August 9 Bwn

Bungmual Weekly News Website:http://www.bungmualweekly.tk or http://www.bungmual.zogam.net E-mail : bungmual @ Yahoo.com

A publication of Young Paite Association, Bungmual Unit Vol - XXV

SUAH NO - 30

BUNGMUAL HELP LINE TUAMTUAM YPA President: 9862956814 YPA Secretary: 9862020445 V/A Secretary: 9862085913 BYC President: 9436429778



PATHIANNI

Aug. 09, 2009

BUNGMUAL

Enzaw hiai loungal Trophy dang lakzawh neikhang

YPA Hall lamna in masawn mahmah

THU TUAMTUAM

Hongtung uh

= Nu Chingpi (Llv) in hun bangtanhiam Delhi khawlum a va thuak nung in zanhal in damtak in vangkhua hongtung nawnta hi. = Lia Chinghoih (nl) leng a siamsinna Delhi apan vangkhua hongtung hi. = Lia Chingkhovung (Nl) leng a pa (N Thangzamuan) damlouhna tawh kisai in Nurse a sinna mun Down Town Hospital, GS Road Guwahati apan in vangkhua hongtung hi. = Bangladesh parliamentary team te’n Tipaimukh phading uh chih thu om ziak a security pe dia kuan, Ppl Johnson, Ppl Vunglianpau leh Ppl Chinbiaklal te vangkhua hongtung kikta uh.

Tapa nei uh

= Kalpaita sung in Ppl Suanlian Nunthak (slv) te’n a roll no 2 na ding in tapa nei uhi. Tuaban ah, Ppl V R Muang (lv) te’n leng a Rollno 1 na ding in tanu nei uhi.

Delhi zuan in zin nawn

Rev Dr Luaichinthang in Pune a UBS kum 25 chinna hun a va uap zawhnung in vangkhua hongtung in, sawt tawldam manlou in zan in Delhi EBCC ah Upa telding in zinkhe nawn hi. Hibangkalah, Dousuanlal Hsv leng a siamsinna sunzom ding in zanhal in New Delhi zuanin zinkhia hi.

Koppih nei

Silo-am tangval suanhuai mahmah Thangchinlian Langel ( mi tamzaw in C Lian chi a atheih uh) in vok ann lak, vok ann piak leh inn zut, annhuan te chimtak gawpta in, damsung tulpih ding in Zoar veng apan Lia Chingboi ana pitou hiau chih thu kiza hi.

Mi zutdamthei om: Tulai in Nu Ngailianniang (LV) in mi bangzahhiam te a natna uh zutdam sakta hidanin thusuak kingah a, tulai in luun mahmah chi uhi.

Young Paite Association unit tengteng lak a upa penpen Bungmual Unit in YPA Hall ding lamna aneih uh sunzom zel in tuni chiang in masawn mahmah

ahi chih muhtheih in om a, mipite kipak mahmah hi. Tu in hall mailam teng umsuak phial hita a, etlawm mahmah tuan hi. YPA makaite apan thutut

BYC toh kisai kizaksakna

1. BYC in june 2009 sung a Under 16 football tournament a saina ah Super Eagles United (SEU) Bungmual leng team khat a tel ahi a, amau kimawlni hilou ah khawdang tuam tuak kimawlni in, khawdang kimawlte tung ah buaina a bawl ziak un BYC executive committee in ngai poimawh mahmah a BYC executive committee June 28 2009 a om ah kichiamna neisak in SEU phiat/beisak ding chih ahi. Thuchiam hoihtak bawlna pi in, tulel a CDSA in a sailel II&III Division tournament ah SEU tel teitei lai hi. BYC vaihawmna bangmahlou suah a, mu siitak leh adoutu a SEU heutute apan uh BYC in theihsiam haksa sa in mawhpaih hi. Hiai tawh kisai a BYC executive committee meeting date Aug 2 2009, thupukna Resln No 1 dungzui in CDSA saina ah SEU a tel nawnlouh ding uh chih thupukna lak ahi. Huaiziak in kimawl ut naupangte leh nulepate’n leng hiai thute I theihsiam uh lamet ahi. 2. BYC in kimawlna tungtawn a khangthakte hinkhua bawlhoih a tup thupipen ahi gige a, hiai tawh kisai a kimawlna mun (field) puahphat, tournament saizelding, football coaching bawlding, kimawl utte peuhmah teltheihna ding a panlak touh jelding, kimawlna tungtawn a kivaktheihna (nek le tak zonna) tunthei ban ah hauhsaktheihna tanpha tunthei ahi ta a, hiai thilte phawkkawm a panlakna BYC tup le ngim hi gige ahi. Kipumkhatna tuh hatna leh lawhchinna ahi.

- BYC Bungmual

kingahdan in, hall pen a kinlam a zawhsiang tup hi a, huchi hileh mipite’n program tuamtuam hiai hall ah zang theita ding uh chi uhi. Office of the

Baptist Youth Fellowship EVANGELICAL BAPTIST CONVENTIO CHURCH

Bungmual.

THEIHSAKNA LEH NGETNA Pathian in i khua nakpi petmahin ahon vualzawl a, lam tuamtuam ah A honvualzawlna te imuhnung in tuukthei/taithei leng kibehlap nasa mahmah a, huaiziak in tuabang a vualzawlna dongte’ ading ngimna in August 13 2009 (Ningani) zingkal dak 6:30 in Biakinn compound ah Pastor in thumsakna neiding hi. Huai hun ah gari lian leh neu, pei 2 nei apan atunglam tengteng Biakinn campus ah hawllut chiat ding in iki ngen hi. Tuaban ah, Pastor in thumna aneih zawh chiang in BYF makai in gari silsiangna om ding a, huai hun ah gari neite’n atawm atam genlou in BYF phungvuhna ding in i phaldan dan pekhawm leng chi’n theihsakna leh ngetna hon kibawl hi. - M Kamsuanmung Secretary/ BYF Bungmual

Sepna mun zuan nawn Phamsa (Upa) Tangselthang tate Pa Vumnou & Family leh Nengkhansiam te’n a Nu uh omlouhna tawh kisai a i khua ah hun bangtanhiam hun hongzat nung un a sepna mun chiat uh zuan in hon kiksanta uh chih thu kiza hi. Amau ahihleh, Bank officer tuak hi uhi.

CID Report: Lamlian veng ah tulai in ‘ asan chii’ zuak om chi uh. Tuaban ah, Clv/Slv junction lak ah lehkha den deng sek om hi’n gen ua, YPA Bungmual Unit in enkai lel hi.

BEWA NGETNA I khawsung ah soldier (galkap) hunkhop takbang a ki om ta a, a khawlawh uleng ahoh mahmah ta chih di ahi a, kipah huaileng kasa hi. Ki pawlkhawmna, Bungmual Ex Servicemen Welfare Assocaition bang ana kiphutkhia hi. Mihingte apiang peuhmah a si ding a kipang ahi chileng genkhoal lawmlawm ding in ka kigingta kei a, a masa di leh a nunung di bel kigentheilou hi. I sih, I man chiang in ki dahpihna in KIGAALNA bang iki pia uh a ahoih mahmah mai hi. BEWA in leng huai dim ah ngaihtuahna liaulaiu a ana ki phutkhia ahi a, apanglai (on service) hi in, a na tawpta ex servicemen te teng BEWA ah telkim vek ding in kideih mahmah hi. Hiai Association ah kuamah khentuam ngaihlouh tuam om a om kei. Armed forces nuai a te telvek thei hi. Bungmual khawmi ahih naak ua leh. Telim chiat leng chi in deihsakna tawh iki ngen uhi. Sd/- H Ngulsiam Founder, BEWA

Gari thak nei uh Pa Pumkhothang leh Nu Mankhomuan te’n leng sawtlua painailou in Santro car ngou fingfeng khat leikhia uh chih thu kiza hi. Tuabanah, Pa Haugoulian @ Goua Hauzel te’n leng Activa thak velval khat ana leikhe uhi. Nuamzel, BYF te’ gari sawpding pungzel chihna himei.

Electric fee suntheih Sepnawnni (Aug 11) tan in electric fee suntheihnawnta hi. Khateng a pesiau siaute’ tung ah BYC kipak mahmah a, tampi baa a, awlawl a pekhentheite’ tung ah leng BYC kipahna thupi mahmah hi. Sum le pai haksatziak in, a lom apiak sese ngaklouin kha teng in clear tawmtawm nihang. – T Vumzapau i/c Electric fee. BYC.



Pek 2 na BUNGMUAL WEEKLY NEWS



Lianni Parte

Kha teng alak man Rs 10/- chauh

Neihkim

Its a publication of YPA Bungmual Unit

Suanmang

Apa Sum

Delhi ah Bungmual milang sar- te : SSPP Delhi Jt Headquarters makaih in August 1 2009 in freshers meet om a, huai ah eikhua apan lasiam i suan mahmah te’n special no present ziahziah ua tuaban ah milang sar hunkhop leng kilang baan uhi. Delhi ah Bungmual khawmpi 200 bang ki om zouding a, i numei khakkhiakte utawh sim ta zen le hang tampi petmah phading chihna suak hi. Delhi SSPP te’ lak ah Bungmual mi kilang baan hunkhopte’ lak ah anuai a teng chauh i taklang phot ding.

N Paite leh zogamonline.com houlimna Dotna 9. Chidaih le, Zomite lak ah football kimawlna thak ahi kei, Kawlgam leh Vaigam - Mizoram, Manipur, Assam etc ah kimawlna lar mahmah khat ahi. Nidang in individual game khong i kimawl zou keia huaiziaka a mantawm leh mi tampi kimawltheih football khong ei laka lar ahi chih bang na chi ngaih? ## Adikna chiangle omkha in teh! Kei mimal ngaihdan in bel mi tampi kimawl theih mantawm pen chih ziaka ei’ lak a lar ahi kei dia, Football kimawl i chih pen anaknop luat ziaka mi tengteng lunglut uh hi’n ka thei. Dotna 10. Himah e, football kimawl i chih nak noplua hi’n maw! Koi ah bang club min tawh professional match na kimawl masapen a, bang kum, bang position in? ## Ka kimawl masak pen (professional adi’n) ahihleh Assam Regimental Centre Team min a Nowgong (Assam) ah Independent Trophy ahi. Huai match ah BSF, Jalandhar tawh ka kimawl ua, amau 5-0 in a vualzou uhi. Akum ahihleh 1979 ahi. Kei position ahih leh mun poimoh tak LEFT BACK ahi. Dotna 11. A match ringot a gendi’n lah atam law dia, State leh National/International level ah bangzah vei na kimawl kha a? ## Tam mah tham ei, gen sengkei ni. Hilele National Santosh Trophy ah Sagih (7) vei ka na kimawl hi. Adangte ahihleh Duran Cup, DCM Cup, Federation Cup, IFA Shield, Governor’s Gold Cup, Sikkim leh India a tournament lian teng ka kimawl khavek hi. Gamdang team/club tawh le kimawl khakna a om ziakin International level le ahipha thou mai ding. Dotna 12. Na pekkhakna club minte leh tulel a adinmun uh la? ## 1. Assam Regimental Centre Team ah (1978-1999) 2. Eastern Command Team ah (1982-1995) 3. Inter Services Team ah (1982-1998) 4. Army XI Team (All India) ah (1990-1994) 5. Services Team (Indian Army, Air force and Navy tengteng kigawm apan telkhiat tuam) ah (1985-1994) Dotna 13. Thupi mahmah ei! State level hiam Manipur state ai-oh a kimawl khalou maw leh? State team chihte lungluthuai vaklou hia? ## Manipur State team ah kimawl khalou himhim ka hi. State teamte a kimawl lunglut huailou chih zaw omkei, 1983 kum in leng Magalaya state team a kimawl ding in a hon chial ua, suty ka pai utzawk ziak in ka nial hi. Banah, Services team adia selection i ngah chiang in State min a vakimawl ding ahithei nawnkei hi. Dotna 14. Football lamah sepaih lakah ki deihsakna leh ki hazatna khong bang a chi om? ## Football lam thu ah sepaih lakah le kideihsakna a lian mahmah hi, adiakin Nepalite lakah a uang khol diak. Kei ka hihleh ka vangpha a, Pathian panpihna zar in, ka kimawl khakna chiangchiang ah khatvei le substitutes in ka omkha kei himhim hi. Manager-te’n deihsaktuam neih ziak a asiamlou zaw kimawl sak sawma a siamzawte reserve a akoihdek chiang unle, sutzop ding

Chairman: K. Thangdin Editor : K K Valte

DAH HEHNEPNA TUNG A LUNGDAMTHU Ka tapa it tak P Thangthianmuan (25) in a sepaihna panna mun Jammu and Kashmir ah July 2 2009 in tuahsia tuak a, huai ni apan hong khamuan a, hong hehnem a, siluang hong tung dong a hon kithuahpih tengteng tungah kipahthu kon gen uhi. Ka lungkham mangbatna uh hong heh nem, nungak-tangval, nulepate leh kuapeuh tung ah kipahthu kon gen ua, han kilawmtak a hon vuisak YPA Bungmual Unit tung ah leng kipahthu ka puang uhi. Toupa’n ka tung ua na hoihna te uh aleh tampi in hon vualzawl leh chih ka thumna uh ahi. Sd/- P Kamdouhau Hangsing leh a innkuante Bungmual, Zoar veng.

MEIHOL Singtak meihol hoih mahmah bag a Rs. 170/- in a muhtheih gige ding hi. A deihte’n anuai a min kipia kiangah chiklai peuh in a muhtheih ding. Upa L. Chinsuangthang, Zoar Veng

BRTF te’n Police ah report pia I Vengsak ua om BRO/BRTF/GREF/Pioneer te pawl in a vanzat tuamtuam te uh kigumang munlua chi in Police ah FIR pelut ua, tu in Police te’n gutate suizui lel ua, eikhawte khawng ina telkhak leh nuam hetlou ding ahi chih theihsa ahi. Damlou thumpihni Np Chiinzamawi (Hsv) damlou in om thumpih ni hang in, Pa N Thangzamuan Nl leng hoihlam nawtthei tuanlou chih thu om hi. VZP in SUMO XI team dia atelkhiakte - Pa Dr Khankham Captain - Pa Kappu Asst Captain - Pa Khamgin - Pa Thangkhanzam (llv) - Pa Songkhan - Pa Thangzakam (slv) - Pa S Thangkhansuan - Pa Mangtungnung - Pa Sapchhawn - Pa J Thangzaliand - Pa Ruata (Angel place) Substitute: Pa Chinzakham, Pa N Ginsianlal, Pa Ginchinpau, Pa Khenmung, Pa Chinnou, Ppl Johson, Ppl K K Valte, Tg Velthianlal leh Tg Thangsianmuang

3rd GRADUATION SERVICE Amun: EBCC/Bungmual, Ani: 9th Aug. 2009 Ahun: 1:00 pm hunuk: gouching gelhlut tu: Khamkhanngai Worship: Juvenile Praise Laisiangthou simna leh thumna: Mansuanching Vaidawn thugen: Vice Suptd TBCC Bungmual Spl no: Np Khawkhawl (Ist Batch) Ministry highlight: Co-Ordinator, Living Hope Ministry Certificate hawmkhiakna leh thumsakna: Pastor Asst. Spl no: Graduating students (1) Guiter Class (2) Keyboard Class (3) Vocal classs Short Speech: Instructor/ teacher, Nulepate, a utut Kipahthugenna: Suptd TBCC Hunkhakna:

Saptuam Programme BUNGMUAL EBCC Aug 9 (Nipini) 10:00 am Hunuk:Pastor N Vungzasin Thilpiak lantu: Upa N Thawnzagin Splno: TBYF & Zoan Thugenna: Pastor H Jamkhanpau Hunkhakna: Upa T Langzathang

Khawmpi honna: Pastor N Vungzasin Hunuk: Nu Nemchung Gelhluttu: Nu Thangngaihmang Hunpantu: Nu Thianching Thilpiak lantu: Upa H Chindam Phatna lapawl; TBYF Thugenna: G Khankham Hunkhakna: Pastor S Jamchinpau (Dorcas khawmpi Aug 14-16 sung om ding a, salam leh khalam ah kitaitehna tuamtuam leng neih hiding in kigen hi.)

Nitak Biakna kikhop Hunuk: G Khankham Thilpiak lantu: Upa Dr Paulginthang Special no; TBYF & Zoan Thugenna: Pastor H Jamkhanpau Vualzawlna: Upa V Ginchinpau BYF/BUNGMUAL August 13 2009 (6:30 pm) Hunuk: : Pauthianmuan Bible simkhawmna: Chingzahoih Phatkhawmna: Ginsawnmang, Chiinlalven leh Suanchinkhup Spl no: Suanvung Thugenna : Upa V Ginchinpau Hunkhakna: Thugentu Dorcas fellowship/Bungmual 14 August 2009 TUALSUNG DORCAS KHAWMPI

Daniel thumna Pitu: Upa Dr Paulginthang

BCD devotion pitu 6:30 AM: Manthianching 9:15 am: H Khupsuanlal Bethany EBCC Aug 9 2009: 10 am Nipi sukl pitu: Suptd Sinsaktu: Upa Dr N Tualkhankham Nitak biakna program (Tualsung Mission committee program)

HOULIMNA ZAAK GUK Mungli (HSV): Ka phone a message company lamte honkhak khat hong lut chiang a makhai ki cut geihgeih mawk, heh huai lawtel. Ni khat a 2 vei honglut gige zawmah. Khamlal (LNV): Huai bang a hou lawvoi. A message sim dah lechin himai eivoi. VZP (LNV): Hilou inchin, a message amau lehkhak kik lechin hong ki behlap nawn di eivoi.

Joint Editor : S. Muandoulian Ngaihte Asst Editors : S. Paukhanmuan & Pauthianmuang

Cir. Manager : Kaizamang