Bma Aw: 21st October 2007

BMA AW An Official Organ of The Bangalore Mizo Association

Registered Under Societies Act of Karnataka No.BLU-S188-2007-08 Date 7 May 2007

Vol XII Issue No. 42

Bangalore Mizo Association Pathianni Tin Chhuak Chanchinbu

Date: 21st October 2007

Phek Khatna

BMCF REVIVAL CAMPING HLAWHTLING THAWKHAT Kumin chhung atana BMCF project lian ber pakhat, revival camping chu Pathian hruaina leh awmpuina hnuaiah Ecumenical Christian Centre, Whitefield ah ni 18 atanga nei tanin, ni 20 chawhnu khan alo tiak leh ta reng mai. Rilrua huphurh ang reng tak, chak ang reng tak bawk si in he camping hi kan thlir theuh ani ber a. Pathianin Speaker Upa Ngurthantluanga min pe a, amarawh chu ani hi Mizoram atang daiha lo kal tur ani a, camp neih hun tur chawlhkar alo thleng a, Aizawl lamah lah chuan khua a that mumal theih loh avangin flight cancel a awm reng bawk si. Rilru a vak thui hmanin, BMCF hruaitu te leh Camping Sub-Committee te pawhin, speaker alo thlen theih loh tak thutin tiin a ai lo awh tur te pawh ruahmanna te an nei ru deuh rauh rauh tawh a. Mahse e, ka unau (teng deuhin chhiar tur), a hun alo thlen meuh chuan, khawchin leh nauchin siamtun ruahmanna alo nei sa thlap a, ni 17 dar 2:00pm a rik meuh chuan “kan rawn thlawk chhuak thei e” tih tho ani kan hriat ni. Kan Speaker te hi kan camp director Rev.K.Sapthanga ten Airport ah hmuakin zan dar 12 rik tep khan UTC an rawn thleng fel . Camp buatsaih anih dawna dawn tisei tak pakhat chu ‘campers’tur chungchang kha a ni a, thahnem ngai taka kan tawngtai chung pawh khan rin a harsa deuh nge thahnemngai tak bawkin kan puan zut kha tiraw. Mahse a hun alo thlen meuh chuan kan beisei aia tam campers Pathianin min hruaikhawmsak anih kha. Campers zawng zawng hi 184 niin, mipa 91 leh hmeichhia 65 leh naupang 27 lai a nih chu. Camp hun chhung hi a reilo viau na in Pathian hnathawh alangin campers ten kan mamawhna zawn ah theuh Pathian pawlna kan changtlang niin alang a, kan speaker te pawn thahnem an ngaiin an hah hle ani. Sawi tawh ang khan he camp ah hian tunlaia He camp buatsaihtu Sub-Committee leh chanvo Pathianin Mizoram dung leh vanga a hman em hrang hrang changtu ten an hna an tlinin, a theih em mai, Kneeling Ministry-a an speaker Upa Campers zawng zawng -184 chin chin ah chuan ruahmanna leh camp kalphung - 91 pawh a fel thawkhat hle mai. Heng chanvo hrang Ngurthantluanga, Upa Lallianmawia Team Mipa Hmeichhia - 65 nei tu leh changtu te hi a hah pawh an hah fu mai. Director leh Pu R.Lalremruata Team Secretary Naupang - 27 Camp neih chhung zawng hian harsatna engmah te hman an ni a. A hunchhung hi a rei loh em avangin duhthawh taka hman ani a, kan speaker nei lovin hun kan hmang thei a, hei hi Pathian min leh a rawngbawlpui te pawh an hah hle a ni. Kan hruiaina vang chauh ani e. Lawmthu I sawi ang u. Speaker thusawi hi a ngaihnawmin a fiah thei kalh kalh hle mai a. LCD Projector hmangin thusawi tlangpui tihlan ani zel lehnghal a. Kan speaker bakah team director Upa Kan Speaker in enge a sawi? Lallianmawia’n Music tha leh tha lo chungchang a sawi bawk a, rilru a hneh hle. Kan rawngbawltu te hian Questionnaire te Khawvelah hian mi chi li kana wm a, chungte chusemin chung atang te chuan campers te dinhmun leh mamawh 1) Nun ning, thih chak te hria in awmze nei takin rawng an bawl a. Hemi bakah hian a 2) Nun thlahlel thih ngam lo haranpa in, a duh apiang te tan zawhna zawh theihna turin 3) Nun ning, thih hlau “Zawhna Bawm” hun ani bawk a. Hun a chep avangin heng 4) Nung ngam, thih pawh hlau lo. zawhna te hi duhthusama chhan vek nilo mahse, a theih chin ah chuan fiah taka chhan an ni hlawm a. Hei hian camp boruak A khawi ber ah hian nge I awm ve le? Han en vang pawh a siam fu niin a lang.

vang la, han kawk chat teh le.

Tuntum camp ah hian mi chi hrang hrang, naupang, nula leh tlangval, nu leh pa, zirlai, hnathawk, pastor te leh pastor nupui te an lut hlawm a. Thenkhat chu rinna kawnga thui tak lo kal tawh leh Pathian rawngbawltu Pathianin a hman mek te niin, thenkhat chu rinna kawng la zawh chhin ngai lo leh ho ve tak tak te kan ni hlawm bawk a. A mak khawp mai, kan mamawhna zawn zelah hian Pathianin min lo pawl mai a ni, camp lut zawng zawng te hian inhlantharna neiin he camp hi kan chhuahsan hlawm a ni.

Vawiin BMCF Inkhawm Programme Hruaitu: Dr. F. Hrangkhuma, Tantu: Tv. B.Zodinpuia, Thawhlawm Hlantu: Pi Malsawmdawngliani, Thuchah: Upa C. Ngurthantluanga, Special Item: Campers Karleh Pathianni (28.10.’07) Hruaitu: Rev. Dr. K. Sapthanga Fellowship leh Sharing hun hman ani ang.

Vol XII Issue No. 42

Bangalore Mizo Association Pathianni Tin Chhuak Chanchinbu

Date: 21st October 2007

Phek Hnihna

Hebrai Tlangval Pali te Ang Khan… Editor C.Lalhmachhuana, UTC, Ph- 9845330822, Joint Editor Thaarie Hnamte Vasanth Nagar, Ph. 9886145877 Circulation Staffs: David Laldanfela, Lalhmachhuani Vanlalhluni E-mail: [email protected] Website: www.bangaloremizo.info A Man Thla Khatah : Rs. 15/-

Editorial…

Hun engemawchen atanga kan lo thlir leh nghahhlelh ni bawk, BMCF Revival Camping chu zawhfel alo ni leh ta reng mai. Hetah hian Bangalore-a awm thalai nun tuihal engemawzat ten Pathian pawl tharna leh piantharna te kan chang hlawm a, a lawmawm takzet ani. Hetianga camp han neih hian, a lut ve lo ten camp chhuak te hi engtin tin emaw a lo chhaih a, han fiam vel hi nuam kan tih zawng ani fo mai a. Chu ai chuan rilru leh thinlung tihtakzetin lo lawmpui ila, chu chuan nasa takin an mahni pawh a pui ngei ang. Thenkhat phei chu camp chhuak piangthar hlim te fiah tum leh tihtluk tuma lo hmanhlel reng reng te pawh kana wm fo bawk. Chutih lai in “engchen tak daih ang maw” ti a lo inkhap, lo inkhap tawk lah bo lo. Hetiang thil hi kan sim vang vang a tha ngawt mai. Midangte lawmna leh hlimna te tawmpuia lawmpuithiam apiang te hi mi nihlawh leh mi vannei ber te an ni.

Khawi hmunah pawh awmin chengin khawsa ila, suahsualna leh nawmsipbawlna chi hrang hrang hian engtiklai mahin min kiansanin emaw kan lak atanga banphak leh khawihphak lovah emaw an awm daih thei lo. Chung sualna leh nawmsip bawlna te nena kan inhnimhnaih dan leh kan inkar hlat zawng erawh a inang vek kher lovang. Khawvela kan awm chhung hian heng sualna chi hrang hrang te hian min chenchilhin kan inchiahpiah reng dawn tlat, a chhan chu khawvelin a ken tel an ni tlat. Mahse chung sualna chi hrang hrang leh nawmsip bawlna chi hrang hrang te chuan kan nunah awmzia a neih leh neih lovah erawh chuan thu kan nei ve thung. Zu tui ber ber chi in tur leh sa chi tin reng duh tawka ei tur, nula hmeltha tak tak leh no nalh tak tak, rimawi tum thiam ber berte, tunlai hun ang chu nise lirthei changkang ber ber leh chhuak thar ber berte pawh duh tawka hmana han lenkualna tur a awm ang, chutiang ang ‘enjoy’ thei dinhmunah chuan Daniela te thian pali kha an awm a. Heng hebrai tlangval pali te hi ram rethei zawk leh ram buai, ei leh in tur pawh tha rai lo leh hrehawm tak atanga lo kal an ni lehnghal. Sal atana hruai leh man nimahse, an mikhualna ramah hian an lo duatin, heng ei tur tha tha leh tuihnai leh nawmchenna tinrengte hi an lo hluiin, an duh chuan nuam taka khawsa thei dinhmunah an ding hlawm a. Mahse heng tlangval pali te hian hetiang ang dinhmuna an han din pawh hian an ‘principle’ an vawng tlat nia. An chhungte emaw, an thian dang te emaw, an vengte emaw an mahni hmutu leh han inthlahrunna tur em em pawh a awm chuang lo. An ‘thutlukna’ (principle)-ah an chiangin, eng ang nawmchenna leh hlimna mahin zu han tiche eih lova mawle. Mak ve tak chu an ni. Heng hebrai tlangval pali te ang bawk hian tupawh mai hi kan awmna hmun leh kan khawsakna hmun azir hian sualna leh nawmchenna chi hrang hrang hian kan phak tawk leh kan dinhmun a zir theuh hian min kawm tlangnel leh min hmelhriat tum hian min vil reng a. Chutihlai vek chuan an ni ang tho hian kan ‘thutlukna’ (principle)-ah kan awm erawh chuan heng ang sualna te leh khawvel thil te hian min hnehin emaw min tibuai ngai lovang. Duh leh kan bulah mai pawh rawn kalin emaw, min rawn nawk min rawn nawk rawh se. Engahmah ka ngaih lova, alam ka hawi miau loh chuan hnehtu ka ni mai ani. Tuma hmuhphak lovah, keimah lo chu ka thil tih lai hmutu leh hretu an awm lohna hmun pawh aniang, thutlukna nghet ka siam tlat tawh chuan, kha ka thutlukna anga ka awm kha a ngai tlat. Chubakah aruka min thlira min enzui rengtu, thil tha tinrenga min vurtu leh ka kawng zawng zawnga min vengtu, kawng dik ka zawh theihna tura chhia leh tha hriatna min petu ala awm bawk. Camp-a ka luh avang emaw, piantharna ani emaw, siamtharna ani emaw ka chan vang pawh nichuanglovin ‘kristian’ ka nih avanga ‘kristiante awmdan’ anga awm tur ka nih avang zawkin ka nun ka uluk a ngai tlat. Ka awmna hmun leh ka thil tawn azir ang zel in ka nun leh hun ka hmang thiang tlat lo. He thil hi kristianna ah chauh lo pawh khawvel thila hlawhtlinna kawngah pawh hian ala pawimawh hlei hlei lehnghal. Zirlai ka nih chuan ‘zirlaite awmdan’tur anga ka awm lohva, ka duh ang anga ka khawsaka ka awm chuan ka zirna ah ka hlawhtling hauh lovang. Chutiang zelin kan thiltihna apiangah, ka dinhmun leh thiltihina min phut anga ka hun ka hman loh chuan ka hlawhtling thei ngai lovang. Kan tunlai khawvelah hian mi tam tak, nunze nghet leh fumfe pawh nei em em chuang lo, an bula mite awmdan leh an awmna hmun ang apianga awm ve thei mai, hmuh tur an tam mai. Hetiang mite hi eng kawngah mah mi hlawhtling an ni thei ngai lo. Hebrai tlangval pali te anga nunze nghet nei ‘kristian’ hi, kohhran, ram leh khawtlangin a mamawh takzet zet ani.

Vol XII Issue No. 42

Bangalore Mizo Association Pathianni Tin Chhuak Chanchinbu

Cha nc hin Tha rlâm KEIMAHNI… ¦ BMA ziaktu lian, kan G.S. Pu K.Laltlankima pawh engemawchen an veng lamah a thangbo hnuin dam takin Bangalore alo thleng leh ta. Mahse Bangalore alo thlen rual rual hian hun reilo te ah helai hmun an chhuahsan tawh tur thu kan hre tlat mai, ui beh dan ngaihtuah vat vat chi ani. Hetih lai vek hian a thiannu Pi Lalbiakliani pawh a thau ve telh telh tih thu kan dawng bawk. Engvanga thau ni maw!! ¦ Nizan khan Grace Home-ah camping follow-up programme ang reng deuh, inpawlhona leh Pathian faka zai hona hun hlimawmtak hman ani. UTC lam atangin Rev. Lalhmingchuanga Jongte leh Pu K.Laltlankima ten an hmanpui a, an hlim hle a ni awm e. MIZORAM LAM… Central YMA President atan Pu JH Zoremthanga, Vaivakawn thlan nawn leh a ni… Kum 2009 thlenga Central YMA President atan Pu JH Zoremthanga, Vaivakawn chu vote tla zawng zawng 1772-a 1688 hmu in thlan nawn leh a ni. West Phailenga YMA General Conference neih mekah kum 2 chhung atana YMA Office Bearers turte thlanna hi, Returning Officer Pu C. Zoramliana, Central YMA General Secretary ni lai kaihhruaia nimin khan neih a ni a. Hruaitu thlanthar dang te chu Vice President atan Pu Lalchungnunga, Ramhlun ‘N’ (1073/1799), General Secretary atan Asst. Secretary nilai Pu Lalruatkima (1667/1763), Assistant Secretary atan Pu Lalbiakzuala, Khatla (666/1751), Treasurer atan Pu Vanlalrema Rokhum, Zemabawk (1291/1678) thlan nawn leh a ni a, Finance Secretary thar tur chu Pu R. Lalngheta, S Hlimen (864/1602) a ni thung. Central YMA OB thlanna-ah hian Candidate 12 an awma, heng zing atang hian mitha 6 Kohhran Upa thlana thlan chhuah tawp an ni. He khawmpui ah hian Rorel Palai 1,022 an tel a, rorel langsar zual te chu, nakkuma YMA kumpuan atan Ruihhlo Do tih thlan nawn leh a ni, hemi bakah hian nakuma Central YMA Budget atan cheng nuai 79 sing 2 sang 5 leh 100 ruahman a ni bawk. He rorelna-ah hian nakkuma YMA Gen Conference neih leh nan Serchhip thlan a ni a, kum khata dana YMA Gen Conference hi neih tawh nise tih rawtna chu hnawlin tuna kal dan phung pangngai anga kal zel remtih a ni. (Mizoserver) Mizoramah CBI Team kohluh an ni Vairengte Naupang bo an chhui mek… Kum 2002 tawp lama Vairengtea Mizo Naupang, Shillongthanga (11) S/o Chhungrothanga Vairengte Counter Insurgency & Juncle Welfare School(CIJWS)-a thawk Col.Kulwan Singha'n a hruaibo chhui turin Central Bureau Investigation (CBI) chuan Mizoram an rawn lut ta. CBI Team

Date: 21st October 2007

Phek Thumna

member pathum awmna DSP Prakash Chand kaihhruai hi Thawhtanni October 15 khan Kolasib SP office ah document leh paper pawimawh chinfel ngai an chingfel a, nimin khan Vairengte ah kalin thuhretu hrang hrang an ko nghal ani. Shillongthanga hi Col.Kulwan Singh chuan Chandigarh a anu leh pa hnena awm tur angin a chhungte chu hrilhin a hruai ta a, chuta tang chuan a chin hriat lovin a bo ta vang vang ani.Hemi hnu hian Police ah report ani a.Guwahati High Court ah zualko hial ani ta a. High Court chuan case register turin Mizoram sorkar a rawn hriattir a,Vairengte Police Station ah Case No.15/06 Date 4/3/06 ziahluh ani a,chhui zui nghal ani.Mizoram Police te chuan he naupang bo hi nasa takin an chhui a,Chandigarh thlengin an chhui nghe nghe a,sipai officer anih avang leh inter state anih avangin chhui pawh a harsa hle ani.Hemi avang hian Police te chuan Mizoram sorkara Home Department ah CBI chhui turin dil ani a,Home Department chuan May 10,2007 khan chhuitir turin nofication a chhuah ani. (Mizoserver) LalRoutmoi-in Pasal Nei Dawn… Aizawl lama BMA Aw correspondent rintlak tak hnen atangin Rengkai nula mizo pa tam tak te rilru luahtu Lalruotmoi chuan pasal a nei dawn hnai tih thu kan dawng. A hun leh ni leh darkar erawh puanzar ala ni rih lo. A pasal tur hi Mizoram Presbyterian Pastor tanglai, tuna Saiha lama bial enkawl mek Rev. Rammawipuia a ni awm e. Naupang Magazine buatsaih, Lemziak leh Thawnthu Inphuahsiak lawmman sem a ni… Thla kip chhuak, Kristian Naupang Magazine buatsaih, naupangte tana Lemziak leh Thawnthu Inphuahsiak, Intihsiakna Hlimawm tia vuaha tithate hnenah zirtawpni kal ta khan lawmman sem a ni a, lawmman hi Synod Literature & Publication Board Editor, Rev. Vanlalzuata'n a sem a ni. He Intihsiaknaah hian lemziak 407 leh thawnthu phuah 176 thehluh a ni a. Intihsiaka telte hi naupang kum 8 atanga kum 17 inkar an ni ber a, an vaiin mi 578 an ni. (Mizoserver)

Mizorama nitin chanchinbu chhuak kan neih zat hi I hre taw hem. Aizawl - 29, Lunglei-10, Champhai-5, Saiha-7, Serchhip-6, Kolasib-5, Mamit-1, Thenzawl-2 leh Hnahthial- 3 te an ni. Mizoram pum pui ah nitin chanchinbu Sorkara inziak lut (Registered) 68 kan nei anih chu. Hei hi Mizoram Press Information Bureau in a tarlan dan ani.

Vol XII Issue No. 42

Bangalore Mizo Association Pathianni Tin Chhuak Chanchinbu

LAWRKHAWM Naupianghlim Serh Pahnih Nei… Tunkar kalta nilaithawhtan/ninga ni mai khan Jaipur private hospital pakhatah mipa naupang serh pahnih nei a piang a. A serh pangngai chungah chiah khan bonus alo awm tel anih chu. Hetiang nausen serh pahnih neia piang hi tunhnai khawvel medical history-ah, khawvel pum ah mi 100 an awm a, chung zinga pathum te chu India rama piang an ni awm e. Tunhnai maiah tho khan New Delhi Lady Hardinge Hospital ah hetiang naupiang hi a awm bawk. Tangkai phian ang. (PTI) Nausen Thla 11 Mi Chhar… Niminpiah (Zirtawp) mai khan Victoria Hospital, Bangalore-a Out Patient Department (inentirna hmun)-ah hmeichhe nausen thla 11 mi nurse duty ten an chhar. He nausen hi khawsik leh hritlang na angreng takin a lo awm lehnghal a, helai hmunah hian entir tura rawn kalpuiin, a rawn kalpuitu te hian an hnutchhiah ta mai ni ngei tur ani. A rang thei ang berin Hospital thuneitu ten tlawmngai pawl pakhat BOSCO an hriattir nghal a, an ni hian Brindavan Nursing Home ah enkawl turin nausen hi an kalpui nghal. He tlawmngai pawl te hian tun thla chhung ringawtin hetianga nausen neitu awm lova kalsan ringawt hi pali an chhanchhuak tawh ani. (TNN) First Lady Nih Ai Chuan… French President Nicolas Sarcozy leh a nupui Cecelia Sarcozy te inthen thu kan hre awm e. An ni pahnih hi nuthlawi leh pathlawi innei an ni a. Tunhnai maia chanchinbu in Cecelia Sarcozy a interview na ah chuan, First Lady nih a ninzia leh reilo te chhung mah nise hrehawm a tihzia a sawi mauh mai. Smart tak leh zahawm taka inchei reng a nin thu te leh an pa nena an inkar inhmangaihna leh inngainatna a awm loh thu te a sawiin, 2005 mai pawh khan hmangaih dang nei a, chu a hmangaih nena New York lama an khawsak thu te pawh a zep hauh lo. Politics leh modeling a inpersan deuh ani ang e. An intha then ve tawp mai ani awm e. (AGENCIES) Dalai Lama Chawimawi Vangin China Thinrim… Kum 72 mi, kum 1959 atanga a pianna China ram chhuahsan a, China ram leh khua leh tui tena an huat rawn Dalai Lama, US chawimawina sang, Congressional Golden Medal hlan anih avangin China a thinrim hle mai. Tun ninga ni a he chawimawina hlan anih veleh khan China Sorkar chuan Beijing hmuna US Ambassador awmlai rang takin a ko nghal a. He chawimawina an hlan avanga he ram pahnih inkar chhe hlauh thei anih thu te leh US chu China Sorkar chhungkaw inrelbawlna a inrawlh ah puhin, a thawidamna kawng a rang thei ang bera ngaihtuah turin a phut ani. (PTI) BMA Office Bearers: President General Secretary Treasurer Sports Secretary

: Pu K Lalrokima : Pu K Laltlankima : Nl. Blessy Sailo : Tv. Joar Panzela

Date: 21st October 2007

Phek Li-na

Drogba Chelsea Chhuahsan Duh… Duh Leh Lo… A pu Mourinho-a hnung zui ve a chak deuh nge, France Football Magazine-in an interview na ah, Chelsea chhuahsan a duh thu leh Chelsea chhungkua ah keh a awm thu te sawiin achhang vel. A hnu lawk nimin mai khan a thil lo sawi a a inchhir thu leh engtiklai pawha Chelsea tana rinawm taka a awm tur thu leh 100% support a manager leh team mate te a pek tur thu a sawi leh lawi si. He Ivory Coast Striker hi 2004-a Mourinho-an Olympique Marseille atanga 24 million pounds ($49.06 million)-a a lei kha ani a. Chelsea tan hian Premier League goal 43 a khung tawh a ni.

Marion Jones ‘Queen of the track’ ti hiala khawvelin hming lem alo vuah sak tawh. A thil tih apiang ‘news’ni nghal zel. Mahse vawiin ni ah chuan ‘bumtu’leh thil mawilo leh dik lo tak ti a lar ta zawk ‘Marion Jones’belchiang thawi thuak teh ang. October ni 12, 1975 ah Marion leh Goerge Jones te inkarah lo piangin, kum hnih mi lek anih lain a pa hian boral sanin, a pa thih atanga kum 3 ah a nu hian pasal dang nei lehin, kum 7 hnu ah a pahrawn hian a boralsan leh a, hetiang hian hun harsa leh khirh takah a hun a hmang chhovin enkawltu mumal awm lovin, amah kaihruai thei tu tur kawng tinrenga dap nimahse a hmu lo ani tih nemngheh nan akoki veil amah mittui lem (tattooed) a siam nghe2 a. Kum 1996 Olympic a rawn her chhuah meuh erawh chuan khawvel hriat ani tan a, 1998 ah pathlawi a coach ni bawk CJ Hunter pasalah a nei a, 2002 ah an inthen leh a, hemi kum vek hian a tlanchakpui Tim Montgomery nen inneiin fa 1 an nei a, 2004 ah a pasal hi damdawi a hmang tih hmuhchhuah anih avangin mualpho takin a awm a, an inthen zui thuai a, kumin February ni 24 khan a pathumna atan pasal Obadele Thompson a nei leh a, tunah hetiang hian a pasal pahnihna hnung zuiin infiamna leh damdawi a chawhpawlh avangin mualpho takin a awm leh mek anih hi. A khawngaihthlak reuh!! … chhiar liam mai mai chi… ¦ “Aw Lalpa ka sualna hi min ngaidam ang che, min ngaihdam loh chuan I nêp hle aniang”… . - (Pa Muanan a hria, zawt chiang teh u) ¦ “Bangalore-a reilo te ka awm chhunga hetianga camp chhimtheia ka awm hi ka va lawm em, thlarau lam thil piah lam thleng tlengin hlawkna ka la chharzui lehnghal, Lalmêr” -Dr. Muante-a (eng tak chhar ni maw!!)

¦ “A thlarau lam chaw aim ah chuan kan camp taksa chaw mawlh mai kha ani, theih nisela kar khat chhung tal ni nghe nghe sela, Tv. Madawnga te ei leh in mumal lo ho tan mawlh mai hian a hlawkthlak lehzual tur” - Pu RP-a (kar khat khat camp ila ani hi chu Damdawi In lamah admit a ngai hrim hrim)

Vice President Assistant Secretary Assistant Treasurer Cultural Secretary

: Pu PC Lalduhawma : Tv. Madawnga Hauhnar : Nl. Thaarie Hnamte : Tv. Obeda Lalhuliana