Kahrawtians

Estd.

1991

“Y.M.A chu tanpui ngaite tanpuitu a ni” Champhai Kahrawt Branch Y.M.A. Chanchinbu v Volume XVIII

v

Issue No 47

v Date 22.11. 2009

Thil pek

HNUNGLAM KA HAWIKIR A Ruatpuia pa

Khawvel ka chhuahsan na hi engtia rei nge ni tawh ang aw ti a ka ngaihtuah let vang vang hnu chuan kum 30 lai a lo liam tawh tih ka hre thei a. HRINGLANGTLANG a\anga kan Branch YMA \halai te dinhmun ka han thlir kira. Zonun zemawi, tlawmngaihna leh YMA thil tum in kalpui mek dan te ka han hmuh chuan ka sawi awm loh tak tak tur te pawh sawi ka chak tak tlat avangin \hahnem ngaih thilah ka ngaih pawimawh tlema zawng hetiang hian ka han ziak ta ani. 1. Mitthi lumen tur an awm changa nula/tlangval khati zat awm si, tlaivar in tlem \hin tlat mai kha mak ka ti a. In \hat hnem loh \hin nak alaia mi engemawzat pawn lamah \anhmun khawh tlat mai \hin te khan an mahni tawk chuan ti \ha an in ti ve viau awm si a. Khawvar lama inchhung lam zai in han chau ta deuh \hin kha chu rawn zaipui ve nachang te hria atan an va duhawm em. 2. Nula leh tlangval tlaivar \hin te chhawk hma tura nu leh pa te kal hma \hin…Kahrawt veng ti a thang mawi \hin kha….rual u zawkten mual an liam zo ta em ni? Tuna nu leh pa te khan \an han la thar leh lul teh u. 3. Thlan laihna a tlangval kal in va \hahnem mawh tak em!! Tlangval khawlai leng vel te in hrisel hmel tehlul nen, thlanlai tur a awm chuan natna engeng emaw…..chhuanlam tur inva ngah tehlul em. 4. Tlangval khawhar in riak tura rilru pe in awm ta meuhlo hi khawvel \hangchho mek ken tel em ni ta le? In hruaituten mitthi awm apiangin tlangval riak tur te hma taka in put luh ni se…chuti khati an ti chamchi a. An lo nghak \hin che u a. Nghahchhuah tur mumal an nei ta meuhlo che u kha a mak e. Kahrawt tlangval in ngaihtuah a hun lo maw?? 5. Nulaten mitthi buhfai khawn turin tlairawl zawkte in tir a, a \ha tho. Amaherawhchu an hma lak chin enfel pui tal kha chu hahthlak ah ngai suh u. In tin kha an lut kimlo teh \hin ania!! Hruaitu atana in thlan te zingah hian nih loh hlaua phi phi an awm kher lo ang. In thlang tling ta chenga, hmalak \ul huna in inphatsan leh si chuan vengin a tuara, veng a thang mawilo thei ani. Mifel leh fing lutuk ten YMA an hruai peih tawh lo, in thlan tlin te khan phat an chak teh ania. Mahse mawiin an hre si lo a, member leh khawtlang te hmaizah avangin hruaina hna an thawk mai zawk ani. Hmalakna kawng hrang hranga in hruaitute inthlawp a, mangang lutuk lova in siam kha memberte mawhphurna ani tih hriat nawn fo a \ha. Member in pe peihlo leh in hmang peihlo apiangin hruaitute sawisel in la ching leh nghal a. A ngai leh ngaiin thlan in lai a, angai leh ngai in tlaivara. Mi tlawmngai zual te zarah in la lang mawi tawk tawk ani ber e. Pheikhai rual taka kal turin member tin ten in mawhphurhna \heuh han hlen hram hram teh u. Chu chu Kahrawt veng tan leh a chhunga chengte tan malsawmna tur ani si a. Tichuan…..a puak ri \huai chuan min ti harha, \henawm naute halpuah hal ri lo ni in…ka chhun mumang chu ka ngaihtuah zawm ta neuh neuh a.

Pu K. Lalchhunga chuan thlan laihna a hman tur Bawngtuthlawh thar min pe a. Tin, Pi T. Laldinthari chuan a pasal Vanlalchhuana (L) hriatreng nan \hutthleng min pe bawk a. Thil pek petute chungah Branch chuan lawmthu a sawi a ni.

Thil bo YMA khuangte pakhat a awm na chin hriat a ni lova. Emergency Light charger a awmna chin hriat a ni lo bawk a. Hetiang lo kawl palh te chuan khawngaihtaka YMA hruaitute hnenah emaw Chawkidar hnenah emaw pekir turin kan in ngen a ni.

Chhar Chempui la \ha tak Pu H. Hmingdailova te huan Keifangtlang bulah chhar a ni a. Hetiang tibo chuan tunkar chhung ngeiin huan neitute hnenah hian lam theih a ni. Huntiam chhunga lam lo chuan a bo emaw, a chhia emaw a nih pawhin in sawisel thei lovang.

Rukru man Dt. 16.11.2009 zan khan Kahrawt Branch YMA Security te chuan Pu Lalrinawma S/o R. Vanlawma, Taitesena Section ami chu Chartin pahnih a ruk avangin man a ni a. Titawh lo tura intiam tir a nih hnuah a neitute hnenah ngaihdam dil tura chhuah a ni.

MJA ah hlan MJA Library a dah turin Kahrawt Branch YMA Diamond Jubilee Souvenir leh Mizo Rohlu Lengkhawm Hlabu chu Mizoram Journalist Association, Aizawlah pek an ni.

Champhai Kahrawt Branch YMA Chanchinbu Kârtin chhuak. YMA Hall ( 234728

BRANCH Editorial Board Editor : KL.Lalthangliana Jt.Editor : Zoherliana Hauchhum News Editor : R. Malsawmdawngliana Manager : C.Chawngthansanga

Enkawltute Kamchhuak Khawhar inriah Hmanlai a\ang tawhin mitthi an awmin hnem turin tlangval tlawmngaite mahni inlum chhuahsanin khawhar inah an riak \hin a. Henga riakte hian a \ul ang angin khawhar chhungte an pui \hin. Khawhar chhungte pawhin an thlamuan phah hle \hin a ni. Amaherawhchu, hun engemawchen a\ang khan khawhar in riakte hian khawhar chhungte hnem tura an riah chhan khawhar chhungte \anpui leh hnem ani tih an theihnghilh ta emaw tih tur a ni ta. Zanrei tak taka haw chingte, zingah nise; tlai tak takah an tho ta fo mai. Kan riah chhan hriatchian hi a hun ta hle a ni. Khawhar inriah hi veng pumpui in riah fin \hin a ni a. Tunhnai deuh a\ang khan mahni section chhung chauhva riah tur emaw ti kan awm ta tlat mai. Kan tlawmngaihnate hi sawr zim lovin a zau zawngin zar pharh leh ila, mahni section chauhva riak lovin veng puma riah hi ching thar leh ila. Khawhar in riak rual tlangval puanthuah khairual, tlangval tamtak khawhar in riah tum miahlo engemaw zah kan neihte pawh hian an inenfiah angai hle a ni. Nu leh pate pawhin kan tu kan fate khawhar in riak rual an awm anih chuan khawhar ina riak ngei tura kan hrilh leh kan zirtir angai ta hle mai. Tute pawhin chhiat tawk thei dinhmunah kan ding ani tih kan hriat thar leh a pawimawh hle. Tlangvalte hian khawhar in riak ngailo hi an hre hle a sin. Chumi zingah chuan i tel ve em le?

Cir. Manager Zarzoliana Fanai, K.Romalsawma, KVL.Hmangaihzuala, B.Vanlalngaizuala

President Vice President Secretary Asst. Secretary Treasurer. Fin.Secretary

O.B.

2009

: R.Laldika : Thanghuliana : R. Malsawmdawngliana : Zoherliana Hauchhum : F.Lalhmachhuana : C. Chawngthansanga

Chhiatni Kaihhruaina 8.1 Khawhar ina riak ten khawhar chhungte thlamuan leh a \ul anga \anpui hi kan tih makmawh a ni. 8.3 Khawhar in riak chu a nawlpui tan zan thum ani anga, hemi baka khawhar chhungten \hian \ha leh ngamtlak tlawmngai tura an chelh chuan pawilo ah ngai ila, hetiang hunah hian khawhar chhungte zai ngaihchan thiam a \ha hle. 8.7 Khawhar inriak ten zan rei tak tak thlenga len a, tlai taka haw hi a mawi lo a, riah chhan ang ngei a khawhar chhungte kawmhlim tur leh \hutpui tura haw hma chin \hin tur a ni. 8.4 Khawhar chhungten inriakte chaw eipui loh tur a ni. 9.9 Khawhar lenpui tute \in zawh hnua hmun hnawk ilo phiahfai chu a awmna section nula te mawhphurhna a ni.

9436780892 (Editorial Board ngaihdan ani kher lo)

## Kan veng (Kahrawt) tlangval,

thlan i lai ngai lova, khawhar ina riak ngailo te u, in hausa a, in awmthei a lo nih pawhin inchhungkua in la thi ve dawn. Chutih hunah i la hre ve khawp ang. I meng ve ralh ralh khawp ang. - Kahrawt Tlangval ## Khawhar in riak chhia kan intih

viau lai hian mitlawmngai, zirlai Exam lai mek riak kha kan ngaisang bawn tawp che. - A riahpuite ## Lenkhawmna in a Mobile khal

mai mai \hinte khan Khawhar chhungte hnem tura kal in nih in in hre lo em ni le. Tun hnuah chuan ti tawh lo hram teh u. - Ngaimawha

Famchang Pi Hranghnuni W/o Pu F.Lalmuankima chu Dt. 17.11.2009 (Thawhleh) zan khan Malaria Mitliam avangin a boral a. A tuk Nilaini khan Kahrawt thlanmualah vui liam a ni. Lusun chhungte kan tuarpui tak zet a ni.

Committee Kohna A hnuaia hun leh hmun tarlan ah hian Branch Executive Committee chu rokhawlhna lian tak a awm a nih loh chuan neih tur a ni a. Heibak kohna siam a nih loh avangin hei hi kohna a ngaih tur a ni. A hmun : YMA Hall A hun : Dt. 24.11.2009 Dar 6:30 PM (R. MALSAWMDAWNGLIANA) Secretary

## Hman zan ka khawhar in riak chu

Mutdawn \awng\aina ah hun ka hmang a, a tawp ka siam thiam si lova. ..... Chu zawng zawng chu Isua hminga kan dil si chuan ka ti zet chu an nui zo vek a lawm. - Papuia (K. Sec)

Cowboy rorum Saka Vengchhung chhiattawk an awm chu, nula riahchilh nan a remchang kher mai

Thil tamtak tihdan kawng tawi ber chu vawi khata pakhat tih hi a ni. Blog : www.kahrawtians.blogspot. com

Published and Edited by Young Mizo Association Kahrawt

Tesanga Branch Printed at

C.K.

Press