Bma Aw: 18th January 2009

BMA AW An Official Organ of The Bangalore Mizo Association Registered Under Societies Act of Karnataka No.BLU-S188-2007-08 Date 7 May 2007

Vol XIV Issue No. 3

Bangalore Mizo Association Pathianni Tin Chhuak Chanchinbu

Date: 18th January 2009

Thi Hmaks ( Hmanah Bangalore… ) -James CVL Thafamkima KiiT International School, Bhubaneswar. Hmanah Bangalore-a ka awm ve lai chuan (han tihluai ila) ka lung hi an leng thei tek tek khawp a. A chang phei chuan riltam changa kan pum a vilh ang deuh te hian awm bawr velah hian a nat hian a na thei deuh tak takin ka hre thin. Ngaihzawngte lah ban phak maiah an awm ngai si lo. Phone lam atangin kan han bei kual a, Zoram lama haw huna Dina Pi tana mawzalum leina man tura ka dahthat te kha ‘top up’ manah a kalral a, hei, vawiin thlengin mawza lum kan la inhawnsak loh phah ta niin ka hria. Ni e, ‘top up’ vang vek khan Dina Pi-in mawza lum mawi tak a neih loh phah a, Mami te lahin Reebok pheikhawk mawi aiah Xiangzhou puan pheikhawk te an bun phah bawk. Lunglen vang vek. Kan awmna kha sawtah, khawchhung atanga kal fe ngai, ni lo, kal fe pawh a ni lo, a tlana tlan nal nal ngai khawpa fal leh lung tilenga hla a ni a. Network reception kha a chhe em em a, khuma mu chung ngat phei chuan a tihfuh hleihtheih loh va. A tawp chut chut a. Engemaw ti zawng taka kawisawi deuh hleka han mut kawm vel khan, that riau chang erawh a nei a, mahse, mut kawm reng theih ni hek lo, kan han zi mar deuh a, chutah, a han thi leh hmaks a. Lunglenna te, hmangaihna te leh eng eng emaw inpawlh vel vang khan mutthilh mai theih ni ngai hek lo le, a thih hmaks pawn kan han re-dial leh a. A tlang mai thei lova, beih ngat ngat hnuah tuemaw ni hian “ The number you have dialed does not exist. Please check the number and dial again” te min lo ti vel khanglang a. Zaidam hmingthang Vanapa thlah kal zel kan nih lohzia a lo lang tan a. Thin a rim tan. Chutah kan han re-dial leh chiah a, phone a rawn ri tut a ‘check info service’ tih a rawn inziak zuai a, signal a han awm lo hmak mai chu, a thar tha zawk lei leh nghal thei ni ila chuan bang vawm nana hman tak hi a chakawm thin. Insumtheihna te hi thlarau lam rah zawng a ni ngat ang; chuti ni lo se, cellphone za chuang ka hmang chhe tawh anga, ka pachhe lehzual ngawt bawk ang.

khawih hmasa sela ka tikhawp mai a. A atthlak thei thin teh a nia.

Insumtheihna sawi takah chuan CISB-ah khan tlakchham chang ka nei. Tum khat pawh Brigade Road atanga kan haw lamin kan naupang zinga mi Jim khan min cho pek a. British mi a ni a, a chapo phian a, tawngkam a thlahdah bawk si a. Ka sa ngang mai a. Kan inmelh ren rawn a, kei ai chuan a sa a tha zawk a, a hniam hret thung a. Min han

USA President thar Pu Obama Breakfast-ah kan member senior Dr.HT Sangliana chu rawn sawm ve ani. Midang tunge India atrangin sawm an awm em tih erawh hriat a ni rih lo. February 2 ah Hilton Washington ah in report tur a

Hei Bhubaneswar lama ka insawnchhoh tak hnu hian thil hi a danglam nasa ta khawp mai. Ka upat tak deuh sawt thu hi chu tuma tan hriatthiam har lo tur a ni a. Mahse, lunglen nachang te kan hre ta mang hauh lo te leh nula lam pawh ngaihtuah mumal peih lova pillow han hit tap tap mai hi chuan, thil dik lo engemaw tak zawng a awm a ni ngat ta ve ang. Hmanzan pawh ka hawi kual ka hawi kual a, “Naktuk zingah breakfast atan engnge kan ei ang aw,” tih vel mai mai ka ngaihtuah laiin tute emaw mawl deuhvin sms min rawn thawn a, “ zanin chu van eng deuh ve maw le” te an rawn ti a. Thla bial zan chhiar zat zat thin khan thla en leh en loh te pawh kan lo hre mumal meuh tawh lova. Rem leh rem lovin bathlar atangin van lam ka han thlir a, ni e, a lo eng kher lah tak a. Ka phone, ka palai, Orissa khawlum leh thli rovin min nuai hrep lai pawha min phatsan ngai lotu chu kan kheuh hawng a. Bangalore lam thiante hming pawh a ngai ngaiin a lo la awm that hlawm a. Lung pawh a leng tan ruai ruai dawn tihah, battery a down a, vawihnih a rawn tut a, a thi leh ta hmaks a. (Tv.James –a hi Bangalore ah hun rei tak lo awm tawh thin niin, Mizo te tana thahnemngai taka thuziak mi a ni.) OBAMA BREAKFAST AH DR.HT SANGLIANA

(Phek 2-na ah chhunzawm ani)

Vol XIV Issue No. 3

Bangalore Mizo Association Pathianni Tin Chhuak Chanchinbu

Editorial Bangalore ah Mizote kan lo pung ta tial tial a,vanduaithlak tak tak thil te pawh kan tawng ta zauh zauh mai.BMA member nih pawimawhzia te, Voters ID neih ngei a tul zia te kan sawi fo tawh thin,mahse zawm tawk lo kan la kat nuk ni in a lang.Chutiang zelin Mizote hi kan nun dan han zir chian hian dan kengkawh tha em em hnam kan ni in a lang lo.America hi khawvelin a ngaihsanna chhan pakhat nia lang chu mipuite hian an duty an hrechiang a, an freedom leh rights te an hrechiang in a tul hun leh a tul dan anga hmang zel mi an ni.Mizote pawh hian India khua leh tui kan nihna anga kan duty te, freedom leh rights kan neih te hi hrechiang ila, tun aia ram nuam leh changkang kan nei ngei ang.

(Phek 1-na Chhunzawmna) ni a. February 4 chhun dar 12;30-ah International Luncheon an nei ang a. Tlai 6:30-ah Dinner. Tin, February 5 zing 7:30-ah President hova Breakfast neih a ni ang. Chhun dar 12:30-ah Leadership Luncheon neih ani bawk dawn a ni. Heng hun hrang hrangah hian ram 160 atranga sawm kalkhawm hovin interaction - inhmelhriatna leh inkawmhona an nei ang. Pu Sanga hian hetia an rawn sawm ve hi a lawm hle a, Pathian vang chauh ani ati. Kum 40 chhung mahni leh chhungte theihnghilh hial khawp a mipui rawng a lo bawlnate chanchinbu leh TV leh computer lamahte chhiar leh hmuh theihin a awm a. Chung atrang te chuan US Intelligence Agency te pawhin an lo thlir ve thrinin an hre ve nitur ah a ngai a. Google, Yahoo leh TV leh Radio lamahte BBC etc thlengin an recognised ve tawh a. Chungte avang pawh chuan an rawn sawm a nih a rin thu Pu Sanga hian a sawi. A thlenna tur Washington Hilton Hotel ah room an reserved sakna pawh a number nen an rawn hrilh tawh a. VISA pawh kum 10 lai a sei an pe nghal ani. A thlawhna tur ticket-te pawh a fel vek tawh ani. Washington DC etc a Mizo hoten Pu Sangliana hi an lo hmu dawn bawk a. Inkawmnate siamsak an tum a, Pu Sanglaina pawh an chung ah a lawm hle ani. Washington atrangin California-ah, Boston, etc.Tichuan New York leh London, etc ah te a kual pah ang. USA hi a vawi 5 kal na tur ani a, Pu Sangliana pawh a phur hle. BMA AW Editorial Board chuan kan chhuang takzet ani.Duhsakna kan hlan e. . Editor: Thaarie Hnamte – (Mb) 9886145877 Jt.Editor:Isaac Chawngthu (Mb) 9986137633 Cir.Managers: Jenny Pachuau & Vanlalchhuani Email:[email protected]

Date: 18th January 2009

CHHIATTAWK

Tv. Laldingluaia Hualngo (Madinga), Helen Lowry Memorial College a B.Sc (III yr) zirlai, KR Puram, Bangalore -a cheng chu January 15 zan dar 9:30 khan nat lawkna em em pawh awm lovin , a chawei lai thi-a hmuh ani. A ruang hi Bowring Hospital, Shivaji Nagarah dah a ni a. A tuk ah post-mortem/embalming tih a ni, tlai lam dar 6 ah St.Johns Hospital ah BMCF in thlahna hun neiin, January 17, 2009 khan a ruang hi an mahni khaw lam Champhai ah a nau te 2 in an zui hawng.Madinga farnu pahnih te hi Bangalore a awm an ni.Madinga hi hun rei tak Bangalore ah awm tawhin BMA League ah te pawh Shalom Football Club aiawha lo khel tawh thin ani. He chhiattawhna hi BMA chuan pawi a ti takzet ani.Pathianin khawhar chhungte awmpui rawh se.

TUALCHHUNG NEWS Ø

Thla thar February 7 hian MSA Basketball Tournament chu Koramangala ah ropui taka tran ani leh dawn ta a, February 14 ah final khelh ani ang, heta tel duh emaw hrechiang duh te chuan a hmalamin Tv.David Laldanfela emaw Tv.Emmanuel Lawmkima biak theih an ni e.

Ø

BMA Executive Committee chu tun inrinni lo awm tur January 24 khian Pu.Levis Lalsiamliana te in, Kammanahalli ah tlai lam dar 3 ah neih tur ani. Kohna hmu lo palh kan awm anih pawn hei hi kohna ah ngaiin Committee member te kal theuh i tum ang u.

Ø

Hun rei tak Bangalore a lo awm tawh, Pi Sawmpuii te chhungkua chu hna tulna avangin thla thar lo awm tur hian Bangkok lam ah an pem dawn.Bangalore Mizote tana mi thehnemngai tak niin, hetia min pemsan tur hi kan ui hle ani.An kal zelna tur ah duhsakna kan hlan e.

Tunkar changvawn :”Inveng ula, rinnaah chuan ding nghet ula,intihuai ula, chak takin awm rawh u.In tih apiang chu hmangaihnaa tih vek ni rawh se.” – I Korinth 16:13-14 I lo bengvar lehzual nan sms JOIN BloreMizo type la, 567678 ah thawn rawh le. I lo fin deuh deuh nan BMA AW chhiar thin bawk ang che. Thla 3 lak man Rs.50/-

Vol XIV Issue No. 3

Bangalore Mizo Association Pathianni Tin Chhuak Chanchinbu

MIZORAM NEWS v January 14 khan All Mizoram Farmers’ Union (AMFU)in kumin atana an pawl office hawnna inkhawm an neihah he pawl president R. Lalduhawma chuan thusawiin tomato hi 95% vel chu state pawn lam atanga lakluh niin a sawi a. Aizawlah ringawt pawh hian kumtin tomato kg nuai 6 eiral thina chhut a ni, a ti. Mizoram hian kumtim tomato kg nuai 22 vel eiral ziah anga chhut niin tomato chu state pawm lam tanga chawk luh deuh vek a ni.AMFU chuan tomato thianghlim leh damdawi pawlh loh, hriselnain a tawrh loh tura ngaihah Israwl company ARGOS (Agri Project)nena tangduna hmalak an tum niin R. Lalduhawma chuan a sawi

LAWRKHAWM §

Footballer tana mimal chawimawina sâng ber, FIFA World Player of the Year chawimawina chu Cristiano Ronaldo hnenah hlan a ni. Kum 23 mi Manchester United winger hian Thawhtan zan khan Zurich khawpuiah he chawimawina hi a dawng a, Premiership League player zinga he chawimawina sâng dawng hmasa ber a ni.Chawimawi inkhawm chu Zurich Opera House-ah football lama mi pawimawh an kal khawm a, footballer chawimawina hi an sem. Rin lawk ang ngeiin Ronaldo chu khawvela football thiam berah (2008) an thlang ta a, a thlangtute hi FIFA hnuaia national team-a coach leh captain-te an ni hlawm a, an zavaiin ram 155 atangin vote hi an thlak a ni.Ronaldo hian point 935 hmuin a sâng fâl hle mai a, Barcelona-a khel mek Argentina midfielder Lionel Messi (678) chu pahnihna a ni a, pathumna chu Liverpool leh Spain striker Fernando Torres (203) a ni. 2007-a he chawimawina sâng lo dawng tawhtu AC Milan leh Brazil midfielder Kaka chu palina a ni a (183), Barcelona midfielder Xavi Hernandez (155), Liverpool captain Stephen Gerrard (98) leh Barcelona Cameroon striker Samuel Eto’o (58)-te'n an dawt a ni.Chhungkaw harsa ve tak atanga seilian, Lisbon khawpuia inkhel tura an hruai tirh pawha thingtlang mi a nih vanga an nuihzat thin Cristiano chuan, "Hei zet chu ka nuna hun 'special' bik a ni a, a danglam a ni. Ka nu, ka pa, ka farnute leh kan chhungkaw chungah lawmthu ka sawi a, ka thiante chungah ka lawm em em bawk a, ka thiante chu tute nge an nih an inhre mai ang... ka hun tawn pawimawh bik a ni a, ka hun tawn zawng zawnga ka lawmna ber zinga mi a ni a, he hmunah hian engtikah emaw lo kir leh ngei ka beisei a, in zavaia chungah ka lawm e," a ti.(vanglaini.org)

§

Indial Idol 2009 thlanna neih mek ah Tripura nula Sourabhee Debbarma chu top 7 ah a la lang a, amah hi vote ve duh hrim hrim tan sms Sourabhee type a,52525 ah thawn theih ani.

v Mizoram Womens Hockey Association chuan kum-25 a tling dawn ta.Mizoram Womens Hockey Association hi kum 1984 Jan. 20 khan din tan niin hruaitu hmasa berte chu Pi Chalmawii Chaltlang (President) leh Pi Sangliani Tuikhuahtlang (Gen. Secy) te an ni. MWHA din kum leh 1990 inkar khan Pune-ah Hockey khel thiam an tir chhuak a, kum 1992 khan Mizoram chuan Junior National Hockey Champ-ionship a thleng a. Hemi tum hian Mizoram chu Final lutin Bihar-in 3-0 - in an hneh. Ni 20 Jan. 09 hian kum-25 an tlin lawmna Zarkawt Recreation Centre-ah an nei dawn a, he hun hmanpui tur hian Mizorama infiamna pawl hrang hrangte chu an sawm. (Courtesy Evening Post)

v Mizoram mipuite pawisa hman dan zirchiannaah mirethei zawkten zuk leh hmuam an uar tih hmuhchhuah a ni."A Study of Social Consumption Behaviour"-in a hmuhchhuah dan chuan mirethei zawkte hian zuk leh hmuamah pawisa an hmang nasa hle a, mi an pawisa lakluh a pun rual hian zuk leh hmuam ti antlem zel a, pawisa lakluh sang tak takah chuan zuk leh hmuam ti hi an awm mang lo a ni. Hetih lai mihausa ho chuan zuk leh hmuam aiin in lam chi (beverage) an uar tih hmuh chhuah a ni bawk.Mipui pawisa hman dan zirchianna hi James LT Thanga, Mizoram University (MZU) economics department-a thawkin a neih a ni a, July-August, 2007 khan thingtlang leh khawpui hmun hrang hranga chhungkaw 372 te pawisa hman dan a zir a ni. He zirchianna avang hian Mizoram University chuan James LT Thanga hi Ph D a pe a ni. Rokhawlhna avangin Inchhung bungrua – Fridge, Microwave oven, etc. man tlawm taka hralh duh ani a, hrechiang duh tan a hnuaia phone number ah biak theih ani e – Tel : 99725 85676/ 41250814

Date: 18th January 2009

Vol XIV Issue No. 3

Bangalore Mizo Association Pathianni Tin Chhuak Chanchinbu

Date: 18th January 2009

(Hriselna Huang)

§

th

British drama film Slumdog Millionaire chuan 66 Golden Globe Award pali lai a dawng.He film hi Indian Author leh diplomat Vikas Swarup a novel Q & A tih zulzuia siam ani. He film hi Danny Boyle a direct ni in, January 23 hian India ram ah release a ni dawn ani.India ramin music lama kan chhuanvawr AR Rahman chuan he Slumdog Millionaire film atang hian a vawikhatna atan India ram tan Golden Globe Award hi a dawng bawk ani.

Danny Boyle leh a changtute.

AR Rahman

Lawmthu Sawina

Kan fapa Laldingliana Hualngo in vanduaithlak taka Bangalore a min boralsan tak chungchang ah Bangalore Mizote hnenah lawmthu sawisen loh kan ba a, in sum leh hun hlu tak, tha leh zung senga thil tul zawng zawng min lo buaipui sak na ah te, min tawngtaipuina zawng zawng ah lawmthu kan sawi tak meuh meuh ani. Pathianin kan chunga in thatna te hi a let tam takin rul che u rawh se.

THLAI KHA HI AN TANGKAI BIK

Mi thiamte lo hriat tawhna atangin thil kha (bitter) ei theih chi reng reng hian tangkaina an ngah bik. Thlai damdawi an tih (herbal medicine) lamah hian thlai kha chi (class of bitter herbs) an tih ho hi an awm ve a ni. Kei ni Mizote ei zingah chuan changkha, khareuh, samtawk leh samtawkte leh an khapuite pawh an tel ngei ang. Kha hian kan pumpui chhung lama stomach lining an tih, kan chaweite kan pumpuiin a thrial sawm zung zung theihna tura tanpuitu digestive juices an tih hi a chhuah tam tir a ni. Vitamins leh minerals te leh chaw tha kan ei reng reng kan taksain a tangkai puina turin (absorb) a tanpui a ni. Kan chaweia thau awmte hi tha taka thrial sawm (digest) an nih theihna turin, kan mit (gallbladder) atangin bile an tih hi kan rilah a rawn chhuah tam tir a ni. (Bile tel lo chuan kan thau eite hi a digest that theihloh) .Kan thin hnathawh a tichak (stimulates) a ni. Kan thin hnathawh pawimawh tak, kan thil eite atang emaw, kan taksaa thil thalo, tur anga kan taksa tikhawlo thei tur lo thliar hrangtu (detoxify) tu a ni. Pancreas atanga insulin siam chhuak tam turin a tanpui thei bawk. Zunthlum vei tan a pawimawh leh zual. Zunthlum tam tak hian changkha hnah emaw a tak tui hi an sawra an zunthlum enkawl nan an hmang thin. Phillipines ramah phei chuan changkha hnah hi an pho rova thingpuife anga hmangin an in thin.Pumpui chhung lam vun thuah (stomach lining) pan (ulcer) tihdam nan a tangkai an ti bawk. Thlai Kha chi hi lo ei uar deuh thin ang che. (Women’s Ministry,USA)

---------------------------------------------------------------------( Hahaha!!! ) Min tihlimtute pualin…

Lalhluna leh Lalrinthangi Champhai Venglai, Mizoram.

Ngaihtuah peih te tan… “ZO” kan tih hi ! - beethugs2 (misual.com) Tunlai thangthar te hian ZO tih hi kan hmang nasa ta hle mai a. “Saw pa saw a va’n ZO chiang”, kan tih chuan chu pa chu a hmel a tha vak lo nimai lovin kan hmusit tih a entir

Bangalore Mizote zinga mi sek tak tak te…Tute nge an nih hrethei rawh le??? An uang miah lo!!!

QUOTE OF THE WEEK – Joy is prayer - Joy is strength - Joy is love - Joy is a net of love by which you can catch souls. Mother Teresa

tlangpui.Hetia keini Mizo ten a ZO tih hetiang sawi nana kan hmang hi a inhmeh lo riau hian ka hria a. Ka ngai pawimawh ve tlat mai. A ZO vah mai kan han tih te hian, a thing ve hle mai a tih hi a kawk ber bawk. ZO kan tih hian tlawmngai, huaisen, rinawm te hi kawk se a inhmeh deuh zawk lo’ng maw..???? www.bangaloremizo.info Have a wonderful week !

BMCF INKHAWM PROGRAMME DATE: 25.01.2009

Hruaitu: Tv.Madawnga Hauhnar Tantu: Nl.Lalrinmawii Thuhriltu: Pu Levis K Lalsiamliana Thawhlawm Hlan: Pi Zonunmawii Ralte Spl.No: Tv.K.Thanghmingliana