Bma Aw: 29th June 2008

BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007 Vol XIII Issue No. 26

Bangalore Mizo Association Pathianni Tin Chhuak Chanchinbu

KEIMAHNI th

&& Zirtawpni 27 June tlai dar 6 khan BMA Football Tournament sub committee te, Vice President Pu Josiah Lalchhanhima Ralte inah an thukhawm a. Kan hmaa HVLT Mawia Trophy khelh tur chungchangte leh thildang tam tak an rel. && UVCE a zir thin Vansanglura chu 26th June, dar 11am vel khan a room-ah thi a hmuh a ni a. Post mortem result hi suspend a ni. 27th June khan Aizawl thlen pui a ni. && Secretary i/c Games & Sports, R. Lalremruata chuan nimin khan chawlh hmang turin Mizoram a pan. && Kan member UVCE leh Dr. AIT a Engineering zirlaite chuan naktuk Thawhtanni atang khian exam an nei dawn a. 1st year in Thawhlehni atangin an nei tan dawn bawk. && Vincent L. Sailo leh Elena VL Sailo te pa, Capt. LZ Sailo chu Nilaini khan a boral a. Grace Home Boys’ Hostel-ah Ningani 3pm khan thlanthut neih a ni. Rev. Dr. K. Sapthanga’n inkhawm hun a kaihruai a, Pu B. Kapthuama’n thusawi hun a hmang. Member thahnem tak an kalkhawm. **Chhinlung Magazine (thu ngaihnawm tak tak leh thlalak hnuhnawm tak tak awmna), BMA Ball Pen, Lucky ticket te lei tur ala awm e. BMCF INKHAWM PROGRAMME

Pathianni (6th July 2008, 3:00pm) Hruaitu : Rev. Dr. K. Sapthanga Tantu : Tv. Samuel Buatsaiha Thawhlawm : Tawngtai rual Special No. : Tv. Lalhmingsanga Thusawitu : Rev. C. Vanlaldika

Date: 29th June 2008

Phek Khatna

BANGALORE MIZO ASSOCIATION Football Tournament Sub Committee Thurel Zirtawpni, 27th June 2008, 6:00pm khan kan Vice President, Pu Josiah Lalchhanhima Ralte Inah Football Tournament Sub Committee te an thukhawm a, 15th August atanga khelh tan tur HVLT Mawia Memorial Trophy, kum thum lai mai lo neih tawh, hun hmandan tur leh member tena kan hriattur te an rel. 1. Entry form Inkhawmna hmun Wesley Church kawtah tournament a tel turte tan entry form lak theih a ni a, tin, sub committee member te hnen atangin ngaihven theih a ni bawk ang. 2. Entry Fee BMA Football Tournament, HVLT Mawia Memorial Trophy a tel turte tan entry fee pek leh tur a ni ang a, team pakhat tan Rs. 500 chauh a ni ang. 3. Entry Form thehluh hun Entry form hi a rang lama thehlut theuh turin kan in ngen a. August 3, 2008 (Pathianni) hnu lama thehlut chu pawm a ni lovang. 4. Khel theilo turte Kum danga lo tih thin angin, kuminah pawh BMA member nilo chu khelh theih a ni dawn lo a ni. Chuvangin, member form thehluh ngei a ngai ang. 5. Passport size thlalak a ngai Kumin tournament-ah chuan kumdang ang lo deuhin team entry form thehluh rual hian player passport size thlalak thehluh tel tur a ni ang. Passport size thlalak hnung lamah hming chiang taka ziah theuh bawk tur a ni. 5. Tournament chungchang BMA Football Tournament, HVLT Mawia Memorial Trophy atana entry form leh fee te, heng ahnuai ami te hnenah hian pek luh tur a ni e. Tin, zawt duh leh hrechiang duh tan pawh an ni hi biak theih an ni ang. 1. Pu Josiah L. Ralte (HRBR Layout) - 9845020992 2. R. Lalremruata (R-a) (Shanti Nagar) - 9886547102 3. Lalnuntluanga (K.R. Puram) - 9886385014 4. Joshua LR Dinmawia (Shantinagar) - 9739072708 5. Zorema (Majestic) - 9844569097 6. Malsawmdawngkima (Shanti Nagar) - 9901288107 7. Francis Lallawmawma (Gr. Home) - 9886794261 ……………………………………………………………………… ++ Pathianni leh atang chuan BMA AW hi a thara lak a lo hun leh tawh dawn a. Latu zawng zawngten a enkawl tur (Editor - C. Lalhmachhuana, Jt. Editor – Michael Rualzakhuma) hnenah kan ngaihven leh theuh dawn nia. Tin, thurawn leh article te min pe zel turin kan in ngen tak meuh meuh bawk a. Tihdan tur tha zawk te, thuchhuah tur ngaihnawm zawk turte thurawn min pe zel dawn nia.

Vol XIII

Issue No. 26

Bangalore Mizo Association Pathianni Tin Chhuak Chanchinbu

Editor Lalengzuala, Ph - 99862 58517 Joint Editor C. Lalrinfela Ph – 98447 83282 Circulation Staffs: Ruby Lalremruati R. Laltleipuii E-mail: [email protected] Website: www.bangaloremizo.info A Man: Thla Thum atan Rs. 60/-

A NI DEIH A SIN! Hnamdang hian kan ram dinhmun leh kan khawsak dan hi min han hrechiang se la chu thil tam takah hmuhsitawm tak kan ni tih an hrechiang ngawt ta ve ang. Mi fel leh lehkhathiam leh ropui zawkte hi an langsar duhlo viau mai si a. Delhi khawpuiah kan ram hruaituten sum an zuk dil a, a hmanna tur pawha hmang zo ta lo chuan an mahni te pawhin an neita a ni mai thei. Chutah mi tihdan a awm ve a, incheia, economics dinhmun tha zawkte khawsak dan anga awm tum ve in kan la entawn ta em em zui bawk nen. Mi tihdan anga awm ve kher te, mi neih ang neih ve kher tum te hi a intodelh loh thlak khawp a sin. Kan inchei lah hian a hun leh hmun kan hrelo em em leh nghal a. Hei hian a mawi tur ang pawhin ati mawilo zo, hleihluak lamah a kal tir zawk thin. Insum tum ila, kan duh leh chak nazawng te hi neih kher emaw tihve kher emaw hi tum lo ila, a tha a ni mai. Mi ramah kan awm chuan a ram neitute tha tih zawng leh khawsak dan zul deuha awm ve theih te hi mi pangngai tihdan tur a ni tlat. Mi mak tih leh hmuhduh viau tura inchei leh khawsak a awm hi Pathian huat ber ‘Chapona’ chi khat a ni tlat a sin. Ngaihvena fimkhur taka awm tur kan ni. The Great Hope of Society is Individual Character.

Date: 29th June 2008

Phek Hnihna

MEMBER HUANG $$ July ni 6 hian, Sri Ram School of Martial Arts buatsaihin, ‘National Martial Arts Demonstration’ Jaipur ah neih a ni dawn a. Hei hi martial arts lampang tih hmasawn nana buatsaih a ni. He demonstration hunah hian minister leh chanchinthar lakhawmtute leh mi bikte chauh entura tih a ni a. He demonstration hi India rama master te leh ramdang atangin master pakhat ten an entir dawn a ni. He hunah hian Tang soo do, Muay Thai, Ju Jit Su leh Uechiryu entir turin kan member, Samuel Lalrozama pawh ruat a ni nghe nghe. Tunlai hian a inla fit hle. $$ Zirlai zir zo thenkhatte: B. Laldinpuia (Dawrpui Veng), Lalrinzuala Pachuau (Mission Veng), Raymond Lalramhluna (Armed Veng South), Lalhmangaihthangi (Armed Veng North), C. Chawngzikpuia (Dinthar Veng), Lalbiakdika (Mission Veng), K. Vanlalremruata (Bawngkawn), Zonunsanga (Kulikawn) leh F. Lalngaihawmi (Upper Republic) te chuan Dr. AIT atangin Engineering course an zo. July ni 2 hian Mizoram lam pana haw an tum hlawm. Tin, Degree Course dang zo, kan member dangte – Francis Lallawmawma, Ramthlanmawia (Zotlang), Saitluanga Sailo (Chanmari West), Sangtea te leh mi dang thenkhatin an zo bawk a. Anni hi vawiin hian an haw dawn bawk a ni. ----------------------------------------------------------------------------------LAWRKHAWM %% Bangalore a MAA Security Service Pvt.Ltd kaltlanga hnathawk tura rawn chhuk, mahse an inbiakdan anga hna an pek leh theih tak loh te chu vawiin ni thlengin a latunu, Pi Catherine Lalhmachhuani nen inremna mumal an la nei hlei theilo niin thu kan dawng. Pi Catherine leh a lakte hi Police ah vawi 2 leh court ah vawi 1 an in lan tawh a. Hemi hnu hian Pi Catherine phei chu koh theih lohin kar khat chhung lai mai a biru a. ADMJ chuan deposite zawng zawng pe let vek tura a tih pawhin a pe let duhlo a ni an ti. Hnathawk tura a rawn tirh thlak Mizo thalaite chuan, ‘amah hi Pu KC Lalvunga tu a nih avang leh thil ti thei tak a nih avang a ni ang, roreltu lam pawhin an ngawihpui ta reng mai’ an ti bawk. Mahse, theih ang anga hma lak zel an tum thu kan dawng %% Kar kalta Nilaini zan dar 8:30-ah khan NDTV chuan ‘Are the people from Northeast treated as second class citizen?’ tih poll an siam a. Yes – 100%, No – 0%. Hemi rual hian Miss Sema (Naga zirlai), Mr. Farooq (Lounge Bar neitupa), Delhi University-a Lecturer Dr. Renu Gupta leh Bangalore-a college Lecturer pakhat (online) te chu an kawm bawk. Naga nula Thlalatu pakhat chu a thiante nen zanah Delhi South-a Lounge Bar pakhatah an kal a, hetah hian luh an lo phal lovin, northeast mi tiin, hmusit takin an lo chhawnchhaih avanga he hun hi thleng niin a lang. Hetah hian Miss Sema chuan, ‘Northeast mi chu ‘chinkies’ tiin min ko a, ramchhung mi angah pawh min ngai lova, ramdang mi angin min treat a ni’ a ti a. Chutih laiin Mr. Farooq chuan ‘Hetiang nilovin, kan bar ah ngei pawh hian Northeast mi 7 laiin hna an thawk a, an tangkai hle nghe nghe a ni’ a ti. Dr. Renu Gupta chuan, ‘Northeast atanga zirlai college drop out chu 50% a ni a, tin, mipa aiin hmeichhia an tam zawk bawk’ a ti. Sawitu pakhat chuan ‘northeast mite chuan zirna lam an ngaihsak vaklo’ tiin a sawi bawk a. ‘Zirna lam aiin hlimhlawpna leh incheina an uar zawk’ tiin a sawi.