Bma Aw: 29th March 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 13

Bangalore Mizo Association Pathianni Tin Chhuak Chanchinbu

Date: 29th March 2009

GLOBAL WARMING LEH MIZOTE (ENGNGE KAN TIH VE THEIH ?)

“Hawh teh u, kan zavaia hrem kan nih loh nan hma i la thuai ang u” Kar karta atang khan khua a lum chho ta em em mai a, kan awmna Bhubaneswar-ah phei chuan kum dang aiin 8 degree celcius laiin a sang a, namai lo tak a ni. Zoram lamah pawh khaw awmdan a inthlakchho nasa hle a. March thla kan kai ek ek a, a lum thu kan inhrilhtawn chhen tawh hi. Engvanga lum viau nge maw anih le ? Ni te khi a hnai ta kuar kuar em ni ? Nge an sawi fo “Global Warming” vang hi. Pathian hian hman deuha Naga zawlnei(der) a rawn tirh te sawi ang deuh khan “min hrem dawn” te hi a ni lek lo maw. Nge, mahni thangkamah kan awk thlan dup zawk ? Zoram chauh hi em ni a kum tela lum tawlh tawlh hi ? Khawlum zual zel tur ven nan hian tih theih ka nei ve em le ? Tuten nge hma la anga, engtin nge hma kan lak ang ? Zawhna a tam a, a chhanna i han fawmkhawm dawn teh reng ang. Global Warming chu engnge? A tawi zawngin, khawvel lum chho ta huam huam hi a ni mai. A kum telin boruak a lum chho hret hret a. Kan hriatthiam theih dan tur berah chuan hetiang deuh hi a ni. Kan motor khu te, meikhu te leh boruak thalo kan tihchhuah ho hi kan chung vansang takah khian a inzam mup mai a. Kal lehna tur chuang awm tawh hek lo. Chung boruak chu nizung eng rawn lut hian a chhun tlang thei a, nizung eng chu khawvelah a lo lut ta a. Mahse, chu ni zung atanga lumna lo chhuak chuan chung boruak chhia inzam mup mai chu a paltlang thei ta lova. Nilum lo lut hi chhuak leh tawh lovin zawi zawiin a inkhawlkhawm ta a nih chu. Tichuan khawvel pum mai hi zawi zawiin a lum ta telh telh mai ani.

Global Warming hi a hlauhawm em ? Cancer ang em chuan hlauhawm loh. Nang leh kei hi chuan kan vanneih chhoh zel chuan kan thihpui hauh lovang. Kan tu leh fate, kan thlahte lo awm zel tur erawhin duh lo teh mahsela, an buaipui nasa ngawt ang. Khua a lum talh talh avangin vur rama tlang lian tak tak te a tui dur dur a, chu chuan tuifinriat chim chin hi a tisang hret hret a. IPCC Report chuan tuna tuifinriat chim chin hi 20-55 cm velin kum 2100-ah a sang tawh dawn a ni a ti a. Chumi hunah chuan tuipui kam khaw tam tak hi tuiin a chim anga, tui hleuh thiam tan pawh dam khawchhuah a huphurhawm viau ang. Chhimbal sawmsarih pawh zam mah sela, tui a let leh tho tho hmel tlat. Tin, he Global Warming vang hian khaw awmdan phung pangngai hi a inthlak chho nasa tawh hle a. Ruah sur hun mumal a awm lo chho talh talh anga, Fura ruahtui dawng lova, Thala kan dawn chauh pawhin thil mak a ni lovanga, December thla khawvawh vanglai taka ruah a sur chiam pawhin engdang vang mah ni lovin Global Warming vang chiah a ni anga; thlipui a tleh chiama kan in leh lo min nuai chhiatsak pawhin he Global Warming vang chiah hi a ni leh bawk ang. Climate inthlak danglam hi thil satliah a ni mai lo. He thil vang hian khua a kheng vak thei a. Ei leh in tur tlachhamin ram hrang hrang hi kan vir buai anga, electric power lam pawhin a tawrh dawn avangin, a tuar ve lo, a la hausa deuh ram chu a rethei deuh chuan an awt anga, chu awhna atang chuan indona a lo chhuak thei bawk a. Hei hi thil thar a ni hauh lo. Mihringin ei leh

bar a tlakchham miau chuan sualna a pung lo thei lova, mi ta awhna thinlung atangin indona a lo chhuak thin. Kan rin ai hian Global warming hi namai lo deuh mai a nia.

Global Warming leh Mizoram Ram kan hal hluah hluah a. Kan politician thusawi thiam tak tak leh ram hmangaih tak tak ten mahni pumpui hmachhuana Darlawn leh Saitual tih ang rengah te Ar bawp an khel laiin a then chu kang thelhin kan tlan dawr dawr a. Tawngka mai ni lo, chetziain ram kan hmangaihzia kan lantir a. Mahse, kan kawngzawhin a zir miau loh avangin a kum tela khawlum zual zelah hian a thawhhlawk pawl tak kan ni chho ve zel bawk a. Ni e, min thing an phun laiin keinin kan kit a, ram ngaw siam an tum laiin keinin ram chang kan vat darh a. Kan ram hruaitute thiam loh vek a ni. Kumtina ramchang tukdarh lova eizawnna ngelnghet min ngaihtuahpui tura thukhawm thinho hian mipuite tana eizawnna ngelnghet min siamsak lovin, mahni In ban nghet tak tak phun an ngaipawimawh zawk mauh zel si a. A mipui lam hi chu kan phun lungawi mai mai zel a nih hi. Tunge Global Warming chu do ang ? Nang, nangmah ngei khan i dovang. Thenawmte tihah khek chi a ni lova, Forest Department tihah khek theih ngawt lah a ni hek lo. Nguntakin inngaihtuah neuh neuh a ngai a. Thiltha tih duhna thinlung, rilru chhungril atanga ram hmangaih tak takna nei chunga thawh erawh a ngai a ni. Engtia do tur nge ? Global Warming hi a chhan bul ber chu Carbon Dioxide kan tih mai, boruak chhia vang hi a ni a. He thil hi Car leh Motor dang dang hian an tichhuak nasa em em a. Lirthei neite tan, lirthei hman tlem tum hram hram a ngai ta a ni. Town Bus-a kal theihna hmunah chuan mahni Car kher hmang lova Bus-a kal mai te kan zir a ngai a. Ke-a kal theih rengna hmun Car-a kal kher tum te hi sim hmak a ngai. Electric kan hman tlem poh leh he global Warming dona kawngah hian kan thawhhlawk ve em em a ni tih hrerengin, a tlem thei ang ber Electric hi hman tum hram hram tur a ni a. Zanah te tullo taka light on thut chunga mut mai mai te, TV en mang hlei lova chhuah reng mai te hi kan sim a ngai.Thingphun hi a pawimawh em em a, ramngaw kan neih that poh leh he khawlum lakah hian kan damkhawchhuak rei dawn tih hi hrereng ila. Thingphun uar tura inzirtir kan mamawh a ni. Ramngaw humhalh chawimawina ropui tawk tak te pawh kan sawrkar hian a ngaihtuah chhuah a ngai a ni. Tin, kan eizawndan kawng hi kan sawrkar hian min thlaksak thuai a ngai a. Ram chang vat darha, kumtin mai lo kan hal dur dur avang hian nakinah keimahni leh kan thlahte lo la awmzel tur tan harsatna namen lo tak kan chhek khawl zel a ni tih hria ila, kan zavai hian i han tang tlang teh ang u. ( He article tha tak rawn thawhtu hi BMA hruaitu lo ni tawh thin Tv James CVL Thafamkima ani a, tunah hian KIIT, International school, Bhubaneshwar ah hna a thawk mek a, thuziak lama tui mi tak niin, Bangalore ah awm tawh lo mah se, thuziak tha tak a rawn thawh thin avangin kan lawm hle mai.)

Vol XIV Issue No. 13

Bangalore Mizo Association Pathianni Tin Chhuak Chanchinbu

Editorial

TUALCHHUNG NEWS

Tun tum chu Global Warming lam article hi mi zawng zawng in a kan hriat thiam tlan theih tur kawng zawnga ziah ani a, hma lakna nghal mai tur pawh tam tak a awm ani. BMA Silver Jubilee denchhena thingphun lam pawh kan buatsaih tur nen pawh a inhmeh chho hle ani.Keini Bangalore-a Mizo awm te hi kan sawi fo tawh angin mi te thlir bik leh entawn kan ni a, kan hriat loh lai hian ram hmasawnna keng tu kan ni reng ani, chuvangin kan Bilble pawh in a sawi angin, thil tha tih hi i ning lo ang u. Thil tha tih tur kan hriat apiang chu I han ti nghal par par thin ang u ! BMA Silver Jubilee hlim taka hmang theuh turin BMA AW Editorial Board chuan Bangalore Mizo zawng zawng te leh Bangalore-a lo awm thin tawh zawng zawng Mizo hnahthlak te duhsakna a hlan e!

§

Nimin tlai dar 6:30 khan BMA Exec.Committee leh Silver Jubilee Committee te chuan Pu Zohmingliana Hualngo in ah Joint meeting an nei. Member te an kal tha hle a, chawhlui tui tak Pu Zohminga te chhung in an lo buatsaih a, Committee chuan lawmawm a ti hle.

§

Nimin tlai khan UTC ah Graduation Programme an hmang a,

§

Zirtawpni kal ta khan kan member hlun Rev.Vanlalchhawna Khiangte chu vanduaithlak takin a nu in Bungtlang ah a boralsan a, BMCF in an chenna in UTC quarter ah thlan thutna hun a buatsaih a, thenrual tha mi engmaw zat an tel, Pu Chhawntea erawh Kerala a zin lai ani.

§

Tv.Michael Vanneihtluanga pawh kar kal ta khan a pi in vanduaithlak takin Kolkata ah a boralsan.

HRIAT TUR PAWIMAWH TE o

o

Date: 29th March 2009

BMA Cultural Items - Mizo Puan, dar khuang, Mau etc. tlawmngaia Pi Nutei’n a lo kawl thin chu remchan zawkna avangin Nl. Blessy Sailo in a kawl rih tawh dawn a, heng thil hawh duh te chuan ani hnen atang hian hawh theih ani e. Voter’s ID la nei lo te tan thu lawmawm.Voter’s ID la nei lo te tan ni 28 March last date tih chu ni 10 chhung an extend a, mahnia tih dan kawng hre lo tan BMA Hruaitute a rang lama biak vat tur ani e. Kan hriat theuh tawh angin Bangalore Central Constituency ah kan Patron Dr.H.T.Sangliana Congress ticket in a ding dawn a, keini Mizo awm te a thei thei in thanhnem ngaia kan vote theuh theih nan ID hi neih ngei a tul ani.

o

BMA Hruaitu hlui leh thar te chuan April ni 10, Good Friday Inkhawm ban ah charge inhlanna Rev.Dr.K.Sapthanga in, Koramangala ah an nei ang.Chawhlui kilho nghal tur ani e.

o

BMA silver Jubilee Hawnna leh Seminar chu tun Inrinni lo awm tur hian tan ani dawn ta. Member te kal theuh tura ngen leh hriattir kan ni. A hmun: UTC , A hun: Dar 10 :30 AM. Chanchin kimchang BMA Silver Jubilee Special Issue ah chhiar rawh le.

Nizan BMA &Silver Jubilee Joint Meeting - Pu Zohminga’n Vawksa rep tui taka alo hrai puar hnu in hlim takin thla an la a.Photographer Pu Paul-a erawh a lang ve ta lo. Remchangah a single thlalak kan la rawn tilang mai dawn nia.

Tunkar Changvawn: Khawvel hi a chaknate chawpin a boral mek a ni, Pathian duhzawng titu erawh chu kumkhuain a awm reng ang. I Johana 2:17

Khawhar chhungte Pathianin vengin thlamuan rawh se. §

MSA Hruaitu hlui leh thar te chuan charge inhlanna kar hmasa Inrinni tlai khan Tv.Benjamin a te in , Shanthi Nagar ah an nei a, chawhlui tui tak an kilho nghal ani.

MIZORAM NEWS v

"Kristian zaa za state kan ni," tiin tawngkam kan cheh fo a, Mizoram hi Kristian zaa za awmna state erawh a ni hauh lo a, Mizote chu Kristian zaa za kan ni mai thei, amaherawhchu Mizorama khua leh tui nghet hi Kristian zaa za kan ni lo thung.Economic Survey of Mizoram 2009 bua a intarlan dan chuan Mizorama Kristian awm zat chu mipui awm zawng zawng atanga teha zaa 86.97 a ni a, hei hi chhiarpui hnuhnung ber 2001 behchhana chhutchhuah a ni a, Buddhist sakhaw zuitute hian pahnihna dinhmun hauhin Mizoram mipui awmg zawng zawng atanga tehna za 7.93 chu he sakhaw zawmtu hi an ni a, Hindu sakhaw zawmtu hi 3.55% an ni bawk. Kum riat liam ta khan Mizoramah Buddhist sakhaw zawmtu hi 70,494 lai an awm a, mipui pun zel dan atanga chhut chuan Buddhist sakhaw zawmtu hi Mizoramah hian nuai chuang fe awm tawh tura ngaih an ni.Kum 2009 chhung hian Mizoram mipui awm zat hian 10,96,622 a tlin hman beisei a ni tawh a, kum sawm dan zelah chhiarpui neih a ni a, kum 2011 khian chhiarpui neih leh chauh tur a ni a, mipui punna hi a tlahniam tial tial niin a lang a.Mizoram Synod chuan Mizo-te chu inthlahpun chak a ngai niin tun hnai khan ‘campaign’ an nei a, Bible pawhin fa tam tak nei turin mihringte chu Pathianin a siam a ni tih lam hawi zawngin tunah hian hma an la mek a, fa neih tam beihpui thlak turin Mizoram Presbyterian Hmeichhe khawmpui, Vairengtea neite chuan thu an ‘pass’ a, kohhran lian ber Presbyterian kohhran pawhin birth control hi Pathian thu nen a inkalh tiin fa neih tam ‘campaign’ an nei mek bawk.Chhiarpui hmasa zawk 1991 leh chhiarpui hnuhnung ber 2001 inkara Mizoram mipui punna chu zaa 28.8 a ni a, chhiar pui hmasa kum sawm inkar 19811991 aiin chhiarpui hnuhnung bera 1981-1991-a mipui punna aiin zaa 10.9 laiin a tlem tawh a, mipui punna a tlahniam tial tial a. Mizoram mipui hian India populationah zaa 0.09 chauh kan tling pha a ni. (Courtesy Evening Post)

Vol XIV Issue No. 13

v

v

v

Bangalore Mizo Association Pathianni Tin Chhuak Chanchinbu

MNF, MPC leh MDF tangkawpin M.P. (Lok Sabha) thlanna neih tura an candidate Dr. H. Lallungmuana chuan Zirtawpni khan Returning Officer, Aizawl Bawrhsap hnenah hming a pe. MP chuh tur hian INC candidate CL Ruala’n hming a lo pe tawh a ni. Kumin July ni 18-26 inkar chhung a China a Sanghai khawpui a Girls under 18 Asia Cup khelh tur a India team a tel turin Lalrothuami Mamit leh Ramhmangaihzuali Lunglei te thlan an ni a, an 2 hian Hockey Academy Thenzawl a training nei lai an ni.He Asia Cup khelh tur atana inbuatsaih nan tun thla ni 25May ni 5 thleng Lucknow ah Coaching Camp buatsaih ani.Hetihlai hian, Sports & Youth Services a Coach Grade I C.Lalremsanga chu kum 2010 commonwealth games neih tur a Indian Archery team Coach atan thlan ani bawk. (Courtesy AIR Aizawl) HSLC Result a chhuak ta. Mizoram Board of School Education chairman Laldawngliana chuan, kumin HSLC result chu nikum lam phak lo deuh mahse a tha thawkhat nia an hriat thu a sawi a. Amaherawh chu, literacy percentage-a 88.49% vel nia inchhal Mizoram ang, lehkhathiam ram niawm tak kan nih laiin India ram state dangah pass percentage 75/80 te a nih laiin 60 kan pelh tawk tawk chauh mai chu tan lak a ngai a tih thu a sawi a. Nikum lama zirlai naupangte hmer tel loh theih loha nawrh huaihawt tam lutuk chu kumin result hniam deuh chhanah pawh sawi tel theih nia a lan thu sawiin MBSE chairman chuan, "School leh a pawnlama strike tam lutuk pawh kha kan tihchhiat phah deuh em ni chu kan ti," a ti.Kumin February thlaa High School Leaving Certificate Examination (HSLC) result chhuakah hian a pumpuia pass percentage chu 60.46 per cent a ni a, nikum pass percentage pha lo hretin nikum khan a pumpuiin 62.40 per cent an pass a ni.

8. B Lalrinpuias/oBL Parkunga 446 D E,Mz,M,SS,Sc Home Mission School, Aizawl KC Zalena s/o Kc Lalduhsanga 446 D E,Mz,M,SS,Sc Home Mission School, Aizawl 9. Begam Sakina Ferdousid/o A Mateen 445 D E,Hn,M,SS,Sc,IT St. John’s Higher Secondary School, Kolasib Joydeep Deys/o Jaharlal Dey 445 D E,Hn,M,SS,Sc 10. Jitendra Kumars/o JD Prasad 443 D E, Hn,M,SS,Sc,IT St. Paul’s Higher Secondary School

v

TOP TEN 1. PB Lalnunsanga s/o PB Laltanpuia 466 D E,Mz,M,SS,Sc,IT St. Paul’s Higher Secondary School 2. David Ngursangpuias/o KC Lalremruata 460 D E,Mz,M,SS,Sc,IT St. Paul’s Higher Secondary School 3. Lalbiakimas/o Zosangliana 457 D E,Mz,M,SS,Sc,IT 4. Anu Simond/o Cyriac Simon 451 D E,Hn,M,SS,Sc,IT St. Paul’s Higher Secondary School

ü

5. Nipa Chakrabortyd/o NR Chakraborty 449 D E,Hn,M,SS,Sc,IT St. Paul’s Higher Secondary School Rani Sharmad/o BD Sharma 449 D E,Hn,M,SS,Sc,IT St. Paul’s Higher Secondary School 6. Devika Singhd/o KB Singh 448 D E,Hn,M,SS,Sc,IT St. Paul’s Higher Secondary School

7. Lalthanzuala s/o Laltlanmawia 447 D E,Mz,M,SS,Sc Home Mission School, Aizawl

Mizoram lei hnuaiah oil leh gas a awm leh awm loh zawngtu ONGC leh Indian Oil Company chuan Hortoki vel ram sq.km. 5,340 huam chhunga oil & gas an zawnna turah geological investigation,geochemical investigation leh geophysical survey an zo tawh a, lei chhungril thuk zawk verh tumin tan an la mek a, hemi atan hian khawl ton 40-60 vel zeta rit lakluh a ngaih dawn avangin kawng (lamlian) tha leh lian metre 10-a zau a ngai a, Kawnpui leh Hortoki inkar, Meidum leh Hortoki inkar emaw Pangbalkawn leh Hortoki inkar emaw anmahni sensoa siam turin tan an la mek.Aizawl atanga Hnahthial sq.km.3,213-a zau leh Hnahthial atanga Saiha sq.km. 3,619-a zau lei chhungrilah oil a awm em tih zawn hna chu Oil India Ltd., Shiv Vani Exploration Ltd. leh Russia company Suntera -ten an thawk bawk a, Asian Oilfield Services Ltd. leh Geophysical Institute of Israel-te nen thawkhoin Canada siam khawl changkang tak hmangin tunah hian geophysical survey an nei mek bawk. Hnahthial atanga Saiha Block-ah hian Reliance Energy Ltd., Reliance Natural Resources Ltd., Naftogaz (Russia) leh Geopetrol International (France) ten thawkin Naftogaz hi a tha thawhtu ber (main operator) a ni a, tunah hian Lunglei lamah hmun khuarin hna thawhna tur (infrastructure) an lakhawm mek a ni. Thu dawn chuan heng India ram leh ram dang company pakua nen hian Mizoram sawrkar chuan inremna thuthlung (Deed of Agreement) kum 8 atan an ziak a, tunah hian Mizoram zauzawng zatve aia tam mahah oil leh gas zawn hna an thawk mek a, heng Mizoram chhunga oil leh gas zawn hna thawktute hian oil leh gas an hmuh chuan nakina hlawkna lo la awm tur beiseiin an thawk a, senso an intum a, Mizoram leh central sawrkarin sum leh pai a seng lo a ni a ti.

LAWRKHAWM

G Gurukrupad/o G Gurusubramanian 451 D E,Hn,M,SS,Sc Mount Carmel School, Aizawl

Lisa Pauld/o B Paul 448 D E,Hn,M,Sc,SS,IT St. Paul’s Hingher Secondary School

Date: 29th March 2009

ü

US President Barack Obama chuan al-Qaeda beih dan tur ruahmanna a siam a, hei hi nimin khan puang chhuak tura ngaih a ni nghe nghe.Al-Qaeda beih dan tur ruahmanna hi US leh a thurualpuiten ni 60 zet hma an lo lak tawh dan an thlirlet hnua lo chhuak a ni a; Afghanistan leh Pakistan-a alQaeda hmunte tihchhiatna tur leh sipai training petu (military trainer) 4000 thawnluh belhna turte a tel a ni.Obama hian ram pahnihte hnenah military trainer 17,000 pek belh a nih tur thu a lo sawi tawh a, 4000-a belhchhah leh a la tum a ni. Military trainer bakah hian Afghanistan-ah civilian leh development worker 100 chuang fe thawn luh belh a ni dawn niin US administration official pathum chuan an sawi."A chiang a, a felfai bawk a, hlawhtling thei pawh a ni. A tum ber chu Afghanistan leh Pakistan-a firfiak pawl al-Qaeda ho hmunpui tihchhiat a ni," tiin official chuan a sawi. Thlaleh April 28 khian Bob Dylan-a album thar Together Though Life chu release a ni dawn a, hla thar French director Oliver Dahan (La Vie En Rose)-a phuah ‘Life Is Hard,’ tih pawh a tel nghe nghe ang. He album hi Bob Dylan-a album 46-na tur a ni dawn a, khawvel ram hrang hrangah hralh kal

Vol XIV Issue No. 13

Bangalore Mizo Association Pathianni Tin Chhuak Chanchinbu

leh hle tura beisei a ni. 2006 khan Platinum album Modern Times hlawhchhuakin Billboard Top 200-ah a lang phak a, a hlate chu khawvel ram hrang hrang 22-ah top 5 a luah phak vek a ni. Modern Times hi copy maktaduai 2.5 zet a hralh hem mai a, khawvela album hralh hnem ber zinga lang phak a ni. 1997-a a siam Time Out Of Mind pawh khan Platinum kaiin Grammy Awards a dawng a, Album Of The Year a ni phak hial. A hnua a tihchhuah ‘Love and Theft’ chuan Grammy nominations a hmu zui leh bawk a ni.Album hit tak tak a tichhuak chho reng a, 2001 khan Wonder Boys film-a mi ‘Things Have Changed,’ tichhuakin Chronicles chu 2004 khan New York Times Best Seller List-ah a tel bawk. 2005 khan No Direction Home siamin thawm a nei chho reng a ni. Dylan hi American hnam nunphung leh music lama a thawhhlawk em avangin nikum khan pecial Pulitzer Prize award hlan a ni a, 1997 khan Kennedy Center Honors hlan a ni tawh bawk. 1990 khan French Commandeur des Arts et des Lettres dawngin 2000 khan Sweden’s Polar Music Awarda dawng bawk a ni. A album tharah hian Beyond Here Lies Nothin, Life Is Hard, My Wife’s Hometown, Forgetful Heart, Shake Shake Mama, I Feel A Change Coming On, It’s All Good te chu tel tur leh hit tura beisei an ni.

Date: 29th March 2009

thalote i nei em? Tun darkar ngeiah hian tawngtaiin han dil la Isua Kristaah i rinna chu nghat tawp mai rawh."Kristaa rinna nghattu te'n pianphung chindan thalote bawihah an tang ngailo. Chung an thil chin thalote chu bawihah an siam zawk thin." Isua Kristaa rinna nghah tawpna hian thilmak danglam tak a siam thei a ni. A ni chuan, "I sual zawng zawng a ngaidam duh che a, I natna zawng zawng a tidam duh che a ni." Sam 103:3-5

Enge an sawi ??? BMA, BMCF etc. chanchin hriatin lung a leng duh hle mai. 199293 vel lai ai chuan changkhang ta khawp.. BMA Aw pawh kar tin ka lo enziah ania, tang zel rawh u.. Jubilee duhsakna ka hlan e. By : Rina Hauhnar, Aizawl.

BMA AW Editorial Board Member thar tur te chu heng mi te hi an ni Editor : Thaarie Hnamte Joint Editor : Madawnga Hauhnar Circulation Managers :R.Lalremruata,Amos Lalremtluanga, Blessy Sailo & Sawmtei Khawlhring te an ni. Anni hian April – June BMA AW an enkawl ang.

DR.AIT Zaipawl – Kar hmasa Inkhawm An zaithiam ngei mai!!!

BMA Silver Jubilee Musicians

Hahaha!!! (Hriselna Huang)

INSAWIZAWINA (exercise): Pathianin mihringte a siam hian awm mai mai tur leh tuiek ral mai mai turin min duh lo. Eden huanah pawh khan hnathawk turin a ti anih kha. Sam 31:24 chuan, "Chak takin awm rawh u," a ti. Motor pawh hi khawih che miah lo leh hman miah lova a din reng chuan a tuiek vek mai dawn a ni. Chutiang bawk chuan kan taksa hi kan sawizawi loh chuan a awm thei a ni. Nitin minit 20—30 vel hi tih ziah theih chuan a tha hle ang. Exercise hi ruh chakna, lung hrisel, cancer veng leh zunthlum tan te a tangkai em em a ni. Hriselna tha nei tur chuan, kan taksain insawizawi mamawh ang bawkin kan rilru leh thlarau nun hian sawizawi an mamawh a ni. Kan taksa kan sawizawi loh reng chuan zawi zawiin natna hrang hrangin min tlakbuak thei, motor khawl khawih chet ngai loh hman tlakloh ang maiin kan awm thei a ni. Chutiang bawkin kan thlarau nun hi nitin kan sawizawi reng loh chuan zawi zawiin kan boralna kawng kan zawh reng a ni. Pathian hnen atanga thlarau leh tisa hriselna dawng turin rinna a ngai. Tihdanglam i duh em em thil chin

Editor: Thaarie Hnamte – (Mb) 9886145877 Jt.Editor:Isaac Chawngthu (Mb) 9986137633 Cir.Managers: Jenny Pachuau & Vanlalchhuani Email:[email protected] / www.bangaloremizo.info I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Silver Jubilee chu khawnge kan sapa tal teh ang, term a tawp trep tawh bawk a – Tv. R-a Zualte, T-shirt hmapuar hi i lo uar ve a, I tunlai reuh hle mai ! Jubilee ah I ha dun ang aw!!! - Pu Josiah ( T-shirt hma puar) BMA in kum 25 na kan han thleng meuh hi zawng kan tleirawl thrat lai zeih zawih kha ka hrechhuak vung vung mai alawm – Pi Nutei Silver Jubilee chu lamthiam lam tan hun te min hawnsak dawn em? – Tv.Notea ( BMA dancer) Nia, lam na hun hi awm se ka ti ngawt mai keipoh, ka tleirawl laia Michael Jackson hla Black or White a ka lam nasat theih zia kha ka ngai thin – Nl.Blessy

BMA Committee nuam ka tihna chhan chu Chaw hi kan ei nghal ziah a, BMA Committee member nih reng hi ka duh – Tv.C-a (Bangalore tlangval luck) QUOTE OF THE WEEK The weak can never forgive. Forgiveness is the attribute of the strong

BMCF INKHAWM Hruaitu Tantu Thawhlawm hlan Thusawitu Special Number

PROGRAMME DATE: 05.04.2009 : Pu Rinchamliana : Dr.Lalhmingmuana Sailo : Tawngtairual : Pu Josiah L.Ralte : Nl.Chuauzikpuii