Bma Aw: 25th March 2007

BMA CHANCHINBU PATHIANNI TIN CHHUAK

Vol XII Issue 12 An Official Organ of the Bangalore Mizo Association Dt. 25.03.2007 INTERVIEW ROPUI ( MAHA INTERVIEW… ) ( UTC Men’s Hostel, Room Number 14 kan thlen chuan kawngka kan han kik a. Phawk hmel fahran hian Tlana a rawn dak a; Burma Towel, Dragon lem inziak hi a veng a. Kawr a ha lova. Glycerine bur te takte hi a kut lehlamin a keng a. A ngaihna hriat loh hmel zetin min melh a.) BMA AW: Hei BMA General Secretary term hnihna chelhtu, i tlangval lai ngeia rawn kawm che tumin kan rawn thawk chhuak a. Tlana : E khai, in va tiropuiin ka va zam deuh em! Lo leng lut r’u ( a room hnawk nuaih chu a han thian fai zung zung a, chair bana kekawrte a dung zawnga tial a lo zar te chu a hnawl kiang sawk sawk a ). [A room chhung chu kan han thlir thuak a. Khum lu zawnah chaun Thermocol Sheet hlai tak hi a intar a. He thil phekah hian choak hmul a inthiat nual a. Badge chi hrang hrang hi a tar chuai bawk a. Bookshelf hmun awl laia thlalak intar chuan mit a la hle a. Tlana leh nula pakhat fet ang reng deuh.. biang innawt chiala thlalak a ni a. Tin, bookshelf chung lamah hian Tlangval fel trophy a inhung bawk a, chu chu khumbeu a khumtir bawk a. A khum hnuai han en thuak chuan football boot bal berh tak te, cricket bat tawng fe leh mahalacto sweet funna a lo let deuh nuaih a. Tin, thermocol bawk kha han en chian chuan uluk taka ‘biakbiangnovi’tih inziak hi pin mawi hmangin a lo inkilh bet bawk a]. BMA AW: Hei hun duhthawh a na a, zan lamah hmun hla takah i leng thin tih Gate-a security duty ho sawn an lo sawi mek bawk a, hun rei hmanglovin kan tin leh thuai ang a. Mission Road lamah i hrang zing viau e an tia... Tlana: (a nui hak hak a) E, in thlahrung lutuk lo ula. Ni e,ka assignment buaipui hian ka vak chhuak thin a, library te an neih that avangin Mission Road lam saw tunlai chu ka pan zing ang reng a… . BMA AW: Anih tak chu. Hei i thlalak tar hi a va hmuhnawm ve le. Hmana UTC cricket tournament in neih tum a, cricket ball i head-butt a Damdawi In i luh hial tuma phili tak nula kha chu a va ang ta lo em! Tlana: ( nui deuh ruh ruh chungin..) BMA chungchang enge min sawipui duh in neih a … ? BMA AW: I computer hman thinah password mite tih ang thovin i dah ve thin a ni awm a, nang pawhin i hman lai hi ‘biaknovi’tih a ni deuh kher em tih kan hre chak a ni? Tlana: In tawrh hlelhawm riau mai, engtinnge maw chung thleng thlenga in lo hriat theih ni… . BMA AW: Awle, hei BD i zo chu a ni ta mai a. Mite chuan an zir an zawhin an khua an pan vang vang thin a. Nang erawhchu la cham ban i tum niin kan lo hria a, enge i future plan tlangpui min hrilh thei em? Tlana: Hman deuh atang khan ka rilrua ka thil thlir dan a inthlak nasa viau a. Minu pawl thiltum leh hnathawh hi ka hlutsak thar ang reng a. Gender issue hi ka man thar ve ta riau a. Full time-a thawh ka chak thar deuh thut a, kawng remchang inhawng te ka melh pah ang chu ka ti a. BMA AW: A nih tak chu. A va ropui dawn ve. I thian tha zualte hian July 29 hi Tlana turning point a ni e an ti leh thin a, kan hrethiam ve chiah lova, enge maw thleng le? Thesis tha tak i lo ziak a ni lo maw? Tlana: Nangni inni bawk a, thiantha thil inhrilh chu a pawi lovang chu maw. B’novi nen kan intawn tan ni a ni a, khami ni khan inbiakna em em pawh kan nei hran lo, a mit sira min han zai ralh khan ka nun a her danglam vek a ni ta ber ang chu. Kha mi ni atang kha chuan min chiah veng veng tawh mai a ( hetia a han sawivel pah hian a mitmeng a dang vek a, Tlana, tunhmaa miten an hriat thin kha a inthlak danglam hneh hle mai) BMA AW: Chu, tihdanglamin i awm tihna a ni ber mai maw? Ani hnathawk a ni a, nang i zirnaah i tul a, BMA lam buaipui a ngai bawk si a. Tlana: Ni ber mai ang chu. A, Sms hi kan hmang rim ang reng a. Tin, mobile hi a ri zing deuhva, a hmel leh mitmeng chu sawiloh, phone-a a aw hriat hi asin nuam, a tak aiin phone-a a awka deh hi a ril zawk daih… Tum khat phei chu ka insum zo lova, “Biakno, min dawlh law law teh… ka’n tih chu maw le. (amah pawh a nuih a za viau a ). BMA AW: ( kan nui deuh tha hlawm a) E a lo nih tak chu, i khur bing nunram a va han hlim dawn ve. A sms leh a awkain a awm tlei hneh hle che a nih dawn chu. Han sawi zawm leh ila, gender issue te kha i han sawichhuak a, a taka lantir hun a awm chek ang a. Tin, inneih thawm te a lo ri ta bawk nen, chhungkua indin dawn a ni a, engnge i inpuahchah dan chiah? Tlana: A, ka ngai awlai khawp asin… educated class ang a chet hi kan thiam a hun a. A tul ang angin thleng sil, hmunphiah, pawnfen suk etc. te pawh kei tha chak zawk chuan ka ti zung zung mai ang chu ka ti, time manangement te hi kan practice a tul alawm le. BA: A nih tak chu le, Pi Nuteiin chaw eiah a sawm tawh lo che maw?

BANGALORE MIZO ASSOCIATION

Editor: Madawnga Hauhnar Newsletter Date Jt Editor: K.Laltlankima Cir. Managers: Lalhriatpuii & Margaret L Fanai Guest Editor; James CVL Thafamkima

KEIMAHNI ** Naktuk tlai lam dar 4:00-ah Pu K Lalrokima te In UTC-ah BMA Executive Meeting neih tur a ni a, Member -ten he Meeting hi ngaipawimawha kal theuh turin kan han inhriattir nawn leh a ni e. Committee kohna hmu lo palh kan awm anih pawhin hei hi kohna-ah ngaih tur a ni e. ** Kan member UTC lama zir mek chuan Valedictory 2007, vawiin hian an hmang a. Nimin lam atang tawh khan hun hlimawm tak hmangin he hun hi an lo tan tawh a. Vawiin hian kan member zingah hengmite hi an Graduate dawn a ni. Tv Laltlankima– BD , Tv Zadingluaia Chinzah - BD, Nl J.Lalvarliani MTh (Communication) leh Rev H Lallianzara - MTh(Women Studies) leh Tv Sangtinuk -MTh (Old Testament) te an ni a. BMA-in kan memberte kan lawmpui tak meuh e. ** BMA AW lamah thu chhuah tur kan van thin riau mai a. Thuziak mi kan neih te khan tan han la leh teh u le. Heti ringawt hi zawngin chhuah tur kan hriat loh luatah thu ho leh belhchian dawllo lutuk te kan inchhiartir dah ange. ** BMCF President Rev Dr F Hrangkhuma chuan phone number a thlak a, a number thar chu – 9986036338 a ni e.

BMCF INKHAWM PROGRAMME 1st April, 2007 Hruaitu : Tv C Lalhriatpuia Tantu : Nl Zomuanpuii Khiangte Thawhlawm Hlantu : Tawngtai Rual Special Item : Nl Kimi Kimi Bawihtlung Thusawitu : Pu H Laltlankima

Vol XII Issue 12 An official organ of the Bangalore Mizo Association

From Our Guest Editor:

Kar hmasa khan kan buai deuh avangin BMA AW print leh Xerox kha Pu Joshua’n min tihsak a. A chungah kan lawm takzet e. Khua a lum chho tan a, lung len a la ziaawm hleithei chuang ta lo tawp mai ! Engtinnge maw ni kan tih dawn ni ? ! Lungleng Association te hi kan han din ve mai dawn em maw ni le. BMA AW enkawltupa lah hi a rawn thlengthla hlei thei lo tlat mai. A sweetheart-i ber lahin chinchang a hre mang bawk si lo… Madawnga koh haw dan tha riau hria te hi kan awm mial em ? Interview chhunzawmna… … … .. Tlana : (A nui hak hak ringawt a)

Dt.25.0 3.0 7

BMA AW

ZORAM LAM CHANCHIN

** Mizoram State Chief Information Commissioner, Pu Robert Hrangdawla chu bang tura vau a ni a, a vautute hian a nunna thlenga a tuar theih tur thu sawiin an vau a ni. Pu Robert Hrangdawla bang tura vau chungchangah hian Police te chuan thubuai an ziak lut tawh a, a vautu man chhuak tur hian thil chhui ngaite an chhui mek a, man erawh chu an la nei lo a ni. Hetih lai hian Mizoram State Information Commission a hna thawktu tur, a nghet lova lak chungchangah dan kalha thil tih awm nia hriaa, heng mite banna tura hma latu, Mizo Students Union (MSU) chuan he invauna chungchangah hian engmah hriat an nei lo tih leh hetianga invau hi an duh lo tih thuchhuah siamin an tarlang. ** Ningani khan Zoram Nationalist Party chuan Aizawl Vanapa Hall-ah General Assembly an hmang. He hunah hian hruaitu thar thlangin President : Lalduhoma, Vice President ah C Vulluaia leh Treasurer atan Andrew Lalherliana-te chu chuhtu awm lova thlan tlin an ni. He hunah hian Lalduhoma chuan thu sawiin, sorkar thar ni lovin Mizoram chuan sorkar kalphung thar a mamawh thu a sawi a. ZNP chuan Pu Brig T Sailova'n bul a lo tan tawh Bairabi Hydel project tuna hluihlawna awm mek hi theihtawp chhuahin tihpuitlin tumin hma a la ang a ti bawk.

** Nilaini zan dar 8 khan PHE Minister Tawnluia chuan PHE Executive Engineer Officeah thuthar lakhawmtute kawmin Greater Aizawl Water Supply Scheme (GAWSS) Phase Tlana : Catherine Zeta Jones hi ang ka ti ber a, ma- II chuan Phase I nena tangkawpin Aizawl khawpuia mi pakhat tan nitin tui tin 5 (lt 75) zel hse, Biaki hi chu a la chung hret a ni. a pe thei tawh dawn tih a sawi. GAWSS Phase II peih fel nan hian vaibelchhe 83 leh BMA AW: Anih leh hei nupui nei turin i inbuatsaih mek nuai 30 vel sen a nih thu Minister hian a sawi bawk. a ni a. Engnge i ‘feel’dan chiah min han hrilh teh ? ** Mizoram Wrestling Assn. buatsaih inchaipui, Nimina Aizawl Lammual-a neihah LamTlana : A, han sawifiah thiam pawh a har khawp mai. A mual khat tlat mipui hmaah LR Bawlliana, Mizo Palian inchai champion chuan amah chang chuan ka phur lutuk awm ngaihna hre lo hi vai chotu, PB Lalnienga, Saitual chu a hneh a, round li-na an beih laiin Nienga hi a hnar a thi Tarzana anga han au riai riai mai te hi ka chak thin a. A tak avangin damdawi lam duty-te thu angin inchai hi tihtawp a ni. Hetihlai hian LR Bawlchang leh inneihni-a Camera face dan turte hi darthla- liana hian point 12 a hmu hman tawh a, Nienga hian point 3 a hmu tawh thung a, inchai lang hmaah hian ka han zir vel thin...aa..suangtuahna chu tihtawp a ni ta a ni. LR Bawlliana hian lawmman, tangkafai cheng sing 4 a hlawh a, PB Lalnienga, Saitual hian cheng sing 2 a hlawh thung a ni. pawh hi a gospel hlei thei lo ve. BMA AW: Anih leh Biaki hian tunge a ang i tih ber ?

BMA AW : Nia, suangtuahna a ril duh ruih ruih ngawt Reality Bites :www.huatawihloh.com (a hua hua chuan in hua a ni mai ! ) ang. Anih leh, nupui i neih dawn vel chungchangah nula lam atangin rikrapna eng eng emaw te I dawng ** BMCF Inkhawma local thin zingah hian thlarau lam tana chak tharna zawnga rawn em ? inkhawm aiin, tihdan phunga neih vang leh thiante hmuh chak vanga inkhawm kan tam Tlana : SMS lam atangin ka dawng nual a, mahse, zawk angem ? thutak khuka han khukpui chi-ah ka ngai lo.

** Thingpui inna no leh tui inna no a paihna hmuna va paih thlap thlap hi a zahthlak kan BMA AW : Inkawmna hun tha tak mai min pek avangin ti hlawm em ni aw ? A paihlohna tura paih leh mahni thutna bula hnutchhiah mai hi a kan lawm takzet a. Kan GS i nihna angin kan han nel zahthlak zawk lo maw ? viau che a, midang kan zawh ngam hauh loh tur ** Inkhawm Hruaituin Inkhawm tantu sawm hmaa inkhawm leh thuhriltu te, mipui lam zawhna te kan zawt che a, i chungah kan lawm tak zet pawh Pathian hnena hlana tawngtaina hman kalphung ang reng deuhva kan ngaih hi a zet e. tul ber em ? Tantu tawngtai hla chham tur tha zawng zawng chhama tawngtai ziah kher (Hei Pu RL Rinawma chungah interview ngaihnawm hi a tul ber em ? tak mai min ziahsak avangin kan lawm tak meuh e.) DAWN TISEI ( Lalpa Isua hi I temchhin ve tawh em ?)

University of Chicago Divinity School chuan kumtin hian 'Baptist Day' an tih mai hi an hmang thin a. Hemi ni an hman apiang hian mithiam tu emaw hi thusawi turin an ruai thin a, Pawna phaitual hnim hring dup maia thu chung leh Lunch ei pahin thusawi an ngaithla thin a. Tum khat chu Baptist Day an hman ni hian Dr. Paul Tillich hi thusawi turin an sawm a. Dr Tillich-a chuan Isua thawhlehna chu thudik nih ngaihna a awmlohzia leh zirtirna dik lo mai mai anih thu te, lehkhabu ziaktu chi hrang hrang leh mifing chi hrang hrang te thusawi atanga lachhuakin a sawi a. Mihring chanchin ziakna-ah hian tumah thih hnua tho leh ta an la awm loh avangin Isua a tho leh tih pawh hi zirtirna dik lo, tan chhan pawh pakhatmah nei lo a nih thu a sawi ta a. Darkar thum dawn a sawi a. A sawi zawh chuan, zawhna nei an awm leh awm loh a han zawt a. Thuhriltu pakhat, kum upat hmel lek lek tawh leh sam kir bap mai, tlawm taka inchei hi a rawn ding chhuak a, a kutah chuan Apple hi a keng a, a Apple ken ei pah chuan, "Doctor Tillich, zawhna mawl te (apple chu a keih a, a thial bap bap a) han zawh che ka duh a. (Apple chu a ei chhunzawm leh a). Lehkhabu I chhiar ang zawng zawng kha ka chhiar ve ngai hauh lova (Apple chu a han keih leh pawk a), tin, Bible-a thu inziak sawifiah nan Greek tawng pakhatmah lah ka thiam ve lova, (Apple chu a keih a, a thial a). Niebuhr leh Heidegger..(Apple chu a han keih leh a, a thial a, a eizo ta a). Ka zawh duh tak zawk che chu, " Tuna Apple ka ei chiah kha, a thlum nge a thur ? " a ti ta a. Dr. Tillich-a chu a han ngawi vang vang a, chutah, " Apple kha ka temchhin ve hauh loh avangin ka hre lo tawp mai", tiin a chhang ta a. Thuhriltu chuan a Apple eina laimu chu lehkha-a hlawm nawk nawk pahin, " Ka Lalpa pawh hi i la temchhin ve lo a ni tiraw" a ti ta a. Nang Lalpa Isua hi I temchhin ve tawh em le ? Sam 34:8 ah chuan “Aw Lalpa thatzia chu temchhin teh reng u; Amaha rinna nghat mi chu a eng a thawl e”tih a inziak a ni.