Zawh Poh Leh & Ang Em(aug 09)

Lengzem

. August 2009

• 45

ZAWH POH LEH...! * * * * * * * * * *

BAZARAH rawtuai a tam zawh poh leh ngaw-ah mau a tlem. BAZAR mipui an tam zawh poh leh funte zawrh a awlsam. CONTRACT hna inleichhawn a tam zawh poh leh hna a chhia. KAWTTHLER a fai zawh poh leh mihring veivak an zahawm. LIPSTICK a sen zawh poh leh an tui inna no \awmpui a nuam lo. PICNIC spot a fianrial zawh poh leh sual a zalen. POLICE lal, in sa an tam zawh poh leh ILP check a zing. SCOOTY a tam zawh poh leh neih inang inngaizawng an tam. SORKAR doctor transfer an tam zawh poh leh private hospital an buai. SORKAR hnathawk service rules a mumal loh zawh poh leh Minister tan laina duhsakna remchang a tam.

Ang Em? * * * * * * * * * * * * *

CHENG nuai 100+ senga sak biak-inte hi sex hmanga tibawlhhlawh lo ni palh ta se, dan pangngai anga \hiaha sak \hat a ni ve ang em? COMPUTER Games hmangin inter-departmental intihsiakna siam ni ta se, department aiawhin peon an chhuahtir fur ang em? INKHAWM theih loh aia cell phone neih loh hlau an tam zawk ang em? ‘KAN tih dan pangngai hi la \ha kan ti,’ tia khawmpui thutlp deuh ang em? SYNOD Chiahpuam hi Synod Khawmpui hmain a puak darh ang em? TUAI hi PHERH an nih chuan, Patil hi PHURH an ni ve mai ang em? THIANGHLIMNA zungbun bunte hian an tihlawhtling tak tak ang em? VANLALSAILOVA hian a insawi ang hian handset man tlawm a hmang tak tak ang em?