4. O Naturalismo
1. Introdución O Naturalismo é unha corrente literaria que busca imitar a realidade. Flaubert coincide con el no tempo, xa que se desenvolve entre 1860 e 1885 (en 1884 pubícase À rebours de Huysmans, que xa introduce elementos fantásticos). 2. E. Zola (1840 – 1902) É o grande mestre do Naturalismo e o autor máis influínte dentro deste movemento. Ademais, nas súas obras reflíctese a súa militancia política. 1.1. Obra
a) Rougon-Macquant: describe o ambiente social e os problemas da época, pretendendo explorar a sociedade e os seus antagonismos (coma a “Comédie Humaine” de Balzac). Reflicte as transformacións sociais da segunda metade do século XIX e o xeito en que os individuos se adaptan ou non a elas. b) Germinal (1885): describe unha folga nunha mina do norte de Francia (malas condicións dos traballadores). c) L’Assomoir (1887): ambiente proletario parisino (costureiras). 1.2. Temas
a) Económicos: condicións da vida e traballo das clases obreiras, conflitos sociais (folgas, represión). b) Desexo de militancia, de reivindicación da mellora das condicións para o proletariado. c) Marxes da sociedade: prostitución (en Nana narra o ascenso dunha prostituta). d) Transformacións sociais, ás que sobrevive o máis forte (Darwin): Grandes cidades. Grandes almacéns (Au bonheur des dames, 1883). Educación. Cultura. Saúde pública. ... 3. Correntes e feitos que inflúen no Naturalismo a) Positivismo, corrente filosófica da primeira metade do século XIX cuxo máximo representante é Auguste Comte (Cours de philosophie positive, 1830 – 1842). Características: Busca estudar as condicións e circunstancias nas que se producen os fenómenos, non as súas causas xerais, polo pretende estudar o real, útil e concreto. Supón unha reacción aos idealismos.
1 Literatura da Segunda/Terceira Lingua I: Francesa 2006/2007 USC
4. O Naturalismo
É moi útil para a Revolución Industrial e os avances científicos do século XIX. Influencia no Naturalismo: o Naturalismo analiza minuciosamente o real, Zola mesmo busca unha sistematización científica. Estuda tamén o determinismo, rexeitando o libre albedrío. b) Progresos da ciencia no século XIX, en especial da Medicina. Destaca o médico francés Claude Bernard (Introdution à la medicine experimental), quen estuda a herdanza xenética e usa o método científico (verificación dos feitos coa experiencia). Influencia no Naturalismo: Personaxes que se colocan en situacións sociais determinadas para estudar a súa reacción. Considérase que o home está determinado por: - A herdanza biolóxica. - O medio social. 4. Características xerais do Naturalismo En relación co anterior, o Naturalismo caracterízase por: a) A preocupación por se documentar sobre o tema que se trata. b) O determinismo en relación ao carácter do individuo. c) A intención de facer análises psicolóxicas (influencia dos avances da Psicoloxía na segunda metade do século XIX) e o interese por temas coma a neurose, a loucura... d) Atender ás clases sociais máis desfavorecidas (Zola ocúpase da clase obreira, Jules et Edmond Goncourt das clases máis marxinadas).
2 Literatura da Segunda/Terceira Lingua I: Francesa 2006/2007 USC