsaihtu : Tv. C. Zothansanga Hla zir Chaw ngeia tawngtai hruaitu : Tv. C. Lallianzauva THAWHTAN ZAN INKHAWM Dt. 07.12.2009( 6:00 P.M) Vengsang Branch KTP tlawh tur a ni THAWHLEH ZAN INKHAWM Dt. 08.12.2009( 6:00 P.M) Hruaitu : Pi Lalhmachhuani Tantu : Pi Lalthanthuami Thusawitu : Pi K. Lallawmzuali Thilpek

: Pi Chuangliani Pi Thangvungi

Dt. 09.12.2009 : NILAINI ZAN Tantu : Pi Lalngairengi Thupui : Nupa Inkar Nun Thianghlim Hawngtu : Pu Rohlira Colney Dt. 11.12.2009 :ZIRTAWP ZAN PAVALAI INKHAWM ( 6:00 P.M) A hmun : Sacrament Deptt. Room Hruaitu : Upa BL Chuailova Tantu : Pu F. Lalchaka Sharing hun hman tur a ni Dt. 12.12.2009 : INRINNI ZAN Tantu : Pi Lalbiaknguri Thusawitu : Pu R. Laihnuna (Kohhran Aw a thuchhuah tur nei reng reng chuan Editorial Board member hnenah emaw Kohhran Chowkider inah emaw thehluh thin tur a ni )

Editor : Lalhuapzauva, Jt.Editor : C.Lallianzauva, News Editor : JC.Laldinsanga, Manager : C.Lalbiaksangi Cir. Manager : VL.Ramdina, Published by Vengthlang Kohhran & Printed at C.K.Offset, Vengthlang.Biak In Ph.:: 235380