Gilead-ii(12april.09)

Volume No. VIII. Issue No. 03.

Hyderabad

Dt. 12. April. 2009 (Pathianni)

P-2

SMS FEEDBACK “Easter Sunday i tan a pawimawh na chu?/ Easter Sunday a lo thlen a i riru a awmreng thin enge? tih zawhna hi HMCF member te hnen ah Hydlander smsgupshup group hmangin kan thawn darh a chuta tanga chhanna tha tak tak kan dawn te chu:-

Kumin Easter Sunday leh Good Friday vel bawr ah hian rilru ah fakna hla lo lang ve reng a awm a, chu chu hla lartak “Chhandamtun min hmangaihna chu nitin zantin ka lo hreta, A thihna a ka thih vangin thawhlehna ah tihnun ka lo ni ta…’ tih hla hi a ni. He hla hian Good Friday leh Easter Sunday kan hman mek hi a khaikhawm dikin a awmzia a hrilhfiah thuk khawp mai. Nimin piah lawk ah Lal Isua tuarna champha kan hmang zova, vawiinah thihna hneh a kan tana A thawhlehna champha kan hmang chhunzawm hian kan tan entawn tur leh zirtur tha tak a rawn kengtel a ni. Ringtu nun ah hian nun kan neih tirh in famkimlo leh misual kan ni a, kan famkimlohna leh kan sualna te chu Pathian tan kan thihsan a tul a, chuta tang chuan hnehna nun nei turin Lal Isua thawhlehna hmangin kan nung tawh zawk tur a ni. Ringtu dik chuan Isua hmangaihna a hrechiang a, chu hmangaihna a hriat tawh avang chuan Krista thihna ah amah pawh chu inti thi ve in, a chak zawng tak te, a lawm zawng tak te pawh a tha lo anih chuan a kalsan thei ta thin a. Chumi hnuah erawh tholeh taksa ang in hnehna chang in a taksa pawh buatsaih in a awm tawh thin zawk a ni. Ringtuten nitin a kan hriatreng atan a thu tha tak Tirhkoh Paula’n ti hian a lo sawi chhuak tawh a: “ A thihnaah kan thih si chuan, A nunnaah kan nung bawk ang; Kan tuar chuan, A rorelnaah ro kan rel ang; Amah kan phatsan chuan, Ani pawhin min phatsan ang; Keini rinawm lovin awm mah ila, Ani chu rinawmin a awm reng a ni; Amah leh amah a inphat thei si lo va”(II Timothea 2:11-13) “Thlan atangin a lo tho, Ropuiin a hmelma a hneh ta!” Easter Sunday a lo thlen hian Pathian min hmangaihzia min hriatchhuah tir a, chuith rualin rawngbawl tura chhandam kan nih ang ngeiin, theihtawpa Atana rawngbawl tura kan inpek ve a tul zia min hriatchhuah tir zual tu a ni. –Mimi, UoH. Lal Isua Krista thi a a thawhlehna hi kan zavai atan a ni tih hrethar leh ila. Mahse Amah ringtu leh hmangaihtu te tan chauh chatuana nunna a ni. Sual simna tak tak nen, kan thiante nena kan inkar te pawh hi i in siamtha thar leh ang u. –Pu.Vana Pachuau, Sainikpuri.

EASTER SUNDAY CHIBAI KAN BUK A CHE

Kan chakna leh theihna vang mi hauhlo a Hnehna kan chan na ni! Pathian remruat makzia min hriatchhuah tir thin. -Sawmtea Lailung, UoH Lal Isua Krista’n Kraws ramreh min paltlang sak tawh kha hrereng in, Sual hneh thei tur a min pui turin Pathian Thlarauthianghlim hi kan tan a tawk a ni tih I hrereng fo ang u. -Samuel Zodina, JNTU Sual bawiha kan awm tawh loh nan sual pu taksa hi tihhlum turin kan mihring hlui chu a hnenah khenbeh in a awm tawh tih kan hre si a. Lal Isua hnenah phumin kan awm ve a, A thihna chu kan tawmpui a ni, chutiang bawkin Pathianin mitthi zing ata ropui taka Krista chu a kaihthawh ang khan, keini pawh nun tharin kan leng tawh ang. Chuvangin keini sual thihsan tawh te chu sual ah engtin nge kan la chen reng theih ang? Nun tharin Lal Isua nen kan nung tawh zawk tur a ni. -Mapuii Ralte, UoH Easter Sunday a kan Lalpa thawhlehna hian sakhaw dangte aia kan Lalpa ropui zia min hrilh a ni. Thihna hnehtu a ni a, nunna petu a ni bawk. Chibai kan buk thin kan Lal Isua hi a ropuizia hrethar ila i chawimawi deuh deuh ang u. –Duhawma, IMA Keima duhthusam anga Easter Sunday hi khawvelah hian hmang/lawm tur ni ila Krismas kan lawm dan aia nasa zawk a lawm turin ka duh. Kristianna hi Buddhist sakhuana thami ah ngaih mai a awl awm e. Isuan sual hneha a thawhlehna ni hi a ropui bikna a ni. Chhiartu zawng zawng te Thawhlehna Chibai ka buk a che u. God Bless. - Pu.Samuela, Secy, HMCF Good Friday thlen dawn khan aA thih tur chungchangah Lal Isuan “Ka Pa he no hian minpel thei lul lawm ni? Mahse, I thu nise” a ti a. Lungngai leh hrehawm takin he khawvela A rawn kal chhan ti hlawhtlingin Kraws ah khenbeh a ni ta a. Lungngai taka A tuarna phenah hian malsawmna tamtak a awm ta teuh thung a ni. Hringfate`n Chatuan Chhandamna kan neih theih phaha, A tuarna tawp a thlen hma a amah Lal Isua ngei pawhin a sawi ngai reng reng loh, “Lei leh Vana thuneihna zawng zawng ka hnenah pek a ni tawh”, a tih theih phah ta bawk a ni. Tuarna hi ringtu nuna zirtirtu pawimawh a ni a, tuarna phenah malsawmna hlutak chu a awm thin. Lungngaih leh hrehawm tuar chang awm mahse, Lal Isua`n tuarna zawng zawng pawh hi minlo hnehsak tawh tih i hre thar leh ila, thihna hial hnehtu zuitute tan hian kan tuar zawh loh tur thlemna pawh a awmlo tih pawm ngamna hi Lal Isua thawhlehna kan tawmpui theih natur chu a ni. –Pi.Mahriati, Hakimpet