Bma Aw: 12th April 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol. XV Issue No. 2

Bangalore Mizo Association Pathianni Tin Chhuak Chanchinbu

Date: 12th April 2009

Hmasawn turin hmasawnna SeminarSeminar-ah Malsawmdawngliana Lailung

Thihna hnehin a tho leh ta, Hallelujah! Ahmasain, Easter chibai ka buk a che u. Tholeh Krista chuan a hmangaihna, hlimna leh thlamuanna in tikhat che u rawh se. Ringtu hmasate ata tawh Kristiante kùt pawimawh ber chu Easter a ni; vawiin ni thlengin urhsun takin kan serh thin. Kumin Easter kan hman tak pawhin rah tha a chhuah ngei i beisei phawt teh ang. Kum 325 A .D. hma lam kha chuan Kristian ten Easter hi Pathianni kher lo, kar khata hun remchangah an hmang thin. Nicea khawmpui 325 A .D. ah, Lal Constantina chuan Easter chu lei puma chhun leh zan a inchen ni (March 21) emaw a hnulam emaw hnua thla bial hmasak ber atanga Pathianni hmasa ber a serh turin dan a siam a. Chumi zul zuiin, Easter chu kùt ni in sawn thei ni ta zelin, March 22 leh April 25 inkar a Pathianni engemaw berah serh a ni ta zel a ni. Kristiante tihduhdahna ram pakhatah, milem be duh lova Lal Isua thlang tlattu te chu tanin (jail) ah an dah a. Misual dang awm ve te nen an tàng hova. Dam chhunga Krista auchhuahpui thei tawh lo tur a khungluh an ni. Hun rei tak an tan hnuah, ni khat chu Biakin dar ri ni awm tak hi an hria a, an ngaihven ta hrà hlawm a. An zinga pakhat chuan a kekawr ipte atangin calendar te tak te (a kal hma a an nu in) a pai ruk tàt chu a han phawrh a. An chhut chet chet a. Chumi ni chu Lalpa thawhlehni kùt (Easter) a lo ni reng mai le. An inhawr khawm a, kut insuih leh hlim hmel fahranin, ringlo mi tàng ve te pawh sawmin, ‘Lal Tawngtaina’ an sawi ho ta a. An mittui a tla nasa hle a; lawmna chibai an inbuk bawk. Krista avang tuar thei an ni chu lawmin, ringlo mite pawh chu Kristian ah an inlet ta hlawm hial a. Thlarau hnathawh hi a ropui teh e! Tihduhdahna awmna apiangah Kohhran an chak a, ringtute an phurin an in hmangaih thin. Chutiang tihduhdahna tawk ve lo mah ila, atak a Krista kan nuna lantir leh a Lalram tan a thawk zel tur a sawm kan ni. Tholeh Kristan kan mamawh te min phuhruk sakin mal min sawm theuh rawh se. Amen. ( A chunga Easter thuchah tawi kan han tarlan tak khi Pu Denis Lalfela, Rome article “ Thihna hnehin a tho leh ta, Hallelujah! “ tih atanga lakchhuah ani. Article pumpui chhiar duh tan www.misual.com ah a awm e.)

Sawm kan ni: Silver Jubilee Secretary Pi Rinpuii hnen atang a sawmna ka hre phat kha ka huphurh nghal em em a. Enga ti nge keini ber kher? Fiamthu Kut pui te hi an buatsaih zawk em ni? A hun a thlen dawn te kha chuan, he no hi min lak kian sak rawh..tih ve mai ka nap tawh nia! Ka huphurhna ti zual turin Pu Rinawma hian format changkang tak tak a rawn duang a, kan hmasawndan min rawn zawt zeuh zeuh bawk a. February thla ber kher hi kalo buai ve em bawk a. Kan University-a seminar ka nei zo chiah mawng pawh hung hmanloin Arunachal University-ah ka han tlan leh vang vang a, Chutah Baroda University-ah lecture pe tur a sawmna ka dawng zui bawk a, mahni tawkin ka buai a ni. Engpawhnise ka program tawp berna hi chu cancel a, Bangalore-a min sawmna chu Mizo ka nihna ang a kohna hialah ngai in rawn kal hi ka ti thlu ta a ni. Ka inbuatsaihna: Thian tha te Zoram haw apiang lehkhabu ka chah a, Mizo te hian hmasawnna kanlo nei meuhlo nge maw ni!? Lehkhabu lah chu a vang em em mai a. Music lam phei chu kan uar ang hu in a chanchin ziahna kanla nei mumal lo a. Ka hmuh chhunlah Sap zaithiam chanchin te a ni hlawm a. Internet a Mizo site zawng zawng ka dap khawm a. Marokima (Music Plus), Victor (De Scavenger Project), Saka (LPS) etc., leh helam a mi tui awm deuh deuh telephone/yahoo msg. in ka han interview chiam mai a, idea tha tak tak min rawn pe bawk a, ka thaw huai! Mizoram Science and Technology site lah chu Under construction a lo in ti ruau mai si a. A that hunah chuan Science and Technology lam a kan hmasawnna chu kan hre ve ang chu. Nitin chanchinbu chhuak te, thlakip chanchinbu te, lehkhabu hrang hrang ka han khawn khawm chuan ka dawhkan chu a hnawk ve niaih a. Kan University Library atangin tlem a zawng ka khawm bawk a, buaina pakhat chu a veng ta. Phuloh Chawimawina! Bangalore chu zing dar 7:30 am velah kan thleng a, Dr. Lalrinawmi station-ah a lo awm vang a, a thlamuanthlak khawp mai. UTC-a an khualtha te thlenna nd Ecumenical Resource Centre-ah 2 Floor room no 303-ah min thlen tir a. Min chei lal lutuk a, chhiahhlawh chei ang mai kan khawr ru hle a, khawdang sial ang maiin kan hawi ru ru mai a ni. BMA hruaitu te ( an hming lam sen a nilo) leh Ka thian te Ben-a leh Sissy te, Muanpuii te in tanpuina ah kan lawm hle. Tak a! In memento min pek hi Oscar te kan hrechhuak rum rum a changkang a nia. Seminar chu: Pathian khawngaihna avangin seminar hi ka lo kal ve nual tawh a, BMA seminar hi world class seminar a ni tih chhuang takin ka sawi duh a. Seat arrangement leh Projector hmandan te, Seminar chairperson in thiam tak a hruaidan te, mipui lama tang pawh hetiang ang a mite’n min hlutsak paper hi kala pe ngai lo! Zirlai exam lai a ni a mipui lam ka beisei tam ngamlo, amaherawhchu khatiang zat kha kan la kal khawm thei a a lawmawm khawp mai. Mipui lam atang pawhin keini ai a

Vol. XV Issue No. 2

Bangalore Mizo Association Pathianni Tin Chhuak Chanchinbu

Date: 12th April 2009

Editorial BMA AW chhiar tu zawng zawng te kan Lal Isua thawhlehna ni champha ropui takah hian BMA Editorial Board chuan Easter Chibai a buk vek a che u ! Tun tum BMA AW ah Tv Sawmtea’n Bangalore Mizote tana thu hriat nuam tak tak mai te min han ziahsak hi kan lawm hle ani. Kan hma lawk inthlan lo awm turah kan hriat theuh angin Dr.H.T.Sangliana BMA Patron chu congress ticket in candidate tur ani a, Bangalore Mizote pawhin kan theih ang tawka tawiawma kan tawngtaipu a mamawh takzet ani.Kan rilru ah I hre reng ang u ! Thu dang daih han sawi ta daih ila,, Mizote hi tlawmngai hnam kan ni kan ti fo thin, a chang chuan kan inrawlh lohna tura hriat ah pawh kan telh loh theih loh hun a thleng thin, a bik takin khawtlang a kan chen hona ah, chumi hun ah chuan Mizo tlawmngaihna ngei mai hi kan vawn nun zel a ngai ani. (Hmasawnna turin…phek khatna a article chhunzawmna) thiam zawk leh ngaihtuahna hmang tak tak an awm tih a hmuh theih. Seminar paper kan pek hian thenkhat kan hriatthiam loh thin chu engkim mai hi paper a kim turah kan ngai thin a. Paper pe tu te hi a hawng tu/kam keu tu mai an ni a, ngaihdan hrang hrang awm theihna kawng min kawh hmuh tu te an ni. Seminar Hall atang a kan chhuah hian seminar kha a la tawp mai lo a, ngaihtuahna min siam chhunzawm tirtu tak kha a hlawhtlinna ber chu a ni. Engtiang ang tak a nghawng zui nei nge tih chu mahni in zawt ta theuh ila. Ka thil hmuh pakhat mawi ka tih pakhat chu program tan hma a hruaitu upa zawk te an han kim thap mai kha a ni, mahni sahmim chauh ngaihtuahlo a mite tan a inpe peih heti zat an la awm hi Mizo te tan malsawmna hlu a ni e. A leh lam atangin: Sawisel phet tur ka’n zawng ang e! Khawilai hmun pawh nise Mizo te’n tan hun tak a kanla kim hleitheilo hi chu kan hmasawnna tur ni se. Min hrethiam teh u, phunchiar ve viau thin ka nia sawisel tur zuk hre meuh lo i a! Bangalore Mizo te zingah hian Mizo hnam tan a mi tangkai tur leh rilru tak a Pathian tihmi ka hmu nual a, Kan hnam tluchhe mek tung ding tur hian nang i hmunah kei ka hmunah i ti ang u. Nasa leh zualin lehkha i chhiar leh theuh ang. Easter Sunday Chibai vek ule!

Good Friday Inkhawm - ah BMCF member te inkhawm kan thahnem hle ! Tui takin kan zai ! Wesley Church , Frazer Town.

BMA President kal chhuak ta Rev. P.C Lalduhawma’n BMA President thar Pi Lalrinpuii Presiedent charge a hlan. A sira lo lang te khi Pu Josiah, Pu Paul & Tv.Madawnga te an ni e.

BMA Silver Jubilee Chairman Pu R.L Rinawm’an hmun hrang hrang atanga Chibaibuktute hnena lawmthu a sawi lai. A hnunga lo lang khi Pi Lalrinpuii, Secy, SJCC leh BMA President ni lai mek ani.

Tunkar Changvawn: “Mangang suh u; Isua, Nazareth mi an khenbeh kha, in zawng ani awm a, a tho leh ta; hetah a awm tawh lo; en teh u, an zalhna hi ! “ – Marka 16:6

Vol. XV Issue No. 2

Bangalore Mizo Association Pathianni Tin Chhuak Chanchinbu

TUALCHHUNG NEWS § §

§

§

Ø

Zirtawpni kal ta kha Good Friday anih na angin BMCF Inkhawm na neih ani. BMCF meeting chu nimin khan tluang taka neih ani. MSA Exec. Meeting vawiin tlai hian neih ani dawn bawk. BMA OB hlui leh thar te charge inhlanna pawh tluang takin Zirtawpni zan khan zawh ani, OB meeting neih nghal a ni a, chawhlui tui tak an kil ho bawk. Tun Zirtawpni tlai khan Pi Thangliani w/o Pu B.Kapthuama chuan Heart attack a nei thut a, Apollo Hospital ah dah nghal ani a, tun ah chuan that lam a pan zel e. He vanduaina tawh chungchang ah hian Pu B.Kapthuama te chhungkua chuan Bangalore Mizote chungah lawmthu an sawi a, damdawina tlawh tu te, tlawmngaia tlaivar te leh tawngtaipuitu te zawng zawng hnenah lawmthu an sawi ani. Dam lo te – Nl.Saizampuii, Pi Rita leh Pi Seni te pawn thatlam an pan zel e. Pi Machhungi pawhin thatlam a pan zel a, anni chhungkua hi tunthla tawp hian Harris Roadd, UTC ah an rawn insawn phei ang. Damlo te member te’n thahnem ngai takin I tawntaipui zel ang u!

Ø

Ø

Mamit district-a Serhmun khuaah Ningani tlaia rial tla in In 57 vel luahtlak lohin a deng chhia.Serhmun YMA branch president CL Lawmsanga hnen atanga thudawn danin, Ningani tlai dar 4:50 vel khan Serhmun-ah hian rial lian tak tak a tla a, a lian pawl chu patling kuttum tiat vel niin a laihawl chu artui tiat vel a ni a, lai dar 5:20 vel thleng a tla a ni. "A karah Good Friday te a lo tlak leh avangin nimin khan VC leh YMA lam chuan In sak that leh dan tur te, a thil tihchhiat dante hi chipchiar takin kan hre fel thei chauh ang," tiin Evening Post a hrilh a. Mihring hliam erawh an awm lo.Rial tla hian chenna In bakah theihai rah leh serthlum rah sen a tichhe nual a, lo lam thlai pawh tihchhiat a nei nual niin Serhmun YMA president chuan a sawi. (Courtesy Evening Post). India ram pawha la awm ngai lo, sawrkar hnathawk ve loten cheng nuai khat thleng medical reinbursement an bill theihna chu nikum khan Mizoram sawrkarin a din a, chu chu Health Care Scheme tih a ni. He Scheme hian April ni 9 khan kum khat a tling a, tuna chief minister ni ta Lal Thanhawla hian inthlan hmaa Zozam Studio-a talk show-ah kan sawrkar chuan mipuiin pawisa thawh ve pawh ngai lovin Health Care Scheme thazawkin kan kalpui ang tih lam hawiin a sawi. Hetihlai hian tuna sawrkarin budget lailawk (interim budget)-a Public Health Insurance tana a dah zat chu cheng nuai 5 a ni a, chumi pawisa chu plan-ah dahin he pawisa hi a hma ami ang thovin Structural Adjustment Loan (SAL) atanga neih tur angin a inziak. Tunah hian Society hian ruahmanna tha zawk neih vangin Health Care Scheme chawlh lailawk a nih thu an sawi thung. NIT Silchar in a huaihawt, Beat Contest chu zawh fel a ni ta. He beat Contest-ah hian India ram hmun hrang hrang atangin band 23 telin heng zinga band pali te hi Mizo Band te an ni. Preliminary rounds an zawh hnu-in Mizoram atanga band tel an che tha hle a, final round-ah an lut vek a ni. Preliminary round bik-ah pawh hian Dr. Luke hi pakhatna an ni.Final round an zawh fel hnu-in hetiang hi an din hmun chu a ni ta a ni 1st. DrLUKE, 2nd. Myth of Faith leh 3rd Freddys Nightmare. Mizoram atanga band tel ten lawmman an hui fai ta vek a ni. (Courtesy Dr. Luke Band Manager)

Mihring hmanga sumdawnna (human trafficking) hi khawvelin a buaipui luih luih tawh a, Mizote ngei pawh a tuartu-ah kan tang ve ta fo. Human trafficking do a, tihreh tum hian United Nations meuh pawhin thapui a thawh mek a, Mizoram pawhin ‘ngaihtuahna’ a seng ve tan mek ta.Mizoramah chuan kum 2000 atanga 2009 vawiin thlengin mihring hmanga sumdawn chungchanga thubuai thehluh tawh hi 14 a ni a; thubuaia lak loh, ngawihbopui tak hi a tam hle a an rin thu heti lam buaipuitu thenkhat chuan an sawi.Heng case 14-ah hian a tuartu (victim) chu hmeichhia vek an ni a, kumtlinglo pawh an tam. A mawhphurtu (accused) nia rinhlelh (suspect) zingah hnamdang pakhat chiah a awm a, a dang chu Mizo vek an ni. Chumi awmzia chu sumdawn nan Mizo leh Mizo kan inhmang mek tihna a ni a. A ‘tuartu’ an hralhna (sumdawnna) tamzawk hi chu hnamdang hnenah a ni thung.

LAWRKHAWM v New Delhi lam chhuak kum 22 mi Ekta Chaudhry chu

MIZORAM NEWS Ø

Date: 12th April 2009

v

v

v

April 5 zan khan Pantaloons Femina Miss India 2009 atan thlan a ni a. A ni hian Miss Universe-ah India ai a awh ang. Pooja Chopra chu Miss India World atan thlan niin Shreya Kishore chu Miss India Earth 2009 atan thlan an ni bawk. Bollywood star Priyanka Chopra, Kangana Ranaut leh Genelia D’souza te pawh mipui hmaah an inthehthil.He intihsiakna a tel te hi designer Ritu Kumar, Rocky S., Pantaloons (designed by Rajesh and Anirban) leh Prasad Bidappa te chuan an chei a. Show hi choreographer Marc Robinson-a ruahmanna a tih niin Bollywood beauty Malaika Arora Khan leh R. Madhavan ten an host thung. Zirtawpni khan Assam-hmun hrang hrangah bomb a puak a, mi pariat thiin 62-in hliam an tuar a, hetih lai hian Prime Minister Manmohan Singh chuan vawiina tlawh a tum chu a thulh dawn lo.Prime Minister Manmohan Singh chuan Dispur leh Dibrugarh-a vantlang inkhawmah thu a sawi dawn niin PMO thuchhuak chuan a sawi.Bomb puak hi United Liberation Front of Asom (ULFA) leh hel pawl dangte tih a nih rin a ni. Vawiin hi ULFA din champha vawi 30-na a ni nghe nghe.Assam director general of police GM Srivastava chuan Guwahati-a Maligaon bazar-ah hian chawhnu dar 2-ah bomb hi puakin mi pasarih an thi a, mi 56-in hliam an tuar niin a sawi. Bomb puak avang hian car pahnih leh bike 20 kangin a bul lawka police station-a in chhawng thum chu kangmeiin a man bawk. India rama chanchinbu lar tak Times of India (TOI) chuan tun tum Lok Sabha inthlan lo awm tura party hrang hrang member of parliament neih theih zat tur assessment a la a, uluk taka zirchianna a neih hnua a assessment lak atanga a lan danin khawi party mahnin majority an nei thei dawn lo niin an tarlang a, tun hnaia hming langsar tak Third front chu sawrkar siamna atan a pawimawh hle dawn niin a lang bawk. India leh China-a chengte chuan khawvel ramdang aiin internet kaltlanga thian siam an ching zawk tih internet hmang ho zinga survey neih chuan a tarlang a, India ho hian ramdang te aiin internet kaltlanga ngaihzawng hluite tharthawh leh an ching bawk.Internet security firm Symantecin Norton Online Living Report a siam chuan ram hrang hrang – US, UK, France, China, Japan, Brazil leh India-a cheng puitling 9,000 leh naupang 12 an kawm hnuah e-mail chu inbiakpawhna hman lar ber a ni a, 92% chuan an thian leh chhungte biak nan an hmang niin a sawi. (emizoram.com)

Vol. XV Issue No. 2

BMA Silver Jubilee

Bangalore Mizo Association Pathianni Tin Chhuak Chanchinbu lawmna inkhawm kan tan

thleng maiin hmun hrang hrang, khual khua atangin lawmpuina leh chibaibukna a lo lut ruih ruih mai a. Chung kan hmuh chinte chu inkhawmnaah pawh lawm takin kan puang a ni. Chibai min buktute 1. Rev. Lalchhuanmawia (Chhinlung editor hmasa ber, Asst. Secy hmasa ber) 2. Lalrinmawii (Treasurer hmasa ber) 3. Pi M. Lalthanzuali (Member founder member) 4. Rev.Zosangliana Colney (President hlui, Chhinlung editor hlui) 5. Rev. Dr. Vanlalnghaka (President, Vice President, Gen. Secy leh Chhinlung editor ni tawh) 6. Pi Lalramneli (Treasurer ni tawh) 7. Rev. Dr. Zaihmingthanga (President, Chhinlung editor ni tawh) 8. Pi Tluangteii (Treasurer term 2 chelh tawh) 9. Pi Zomuanpuii (Treasurer kum 3 chelh tawh) 10. Nl. Lalneihkimi (Treasurer ni tawh) 11. Pi V L Dampuii (Treasurer ni tawh) 12. Lalthamawia Bawlchhim (Asst. Secy ni tawh) 13. Rev. Dr. K. Thanzauva (founder Commmittee member) 14. Pu Vanlalnghaka Chhawnchhek (Cultural Secretaryni tawh) 15. Pu K. Lalrokima (President term 2 chelh tawh) 16. Rev. Dr. K. Lalrinthanga te nupa, Lunglei 17. Mary Lalhriatzuali (Asst. Treasurer ni tawh) 18. C.Lalmuanpuia (Gen Secy term 2 ni tawh) 19. Pu Lalthuamliana, President Mumbai Mizo Association 20. Pu Ramzauva Saiawi (Mumbai Mizo Association Gen. Secy) 21. Zenics, Mizoram

Chibai buktute leh duhsakna hlantu zawng zawngte hnenah BMA leh Silver Jubilee Celebrations Committee aiawhin LAWMTHU kan sawi e.

BMA Executive Committee Members 2009 - 2010 Patron : Pu R.L.Rinawma Sr.Adviser : Pu B.Kapthuama, Dr.H.T.Sangliana & Dr.Rini Ralte Mysore Representative: Tv. Joseph Remlalruata Mandya Representative: Tv.P.C.Ramdinthara Members : Tv.Amos Lalremtluanga, Pu. Josiah L.Ralte, Tv.Joseph Lalhmangaiha, Tv. Pawsa Lava, Tv. C.Lalrinfela, Tv.Hmingthantluanga, Tv.Laldinmawia Hnamte,Tv.Lalhruaitluanga, Nl.Zaithanmawii, Nl.Lalrempuii Zadeng. Heng bak ah hian BMA OBs, BMCF President & Secretary te an tel bawk ani.

Editor: Thaarie Hnamte – (Mb) 9886145877 Jt.Editor - Madawnga Hauhnar Cir.Managers – R.Lalremruata, Amos Lalremtluanga & Sawmtei Khawlhring Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Date: 12th April 2009

Hriselna Huang

INSUMTEIHNA (Temperance): "Intihsiaknaahte chuan a bei talh talh apiang chu engkimah an insum thin a ni." IKorinth 9:25. "Mi tichaktu Krista zarah chuan engkim ka ti thei a ni." Phillipi 4:13 Rilru leh thlarau leh tisa lama hriselna tha tak neih theihna bulpui ber chu insumtheihna hi a ni. Insumtheihna Dan chu kan Bible chang han tar lan ah khian a innghat a ni. Ei leh in leh ruih theih lam thil thalo reng reng laka inthiar fihlim thei mi nih hi Pathian engkim ti thei hnena innghat tlat mite tan chuan a theihin a harsa lo. "Mi tichaktu Krista zarah chuan engkim ka ti thei," tih hi kan rin tlat chuan kan hlawhtling ngei ang. Kan taksa hi Pathianin min rawn biakna hmanraw pawimawh ber A ma Temple, thlarua thianghlim in a ni. Meizuk, zu leh damdawi thalo te kan chin hian, he Pathian Thalrau Thianghlim in hi kan tibawlhhlawh thin a ni. Vaihlo, Zu, kuhvakhawr leh damdawi thalo (drug) ten mi tam tak a ei chhiatzia hi tumahin kan hai lovang. Kan thalai tam takte damdawi thalo hian a suat tawh tih pawh kan hre theuh ang. America ramah hian tualthahnate, mahni intihhlumnate leh tihpalh vanga thihna zawng zawng belhkhawm veka a zahve hi zu vanga thi an ni. Tin, mithiamte lo hriat tawhna atangin vaihlo hian chuap cancer a siama, meizu mi, pahnihte zinga pakhatin a thih phah thin an ti a ni. Tin, kuhvakhawr pawh hian hrawk (ka chhung) leh chaw kawng cancer a siam thei an ti bawk.Heng kan sawi tak thil chin thalote hi lo ching thin i nih chuan nghei a harsa em em ang. Mahse Pathian thiltihtheihnaa i innghah tlat chuan a theih a ni. Kan Bible chuan, "Mi tichaktu Krista zarah chuan engkim ka thei a ni."tih min hrilh a. Chin than thil thalote thlak duh i nei anih chuan vawikhat i hlawhchham mai avangin beidawng suh la, i hlawhtlin hma chu bei nawn zel ang che. Krista tanpuina zarah i hlawhtling thei tih hi ring tlat ang che. Tin, a remchanna apiangah Isua Krista zara hnehna i lo neih tawhte a awm chuan midangte hnenah puang zarin sawi ang che. (Women’s Ministry)

BMA Silver Jubilee 2009 From Left: Dr.John M Ralte, Pi Rita, Pi Thangliani, Pu Kapthuama, Pi Mawii, Pu Lalrochuanga

BMA Silver Jubilee Mipui Kalkhawmte… Tagore Hall, UTC.

QUOTE OF THE WEEK

If you set the example, you won’t need to set many rules – Mama Zigler BMCF INKHAWM PROGRAMME DATE: 19.04.2009 Hruaitu : Re.H.Lalthlamuana Tantu : Tv.Pawsa Lava Thawhlawm hlan : Tawngtai Rual Thusawitu : Rev.H.Lalhmingmawia Special Number : UTC Pa Ho (Convener: Rev.James Chuaukailuaia