Emanuel 4

TUNKAR CHANGVAWN ‘Ka zilhna che u lamah hian

lo hawi rawh u:Ngai teh u, in chungah ka thlarau ka leih ang a,Ka thu ka hriattir ang che u.’

for

- Thufingte 1:23

- Thomas Tusser

EMMANUEL AFTER CARE CENTRE Bethel Veng,Champhai Mizoram : 796321 Phone: 9612194537

‘ Puk reng mi chu a lungngai reng thin. Mi tlemte mi a-te chauhin an puk thin. An eizawnna hmanrua a ni vemiau si a’

Vo l u m e IV

I s s u e - 194 Date : 27th September 2 0 0 9 ( Sunday )

BIKE NEITUTE INZAWMKHAWM A HUN E

SAKHUA† SAY khawmpui mek Zirtawp zan atanga Pathianni zan thleng hian Tuichangral Joint Meet chu Melbuk-ah neih mek a ni. Hetah hian Champhai khawpui chhung leh Khawbung ‘S’, Khawzawl leh Hnahlan bial atangte in thalai an fuan khawm a ni. SAY khawmpuiah hian Salvation Thurin hmanga intihsiakna leh Bible Quiz atan Tirhkohte Thiltih neih a ni ang a, outdoor games atan Volleyball hmanga intihsiakna neih a ni bawk ang.

NSS ten Home tanpui

Champhai Govt. Gandhi Memorial Higher Secondery School chuan karkalta Ningani khan India ram puma NSS Day an hmang. He hunah hian Zirtirtu-te leh School naupangte thawhkhawm pawisa leh Alu, thawmhnaw engemawzat lakkhawm a ni a. Champhaia Home hrang hrang Genesaret, TNT leh Emmanuel Home te hnenah Rs.1,000/- theuh an pek bakah Alu leh thawmhnaw engemawzat an pe bawk. NSS Day puala GMHSS a function hmanah hian Resource person te sawmin thu bengvar thlak tak tak ngaihthlak a ni bawk. Thilpek dawngtu Home neituten GMHSS a thawktute leh zirlaite chungah lawmthu an sawi mawlh mawlh a ni.

Camping mek Zote Kohhran chuan karkalta Thawhlehni atang khan Pu Sangthankima ruaiin Chhandamna Camping an nei. He camping-ah hian campers 129 an lut a, Inrinni zan atanga Pathianni zan thleng hian follow-up programme hman a ni bawk ang.

A m a n t h l a k h a t a h R s . 1 5/

Kristiante hriattur thuchah

Home Crusade emaw Tawngtai leh Individual Counselling mamawhte tan koh/pan theih reng kan ni e. Cont; 9612194537

DANGDAI -C.Hranghluna. ‘ Tin, ani chuan LALPA chu a ring a; tichuan ani chuan chu chu a felnaah a ruatsak ta a.’ - Genesis 15:6

Ahmasa lama kan sawi tawh ang khan Abrahama hian zirlai ropui tak a zir reng a, amah zirtirtu chu Lalpa a ni a, a ni chu zirlai a ni thung a ni. Chu a zirlai ropui tak chu ‘Lalpa Rin’ chu a ni. Abrahama chuan a Lalpa rinawmzia a hmuhte chuan a Lalpa rintlakzia a hrilh thar zel a. Lalpa pawh chuan Abrahama hnena a thil tum ber chu ‘Abrahama tan rintalk a nihzia lantir chu a ni.’Abrahama pwah chuan a Lalpa rinna kawngah hma a sawn zel a, rinhlelhna sualin a beih pawhin Lalpa hnenah a rinhlelhna nen lam a hrilh hmiah zel a. Lalpa chuan zirtirtu ropui tak a nih ang takin Abrahama hnenah chuan dawhthei takin a zirlai chu a zirtir zel bawk a. Nia, Abrahama hisualin a beihdan chu ‘rinhlelhna’ hmangin a ni tih kan hre tawh a. Tunlai ringtute sualin a beihna nasa ber chu ‘rinhlelhna’ bawk hi a ni. Rinhlelhna sualin a bei che a nih phawt chuan ‘Lalpa ring ang taka lan tum lo la, i rinhlelhna nen Lalpa chu pan zawk hlauh ang che.’ Tunah chuan Abrahama chuan Lota leh Sadom khawpui chu hmelma lakah a chhanchhuak zo fel tawh a. Sadom khaw lal hnen atang pawhin sum leh hausakna thil dang engmah a la duh lo va, a chhan chu Abrahama chuan a Lalpa chu ‘Haleluiah ka hausakna chu Lalpa a ni’ tih chu a hmuh thiam tak vang a ni. Lalpa pawh chuan Abrahama hnenah chuan he thu ropui tak hi a han hrilh leh ta a, “ Gen15:1 Chûng thil hnuah chuan, ‘Abram, hlau suh , kei hi i phaw leh i lâwmman nasa tak mai ka ni asin,’ tiin LALPA thu chu Abrama hnênah mumang angin a lo thleng a.” Nia, Lalpa chuan indonaah pawh a hmelma te hnehsak tura Abrahama tana rintlak a nih zia chu a hrilh tha leh a. Mahse, Abrahama chuan he thu hi a han zawt leh ta a, ‘Ngai teh, chi rêng rêng mi thlahtir si lo va: en teh,ka ina piang hi ka ro luahtu tûr a ni’ tiin. Lalpa chuan dawhthei tak in Abrahama chu a han chhang ve leh a.

Pathian hnaih a \ha Joseph Zaihmingthanga'n, "Kei atan erawh zawng Pathian hnaih hi a \ha a ni" tih hla a sak hi kan ngaithla fo tawh ang, thlarau lam nun chawmtu a nih bakah taksa tan pawh a lo \ha tih Toronto Universitya researcher-te chuan an hmuchhuak. University-a mithiam rualte hian an zirchianna a\angin Pathian ring (belief in God)te thluak leh ring lo mite thluak chu stress an tawh hunah an thluak hnathawh dan a inang lo tih an ti tlat mai. Pathian rin hian stress a ti tlem tih an zir chhuak a- Pathian rin chuan thluak-a zat chengna (anxiety) awm tur a veng niin an sawia, chu chuan stress awm tur a veng a ni, an ti. Psychology professor Michael Inzlicht kaihhruai zirchianna neitute chuan Stroop task an tih mai hmangin thluak zir chianna an nei a, Pathian ring lo mite thluak a anterior cingulate cortex (ACC- ACC chu thluak peng khat, mihringin thil a tih sual palha a chetdan tur control-tu pakhat a ni) hnathawh dan chu Pathian ringtute thluak aiin a na zawk tih an hmuchhuak ta a ni. Pathian rinna lama an chak poh leh ACC hnathawh dan chu a nêp zawk a, chu chuan stress tur lakah nasa takin a veng niin Inzlicht chuan a sawi

UPC ten Conference hmang ang UPC (NE) Bethel Pastor bial chuan Zirtawp zan atanga Pathianni zan thleng hian Ngur Kohhranah Bethel Mission Department Conference anhmang mek a, thupui atan, ‘I Pathian tawk turin in peih rawh’ tih a ni ang. Tin, Kahrawt Pastor bial chuan Kahrawt biak in-ah an hmang thung ang. Tin, Mizoram UPC te chuan Ni 2-4 Oct.`09 chhung hian Rabung khuaah, Tuichangral Distirct Conference an hmang ve bawk ang.

Camping zo fel Venglai Presbyterian Kohhran chuan a chhawng thumna atan karkalta Thawhtan atanga Zirtawp ni thleng khan Speaker Tv Malsawmthara ‘Dintharlehna Team’ ruaiin Chhandamna Camping neih chhunzawm a ni. Campers 316 zet lutin, Kohhranah harhna a thleng nasa hle a. Thawhtan lo awm turah hian awmni khamin Kohhran in ruai a buatsaih ang. Dintharlehna Team-te hian Chaltlang Kohhranah hun an hmang leh dawn a, Mualkawi lamah camping nei turin an inpuahchah mek bawk. Camp follow-up hi Inrinni zan atanga Nilai zan thleng neih chhunzawm tur a ni ang.

Pi Remsiami hla release dawn Pi Lalremsiami chuan ni 4 leh zan 4 zet chaw ei lo leh mu lova Pathian a pawlna atangin hla tha tak tak a phuah chhuak a, heng a hla phuahte hi Album pathum daih zet a ni. Pi Remsiami hla phuahte hi mi hrang hrang pathum, Pi Biakveli, LPS neitu, Pu C.Lalrosanga, Director, Dordarshan, Pi Rii, CM Hawla nupuiten an release sak dawn a ni. Ni 17 Oct. 2009 hian Release inkhawm Chanmari YMA Hall-ah neih a ni ang. He release inkhawmah hian thlarau mi a duh apiang tel turin sawm in ni a, kal duh turte chuan ‘Rainbow Tailoring’ Vengthlang, Champhaiah in hriattir mai tur a ni e. Kal man a ngai lovang. Heng Album chhunga hla chi hrang hrangte hi Mizoram chhunga zaithiam lar Pi Lalruotmawi te, Tv Vanlalsailova te, Pu Joseph Zaihmingthanga te, Nl Zoramchhani te leh zaithiam tak tak ten an sa a ni.

BCM te Camping ang Krkalta chhung khan Upa T.Lalengzauva ( hrang hlui zaithiam ) Revival Team te chuan N`Khawbungah camping an nei fel a, tunkar hian Bethel Kohhranah Camping an nei leh ang. Thawhlehni hian chhun lamah Upa te leh rawngbawltute nen inkawm hona an nei anga, Thawhleh zanah camp hi lutin, Zirtawpni-ah an chhuak thung ang. Pathianni thleng followup neih chhunzawm a ni anga, Champhai Pastor bial chhung khaw dangah camping hi an nei zel ang.

‘Kha mi kha i ro luahtu tûr a ni lo vang; nangma rîla lo la rah tûr ngei chu i ro luahtu tûr a ni zâwk ang. Vân lam khi en la, arsite khi i chhiar theih chuan chhiar teh khai. I thlahte chu khiti zât khi an la ni ang,’tiin Lalpa chu a thutiamah a la din zia Abrahama hnenah a han hrilh leh ta a. Chuvelah Abrahama dinhmun chu kan Bible chuan heti hian a han sawi ta a, ‘ Tin, ani chuan LALPA chu a ring a; tichuan ani chuan chu chu a felnaah a ruatsak ta a.’ tiin. Tunah chuan Abrahama chuan rinhlelhna reng nei lovin a Lalpa thusawi chu a ring ta hmiah a, Lalpa sawi ang a piang rin theihna a neih chu Lalpan ‘Abrahama felna’ah a ruat sak ta a ni. Lalpa chu fakin awm rawh se. Diktak chuan ringtute hi sualin rinhlelhna sual hmangin min bei reng a. Chutiang taka rinhlelhna sualin min beihna pawh chu harsatna hmunahte chuan a ni thin a. Mahse, chutih hunah chuan Lalpa hnenah kan rinhlelhna sual chu kan kalpui mai tur a ni ang. Lalpa chuan kan tan rintlak a nihzia te, kan tan a rinawmzia te min hrilh chu a duh takzet si a. Abrahama hian a rinhlelhna hi a ngawihbo pui mai lo va, Lalpa ring awm taka lan lah a tum hek lo. A nihna ang takin Lalpa hnenah zawhna a zawt a, Lalpan rintlak a nihzia hmangin Abrahama nuna rinhlelhna sual chu a chinfel sak ta a ni. Vawikhat chu Isua hnenah papakhat, a fapa ramhuaiin a sawi sak avanga mangang em em hi a lo kal a. Lalpa hnena lo kal e ti lovin, Lalpa rinhlelhna sual chuan a la tibuai reng a, a chhan chu a fapa harsatna thuk tak chu Lalpan a chinfel theih a ring mang lo a ni. Mahse, Lalpa chuan heti hian a han chhang ta a, ‘ Marka 9:23,24 Tin, Isuan a hnenah, “I theih chuan a maw! ringtu atan chuan engkim tih theih a ni asin,” a ti a. Tichuan naupang pa chuan, “Ka ring e, ka rinhlelhnaah hian mi pui ang che,” tiin a au chhuak ta nghal a. He naupang pa pawh hian Lalpa chu rin a duh a, Lalpan a rintlakzia a hrilh fiah vek hnuah meuh pawh, ‘ka rinhlelhnaah hian mi pui ang che,’ tiin Lalpa chu a la hrilh ta fan a ni!! Engahnge Lalpa hnenah chuan kan rinhlelhna nen chuan kan kal mai loh vang. Rinhlelhna sualin i harsatna hmunah khan a luh chilh reng che`m? Lalpa ring tawh miah lovin i ringtu nun chu Lalpa ring niawm takin i la lantir reng em le? Lalpa chuan kan tan rintlak a nihzia tarlan chu a tum reng a ni tih hi i hre nawn leh mawlh teh ang u. ‘Lalpan a ti thei a ni’ ‘Lalpan a ti ngei ang’ tih rin mai hi Lalpa mithmuha mi fel kan nih theihna chu a ni a. Lalpan ‘fel’ a a puante chu a ‘mahni inring lova, ‘Lalpa ring’ mai tute chu an ni. Mahni chakna leh theihna hmanga Lalpa duhzawng kan tihte chu bansan tawh ila, Lalpa rinna nung neiin a duhzawng i ti tawh zawk ang u khai. Rinna lova thiltih reng reng chu Lalpa ngaihin thiltih thi a ni tlat a ni. Abrahama Pathianah chuan hei hi kan thupui tur a ni tawh ang, ‘Keimah chuan engmah ka ti thei lo va, Lalpa erawh chuan engkim a ti thei’ tih hi. Lalpa Isua ngei pawh khan ‘Keimah lovin engmah in ti thei si lova’ a lo ti diam tawh a nih kha. Mahni inrinchhan thin te, rin chhan tur dang dap reng renga hun hmang thin mihring kan nihna chu kan chawlhsan thei tawh ang. Lalpa ngei chuan kan tan rintlak a nihzia min hmuhtir a, a mithmuha mi fel a min siam chu Lalpa duhzawng a ni tih kan hre tawh si a. Lalpa rin chu kan zir thiam tawh phawt chuan Lalpa thiltihtheihzia chu kan hmu-in, amah kan rinna pawh a ni telin a zual telh telh ngei ang le. Lalpa chu fakin awm rawh se.

‘Tawngtai chhanna’ Fianrial tawngtaina hi ringtuten setana kan beihna tha ber a ni a, tin, ‘thiltihtheihna thuruk’ kan neihna hnar pawimawh tak a ni bawk.Isua pawh kha mipui zingah rawng a bawl zawhin a kal hranga, fianrial hun a hmang thin a ni. Ringtute tan kan nun chakna leh thanlenna bulpui ber a nih vangin ngaihthah chi a ni lo vang. Vawikhat chu rawngbawltu ropui tak Dr.Billy Graham hi a chakna leh thiltihtheihna thuruk an zawt a, a ni chuan engdanga chhang lovin a kekawr chu a hlim sawt sawt a, a khup chu tawngtaia a thingthit nasat avangin a lo chang rut mai a ni awm e. Heiti taka khawvel huapa rawngbawltu lar a nih theihna chhan hi Billy Graham hian fianrial tawngtaina a neih nasat vang a ni ngei ang. Mizote hi mahni thil tih that thup thei lo tak, nun thuruk ngahlo tak mai kan ni a. Pathian nen kan inkarah hian thuruk kan nei mang tlat lo va, lang thei lama kan ringtu nun bak, kan fianrial nun hi a hmuhnawm loh hle a ni. Heti taka fianrial tawngtai kan neih tam loh avang hian a ni mahna le, Pathian nen kan inkar a tha thei lova, kan ringtu nunah hian Krista hmel chhiar tur a van em em ni. Fianrial tawngtaina hmanga Lalpa kan au ngailo a nih chuan kan nun leh rawngbawlnate chu a nung ngai lovang. Nitin darkar 24 a thlawn liau liauin kan dawng a, heng hun hlu tak kan neihte hi a liam zel bawk a. Lalpa tan engzata tam nge kan pek ve dawn le? MI tam tak chuan an thil neih thenkhat Lalpa hnena an pek chuan ‘ ai kal’ ang deuhah an ngai em aw a tih theih a. Anmahni lam an in dah tha theuh thin. Lalpa hian kan thilpek ai chuan keimahni hi a duh zawk tih i hre thar leh i la, kan thilpekte bansan chuang si lo hian keimahni ngei pawh hi Lalpa tan i in hlan thar leh ang u. Setana hian Lalpa hnena kan tawngtai hi a lo phal mang lo tawp mai a. A chhan chu kan han tawngtai dawn chiah hian a rawn lang nghal a, ‘ka hman lo’ ‘ka peih lo’ ‘ka ro lutuk’ tihte leh chhuanblam dang ther hlo te te hmangin min bei reng a, mahse, kan chaklohna lamahte, kan peihloh kan tih talh talhna lamahte hian Lalpa hi a lo inpuang leh hlauh thin. Kan mimal, chhungkua, Kohhran, khawtlang leh ram te hian tawngtai saktu a mamawh em em a. Ringtu zawng zawngin Lalpa avanga midangte tana kan tih theih chu tawngtaina hi a ni tlat a. Pathian rawngbawltu ropui tak Martin Luther chuan heti hian a sawi a, ‘I tawngtai chhanna a lo thlen hmain Lalpan bansan turin a ti ngai lovang che’ tiin. Beidawng lovin, inthlahdah lovin Lalpa hmaah kan thurukte sawi ila, kan nun thuruk hi tawngtaina ni mawlh rawh se.

EMMANUEL for Editor

: C.Hranghluna 9612194537 News Editor : Lalbiaktluanga 9615162717 Cir Man. : BMS Dawngliana 9862528321 Contributor: TN Vanlaltana. 9862648080 Dak a la duhtan kum khat lakman pek lawk a ngai. Tin, thuchhuah tur nei chuan hawrawp felfai tak emaw khawlchhut hmangin, Office, Emmanuel After Care Centre, Bethel Veng, Champhai ah thehluh tur a ni. Thu lut a piang erawh chhuah vek a remchang kherlo th ei .

Ymapalaiblogspot.com.

Editorial ‘Non Mizo’ ‘Masihi Sangati’ tih tawngkam hian kan sung a khawng tehchiam lova, kan nuih a ti za mah zawk emaw tih mai tur a niat. Kohhran mimir satliah mai a ni law...kan Kohhran puithiamte zingah meuh pawh Non Mizo tih hi a thli beng a na fahran lo. Anni chu ‘Vai’kan tia, ‘vai a kara chhia leh nghal’ te kan han ti chiam na a, Zalenna kan sual laia kan sual berte an nih vang pawh ni fahmiang...ngaihsan an har a, ngaihdam an har bawk. Mahse, anni Krishna-ah keini Kristaah...kan awmna a in anglo nasa em em a. ‘Van kai nun’ hi an mamawh takzet a. ‘Van ticket’ ‘Mahpungteng’ tello va an chan tur dawn a ngai ta a. Keinin hmangaih lo mah ila, kan biak Pathian hian a hmangaih nasa mai si a, engtia tih emaw chu a ngai a ni.

WORLD

Date 27th September 2009

SUNDAY PAGE - 2 MEIZUK I BANSAN AVANGA I HLEP TURTE

RULNGAN LEH CHAWNGKAWR JF-a DIctionary ah chuan Cobra tih hi ‘Chawngkawr tiin a dah mai a, ‘Cobra’ han tih hian Chawngkawr chauh emaw tih mai a awl a, mahse, Oxford 10th edition-ah chuan ‘rul a nghawng ti phek thei’tiin a sawi a. Cobra han tih hian chihrang hrang a awm a, chungte chu, spectakle cobra, monocled cobra, king cobra, black momba, splitling cobra, black reched cobra, egyptian cobra te an ni a. Kan han sawi ho zingah hian monocled leh king cobra chauh hi Mizorama kan hmuh theih awm chhun a ni. Cobra te hian an nghawng ti phek tur hian ruh sin deuh deuh ‘nihliap tangin nihliap a kap parh’ anga rawn kap parh thei ruh an nei a. Chung ruhte chu an hnungzang ruh thlaah a invuah a. Specktacle cobra hi vaiho rul chhaih thin ang hi a ni a. Mizoramah hmuh tur a awm lemlo a nih hmel. Hetiang rul hi a tukhum lamah hian tarmit ang ‘V’ inzawm hmuh theihin a awm a. Chu chu a hming chawi chhan pawh a ni a, vaiho pathian ‘Vishnu’ chhinchhiahna ang a put avang hian sakhaw thilah pawh a pawmwah hle a ni. Heng rul kan sawi takte hian a tlangpuiin thazam khawihchhe thei (neurotoxin)tur an nei vek a ni. Mizorama kan neih chi hnih monocled cobra leh rulngan (ophiphayus hannah) te hi an nihdan tlangpui i lo thlir ila. ‘Monocled Cobra’ Chawngkawr kan tihmai te hi rul hlauhawm kan neihte zinga kan hriat lar leh tam pawl a ni a. A tur chak dan hi rulngan nen a inang reng a, heng rul te hi 2-3 metre a sei a ni thei a, an phuhlip hi avang tan zawng a chhiarin 19-27 inkar, inrem a ni ber e. An tukhumah hian tarmit, mit khat nei ang chi hi chiang taka hmuh tur a awm a. A thla (hood) hnuailamah hian chhun han (dot) a dumin, a sir tawn tawnah a awm bawk. Chumi atanga hnuai deuhah chhah ang reng taka rin dum hmuh tur a awm bawk. Chenna atan lung khawkrawk kar vel an hmang tlangpui a, chaw atan uchang leh rul dangte an hmang tlangpui a, tui pawh an in ve zeuh zeuh. Vawikhat puar taka chaw an ei hian thlahnih aia rei mah chaw dang ei tawh lovin an awm thei a ni. India rama rul chuk tam berte hi hetiang rul chukte hi an ni. Heng chawngkawrte hian vai ramah pawh mi a chuk hlum nasa hle a ni. Rulngan; Rulngan hi rul fing tak an ni a, rul chanchin zirmite chuan rulngan chiah hi rul zingah bu chhep awm chhun a ni an ti. A tui dawn hnaiah chuan lei hnawng deuh kha a han hreuh khuar a, a tui zawh hnuah a taksa chuan a bul hnaia hnahthel tla te chu a zial khawm a, a tui khuhnan a hmang thin a ni. A no keu hma hun engemaw chen chu a pui hian a bu chhungah hian a awp a,tichuan a keu dawn hnaih hian a puiin a bu chu a kalsan thin a ni. Tin, rulngan hi rul sual a ni lem lo va, mahse, a no neih hun lai erawh chuan a kawlh ve hle a, a chhan chu a no venhim a tun vang niin an sawi. Tin, rulngante hian ramri an insiam ve a, an ram chhunga rulngan dangin no an rawn neih dawn chuan rulngan pa in a lo dawlh hmiah mai a, rul chu a thih chian hnuah a chhak chhuak leh thin.

Meizial zuk i bansan atanga minute 20 chhungin i blood pleasure leh thisen insem velte chuan a pangngai (normal) lam a pan a, i kut leh ke lawm zawng pawhin pangngai lam a pan. Darkar 1 i nghei hnuah phei chuan nangmaha carbon monoxide level chu tlahniam nghal in, oxygen a pung thung a,a pahnih hian dinhmun tha pangngaiah a awm nghal. Darkar 24 i bansan hnuah chuan lungphu chawla thih thut theihna a tla hniam. Darkar 48 hnuah chuan nerve thalo te a lo insiam thar leh nghal a, rim i hriatna leh tui i hriatnate chu dinhmun pangngaiah an awm leh tawh. Kar 2 atanga kar 3 hnuah chuan thisen insem kual velte chuan ngai a awh fel der tawh. I chuap hnathawh dan pawhin 30% zetin hma a sawn nghal. Thla 1 atanga thla 9 inkar i bansan hnuah chuan i thahrui pawh a pangngai leh tan tawh a. Hritlang, khuh leh thawk lama harsatna i neihte a ziaawm hle tawh a. I lung hnathawh leh natna a dan theihna a sang tawh hle. Kum 1 i bansan hnuah chuan lung lam natna neih theihna chance i neih chu meizial zu mekte nena khai khinin 50% zetin a tla hniam tawh. Kum 5 i bansan hnuah chuan chuap cancer i neih theihna chance chu a zu mekte nena khaikhinin 50% zetin a tlahniam tawh. Kum 10 i bansan hnuah phei chuan chuap cancer vanga thih theihna i neih chu meizial zu ve lote nen ang khat reng a ni tawh. I taksaa zial hnathawh vanga cell tha lote a tha leh vek tawh a, stroke neih theihna a tlahniamin meizial zu ve lote nen ang khat a ni tawh. Ka, hrawk, kal, phing etc. cancer theihna pawh a tlahniam leh vek ta. I meizial zuk bansan la, heng a chunga hriselnate hi dawng ang che.

Lairil! Nun kehchhia hi Pathian ropuina leh malsawmna hnar a ni a. Nun pumhlum Pahtian chenlohna erawh chu nun hlawhchham a ni. CCharles fax chuan, ‘Tuipui li dum kuk pawh hi lung lian taka han vawm hian a kehdarh var chuai thin a. Chutiang bawkin thlarau lam nun sang tak changtute chu nun kehchhiatna atanga an dawn a ni thin,’ a ti a ni. Tuipuia tui dum kuk thinte hi hmuh theihloh boruak (oxygen) in a siam an nih avangin a lo kehdarh chuan eng nasa tak a siam thei a ni. James Mc.Conkey pawh hi dan hre mi nih a, dan lama eizawn tumin sumdawn hna thawk chungin nasa takin a inzir thin a. Chutihlaiin chhungkuaa thihna lo thleng avangin a thil tih tum chu a tan a rit lutuk a. A thil zir chu harsa takin zir zo mahse, a tha leh tuiin thawk zel turin a tlin ta lo. Chutiang thil harsa tak a tawn hnu chuan Pathian lamah a inhmuchhuak thei chauh a. Pathian tan a pumin a in hlan phah ta hlauh zawk a ni.

A nun kehchhia atang chuan Pathian ropuina a hmu chhuak a. Mi dang chaklo zawkte tana thu ziak ropui tak hmangin Lalpa hna a thawk ta zawk thin a ni.

Mizoram chhunga Kohhran pawl hrang hrangten kan theih ang tawk tawkin, ‘missionary’ hna an zingah kan thawk a, an ramah, an tapchhak zawlah kan kal chilh a. Sum leh pai tam tak, tha leh tui tam tak kan seng a. Kan tihtur pawh a ni ngei e.

Mahse, Mizote hi a hla a piang Missionary emaw ti kan la tam em em mai a. Kan hnaivai a mite hmangaih thiam miah lo. A hla deuh a mite erawh hmangaih tlat kan nih avangin, ram pawn rawngbawlna aiin ram chhung rawngbawlna hian ngaihhlut a hlawh lo zawk.

Hei hi a chhan chu rul no te te tan chaw an inzuah sak vang a ni. Rulngan hian tui 29-40 inkar vel an nei tlangpui a, mahse, heng zingah hian pahnih vel bak an puitling ngai lo. A note an lo pian chhuah hian a tui chhunga tui hnang (yolk) a chakna awm chu ringin thildang ei miahlovin kar hnih vel zet an dam thei a ni. Rulngante hian thingkunga khawsa thin rulvankai te ang tho hian thing an thiam a, an sei zawng hmun thum a then a, hmun khat vel a sang an ding thei bawk. Rulngan hi metre 5-6 vel a sei an ni thei a, an phuhlip hi a vang tan zawnga chhiar tlangin 15 a in rem a, tin, a rawng hi an awmna hmun a zirin a dang ve thei bawk a. ‘Rulngan pa ang zar’ tia, a dum tliang hlak tia sawi vek theih an ni lem lo. Rulngante hi a tlangpuiin a vang tan zawngin a var in a khat tawkin a tial thin a. An lu a phuhlip inrem lian deuh pahnih dawtah hian phuhlip te pahnih an la nei a, hei hi anmahni chhinchhiah theihna pawimawh tak a ni. Heng phuhlip te pahnih hi anmahni ‘chhungkaw’ dangah nei an awm ve lo. Tawn fuh palh thut te a nih loh chuan mi an chuk zen zen lo va, a puitling hian a vawikhat chukah tur 8 ml vel a tichhuak thei. Cobra kan sawi takte hi tur hlauhawm tak, mi tihhlum theihna nei vek an ni a. An tur hi Sai pawhin a thihpui tham hial a chak a ni a, India ramah hian rul chihrang hrang 400 vel awm anga ngaih a ni a, heng zinga 50 vel hian tur hlauhawm an nei. Mizorama kan rul neih zingah hian tur hlauhawm, thihpui tham nei rul chu chi 10 pawh an awm kher lo vang. Chawngkawr leh rulngan te hi a tur ka haw lo tih vang ngawta zuam chi an ni lova. Rul tur nei ho hian a tlangpuiin ngho an nei vek a, ( a lu lawk leh lawk loh lam pawh a ni lo) Mizote hian rul hrim hrim hi kan haw hle a, mahse, kan tan a hlauhawm thei a nih lem loh chuan i that lo hram ang u. Tangkaina tam tak an neih zingah entirna pakhat chauh han sawi ila. Phaia lo nei tute chuan an lo ah rul chikhat (double headed snake) a lu leh meiinang em em chu leiletah an chhuah thin a. Chu rul chuan sazu puang tur lakah an lo te chu a lo ven sak thin a ni. Chutiang rul chu an tam lutuk tur vennan cobra te hian an lo ei ve leh a,. Tum khat pwah China khian rul a suat vak mai a, chumi tum chuan an thlai tharin a tuar nasa hle niin an sawi. Biologist-te chuan ‘rul hmuh tur kan la neih chuan kan ram leilung a la thianghlim a ni’ an ti hial a ni. ( Tv Laltanpuia`n kan ngen anga rul chanchin bengvarthlak leh ngaihnawm tak min ziah sak avangin a chungah kan lawm em em a ni - Ed)

Vawikhat chu ka thianpate insawn turin chaw ei khawm an rawt a, chaw kan eikham chuan grape wine an rawn sem a le, ka in ngai si lo, han lak loh em kha chu ka inthlahrung si, kan la a, kan in ve ngei a. Ka duh aiin a lo tak ta si a, ka vawikhat in na a ni bawk nen, ka rui lutuk chu ka chatthla lek lek a. Ka thiante chuan in chungah min hruai chho a, ka thianpa nau hmeichhia chuan ka tlu tur hi min rawn chelh a, ka rui lutuk chuan ka lo delh ti tih a niang, ka beng bul hnai set sawtah ‘min mutpui i tum e mi?’ a rawn ti chiah mai chu (h) ka zak lutuk hi ka lu hai pawh a reh sawng sawngin ka hria. ‘Tih palh..tih palh..’ ti chungin ka tlan haw ta nal nal a. - 9615953458

REPAIRING.....REPAIRING.... Mobile Handset-a harsatna nei tan eng Handset pawh kan siam thei ta e, a Software-a harsatna nei tan pawh Aizawl pan kher ngai lovin kan ti thei a, Spareparts chikim kan nei bawk. Tin, Handset, Computer, Computer Monitor, T.V, Fridge, Washing Machine repaire tur nei tan pawh pan theih reng kan niin Company chi hrang hrang siam tlawm taka lei tur kan nei reng bawk e. TATA Sky, Airtel, Aircel, BSNL, Reliance-ah dealer kan ni a, Top up/ Recharge thun tur kan nei reng bawk e. Tin, Digital, Mobile thlalak leh passport size engtiklai pawhin kan print thei reng bawk e. Tin, Sound System changtlung tak hawh tur a awm reng bawk e. Prop; TWO BROTHERS, Near; APEX BANK Vengthlang, Champhai.

Mizoram chhunga ngeiah karkalta mai khan Mosolman sakhua chuan R amjan thla thianghlim hmanga chaw an nghei tawpna tawngtaina ni an hmang a. Aizawl Lammualah mi 4,000 vel zet an kal khawm a ni. Hei hian ngaihtuah a ti thui hle a, kan ram chhungah ngei heti taka mosolman sakhua an tam hi ngaihtuah chian chuan, kan ram KEIMAHNI chhung ngeiah ram thim a tam hle Bazarpui nuhote leh Bethel bazar nu hote hnen atangin chawhmeh kan dawng X a ni tih a chiang khawp mai. zel a, kan lawm e. Tin, kan ram chhung Ngaihtuah peih te tan!! X Pu H.T.Lalthlengliana te chhung Bethel Veng, hnen atangin Rs.300/- kan ngeia mite hnena Pathian thu dawnga, kan lawm e. Rev.William Williams-a`n rawngbawl zelna tur hrilh tur hian ‘home advantage’ ram en thlithlaiin kum 1891-a Mizoram a rawn tlawh X GMHSS hnuaia NSS te hnen atangin Rs.1,000/- leh chawhmeh, thawmhnwa tha deuh kan nei a, mikhual an tum khan a zinna chanchin a ziak a, a tawp lamah chuan X kan dawnga, kan lawm e. nih avangte, hnam dang mi an nih Karkalta khan Beihrual programme-ah zan 3 hun hman a ni a, zan hnih chhung avangtea inthlahrung tak leh Mizote a hmuh dan hetiang hian a ziak: ‘ Mei an zu vek X Home Crusade neih a ni bawk. inngaitlawm taka an awmnaah a, an duh em em a, hnathawk chung pawhin an pet Zitawp tlai khan Mama S/o Rimawia, Vengthar chuan MCS first-a a pass hian Krista chi kan tuh thiam kawh fur mai. Mipa zuk chu Vaibel an ti a, hmeichhe lawmnan Rs.1,000/- min rawn pe a, chawhlui tuihnai tak kil ho a ni a, kan X zuk chu Tuibur an ti a ni...Mizo thla tam tak ka la a, phawt chuan rawngbawlna hlawk lawm e. tak kan hmachhawn tihna a ni mei an zu hlawm theuh a. Pakhat chuan mei a nei lo Computer lama harsatna kan neihte JK Business leh LL Computer, Venglai va, a kutzungchal ka hmuam tir a!’ tiin. ang. P u b l i s h e d & E d i t e d by C . H r a n g h l u n a & P r i n t e d a t C K O f f s e t P r i n t i n bazar g & ten P amin p echinfel r W osak r kthin s , a,Ckan h alawm m p he.a i V e n g t h l a n g .