Darthlalang 8th August 2009

Motto:

‘Nang Malsawmna ni ang che’

Provisional Permit No - 25 of 2004:

* Hun awl hmanthat * Kristian nundan tha ngaihsan * Zofate hmasawnna ngaihtuah Thuvawn ‘YMA chu tanpui ngaite tanpuitu a ni’

E-mail - ‘[email protected]’ Thupui : ‘Khawtlang Nun Siamthat’ Vol - XVIII

Issue No.39 8th August. 2009 (Inrinni) :

Estd. : 24. 10. 1994 Darthlalang Chanchinbu,

Branch YMA,

Serkawn :

Kartin

Chhuak

Phek 1- na

YMATHUHLA Chanchin kan lakkhawm lai hian kan veng chhung atangin heng a hnuaia kan tarlante hi Christian Hospital Serkawn-ah an awm. 1. Pu Lalhmingthanga Sec-III 2. Pu R.Thangzuala Sec-II 3. Pu C.Lalhlimpuia Sec-III 4. Nl.Saichampuii Sailo Nurse Dam taka an chhuah leh thuai kan duhsak e. C.H.S Blood Bank Report A+ - 3, B+ - 9, AB+ - 6, O+ - 16

# Ramzotlang Tualchhung Kohhran chuan tunkar thawhlehni atang khan Pu K.Lalmuanawma Speaker a hmangin Biak In Hall-ah Salvation Camping an nei a. Camping pual hian Follow-up Programme Inrinni zan atangin Pathianni zan thleng hian an nei nghal bawk ang. # Kum khat dawn C.M.C Vellore a Operating Room Technique & Management an zir zawh hnu in, Kar hmasa khan, Nl.Vanlalmawii Rokhum Sec-I leh Nl.B.Zonunsiami Sec-III te chu Result tha tak nen an lo haw leh ta . # Independence Day Football Tournament khelh mekah YPC Serkawn pawh an tel ve a. First Match-ah 2nd Bn.MAP nen intumin Vanduaithlaktakin an chak zo ta lo a ni, Knock-out a khelh a ni. # Tunkar thawhlehni khan Christian Hospital Serkawn-a GNM zirtur lak thar te chu an lut fel ta. An zir chhung zawnga tha taka an zir theih nan leh Serkawn-an awm chhunga inti mikhual lo turin leh tlangnel taka awm turin kan beisei bawk a ni. # Nimin zirtawpni khan BCM hnuaia Upa thlan tharte chuan Upa Exam an bei a, kan veng atangin mi 3 in Exam an bei ve a ni. # Tunkar Ningani atang khan Indoor Stadium Serkawn-ah Independence Day T.T Competition khelh tan a ni. Lalruala Chawngthu Serkawn phei hnena pheikhawk siam tir lam lo engemawzat kan awm a. A ranglama lam turin min ngen a ni.

S.YMA Executive Committee: A Hmun : Indoor Stadium Serkawn. Tan Hun : 7:15 PM Dt.10.8.2009 ( Thawhtan Zan) hi Serkawn Branch YMA Executive Committee neih hun a lo ni leh ta a, memberte’n ngaipawimawha kal theuh turin kan inhriattir a ni. Tin, Committee kohna hmu lo palh kan awm anih chuan hei hi kohnaah ngaih nghal tur a ni ang.

Section-III Lucky Ticket: Dt.1.8.2009 (Inrinni) tlai khan Section-III Sumtuakna Lucky Ticket chu vawr a ni a. Tlawmngaia Ticket leisak tute chungah Section hruaitute’n lawmthu an sawi a. Tin, Ticket mantu Pu P.Robuanga (Zotlang) chuan a lawmman dawn chu section tanpui nan a pe nghal a, Pu Lalchungnunga (ABA) pawhin Rs.20/- a pe bawk a ni, heng mite chungah hian Section hruaitute an lawm hle. Lawmman dawngtute chu:Ist Prize - Peka MPL Consolation Prize (Mi 10):- R.Lalhriatpuia Sec-III, Thanchungnunga Tawipui, Robert Electric Veng , ABA Sec-V, Lalbika Chanmary, Omteii Electric Veng, Jonathan Lalremruata Sec-III, P.Robuanga Zotlang, Kaisanga Lunglawn leh Chhunkunga Ralte Sec-I te an ni.

Hruaitu zin: Kan Branch President Pu Lalbiakzara Sub.Hqrs.YMA Lunglei Asst.Secretary ni bawk chu tunkar thawhlehni khan Kolosib Sub.Hqrs.YMA Conference hmanpui turin a kal a, Pu K.Lalfakzuala’n a tawiawm a ni. Tin, Tv.H.Lalduhthanga (Secretary) leh Pu K.Zodinsanga (Treasurer) te pawh thil tul tiin Aizawlah an thang mek bawk a ni.

NGAI TEH, AN RI A VA MAWI EM !!

J

uly thla Ni 31, thla tawp zan a ni a, fur khaw hnawm chuan, ‘Zan thiang reh lai tak” ang maiin khaw thiang a rawn chhuah teh tlat a, Universal natural Street Light, chung chhawrthlapui meuh pawh a rawn eng tle sut mai. A pawlh mawitu decoration Light, “ Si ar hming, thangreng” ( tih luih-VLT) te pawh an phe zet zet mai. Hetiang hunah meuh hi chuan utawk pawh lunglenga mawi a ni a, Serkawn tlangval Senior (An awm emaw ka hre law) te pawhin an nupui te ( nei hauh si lovin) an ko ve chul awm asin ! Ni e, fur khaw thiang zawng, a chhun emaw a zan emaw a mawi em a ni ! Patling meuh pawh pawn lerah min ko chhuak a, nunhlui ngaia her thin chungin lung hlui a

- R.Vanlalthiana leng veng veng lo thei lo a ni. Tlangval Luck lo zualte’n, “ Thla lah chu a eng ang tak vul vul a, lung lah chu a leng der mai si lova,” an han ti thla rawk thin te kha a ngaihtuahna neih loh thlak ta hlein ka hria. A fur-a lai laia engtiziaa kha zan kha thiang mawi em em nge a nih ? thawm hre pha ve lo te chuan puh-mawh tur dang lo dap ta ula, keini Ramzotlang chuan-chung lam chuan chhanna fel tak kan nei ran mai le. Khawnge, ka’n hrilh law law teh ang che u: Serkawn Branch Zaipawl te chuan Community hall-ah hla an zir atin a Phek 2-naah chhunzawmna

Vol - XVIII

Issue No.39 8th August. 2009 (Inrinni) :

Darthlalang

Chanchinbu,

Editorial Board Editor

- C.Lalbiakzuala

News Editor - R.Lalbiakkima Lalbeiseia Pachuau Lalruatkima Renthlei - B.Lalhmangaihkima

Circulation Managers C.Lalbiakliana R.Lalmalsawma Production Staff Lalchhanhima Ralte David Zonunsanga K.Laldinliana V.Malsawmtluanga R.Lallawmzuala

Kan khawtlangah hian Kohhran hnuaia chanchinbu chhuak tih lo chu, Darthlalang hi chanchinbu chhuak awm chhun a ni. YMA hnuaia awm nimahse, YMA leh khawtlang chanchinbu a ni kawp tih hriat a tha. YMA taka YMA leh a kaihhnawih thil a tam thei ang ber chhuah chu a that viau laiin, kan khawtlang tan a thil tha leh tul kan vei zawng kan ziah thin te hi thil tha tak mai a ni a. YMA thil tum tihlawhthlingtu leh YMA mai nilo Kohhran leh kan khawtlang than lenna kawng pawimawh tak leh hmasawnna ani tih i hre thar ang u. Tin, veng bik chanchinbu a hlutna pakhat chu; chanchinbu kal tlang a kan khawtlang mamawh leh duh zawng chhiar tur leh ziahna kan nei hi a ni bawk awm e. Veng dang atang chuan, hmasawn kan ngaihna leh kan khawtlang tana thahnem an ngaihna thilah min au chhuahpui kher lo mai thei a ni. Keimahni ngei hian, kan khawtlang siamtha tur hian mawh kan phur a ni tih hre thar ila, chumi tihlawhtling thei tura thil tangkai tak pakhat chu kan chanchinbu hi a ni. Tin, hmundanga awm te tan pawh ‘[email protected]’ kal tlangin thuchhuah tur nei te chuan, e-mail kan thawn thei reng tih kan hre dawn nia. Hmasawnna tur leh kan insawmna nipahfawmin thuziak (chhuah) turin kan insawm nise. Chanchinbu ti hlutu leh ti ngaihnawmtu pakhat chu Article te hi a ni. Kan ziah thiam leh thiamloh chu thuhran nise, tum lo hrim hrim kan awm tlat. Abik takin thangthar lamah Article ziakmi kan tlem, hei hi hmasawn kan ngaihna lai tak a ni. Mikhual kan ni emaw Hostel naupang te pawh Article ziak tur hian inti mikhual hauh lo turin kan insawm bawk a ni. Kan tui zawng leh kan vei zawng a in ang lo ang bawkin, chanchinbu a thuchhuah thu ah pawh mi hrang hrang, kawng hrang hranga kan duhzawng/ngaihpawimawh zawng ziak theuh thei ila kan lungrual ber mai awm e. Kan chanchinbu hi hlawkpuina hmuh tumin chhiar thin ila, hma kan sawnpui ngei kan beisei a ni.

Kartin

Chhuak

Phek 2 - na

BCM Serkawn

Pathianni zing Pathianni zan Thawhtan zan Nilaini zan Inrinni zan

: Bialtu Pastor Prog. : Upa R.Thangzuala : BKHP Inkhawm : Upa K.Lalnuntluanga : Upa LH.Sangliana

BCM Ramzotlang, Serkawn

Pathianni zing Pathianni zan Thawhtan zan Nilaini zan Inrinni zan

: Pu K.Lalmuanawma : Pu K.Lalmuanawma : BKHP Inkhawm : Pi H.Thanthuami : Upa Dr.F.Lianchhinga Serkawn BMP Fellowship Prog.

A hmun Hruaitu

‘Kan Chanchinbu hi’

Serkawn :

KOHHRAN PROGRAMME

Mb.9862611372

Joint Editor - ZD.Lalnunmawia Mb.9436157169 K.Lalruatkima Mb.9436154185

Manager

Branch YMA,

: Pu R.Lalngaia In : Pu RK.Khuala

‘THUPUI’ ‘BMP Activity hrang hrangah hian engtinnge hma kan sawn ang’

Ramzotlang BMP te’n a hranpa in Fellowship nei loh tur a ni . Kohhran pumhuapin Fellowship Biak In Hall-ah neih tur a ni. NGAI TEH, AN RI A VA MAWI EM !! chhunzawmna ni. Kha boruak thiang lutuk tak mai ah khan in tin leh thing tin karah an zai mawi tak chu a tleh chhuak seng seng a, an thawm hre theia kan beng a lo la var ve tawk tawk te chu a lawmawm hliah hliah mai a ni. Hla an zir ni mai lovin, duh takin an sa niin ka hrai a, a duhawmna piah lamah pawh rim (-tui) keng tel hiala mawi a ni. Zo nun ze mawi leh duhawm chu zaia sem darhin, Zoram mawina chu zan thim hnuaiah chhun lai ang maiin an lo pho chhuak a, ruk ruk, hlemhlet, itsik, elrel, duhamna te chu zaka kimki chawih chawih awm a ni. Zaipawl memberte pawhin lo hre teh u: Tuk luih bawih anga kawlawk in ni lova, zonunmawi chawikangtu tura duhsakna dawngtu in ni zawk. Olympic torch bearer nih a ropui ang bawkin zopa tan zawng, zonunmawi chelh dingtu nih hi a ropuiin a hlu a nia ! In hla sakte kha inelna atana phuah an ni satliah teh ngawt lova, zofa leh zoram chawia, lungkuai taka mi bikte’n an phuah a nih kha. Zir ula, sa ula, nunpui ula, midangah kan-kai-tir zel ang che u. Zonunmawi hi a mawina piah lamah a lo Kristian nun em em mai si a, Kohhran leh mimal thlarau nun chawk harh hial khawpin han che teh u le. Tin, in rin aia hmaah in zai thei lo thuai dawn tih hi ngaihtuah ula, in la zai thei a nih leh lawm leh zual ang che u. Keia kar pawh hi Kum lamah chhuan tur nei miau hek lo i, he zaipawla tel tura duhsakna min rawn hlan lai te khan, “ Ka chak lutuk, mahse ka tlin ta ngang lo a ni “ Ka ti chuai raih mai kha a nia.... hmanni lawk kha ka va ngai em !!! Chuvangin, heihi ka theih tawk ni seduhsakna sang ber ka hlan a che u.

Vol - XVIII

Issue No.39 8th August. 2009 (Inrinni) :

Darthlalang

ZIRLAI PUAL F. Lalhmangaihthanga Member SYMA, Education Committee irna lam hian rilru leh ngaihtuahna mahni phak ang tawkin a luahkhat ni berin ka hria a. Chhuak hmasa lamah khan Zirtirtu dinhmun tlem tarlan a ni tawh a. Tun tumah hian infuihna ni pah fawmin, Zirlaite zir chhan leh awmdan tur tlem tarlang leh leh tai la, remchang hmasa berah Zirna kawnga nu leh pa leh khawtlang mawh phurhna lam thlur kan tum leh ang. Hmun a chep a, a ziah kim theih loh a ni ber a, ziah ang chhun hi mi tlemte pawhin an lo hlawkpui chuan a a lawmawm hle turah ngai ta i la a tha awm e. Rual awh a na a, tunah hian kan u te, mi 6 (KL Biakchungnunga, Julia Lalmuanpuii, Pi. Lalngaii, R. Vanlalhlani, Lalsangpuii Fanai leh H. Vanlalhruaia) chuan PhD an bei mek a, an fakawmin an chhuanawm hle mai. Thalai zawk tan phei chuan chona nasa tak niin ka hria a ni. A hmasain, engvanga zir tur nge kan nih le? Zir chhan hrang hrang kan nei theuhin a rinawm a. Kan zirchhan tur nia ka hriat tlem i han tarlang dawn teh ang:

Z

1.

Nu leh Pa te ti hahdam turin:

Kan nu leh pa te hian eizawnna kawngah ngaihtuahawm em em lova kan awm hi an duh ber a. Tin, Kohhran leh khawtlang tana mi tangkai kan nih theih hram hi an duhthusam a ni tih hre bawk ila a tha awm e. Thufingte 10:1 ah chuan “Fapa fingin Pa lawm a siam a…” tih thu kan hmu a. An duhdan ti hlawhtling thei tur chuan nasa taka tan kan lak a ‘Lehkhathiam hmantlak’ kan nih a tul ta a ni. Tichuan eizawnna mumal tak neiin, nu leh pa te duh ang ngeiin kan hmalam kan pan thei dawn a ni. Fapa/Fanu fing kan nih chuan kan nu leh pa te hlimna thlen turin kan zir char char a ngai a nih ber mai chu.

2.

Pathian leh kan ram tan:

Hlawk zawka Pathian rawng kan bawl theihnan leh Ram tana kan thawh ve theih nan Graduate tal kan thlen a tul a. Pu Lalmama te hun lai kha chuan “…a lai hawlah Matric tal nise…” an lo ti thin a. Tunah erawh chuan “..a lai hawlah Graduate tal ni se..tiin thlak ta ila a dik awm e. Kohhran leh Khawtlangah kan phak ang tawka kan in hman theih nan chinchang kan hriat ve a tul a. Kohhran lamah pawh BD mai chu a tawk tawh lo! Tin, Sawrkar hnathawh chu sawi loh Kohhrana thawk tur pawhin lehkhathiam a ngai zel tawh a nih hi. Missionary tura kohna pawh dawng eng ang mah ila Lehkhathiam kan nih loh chuan thosi leh vaihmite karah, Lehkhathiam sang nih chuan, ‘rawngbawlna zau zawk..thosi leh vangvat awm lohna hmunah..a ni leh mai. Hawh u, i tang teh ang u.

Midang tana Malsawmna ni turin lehkha kan thiam a tul a ni. 3.

Damlo enkawl turin Doctor leh Nurse an tul a. Mi harsa zawk te tanpui thei tur chuan ‘Hausak mai bakah mi thilphal’ nih a ngai bawk a. Tin, midang zirtir tur pawhin mithiam nih a ngai leh a ni. Kan thlen/zir chinah thiamna kan neih a tul ta. Inchhung khur nuam

Chanchinbu,

Branch YMA,

Serkawn :

Kartin

Chhuak

Phek 3 - na

ti em em tan lehkha a zir tak tak theih loh. Serkawn pelin, State pawn, Foreign thlenga hnathawk thei tura kan inbuatsaih a hun ta. Serkawn chhuahsan i hreh lovang u.

4.

Mahni intodelh turin:

Kan nuna harsatna hrang hrang lo thleng tur kan lo hmachhawn theih nan leh kan intodelh theih nan inbuatsaihna tha tak kan neih a tul a. Inbuatsaihna tha nei tura kan tihtheih hmasakber chu Lehkha tha tak leh uluk taka zir a ni. Zawmthaw taka zir tur kan ni lo. Thufing 10: 4 kan en chuan – “Kut dawngdah chuan retheihna a thlen thin a, mi taima kut erawh chuan hausakna a thlen thin” a ti a. Sap ho hian ‘ka peih lo’ tih tlukpui tawngkam an neih ka hre lova. Japanese ho pawhin ‘hun awl’ tih sawina tawngkam an nei lo bawk. Tin, Kut hnathawh lam chu sawi loh, Zirna lama hlawhtling tur chuan taimataka zir a tul a ni. Intodelh tur hian In ren leh mamawh tihtlem hi kan tih tur hmasa a ni bawk a. Kan hmuhna lam chu eng ang pawh nise, Pawisa hman tur kan nei hi a lawmawm em em a ni, Amaherawhchu, mamawh lei nana kan sen ral hi nge tam ang a kan duhzawng lei nana kan hman, tih erawh chhut ngun a hun hle in ka hria. A tawp berah chuan, Zirlai leh Thalaite tana inhmehlo thenkhat a hnuaia tarlan hi vawng reng ila, nih ve loh hram i tum ang u, kan khawtlang tan: Thawhchhuah nei lo, pawisa mamawh hnem, thil man to hre thei tak. · · · · · · · · ·

Huau huau leh puipunna lama attendance tha fu, chhiatni-a kal ngai thak lo. Mitthi Lumen tlaivar ngeihlo . Hnatlang thawh ni khuaa kaihza thlan dupa thut. In lama tangkaina nei lo, pawn lama tangkai bawk si lo. Thatchhe chaw heh leh duh tui. (Tita 1: 12) Thangthar beng tlalo (TT 2: 40) Thluak aia pumpui chak Chaw ei laia thlan buah buah, hna thawh ve leh hil bul si. Mut nachang hre lo, thawh nachang hre bawk si lo.

Chhunzawmna YMATHUHLA Football Players Hriattirna: Vawiin tlai Dar 4-ah Inter Branch YMA Football a tel thei tur Football player-te Centenary mualah kal khawm tur a ni

Section-IV Hriattirna: Dt.22.8.2009 (Inrinni) nileng hian Section intihhlimna neih tum a ni a. Hemi denchhen hian inelna Item hrang hrang buatsaih ni dawn a, a tel tum te chuan Ni 12 hma in Section IV O.B te hnenah in report tur a ni a. Hetianghi entry fee leh inelna Item tur a ni ang:1. Corrom Bouble (open)

- Rs.20,

2. Dawl inchuh (open)

- Rs.20,

3. Chinese Checker (Hmeichhia) 4. Dratt (open)

- Rs.10,

- Rs.10

5. Chess (open) - Rs.10

Vol No.No.39 2 .3rd 8November 2007(Inrinni) (Inrinni) : : th Vol- -XV XVIII Issue Issue August. , 2009

Darthlalang Darthlalang

Chanchinbu, Branch Branch YMA, YMA, Chanchinbu,

INTERVIEW WITH ALAN LALHRIATPUIA Darthlalang : Class X leh XII kha khawi schoolah nge i zira, eng divisionah nge i pass han sawi hmasa phawt teh mai ? Alan : BHSS-ah ka zira, first divisionah ve ve ka pass a, class XII kha top tenah ka tling ve hlauh. Darthlalang : BE ( Computer Science & Engineering ) zir tura i kalkawng ? Alan : Class XII science ka pass hnuah Mizoram Technical Entrance Exam ka kaltlang leh a ni. Darthlalang : BE hi khawi college-ah nge i zira, i mark parcentage min hrilh ta che. Alan : University Visvesvaraya College of Engineering (UVCE), Bangalore University hnuaiah BE Computer hi 77.13% hmuin distinctionah ka pass ve. Darthlalang : Mizo dang zir puite an awm ve em ? Alan: Awm ve e, kan college hi Mizoram Sorkarin quota a neihna a nih avangin mizo kan awm nual a ni. Darthlalang : Hmalam hun te hi? Alan : Kan college-ah Company -in Campus Interview an neih kaltlangin Software Engineer hna Infosys Technologies Limited hnuaiah ka hmu ve a. Mahse, M.E zir leh kan tum avangin ka hnathawh tur hian a tihbuai deuh avangin, hnathawk lovin Pathianin rem a tih chuan Master zir zawm leh nghal mai hi ka tum ta deuh zawk a ni. Darthlalang : I lehkha zir dan lam ? Alan : Lehkha zir dana tha ka tih leh ka zir dan thin chu ; thiam chu thiam chian hle ringawt hi a ni a. Thil zir reng reng chhui ril neuh neuh peih hi a tangkai hle a, Pathian rawn chunga taima taka zir hram hram a tul bawk. Darthlalang : Serkawn tan enge tih i tum? Alan : Serkawn tana hmalak tum dan hi sawi tur a tam khawp mai. Serkawn hi BCM headquarters a nih angin thil pakhat vei ve deuh mai ka nei a. Entirnan, Kohhran Office-ah hian computer-a Operating System (OS) leh Softwares kan hmante hi pirated nge original ni ang le? Computer lama kal ka nih angin, computer software lamah hian mipuite hian awareness kan mamawh hlein ka hria. Computer nei tam zawk hian Pirated OS (eg. Windows XP) leh Application Softwares ( Pagemaker, Photoshop,etc)te pirated kan hmang nasa lutuk hi a Kristian lo hlein ka hria. Heng hi mi tam zawk chuan thil kan ru a ni tih hre lovin kan hmang mawp mawp mai a ni. Heng software kan hman te hi a to thin em avangin mi tam zawk chuan kan lei phak dawn lova, tih dan kawng dang awmte leh a free a hmuh theih OS leh Softwares hi inhmelhriattira, inzirtir a tul hlein ka hria. Hetiang kawnga inzirtirna lamah hian theihtawpa hmalak ve ka tum. Serkawnah hian bul kan tan thei a ni. Darthlalang : Darthlalang i lo chhiar ve ngai em ? Serkawn Website chanchin tlem nen.

Serkawn Serkawn :: Kartin Kartin Chhuak Chhuak Phek Phek 43-- na na

Alan : Website kaltlangin ka lo chhiar ve thin a, veng chhung chanchin inhriat pawh nan a tha khawp mai. Serkawn website hi 2004 vel thleng kha chuan Darthlalang.saptui.com tih khan Serkawn chanchin hmuh theihin a awm thin a, mahse, tih chhunzawm a nih tak lovah khan tih nun leh rilruah a lo awm a. Thiante leh rual ute ka rawn hnu-ah ti hian a lo awm ve leh ta a ni. Website puitlinna kawngah U Hlimpuian min pui nasa hle, tangkai zawka hman zel theih pawh ka beisei a ni. Tlangval Alana, Serkawn din khawchhuah nana Dikna hmachhuan duhtu, Pu. Zohmingsanga Pachuau leh Pi.Tlanghmingthangi te fa hmingkoh hi a hna zawm turin a liam thla leh ta a. Class XII Second Division-a pass pawm theilo, a hnu-a top ten-a lang ta kha a ni a! Alana hian, ‘Pathianin rem A tih chuan’ a ti thin a. Zirlai te tan a ni emaw kan khawtlang tan tanpui theihna a nei a nih phawt chuan a in hawng reng a ni. Ni e, Pathianin rem a tih chuan, Alan, kal rawh kal zel rawh le. Contact : Mobile No - 9972213133 Email -Alanpachuau @ gmail.com NREGA Tunkar thawhtanni atang khan NREGA thawh tan a ni leh ta a, Khawlai tihfai hna thawh a ni. Tun tum hian ni 7 thawh tur a ni. Tan Ni hian NREGA chungchangah Public Meeting Indoor Stadium-ah neih a ni a. Hetah hian, NREGA chungchanga thil hriattur tul leh mipui lam atangin zawhna leh sawihona te neih a ni. Hnathawktu thuah naupang kumtlinglo thawh loh nise, hei hi Sorkar lam pawhin a ngaihpawimawh, leh vanduai palh thilah pawh harsatna awmthei thil a nih avangin chhungtinte’n zawm hram turin kan inngen a. Tin, hnathawk turte a hun taka tan hman turin kal tum nise, hmanrua tha tawk tak ken chhuah pui tum ila, kan khawtlang tan a ke kan pennaah thahnemngai leh taima taka thawk theuh turin kan insawm in kan inngen bawk a ni. Tin, hlawhlak dan chungchangah Bank a lak hi thil buaithlak tak a nih avangin, VC ten a hlawma an lak hnuah an hnen atanga lak leh theih nise tih a ni bawk. Sport..... Naktuk (Pathianni) zan Inkhawmban hian EPL Season hawnna Community Shield (Charity match) Manchester United leh Chelsea te’n an khel dawn a ni. Hmuhnawm viau tura ngaih a ni.

Darthlalang ti ti U-Mawite-a te pawh ‘Turnipui kan do dai’ tih hla han zir meuh chuan, Nakum lama Lo neih a chak rum rum mai a lawm. Mahse, a lawmnu thin te erawh tunah chuan fanau nen an in pawmbawr tawh si...... Tunlaiah chuan“Tleirawl chherchhuah” an ti tawh ngai lo ‘Catch Them Young’ an ti tawh... Tu sawi nge ?? Tun tum naupang pual chu ‘Zirlai Pual’ hi kan ti mai. Naupang te’n chhiar vek kan tum dawn nia.

Published and Edited by C.Lalbiakzuala for and on behalf of Branch YMA, Serkawn : Printed at BPP Serkawn ,

500 Copies