Bma Aw: 26th April 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 4

Bangalore Mizo Association Pathianni Tin Chhuak Chanchinbu

BMA - History Siamtu by Rinrini Pa Luikawr ruam leh mual tam takin kar min dan tawh rih mah sela, tunlai information technology hmang hian hmana tual ka lo chai ve tawh na thin Bangalore khawpui a Mizo Society-ah hian eng thil nge thleng a, thuthar duhawm hriat tur enge awm tih hi chu ka lo hre ve zel a. Thu lawmawm leh hriat nuam tam tak ka dawn rualin a hriat nuam lo leh pumpelh atan a duhawm tak tak te pawh ka hre tel ve zel bawk a. Famkim lohna khawvel a la nih miau avangin kan duhthusam a thleng kim thei lova, mi chi hrang hrang khawsa ho kan nih avangin kan in beisei ang diak diakin kan khawsa thei lo a nih hi. Mahse, khuarelah chuan hetiang thilte hi hring nun ti famkimtu a ni tlat lawi si a. Famkimlo mihring tan chuan thil tam tak hi hriatfiah rual loh a ni reng a ni. A hlimawm lo lam sawi turin tun tunah hi chuan ka hun hlu tak leh ka tha leh zung sente khat pawh sen ka tum lo. A hlimawm lam leh a nuam lam chauh ka thlir dawn. A chhan dang engmah a awm lo. A chhan awm chhun chu Bangalore Mizo Minu Pawl in Bangalore Mizo history-ah bung thar an keu vang a ni. BMA hruaitu 2009-2010 thlanna result ka hriat ni chuan ka rilruah Pi Nutei (Dr. Lalrinawmi Ralte) hming a rawn lut hmasa ber. A awm lo ka ti miah lo. Inthiamlohna pawh ka nei miah lo. Pi Lalrinpuii, mi tam takin Nu Rin ti a kan koh ngei mai kha BMA President atan thlan tlin a ni miau alawm. Sawi leh selna karah huaisen tak leh chhel takin Bangalore Mizo Hmeichhia (amah Pi Nutei tawngkam takin “minu”) te dinhmun chawikang tur leh lei rem an rah ve nana a thiamna leh finna mai piah lamah a tha leh zung a lo sen tawh zawng zawngte ka ngaihtuah letin ka rilruah a hming a lo lut hmasa ber kha a awm ka ti khawp mai. Kei chauh ka niin ka ring lo. Bubaneshwar lama awm ta ka thianpa, lukawlh thin, James-a pawh a nih ve tho ka ring. Ani phei chu Pi Nutei chaw ei dawhkan lo kil fo tawhtu a nih avangin kei aia nasa zawkin a rilruah a lut ngei ang tih ka chiang bang. Thianpa Zadingluaia, Edinburgh lama in zuah buk ta, pawhin inthlan result kha a lo hre tawh a nih ngat chuan a rilruah Pi Nutei bawk a lut hmasa em em ang tih ka pawm thlap. A chhan chu maw, Mizo hmeichhiate dinhmun kha a vei ve em thin asin. Chutiang bawkin Rev. Zara (tuna Kolasib Hmar veng Pesbyterian Kohhran bialtu) pawh hian BMA in a vawikhatna atan President-ah hmeichhia (awh ka tih palh “minu”) thlantlin a ni tih hria se chuan lawmpuina thu President thlan thar leh Pi Nutei hnenah a tahwn em em in ka ring. A chhan chu maw, ani hi Mizo pa ah chuan hmeichhe dinhmun siamthat ngai pawimawh ber a ni hial ang. Ani aia ngai pawimawh hi an awmin ka hre lo. A chhan chu, ani chuan a zirin a zir tlat. M.Th degree lak nan “Feminist studies” a hmang ngam ngat asin.

Date: 26th April 2009

Kan President thlan thar pawh hian lawmpui a phu khawp mai. Kawng engkimah Bangalore a Mizo society tan hian a tlanchhe ngai lo ti ila ka sawi sual ka ring lo. Thalai zawkte rilru leh ngaihtuahna a tawmpui thiam em em a, chutih rual chuan upa zawkte a en khum ngai lo. A zia hi mak deuh asin. Mi zawng zawng neih ve chi pawh a ni lo. Hrisel leh viak tha tan lo chuan a hnungzui pawh hi huphurhawm tak a ni. A secretary atana thlantlin a awm hi Pathianin damna leh hriselna tha pe mawlh mawlh rawh se. Hretiang dinhmun BMA in kan thleng hi a lawmawm ka ti khawp mai. India ram hmun hrang hrangah Mizote kan in sem darh tha viau a, Bangalore anga hmeichhe President nei hi an awm ka la hrelo a, a hmasa ber kan ni hialin ka ring. Hei hian rei tak chhung chu sawi a hlawh tawh dawn a ni. A ropui e. Pathianin BMA hruai zel rawh se. (He thu ziaktu hi BMA hruaitu lo ni tawh thin Pu K.

Laltlankima ani a, Pi Mabiaki nen innei in tunah hian an chhungkua in Manipur ah Pathian rawngbawlin an khawsa mek a,.BMA tana thahnemngai taka thawk thin mi ani. An hun kal zel tur ah duhsakna kan hlan e.)

LOK SABHA Inthlan Thawhhnihna Zawhfel Ani Ta Ningani kal ta khan Lok Sabha Inthlan thawhhnihna chu tluang takin Bangalore khawpui ah neih ani a.Kan hriat theuh angin BMA Senior Adviser Dr. H.T.Sangliana chu Bangalore Central-a INC ah candidate ani a, tuallai titi leh intelligent report atanga hriat theih chinah chuan Bangalore Central-a candidate 37 awmah INC-in vote an hmusang ber anga, BJP leh JDS-in an dawt anga, INC candidate hian vote 80,000 aia tlem loa hneh turah an ngai. Tawngtaisaktu mi tamtak te, Kristian pawl hrang hrangte tanlaknaah te Pu Sangliana hian lawmawm a ti hle.Bangalore a Mizo hnahthlak hrang hrang te pawn vote hi an thlak a, Inthlan result hi May 16 ah puan ani dawn ani. Hriattirna ESSAY ZIAK LEH HLA PHUAH IN ELNA Silver Jubilee lawmna denchhen hian zofate khawvel hmuntina awm te huap in Essay inziaksiakna leh Hla in- phuahsiakna neih a ni dawn a. Zotawnga ziah tur a ni. Essay thupui atan chuan “ Zofate hmasawnna zinga langsar zualte” tih a ni a, Hla inphuahsiak thupui atan “Zofate hmasawnna lam hawi” chi reng reng a ni thung. Essay sei zawng hi thumal (words) 1500 aia sei lo ni tur a ni. Hla (poem) sei dan hi chang 3 leh thunawn a ni thei ang.Essay leh Hlaphuah atan lawmman a hran ve vein: Cash prize : 1st prize Rs. 2000/- Second Prize Rs. 1500/- third prize Rs. 1000/- a ni ang. THEH LUH HUN LEH THEHLUHNA TUR July 15, 2009. Pi. Lalrinpuii, H.no. 90, 17th B-main road. 5th block. Koramangala, Bangalore-560 095. Kanataka ah emaw a soft copy thawn duh tan [email protected] thawn theih a ni.

Vol. XV Issue No. 4

HBR layout, HRBR layout, Ramurthy Nagar, KR.Puram, Kristu th

Bangalore Mizo Association Pathianni Tin Chhuak Chanchinbu jayanti college,

Date: 26

April 2009

Editorial Pathian hi min siamtu anihna ang hian min hre chiang em em a.Kan rilru kalhmang, sukthlek dan, kan duhzawng leh ngaihtuahna zawng zawng hi a hre vek ani. Kei ngei pawh hi a duh taka min siam ka nih avangin min hrechiangin min hmangaih em em a. Amah hlata awm tir hi min duh reng reng lo, a chhan chu Ani tel lo chuan nun hi a buai nuaih tawh thin a. Keimahin ka kal thiam lo tih a hria a.. Ka chunga hlimna a lo thlen a, nuntluang purh, hlimna ka chan mek lai chuan hrehawmna ka tawh lai ai te'n Pathian ka lo au tlem thin a, amah pawlna hun neih tam a har thin hle.Mahse Lal Isua chuan amah bia a, engkima amah rawn chung leh innghat tlat chunga nun hman tir min duh a, chuvangin harsatna lo thlen a, kan han mangang tak tak hi chuan Amah kan au kan au a, kan trap a, rilru leh tihtakzetin a tanpuina leh khawngaihna kan dil thin. Hei hi Lal Isua duhzawng tak anih avangin, amah ka biak tamna anih phawt chuan ka nun ah manganna te alo thlen thin zawk alo ni. Chuvangin , mi mal tin te hi kan mizia leh chhungril nun hrang theuh te min hre hrang theuh angin, kan chunga thil lo thleng leh tawn te a in ang lo theuh a, a tul angin min siamtu Pathian chuan kan tana tha ber tur theuhin ro a rel zel zawk a lo ni. chuvangin, i chunga thil thleng mek leh tawn mek ah khan Pathian hnenah lawmthu sawi zawk la, Lalpa hian thinlung lawm tak hi a duhzawng ani. Harsatna tawk chung pawha Lalpa -a i lawmna chu i chakna lo ni se, Pathianin A malsawmna i tan bik liau liaua a dah chu i chang ngei ang. Lalpan malsawm che rawh se!

Kothanur, Saiacs, SABC, Kammanahalli, Hennur,Garden city college (T.C.Palya)

3. VANKHAMA Section Leader : Blessy Sailo Secretary : Lalnundika Hnamte Koramangala, Ejipura, Viveknagar, Austin Town, Adugodi, Madiwala, HSR Layout, Electronic city, Shanti Nagar, Jayanagar, Wilson Garden, Indiranagar leh a chhehvel, Airport road, BTM layout, JP.Nagar, Victoria layout, Richmond Town, M.G.Road, St.Marks Road, Lavelle Road.Annapalya, Christ college leh a chhehvel. Nimhans leh a chhehvel.Laksandra, Bannerghatta, Dairy Circle.

4. P.S.CHAWNGTHU Section Leader : Tluangpuia Secretary : Joseph AREA 1V : Dr. AIT college leh a chhehvel zawng zawng, Nagarbhavi, Vijaynagar, Bhanashankari, Bangalore University, Mysore Road, Magadi Road. TUALCHHUNG NEWS §

BMA Vice President, Rev. P.C. Lalduhawma chu hun engemaw chen a pa damlohna avanga Kolkata a thang hnu in Bangalore khawpui a rawn thleng thla leh ta.

§

Dr.C.Silvera – Cabinet Minister hlui chu a tu te admission buaipui turin Mizoram atangin nizan khan Bangalore an rawn thleng.

§

Pu Chamtea, UTC te chhungkua pawh Mizoram lam ah nau nei turin tunkar kalta khan Bangalore an chhuahsan.

§

BMA President , Pi Lalrinpuii chuan a phone number a thlak a, amah be duh chuan a number thar - 9241788268 ah biak tawh tur ani.

§

Vawiin inkhawm ban atang hian BMA Membership form chu biakin kawt ah chhawpchhuah tan ani. Thil man te a to chhoh zel avangin BMA membership fee pawh nikum aia san hret ani. Member nih hi Bangaore Mizo zawng zawng te’n kan tih makmawh ani a, mi tin te’n I ngai pawimawh ang u.

§

BMA Senior Adviser, Dr.H.T.Sangliana pawh hna tul pawimawh tak avangin Mysore ah a thang mek.

§

Nl.Saizampuii pawh Vellore ah treatment la chhunzawm turin May thla tir hian a phei leh ang.

§

College Zirlai tam tak in exam lai ani a, member te’n zirlai te I tawngtai pui thin ang u.

§

Nl.Muansangi , Mt.Carmel a zirlai chu an college step ah a tlusual a, tunah hian a nghawng a sawh nat deuh avangin in lam ah enkawl mek ani, exam hmabak mai anih avangin Member te’n i tawngtai pui ang u.

§

Damlo dang te – Pi Machhungi, Pi Rita , Tv.Chhantea leh Pi Seni te kan tawngtaina ah theihnghilh lo ila, tin, Pi Tetei w/o Pu Athang fapa nausen, hun engemaw chen Columbia Asia Hospital a damlohna avanga enkawl pawh thatlam a pan zel e, I tawngtaipui zel ang u.

BMA AREA 4 AH THEN FEL ANI TA Bangalore ah Mizo te kan lo pungin, kan in pharh zo ve ta hle a, chuvangin BMA chuan nikum atang khan chhiatni, thatni a in tawiawm awlsam zawk nan leh, member te kan in hriat chian lehzual nan, area hmun li ah a then a, hei hi BMCF area in then dan nen pawh a danglam lem lo niin a lang – tih hmaih palh leh chiang lo deuh a lo awm anih chuan hruaitute hriattir ni se a lawmawm hle ang. A hnuaia mi hi area 4 te chu an ni e 1. LALSANGZUALI SAILO Section Leader : Samuel Buatsaiha Secretary : Thaarie Hnamte AREA 1: Benson town, Vasanthanagar, Jaymahal, Palace Road, Marappa Garden, RT.Nagar, Rajajinagar, Dollar’s Colony, Malleshwaram, Mathikere, KR.Circle (UVCE College ) J.C.Nagar, Majestic, MS..Ramaiah Nagar, New BEL Road, Commercial Street, Shivaji Nagar, Hebbal, Sanjay Nagar, Yesvanthpur, Chinappa Garden.

2. ROKUNGA Section Leader : Lalthakimi Secretary : Amos Lalremtluanga AREA 11 : Ulsoor, Cambridge layout, Cox Town, St.Thomas Town, Cooke Town, Hutchin’s road, Byapanahalli, Frazer Town, Cole’s Park, Lingarajpuram, Banaswadi, Kalya nagar,

Vol. XV Issue No. 4

Bangalore Mizo Association Pathianni Tin Chhuak Chanchinbu

Date: 26th April 2009

vaibelchhe 50 chu Asian Development Bank (ADB) atanga puk tur a nih avangin plan-ah dah a ni a. Heta cheng vaibelchhe 30 chu kum khat chhung atana mipui MR atan hian dah a ni a, a bang zawng vaibelchhe 20 la awm zinga vaibelchhe 10, Bajaj Allianz-a an dah bak zawng chu tunah hian health care society kutah hian a awm mek niin health and family welfare department changtu minister Pu Lalrinliana Sailo chuan Evening Post a hrilh.

MIZORAM NEWS Ø

Ø

Ø

Ø

Ø

Malaysian kickball emaw Indonesian volleyball emaw tia an sawi thin, volleyball court anga duan court chhunga ke hmanga net pet khuma ball pet ‘sepaktak-raw’ intihsiakna 3rd Federation Cup Sepaktakraw Championship chu Thawhlehni khan McDonald Hill-a Govt Mizo HSS School Auditorium-ah Mizoram Larsap MM Lakhera’n a hawng a, Nilaini khan zawhfel nghal niin, Manipur chu a hmei-a-pain a pumpuiah team champion an ni. 2006-a Lunglei lama Youth Idol an thlan atanga mi hriat hlawh tan TBC Zaithanpuia album pathumna ‘Nunhlui Liamhnu’ tih chu MZI president P. Lianhrima chuan Thawhlehni zan khan Zozam Studio-ah a tlangzarh.He tlangzarhna hun hi studio neitupa Sangzela Tlau chuan a kaihruai a, zaithiam leh fiamthu thiam ten hun an hmang. "Kham kar zim te-ah hian lar kan lo zo lo ve ngawt ang e’ tih tawngkam Pi Tlangthanmawii tawngkam chu kalkhawmte hian an lawm hle. He tawngkam hi zaithiamte tan inzirna tha tak a nih ngei a rinawm a, an larna chu a chhe zawnga hmang lo a, a tha zawng hmang turin thiam takin a fuih. He album hi ziah tawh angin CD leh audio cassette pangai siam a ni a, hetiang zawrhna dawr hrang hrangah lei theih nghal a ni. (Courtesy Evening Post) LPS Cable TV atanga live-a pekchhuah tur LPS Promotional Fight chu Zirtawpni chawhnu dar 2 hian Mission Vengthlanga SAI Contact Sports Centre-ah khelh tan a ni a, boxer 500 chuang an inlan. Aizawl-a AR Lammualah Nigerian XI leh Mizo footballer te an inkhel dawn.Mizoram football Association chuan kum danga an lo tih tawh thin angin tanpui ngaite tanpuina inkhel, ‘Charity Match’ a buatsaih leh dawn a, kumin chu kangmei vanga nunna chante tanpuina pual a ni ang a, April 29 leh May 1-ah an inkhel ang.Nigerian XI tih hian India ram leh a chhehvela Nigerian player-te an inchah khawm a, season an hmang zo an ram lama haw tur an awm khawm lai tak a ni. Nimin lam khan player tel turte ticket pawh lak a ni tawh a, Mohammedan Sporting, OLI India, Air India, ONGC, Mumbai, ND Heroes etc-a playerte an ni hlawm a, Nigeria hlang an ni dawna ni. MFA lam chuan team pahnih a siam dawn a, Mizoram chhunga khel mizo players-te chu team pakhat zawk an ni ang a, Mizo player state pawna khelte team dangah an awm bawk ang. Hei hi Mizorama inkhel danglam ber zinga mi a ni dawn a, inkhel hmuhnawm tak, Mizo player-te enchhina hun remchang a ni ngei ang. (Courtesy Vanglaini) Mizoram Health Care Society sum cheng vaibelchhe 10 lai mai chu khawih chet theiha a awm loh avang leh a hmaa health care scheme kalpuitu Reliance company lamin medical bill chinfel loh nasa tak a la neih avangin sawrkar tharah chuan heng buai hi chinfel a nih phawt loh chuan health care scheme, mipui medical reimbursement hi chhunzawm theih a nih rih loh tur thu sawrkar lam atangin thu dawn a ni.Sawrkar hmasaah khan health care scheme atan hian kum khat chhunga hman tur hi cheng

Ø

Ø

Ø

Ø

Khawchhak (Myanmar Chin Hills) lam miten Mizorama bike-te ruin Mizoram khawchhak tlangdungah an tlanchhohpui a, Tiau lui kan theihna remchang atangin Myanmar ram an kaipui thin a, hetianga Myanmar an kai pui hma hian Mizoram khaw chhak lama khawtlang mite chuan misualte hi man tumin an lo bei a, an hlawhtling hnem hle nghe nghe.Khawchhak lam atanga Mizoram bike ru thin tute hian Khawbung leh a chhehvel khi an paltlang thin niin thu dawn a ni a, Tiau ral an kai tawh chuan umzui theih an nih tawh loh thu an sawi. Lunglei Electric Veng-a inneih ruai kiltu mi engemawzat an damloh chungchang chhuichiangtu enquiry committee chuan April 20, 2009 khan Lunglei DC hnenah final report an thehlut a. Damlohna thlentu hi bacteria chi khat ‘Salmonella’ vang a ni, an ti.Hemi nia an ei vawksa thing hi laboratory lama an enfiahnaah he bacteria hi an hmuchhuak a, vawksa hrisellohna hrim hrim vang lam nilovin eitur an sawngbawlna ah hian ’samonella’ hi a kai ta niin a lang. Lunglei Civil Hospital-a thawk leh he enquiry committee-a member ni bawk Dr. Rothangpuia chuan he thil avanga damlo damdawi ina an enkawl te nat dan an sawi atang leh an enkawlna an damthatpui atang pawhin he natna hi a ni tih a hriat theih niin report-ah hian a tarlang bawk.He bacteria chikhat mihring-a a luh hnu hian an taksaa natna do theihna chak leh chak loh a zirin kawthalo, luak, khawsik leh natna dangte an kai ta nia ngaih a ni.Lunglei SDPO PC Lalchunglura kaihhruai enquiry committee chuan eitur thianghlim neihna tur rawtna thlen nghalin ei tur siam tawh te rei tak tak dah loh a, ei theiha semchhuah thuai thuai a that thu leh, dah that dawn pawhin refrigirator-ah dahthat thuai thuai nise an ti a. Ruai siamnaah ei siamtute fai leh thianghlim inzirtir a tul thu te pawh an tarlang tel a ni. (Courtesy Evening Post) Mizoram University (MZU) chuan April ni 25 (Inrinni) chawhma dar 10.30 atang khan Foundation day a lawm.He programme-ah hian MIZUTA president Prof H Lalramnghinglova chu chairman a ni, IDAS, Registrar Benjamin-an Highlight of progress and XI Plan a sawi a, Prof AN Rai, Vice-Chancellor chuan thu a sawi bawk. Kum 2008 - 2009 chhunga Young Talented Artistes Award chu Mizo chhuanawm R. Lalrinsanga, Ramhlun ‘N’, Aizawl (Traditional Music Instruments) leh C. Lalbiakhlua, Edenthar, Aizawl (Cane & Bamboo) te pek an ni. He Award hian Rs. 10,000/-(Cheng singkhat), Thuziak mawi leh TA/DA a keng tel. Lawmman (Award) hi ni April ni 30, 2009 (Ningani) chawhma dar 10 khian North East Zone Cultural Centre leh Art & Culture Deptt., Govt. of Mizoram tangkawpin North East Seminar-cum-Festival on Folk Drama, Vanapa Hall-a neih turah an lawmman hi hlan an ni ang.

Tunkar Changvawn:

“ Hmuh awla a awm

lai hian Lalpa chu zawng ula, a hnaih lai hian ko rawh u.” – Isaia 55 : 6

Vol. XV Issue No. 4

Bangalore Mizo Association Pathianni Tin Chhuak Chanchinbu

LAWRKHAWM q

q

q

Indus Valley civilization hun laia mite chuan ziak leh chhiat an lo thiam tawh niin mithiamte chuan nimin khan an sawi. India scientist rualte chuan an tawng hi Tamil, Sanskrit leh English nen a inhnai hle niin an sawi a, an thil hmuhchhuah hi chanchinbu pakhat Science-ah an chhuah.Indus valley civilization tawng chu tawng la hriat loh a ni, an ti. 2004 khan Indus Valley-ho thil ziak hi tawng mumal awm lo sakhuana leh politics thila chhinchhiahna (symbol) mai a ni tiin article chhuah a lo ni tawh a, mahse, zirchianna thar avangin he ngaihdan hi thlak a ni mai thei ta a ni. Thlak a nih tak tak nan erawh chuan hun a la ngai ang a, mithiamte pawhin an pawm tlan a ngai ang.Tata Institute of Fundamental Research, Mumbai, Institute of Mathematical Sciences leh Indus Research Center, Chennai scientist-te hian Rajesh Rao, Washington University nena thawkhoin Indus civilization thuziakte an zirho a, ngaihdan thar an nei ta a ni. Album hlui leh slam book atang hian nupui-pasal neih huna inthen leh tur inthen lo turte a hriat theih niin mithiamte chuan an sawi.Livescience-in a sawi dan chuan psychologist-te hian thlalak hlui atangin nupui-pasal neih hnua hlim zui leh hlim zui loh chungchang hi an zir a. Hemi zirchian nan hian college yearbook hluia thlalakte la khawmin a nui tam deuh leh tam lo deuh an thliar a, chi hrang hrang 10-ah an then a ni. A nui tam bera an dah zingah hian nupui-pasal then an awm lo, a nui tlem ber zingah chuan palia pakhat zelin nupui-pasal an then niin Livescience chuan a tarlang.Zirchianna dangah mi 65 chuang chu an naupan lai atanga an thlalak hrang hrang pe khawm turin research beitute chuan an ngen a, thlalaka nui tam deuh zingah chuan 11% chauhin nupui-pasal an then leh a, nui tlem deuh zingah chuan nupui-pasal then leh hi 31% an awm thung."Nuih hian nun hi a tha zawngin an thlir thiam tihna a kawk a ni mai thei," tiin he zirchiannaa a khaipa ber Matthew Hertenstein, DePauw University, Indiana chuan a sawi a. "Nuih hian mi a hip avangin an lo inkawp hnuah pawh an inrem awlsam bikah, inneih pawh an innei tluang duh pawh a ni thei tho," a ti bawk. Nuclear test-in a kaihhnawih natna chi hrang hrang avangin China-ah mi 190,000 vel an thi tawh niin research beitu pakhat chuan a sawi.China hian Gobi desert-ah nuclear a test-naa kal thin sipaite chuan kutlawngin radioactive kehthem an khawih thin a, boruak atangin bomb kehthem a lo tla leh a, sipaite chu an thih hun tur awm aia hmain natna mak tak tak veiin an thi a, nausen cancer veiin an piang bawk.Nuclear test-na hmun Lop Nur, Xinjisang province-ah chuan sipai bik Unit 8023 chu thawn an ni a, chu lai hmun chu tun thlengin hmun thuhruk a la ni. "Unit 8023-ah kum 23 ka awm tawh a," tiin sipai upa lam tawh pakhat chuan, "Ka hna chu bomb puahna hmuna va kal a a kehthem lakkhawm leh hmanruate endik leh hi a ni," a ti..

Editor: Thaarie Hnamte – (Mb) 9886145877 Jt.Editor - Madawnga Hauhnar Cir.Managers – R.Lalremruata, Amos Lalremtluanga & Sawmtei Khawlhring Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Date: 26th April 2009

( Hriselna Huang ) Zeng (stroke) kan tih mai hi eng hunah pawh mitin chunga thleng thut thei a ni. Engmah titheilovin, thawklehkhatah, zan khat thil thuah kan awm thut thei a ni. Tin, he natna lo vei tawhte zinga dam chhuak leh te hi za a 50 (50%) mahnia in saseng theilo, nasa taka enkawl zui ngai an ni. Zeng han nih ringawt mai hi thil khirh tak chu a ni. Mi thiamte lo hriat tawhna atanga an sawi danin, he thil rapthlak tak, zan khat thil thua ramtuileilova awm theihna mai hi za zela 80 (80%) vel hi risk factors (zeng kan lo nih mai theih dan) kan hriatthiam chuan ven theih a ni. Zeng Natna Lo Lan Tantirh Dan: (Warning Signs) 1. Thawklehkhata khaw hmuh that theihloh thutna (blurring vision) emaw thil hmuh phir thutna. (double vision) 2. Hmai hik thutna (numbness of the face) emaw kut leh ke emaw, pangkhing leh lam chaklo thutna. 3. Atna (disorientation) 4. Tawng fiahlo emaw tawng harsatna. 5. Luhai vanga kal tha theilo. (loss of balance) 6. Engmah a chhan tur awm hriatlohva lu na em em awm thut. He natna venna atana tangkai tura kan nitin chaw a tel ngei ngei tur thenkhatte leh he natna zeng hi vei mek te tan a tanpui thei tur te, mi thiamte sawi atangin han tarlang ila: Whole Grain Cereal (Thlai Fangnei Chi), Balhla, Purun Var (Garlic), Thei pilsak chi (nuts), Sangha - abikin Salmon, Cherries Thei, Serthlum Tui, Bepui (Lima Beans), Avocado (Butter Thei). He zeng natna khirh tak laka inveng tur hian tihtheih kan nei a Chhungkhat lainate emaw mahni ngei pawh min han man thut sela a rang thei ang bera damdawi pan vat a, damdawia inenkawl vat a tha. Minit tlemtea khawtlai pawh hian ramtuileilova in chhuah mai theih a ni tih hi hriat reng a pawimawh hle. A chunga symtoms kan han tarlan te hi kan lo la hre ngailo anih chuan zir ngun ila. Natna reng reng hi, cancer tepawh a punlun hmaa enkawl vat anih chuan dam leh theihna a ni deuh vek. Chutiang bawkin he zeng natna pawh hi a tantirhtea kan hriat a, damdawia kan enkawl vat chuan that chhuah leh thuai theih a ni. (Source:Health Ministry, First Mizo SDA Church ) QUOTE OF THE WEEK Watch your thoughts before they become words. Choose your words before they become actions. Understand your actions before they become habits. Study your habits before they become your character. Develop your character before it becomes your destiny. BMCF INKHAWM PROGRAMME DATE: 03.05.2009 Hruaitu : Pu Levis K.Lalsiamliana Tantu : Nl.Lalhmangaihi Tlau Thawhlawm hlan : Tawngtairual Thusawitu : Rev.H.Lalthlamuana Special Number : Nl.Debbie Lalnunhlui